اشرف ممكن اقول ليك انسان عصبي شوية وعندو ولدو خط احمر وهي دايما بتضرب علي بسبب وبدون سبب وهو بضايق وبمشي يتناقش معاها وطوالي بتقول ليهو اطلع من البيت وهسي حتقول ليهو اطلع من البيت وعيونك م تشوف الا النور
قلتا ليها يعني انتي دسبنو منها مرضي عشان م ترفضني ؟ قالت لي بالضبط يا اسلام ، قالت لي اشرف عقد عليك سريع لانو تقريبا مسكت راس الخيط
وعرفت انك داخلة عملية اشرف حاول يلملم الموضوع ودسا منها مرضك وفي نفس الوقت دسا منك حالتها م داير يزعل وحدة فيكم
قلتا ليها من كتر ما الحالة العند امك دي غريبة انا م قادرة اصدقها قالت لي ماف زول صدقنا ولا في زول حيصدقنا لانو ماف زول عايش مع امي زينا ، نحن الوحيدين العارفين امي بتعمل شنو قلتا ليها حقيقة كدا م ح اقول شي غير ربنا يشفيها والله قال لي عليك الله دعواتك ليها طوالي
بس صدقيني يا اسلام ح اقول ليك م تظلمي اشرف اطلاقا ، والله اشرف بحبك والله انتي م عارفة بليل لمن يجي ويحكي لينا عنك انا وعلي والله مرات ببكي بقول لينا دي اول مرة انا احب في حياتي ، كان بقول لينا اول مرة اختار وم اندم على اختياري ، وكان دايما خايف من ردة فعلك لمن يجي اليوم دا
قاطع كلامنا اشرف وقال لي علي ممكن تمشي مع عمتو برا عايز اتكلم مع ماما شوية ، علي مع انو رفض كم مرة بس اقنعتو يطلع يقعد برا هسي انا بجيهو
اول م طلعو وقفل باب الغرفة قال لي انا عايز احكي ليك ، قبل م يبدا كلامو حضنتو شديد ، حضنتو وبديت ابكي قال لي شكلها رباب حكت ليك اي شي ، قلتا ليهو انا بحبك واسفة على اي شي عملتو الصباح اسفة على اي شي ، قال لي خلاص خلاص .. معليشش خلاص م تبكي خلاص ، المهم انك عرفتي انا عملتا دا كلو لي والمهم كمان انو عرفتي اني بحبك وم عرستك عشان تربي ولدي
وقال لي في حاجة لو قلتها ليك حتفرحي شديد قلتا ليهو اها

قال لي ايثار اتبرعت ليك برحمها .....♥️
قلتا ليهو ايثار مالها؟ قال لي اتبرعت ليك برحمها ، والعمل العملية احمد وقال هي طلبت منو ماف زول يعرف
انا وراني امس وكنت عايز اوريك بس انتي م اديتيني فرصة
قلتا ليهو احمد كان عايز يوريني انا متذكرة قال لي اسلام عايز اقول ليك حاجة بس انا قلتا ليهو م قتو يا احمد
قلتا ليهو ايثار عملت كدا ليه قال لي دي حاجة بتعرفها هي، قلتا ليهو ايثار يا اشرف قال لي ربنا يرحمها ويغفر ليها ادعي ليها بس ، حقيقي يا اسلام ايثار دي الحب عمى على عيونها بس صدقيني هي انسانة كويسة شديد حتى في اخر لحظة بتحاول تثبت ليك حبها ليك
قلتا ليهو وانا كمان بحبها والله
طلعت مع اشرف قال لي ورح ارجعك بيتكم واتكلم مع عم ازهري قلتا ليهو متأكد ابوي حيسمعك؟
قال لي مع انو م متأكد بس ورح
لمن جينا طالعين لقيت علي بعاين لي شديد ، قلتا ليهو اسوقو معي يا اشرف ، اشرف عاين بذهول وقال لي متأكدة ؟ قلتا ليهو شديد كمان
علي قال لي شيليني اشرف قال ليهو ماما عيانة عندها جرحة في بطنها م حتقدر تشيلك ..
بدا يبكي ويضم يدينو ويعمل حركات عسسل قعدتا اضحك وقلتا ليهو ممكن يادكتور اشرف اشيل علي؟؟
قال لي وجرحك؟ قلتا ليهو م بحصل لي شي ، فعلا شيلتو وكان مبسوط ركبنا العربية
وكان بهظر وبلعب شديد انا سرحتا بعيد وبديت افكر

اول حاجة كنتا ندمانة شديد على ردة فعلي العملتها ، والحركات العملتها م ظريفة اطلاقا ، قلتا انا حاسة اعتذاري دا م كافي

" انا من بعد الموقف الحصل لي دا بقيت بقيت بعدها حذرة في كل ردات فعلي بقيت افهم المواضيع واعرف الحاصل حتى بعداكلو في حاجة تستدعي الانفعال بنفعل "
وصلنا البيت ، اول م وصلنا وفتحنا الباب ابوي استقبلنا ب الكواركيك بعد مسافة حتى لاحظو لي الطفل الانا شايلاهو ، امي قالت لي بس م تقولي الطفل دا قاطعتها وقلتا ليهو دا ولدنا يا امي
قالت لي ولد منو ؟ قلتا ليها انا واشرف امي قالت لي من متين ؟ حسيت انو امي دي اتصدمت جيت وقعدتا جمبها وناديت اشرف وقلتا لي انا ح افهمكم اي شي امي قالت لي انتي يا اسلام م تكوني جنيتي بس قلتا ليها امي البجنني شنو قالت لي سبحان مغير الاحوال يابتي هسي كنتي طالبة الطلاق وتقومي وتقعدي وم دايرة اشرف بعد ساعتين رايك يتغير انا كنت بعاين ل ابوي لانو كان ساكت شديد
فبديت احكي ليهم اي شي حصل وكان اشرف بساعدني في الكلام يعني كان بحكي معي
وحكيت ليهم برضو قصة تبرع ايثار لي بسرحمها انا م ح اقول ليكم ولا ح اوصف ليكم كمية الفرح الكان في عيون امي وابوي
، وبدو يدعوا ويترحمو عليها

اهلي م من النوع المتعقد داك ولا بحبو يتتطاولو في المواضيع
ابوي قال لي ح اسألو سؤالين
انت حاسة روحك انك مبسوطة ؟
بعد الحصل دا كلو انتي حاسة نفسك انك راضية ؟
قلتا ليهو كل الرضا والله يا ابوي كل الرضا
قال لي خلاص ربنا يسعدكم يارب

*#بعد_مرور_شهرين*
اتعافيت تماما من الكانسر ، وزرعو لي رحم ايثار
حقيقي بعد م زرعوا لي رحم ايثار انا بقيت دايما بحس انو ايثار معي دايما بتذكرها في اي وقت واي ساعة واي دقيقة بحس انو هي جمبي وم فارقتني لحظة ، انا مبسوطة شديد م عشان بقى عندي رحم وممكن اولد ، وممكن وممكن لا ابدا والله
انا مبسوطة لانو ايثار خلت لي حاجة منها م مشت ساي
انا واشرف عملنا ليها مزيرة قدام بيتهم دي ب اعتبارها صدقة ليها
م كان بعدي اسبوع علي والا امشي ازورها حقيقية كدا فقد ايثار فقد عظيم

--------🫂❤️
بعد م خلاص العرس اتحدد بعد شهر
بدينا انا واشرف نعيش في تفاصيل عرسنا مشينا جبنا الدبلة وبديت اشتري ف الشيلة ونجيب حاجتنا ونكمل في عفش بيتنا
تقريبا ملابسي كلها من اختيار اشرف رفضت رفض تام انو يمشي مع اي انسان تاني غير اشرف
مع انو دي لا من العادات ولا من التقاليد بس حبيت نعيش اي لحظة برانا وكنا دايما بنوثق اي لحظة بفيديو او صورة
ومرات بنسوق معانا علي

🫂❤️---------

عوض ربنا دايما بجي بعد التعب ، بعد الحزن وبعد الاحساس بالظلم ، وبعد المجهود وبعد الصبر ، بعد الدعاء وبعد الابتلاء ، بعد كل احساس كان تقيل على النفس ، عوض ربنا بجي عشان ينسيك الفات
انا دايما بحس بي فرحة كبيرة شديد كل م اتذكر انو ربنا عوضني ورزقني ب اشرف ، عوضني عن كل شي سئ كان في حياتي عوضني عن كل دمعة نزلت مني ، عوضني عن كمية الزعل والوجع الحسيت بيهو لمن اتخذلت من اقرب الناس لي
ربنا جاب لي انسان عوضني عن كل لحظة سيئة كانت في حياتي ، فعشان كدا انا دايما بقول للناس مهما مريت بفترات سيئة في حياتك اتذكر دايما انو عوض ربنا قريب اتذكر دايما انو ربنا حيكون معاك الجملة دي كفيلة تخلي اي زول مطمئن ، وم تشيل هم ♥️

قاطع تفكيري مكالمة من اشرف ، رديت وقلتا ليهو والله ود حلال 😂♥️
هسي كنت بفكر فيك ، قال لي اها احكي لي ، كنتي بتفكري في شنو قلتا ليهو ولا شي بس بفكر قال فيي شنوو؟؟
قلتا ليهو في انو ربنا عوضني بيك قال لي انتي عارفة انو انا بحبك شديد 🫀♥️ خلااص هانت وكم اسبوع بس ونكون سوا وتحت سقف واحد ياعمري ..
قلتا ليهو وانا منتظرة اليوم دا بشدة والله ♥️ قال لي عشان شنو ؟؟ قلتا ليهو اشرف ممكن تبطل تقل ادبك لاني ح اقفل فيك الخط ..

النصيحة المفروض انك تخليها دايما في جيبك ..

*اختارو تعيشوا مع ناس حنينة ، لينة القلب عشان تعرفوا تعاشروهم ♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️♥️*
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#انثى_من_رحم_الوجع 《14》*
*#بقلم_سلوان_عبدالهادي🕊♥️*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00♥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قلتا اشرف ممكن تبطل تقل ادبك لاني ح اقفل فيك الخط بجد ؟ قال لي لي عملت ليك شنو قدر دا ؟ قلتا ليهو انا م بحب الكلام دا قال لي انا هسي قلتا شنو عشان تقولي لي م بحب الكلام دا قلتا ليها م عارفة وم تتكلم معي يلا يلا انا عايزة انوم فعلا قفلتا الخط وقلبي بدا يضرب شديد ، مسكتا حضنتا علي مسافة بعد نمت ..
صحيت الصباح ، صبحت على الجنة والوجيه وكنت بتظارف معاهم ابوي قال اسبوعين ولا اقل حتمشي وتخلي البيت دا ، صعبة علينا شديد يا اسلام يعني بتنا العاشت معانا 21 سنة بعد اسلوعين تاني م حتكون موجودة معانا ، امي قالت ليهو يا ازهري دي سنة الحياة كدا ، هسي ولا بعدين مصيرها تخلي اهلها وتمشي لي زوحها ، انا برضو عملت كدا خليت اهلي وسكنت معاك ، امي عاين ليها مسافة وقال ليها انتي بتتكلمي كدا ليه وضحي لي ، امي لوت خشمها قلتا ليهم خلاص عايزين تتشبكو ، انا م دايرة اي اشتباك لو سمحتو يعنيي ، ابوي مسك يدي وباسها لي ، قال لي كنتي خيرر الابنة والله ، عمرك م عارضتيني في شي ، عمري م سمعت منك لا يا اسلام ، هي سنة الحياة والبت مصيرها تفارق اهلها وتمشي بس انا بالنسبة لي حارة شديد ، م قادر ، م قادر اصحى يوم الصباح م القاك في غرفتك ، قال لي ح اشتاق ليك شديد والله يا اسلام ، وانا المهم عندي فالحياة دي انك تكوني مبسوطة انا كلامو اثرني شديد يعني انا كمان صعب علي افارقهم ، يعني م بقدر على حاجة زي دي
قمت من جمبهم ومشيت لبست عبايتي لاني اصلا ماشة ازور اهل ايثار لاني طولت منهم
فعلا وريت ناس امي وطلعت خلاص ، عايزة اركب المواصلات كدا اشوف واحد بشبه كرم واقف مع بت هناك جمب شجرة م قادرة اشوف البت، بعد مسافة قلتا يا اسلام اكيد بتهيأ ليك مستحيل تكون يكون دا كرم ، كرم البجيبو حلتنا شنو وقفت المواصلات وركبت ، المواصلات جات بجمبهم عاينت مرة وعاينت المرة التانية عشان اتأكد ، دا كرم فعلا ، ودي منار ، منار التومة ياربي بعملوا في شنو هنا ، وخلاص الافكار بقت تدور في راسي شديد لحدي م وصلت بيت ناس ايثار وانا تاسي يودي ويجيب
نزلت من المواصلا ودخلت بيت ناس ايثار ، لقيت ام ايثار قاعدة في الحوش ، سلمت علي شديد وبدت تبكي ، خالتو دي بعد وفاة ايثار كل م تشوفني كانت تبكي ، بتقول لي سبحان الله من كتر ما انتو اصحاب انتي شايلة منها وهي شايلة منك ، حتى كانت بتقول لي ريحتها فيك
سألتها من بناتها التانياات وين قال لي كلهم مشو الجامعة وحتى ابوها مشا الشغل قاعدة براي فالبيت ، زمان زي الوقت تلقيني قاعدة معاها ونتونس ، حتى مرات بتخلي الجامعة وتقعد لمن تلقاني براي ، ربنا يغفر ليها ايثار
بدون اي مقدمات قلتا ليها ياخالتو قالت لي نعم قلتا ليها عمركم م سألتو لي ايثار دي انتحرت ؟
لي م حاولتو تسألو ولا اي شي
قالت لي نحنا م حاولنا نسأل لانو عارفين انتحرت لي ، اول حاجة اختها امل دي قالت سمعتها بتتكلم بالتلفون مع واحد وبتقول ليهو م تخليني وم عارفة يعني امور البنات دي ، قلتا ليها هي سمعتها متين اصلا ، قالت قبل يوم من ما تشرب الصبغة

انا الصبغة جبتها دايرة ارسم بيها فجأة كدا اختفت يومين بفتش فيها قلتا ليها سبحان الله يعني ايثار عندها فكرة الانتخار دي من بدري
قالت لي والله يا اسلام ، انا بقول ربنا يغفر ليها
مشكلتي انا في اخر فترة كنت بعيدة منها شديد ، م هي بس منهم كلهم بناتي كان دايما بجي وبقعد معاهم في غرفتهم وبتفقد احوالهم ، بس في اخر اسبوع انا م عارفة اصلا اللهاني شنو ، بقيت حتى م بدخل غرفتهم دي الا وانا دايرة حاجة
قالت لي كنت دايما صريحة مع بناتي شديد وبقول ليهم م تحبو ، م تدخلو في علاقات مع اولاد بالسر دي حاجات بتغضب ربنا اول حاجة
وتاني حاجة بعدين لو حصلت اي شي حتعيشي اتضطرابات مع نفسك حتموتي وتحيي وتموتي تاني ودا كلو براك من غير ما اختك تعرف ، من غير م امك تعرف
الحاجات البتكون بالسر دي دايما بتكون مؤلمة عشان كدا انا كنت دايما بوصيهم
وسبحان الله اكتر انسانة كانت بتستمع لي ، وبحس انها بالجد حتسمع كلامي كانت هي
كانت بعضمة لسانها بتقول لي امي حب شنو يا امي
والله يا اسلام كانت بتقول لي كدا ، انا والله يا اسلام يا بتي م ح اقول الا ما يرضي ربنا والحمدلله م علينا الا ندعي ربنا يغفر ليها العملتو فيها وفينا
قلتا ليها ربنا يغفر ليها بإذن الله 💔

طلعت منها وانا مقهورة وزعلانة وقلتا دا كلو بسبب كرم يعني لحدي اخر لحظة لحدي اخر لحظة كانت بتحنسو عشان م يخليها ، انا والله م قادرة اصدق ، حاسة روحي انا بحلم
وكنت بقول ليه يا ايثار تقتلي نفسك عشان ولد ؟ لي يا ايثار تغضبي ربك عشان ولد؟
انا ماشة والله من الزعل انا م عارفة روحي ماشة وين ، اتصل لي اشرف سلم علي ورديت ليهو قال لي انتي وين، وصوتك مالو متغير ؟ قلتا ليهو اشرف برجع ليك قال لي م تقفلي يا اسلام انا بتفاهم معاك انتي كنتي بتبكي ولا شنو ؟
قلتا ليهو لا قال لي شكلك في الشارع لاني سامع صوت عربات وصفي لي محلك وانا بجيك ، قلتا ليهو اشرف انا عايزة اقعد براي ممكن ؟
سكت مسافة وقال لي تمام لمن تخلصي اتصلي لي
قفلت منو الخط ومشيت ركبت مواصلات قطعتني الكبري مشيت على توتي
يمكن كنت دايرة محل اتنفس فيهو ، قعدت في كرسي في وقعدت اعاين للبحر ، وبفكر
قلتا كيف الانسان ممكن يخسر نفسو عشان انسان ؟
مهما كانت درجة حبي للانسان دا مستحيل انا اقتل نفسي عشانو ابدا ؟ اخسر شبابي ، واخسر اهلي ، واخسر اي حاجة معقولة؟
يعني شنو لو اترفضت من انسان ؟ معقولة انهي حياتي عشان اترفضت ؟
بعد مسافة قلت لو اشرف خذلني وخلاني ومشا اتزوج وحدة غيري انا حيحصل لي شنو؟
هل ح اعمل زي م عملت ايثار؟
كنت بسأل في نفسي اسألة كتيرة شديد ، كنت بحاول اخت نفسي محل ايثار
بس الجواب اللقيتو مستحيل انا اعمل شي زي دا تجاه نفسي مستحيل انتحر عشان زول ، مستحيل انتحر اصلا
الروح دي مجرد امانة عندنا ومهمتنا اننا نحافظ عليها ، لحدي م ربنا يشيلها
حرفيا العملتو ايثار دا غلط كبير شديد ، معقولة ايثار دي ايمانها كان ضعيف للدرجة دي ؟

استغفرت ربي ومسحت دموعي واتصلت على اشرف ، قال لي اها بقيتي كيف كويسة ؟
قلتا ليهو كويسة شديد ، انا في توتي لو بتقدر تعال لي هنا
قال لي اسلام الوداك توتي شنو ؟ قلتا ليهو خطاي ،
خطاي يا اشرف
قال لي اديتي ساعة ولا اقل عشان اصلك قلتا ليهو خير
قفلت منو تاني رجعت ليهو قلتا ليهو انت في البيت؟ قال لي اي خلاص طالع قلتا ليهو جيب معاك علي قال لي تمام
قفلت منو
وفجأة اتذكرت كرم ومنار الكانو واقفين تحت الشجرة قلتا ياربي اسألها؟ اسأل منار واعرف هم عرفو بعض من وين اصلا وكانو بتكلمو في شنو
ياربي كرم دا مجنون هو ولا مالو بقى حايم من بت لي بت ؟
قاطعت تفكيري خالتو ختت لي كوز موية قدامي وقالت لي شاي ولا قهوة قلتا لي قهوة ياخالتو بجنزبيل بس قالت لي تمام يابتي
اخدت لي نفس عميق وقلتا ياربي متين متين راسي دا يهدأ من التفكير الكتير دا

مسكت تلفوني وبقيت اعاين لصورنا انا وايثار
صراحة اشتقت ليك يا قلبي ، اشتقت ليك شديد ياريت في اخر مرة اتلاقينا فيها حضنتك علي وقلتا ليك م زعلانة منك ابدا

-------💔
حاولو دايما سامحوا البتحبوهم واقعدو معاهم اطول وقت ممكن
اطلعوا وانبسطو في الحياة دي لانها زايلة والله
دايما خلو لحظاتكم معاهم سعيدة ، م تحاولو تخلوا الحزن دايما معاكم ، خففو من المشاكل ،
ولا اقول ليكم ابعدو منها نهائيا
لانو حيجي يوم ويمشي واحد فيكم من غير وداع
والشوق ، الشوق بعد الموت لايطاق والله
💔--------

خالتو جابت لي القهوة وقعدت اشرب فيها بعد مسافة اتصل علي اشرف قال لي انتي قاعدة وين رفعت ليهو يدي حتى شافني ، جا وكان شايل عليي
علي قال مااااماا قلتا ليه عيون ماما انت تعال هنا مشتاقة ليك شديد

انت كويس؟ هزا لي راسو وكان ببتسم
اشرف قال لي شربتي قهوة وخليتني يعني ، قلتا ليهو م كدا بس كنت مصدعة شديد والله عشان كدا
لكن بشري معاك تاني لاني اصلا م متعودة اشرب كباية وحدة
ضحك وقام مشا على الخالة وطلب منها وجا قعد
قال لي اها حتحكي لي الموضوع شنو؟ هزيت ليهو بي راسي لا م بحتاج الموضوع بايخ قال لي م ح اعصر عليك بس لو حبيتي تحكي في اي يوم انا ح اسمعك
قال لي بالمناسبة بديت اعزم فالناس القراب لي شديد وقلتا ليهم عاملين غدا وبعديهو جرتق طوالي م عندنا حفلة ولا زفاف ولا اي شي
ابتسمت ليهو وقلتا ليهو تصدق انا جرتق زاتو م عندي نفس فيهو والله
انا لو اخدو رأيي تسوقني كدا بس وخلاص ماف داعي ل اي شي ، هسي بالجرتق الحيحصل اقول ل ام ايثار واخواتها شنو ؟
يقولو صحبتها ماتت الاربعة شهور لسة م لحقت تتمهم وتجي صحبتها هسي تتجرتق؟؟
قال لي اسلام انتي تفكيرك رجعي للدرجة دي ، يعني حيقولو انتي م زعلانة عليها ولا حيقولو مبسوطة بوفاتها عشان كدا عرستي ؟
انتي رفضتي الزفاف رفضتي الحفلة رفضتي اي شي حتى الجرتق ناوية ترفضيهو؟
اسلام انا م بنكر انو هي كانت صحبتك شديد بس دا م بعني تتخلي عن فرحتك
دا احلى يوم في حياتك
قال لي يعني انتي م عايزة تعملي اي حفلة عشان بس اهل ايثار م يزعلو منك ؟
قلتا ليهو م كدا يا اشرف انا من جواي م عايزة حاجة زي دي والله حاسة نفسي انو لو عملت حاجة زي دي م ح اكون مرتاحة
اشرف مسك يدي وقال لي اهم شي راحتك وعدم زعلك ، انا دايما وابدا ح اشوف الحاجة البتريحك وح اعملها وطالما قلتي ماف جرتق يبقى كمان ماف حرتق حنعمل غدا كدا وخلاص
ح اتكلم مع ابوك وح اتكلم مع اعمامي م تشيلي هم ابدا ياقلبي

اشرف قال لي عايني علي نام، قلتا ليهو وحلاتي
نام متين
قال لي اصلا هو بنوم في اي وقت حرفيا
عاينت لي علي كدا وقلتا ليهو يااعمرري انت ، وضميتو علي ..
اشرف بدا يتكلم معي ويحكي وكان بحاول يضحكني ب اي طريقة ، قال لي رايك شنو نسافر ؟ قلتا ليهو وين
قال لي اي محل ، المكان البتختاريهو انتي
قلتا ليهو م بحب السفر
اقول ليك شي ؟ عمري م سافرت قال لي ولا حتة قلتا ليهو ولا حتة قلتا ليهو قاعدة في بيتنا
وغير كدا امي وابوي برضو ما بسافرو الا حاجة تجبرهم انهم يسافرو قال لي انتي عكسي سبحان الله انا بحب السفر
يعني مشيت كم دولة كدا ، ضحكت وقلتا ليهو انت بعيد شديد انت بتتكلم عن دول وانا بتكلم عن ولايات
ضحكنا وسكتنا مسافة بقينا نعاين للبحر

بعد مسافة تلفوني اتصل وكانت امي ، رديت عليها وقالت لي مالك اتأخرتي كدا ؟ قلتا ليها ولاشي بس مع اشرف هنا ، قالت لي تعالي البيت لانو انا م عارفة ابوك دا فجأة جسمو سخن شديد قلتا ليها مالو ؟
قالت لي م عارفة انا زاتي كان بتونس معي كويس فجأة قال لي جسمو م شايلو قلتا ليها جاية
قفلت منها وقلتا لي اشرف ابوي ؟؟ قال لي مالو عم ازهرري قلتا ليهو م عارفاهو لكن امي قالنت لي جاتو حمة فجأة
اشرف قال لي حمة فجأة ؟؟؟
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#انثى_من_رحم_الوجع 《15》*
*#بقلم_سلوان_عبدالهادي🕊♥️*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00♥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
اشرف قال الا يمشي معي وفعلا ركبنا ف العربية واتحركنا انا طول الطريق شايلة هم اول م وصلنا لقيت امي قاعدة جمبو وبتخت ليهو في كمادات ، جيت عليهو ولمست جسمو فعلا حار شديد ، قلتا ليها امي ورح الدكتور ، اشرف قال لينا خلوهو شوية يمكن تنخفض
فضلنا نعمل ليهو كمادات وبعد عشرة دقايق كدة حتى ابوي اتحسن شوية حتى بعدها بشوية بقى كويس قمتا سألتو وقلتا ليهو ابوي انت حاسي ب حاجة تاني؟
قال لي لا
قلتا لي اشرف الحمة دي بتكون من شنو؟ اشرف قال لي م تخافي لانو احتمال ارهاق عادي
امي قالت لي احسن نطلع نخليهو يرتاح قلتا ليها بس امي قالت لي اطلعي يا اسلام خلي ابوك يرتاح
طلعت وقلتا لي اشرف انت متأكد دي حمة عادية قال لي عادي يا اسلام م تشيلي هم والله ماف حاجة بتخوف
بكون ساهر م نام ارهق نفسو حاجة بالشكل دا
بقينا قاعدين انا وامي واشرف ورقدت علي في السرير ، وبحرك في رجليني امي قالت لي ثبتي رجلينك وم تتوتري ماف شي حيحصل ل ابوك
بعد مسافة اشرف قال لينا عن اذنكم يا جماعة انا مفروض امشي بعد دا لانو الشغل والمستشفى وانتو عارفين لكن بغشاكم بليل
قبل علي وقال لي اخلي علي ولا اسوقو معي ؟
قلتا ليهو دا سؤال ليك خليهو اكيد يا اشرف، قال لي تمام بجي بسوقو بعدين المهم خلي التلفون جمبك لاني ح اتصل اتطمن على عم ازهري طلعت معاهو عشان اقدموا ، قال لي م تشيلي هم م حيحصل ليهو شي صدقيني
ركب عربيتو واتحرك وانا عايزة ادخل خلاص على البيت نادت علي منال قالت لي خلي باب بيتكم فاتح انا جاياكم هسي خليت ليها الباب فاتح وبعد مسافة كدا جات داخلة علينا
قلتا ليها مالكم قطعتوهو مننا كدا سمعتو ولا جابو ليكم ضحكت وقالت لي بري والله الجامعة بس يا اسلام
قلتا ليها ايوا
انا حقيقي حاسة بيها متوترة اول م شافتني يعني منال م كانت طبيعية ، وانا في نفس الوقت بقيت مترددة بين اني اسألها من منار ولا لا ، عايزة اقوم كدا قالت لي تعالي م تجيبي لي اي شي دايرة اقول ليك كلمتين وقايمة ، انا حرفيا بقيت خايفة قلتا ليك كلمتين بخصوص شنو يا منال؟
قالت لي
نحنا والله عمرنا م عديناك الا اخت لينا والله يا اسلام ، وانا حقيقة خجلانة منك شديد قلتا ليها منو شنو يا منال؟ خجلانة من شنو
قالت لي م عارفة اقولها ليك كيف بس كرم .. قلتا ليها كرم؟ قالت لي خطيبك الزمان اتقدم لي منار
ونحنا هسي مترددين نوافق ولا لا ، انا طوالي عرفت لي منار وكرم هم كان متوقفين هناك جمب الشجرة الفي الشارع ، قلتا ليها طيب حلو انتي خجلانة من شنو؟ قالت لي لانو هو كان خطيبك وكدا ، قلتا ليها لا والله زي م انا شفت حياتي هو كمان يشوف حياتو ، دي م حاجة بتخجلكم والله افرحوا ليها وانبسطو والله ، ومدام هم اخدو خطوة وجادين فيها تماما يبقى مبروك ليهم بالجد ،، قلتا ليها دا السبب الانتو م بتجوني عشانو نزلت راسها وقالت لي نعمل شنو قلتا ليها بتبالغو عديل كدا
بعدين هم اتلاقو وين وعرفوا بعض كيف قالت لي تقريبا يوم جا الحلة هنا تقريبا يوم سفر امك وكنا جاينك هنا
هو اتلقانا في الشارع وسلم علينا وتاني م عارفة قصتهم دي بدت كيف
المهم الونسة جرت ومشت سلمت على امي وابوي طبعا كان نايم
وعلي برضو نايم ، طلعت مننا وقلتا ليها سلمي على خالتو حليمة ومنار

كل مرة بمشي وبشوف ابوي لقيتو انو متحسن شديد والحمة راحت منو بس تقريبا زي الجسمو فتران كدا عايز راحة
اشرف جا بليل وساق علي ، وانا كالعادة امشي غرفتي اقفلها علي واقعد اتكلم مع نفسي ، بقيت اتكلم بيني وبين نفسي قلتا ياربي كرم دا هسي انسان طبيعي كدا زينا ، يعني هو خطبني وخلاني ، اتعرف على ايثار وخلاها ، تاني خطب بت بعد ايثار ربنا يرحمها وخلااها ، حتى تاني جاي ويخطب منار ، عاد يخطب ويفسخ ، ماف زول سبقو على الحاجة دي اطلاقا
فضلت اتكلم مع نفسي كدا لحدي م نمت

صحيت الصباح ، ولقيت امي جاياني بموضوع حبسة وم بعرف ، قلتا ليها امي انا حاجات زي بتضااايقني م دايرها ولا بتنفع معي ، قالت لي عايني يا اسلام اصلا دي حاجات العروس ، يعني م ممكن عرسك دا يكون بالطريقة دي ، لاحبسة لا حفلة ولا ولا ولا ولا اي شي قلتا ليها امي انا بالجد م دايرة خلوني كدا ، عايني عليك الله نايرة كيف امي قالت هه نورة قال
امي قالت لي قايلاني بحنسك ، عاد بطريقتك ، سكتت مسافة قالت لي انا م عارفاهو دا دا عرس عديل ولا عرس لعب ساي
قعدتا اضحك وقلتا ليها م تزعلي يا الجنة ، حكيت ل امي بمنار وكرم قالت لي عاد لو الانسان دا جادي يعرسها طوالي نحنا معندنا بيهو شغلة

مرا اسبوع
وهلكتنا التجهيزات لانو انا وامي برانا بدينا نجهز فالبيت ونجهز في اي شي وامي بتعزم في الناس وابوي كمان الحمدلله رجع احسن من اول وبدا هو كمان يعزم ويعملو اي شي ، نهاية الاسبوع اهلنا البعيدين بدو يجو يعني اهل ابوي واهل امي ، يعني خلاص فضل اسبوع وااحد للعرس وانا متوترة وخايفة وزعلانة يعني احاسيسي كلها ملخبطة ،
م بقدر على فراق الجنة والوجيه والله
في اخر اسبوع دا بقيت بس بمشي يعني هنا الكوفير وحقيقة كدا خالتو حليمة وبناتها م قصرو معي اطلاقا ، لو محتاجة حاجة من السوق بمشو لي هم
خلاص فضل للعرس ايام بالعدد ، جاتنا ام ايثار ومعاها بتها ، وفضلناها بدت تتكلم معي وانا عرفت انو موضوع م عايزة اعمل شي وصلها قالت لي والله يا اسلام انا م برضى حاجة زي دي ونحنا والله العظيم عارفنك بتحبي ايثار قدر شنو وعارفين موتها وجعك قدر شنو ، ف عشان كدا يابتي م تكلفتي عرسك عليك الله يابتي افرحي وكملي عرسك كلو البسي زفافك واتجرتقي واعملي حفلتك وصدقيني م زعلانين منك بالعكس اول الحاضرين والله ، نحنا م حنفضل عمرنا كلو حاديين م حنبطل نستمتع في حياتنا ، الموت سنة الحياة والنفس المؤمنة ما بتجزع الموت ، حتتقبلو كفكرة بتقوم عليها الحياة ، انتي عارفة ؟ لو استسلمنا لفكرة الموت صدقيني م حننجز شي في الحياة دي ، حنتقوقع ونحبس نفسنا وحنفشل في انو نقدم اي حاجة ، ودي حقيقة مفروض نحنا نتقبلها ، بعدين انتي عارفة كويس الحد اكتر من تلاتة ايام حرام ؟ انتي انسانة قارية ومتعلمة وعارفة انو البحصل دا غلط ، عيشي فرحتك
امي قالت ليها بس يا ... خالتو قاطعتها وقالت ليها والله يا امنة عارفاك بتحبي بتي زي م انا بحبها وانا كمان بحب بتك وبعتبرها بتي والله عمري م فرزتهم هي وايثار
وعشان انا بالجد معتبراها بتي جيت وقلتا ليها الكلام ، اعملي حفلتك واعملي زفتك ونحنا مبسوطين ليك واول الحاضرين بإذن الله ، خالتو قامت وباستني في راسي وقالت لي اتكلمي مع زوجك وانبسطوا بي عرسكم ، قال لي واديك المفاجأة بإذن الله حنتك علي ابدي اعزمي ناسك وريهم انك عاملة حنة ، بديت ابكي وقلتا ليها ياخالتو قالت عيون خالتك ياقلبي ، نحنا بنمشي وبنجيكم ان شاء الله
بعد م طلعو امي حضنتي عليها وقال لي سبحان الله يابتي ، ادعي لي بتهم بس بالمغفرة قلتا ليها يا امي م اظن في يوم اسمها م كان في دعاي والله ..

اتصلت على اشرف وريتو بالحصل كلو ، قال لي يابختك بيهمحرفيا
قال لي نلقى لينا فنان وين اكيد نصهم حيكونو محجوزين
قلتا ليهو بتلقى كدي شوف قال لي واخييييرا ياعمري كم يوم كم يوم بس قلتا ليهو اشششرفف؟ قال لي حتفضلي تخجلي كدا لمتين يعني
قلتا ليهو م عارفة ، قال لي اصبري انا بقدر عليك ليك يوم هسي ح اقفل منك عشان ابدا اجهز
وفعلا بدا يقفل انا حرفيا بعد كل مكالمة منو كنت بحضن التلفون علي اتعوددت ♥️

البيت اتملا شديد واهلنا ماشاء الله والجيران ، مرة يغنوا ومرة يزغرتو
والجنة ♥️🫂 انا حاسة انو الارض دي م شايلة فرحتها ، تمشي وتجي ياحضنتني يا باستني بتقول لي سبحان الله بتي كبرت وبقت عروس ، ابوي مع النسوان وكدا م كان بدخل البيت كتير ، بس انا مستحيل يمر علي يوم وم اطلع ليهو برا واشوفو لازم احضنو لانو يومي م بمر بدون حضنو ، م عارفة كيف ح استحمل الايام بدونهم
وريت منار ومنال يمشو معي على الكوفير عشان نحجز ، وفعلا مشينا لوحدة خبيرة وحجزنا عندها ، واخترت الزفاف ، وتوب الجرتق وكلو من عندها
حقيقة كدا العرس وتفاصيل العرس ماف حاجة احلى منهم ف الدنيا ، وب الاخص مع الانسان الانتي بتحبيهو
فتحت الواتس وختيت صورة فيها يدينا انا واشرف وكتبت لي استوري

-------------
*- انت الوحيد المفضل بحياتي اليوم وغدا وللأبد ، وأحب اعترف لك ان هذا الشيء الذي ينبض بين ضلوعي هو قلبك وليس قلبي ، فليشهد قلبي أنك فيه ، و لتشهد روحي أنك روحي و ليشهد ربي و الدنيا وما فيها أني أحبك♥️*
------------

بعد مسافة اشوف رقم مسجلاهو ب نقطة شاف الرسالة اول م ختيتها رد لي عليها كان بقول لي تتهنو مع بعض وربنا يسعدكم .. دخلت المحادثة وبقيت اقول دا منو لاني بسجل ارقام وحتى اني بنسى هو منو ، بعد م دخلت وشفت الرقم عرفتوا دا كرم ، واتذكرت انو يوم رسل لي " المافيشة ومالية الحتة " انا سجلت رقمو ب نقطة ومن الوقت داك م مسحتو ، قمتا اتفاعلت على رسالتو ب قلب ، ورديت ليهو ربنا يسعدك انت كمان ، قال لي دعواتك بس قلتا لي معاك بإذن الله
بعد مسافة رسل لي العفو والعافية يا اسلام وربنا يكتب ليك السعادة في حياتك وم تنسيني عليك الله
فتحت رسالتو وقلتا لي عافية ليك لله ، وجمعا كدا يارب
م رديت على رسالتو الاخيرة وقفلت الشبكة وطلعت

الايام مشت سريع وخلاص جا يوم الحنة وخالتو ام ايثار هي الكانت قايمة بيها زي م وعدتني اتمكيجت ف البيت ، لكن الفستان إيجار لبست فستان العرايس البكون منفوش دا 😂
بلون سماوي وهيلز نفس لو الفسان لكن الاكسسوارات كانت باللون الفضي عملت مكياج عادي شديد " مكيجتني منار "
وكانت الحفلة في صيوان قدام الباب ، وجابت لي فنانة يعني حقيقي استمتعناا شديد والله ♥️♥️
رقصنا وكنا فرحانين شديد والله ♥️
في نهاية الحفلة خلاص منار قالت لي كرم عايز يبارك ليك ، وفعلا جا وبارك لي عادي وقلتا ليهو عقبالك عاين لي منار وقال ليها عقبالنا يارب

الحفلة انتهت ومشيت بيت ناس منال ومنار
والفستان كان تقيل شديد طلعتوا ، بعد مسافة كدا اشرف اتصل علي كانت الساعة زي 12 كدا قلتا ليهو اشرف والله انا تعبانة م قادرة اتونس قال لي شكلك رقصتي عشان كدا تعبانة قلتا ليهو رقيص؟ رقيص شنو ياراجل انا اصلا م بعرف ارقص ، قال لي عليك الله ؟ قلت ليهو اي
قال لي طيب ادخلي الواتس رسلتا ليك حاجة شوفيها وخليك معي ف المكالمة
خشيت الواتس لقيتو مرسل لي فيديوهات انا برقص فيها ،
صرخت بصوت عالي وقلتا منننننال ضحك فيني وقال لي بالمناسبة هي م عندها ذنب انا حنستها ترسلهم لي ، قلتا ليهو اشرف اسكت مني ، فضل يضحك مسافة وقال لي حاضر حاضر تصبحي على خير يلا

منال جاتني وقلتا ليها ترسلي ليهو فيديوهاتي يخسي عليك ، م ترسلي ليهو الا الفيديوهات الانا شينة فيها ، ضحكت وقالت لي حنسني والله حنسني قلتا ليها اوعا تتكلمي معي تاني ويوم العرس م ح امسكك تلفوني اطلاقا 😂♥️♥️
رغم انو كنا تعبانين م اظن اليوم دا نمنا ، منار ومنال قضوها لي تعاليق في فلان وفلانة ، وكل م اكون عايزة انوم م بخلوني
في النهاية نمنا الساعة 4 وصحينا 6
مشينا من الصباح الكوفير كان عندي حاجات كتيرة مفروض اعملها ، ارسم وحاجات كتيرة يعني
، الكوفير كان زحمة والناس كتار ودوري بعيد ، الليلة الخميس كان حنة اشرف ، اتصلت على رباب قلتا ليها بعدين وثقي لي اي حاجة 😂♥️♥️
ضحكت وقالت لي بتصل ليك فيديو عديل بس انتي اربطي نقابك ..
حنتو كانت عصرية انا بعد اتحننت وظبطت اموري كلها رباب اتصلت علي وقالت لي عايني راجلك بتهابل كيف ، وفعلا كان بتهابل شديد، حتى رقيصو م زي الناس 😂♥️♥️♥️♥️
بس كان حلو ، اي تصرف هو بتصرفو بكون حلو ، بحبو ياجماعة 🫂♥️♥️♥️♥️♥️♥️
شديد والله

بعد رجعنا البيت انا رجعت منهكة شديد ، شديد ،شديد
نمتا طوالي حتى بهدومي اللابساها ، ومنار ومنال برضو ناموا
جاتني صحية زي الساعة 2 كدا صليت وفضلت ادعي , دعيت ل ايثار والله
ربنا يرحمها ويغفر ليها ، انا اتمنيت شديد انو تكون معي في يوم زي دا
فضلت ادعي لحدي م نمت في مصلايتي صحيت الصباح ومشيت الكوفير بدري شديد لانو الزفاف بالعصر يعني بعد الغدا طوالي
من الصباح خايفة ومتوترة حرفيا احاسيسس كدا مبالغة
الخبيرة كانت عسل وبدينا نتونس والكلام بجيب الكلام ، قلتا ليها انتي عارفة انا راجلي دا عقد علي وانا المستشفى مرقدة كنت داخلة عملية استئصال مبيض بعد يومين ، قالت لي حرفيا حاجة غريبة شديد ، وفضلت احكي ليها واحكي ليها وكنت بتونس معاها شديد وبوريها قدر شنو انا بحب اشرف دا
لبست فستان محجب ، وحقيقي الميكب كان خرافي🤩
بعد م خلاص اتجهزت ، وجا اشرف داخل عشان يسوقني
اول ما شافني ، انا بقيت شايفة دموعو في عيونو ، وانا كمان م قدرت ، م قدرت امسك نفسي والله ، وبديت ابكي
ناداني اسلام
فجأة بدا يغني لي اغنية محمد الامين

*🫂❤️ ------------حروف اسمك*
*عقد منضوم بخيط النور*
*وطلة وردة من السور ، ونغمة تنادي من طمبور*

*وشعلة فرحة في الوادي ، تشع جذلانة ليها شهور*
*حروف اسمك وقت اشتاق وارحل ليك ، واسرح في عسل عينيك*
*بتحضني قبل المس حرير إيديك*
*تأرجحني وتفرحني*
*وتخليني ادق صدري ، واقيف وسط البلد واهتف بريدك يا صباح عمري --------------🫂❤️*
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#انثى_من_رحم_الوجع 《16》*
*#♡الاخــــــــــــــــــــــــــــــــيرة♡*
*#بقلم_سلوان_عبدالهادي🕊♥️*
*ــہہہـ٨ـــ٨ــــــہہـ٨ــ♡ــــــــــــــــــــــــــــ❥ :00:00♥*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بعد م غنا لبسني الدبلة ومشينا اتحركنا طبعا العرس كان في صالة متحركة قدام البيت ، وصلنا ورقصنا وم خلينا شي م عملناهو ، في نص الحفلة والجنة والوجيه برقصوا ، انا مندمجة معاهم شديد ، ببكي وبضحك ، انا مبسوطة لاني شايفاهم مبسوطين وزعلانة لاني ح افارقهم ، اشرف ضربني ب كتفو وقال لي حتى يوم عرسنا سرحانة قلتا ليهو عاين امي وابوي ، مبسوطين شديد ، الفرح باين في عيونهم ، اشرف قال لي بالجد فرحانين والله ، قبل على الجهه التانية ولقى امو قاعدة من كرسيها م اتحركت ، قال لي هسي انا م عارف امي دي زعلانة ولا فرحانة ، انا حتى م عارف شعورها شنو ، جو نزلونا من الكوشة وبدو يرقصو معانا ، اشرف قرب من رباب وقال ليها جيبي امي ، م ممكن تكون براها ، رباب قالت ليهو خليها يا اشرف م اظن تقتنع
اشرف كان جاني جنونو، من كتر م مبسوط حتى غلبو يرقص عديل
بعد م الحفلة خلصت ، مشيت غيرت عشان الجرتق ،توبي كان احمر فيهو ورود بالدهبي ، يعني توب جرتق
لبست الجدلة واي حاجة بتخص الجرتق عملتها
..
الليل ليل
العديل والزين
..
وكالعادة يعني دي الغنية البدو لينا بيها الجرتق ،
حرفيا الجرتق دا من اجمل تفاصيل العرس ، انا كنت مبسوطة شديد يعني اكتر من ما كنت بالزفاف ، احساس م بتوصف حرفيا
بعد م خلص خلاص الجرتق ، وجا الوقت الانا من زمان بخافوا ، وداع الجنة والوجيه
وداع غرفتي الشالت معي كل احزاني وهمومي ،وداع اي جزء من بيتنا
اشرف كان ماسكني لانو عارف كويس انا ح انهار بعد شوية قدر شنو ، لانو عارف اللحظة دي صعبة علي كيف ، بعد م ودعت الناس بقيت افتش على الجنة والوجيه بعيوني لقيتهم واقفين بعيد ،واقفين جمب بعض بعيد
زحيت يد اشرف مني وجريت ليهم حضنتهم وبديت ابكي معاهم ، انا من كتر البكاء شوية كدا وروحي كانت حتطلع ، بعد م هديت شوية ومسحت دموعي اشرف جا ساقني وخلاص طلعنا
فجأة ومن دون اي مقدمات علي بدا يصرخ ويبكي وقال الا يمشي مع ابوهو ، حرفيا الناس كلهم مذهولين من السمعوهو دا ، اشرف شال ولدو وقال ليهو انا بمشي وبجي بكرة ، علي الا كان بصرخ زيادة ، قعدنا لانو حرفيا بقينا م عارفين نعمل شنو
اشرف قال نسوقو معانا ؟ من غير م افكر قلتا ليهو ورح
امي وابوي كانو بعاينو لي امي جرتني وقالت لي انتي جنيتي ؟
قلتا ليها م جنيت بس يا امي انتي عارفة ، قالت لي م عارفة اي شي يا اسلام
بس ماف داعي تسوقو معاكم الشافع كلها 15 يوم وتجو راجعين ..
قلتا ليها امي 15 يوم كتيرة والله على الشافع يعني مستحيل يقعد بدون ابوهو ،
قالت حرفيا يا اسلام اعملي البريحك انا كنت في اللحظة دي منتظرة ام اشرف تنطق اي كلمة وتقول مثلا خلوهو معي لانو رفض رباب
فالنهاية ركبنا وكان معانا علي ، يعني حرفيا فرحتو وهو معانا بتخلينا ننسى اي حاجة ، مشينا على بيتهم ورباب جهزت لينا هدومو والعابو واي شي ، ومشينا اتحركنا على الشقة ، طبعا الشقة فيها غرفة واحدة وصالة يعني ، يعني غرفة شقة عرسان وكدا ، اول م وصلنا فضلنا انا واشرف نعاين لي بعض ونعاين لي علي ، اشرف قال ليهو علي حبيب بابا نوم ، علي كان بلعب بس وقال م حينوم 😂♥️♥️

انا كنت بضحك بس اشرف قال لي مبسوطة يعني قلتا ليهو شديد ، قال لي عويرة دي ، قلتا ليهو تتذكر لمن قلتا لي بأدبك ؟😂
اها شوف علي الليلة أدبنا الاتنين
بس شوية بدينا نضحك ، مشيت غيرتا ملابسي ولبست لي هدوم بيت عادية ، واصلا كان طالب لينا اكل ، بعد مسافة كدا الاكل وصل واكلنا ، اشرف كان شامي الوضع على الاخر ، بعد م اكلتا خلاص قلتا اني عايزة انوم اشرف قال لي عايزة تنومي قلتي لي ، اصبري لي بس اسلام ، اثناء م علي بلعب شالتو نومة ووديناهو الصالة
بعد م دخلنا الغرفة اول كلمة قالها لي اشرف ، حندي بعض حضن طويل ونسميهو حضن الانتصار وفعلا دي الحصل ♥️
مشينا صلينا الركعتين ، واشرف كان بغازل فيني لحدي م تم مناهو وقرب مني
حرفيا اليوم كان من اجمل ايام حياتي ، الانسان البحبو جمبي
قضينا ال 15 يوم كلها طلعات ومرقات ونطلع مع علي ، نهائي م حسيت بالملل وهو معانا بالعكس كنت مبسوطة شديد وكلمة ماما الكان بتطلع منو كانت بتحسسني ب امان كدا فظيع ، واشرف كان دايما محسسني انتي انجازو الوحيد فالحياة دي م كان بمر يوم الا ويوريني فيهو هو بحبني قدر شنو
لازم كل م نطلع نوثق لحظات طلعتنا نتصور ونتعاور ، يمكن في ال 15 يوم متصورين قريب ل الف وحاجة صورة
خلاص في اخر يوم نحنا قاعدين فيهو فالشقة ومنو راجعين اهلنا ، اشرف ناداني وقعدني وقال لي عايزة اقول ليك حاجة قلتا ليهو اتفضل قال لي قرايتك ؟ م ناوية ترجعي وتعملي استئناف في الجامعة قلتا ليهو في رأيك ح اقدر ، قال لي ، لي م حتقدري ؟
انا شايف لمن نرجع من هنا تقضي تلاتة شهور كدا على رواق ، وبعداك تبدا تتجهزي وتنزلي اصلا طبعا حتنزلي من اول صح ؟ قلتا ليهو ايوا قال لي انزلي طوالي وانا معاك ان شاء الله ، قلتا ليهو في زول في شهر العسل بتناقش في مواضيع زي دي قال لي عشان مصلحتك ياعمريي♥️
قضينا الليل كلو ونسة ، رقدتا فحضنو وقلتا ليهو يعني انا هسي ح اسكن هناك فبيت ام علي صح ، قال لي ايوا قلتا ليهو يعني هسي م حتتذكر ايامك معاها لمن نكون سوا ؟ قال لي انتي بتقولي لمن نكون سوا لاحظي ؟ انا يا اسلام لمن اكون معاك اسمي بنساهو خلي الناس التانين ، ابتسمت شديد وبقيت نايمة فحضنو
نمنا وصحينا وخلاص جهزنا حاجاتنا لانو ماشين ، امي وابوي اتصلو على اشرف وقالو ليه عاملين ليكم كرامة انزلو معانا
وفعلا مشينا وصلنا ناس امي لقيناهم اصلا ضابحين لينا ، اول م وصلت جريت على الجنة شديد ، كأنو لي سنة م شفتها ، ومشيت ل ابوي كمان لقيت البيت عامر ماشاء الله حتى رباب وخالة رحاب يعني استغربتا انهم في ، علي كان متلصق فيني بس ، وم داير يزح مني ابدا ابدا
المهم بعد الكرامة والتعب بعد يومين مشيت ناس خالة رحاب وقيلتا معاهم وحرفيا استقبلتني كويس شديد ، وكانت بتتونس معي كأنو م حصل شي ♥️ وانا زاتي عديت الموضوع عادي
بعد الزواج عندنا عادة في اسرتنا انو العروس لمن تجي من شهر العسل بتحوم على كل اهلها ومعارفاها هي زوجها وكدا نظام تعارف وكدا انا واشرف ماشاء الله م خلينا زول من اهلو ولا من اهلي م مشينا ليهو بعد م انتهينا من حوامتنا كلها ، جا وقت رحولي خلاص ، امي ماشاء الله م خلت عدة في السوق م جابتها لي وام ايثار برضو جابت لي عدة يعني ماشاء الله كملو لي مطبخي ، رحلتا بيتي اللهو مكون من غرفتين وومطبخ وحمام وصالتين وهو عبارة عن بيت داخلي يعني كلو جوه بعض
ناس رباب استقبلونا استقبال ماشاء الله يعني وحتى خالتو رحاب ماشاء الله بس
بعد م خلاص رتبنا بيتنا وظبطناهو الغرفة التانية دي بقيناها ل علي ، وخلاص يعني لمن فضلنا كم يوم واستقرينا خلاص واشرف نزل الشغل ، شاي الصباح ثابت مع رباب وخالة رحاب بنطلع نشرب الشاي ونفطر معاهم ونتغدى كمان ، م بتخل بيتي الا وقت م اشرف يجي ، ومرات اشرف لمن يبيت في الشغل انا بنوم معاهم برا في الحوش
بعد مرور شهر وشوية من رحولي لي بيتي خلاص خالة رحاب بدت تتعود علي شوية شوية بدت تتونس معي وشوية بدت تضحك لي وانا كمان بديت اتعود عليها رباب نزلت باشرت شغلها عادي ونزلنا علي روضة

حياتنا كانت حلوة شديد ، مبسوطين لابعد حد
في يوم انا من صحيت من النوم حاسة نفسي اني م كويسة جسمي دا مكسر
طلعنا قاعدين في الحوش العصرية كدا ، جاني طمام فظيع اشرف كان ماف ياهو قاعدين انا ورباب وخالة رحاب قلتا ليهم انا حاسة روحي اني م كويسة ، رباب قالت لي مالك ؟ قلتا ليها بطني قالبة شديد ، قالت لي حاسة بلفة راس؟ قلتا ليها م اظن بس جسمي د مكسر وزي العايزة تجيني حمة كدا قالت ايووووووي بس خلاص ، بسسس خلاص
قلتا ليها هو شنو الخلاص ، قالت لي راجلك دكتور وابوك زاتو دكتور معقولة م عارفة؟ قلتا ليها رباب ابوي وراجلي الدكاترة م انا

قالت لي غايتو ع حسب علمي دي اعراض حمل
.. انا بقيت عبارة عن صنم بس من الفرحة ، م عارفة اعمل شنو ، قلتا ليها جادة؟ قالت لي ع اساس م عارفة اعراض الحمل شنو قلتا ليها حملت قبل كدا انا، قالت كدي خلي اللئامة ، انا بمشي الصيدلية اجيب ليك الشريط واجي ، فعلا مشت وجات قالت لي افحصي قلتا ليها انا خايفة قالت لي م تخافي كدي شوفي ، فعلا مشيت وكنت خايفة من النتيجة الا مغطياها ب اصبعي ، مديتو ل رباب م بمسكو يابت شوفي انتي ووريني ، بقيت ازح اصبعي منو تدريجيا انا بعاين فيهو وساكتة وهي بتقول لي وريني؟ قلتا ليها خطين ، وانا ساكتة بس ، قلتا لي خطين ؟ طيب مالك عاملة كدي افرحي يا عويرة ، بديت ابكي قدرتي وقعدتا ف الارض ، قلتا ليها يعني انا حامل ؟ قالت لي انتي حامل ايوا ، ومفروض تفرحي م تبكي قلتا لي دي دموع فرح ياخخ خليني😭😭
بديت ابكي قدرتي قلتا ليها ورح نمشي نعمل فحص دم انا م مقتنعة لسة قالت لي حتقتنعي متين يعني قلتا ليها بعد اعمل الفحص فعلا طلعنا ومشينا خلينا علي مع خالة رحاب وعملنا الفحص ، نحنا ف العيادة اشرف اتصل علي قال لي انا جيت البيت انتو وين ؟ دايرة اقول ليهو محلنا كدا رباب قرصتني وقالت لي قولي ليهو ف السوق ..
قلتا ليهو اكضب ليي ؟؟ قالت لي خلاص وريهو م اصلك عويرة
المهم وريتو انو طلعنا بداية السوق ، م بنكر انو كورك ولي م نوريهو ولي ولي ، بس بعداك قال لينا تعالو سريع م تتأخرو فعلا نتيجة الفحص طلعت ايجابي يعني بالجد ف حمل ، طلعت ومشيت ، رجعت على البيت لقيت خالة رحاب في غرفتها واشرف في بيتنا ومعاهو علي اول م دخلت ، لقيتهم عايزين ينومو خلاص ، قلتا ليهو اشرف؟ قال لي من متين بتطلعي من غير م توريني ؟ قلتا ليهو انا حامل من غير اي مقدمات لاني حرفيا مصدومة
هو زاتو اتصدم وانا م عارفاهو بضحك ولا ببكي قال لي بالجد حامل ؟
بديت ابكي واقول ليهو بالجد والله
حضني شديد وقال لي انا م مصدق قلتا ليهو ولا انا والله ، قال لي كيف ووين ومتين ودا شنو حكيت ليهو انو انا لي كم يوم حاسة اني مرهقه لكن الليلة من الصباح كدا وكدا
حكيت ليهو اي حاجة ، كان حاضني وماسكني شديد قال لي الحمدلله
في قعدتنا دي اتصلت لينا منار وقالت لي عقدي من كرم بعد اسبوعين ، قلتا ليها مبرررررروكات قالت لي يلا تعالي اقيفي معي زي م وقفت معاك
قلتا ليها عاد بتوريني انتي؟ جاياك بس اصبري لي قفلت منها اتصلت على امي ووريتها ب الحمل ، امي فرحت شددددديد والله
بعد يومين كدا مشينا لدكتورة حقت نساء وتوليد وحنكون متابعين معاها
حرفيا مرت الايام بلمح البصر وقبل اسبوع من عقد منار وكرم شلت هدومي ومشيت ناس امي ، يعني برضو كان جوطة وهم صراحة اهلهم كتار شديد وخدمتهم كتيرة ، يعني من قبل اسبوعين هم قالو قاعدين
امي كانت بتقول لي م تتعبي نفسك اقعدي هنا فالبيت وانا بمشي اخدم معاهم كنت بعاند واقول ليها يا امي منار ومنال ديل م قصرو معي في عرسي وانا م بقصر معاهم والله
في يوم من الصباح انا في بيت ناس منار بخدم في اهلهم واطلع وادخل كنت مقبلة على منار وبضحك وبتونس نعاها وماشة حتى اني م شايفة قدام في موية على الارض اتزلقت ووقعت على ضهري ،
بديت اصرخ والناس اتلموا علي ، ويسألوا فيني وانا اصلا شايفة وسامعة لكن م قادرة ارد ، فجأة انطلق في نزيف شديد ، انا لمن عاينت ليهو اتهجمت وبقيت اصرخ واقول ولدي بس
امي جات وبتبكي شالوني واسعفوني على المستشفى الشغال فيها اشرف اصلا ، دخلوني عملية طوالي لانو الحصل دا اجهاض بسبب الوقعة على الضهر ، عملو لي عملية تنضيف رحم
امي اتصلت على اشرف ، وجا علي سريع ، كان بسأل فيني مالك بس وانا اصلا م قادرة ارد لمن عرف نحنا خسرنا ولدنا ، اشرف دا اضايق واتخنق بطريقة مبالغة عارفاهو عايز يبكي لانو زعلان شديد ، وكلو بسببي انا الما انتبهت انا القتلت ولدي
بعد يومين كدا رجعت البيت ، قلتا لي اشرف انت زعلان مني ؟ جا علي وحضني شديد وقال لي قدر الله وما شاء فعل
ربنا يعوضنا يارب
انا كنت حاسة بالذنب وفضلت ابكي ليل نهار ، بعد م تميت شهرين وشوية وعشان اطلع من الحالة النفسية الكنت فيها دي اشرف مشا عمل لي استئناف للجامعة ، ونزلت تالتة ، بقيت مرة امشي بالمواصلات ومرة يوديني هو
دا روتيني بقا كدا امشي الجامعة واجي البيت، الجامعة ، البيت
مافي اي حاجة جديدة في حياتي ، مشيت لبنات دفعتي السبقوني وشوية كدا صاحبتهم وبدينا نطلع وندخل ونطلع سوا زي م قلتا حياتي م فيها اي جديد

في يوم وانا قاعدة في الجامعة ، امي اتصلت تسلم علي وقالت لي انو هي وابوي مسافري قلتا ليهم وين ؟؟ قالو لي مسافرين السعودية قلتا ليهم عمرة ؟ قالوا اي ماشين عمرة

قلتا ليهم ربنا يسهل عليكم وقفلت منهم ، وبديت ابكي انا حرفيا من ما حصل لي الاجهاض م بقيت تمام اطلاقا اتذكرت اي حاجة حصلت لي زمان اي شي حرفيا وبقيت ابكي بسبب وبدون سبب
اشرف م كان مقصر والله بحاول بقدر م يمكن انو يطلعني من حالتي النفسية دي ، وكان بقول لي حنجيب واحد واتنين وتلاتة ابدا م تزعلي ياقلبي انا متأكد ربنا حيعوضنا لانو كريم
مرت الايام والشهور وكان في كل مرة يحصل حمل ينزل ، قريب ل تلاتة مرات كدا ، الدكتورة قالت لي يمكن عشان الرحم مزروع عشان كدا
حاولنا كتير ، م ح اقول ليكم زهجت ولا املي قل ، بس خليت الموضوع على ربنا وبقيت اقول متى م تجي ، تجي يارب

*#بعد_مرور_اربعة_سنوات*

بعد م اتخرجت ،م اشتغلت في مجالي ، اشتغلت في منظمات بتدعم مرضى السرطان وكنت بكون مبسوطة معاهم لاني منهم وفيهم ، يعني عندي زي تلاتة سنوات اشتغلت معاهم
منار عرست كرم وبدا يحبها ويتعلق بيها شديد لاني الحاجة دي شايفاها في عيونو
منال لسة صاحب النصيب م جاها
اشرف كان كل يوم وكل ساعة وكل سنة بوريني انو بالجد انا اخترت صح ، خالتو رحاب ورباب سافرو برا السودان ، وامي وابوي برضو يعني بقو براهم وكدا دايرين يتفسحو ويشوفو الولايات وكدا بعد مامشو العمرة
علي دخل المدرسة يعني هو حاليا في تانية مدرسة ♥️

حياتي كانت حلوة بوجود الاهل والاصحاب حولي ، بس كنت قافدة الولد الحيجي وينور حياتي

في الجامعة عندي قريب ل اسبوع كدا بنفس اعراض الحمل ، انا حقيقي بقيت كل م احس ب الاعراض دي بجهز نفسي للاجهاض يعني شهرين كدا وكنت بجهض، بعد م اتأكدت اني بالجد المرة دي حامل ، م بنكر اني كنت فرحانة بس خوفي من الاجهاض كان مسيطر علي ، انوم واقوم بي قلق ، في يوم لقيت اشرف قاعد بحضر في الشاشة ، قعدت جمبو وبقيت ابكي ابكي بطريقة خيالية ، قلتا ليهو اشرف ؟ قبل علي ولقاني غرقانة في دموعي قفل الشاشة وقال لي القمر ببكي؟؟ في شنو مالك ياعمري كدي تعالي تعالي الموضوع دا طالما ببكو فيهو كدا يبقى خطيرر ، احكي لي سامعك قلتا ليهو انا حامل بس خايفة المرة دي برضو اجهض ، قال يااااربيي ، الحمد والشكر ليك يالله مسح لي دموعي وقال لي خلي حسن ظنك بربنا كبير وصدقيني م بحصل الا الخير دا احساسي انا في اللحظة دي كدا صدقيني انا حاسي انو ولدنا دا حيجي على الدنيا قلتا ليهو حاسي كدا ؟ قال لي ان شاء الله
فعلا كنت حذرة شديد ، ولو حسيت ب اي شي كنت بمشي للدكتورة يعني قلتا اني م ح اخاطر في حملي دا ابدا ، وكنت باخد حقن تثبيت الحمل ، الحمدلله وبفضل الله دخلت ف الشهور الكبيرة اتحركت ع بيت امي لاني ح اولد هناك ، لمن وصلت الشهر السابع بالضبط كنت حاسة ب الم فظيع شديد ، امي كانت بتقول اي دا الم ولادة لكن انا كنت بغالطها واقول لي ولدي مات شكلو ، لحدي م وصلنا المستشفى انا كنت ببكي واقول ولدي مات ، امي بتقول لي دا وجع ولادة انا بعرفو كنت لسة بغالط فيها واقول ليها دا م وجع ولادة دا ولدي بموت
بعد م دخلنا اتحدد انو هو وجع ولادة واني حاليا بولد دخلوني وعملو لي عملية طبيعية طوالي ،

بعد العملية جابو لي الطفل وكانت بت اتضح لي انو البت نموها ناقص ومحتاجة تقعد ف الحضانة لفترة م طويلة بس لحدي م وزنها يتصلح وكدا ، وكانت يعني الحمدلله م بتعاني من اي مرض الحمدلله
جاني اشرف وقال لي الحمدلله ربنا رزقنا ب ... قاطعتو وقلتا ليهو ايثار ♥️
ربنا رزقنا ب ايثار قال لي حتسميها ايثار ؟ هزيت ليهو راسي بمعنى نعم ، كنت مبسوطة شديد بيها
بقيت قاعدة ف المستشفى يعني الرضاعة اصلا ب الساعات لمن خلاص مروا كم اسبوع كدا ،وايثار وزنها اتصلح وممكن اقول نموها اكتمل ، اتخرجنا خلاص♥️
مشيت بيت امي ، رغم انو غرفة الولادة م كنت مجهزاها لانو كنت مفتكرة اني ح اولد ف التاسع بس منار ومنال م قصرو معي اطلاقا جهزو لي اي شي والله وظبطو لي غرفتي دي مبالغة وحتى عملو لي زينة كدا ب اسم ايثار
يوم السماية جات ام ايثار واخوات ايثار اي واحدة شايلة ليها هدية ف يدها قلتا ليهم انا م سميتها ايثار عشان الهدايا والله انا سميتها ايثار لانو ايثار قريبة لقلبي وحتفضل القريبة لي للابد
ام ايثار قالت لي عارفين والله يابتي ودي هدية بسيطة شديد ل ايثار الضغنونة قلتا ليها حلق دهب يا خالتي ؟ قالت لي عيب عليك يا اسلام اقبلي الهدية وبس ، قلتا ليهم تسلموا والله م بتقصرو

بعد مرور ايام كتيرة ، وخلاص بقيت راجعة بيتي ، جا اشرف ساقني ومشينا ، اول م فتحت الباب شي وورود وشي بالونات ، اما الغرفة حكاية تانية
بقا حاضنا انا وايثار وعلي ، قال لي م قلت ليك ربنا كريم وحيعوضنا؟ عايني على قدر الوجع الاتوجعانو على قدر الفرح الفرحناهو هسي

قلتا ليهو ربنا كريم
باسني في راسي وقال لي بحبك وح افضل احبك صدقيني ♥️
قعدنا في السرير وكان بتكلم كتير وهو شايل ايثار م عارف حتى يعبر عن فرحتو كيف ، قال لي م ح اقول غير انو انتي بالجد انسانة قوية شديد قدرتي تواجهي اي حاجة سيئة فالدنيا دي اتجاوزتي حاجات كتيرة ، مرضك موت صحبتك اجهاضك ، واجهاضك ، واجهاضك

قال لي انتي البت الولدت من رحم الوجع ، الما بتقهر ، وم بتخاف من شي ، ولا بتتكسر
البت القوية والحادة والجميلة والمحبوبة شديد
انا ح افضل فخور بيك دايما وابدا صدقيني ، باسني في راسي وقال لي انتي البتستحقي ينادوك تاني ب
الانسانة العظيمة ♥️♥️♥️♥️♥️♥️♥️♥️♥️♥️♥️♥️♥️♥️
قلتا ليهو واها م ناوي تغني لي زي كل مرة ؟
رقدني في حضنو وقال لي ل ود الامين صح ؟
قلتا انا بسمع لمنو غيرو ؟

شغل المسجل وبدا يغني معاهو ♥️♥️

*خمسه سنين معاك يا زينة الايام يا نوارة الحلوين*
*مرة حلوة زي انسام زي احلام*
*صبيه نديه زي ياسمين وزي هلت فرح دفاق*
*في ضحكة عيون ناعسين زي لهفة بعيد مشتاق*
*يلاقي احبتة الغالين*
*خمسة سنين ودرب الريد معاك اخضر*
*خمسة سنين بريدك كل يوم اكتر 🫂♥️*
*النهـــــــــــــــــــ♥️ـــــاية*
*كـــــــــــــــــــــــــــــل الـــــــــــــــــــــــــــــود*
*خـــــــــــــــــــــــــــــالد بــــــيـــــــــجـــــــــــــه*

- لا تنسى تلك الردود القاسية ، تذكرها دائماً كي لا تحن..🖤

🌸

لايمكنك ان تجد السَعَادة وَانت غارق فِي الحدِيث عَن الألم! ‏فقط ضع ثقتگ بالله،‏وقليل من آلتفآؤل
‏قد يصَنع ألفَ طريقاً للِسعادة.


╭┈─────── ೄྀ࿐ ˊˎ-
╰┈➤ ❝[  🌺🍃] ❞

زهجنا من 2023 دايرين 2024 😼😂😂😂

ثلاثة أدعية لٱ تنساها : اللهم إني اسألك حسن الخاتمة اللهم ارزقني توبةً نصوحاً قبل الموت اللهم يا مقلب القلوب ثبت قلبي على دينك🌺