يوجد إقتباس مُخيف يقول: "أنا لا أهجر أحدًا، إنما أتغيّر بشكل يجعلك تبحث عني وأنا جالس أمامك".

لن يشعروا بوجودك الدائم حتى تغيب ولن يحسوا، بإهتمامك حتى تتغير، ولن يفهموا معنى حبك لهم حتى تتجاهلهم كما يتجاهلونك ، حينها فقط سيتذكرون جيداً من انت •

*🕸️ الحــب الاســـير 《10》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
" لاااااااااااا "
قام من النوم مخلوع بصوت صراخها وحضنها ب سرعه وهو قلبو بدق بقوه لانو اتخلع شديد .. مسكتو من قميصو وهي بتقول : الد..ميه .. الدميه جات.. شفتها بتعاين لي.
عزوز اخد نفس وقال : بسم الله الرحمن الرحيم ي بيان ماف شي م تخافي انا معاك.
وبقى بقرا ليها قران لحدي م نامت وهي ماسكاهو من قميصو قوي .. رقد مسافه بعدها نام.

" الله اكبر الله اكبر "

صحى بصوت الاذان وعايز يقوم مسكتو قوي وكأنها بتحتمي بيهو من الكوابيس الشافتها .. مسح على شعرها وهو بقول : بيان حببتي قومي الصبح أذن.
بيان : امممممم.
_بلا اممم معاك قومي صلي.
بيان وهي بتحاول تستوعب : ف شنو؟
_الصلاة .
_طيب قايمه.
_اتوضى واجي القاك قمتي.
عزوز دخل الحمام اتوضى وطلع لقاها راقده قام شالها وقفها قدام باب الحمام وقال : والله بدقك بعد د.
_اوف منك.
قالت جملتها وهي بتدخل الحمام .. قعد ف المصلايه منتظرها لحدي م طلعت وصلوا سوا💕.. بعد الصلاة قامت رقدت بتعب.
عزوز وهو برقد جنبها : د السهر .. تاني من بعد العشاء تنومي.
_انت قلته لي اتفرجي معاي فلم.
_ي زوله؟؟ .. قومتك من النوم قلته ليك اتفرجي .. لقيتك مرزوعه ف التلفزيون.
_هشش خليني انوم.
عزوز صرخ وهو بنط فيها : وااااععع الدميه جات.
بيان قامت ب سرعه وشالت الشبشب من تحت السرير وطاخ طاخ ف عزوز القعد يضحك ب هستيريا😂😂😂.
بعد تعبت من الدق قامت منو وقالت : حيوان اهبل طيرته لي النوم زاتو.
عزوز وهو بضحك : والله منظرك يقتل😂😂😂.
بيان عاينت ليهو ب غيظ وطلعت الهول رقدت ف الكنبه وهي بتصلح شعرها.
لوت خشمها اول م جا طالع من الاوضه بضحك .. عاينت ليهو وقالت : ياخ اسكت ماف شي بضحك.
عزوز قعد جنبها بعد م سكت شويه وقال : والله كان اصورك منظرك رهيب عديل ومع شعرك المنكش د انتي هسي فرقك شنو من افلام الرعب؟
_اضحك ليك يعني؟!
_لالا ياخ م تزعلي بهظر معاك.
_الليله مش عندك شغل؟
_الليله الجمعه .. ماشي انوم م تصحيني الا الظهر يأذن ظابط؟
بيان وهي بتتسائب : انا زاتي عايزه انوم.

___

قاعد ف الاوضه بدخل هدومو ف الشنطه راجع البيت .. جات داخله عليهو بأبتسامه وهي شايله كبايه عصير : والله حنفقدك ي عبودي.
التفت عليها عبد الرحمن بأبتسامه وهو بشيل الكبايه : انا كمان والله .. حرجع للبيت وللزهج كنتو مونسني.
ايلاف : مع انو م اتونسنا معاك كتير لانك م فاضي من التلفونات😉.
ضحك بخفه بعدها شرب من العصير شويه واداها الكبايه : باقي شويه هدوم عايز ادخلها الشنطه وخلاص.
_عايزه اتكلم معاك بخصوص ... اية.
عبودي قبل على الجهه التانيه وهو بدخل الهدوم متجاهل كلامها.
_اسمع ي عبد الرحمن انا عارفه انك خايف على اية وهي زي اختك لكن والله انت فهمتها غلط اية بريئه جداً ومسكينه بطبعها .. مرات يعني بتكون مسكينه م دايماً😂.
عبد الرحمن ببرود : ايلاف قفلي السيره د عليك الله.
_اسمع الحصل هي مشت مع صحبتها و... حكت ليهو الحصل ، وانت ي عبد الرحمن بجد كبرته الموضوع.

عبودي بعد سمع القصه من ايلاف جدع الشنطه وهو بقول : هي وين اسي؟
_ف اوضتها .. ابت تشرب معانا الشاي.
عبودي اتنهد وهو بطلع متجه ناحيه اوضتها خبط الباب لمن م لقى رد قام دخل لقاها واقفه ف البلكونه .. اخد نفس واتجه ناحيتها وقف متكل ف باب البلكونه ومدخل يدينو ف جيبو .. كانت شارده وم حست بيهو دخل .. لابسه عباية الصلاة وشعرها عاملاهو جمايكتين والهوا بلعب بشعرها ..

" من قبيل بخبط م سامعه؟! "

التفتت ب سرعه وعاينت ليهو مسافه : اسفه م سمعته الباب.
عبد الرحمن وقف جنبها وقال : صحبتك الطلعتي معاها امبارح د تقطعي علاقتك معاها وم عايز اسمع انك طلعتي بعد المغرب فاهمه؟
سكتت م ردت.
عبد الرحمن بحده : سامعه؟
اية هزت راسها بضيق.
عبد الرحمن : اسي ارح اوضتي تلملمي معاي هدومي لانو راجع البيت .. يلا.
طلع من الاوضه ودخل اوضتو وهي بعد مسافه مشت وراهو .. لمت باقي الهدوم ودخلتها الشنطه .. عبد الرحمن وقف ف المرايه وبسرح ف شعرو وهي بتعاين ليهو بأبتسامه💕 .. لمن انتبه ليها نزلت عيونها ف الارض.
عبد الرحمن وهو بشيل الشنطه : ارح.
نزل لقاهم قاعدين ف الهول سلم عليهم وودعهم كلهم وطلع.

__

بعد العصر.

_انت جادي ي عبدو؟!
_اي جادي ي زول واسي ود ميكي د قلته ليو تلاقيني عديل.
_قداام انا بجي معاك .. اسي نتحرك طوالي؟
_انت اتحرك اسي على الميدان لانو بيتكم بعيد.
_خلاص ظابط .. اسمع اكلم عادل يجي معانا هو والاولاد لانو م اظن يجي براهو.
_عادل شنو ياخ .. ان شاء الله يجيب معاو ميه نفر م عندي شغله انا مشكلتي معاو هو.
_ظابط ي صحبي .. اسمعني .. كيف مع رنا؟
_ارتبطنا خلاص قول لي مبروك.
_قادر قلته لي😂.
_د كلامك.
_خلاص يلا بنتكلم بعدين.
_كويس.
____
جا داخل المطبخ لقاها بتعمل ف قهوه قعد ف السفره وقال : يالسمحه💕.
بيان : آي.
_الليله ف البيت الكبير عاملين لمه كد .. نشرب القهوه د ونطلع طيب!
بيان : اي خلاص تمام وعبودي عايزاهو يمشي معانا عشان شهاب يشرح ليهو هندسه.
_اوك تمام.
بيان ختت فنجانين قهوه ف السفره وطلعت الهول شالت التلفون واتصلت على عبودي..

_عبودي كيفك؟
_تمام.
_رجعته من ناس خالتو؟
_اي قبيل الصباح.
_ايوا كويس .. طيب اسمعني .. بعد شويه كد تعال البيت الكبير طيب.
عبودي بزهج : ي الله .. لي ياخ ف شنو.
_عشان شهاب يشرح ليك .. جيب معاك دفتر وكتاب.
_م بقدر اجي عندي امتحانات بعد بكره.
_لا لازم تجي المدير قال لي تاني امتحان هندسيه.. وشهاب شاطر فيها.
_بقرا براي ي بيان.
_كلام واضح تجي يعني تجي.
_ي بيان عليك الله ا....
قاطعتو : عاين هنا يشرح ليك وترجع البيت ف شنو؟
عبودي اخد نفس : خلاص كويس.
تيت تيت.
بيان ختت التلفون بعد م عبودي قفل الخط ودخلت المطبخ..
عزوز وهو شايل الفنجان : معايز يجي ولا شنو؟!
_طبيعي وهو م عايز يطلع من البيت بس بحب الحوامه مع اصحابو.
_عادي اي ولد ف سنو بعمل تصرفاتو د.
_عزبني عزاب.
_ولا يهمك بكره يكبر ويعقل.
_ان شاء الله.

_

نزل من المواصلات واتحرك على الميدان الكبير .. كان لابس ترينينق وتيشيرت .. شاف ولدين واقفين جنب عربيه توسان .. ابتسم ب سخريه واتوجه ناحيتهم بخطواط واثقه .. الولدين اول م شافوهو وقفو وعاينو ل بعض وضحكو.
عبودي دخل يدينو ف جيوبو وقال : البضحك شنو؟
واحد من الولدين : شافع و*
عبودي ضربو بقوه ف وشو وبصوت عالي : اوعك تسب.
الولد التاني بسرعه مسك عبودي من يدينو ل ورا قوي وقال لصحبو : ي اصلي .. انتهي من الشافع د.
عبودي وهو بحاول يفك يدينو حسى ب بنيه ف وشو خلت خشمو ينزف .. الولد بقوه تاني ضربو بنيه ف بطنو.
عبودي نزل راسو وغمض عيونو شديد من الألم وتاني رفع راسو بقوه ضرب الولد الماسكو ف وشو ود الخلا الولد يفكو ويرجع ل ورا .. نط ف الولد القدامو نزل فيهو ضرب عنيف.
الولد زحى منو وقال : بت خالتك *** زيك ي شافع.
عبودي عيونو بقت شرار ومسك الولد تاني دقاهو وبصوت عالي قال : اوعك تجيب سيرتها ي حيوان.
الولد التاني طلع سكين ومسك عبودي من رقبتو وقال : هه لو اتحركته حتموت.
عبودي كور قبضتو ب غضب وقال : احسن تبعد.
فجأه عاين لقى الولد الكان ماسكو واقع ف الارض قبل ب سرعه لقى علي.
علي وهو بقلع التيشيرت : م اكون اتأخرته.
عبودي بأبتسامه : ف وقتك.💕
عبودي وقف جنب علي و الاتنين عاينو للولدين الواقفين قصادهم..
علي بغمزه : نبدأ؟
عبودي بأبتسامه سخريه : ارح.
وهجووووم🙆.

___

ف البيت الكبير.
بيان قاعده جنب عزوز وكل شويه تعاين للتلفون عزوز انتبه ليها : مالك؟
_ياخ عبودي بضرب ليهو من قبيل م برد .. والمغرب قرب يأذن.
عزوز وهو بطلع التلفون من جيبو : كدي بدق ليهو انا..

" تووووت .. تووووت .. تووووت .. الو عزوز "

عزوز عاين ل بيان وقال : ي عبدو وين انت؟!
عبودي : قربته خلاص.
_م تتأخر.
_طيب.

____

_عايني هنا قومي غسلي وشك د عليك الله م تقعدي تتبكي زي الهبله كد ماف زول بستاهل تبكي عشانو.
بتبكي لمن بتشهق : بس .. هو .. هو ات .. اتغير معاي.
_شوووووفي هناا د اووعك تتبكي وتتعولقي كد ولا تتصلي عليهو تاني عشان م اجي اقتلك .. خلي عندك كرامه شويه م ممكن ياخ كرامتك د كان ختوها ف كيس دهب ماف زول بشيلها .. هو م بستاهلك اصلاً انتي حلوه شديد وطيبه وقلبك ابيض وبجد ماف زيك .. وهو واحد بتاع بنات وتافه وحيوان وكلو عليهو واصلا هو م راجل.
_عارفه .. لكن .... لكن انا بحبو شديد💔.
_عادي انتي م اول بت ولا اخر بت يخلوها تمام .. فتره وحتعدي .. وحتنسيهو كأنهُ لم يكن.
_انساهو؟! .. مستحيل م بقدر والله م بقدر انا اتعودته عليهو .. صوتو وشكلو وزعلو وضحكتو و اي شي💔.
_بتقدري والله بتقدري وانا حكون معاك لحدي م تنسيهو .. كلها فتره وحتعدي وحتلقي الاحسن منو .. الدنيا م وقفت عليهو ولا على غيرو .. لمن تكوني عايزه تنسيهو وتتخذي القرار حتقدري والله حتقدري .. انا عارفه الفتره د حتكون صعبه شديد لكن حتعدي والله.
انفجرت بكى وهي بتقول : انا ع...عملته شنو .. ط..طيب؟؟؟؟
_هو ف ولد بخلي بت عشان عملت حاجه ؟؟ ..هو لو بجد بحبك م حيخليك لو عملتي اي شي .. لكن هو م بحبك اصلاً .. هو كذاب وخاين وزفت وكلو عليهو .. الله يحرقو ياخ .. ربنا يوريهو على قدر م زعلك وكل دمعه نزلت منك.
مسحت دموعها وهي بتقول : لالا م تدعي عليهو .. حتى لو انا بعدته منو عايزاهو يكون مبسوط وم يشوف شر.
_شنوو مبسوط! .. اقسم بالله انتي وحده هبله بس م اكتر .. اصلاً مستحيل اخليهو ينوم ويمشي ويجي زي الناس لازم انتقم منو والله الا اوريهو النجوم عز الظهر.
_عشاني عشاني بس انسي اي شي .. هو حيندم على اي شي بس انا م عايزه اكون سبب ف زعلو .. عايني باب الاوضه بخبط برجع ليك.
_طيب يلا.
شهاب جا داخل : دنيا ممكن تجهزي عصير لانو بيان وعزوز وعبد الرحمن جو! ...


*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《11》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
"دنيا ممكن تجهزي عصير لانو بيان وعزوز وعبد الرحمن جو! "

دنيا عاينت ليهو وب صوت م مسموع قالت : عبد الرحمن ؟
شهاب : ها قلتي شنو؟
_آ .. طيب .. بجهزو.
شهاب وهو بطلع : شكرا ًكتير.
دنيا اول م شهاب طلع اتصلت على لمياء : لمياء الحقي.
_مالك؟
_عبد الرحمن جا مع بيان.
_شنووووو؟؟؟
_اتخيلي بس.
_عايني اعملي ك الآتي .. اعملي فيها م بتعرفيهو وسلمي عليهو ف يدو عادي واقعدي اتونسي مع بيان عشان يعرف انك م فارق معاك كتير.
_انتي هبله م حقدر.
_حتقدري ود اول خطوه عشان تتجاوزيهو.
دنيا بتنهيده : بحاول ي لمياء.
_اي ي حبي لازم.
_برجع ليك بعدين بحكي ليك.
_خلاص تمام.
تيت تيت.

دنيا بعد قفلت من لمياء وقفت ف المرايه وب قسوه مسحت دموعها النزلت وشالت البدره عملتها عشان تغطي اثار البكى ولمت شعرها كعكتين بعشوائيه ونزلت دخلت المطبخ جهزت عصير ومويه واخدت نفس وطلعت ليهم الهول .. واول م دخلت بأبتسامه قالت : السلام عليكم💕.
بيان : دنيا حببتي وين انتي من قبيل؟
عبد الرحمن رفع راسو اول م سمع اسم دنيا وب سرعه نزل عيونو ف الارض لانو م قادر يواجهها.
دنيا : كنت بقرا ي بيان .. نازله امتحانات تجريبيه يوم السبت.
عزوز بعد دنيا قدمت ليهو العصير شالو وقال : زي عبد الرحمن .. طبعاً ي شهاب جايبنو ليك عشان تشرح ليهو الهندسه شويه.
شهاب بأبتسامه : م عندي مشكلة .. تعال ف اي وقت.
دنيا وقفت جنب عبد الرحمن وبأبتسامه قالت : عبد الرحمن اتفضل.
عبد الرحمن رفع راسو وعينها وقعت ف عينو وبسرعه دنقر راسو وشال العصير وقال : شكراً.
دنيا بأبتسامه : العفو.
بعدها ختت الصينيه ف التربيزه الزجاجيه وقعدت تفتح مواضيع مع بيان عشان تشغل نفسها وم تفكر ف حاجه.
دلال خالة عزوز : انتو وين سلمى ماف ف اللمه الحلوه د؟!
مريم : كدي شوفها ي محمد.

______

كانت قاعده ف غرفه من غرف البيت الكبير وجا داخل عليها محمد : سلمى .. بيان وعزوز جو امشي اقعدي معاهم.
_م بطيقهم الناس ديل انا.
_ماف كلام زي د .. امشي .. بتك وين؟
_نايمه.
_طيب امشي سلمي واعملي ليهم شاي المغرب لانو شايف دنيا عملت العصير.
_وم تعمل الشاي هي ماله؟
محمد ببرود : هي صغيره.
سلمى وهي بتقوم : مششم .. قال صغيره قال.
طلعت ب زهج من غير م تعاين للهول وطلعت السلم دخلت اوضه دنيا لقتها ماف بس ف تلفونها.
عاينت يمين وشمال لمن اتأكدت ماف زول قفلت الباب وشالت التلفون وفتحت الباس ودخلت معرض الصور.

______

عزوز عاين ل محمد الجاي عليهم بأبتسامه وقال : اووو محمد.
محمد صافحو وقال : اخبارك شنو؟
_ف احسن حال الحمد لله.
بيان من بعيد : محمد كيفك؟
محمد : الحمد لله والله كيف انتي وابوك .. كلكم كويسين؟
_ف احسن حال الحمد لله.
محمد صافح عبد الرحمن وقال : الممتحن .. كيفك وكيف القرايه!!
عبد الرحمن بأبتسامه : ماشي الحال غايتو.
محمد وهو بقعد : فتره وحتعدي ان شاء الله.

______

دخل اوضتو وقفل الباب وجسمو كلو برجف .. دخل العلبه الماسكها دولابو وشال التلفون اتصل على عبودي م رده .. اتصل كتير وماف رد ف الاخر جدع التلفون بزهج وقعد ف السرير وهو مرعوب.

_____

عزوز : بيان عايني انا ماشي وجاي م بتأخر كويس .. لمن اجي نرجع البيت تمام؟
_طيب م تتأخر.
عزوز طلع وف الاثناء د جات سلمى نازله وماسكه تلفون دنيا ومبتسمه بخبث.
دنيا عقدت حواجبها بأستغراب وهي بتعاين ل سلمى الماشه على محمد وماسكه تلفونها.
محمد شال التلفون وملامح الصدمه ف وشو وهو بقلب ف التلفون والكل بعاين بأستغراب .. وم فهمو حاجه غير طاااااااااخ ومحمد واقف جنب عبودي اداهو كف من امو💔.
محمد وهو ضاغط على التلفون ب صوت عالي شديد قال : د شنووووووووو ... انت حيوان؟؟؟ عملته للبت شنو؟؟؟ انت واحد حيوان و*** م متربي.
وقبل على دنيا جراها من يدها وقفها قدامو وبغضب قال : وروني عملتو شنو من ورانا؟؟؟ د شنووو الصور د .. ورفع يدو عايز يضرب عبودي تاني شهاب مسكو من يدو ووقف ف نصهم وبصوت عالي : محمد .. م من حقك تضرب الولد د كد😠.
بيان قامت جرت عبودي وب صوت عالي : اووعك تلمس الولد د لانو واقسماً بالله م حيحصل ليك خير .. عبد الرحمن د تربتي وانا بعرفو م عمل حاجه.
محمد جدع التلفون ل بيان وبصوت عالي : اتفضلي شوفي تربتك الزي وشك د .. وقبل على دنيا ضربها كف وقال : اطلعي اوضتك وتاني م عايز اشوف وشك د.
مريم بخوف : ف شنو ي اولاد مالكمم؟
دلال : بسم الله الرحمن الرحيم الشيطان دخل بيناتكم استهدو بالله وورونا الحاصل.
بيان ب غضب : معايزه اعرف الحصل .. اطلع قدامي ي عبد الرحمن سريع.
وعاينت ل محمد من فوق لتحت وجرت عبد الرحمن من يدو وركبت امجاد مشت بيت ابوها.
محمد اتجدع ف الكرسي وهو ضاغط على اسنانو وكور قبضتو بغضب شديد .. والناس كلها واقفين بعاينو .. دلال شالت التلفون وبقت تقلب ف الصور بصدمه وقالت : لاحول ولاقوة الا بالله د كلام شنو؟!
كلهم قامو عايزين يشوفو الصور محمد جرا منهم التلفون وطلع ل دنيا فوق دخل الاوضه وقفل الباب وشاكلها وضربها وكوووورك فيها وعمل ليها اي شي وف الاخر جدع التلفون قدامها واتكسر الى اجزاء صغيره جداً جداً💔.

______

بعد ساعتين.

ماشه وجايه جنبو وهي بتقول : د قايل روحو منو عشان يضربك ب الطريقه د  .. انا...انا م عارفه هو هايج كد ليه .. قال شنو قالم متربي قال وبتاع.. بيان قبلت على عبودي وبحده قالت : تلفونك وين سريع.
عبد الرحمن طلع التلفون من جيبو مع نفسو قال : اصلاً كد كد خربانه.
ومده ل بيان التلفون بتردد .. بيان شالت التلفون وقعدت تفتش ف الصور وهي مصدومه وفاتحه خشمها مترين وعبد الرحمن براقبها ب برود.
بيان عيونها اتملت غضب وب صوت عالي قالت : لا إله الا الله محمد رسول الله .. انت عايز تلحقني امي؟؟ .. حاضن البت وملصق فيها كد ود كلو شافوهو ناس محمد؟؟؟ وكمان مع دنيا؟؟ .. انا هسي اقبل وين من عزوز؟؟ اقبل وين من مريم؟! اعمل شنو ف حياتي د انا وريني؟! .. د بدل تشوف قرايتك ب وين؟؟! .. فاضي انت من قلت الادب والصاعه والحوامه مع بنات اهلك؟ .. لاحول ولا قوة الا بالله💔.
وقامت دخلت الاوضه وقفلت الباب .. محمد صحى من النوم بصوت الكواريك وعاين ل عبد الرحمن القاعد مدنقر راسو وقال : ف شنو ي ولد .. اختك ماله؟!
عبد الرحمن م رده ودخل التلفون ف جيبو وطلع ركب مواصلات مشى مكان بعيييد ونزل جنب دكان دخل وقال : ي عليش .. علبتين سجاره.
عليش مده ليهو السجاره وعبد الرحمن شالها وطلع قعد ف المسطبة.

____

الجرس ضرب وعم محمد مشى فتح لقاهو عزوز سلم عليهو ودخلو.
عزوز : ي عمي بيان وعبد الرحمن هنا؟
_ايوا موجودين .. لكن عبد الرحمن د طلع هسي.
عزوز اخد نفس وقال : وين بيان!
_ف الاوضه ابت تفتح الباب.
عزوز اتوجه ناحيه الاوضه وخبط الباب : بيان .. افتحي انا عزوز.
بيان اول م سمعت صوتو مسحت دموعها وطلعت فتحت الباب .. عزوز عاين ليها مسافه وقال : عايز اتكلم معاك.
بيان وهي بتتحاشى النظر ليهو : اجيب عصير طيب واجي.
عزوز دخل وقعد ف السرير .. حكايه خمسه دقايق وجات داخله شايله صينيه ختتها قدامو .. محمد طلع عشان ياخدو راحتهم.
عزوز عاين ل بيان ف عيونها وقال : بتبكي ليه انتي؟
بيان اخدت نفس وقالت : والله ي عزوز م عارفه اقوا ليك شنو خجلانه منك انت وامي مريم .. امي مريم م مقصره معاي ف حاجه وانا .... سكتت مسافه وقالت : انت عارف عبد الرحمن ف سن مراهقه و..
قاطعها بأبتسامه : عايني انا م شفته الصور ولا عايز اشوفها والبعرفو انتي مرتي وانتي م عندك زنب ف الحصل عادي جداً بتحصل لانهم شفع وم عارفين حاجه .. وبعدين دنيا زاتها غلطانه م عبد الرحمن بس.
_لكن ي عزوز .. هو اخوي ود تربتي انا و...
عزوز حضنها شديد وقال : انا واثق فيك وانتي قاعده بعيد عن عبد الرحمن والحصل د بحصل كتير .. نحنا كنا بنحب بعض ف عمرهم د صح؟ .. لكن جيل من جيل بفرق.

_لكن ي عزوز انت كنت محترم جداً معاي وم بتعمل حركات عبد الرحمن د .. انا  .. والله انا م كنت متوقعه من عبد الرحمن يكون بعمل حاجه زي💔.
عزوز زحى منها ومسح دموعها وقال : حببتي بيان م تزعلي .. عادي جداً بتحصل وهي فتره مراهقه وحتعدي وحيكبرو وحيعرفو الصح من الغلط .. نهائي م تزعلي ي حبي .. م بحب اشوف دموعك❤❤.
بيان ابتسمت وهزت راسها وعزوز رجع حضنها وقال : نرجع البيت؟
_لكن عبد الرحمن ؟
_هو طلع معارف مشى وين؟!
_كدي اضرب ليهو انت؟
_خلينا نرجع وبتصل عليهو بتكلم معاهو.
_طيب.

الليله مرت صعبه على الكل .. علي م نام وهو بفكر ف الحيحصل لامو وابوهو بعد الاكتشفو .. عبد الرحمن الطلع من البيت وبدى يدخن .. بيان البتفكر ف عبد الرحمن وكيف حتلاقي مريم ومحمد ودلال .. بالاضافه ل دنيا ومحمد اخوها بعد عرف اي شي.
____

_ي امي انتي بتقولي ف شنو؟!
_ي ولد شنو بقول ف شنو كلامي واضح امشي اعتزر ل دنيا .. انت ي محمد عارف انو انا شغاله وم فاضيه وانت شغاال واصلاً علاقتك ب اختك سطحيه جداً .. هي عايزه زول يهتم بيها ودايماً يسألها عن حالها ونحنا كللللنااا مشغولين وهي م عندها غيرنا .. ابوك مشى عرس وسافر ولا جايب خبر ليها .. وانا م دايماً ف البيت وانت اصلاً م عندك شغله بيها .. دنيا عايزه حنان عايزه زول تحكي ليهو .. انت اخر مره حضنته اختك متين ؟؟ .. وريني متين؟؟ .. والله انا م بتذكر اخر مره قعدته اتونستا معاها كانت متين؟! .. هي م غلطانه ف حاجه هي لسه صغيره ومحتاجه نوعيها .. عارف! لمن م لقت حضن اخوها مشت تفتش على زول يحتويها ويهتم بيها.
محمد عض على شفتو السفلى ووقف اتجه ناحيه غرفتها خبط ودخل : دنيا.
كانت راقده وبتبكي ب انين لمن سمعت صوتو وقفت ب بطئ وهي بتمسح دموعها .. وشها اتملى دموع وعيونها محمره .. محمد قعد جنبها وقال : اقعدي.
دنيا قعدت ف طرف السرير وضامه يدينها على صدرها كأنها م حاسه بالامان وهي بتعاين ف الارض وبتشهق من البكى.
محمد قرب منها وضحك وهو بقول : شكلك وانتي بتبكي بضحك.
دنيا عاينت ليهو بأبتسامه باهته.
محمد حضنها شديد وقال : دنيا سامحيني عشان مديت يدي عليك وشاكلتك قدام الناس .. دنيا انا عارف نحنا مقصرين معاكي شديد .. بس انتي عارفه امي مشغوله وانا مشغول مع شغل المصنع .. لكن انا بوعدك من الليله حأبقى ليك ابو واخو وحبيب كمان رأيك شنو؟ .. محمد ابتسم لمن سمعها بتضحك على كلامو.
محمد واصل : اسف شديد .. عارف روحي مقصر معاك وم بقعد معاك عشان اعرف امتحنتي كيف .. انا ي دنيا عايز مصلحتك والله العظيم وانتي اختي وانا بحبك جداً بالمناسبه بس م بعرف اعبر .. لانو اتعودته على الرسميات ف الشغل وكد وم بقدر افرز بيناتهم .. ها مالك ساكته كد مسامحاني ولا اقوم ابوس رجلك؟
دنيا بأبتسامه وهي بتمسح دموعها : مسامحاك❤.
محمد حضنها وباس راسها كم مره وقال : ننسى الفات ونبدا صفحه جديدة .. موافقه؟
دنيا هزت راسها بأبتسامه.
_وانا حكون معاك .. عشان تقدري تنسي عبد الرحمن.
دنيا بلعت ريقها وهي بتعاين ليهو.
محمد غمز ليها وقال : قريت الشات بالمناسبه .. ممم عرفته انكم خليتو بعض وبعدين هو لاقي زيك وين؟!
محمد وجه نظرو مكان بعيد وقال : حتى انا كنت بحب وحده لكن عقدو عليها.
دنيا بأستغراب : انت؟؟
_اي والله كنت بحبها شديد وطبعاً د قبل م استلم شغل المصنع .. ولمن اتقدم ليها واحد عندو قروش طوالي وافقت .. تعبته والله م بكذب عليك لكن اتجاوزتها .. وبعد فتره اطلقت وجات راجعه لي اتخيلي!!
_عاين الكلبه.
محمد ضحك وقال : اصلاً مستحيل ارجع ليها بعد العملتو لي .. المهم ي دنيا تاني من الليله م تدخلي ف علاقه نهائي .. لانو هسي انتي الخسرانه فيها صح؟
دنيا دنقرت راسها وم ردت.
_تحكي لي اي شي تمام؟ .. انا هسي اخوك وابوك وصحبك وحبيبك زاتو كان عايزه .. المهم انك تبدي حياة جديده ... كويس! .. خلي بالك من قرايتك قرايتك وبس .. عايزنك تجيبي درجه كبيره.
_حاضر❤.
محمد مسك يدها وقال : انا جعان عايز اكل ارح اعملي الاكل.
دنيا طلعت معاهو وكمية الفرحه الفيها من محمد م بتتوصف❤.

_______

الصباح ف المدرسه.

دخل قاعة الامتحان .. وجلس ف مقعدو من غير م يلتفت على زول وبعد توزيع ورق الامتحان بدا يحل وهو ساكت ود خلا علي يعاين ليهو بأستغراب .. عبد الرحمن طلع اول واحد وبعدها علي طلع وراهو.
علي وهو ماشي ورا عبد الرحمن : ي عبدو .. اقيف .. ماشي وين .. خليني اتفاهم معاك.
عبد الرحمن وقف ب زهج وقبل على علي : ف شنو؟
علي : شنو ف شنو .. عامل فيها حفار وطلعته اول واحد من الامتحانات ووشك د مالو عامل كد زي الم نمته شهر .. مالك انت ي زول .. علي شمشم ب نخرتو وقال : د شنو؟

عبد الرحمن كتف يدينو امام صدرو العالي وهو بعاين ل علي ببرود.
علي خته يدو ف رقبة عبد الرحمن وقربو منّو شديد وهو لسه بشمشم😂.
علي عيونو بقت كبيره وهو بقول : عبدو .. انت بتسجر؟
عبد الرحمن وهو بمشي : علي انا م ناقصك.
علي جراهو من يدو وقال : جد جد كد بتسجر؟
عبودي بصوت عالي : علي احسن تختاني.
علي بجديه : تعال اقعد معاك عايزك ف موضوع مهم شديد.
علي مشى وعبد الرحمن اخد نفس ومشى ب وراهو .. وقعدو ف مسطبة تحت شجره.
علي طلع علبه ومداها ل عبد الرحمن وقال : شوف د ووريني رأيك شنو؟ .. علماً بأني لقيتها جوه درج ف المطبخ.
عبد الرحمن فتح العلبه ولقى اوراق كتيره .. فتح الاورق كلها وكان فيها كلام م مفهو وم عندو اصل.
عبد الرحمن بلع ريقو وعاين ل علي البعاين قدامو وماف تعابير ف وجهو وقال : علي .. م يكون الفي بالي.
علي وهو بنفس البرود ونظرات الشارده قال : الفي بالك ي عبدو .. ف زول عمل لينا سحر عشان كد ابوي اتغير .. م عاارف منو الممكن يكون حاقد للدرجه د💔.
عبد الرحمن ربت على كتف صحبو وقال : ربنا كشف ليك السحر وانت المفروض تعملو نمشي ل شيخ ودنيهو العلبه د وهو اتصرف وب كد ي علي امك وابوك حيرجعو زي زمان .. مش د انت العايزو؟ .. ربنا بدي الزول على حسب نيتو❤.
علي ابتسم وقال : خايف يعملو اكعب من د لو امي وابوي رجعو زي زمان .. علي كور قبضتو ب غضب وقال : بس لو اعرف د منو كنت حأشرب من دمو.
عبد الرحمن : حتعرف ي علي حتعرف مع الايام.
_انت م وريتني .. السبب الخلاك تزعل قدر د وتسجر؟
عبد الرحمن اخد نفس وحكى لي علي الحصل بالتفصيل.
علي وقف ب سرعه وقال : انا مششش كلمتك انا حزرتك ووريتك لكن البسمع كلامي منو؟ .. انا حمار البسمع كلام كلب منو؟!
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‏
*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《12》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
علي وقف ب سرعه وقال : انا مششش كلمتك انا حزرتك ووريتك لكن البسمع كلامي منو؟ .. انا حمار البسمع كلام كلب منو؟!
عبد الرحمن وهو بقيف : انا حرجع البيت.
علي : اها وحتعمل شنو اسي؟!
_ولا شي.
_وبيان وعزوز!؟
_م عارف .. انا زاتي تعبته ياخ.
علي سكت مسافه وكأنه بفكر بعدها قال : ارجع بيتكم واقرا الهندسيه وبكره ربنا بفرجها.
عبد الرحمن هز راسو وطلع وعلي طلع معاهو و الاتنين ركبو مواصلات واتحركو على البيت.

______

طلعت من الامتحانات ومعاها صحبتها وقعدو ف كافتيريا المدرسه.
_طبعاً ي دنيا انا لحدي هسي م قادره اصدق محمد اخوك قال كد.
دنيا بأبتسامه : حتى انا .. بجد م كنت متخيله محمد اخوي جواهو حنيه وطيبه للدرجه د.
_شفتي د كلووو ل خير عشان ربنا يقربك من اهلك ويبعدك من الحيوان داك .. انا مش قلته ليك اصلاً م بستاهلك.
_م تقولي كد .. انتي عبد الرحمن د م بتتخيليهو مسكين ل اي درجه .. ف حاجات كتيره بتخليني اديهو عزر.
لمياء عاينت ليها بصدمه وقالت : واااي انا م عارفه القدامي د انسان ولا شي تاني .. انتي هبله العملو فيك م هين.
_انا اخوي اتفاهم موقفي .. بس هو؟! .. بيان مستحيل تسكت ليهو.
_خليهو يستاهل.
دنيا بتنهيده : يلا نرجع البيت.
_اوك.

____

بعد العصر.

خبط الباب مسافه لمن سمع صوتها جايه وقف بعيد من الباب.
فتحت الباب وعاينت ليهو بأستغراب وهي بتقول : علي؟!
علي بأبتسامه : بيان كيفك ؟!
بيام وهي بتعاين يمين وشمال : تمام الحمد لله .. عبد الرحمن وين؟!
_في البيت .. انا جيتك عايز اتكلم معاك ف موضوع مهم.
_ف البيت براهو؟!
_بهمك موضوعو كتير!؟
_اكيد بهمني.
_خلاص ممكن اخش ولا حقيف ف الباب كتير!!
بيان وهي بتزح من الباب : ادخل .. اتفضل.
علي دخل وقعد ف الهول وبيان ضيفتو وقعدت.
علي : عزوز وين!؟
_طلع الدكان هسي بجي.
_ايوا.
_الامتحان كيف كان؟
_ساااهل .. عبدو طلع اول واحد كمان.
بيان ابتسمت بفرح وابتسامتها زالت تدريجياً.
علي لاحظ ليها وقال : جاييك عشان الموضوع البتفكري فيهو د زاتو.
_ها؟
_اسمعيني للأخر وم تقاطعيني.
_اتفضل.
الباب خبط بيان استأذنت منّو وفتحت عزوز دخل وسلم على علي وسأل من عبد الرحمن.
علي : اقعد انت زاتك عايزك تسمع الكلام.
عزوز قعد وعلي قال : انتي بعد الحصل اتصلتي على عبدو؟؟
بيان : لا.
_لي لكن؟!
_زعلانه منّو شديد ي علي وهو.....
قاطعها علي بحده : زعلانه منو؟! .. ي زوله انتي عارفه حالتو عامله كيف؟! .. سألتي نفسك هو اكل ولا شرب ولا نام ولا طلع ولا عامل مصيبه؟! .. انتي عارفه ي بيان عبدو من النوع لمن تحصل ليهو مشكله او يضايق م بياكل ولا بشرب وممكن يفكر يعمل ف نفسو اي شي.
بيان : ي علي هو غل......
قاطعها : اسمعي .. ماف مبرر ل تصرفك .. عبدو د ماف زول بعرفو اكتر مني ظابط!! .. ولا تقولي لي انا اختو ولا حبوبتي انا عبدو د قاريهو قرايه وحافظو حفظ .. امك لمن اتوفت ربنا يرحمها ربنا عوضك ب عزوز وكان واقف معاك صح ولا انا غلطان؟؟ .. عبدو ماف زول كان معاهو ي بيان .. ابوك م فاضي اربعه وعشرين ساعه بره البيت .. وانتي هنا مع عزوز .. وهو مع منّو؟! .. عارفه مع منّو؟؟ مع دنيا ي بيان .. لانها بقت ليهو ام وابو زاتو وبحكي ليها حاجات حساسه جداً ..

انا م بحكي لي البحكيهو ليها .. لانها بتحسسو بأنها امو قبل حبيبتو .. بيان عبد الرحمن م غلطان ف حاجه ابداً مرحله مراهقه عاديه وعلي العليهو م كان ف زول معاهو .. فقد امو ف عُمر 16 سنه .. م لقى حضن يحتويهو ولا يحكي ليهو اسرارو غير بنت .. انتي ي بيان انا م بقول انك غلطانه لانك ب بيتك ومشغوله .. بس انتي م بتتكلمي معاهو ف موضوع غير اقرا وم تطلع من البيت و و و و ... يعني يعمل شنو ف البيت؟! .. يتفرج سبيستون؟! .. عبدو حتى لو كبير عايز حنان ي بيان لانو ماف زول حسسو انو مهتم بأدق تفاصيلو .. انتي قايله كلمه انت كويس ولا قريت د اهتمام؟؟ .. الاهتمام بكون ب التفاصيل الصغيره .. على العموم م عايز اطول بس عبدو م غلطاااان عشان تسمعيهو كلام فارغ زي د واعتزري وشوفي نفسك غلطانه ف شنو وصلحي الغلط .. دنيا م لقت اهتمام من زول غير عبودي .. وحتى ف عيد ميلادها ماف زول عبرها غير عبودي عشان كد بقت تحبو .. اي صح عبدو بلعب بيها لكن هو م لقى غيرها عشان يشكي ليها .. وف حاجه تاني صغيره احسن احتفظ بيها ل نفسي وم اقولها لكن ف اقرب وقت بصلح الغلط د.
عزوز قام اتجه ناحيه بيان بعد م ختت يدها ف وجهها وبكت.
عزوز : بيان.
بيان وهي بتمسح دموعها : انا ماشه ليهو.
علي بأبتسامه : بيتي معاهو الليله.
بيان هزت راسها وقامت دخلت الاوضه .. وعلي استأذن وطلع.

______

بعد المغرب.
بيان وصلت بيت ابوها ودخلت لقت عبودي نايم .. سلمت على ابوها واخدت دش قعدت مع عزوز ف الصالون.
عزوز : انا حرجع بعد د وبكره بجي اسوقك كويس.
_حاضر.
عزوز حضنها وباس راسها كم مره وقال : اتفاهمو مع بعض ف اي شي عايز بكره ارجع القاكم سمنه مع سكر❤.
بيان بأبتسامه : ان شاء الله.
عزوز بضحك : بديت اغير والله.
_تغير علي من اخوي؟!
_انا بغير حتى من نسمة الهوا فما بالك بأنسان عديل؟؟
بيان بخجل : عزوز ياخ.
_عيون عزوز ياخ .. يلا انا حرجع بعد د احضن المخده وانوم.
_بتقدر تقعد من دوني لكن؟؟😌
_لالا لكن بركب الاكسجين عشان اقدر اتنفس🙈.
_والله انت😂.
عزوز وهو بطلع : يلا يلا اتأخرته.
_يلا.

بعد عزوز طلع دخلت اوضه عبد الرحمن قعدت جنبو ف السرير ومسحت على راسو كم مره وعاينت ف وشو الشاحب اتنهدت ورقدت جنبو.

_____

عزوز وصل البيت اخد دش ودخل المطبخ عمل عصير وقعد ف التلفزيون .. علت نغمة التلفون قام وطى صوت التلفزيون ورده : اي ي شهاب.
_اسمع .. محمد د عامل قومه وقعده وقال م حيخلي عبد الرحمن.
_انا بدق ليهو اسي.
_اتكلم معاهو براحه .. انت عارف محمد د م عندو اخلاق.
_م علي انا .. كدي برجع ليك هسي هو قاعد يدق لي.
_ظابط.
عزوز قفل من شهاب ورده على محمد.
_عبد العزيز.
_ايوا.
_انت بيان كانت عارفه ب موضوع عبد الرحمن ودنيا؟
_بيان م عندنا دخل ف الحصل .. وبعدين دنيا زاتها غلطانه.
محمد بصوت عالي : د بدل تحامي على بت خالتك؟!
_انا م قلته حاجه غلط.
محمد بحده : احسن م تكتر كلام عشان م تخسر شغلك .. دنيا د خط احمر .. م بستبعد انو انت وبيان تكونو عارفين علاقه عبد الرحمن ب دنيا.
_كلامك د افهم منّو شنو؟؟
_افهم العايز تفهو .. لو م ود خالتي كان طفشتك من الشغل.
عزوز بحده : اسمع .. حريقه فيك انت وشغلك .. بكره بجي استلم اوراقي وطالع ليكم من الشغل.
_قداام .. تكون وفرته.
محمد قفل الخط وعزوز ضرب التربيزه ب يدو وعيونو بتطلع شرار.

_______

صحى من النوم وهو مصدع رفع راسو واتخلع لمن شافها .. رفع التلفون وعاين للساعه لقاها 8 مساء .. وقف ب سرعه ودخل الحمام اخد دش وعمل قهوه وقعد يقرا .. ابوهو جا داخل عليهو : عبدو .. بيان جات شفتها؟
عبودي مرر اصابعو على شعرو وقال : اي .. لقيتها راقده معاي ف السرير لمن اتخلعته انا زاتي.
_امشي صحيها.
_لي؟ .. خليها نايمه.
_م حتقدر تنوم بليل .. وبعدين انا جهزته الغدا.
عبد الرحمن وهو بقيف : ظابط
محمد دخل المطبخ وعبد الرحمن وقف جنب بيان : بيان ... بيان .. قومي الغدا.
_عزوز؟؟
_عزوز شنو .. انا عبد الرحمن .. انتي متين جيتي؟!
بيان قعدت ف السرير وعاينت ل عبد الرحمن مسافه ومسحت وشها وقالت : قبيل .. بعد العصر كد.
عبد الرحمن وهو بمشي : طيب الغدا.
بيان وقفت ببطئ وقالت : عبودي.
عبد الرحمن التفت عليها بأبتسامه وقال : عبودي؟؟؟ .. والله قايلك حتديني كف.
بيان حضنتو شدييد وقالت : ف ام بتدي ولدها كف!؟؟؟❤
عبودي ابتسم وقال : وف ام م بتقبل اعتزار ولدها؟!
_اكيد لأ .. معليش اسفه شديد .. عبودي انا عارفه نحنا مقصرين معاك شديد .. بس انت عارفه ابوي مشغول وانا مشغوله مع البيت وعزوز .. لكن انا بوعدك من الليله حأبقى ليك ام واخت وحبيبتك كمان رأيك شنو؟!

عبودي وهو حاضنها شديد : ياريت❤.
بيان : اسفه شديد .. عارفه روحي مقصره معاك وم بقعد معاك عشان اعرف الحاصل ليك واعرف تفاصيل يومك .. انا ي عبودي عايزه مصلحتك والله العظيم وانت اخوي وانا بحبك شديد والله❤.
عبودي وهو بزح منها : خلاص كفايه رومانسيه انا جعان ياخ.
بيان بضحك : رومانسيه شنو ي ولد😂.
عبودي بغمزه : حضنك حلو حظو عزوز لكن😉.
بيان جدعت فيهو الشبشب وهو جرا برا وبصوت عالي قال : اخخخخ ..ياخ شبشبك د غيريهو.
بيان بضحك : لا جايباهو ليك مخصوص😂.

محمد من المطبخ : ي اولاد الاكل.
عبد الرحمن مسك بيان من يدها والاتنين دخلو المطبخ .. عبد الرحمن ل عم محمد : انت بعد م خلصته الاكل جاي تنادينا.
محمد : اكل سريع عشان تقرا.
عبد الرحمن : على كيفك؟!
بيان عاينت ليهو بصدمه.
محمد : خليهو خليهو .. انا م عارف الابو هنا منو زاتو.
عبد الرحمن بأستهبال : ي حاج انا اطول منك ياخ😌.

وقضو اليوم كلو ضحك وهظار ورجع جو العائله المفتقدو عبد الرحمن.

___

بعد مرور اسبوع.

_طبعاً ي ياسمين م حتتخيلي محمد ود خالة عزوز عمل شنو؟!
_اها؟
_شغال ل عزوز بطلعك من الشغل وبتاع اتخيلي .. وطبعاً انتي عارفه عزوز جنو وجن الحركات د ف طلع ليهو من المصنع بتاعو العاجبو د.
_احسسن عليك الله .. انا ود خالتي عندو شركه بخليهو يشغلو معاهو.
_بجد؟؟
_اي والله .. اصلاً هو كان بفتش ف موظف ليهو زمن.
_خلاص عليك الله كلميهو.
_اي بكلمو م تشيلي هم.
_شكراً كتير ي ياسمينة.
_م بيناتنا ياخ .. وعبد الرحمن اشتغل كيف!؟
_والله الحمد لله اشتغل كويس.
_الحمد لله .. والنتيجه متين ؟
_بكره.
_بالتوفيق ان شاء الله.
_اسمعيني انتي الشركه اسمها شنو؟
_شركه (..).
_تقريباً الشركه د شغاله فيها بت خالتي ايلاف.
_واي صدفه حلوه.
_خلاص بكلم عزوز وبديك خبر.
_خلاص تمام.

عزوز طلع من الحمام وهو بنشف شعرو.
بيان بفرح : لقيت ليك شغل.
عزوز قعد ف السرير وبأبتسامه قال : انتي جاده؟!
_اي والله.
_وين؟
_الشركه الشغاله فيها ايلاف المدير بتاعها ولد خالة ياسمين صحبتي.
_ي سلااام ياخ لو شغلني يكون م قصر.
_ان شاء الله ي عزوز ياخ ..حأتصل على ايلاف اكلمها.
_وخليها تديني رقم المدير.
بيان وهي بتشيل التلفون : حااضر.
اتصلت وبعد السلام سألتها من الشركه وحكت ليها الموضوع.
ايلاف : بجد!! .. خلاص تمام .. بكره الصباح بدري خلي عزوز يجي الشركه وانا بظبط ليهو امورو.
_تسسلمي تكوني م قصرتي.
_العفو حببتي.
_يلا ي حلوه لحدي م نتلاقه.
_باي.

بيان عاينت ل عزوز وقالت : ايلاف حتكلمو يوظفك لانو عايز موظفين .. وايلاف قالت ليك بكره من الصباح اجهز عشان تمشي معاها.
_هسي جهزي لي قميص وبنطلون عشان امشي بكره من النجمه.
بيان حضنتو شديد وقالت : واي عزوز شفته ربنا عايز ليك الخير عشان كد طلعك من مصنع محمد .. اصلاً مف زول بقول ل ود خالتو كد .. غايتو استغفر الله.
عزوز بأبتسامه : م مشكله هو بس زعل عشان هي اختو وهو خايف عليها.
_مشششم ربنا يعينك بس .. ارح الفطور جاهز.
عزوز مسكها من يدها وقال : يلا.

______

ف ميدان الكوره.

علي بحده : السجاره د اجدعها من خشمك.
عبودي وهو بنفث السجاره : خلاص انا ادمنتها وانت عارف.
علي كور قبضتو بغضب وف ثواني ضرب عبودي ف وشو لحدي م وقع.
عبودي قام من الارض وعاين لـ علي ببرود.
علي وهو ضاغط على اسنانو : احسن تمشي عديل عشان م استعمل معاك اسلوب تاني.
عبودي مسح الدم النزل من خشمو وقال : انت م بتعرف تستخدم غير اسلوب الضرب؟!
علي : بيان كان عرفت م حيحصل خير نهائياً.
عبودي بصوت عالي  : انت حيوان!!! .. يعني انا الموضوع عاجبني؟؟ .. د اسمو ادمان وصعب اخليهو💔.
علي بصوت عالي : من الاول لي عملته كد؟؟
عبودي عاين ل علي ببرود وقبل منّو ومشى.
علي : اسمع بكره عادل والجماعه ماشين المول وجايين بنات صاروخ بس.
عبودي قبل عليهو بأبتسامه : نتلاقه هناك بعد المغرب.
الاتنين عاينو ل بعض مسافه وفجأه اتفقعو ضحك وضربو يدين بعض.
علي : تفكيرك تافه زي ي صحبي😂😂😂.
عبودي وهو بضحك شديد : اسسسي مش عامل فيها فاهم وم تسجر وبتاع😂😂😂.
علي بجديه : لأ بجد موضوع السجاير د لازم نقفلو ي عبدو.
عبودي بجديه : بحاول والله وانت ساعدني.
علي وهو كاتم الضحك : كويس.
عبودي ضحك والاتنين قعدو يضحكو.

______

*ترجع أصل أسطورة "ماري الدموية" أو Bloody Mary إلى "ماري الأولى ابنة الملك هنري الثامن، وهي ملكة إنجلترا الرهيبة (1516 إلى عام 1558) التي عرفت بالقسوة واشتهر عصرها بالمذابح الدينية .. حيث كان هدفها إعادة انجلترا إلى المذهب الكاثوليكي .. لم تستطع ماري الإنجاب فقد أجهضت عدة مرات و يبدو أن هذا كان يساعد في اشتعال طبعها الشيطاني .. وجاءت وفاتها كمفاجأة سارة للشعب الإنجليزي .. لكن الأطفال خلدوها بعبارة (مارى الدموية) وكانت اللعبة الشهيرة تقضي بأن يقف الطفل أمام مرآة فى الظلام و ينادى اسمها ثلاث مرات ..

أحيانًا كانوا يزيدون اللعبة إثارة بأن يقول : "يا مارى الدموية، أنا قتلت أطفالك !"، طبعًا تحمل هذه العبارة الكثير من الاستفزاز للمرأة التى لم تستطع أن تحتفظ بحمل واحد ومن المفترض حسب الأسطورة أن يراها الطفل واقفة وراءه في المرآة!*

بيان بعد قرت الكلام عن الاسطورة ماري الدمويه جدعت التلفون وقالت : مشششم قال ماري قال .. نشوف الكلام د صح او غلط.
دخلت الحمام وقفت جنب المرايه وقالت : ماري الدمويه انا لا أؤمن بك.
سكتت مسافه لمن م حصل شي قالت : مااااااري الدموية انا قتلت اطفالك.
عزوز جا داخل الاوضه وشايل كيكه شكلاته وسامع صوت جاي من الحمام وقف جنب الباب وعاين ل بيان البتقول ب زهج : ماري ي زفت قلنا انا قتلت اطفااااالك .. ها قال ماري قال .. جنس كضب.
عزوز : 😳.
بيان وهي بتقرب من المرايه : مااااري انا لا اؤمن بك .. اظهررري.
عزوز : 😳😳😳.
بيان : ماااري .. ماري .. ماري .. ماري الدمويه انا قتلت اطفالك.
عزوز : 😳😳😳😳😳😳.
رجع ل ورا وب صوت واطي قال : ياربي! جنت؟!
تاني عاين ليها وابتسم بـ شر وشال طرحه سوداء وغطى بيها وشو وقعد ف الارض وهو بقرب منها لحدي م بقى وراها وفجأه وقف وقال : مااااارييييي.
بيان صرررررختتت وشالت علبة الصابون وطاااخ ف عزوز.
بيان بتدقو ب كل قوتها وهي بتصرخ .. عزوز من الضحك م قادر يقول ليها انا عزوز .. بيان صرخت وهي بتجري .. عزوز قام لاحقها وقال : دقي😂😂😂😂😂😂دقيقه😂😂😂😂بيان😂😂😂انا😂😂😂عزوز😂😂😂.
بيان جدعت التلفون بعد م كتبت رقم الشرطه وشالت الشبشب وتاني وقعت فيهو دق.... ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏

*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《13》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
ومع اول اشراقة شمس عزوز كان واقف جنب باب العربيه ولابس بنطلون اسود وشاكي قميص ازرق مع حزام اسود وجزمه سوداء .. بيان لحقتو بـ عصير وقالت : اشربو قبل م تمشي.
عزوز شال الكبايه وشرب شويه ومدا ليها الكبايه : شكراً ي عسل .. يلا عشان م اتأخر.
بيان بأبتسامه : ان شاء الله يقبلوك يارب💕.
عزوز وهو بفتح باب العربيه : امييين .. ادخلي عشان م كويس تقيفي ف الشارع كتير.
بيان وهي بتقفل باب الشارع : طيب يلا ف امان الله.
عزوز رسل ليها بوسه ف الهواء وهي نطت شالتها وختتها ف خدها وعزوز ضحك واتحرك.

_______

رفع ورقه الامتحان عشان يغشش الوراهو ونزلها سريع لمن سمع المراقب بقول : الورقه م تتحرك من الدرج.
علي بهمس : ياخ م تشتغل بيهو كتير ارفعها .. عايز السؤال التاني.
عبودي بهمس : ابدلك بـ الورقه؟ .. حل لي الم حاليهو وانا بحل ليك.
_كويس خلي يلتفت وسريع سريع.
عبودي هز راسو وبعد دقايق المراقب نغمة تلفونو علت وقام عشان يرد وهنا علي وعبودي اتبدلو الورق.
مرت نص ساعه بعدها المراقب جمع منهم الورق وطلعو.
علي : غايتو الامتحان د م عارف جازفناهو كيف .. ياخ امتحان مسخن ب كلو.
عبودي : الاستاذ د شكلو حالف يسقطنا هندسيه.
_طبعاً الليل كلو بحلم ب رونق ياخ البت سمحه شديد.
_ياخ امبارح فـ المول كان يوم ظابط شديد .. عادل الكلب بعرف ليهو بنات سمحات للدرجه د بالله.
_ي زول عادل وبتعرفو ناسو م هينين.
_بكره الامتحان شنو؟!
_رياضيات.
_قاريها؟!
_الدرس بتاع ال (..) د الوحيد الم فاهمو.
_انا زاتي م قادر افهمو.
_تعال لي البيت ابوي بشرحو لينا .. وعشان اوريك التطور الحصل واخيراً💕.
_خلاص بجيك بعد العصر كد.
_قدااام .. ارح الحصه فيزياء.
عبودي عاين ل علي العاين ليهو والاتنين قالو : كتمت.
علي : نحنا اشتغلنا كويس الحمد لله.
_عايز اجيب درجه كويسه عشان بيان.
علي وهو بتذكر اخر مره لاقى فيها بيان : ان شاء الله حتفرحها بـ درجتك.
عبودي : انا حكيت لمن بيان جاتنا ف البيت فجأه وحضنتي واعتزرت لي؟!
علي بأبتسامه : اي.
عبودي بضحك : انا لحدي اسي مصدوم فيها م كنت متوقع حاجه زي د .. كنت قايلها حتكفتني😂.
علي خته يدو ف كتف صحبو الشمال وهو ماشين على الفصل وقال : وشعورك كان كيف!!
عبودي خته يدو فـ كتف علي اليمين وقال : م بتوصف .. ذكرتني بـ امي لمن تشاكلني وتجي اخر اليوم تنوم جنبي.
_ان شاء الله دايماً كد.
_امين ياخ.

دخلو الفصل وقعدو وهم براقبو الاستاذ القعد وهو شايل اوراق الامتحان.
الاستاذ : طبعاً شغلكم ماشاء الله فاجأني والله .. تقدم ملحوظ .. ونبدا ب اول واحد .. تسعه وتسعين من ميه الطالب عبد الرحمن محمد مصطفي.
كل الطلاب صفقو بـ حراره.
علي صفررررر وقال : ايواا ي عبدوو ياخ😌.
عبودي قام من محلو وقال : احممم اديني ورقتي ي خالد😌.
الاستاذ عاين ليهو من فوق النظاره وقال : عبد الرحمن؟؟! .. اانت متأكد د شغلك.

علي وهو بقيف : ي استاذ د شغلو وانا شاهد لانو لمن قلته ليهو غششني حلف ستين يمين م يغششني قال لي انو حرام وربنا بحاسبنا.
الاستاذ هز راسو وقال : ماشاء الله ان شاء الله دايماً من المتفوقين.
خالد مدا ل عبودي الورقه .. عبودي غمز وقال : مش قلته ليك فايتك ي اول المدرسه.
خالد : ان شاء الله دايماً .. لكن م بتحصلني.
الاستاذ : تمنيه وتسعين الطالب علي عثمان عبد الوهاب.
كل الطلاب صفقو ب حراره وعبودي وقف فوق الكنبه وصفررر وهو بقول : اووووو علي الحفار.
علي وقف ومشى ب فخر وشال الورقه وقال : متوقع متوقع😌.
خالد عاين ليهم ب سخريه وقال : محرومين.
الاستاذ : سبعه وتسعين من ميه.. خالد عبد السميع محمد انور .. والله ي خالد م متوقعه منك .. غلطات غباء بس .. ان شاء الله تعوض ف الجاي.
خالد هز راسو وشال الورقه.

______

رصت الغداء بعد م طلعت منها حنان وبتها امنيه قبل دقايق .. طلعت الهول اول م سمعت الباب فتح .. ابتسمت اول م شافت عزوز.
عزوز بأبتسامه : بيون .. كيف كان يومك؟!
بيان : زهج من دونك.
عزوز قعد ف الكنبه وبيان قلعتو الجزمه وهي بتقول : اها الحصل شنو.
عزوز رفعها من يدها وقعدها جنبو وبحزن قال : م عارف اقول ليك شنو!!
بيان ابتسمت  : ولا يهمك حتلقى الخير ف غيرو.
عزوز حضن بيات شديد وقال : بهظر قبلوني ومن بكره حأنزل شغل💕.
بيان زحت منّو وقالت : بجد؟؟؟
عزوز هز راسو وبيان حضنتو شديد وقالت : الحمد لله الحمد لله ي عزوز💕.
عزوز باس راسها كم مره وقال : د دعواتك لي.
بيان : الحمد لله يارب .. وطبعاً بمناسبه قبولك ف الشغل عملته ليك احلى كيكه شكلاته ف حياتك.
_تسلمي  ي حبي .. انا حأمشي اخد دش واجي.
_خلاص بعد الغداء لانو جهزتو.
عزوز مرر يدو ف شعر بيان وقال : ظابط م بتأخر.
بيان دخلت المطبخ جهزت باقي الغداء وحكايه 15 دقيقه وعزوز جا داخل والاتنين قعدو ياكلو.
بيان : وجو الشغل كيف؟! .. مريح يعني؟
_اي كويس شديد .. المدير زاتو لمن عرف انا من طرف ايلاف م اتردد ف توظيفي معاهو.
_الحمد لله يارب.
عزوز ضحك وقال : جهزو ل عرس بعد د.
بيان بأستغراب : كيف يعني؟!
عزوز رجع ل ورا ف الكرسي وقال : البنات ف الشركه سمحات ياخ.
بيان عاينت ليهو بطرف عينها وعزوز ابتسم بخبث وقال : شكلي كد شفته شوفه تانيه اعملي حسابك.
بيان كرمشت وشها وقبلت على الجهة التانيه.
عزوز بضحك : شوف البت عملت ل وشها كيف .. بهظر الزول م يهظر نهائي؟
بيان عاينت ليهو وقالت : هظر ف اي شي الا موضوع الغيره د.
عزوز بهدوء  : غيرك م عايز ي حبي وانتي عارفه كد💕.
بيان ابتسمت وم عرفت ترد.
عزوز : المدير شكلو مغرم ب بت خالتك.
بيان بضحك : كيف عرفته؟
_انا ولد وبعرف الاولاد.
_والله الليله م اخليها الكلبه ولا ورتني.
عزوز وهو بقيف : معناها جهزو ل عرسين.
_ياخ😒.
عزوز ضحك وهو بطلع من المطبخ.

______

_منو معاي؟!
_ي غبيه انا دنيا.
_دنيا؟ ود رقم منو؟
_رقم محمد .. قلته ليهو عايزه اتصل على لمياء.
_وتلفونك وين؟
_مش كلمتك محمد كسرو لي.
_اي صح اتذكرته .. وانتي صوتك مالو؟ .. لو قلتي لي بتبكي بكفتك.
دنيا مسحت دموعها وقالت : اشتقته ليهو ي لمياء والله م قادره خلاص💔.
_اسمعي كلمات الغنيه د وافهميها كويس.
لمياء بصوت جميل : دموع عنيكي على اللي راح ... مش هتداويكي من الجراح ... بس اوعي تاني تحني ليه ... مهما حن وقال سماح ... هو سابك وبـ ايديه ... لما هنتي فـ يوم عليه ... يعني هو م يستاهلش ... طيب قولي لي بتبكي ليه ... قوي قلبك على الفراق ... علميه الكبرياء ... لو فـ يوم اشتاق اليه ... احرميه من الاشتياق ... اوعي تنسي د يبقى مين ... د اللي باعك لـ السنين ... واللي يغلط مرتين ... يبقى د هو الغباء ... كنتي شايلاه بين عنيكي ... وكنتي ليه اجمل هديه ... كان د اول حب ليكي وكنتي ليه اول ضحيه.
دنيا عضت شفتها السفلى وهي بتمنع دموعها تنزل.
لمياء : حسيت الغنيه رساله ليك ي دنيا .. انا عارفه انو صعب تنسيهو .. لكن انتي حتقدري .. وزي م قال ليك محمد هو حيساعدك وكلنا حنقيف معاك .. انتي خلي بالك من قرايتك واجتهدي وربنا حيديك على قدر اجتهادك.
دنيا اخدت نفس وقالت : ان شاء الله ي لمياء .. ان شاء الله.
_______

ختت راسها ف كتفو وقالت : عزوز .. حاسه راسي لافي.
عزوز خته يدو ف جبهتها وقال : جسمك دافي .. خليك هنا حعمل ليك عصير واجي.
بيان وهي بتقيف : بتكون حاجه عارضه ساي.
عزوز : احسن تمشي ترقدي ع......
وقبل م يتم جملتو بيان كانت حتقع لكن عزوز كان اسرع منها وشالها وتاني م حست ب حاجه غير صوت عزوز بنادي فيها.
عزوز رقدها ف الكنبه وب خوف قال : بيان .. بيان .. مالك؟! .. بيان سامعاني!!
عزوز خاف زياده وقام سريع شال عبايتها واتحرك على المستشفى.
___

بعد ساعه..

فتحت عيونها ببطئ شديد .. اول حاجه شافتها هو .. كان قاعد جنبها وماسك يدها بقوه ومدنقر راسو .. ختت يدها فوق يدو وهو لمن حسى بيها رفع راسو.
بيان بأبتسامه : انا كويسه ي عزوز م تخاف.
بيان مسحت دموعو الجات نازله لا ارادياً وقالت : عزوز انا كويسه والله.
عزوز هز راسو بأبتسامه وهي قالت : عايزه اقعد.
مسكها من يدها وقعدها وعاين ليها مسافه وخته يدو فـ بطنها وقال : *بحبكم❤🌍*
بيان عاينت ليهو مسافه وكأنها بتحاول تستوعب..
صرررخت ب فرح وقالت : عزوز انت جادي؟؟؟ ... عليك الله قول لي جادي .. انا حامل بجد؟؟😭😭.
عزوز مسكها من يدينها وقال : والله جادي ي بيان .. م قادر اصدق انا والله .. الحمد لله يارب❤.
بيان بكت وهي بتقول : الحمد لله يارب الحمد لله❤.
عزوز : ابوك وعبد الرحمن قاعدين برا ومقلقين عليك ... امشي اكلمهم واجي.
_هم عارفين؟!
_ايوا عارفين ومنتظرنك تصحي بـ فارق الصبر.
بيان هزت راسها وهمست بـ الحمد لله❤.

عمي محمد جا داخل وباس بيان ف راسها كم مره والدموع ف عيونو.
بيان باس يدو وقالت : الحمد لله ي ابوي.
محمد : الحمد لله ي بتي الحمد لله .. الف الف مبروك .. ربنا يسعدكم دايماً وابداً.
عبودي حضنها شديد وقال : حببتي ياخ واخيييراً حتبقي ام واحلى ام شفتها❤.
بيان وهي بتقرص خدو ب خفه  : وانت ي مستهبل حتقبى خالو.
عبودي عاين ل محمد وقال : وانت ي حاج حتبقى جدو.
محمد : ي ولد😒.
بيان : هي ابوي د صغير كان عايز يعرس بعرس ولا م كد ي عزوز😉.
عزوز : اكيد ياخ .. معناها حيكون ف تلاته اعراس.
بيان : عزوز😐.
عبودي : احيي انا .. حاسي التسعه شهور د تسعه سنين .. ياخ م بقدر انتظر.
عزوز : وانا الابو اقول شنو؟!
محمد بأبتسامه : حتسموهو منو؟ .. ولا لسه م عارفين.
عبودي : عبد الرحمن طبعاً.
بيان : لا .. لؤي.
محمد : لا .. عبد الله احسن.
عبودي : لو م سميتوهو عبد الرحمن انا لا خالو ولا عندي معاهو قضيه.
محمد : عبد الله والموضوع انتهى.
بيان : هيي .. لؤي قلنا.
عزوز : احتمال م يكون ولد.
محمد : لو بت ماريا.
عبودي : لا .. البت إلسا
بيان : إلسا ف عينك .. د شنو اسامي الكفار د.
عبودي : عشان يكون اسم فريد من نوعو ي هبله.
عزوز : لو ولد زياد .. لو بت حنين .. انتهينا.
بيان وعبودي : لااا.

____

بعد العصر ..
محمد وهو بقعد ف الهول : انت ي عزوز قلته لي لقيت شغل؟!
_اي ي عمي .. ان شاء الله من بكره حنزل.
بيان قدمت ليهم الشاي وقعدت.
عزوز : عبدو وين!! .. خلي يجي يشرب الشاي.
عبودي جا داخل وقال : جيت.
بيان : كنت وين!!
_بتكلم مع علي.
بيان بأبتسامه : ولد ماشاء الله عليهو ربنا يحفظو.
عبودي : بسلم عليك وعلى الطفل اللسه م شفناهو.
بيان : الله يسلمو.
عزوز نغمة تلفونو علت شالو ورده بعد مسافه اداهو ل بيان وقال : د امي عايزه تبارك ليك.
بيان اتوترت لانها بعد المشكله الحصلت م اتكلمت مع زول منهم .. اخدت نفس وقالت : الوو خالتي.
_بيان حببتي .. م بتتخيلي فرحته ليكم قدر شنو .. الحمد لله يارب.
_تسلمي ي خالتي شكراً ليك.
_على شنو ياخ د الواجب .. حاولي م ترهقي نفسك كتير ولو حسيتي انك تعبتي تعالي اقعدي معاي.
_شكراً ليك م بتقصري عارفاك .. انا والله خجلانه منك ي خالتي.
_على شنو ي بتي انا زي امك.
_تسلمي ي خالتي ربنا يديك العافيه.
_تسلمي حببتي .. يلا لحدي م نجيك.
_يلا ف امان الله.

بيان مدت التلفون ل عزوز البتكلم مع محمد.
عبودي وهو بقيف : يلا ي جماعه انا ماشي ل علي عشان نقرا .. اتأخرته انا زاتي.
بيان : بكره امتحانك شنو؟
_رياضيات.
_ربنا يوفقك.
عبودي وهو بدخل الاوضه : م وريتك.
وجا طالع شايل ورقه الامتحان اداها ل بيان .. شالتها وزغردت وهي بتقول : ماشاء الله تبارك الله .. شوفو عبودي ناقص درجه وحده ف الفيزياء.
محمد : ماشاء الله ان شاء الله دايماً.
عزوز ضربو ف كتفو بخفه وقال : بقيت حفار.
عبودي : الفضل يعود لـ ايلاف الشرحت لي.
بيان : يعني اضمنك تقفل ف امتحان الشهاده؟!
عبودي : اكيد اكيد😌.
بيان : والهندسيه الليله كانت كيف!!
عبودي قبل ب جسمو وقال : انا حأتأخر على علي.
وقام جاري .. بيان بصوت عالي : حشوف شغلك ف النهايه مش كان جريت.

___

بعد العشاء ..
_يلا امشو صلو ونجي نواصل.
علي : ي ابوي ياخ كفايه نحنا من قبيل بنقرا.
عثمان (ابو علي) : انا اديتكم اختبار م ناقشين حاجه .. عشان كد لازم اضغطكم.
عبودي : قراية الدفس البلا نفس.
علي : قراية الحمير البلا ضمير.
عثمان بضحك : والله ياهو زاتو.
جات داخله ام علي (زهور) : بعد تصلوا انزلو المطبخ جهزته ليكم فطاير بالعسل.
عثمان : تسلم يدك ي حلوه.
علي عاين ل عبودي المبتسم وهمس ليهو : مش قلته ليك ف تطور حصل❤.
عبودي بأبتسامه : ان شاء الله دايماً كد ي علي.
علي وهو بقيف : يلا عشان م نتأخر.

بعد صلو جماعه كلهم نزلو قعدو ف السفره وبدو يتونسو.
عمر اخو علي الصغير جرا عبودي من شعرو وضحك.
عبودي : ي زول امشي جر شعر اخوك العاملو زي ابو القنفد د.
زهور : الاتنين شعركم عايز حلاقه.
علي وعبودي : والله م نحلق.
زهور ل عثمان : نفس قلت الادب.
عبودي : نفس كلام بيان.
عثمان : قومو يلا .. عشان نراجع اخر مره.
زهور : عبودي الليله لازم تبيت.
عبودي : والله ي خالتي بيان بايته معانا م حقدر .. ان شاء الله مره تانيه.
زهور : علي قال لي بيان حامل ماشاء الله مبروك ليها.
عبودي : الله يبارك فيك.
عثمان : اطلع القاكم وراي .. وقال جملتو وطلع.
عبودي وهو بقيف : جايين .. ومده يدو عشان يشيل اخر فطيره لقا علي شالها خطفها من يدو واكلها.
علي نط فيهو : جيب الشي د.
عبودي بلعها وقال : اطلعها كيف بعد م اكلتها؟!
علي مسكو من رقبتو وقال : تتصرف ي زول.
عمر وهو بمد ليهم فطيره : هاكم د.
علي عايز يشيلها عبودي نط فيهو والاتنين قعدو يتشاكلو فيها .. وعمر بصفك ب يدو الصغيره وبضحك👶.
زهور : سجمخشمي😳...



*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《14》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​
عيونو بتلمع فرح وهو براقبها بـ نظرات دافئه .. اخد نفس وقال : بيان .. حببتي قومي الصلاة.
عبودي جا داخل وفتح النور وقال : الصلاة خير من النووووم.
عزوز : هششش .. براحه م كد.
عبودي ببرود : لي حأزعج البيبي يعني؟!
عزوز بأبتسامه هز راسو.
عبودي : عايزين تدلعوهو من اسي؟!
بيان قبلت على الجهة التانيه وهي بتقول : ياخ اطفي النور.
عزوز : الصلاة ي بيان .. قومي.
عبودي جرا منها البطانيه وقال : انتي احسن مننا ف شنو؟ .. حلال عليك وحرام علينا.
بيان : ياخ م علي صلاة.
عزوز وهو بغطيها : خلاص نومي .. م كنا عارفين.
عبودي جرا البطانيه تاني وقال : هي كيف يعني م علي صلاة .. هي الصلاة د على ناس معينين!
عزوز : ياخ انت مالك اطلع برا.
محمد جا داخل وقال : ي اولاد ف شنو؟!
عبودي وهو بأشر على بيان : بتك قالت م ح تصلي.
عزوز : ي عمي م عليها صلاة وعبودي د م بفهم.
محمد : د حاجه م بتخصك ي عبدو خلاص امشي صلي انت وعزوز.
عبودي وهو برقد ف السرير : خلاص انا زااتي م علي صلاة.
عزوز كتم الضحكه وعاين ل محمد وقال : هو بجد م فاهم؟!
محمد ضحك وقال : م فاهم حاجه .. بريئ.
عزوز جرا عبودي من يدو وقال : قوم صلي ي ولد.
عبودي عاين ل بيان وقال : استغفر الله .. ارح نصلي عليك الله.

______

الساعه 7 صباحاً ..
عزوز : ناس امي قالو جايين يتغدو معانا.
بيان : بجد؟ .. خلاص ارح نرجع البيت ونمشي السوبر ماركت نشتري حاجات للغداء .. وانت ي عبودي حتمشي معانا عشان تنضف البيت لانو الناس جايين والبيت عايز نضافه.
عبودي : ي بت عندي امتحان بعد ساعه.
بيان : ومنتظر شنو امشي البس.
عزوز : كيكه الشكلاته بتاعتي م اكلتها.
عبودي : الحمد لله عشان اكلها معاك.
عزوز : لا ماف ليك.
بيان : خلاص امتحن وتعال لي ب هناك.
عبودي وهو بقلع التيشيرت : م عندي حاجه حأستحمى سريع والبس الشورت والتيشيرت.
بيان : الشورتات بتاعتك الفوق الركبه د اوووعك تمشي بيها المدرسه .. وريتك وحذرتك عشان م اشيلهم منك.
عزوز عاين ل عبودي وهو بحاول يكتم الضحكه.
عبودي عاين ل عزوز البشمت فيهو وقال : اشمعنا عزوز يلبس شورتات.
بيان وهي بترتب السرير : م بطلع بيها الشارع زيك .. وبعدين انت ماشي مدرسه.
عبودي : ايام الامتحانات م بسألونا من الزي المدرسي كتير.
بيان بتحذير : م حعيد كلامي ي عبد الرحمن .. وشيل مفتاح البيت من عزوز عشان بعدين م تخبط لي.
عبودي بزهج شال بنطلون جنز وقميص ودخل الحمام.
بيان : عزوز انت مش مفروض تمشي الشغل؟!
عزوز : اي حتحرك طوالي .. وبرجع قبل الغداء.
بيان : خلاص تمام.

___

بعد العصر ..
فتح باب الشقه وبصوت عالي قال : امتحان مووويه بس.
بيان من المطبخ : الحمد لله يارب .. عقبال الباقيين.
عبودي اخد دش وصلى العصر .. بيان ولعت بخور وعاينت ل عبودي القال ليها : الجرس بضرب .. شكلهم جو.
بيان : انت هسي حتلاقيهم كيف بعد العملتو د!؟
عبودي ب زهج : انا بحاول انسى وانتي تذكريني .. م عندي ليهم شي.

_على كيفك.
ومشت فتحت الباب .. مريم ومعاها شهاب وسلمى الشايله بتها .... بعد السلام الطويييل كلهم قعدو ف الهول.
بيان : وين خالتي دلال؟!
مريم قربت من بيان وقالت : بري اظنها زعلااانه هي ومحمد.
بيان دنقرت راسها بحزن وقالت : من حقهم ي خالتي.
مريم : ها العويره د .. عادي بتحصل كتير .. مع الايام بنسو.
سلمى وهي بتعاين للبيت بقرف : الحمام ب وين؟!
بيان وهي بتأشر على الممر : ب هنا .. ولا امشي معاك؟؟
سلمى : مفترض يكون قريب لي عاملنو بعيد كد؟؟
شهاب فهم اختو وحاول يغير الموضوع عشان بيان م تتحسس : عزوز وين من قبيل!؟
بيان : بجي بعد شويه من الشغل.
شهاب صلح نظارتو وقال : طوالي نزل؟!
بيان : ايوا الليله اول يوم .. المدير ببقى لي صحبتي ود خالتها عشان كد م واجه صعوبات كتيره.
سلمى ادت بتها ل شهاب وقامت اتوجهت ناحيه الحمام .. وهي ماشه لمحت عبودي ف المطبخ ماسك التلفون .. دخلت وقالت : م بتسلم مالك؟!
عبودي عاين ليها ببرود وقال : اعتقد انو براحتي.
سلمى وقفت جنبو وقالت : خجلان من العملتو ولا شنو؟!
عبودي ضغط على اسنانو وقال : احسن م تدخلي.
سلمى : عليك الله انت حاسي روحك راجل؟!
عبودي وقف بغضب ومسكها من يدها بقوه وهنا سلمى صرخت فيهو : زح مني ي مجنون.
عبودي بغضب : اعتزري على القلتيهو.

عزوز فتح باب الشقه وقال : ي سلااااام نورتو والله.
بيان خلتهم مع عزوز وهي مشت تنادي عبودي عشان يسلم .. اول م دخلت المطبخ لقت عبودي ماسك يد سلمى .. بيان زحتو منها وقالت : عبودي د شنو؟!
سلمى وهي بتعاين ل بيان بحده : ربيهو كويس الولد د قليل الادب .. عدم الأم مشكله والله .. د تربيه د؟؟
بيان عاينت ليها بصدمه وقالت : احترمي نفسك انتي اول .. د م كلام تقوليهو.
سلمى رفعت اصبعها ف وش بيان وقالت : م بحترم نفسي .. مش كفايه العملو عبد الرحمن ل دنيا؟؟!
بيان بصوت عالي : الموضوع د اتقفل.
عزوز : بيان ف شنو؟!😳.
سلمى زحت منها ووقفت جنب عزوز وقالت : المريضه د هي واخوها احسن يختوني.
بيان رفعت حاجبها وقالت : والله؟! .. انتي لمن تكوني مطلقه وم عندك اصل م تجي تقولي علي مريضه.
عزوز ببرود عكس النار الجواهو : سلمى امشي.
سلمى عاينت ليها من فوق ل تحت ومشت .. عزوز عاين ل بيان بنظره عمرها م حتنساها وطلع.
عبودي ل بيان : اقسم بالله م عم....
قاطعتو : عارفاك ي عبودي .. اصلاً هي بتحب المشاكل .. خلينا منها المنفسنه د.
عبودي ربت على كتفها : امشي اقعدي معاهم .. انا بجهز الغداء.
بيان بأبتسامه : جادي؟!
عبودي : اي والله.
بيان وهي بتصلح طرحتها : خلاص تمام.

قعدت تتونس مع مريم وهي بتتفادى النظر ل سلمى .. بعد مسافه عبودي ناداهم للغداء.
مريم وهي بتقيف : الليله عاملو عبد الرحمن ولا شنو .. ماشاء الله ربنا يحفظو.
شهاب ربت على كتف عبودي وقال : م عرفناك باشمهندش ولا شيف!
عبودي  : د مواهب مدفونه اسأل ابوي منها😌.
بيان : اتكلمو ف المطبخ عشان الاكل م يبرد.

كلهم قعدو ف السفره الا عزوز وسلمى.
شهاب : امتحانات الشهاده باقي ليها كم؟!
عبودي : شهرين بس.
مريم : قربتو والله .. ربنا يوفقكم.
عبودي : دعواتك ي خالة.
مريم وهي بتقيف : الحمد لله .. نادي سلمى تجي تغسل معاك العده د ي بيان.
بيان : لالا ي خالتي عادي والله .. انتو ضيوف.
شهاب بأبتسامه : شكراً على الاكل الظريف د.
بيان : العفو ياخ على شنو د حاجه بسيطه.
___

فتحت باب الاوضه لقتو طالع من الحمام .. قعدت ف السرير ونزلت بتها وقالت : رهف امشي ل خالو شهاب.
رهف طلعت وعزوز قعد جنبها.
سلمى بكت وقالت : شفته قالت لي شنو؟! .. هي .. هي لي بتقول لي مطلقه! ... يعني قصدها شنو؟!
عزوز اخد نفس وقال : انتي عملتي ليها شنو؟!
سلمى بغيظ : م عملته ليها حاجه .. انا اتكلمته مع عبد الرحمن قلته ليهو لي م جيت سلمته .. وهي جات اتدخلت قالت لي انتي مالك وبتاع ... وبعداك انت جيت وشفته قالت لي شنو!!
عزوز مسح على راس سلمى وقال : حببتي خلاص انا اسف على القالتو واوعدك حاجه زي د م حتتكرر.
سلمى مسحت دموعها وقالت : اصلاً انت بتحبها اكتر مني.
عزوز بأبتسامه : بحبكم الاتنين زي بعض .. هي م عرفت الطيبه الجواك .. وانتي م اتعرفتي عليها كويس .. انتو الاتنين انا بحبكم اكتر من نفسي .. وم تزعلي على كلامها.
سلمى حضنتو وقالت : ربنا يخليك لي ي اخوي.
عزوز باس راسها وقال : امشي اتغدي معاهم.
سلمى : م عايزه .. اكلته.
عزوز وهو بقيف : خلاص ارح نقعد معاهم.
سلمى : نحنا بعد د نمشي اتأخرنا زاتو.

" سلمى .. ارح اطلعي ماشين"

سلمى : د امي بتناديني.

عزوز طلع ودعهم هو وبيان وعبودي .. بعدها بيان وعبودي لمو الصحانه ونضفو السفره.
عبودي بعد غسل اخر صحن قرب من بيان وب صوت واطي : انتي عزوز د كويس!!

_انا م غلطانه ف حاجه ولا انت غلطان.
_ياخ انا كنت قاعد امان الله جات قالت لي انت حاسي ب روحك راجل وكلام فاضي .. والله قربته اكفتها لمن قالت عدم الأم مشكله.
بيان وهي بتحاول تخفي غضبها : عبودي خلاص.
عبودي : انا حرجع البيت بعد د .. م قريت حاجه.
_حتنتهي متين؟!
_الاسبوع الجاي ان شاء الله.
_ان شاء الله.
عبودي باس خدها وقال : يلا.
بيان ودعتو وطلع .. دخلت الاوضه لقت عزوز قاعد ف السرير شايل اوراق .. عاينت ليهو وشالت هدوم ودخلت اخدت دش .. طلعت الهول وقعدت ف التلفزيون.
بصوت حاد " بيان "
بيان من غير م تلتفت عليهو : خير!
عزوز بنفس نبره الصوت : تعالي هنا.
بيان وطت الصوت ومشت وقفت قدامو : اها؟!
عزوز دخل يدينو ف جيب البنطلون وقال : د شنو القلتيهو ل سلمى قبيل.
بيان ببرود : قالت ل كلام حار وانا رديت ليها.
عزوز بحده : انا مش قلته ليك م تجيبي سيرة الطلاق د تاني؟!
بيان رفعت حاجبها وقالت : انت م عارف هي قالت لي شنو عشان تطلعني غلطانه.
_قالت شنو؟!
_م ضروري تعرف .. المهم انو كلامها م عجبني وانا رديت ليها بالمثل.
_حتى لو قالت لي م من حقك تقولي ليها كلام زي د ... انتي كلامك د بخليني اتصرف معاك تصرف م يعجبك!
بيان ضحكت ب سخريه وقالت : وريني عايز تعمل شنو؟!
عزوز وهو بحاول يخفي الغضب الجواهو : هسي اتصلي عليها واعتزري.
بيان ربعت يدينها وقالت : م حأعتزر.
عزوز طلع تلفونو ومداهو ليها وبحده قال : ح تعتزري.
بيان رجعت ل ورا خطوه وقالت : انا م بعتزر ل زول .. كلام واضح.
عزوز جراها من يدها بقوه وبصوت عالي : حتعتزري ي بيان وغصباً عنك.
بيان جرت يدها بقوه وقالت : انا م غلطانه وم حعتزر.
عزوز بصوت عالي : تقولي ليها كلام زي د وم تعتزري؟؟؟؟
بيان وهي بتحاول تكون قويه : اي م غلطانه.
عزوز عاين ليها مساااااافه وبهدوء قال : بيان.
بيان وهي بتتصنع البرود : مالك؟!
عزوز بنفس نبره الصوت : نحنا ماشين كويس .. احسن تتعدلي عشان م اقول كلام اندم عليهو عمري كلو.
بيان بلعت ريقها وقالت : عايز تقول شنو؟! .. ها؟ .. عايز تطلقني يعني؟! .. شوف هنا انا م عندي حاجه ل زول .. وطول م انت خاتي اختك د بيناتنا م حنمشي ل قدام .. والعايز تعملو اعملو.
قالت جملتها ودخلت الاوضه التانيه قفلت الباب.

عزوز بلع ريقو كم مره وهو بعاين للاوضه الدخلتها ودخل يدينو ف جيبو شال مفاتيحو وطلع.

لمن حست بيهو طلع لبست عبايتها وطلعت ركبت امجاد ..
" زعلانه لي؟ .. مش هو فضل اختو عليك؟ .. مش م سمع منك وطلعك غلطانه؟ .. م تبكي اوعك ولا تزعلي على زول م بيستاهل .. خليك قويه "
قالت جملتها وبسرعه مسحت الدموع النزلت على خدها.

_______

طلع نظارتو وقال : انت عارف سلمى ابوي كان مدلعها كيف .. والله ي عزوز سلمى بتغير .. بتغير لانها بتحس انك بتحب بيان اكتر منها .. اتعودت عليك تهتم بيها قبل م تتزوج انت صح؟! .. لانو ابوي لمن اتوفى الله يرحمو هي كانت متعلقه بيهو شديد .. انا وانت بقينا ليها أبو قبل الاخوان .. سلمى بتحب نفسها لانها اتعودت علينا نهتم بيها هي وبس .. لمن لقتك فجأه بقيت بعيد منها وبتهتم ب وحده تانيه اكيد لازم تغير وتحاول تلفت انتباهك..
شهاب ابتسم وهو بواصل : زمان لمن كنت متزوج بيسان كانت بتشتكي لي منها مع انو بيسان م بتكون عملت حاجه ... د كلو لانها لقتني بميل ل بيسان اكتر منها .. انا ي عزوز اتزوجت قبلك وهي لمن لقتني خلاص م بهتم بيها زي زمان مالت ليك اكتر ولقت اهتمام منك .. ولمن انت اتزوجت م لقت زول ف اكيد حتحاول تعمل حاجه عشان ترجع الاهتمام د .. وكمان بعد اطلقت نفسياتها بقت كعبه شديد .. بتحس انها ماف زول بحبها وماف زول بهتم بيها .. والله ي عزوز مرات بكون قاعد تجي تسألني انا احلى ولا فلانه .. انا كد حلوه .. عملته شعري كد حلو؟!.
عزوز سكت مسافه بعدها قال : انت شايف الغلطان منو؟!
_اول حاجه زي م قلته ليك .. بيان م حتكون قالت ليها كد ساي الا سلمى تكون قالت حاجه كبيره وزعلتها .. انت م تسأل سلمى لانها اكيد حتحاول تطلع روحها م غلطانه .. اسأل عبودي الكان قاعد معاهم.
عزوز اخد نفس وقال : حاضر .. كنت عايزك ف موضوع تاني.
شهاب لبس نظارتو وقال : اها!!
عزوز رجع شعرو ل ورا وقال : طبعاً انت عارف انا يعنييييي .. موظف جديد ... ولسه م استلمته مرتبي .. ف عايزك تديني قروش لحدي م ربنا يفرجها.
_وبتتلايق كد مالك قال ... انا ي عبد العزيز بصرف على منو؟ .. ولا زول صح .. م ترجعها ولا شي ياخ اعتبرها هديه.
_عايز بالدين اهلاً وسهلاً م عايز بالدين انا ماشي.
شهاب ضربو ف ظهرو وقال : عارفك اصلاً عامل فيها الود داك.

____

الساعه 12 صباحاً ..
_ي بت الناس .. انتي بتبكي عشان موضوع تافه شديد.