وسلاماً للذي بقي صامداً أمام كُل الصعاب ،
الذي لا زال يعيش بعفويته ، ويبتسمِ للعابرين بكُلِ لُطف .

انا الاستثناء والخسارة الفادحة، انا الذي أخرج مره واحدة في حياة أحداهم، وإذا فلتت من يداه لا أعود ولا اتكرر أبدًا.

مـا بيـن غمـضه عيـن وانتباهـتها يغـير الله من حـال إلى حـال 📜🤍.

من اخبرَك أن الموت أمرٌ سيء؟ هل الحياة بالمقابل أمرٌ جيد؟! هل تسمي الإختناق اليومي وتلك الايادي التي تمتد كل يومٍ كي تعبث بك حياة؟ أنا أسفّ لحالنا فعلاً.

كن مُختلف ولا تَكن ذا مُخ تَلِف
Be different and don't be a different brain

فانية يا الله.. فلا تجعل مُرها يُشقينا ولا حلوها يُلهينا..🧡!

"أن تكونَ خَطواتِنا آمنة،ألّا نسقط،
أن نسير طويلاً إلى طريقٍ نُحبه و نشعر فيه بالرضا."..🧡!

الطمأنينة والأمان ديل مسؤولية نفسك اتجاهك.. م تنتظرهم من بني ادم تاني.. لانو ماف زول دايم لزول.. واللحظة البمشي فيها البني ادم دا ح يمشو معاهو وح تقع وقعة شينة خلاص!..

صباحكم عافية💜✨

*#حب_الروح《11》*♥️
*#(مطلقه_ولكن)*
*#بقلم_حكيمه_ابكر*
*ــــــــ♡ــــــــ♡ــــــــــــــ♡ــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
*مر اسبوع ع زواجنا*

كنت ف الحمام الداخلي عاوزة استحما لمحت تلفون مركون ف نهاية الحمام شلتو قلبتو المهم م اشتغلت بالموضوع ختيتو ف الشاحن واتمنيت يكون حق حليمه الحربويه م سالت مروان عشان لو سالتو لو حقها ح يشيلو مني بعداك مشيت جهزت ليهو الشاي ختيتو جنبو قال لي تعالي مشيت قعدني جنبو ف الكنبه وشربنا مع بعض الشاي ومشا ع الشغل بعد رتبت البيت اتذكرت موضوع التلفون مشيت فتحتو لقيتو فعلا حقها والحلوة م عليهو باسبورد الا التطبيق داك اللي بتنقش اي نمط بفتح معاك سبحان الله فتحتو اول م فتحتو قبل اي حاجه جاني اتصال فتحت الخط قبل م اتكلم سمعت صوت بقول يعني قفلتي تلفونك والله ي حليمه لو م نفذتي كلامك وحللتي طلاقك ورجعتي لي م ح تشوفي خير وراجلك د انا مراقبو اتطلقي قبل اعمل فيهو شي وقفل الخط فتحت السجلات لقيت مكالمات كتيرة من نفس الرقم والحلوة تلفونها بسجل المكالمات لقيتا بتتكلم معاهو طوالي واتذكرت التهديد وعادي يعملها خفت علي مروان شديد واتصلت ليهو م رد علي قلقت عليهو شديد 🥺 اكتر من 20مكالمه م رد علي 😭م عرفت اتصرف كيف انتظرتو وانا ع اعصابي قاعدة ف الهول برا وبهز ف رجولي وبطقطق ف صوابعي لمن الباب دقا فتحتو لقيت مروان ومعاهو صاحبو ساندو ف كتفو وراسو مضروب وجسمو مدمم من الضرب اتخلعت من منظرو سالتو الحاصل شنو والخوف ظاهر ف وشي صحبو قالي د م زمن اسأله ساعديني ندخلو جوا سريع بالاول سندتو و دخلناهو جوا قلت ليهو كنت توديهو المستشفى قال لي كدا ح نضطر نفتح محضر والشغله د واضحه مدبرة انا ح اتابع عندي صحبي مباحث ح يتابع معاي قلت طيب شكرا ليك تعبناك قال لا عادي انا بستاذن بعدا قلت ليهو تسلم اتفضل استاذن بعد نضفت ليهو جسمو من الدم عملت ليهو مكمدات تنزل ليهو الحمه من جسمو ولفيت راسو بشاش وعملت ليه شوربة دجاج شربتو بعد ارتاح حبه حتى سالتو الحصل شنو بالضبط؟؟ قال لي

اتحركت زي الساعه 10 من الشغل ف عربية كانت لاحقاني قدر م التفت بلقاها وراي م اشتغلت بالموضوع كتير بس اتفاجأت زمن اعترضت طريقي ووقفت وانا اصلا حاسي انو الوضع م طبيعي اتصلت لصحبي الشغال معاهو اصلا م بعدت كتير قلت ليهو الحقني والخط كان فاتح نزلو منها اتنين او لاد صخمين بدو يضربو فيني والتالت كان جوا نزل قال لي حليمه خط احمر يا اما تطلقها!! يا اما تطلقها!!؟ وبس من غير نقاش🖐 ف الموضوع تمام ونفس سجارتو ف وشي الفترة ديك صحبي وصل وعملنا اللازم قامو هربو!! بس عاوز اعرف علاقة حليمه بالراجل د شنو؟؟ كدي اتصل عليها واسالها قام اتصل ف رقمها واتفاجأ برنة التلفون ف الغرفه لا دقيقه الجاب تلفون حليمه البيت شنو ولسا جوا ف الغرفة النوم انا راسي اتلخبط ي ام كلثوم😣 ممكن توضحي قلت ليهو بالضبط ي مروان علاقه الراجل الضربك شنو ب حليمه؟ وكيف تلفونها معانا هنا ؟ المواضيع دي كلها مرتبطه ببعضها وعليها استفهامات؟؟؟؟عاوزة توضيح واستفسارات ! قال لي كيف؟ قلت ليهو بفهمك انا كنت ف الحمام لمحت لي حاجة مركونه مشيت عليها لقيتا تلفون رفعتو قلت ياربي ح يكون حق منو لو سالتك ح تعرف حق منو وممكن

تفتحو واصلا انا اتكلمت مع امك قالت لي شاكه فيها بتجيها اتصالات انصاص الليالي وصحبتها اللي اسمها صفاء لمن تتكلم معاها م بتخلي زول يسمع كلامهم ! قالي فعلا حتى انا شكيت ف الشغله د حتى سالتها جاطت لي وبتاع قلت طيب اتم ليك شحنت التلفون فتحتو لقيتو حقها مجرد م فتحتو جاتني مكالمه من رقم مجهول رديت واتفاجأت بتهديد انو ح يعمل ليك شي ع اساس انا حليمه م اتكلمت لمن خلص وفصل وقال بالحرف انو لو حليمه لو م اتطلقت منك ح يعمل فيك شي اليوم كلو كنت ع اعصابي منتظراك وبتصل ماف رد خفت عليك شديد ي مروان 🥺وحضنتو علي قلت الحمدلله انك بخير 😍 قال لي حبيبي انا والله كنت مشغول عشان كدا م رديت بس لازم نعرف الشخص د منو بالضبط قلت ليهو معروف منو د بكون طليقا واصلا دخلت بيتك عشان تحلل طلاقها وبس م اكتر وانت شوف ح تتصرف كيف لانو هي شكلها اتخلت عن فكرة الطلاق عشان كدا حصلت التهديد وجية صحبتها د اظن بتقنعها عشان تتطلق!! وفعلا ربنا اراد انو تتكشف مع انك شطبت البيت كلو بس الحمام م هبشتو وسمعتو سجل المكالمات بتاعتها كلها كانت تهديد ف تهديد قال لي عشان كدا طوالي بتتصل لي ب تلفون امها شكلا عاوزة التلفون وانا كنت بفهم انو عاوزة المصروف ف برسل ليها صحبي سبحان الله يعني انا كنت مجرد خطه منها ؟ خلتني اتزوجها واصرف ع عيالها بس الغريبه انو هي براها جاتني واقنعتني ب العلاقه وقالت انو انا ظالمها قلت ليهو زي م قلت ليك بتكون شايفه انو زواجك احسن بالف مرة عشان كدا نقضت الخطه د واتراجعت والكلام م عجب زوجها السابق عشان كدا ابتدا يهددا شوف ح تعمل شنو؟ تخلصها منو لو عاوزها قلت كلامي د وعاصرة ع قلبي ليمون عشان م ابكي بس دموعي خذلتني 😭 قال بس ي حنينه القال ليك منو انو انا ح ارجعها بعد الكلام السمعتو دا ؟ اتاكدي اني مكتفي بيك وبس فعلا الراجل عندو اربعة غرف ف قلبو وانتي الاربعه غرف د مليتيها ماف داعي لوجود واحدة تانيه انتي زوجاتي الاربعه وحضني عليهوووو قلت ليهو انت نعمتي ي مروان مسح دموعي وقال لي خلي نكد وخلينا نفكر ح نعمل شنو الصباح نمنا ع كدا

*جانب حليمه*

امها قالت ليها ي بت متمحنه مالك ليك اسبوع لا حكيتي الحصل شنو لا عاوزه ترجعي بيت راجلك؟ اعمل ليك شنو ي بت بطني ولسا شفعك رامياهم ف بيت خالتك قالت ليها يمه عليك الله الفيني مكفيني م عاوزة ضغوطات اكتر من المريت بيها لازم امشي براي واشوف البحصل شنو لفت توبا كانت طالعه فتحت الباب لقت مروان قدامها وقفت مصدومه قالت مروان😲 كنت ماشا عليك اتفضل جوا كان باين عليهو انو عاوز استفسار دخل جوا سلم علي امها حليمه جابت ليهو المويه امها قالت كدي النشوف حلتي الفي النار دي مشت
حليمه قالت ليهو كيف حالك؟ قال انا كويس وقربت عليهو نظام اشتاقت ليهو قال ليها اها قررتي شنو؟ قالت ليهو بالنسبه لشنو قال ليها م تتغابي انتي عارفه انا قصدي شنو ي حليمه قالت ليهو انا موافقه ي مروان اكون علي ذمتك م عاوزة اخرب بيتي قال ليها يعني موافقه انك تواصلي خططك! مفتكراني غبي وحصدقك تتزوجيني وتحللي طلاقك؟؟فعلا كل شي ل خير لو كان حبيتك كان البحصل شنو؟ ولسا كنتي مشيلاني ذنب انو انا ظالمك م بتختشي انتي بقت تبكي نظام متاثرة قالت ليهو شنو الاتهامات د ي مروان قال ليها م تكذبي انا عرفت اي حاجه اللي كنتي ح تعملي اولا د غلط و اكبر غلط لانك ح ترجعي ل جحيم م ح تخلصي منو لانو باين انو وش اجرام وثانيا ود الاهم انو حرام م عرفتي انو زواج التحليل بتم برضا الطرفين م مخطط والكنتي ح تعملي اكبر افترضي طلقتك ورجعتي ليهو ح تكوني زانيه لانو فعلا انا اخترتك بس بتخطيط مسبق منك قالت ليهو مروان 😭

*"لقد رأيت الثقب في سفينتك منذ اليوم الأول للرحلة، ولكنني قررت الإبحار معك ظناً منّي بأن الحب يصنع المعجزات."*

- دوستويفسكي
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#حب_الروح《12》*♥️
*#(مطلقه_ولكن)*
*#بقلم_حكيمه_ابكر*
*ــــــــ♡ــــــــ♡ــــــــــــــ♡ــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
قال ليها بلا مروان معاك اساسا م عاوز منك كلام ولا عاوز منك اي تبرير لانو بسببك انا كنت ح اموت شايفه الشاش الفي راسي دا من ورا الغالي انتي عارفه انو مراقبنا لا الليله ولا امس بل من بداية زواجنا وامس وصل درجه يتهجم علي م ح اخليهو ولعلمك فتحت فيهو محضر سري و ح يتقبض لو يخوش جحر الفار! قالت ليهو مروان م تسيبني انا م عاوزة ارجع ليهو انا عاوزاك انت قال ليها يعنى انتي همك ترجعي وم هاميك العملو فيني ؟انا اسفه بس م تحرمني منك 😔😭قال ليها اسف م اظن اتقبل بيك بعد الحصل د لانو انتي غلطانه وعاوزة تصلحي الغلط بغلط! ساعة اتغاضيتي عنو وقررتي تواصلي معاي كنتي توريني نحلها سوا موش تتكلمي معاهو بالسر لانو د خيانه حتى لو م عملتي حاجه مكالمتك معاهو اكبر غلط واحتمال ف اي لحظة يقنعك وترجعي ليهو وتتخلي عني عشان كدا لازم ننفصل💔
ـــــــــــــــــــــــــــــــــــــــــــــــــــــــــــــــ

ف اللحظة ديك الباب دقا وامها فتحت والمفاجأة كانت صفا ومعاها الغالي شايل سكين وكمان سكران ام حليمه رجعت ورا زمن شافتهم وبقت تتحوقل كانت عاوزة تصرخ قال ليها لو سمعت حسك بضبحها قدامك وقفل الباب من جوا وكان سكران للطيش وحالف الا يضبح صفا قدام حليمه وماسكا من رقبتها وبهددها بالسكين ساقا دخل بيها جوا وقال ل عشه تكون قدام عشان م ترجع تفتح الباب او تحاول تتصرف دخل جوا و اتفاجأ ب مروان برضو قال شكلو الحظ بضحك ف وشي وكان م متوازن وشغال يهدد بالسكين مروان قال ليهو نزل السكين من ايدك د م لعب شفع وصفا باين عليها الخوف وبترجف عديل قال ليها والله اضبحك ي صفا ارسلك عشان تقنغيها تملي كرشتك وتطلعي بلا فايدة 😂 قايلاني م مراقبك انا كلكم مراقبكم واحد واحد واشر بالسكين عليهم انا الغالي تمشيني انتي والحشرة دي واشر علي حليمه بالسكين قال ليها فعلا جبتي اخرتك بايدك ولمن ليك اسبوع ف البيت وم تكلميني ولسا قافله تلفونك انا الشي الما دخلني انو اخوك قاعد بس حاليا ماف وشيلي شيلتك وضحك فقد توازنو وشويه وح يقع حليمه من الخوف اتدست ورا مروان وقالت للغالي ايوا اكلمك لي؟ وبصفتك شنو ؟ ي جبان انت كنت بتخاف يعني وطلاق م ح اتطلق لو كنت م واعيه زيك كدا افكر ارجع بيتك!! واعلى م ف خيلك اركبو مروان قبل وحمر ليها عشان تسكت حتى سكتت قال ليها انقطمي د معاهو سكين م متوازن ح يطعن من طرف اهدي شويه و انا ح اتصرف وابتدا يقرب عليهو بس لما يهددو مروان بتراجع قال ليها بصفتي زوجك وانا مراقب تحركاتك كلها راجيك تتطلقي بس وترجعي غصبا عنك قالت ليهو كنت زمان زوجي و كوني ارجع ليك نجوم السما اقرب ليك ي الغالي (م تتفاصحي ي حليمه 🤦‍♀️) اها انا م عاوزاك افهم ي الغالي انا عاوزة زوجي ومسكت كتفو لمروان قال يعني كنتي بتخدعيني صااااح كنتي بتخدعيي صاح شد ع رقبة صفا لمن جرحها صرخت قال ليها م اسمع حسك والا ح اطرشك هسي وقفل خشمها بيدو حليمه صرخت ومروان ماشي عليهو قال ليهو اوعك تقرب لاني ح اسيل دمها هسي وقسما لو م رميت عليها يمين الطلاق هسا اضبحكم ضبيح الكلاب واحد واحد بتكلم وبقلع ف عيونو قال ليهو طيب دقيقه نتفاهم انت نزل السكين بالاول انا ح اطلقها بشرط تفك صفا قال ليهو انا اللي بشرط عليك

لو م طلقتها ح اقتل صفا والريحه تجيب الرايح 😷 قال ليهو اول نزلها ح اطلقها حليمه قالت ليهو ح تطلقني يعني ي مروان!!؟ قال ليها انتي د الهاميك يعني و صحبتك البين الحياة والموت !؟ 🙄قامت عاينت ل صفا وسكتت وصفا بتدمع بس من غير صوت من الخوف ف اللحظه اللي كان الغالي بتكلم ولنفسو م عارف بقول ف شنو مروان اشر علي صفا انو تدوس رجل الغالي وتزح من غير م تتاذى ورسل رساله لصحبو انو يطلب الشرطه ويجي بيت ام حليمه والغالي اساسا سكران م واعي للبعمل فيهو بس السكين هي البتخليهم يتراجعو عن اي خطه مع انو ممكن صفا تهرب منو بس السكين م لعبه وهو م متوازن ممكن يطعنها ف اي حته لو عملت الحركه من غير اتقان بس بعد تفكير وتوتر وخوف فعلا عفصتو ف رجلو و مشت بسرعة البرق لمروان بتقح بطريقه عجيبه السكين وقعت منو وفقد توازنو وقع قبل يتحرك مروان شال السكين وهددو بيها مع كل تهديد بحرك السكين اتجاه رقبتو قال ليهو انت لو كنت راجل م كنت ضربتني بغفله كنت تواجهني زيك زي اي راجل ي جبان عشان اوريك ضعفك ي جاهل وحاليا م غالبني اقسمك حتت حتت بسكينك د بس انت حاليا سكران والشرطه ح تتكفل بيك لاني متاكد انو مصايبك م وقفت هنا وبس والخوف كان باين ف وش الغالي و برجع لورا مع كل حركه بعملا مروان بالسكين قال ليهو ديل نساوين تتمرجل عليهم بالطريقه د! م بتستحي ع رجولتك؟ ي فاشل!!! اتمرجل على الرجال الزيك ي عديم الرجوله ف اللحظه دي الشرطة وصلت اخدوهو بتهم اكبر من شعر راسو غير انو سكران وقضية تهديدو ل حليمه وصفا وتهجم منزلي وبرضو ضرب مروان والدليل اللصقه الفي راسو اخدوهو وارتاحو منو حليمه جرت نفس عميق ومشت ناحية مروان وعشه بتنضف ف جرح صفا و قلبها كان ف يدها وكانت بتردد ف لاحول ولا قوة الا بالله العلي العظيم مروان زح من حليمه وقعد طرف السرير ختا يدو ف راسو وبقا يستغفر وكلهم كانو جنبو حليمه وصفا واي زول بعاين للتاني وم عارف يقول شنو حليمه قالت مروان قال ليها بس لحد هنا م اسمع حسك كفايه المهزله الحصلت هسا الغالي واتخلصتي منو و بالنسبه لي ورقتك ح تصلك بكرة وح اوفر ليك دخل تربي اولادك منو والبيت اصلا اجرتو ليك مسبقا ونقلت عفشك قبل الحصل د كلو ممكن تعيشي هناك لو حابه م شايف اني قصرت معاك ويلا معاك سلامه بكرة ورقتك بتصلك ومشا وخلاها تبكي وتنادي فيهو م اشتغل بيها صفا قالت ليا م اتوقعتك تبيعني بالطريقه دي برضي بستاذن منك وتاني وشي د م ح تشوفيهو اصلا من البدايه حذرتك منو لانك عارفاهو سلفا لو ختا شي ف راسو الا يعملو دخلتيني ف دوامتك اهو خسرتي الاتنين لا الغالي لا مروان ومشت عشه قالت ليها اها كدا استفدتي شنو 💔

صحيت الصباح جهزت الشاي ورتبت البيت مروان كان نايم م حبيت اصحيحو لانو تعبان من ضرب امس بس مع كركبتي صحا قال لي يسعد صباحك ي حنينه قلت ليهو يسعدو الحلوين بوسات ع الطاير😘قال لي كوني اتصبح بحلاوة صوتك د ماف احلى من كدا 😘 قلت ليهو نفسي اعرف البرود د جبتو من وين الناس ف شنو والحسانيه ف شنو 😂 قال لي شوفتك بتصبرني ع فكرة ع اي مشكله قلت امممم معلومه جديده قوم معي كدا خلي الكلام والكسل و اشرب الشاي ع بال ابخر البيت د وكنت شايله المبخر وبكبرت البيت شالو مني وبقا يلف بيهو حوليني وانا اضحك من هبالتو قال لي ياااخ اتحصني م يسحروك لي ي السمحه قلت ليهو م وقتو ياخ امشي استحما وشوف ح تعمل شنو قال لي تمام ي ستي بجيك راجع م انتهينا هااااا قلت ليهو خلي بالك انت مجنون قال لي بيك 😌مشا استحما ورجع شربنا الشاي مع بعض قال لي انا ماشي ل حليمه وشي جاب استفهام؟؟ابتسم و قال لي اطمني ماشي احسم الموضوع وباس جبيني وطلع وخلاني بفكر وقاعدة ع اعصابي م رجع الا الظهر مجرد م جا مشيت عليهو بلهفه كنت شايله ولدي شالو مني وابتسم لي وكان بارد شديد معاي قلت ليهو احكي ياااخ الحصل شنو ابا يكلمني مشا غير وجا راجع قال انا جعان قلت ليهو احكي والا والله م ح ترتاح من لساني قال لي الله ياااخ د العاوزوو انا امممم كدي تعالي قلت ليهو بطل ياااخ قولي قال ي ستي الحصل كالاتي.....قال لي بالتفصيل الحصل كلو ف بيتهم ل حليمه فرحت بالجد والفرحني اكتر انو الخلاصه ح يطلقها ونرجع طبيعي زي الاول 😍قال لي فعلا الحمدلله امتحان وعدا ع خير واعتبري انو نجحنا فيهو واتعلمنا منو اكتر واكتر و ح يكون عظه وعبره لينا ف المستقبل قلت ليهو بس انا بالنسبه لي كان اصعب امتحان وكنت ح افشل فيهو والله لاني قربت اخسرك 😔لو م ضميري الميت ابتدا يصحا والحمد لله على كل حاجه يااارب🤲♥♥♥ اخدني ف حضنو ودساني فيهو قال لي اتاكدي انو م ح اسمح لنفسي انو اخسرك ي حنينه لانك حب الروح♥ وحب الروح عذري وابدي واقوى من حب القلب وانتي ف راسي قبل قلبي اكتفيت باني اغمض عيوني واعيش معاهو اسعد ايامي♥

*ف بيت ناس ام كلثوم*

ام الكرام كانت بتقلي الجبنه لستنا ومحمد ستنا كانت راقدة ف السرير وتاكا راسها ف يدها وبتجر سبحتها بالتانيه قاعدة جنبها ام الكرام ف البنبر وعدة القهوة حوليها وابوهم ف سرير مقاصد لسرير ستنا برضو بسبح بسبحتو وبيتونسو ويضحكو ستنا قالت لام الكرام عليك النبي اختك د م معروف لسانها ح بجر ليها شنو بعد الشر لسانها د هو الخرب بيتها وجاب ليها الضرة اهو قرصة اضان تتعلم منها بس م بتعرف تسكت دائما قررر كلام ورا كلام اكعب من التاني لئامتها وارثاها من منو م معروف محمد عاين ليها قال ليها فعلا م معروف 😅ام الكرام فهمت عاينت لابوها وكتمو الضحكه ستنا لسا م فهمت قالت ليهو لسانك حصانك اذا صنتو صانك اذا هنتو هانك محمد قال ليها بعدا انا متاكد ح تتادب وتمسك بيتا عليها لانو الضرة م هينه بختوو مروان يعزوهو الاتنين ويتشاكلن علي رضاهو ام الكرام قالت انا شامة ريحة ضرة 🤣ستنا قالت ليها الا لو تقعد ف راسك قومي طيري من هنا قهوتك زاتها م عاوزاها وانت كمان د كلام شنو بعد العمر دا هووووي ي محمد وبتحمر قال ليها ولسا بتسالي جابت اللئامه من وين مني انا😂 ابتسمت و قالت ليهو امال مني انا قال بعد العمر د لو عرست انتي وبتك بطفشوها قالت ليهو ح نطفشك قبليها 🤣

*انا معك ف حب العشرين💜 وعشق الثلاثين 💜 انا معك حتي ضحكه الاربعين 💜ومرض الخمسين و وحدة الستين💜 ويأس السبعين ، انا معك إلي أن يقولو "رحمة الله علينا“ 🖤*
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

وصباحك يارب 🤍

واخيرااااا🌚

اصبحتي كيف

م لقيت تفاعل عشان كدا😪

*#حب_الروح《13》*♥️
*#(مطلقه_ولكن)*
*#بقلم_حكيمه_ابكر*
*ــــــــ♡ــــــــ♡ــــــــــــــ♡ــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
بالعصر شلت الغدا وطلعت الحوش برا قاعدين يتونسو ام مروان وزوبه جبت الغدا وقعدت معاهم غيث شيلتو ل حبوبتو بتلعبو ساعدت زوبه ف الغدا جهزناهو اكلنا سوا مروان كان بر البيت عملت شاي العصر شربنا سوا امو قالت لي والله ي بتي خير ا م فعلتي انك رجعتي بيتك تربي جناك براك احسن ليك والله قلت ليها اي والله قالت الله يعدل طريقكم ف الايام الجايه يارب قلت ليها امين وبتمنى تسامحيني قالت لي انتي بتي وبناتي لم يغلطو بسامحهن مسامحاك دنيا اخرى وبعدين وينو غلطك انتي معدنك اصيل وم كنتي كدا م بنسى احترامك لي ف البدايات ولحظتها كنتي طايشه وشافعه اي كلام بقولو ليك بتصدقيهو والناس غيروك والحمد رجعتي للربوك عليهو اهلك قلت ليها انا اعتبرتك امي وللان انتي امي واكتفيت باني ابوسها ف راسها وحضنها بعض زوبة قالت وين موقعي انا برضي بتك 🥺 قالت ليها تعالي ي هبله حضنها بعض التلاته زوبه جاتها مكالمه دخلت جوا وجات بتبتسم قلت ليها اهااا وبدينا نبتسم برانا كمان 😉قالت لا ياخ د صحبتي 😊قلت ليها اها صحبتك 🙂قالت اممم صحبتي 😂😂

اتونسنا كدا ورجعت بيتي مروان جا كبيت ليهو الغدا وقلت ليهو بكرة ماشا بيتنا قال لي لي ياااخ خلي الاسبوع الجاي قلت لا ياخ انا اشتقت ليهم والله ي مروان قال خلاص نشوف لبكرة قلت طيب

ـــــــــــــــــــــــــــــــــــــــــــــــــــــــــــــــ
الصباح صحيت قبل ام كلثوم شربت الشاي عن امي ومشيت عملت اجراءات الطلاق وجهزت ليها ورقتها ل حليمه ومشيت عليهم دقيت الباب فتحو لي ولدها فرح بشوفتي شغال عمو جا عمو جا 😍 شلتو قلت ليهو حبيب عمو انا 😘 قالي كنت وين عمو وليه م رجعنا البيت اشتقت لحبوبه انا قلت ليهو حبوبه برضها اشتاقت ليك دخلت جوا م ح اقول اني م اتاثرت لكن د القسمه انتهت ود قدر ربنا سلمت عليهم وقعدت امها طلعت برا انا عن نفسي م عارف افتح الموضوع كيف كانت بتعاين لي بحسرة كأنها بتقولي م تعملها قلت ليها حليمه ودنقرت راسي قالت لي نعم قلت ليها انتي طالق💔💔💔 الكلمه د صعبه شديد والله حتى لمن قولتها ل ام كلثوم حسيت كأني بقطع جزء من لحمي كونو الزول يتخلا عنك وخلاص م محتاج ليك حارة والله بس انا متاكد انو نحنا م لبعض وجمعنا القدر لهدف وزي م بقولو حبل علاقتنا انقطع 💔بكت ساعتها وعرفت قدر ايه المرا ضعيفه وانا م ح اقدر اواسيها ابدا حتى انا اتأثرت وسلمتها ورقتها وطلعت من غرفتها د غلط منها من البدايه قلت لأمها خليها ترحل البيت الاجرتو ليها وانا ح اصرف عليهم قالت لي م بتقصر ي ولدي

*جانب حليمه*

انتي طالق 💔
انتي طالق💔
انتي طالق💔
الكلمه دي بتوجع بتحرق بتدوس ع قلبك ع كرامتك وبتقلل من قيمتك ف مجتمعنا وانا حسيت بالشعور د للمرة الثانيه بحس بيها كأنها بتجردني من هدومي و كرامتي و بتكشف عورتي وكلمة عذبه حارة ونظرة المجتمع الكعبه للمطلقه بتوجع بالجد ربنا يصبرني بس💔