طيب لي بتحشري انفك ف حاجه م بتخصك! وبعدين الجابك شنو و م رجعتي بيتكم بصفتك شنو اساسا ؟ قلت ليها نعم نعم اصلي كايساها المرة البسببها اتطلقت قلت ليها بصفتي مرتو الاولى وام ولدو قبل تخشي حياتو انا كنت فيها م تجي تتفاصحي لي مرتو وبتاع قالت لي ام مروان المرة دي تتفضل تطلع برا انا م عاوزاها تقعد هنا ي انا ي هي ام مروان قالت ليها اولا الحتات م مكان نقاش ومشاحنات وانتو الاتنين المفترض تختو العقل ف الراس عشان تعقلو ماف داعي لمشاكل وسط الناس وتلمو الدنيا والعالمين فينا وانتي ي حليمه ممكن توريني سببك شنو م قاعدة معانا تلاته يوم م حصل سالتيها الحصل شنو يعني نزلت دموع تماسيح وقالت ليها مشيت ع اساس بنادي فيني مشيت لقيتو بنطق ف اسمها هل من حقي ازعل ولا لا عاينت ليها فعلا الموقف يزعل😂 م قدرت ترد ليها لانها عندها حق تزعل الصراحه وانا من جوا كنت مبسوطه ونفسي امشي ليهو بس م ح اقدر امو قالت لي امشي شوفيهو عاوز شنو قمت قبل تتم كلامها وكانت حليمه وراي بعد وصلت مشيت قعدت طرف سريرو مسك يدي وقال لي ام كلثوم اول م نطق اسمي دمعتي جرت سيول واتمنيت اخدو ف حضني واول مره احس انو اسمي حلو شديد ف لسانو الحاجات البسيطه دي م كنت بعيرها انتباه زمان مسكت يدو وبستها دمع من الفرحه قلت ليهو سلامتك ي ابو غيث قال لي سلامتي اكون معاك ي ام كلثوم بتمنى تخلي عنادك ونرجع لبعض ي حنينه كفايه بعد خلينا نتلم ف بيت واحد زي الاول♥ قلت ليهو وحليمه؟؟ قال لي م شغلتك بيها هي ف مكان وانتي ف مكان عاينت ليهو نظرة استغراب وقلت ليهو ل عيد كلامك ي مروان م سمعت قال لي سمعتيني ي ام كلثوم انتو الاتنين ح تكونو ف زمتي وم ح اتنازل عن واحدة منكم لانو حليمه اتزوجتها ل سبب وابقا م راجل لو م حققتو وصدقينيي ام كلثوم والله صاح قربت منها بس والله بسببك انتي كل م تصديني بمشي عليها وصدقيني الاهتمام الحسستني بيهو اتمنيت اكون منك انتي لانك عارفه( القلب وم يريد) م قدرت احبها ابدا حتى ف غيابك!! محتارة اقول ليهو شنو اي حاجه قالها لي صحيحه عمري م اهتميت بيهو الاهتمام البستحقو كنت مقصرة شديد قلت ليهو بس ممم عارفه اقول ليك شنو وبتمتم قال م تمتمي لو موافقه تمام لو لا انا م ح اجبرك قلت ليهو نتناقش بعدين بعد تبقى كويس قال لا هسي قرري وصدقيني د اخر كلامي معاك قرري ف باقي اليوم د وانا هستنى قرارك وسحب يدو وقبل ع الحيطه واداني ضهرو بقيت مصدومه م قدرت اقوم من محلي قمت براحه طلعت لقيت حليمه كانت بتتسمع علينا قلت ليها سمعتي الكنا بنقولو ولا اعيدو ليك😒 عاينت لي بحقارة وقالت لي م تصدقي كلامو مروان بكذب عليك م اكتر بدليل انو شايله جناهو ف بطني ومسكت بطنها وقالت اساسا قالي انو عاوز يرجعك عشان ينتقم من عمايلك وبس ومشت يعني اصدق منو اصدق مروان ولا اصدقها!؟ من ناحيه كلامها منطقي شديد انا امو م احترمتها كيف يرجعني ونقعد بسلام ؟؟ اكيد د خطه منو لالالا مروان كلامو صاح هو بحبني بس كيف اقعد مع ضرة غلبني التفكير رجعت البيت استحميت وغيرت ورجعت المستشفى تاني مشيت ل مروان لقيتا راقدة جنبو دقيت الباب قالت لي انتي م بتختشي م شايفانا نايمين لي الازعاج د؟ وجات عاوزه تقفل مني الباب بس مروان من الجوطه صحا وقال حليمه خليها تدخل حمرت لينا وطلعت مشيت عليهو جريت الكرسي علي ناحية مروان قلت ليهو اسمع كلامي كويس ي مروان انا موافقة انو ارجع بس م ح اقعد معاها ف نفس المكان ممكن تاجر ليها واتسكنها وتقول ليها م تتدخل فيني نهائي قال لي انا موافق بس انتي كيف ترضي قلت طيب قال لي على بركة الله جات الممرضه وكتبت ليهو فحص انتظرنا لمن النتيجة طلعت والحمدلله نضيفه كتبت لينا خروج مشيت وريت ام مروان فرحت شديد حمدلت ليها السلامه مروان كان مراقب خطواتي زمن طلعنا مع انو مرتو جنبو وبتراقب تصرفاتو كلها ونظرتو د انا بعرفها كويس ابتسمت ليهو واجرت ركشه ورجعت البيت وهم اجرو هايس ورجعو

بعد جيت البيت استخرت ربي ودعيت ينورني الطريق الصاح الصباح صحيت مبسوطه ومرتاحه شديد و خالي قال لي تعالي ي ام كلثوم مشيت قالي مروان اتصل لي وقال عاوز يرجعك لو موافقه نحنا م عندنا مشكله اهم شي رضاك لو موافقه فبها لو لا ماف حاجه جبر هسي اتصل عليهو واقول ليهو انك رفضتي قلت ليهو انا موافقة رجعت غرفتي العصر اهلو جو وعملنا عقد من جديد

بعد رجعنا من المستشفى كنت ف حوش امي وحليمه مشت بيتنا قعدت حبه واتونسنا مع بعض اولادها كانو نايمين لانو رجعنا متاخر شديد استاذنت منهم ورجعت بيتي لقيتا مجهزة البيت ما شاء الله ومبخراهو وكالعاده اتمنيت اكون التجهيزات د كلها من ام كلثوم😔 جاتني حليمه وحضتنتي عليها وقالت انو اشتاقت لي زحيت منها وقلت ليها

عندي معاك كلام ضروري اسمعيهو من الاول للاخر من غير م تقاطيعني قالت طيب مسكت ايدها و قلت ليها انا فعلا اتزوجتك عشان اعيل اولادك وكنت متمني اني احبك ف يوم من الايام عشان م اظلمك معاي بس انا الصراحه م حبيتك بس ارتحت ليك واطمنت بوجودك معاي بس ام كلثوم ام ولدي وحبيبتي الماحبيت بعدا ولا ح احب غيرها وحاليا انا عاوز ارجعها دمعتها كانت طرف عيونها بعد قلت ليها كدا بقت تبكي وسحبت ايدها مني😭 مسكتها علي وقلت ليها انا م ح اجبرك انك تقعدي معاي لو م عاوزه ممكن اطلقك ولو حابه انك تكوني ع ذمتي م عندي مانع بس ح اجر ليك قريب مننا وح اعدل بيناتكم انتو الاتنين وم ح اظلم واحدة فيكم قولي قرارك

*علي لسان حليمه*

كنت مصدومه من البسمع فيهو انا كنت مجرد نزوة يعني كيف يتخلى عني بالسهوله دي ويخيرني بين اني اقعد او اتطلق لو عاوزة! لي بس انا بشر كيف يعني م بحبني بس ارتاح لي وبطمن بوجودي طب الحب بعني شنو مش بعني الراحه والطمأنينة !! طب وين اللحظات الحلوة العشناها مع بعض هل غلطت عشان حبيتو انافكرت ف الموضوع وقلت ليهو يوديني بيتنا افكر ب راحتي حتى ارد عليهو قال لي تمام الصباح بوديك فعلا الصباح وصلني لحد البيت ورجع من غير ينطق حرف

*إشتقتُ إلَيكَ، كَيف تُقال؟ " تنقصني رُوحي،تؤلِمُني فجوةُ الغُربة عنكِ ♥♥*
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#حب_الروح《09》*♥️
*#(مطلقه_ولكن)*
*#بقلم_حكيمه_ابكر*
*ــــــــ♡ــــــــ♡ــــــــــــــ♡ــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
ف الليل داك مشيت ل امي وحكيت ليها اني عاوز ارجع مرتي قالت لي خير بكرة تتصل عليهم وتكلمهم وربنا يبرد القلوب♥ وبعد الحصل بتمنى تعقلو وتربو جناكم لانو جو المشاكل م حبابو خاصه مع الطفل لانو بأثر ف صحتو النفسيه قلت ليها ان شاءالله يمه وبستها ف راسها لانها م رفضت خاصه بعد المواقف الاتعرضت ليها من امكلثوم وعدم احترامها ليها!! رجعت البيت ونمت ع كدا

الصباح حليمه اتجهزت وديتا البيت بعد مشت اجرت ليها بيت قريب مننا ونقلت عفشها هناك واتصلت ل خال ام كلثوم لانو ابوها ماف وقلت ليهو عاوز ارجع مرتي قال لي بعد اسالها واشوف قرارها شنو حتى بتصل عليك فعلا اتصل لي قال لي انو موافقه
بعد اسبوع بالعصر مشينا وعقدو لي من جديد علي الحنينه المريودة لانو عدتها اكتملت ف الا بعقد جديد
مشيت عليها عشان نبارك لبعض العقد
او ل م شفتها كانت لابسه التوب ومزينه زينة العروس ومحننه علي خفيف نقوش بسيطه م اكتر بس كانت حلوة شديد النظرة الشفتها منها كفيله تسعدني العمر كلو نظرة حنيه وطيبه وحب عمري م حسيتهم بعد زواجنا لانها زمان م بتعاين الا ل احتقار ولئامه 😂والخجل اللي شفتو ف عيونها ياهو نفس الخجل اللي كان عليها زمن اتقفل علينا الباب من زواجنا الاول. مشيت عليها وانا كلي لهفه كانت ف السرير مسكت ايدا وبستها يمكن اكتر من 5دقايق وهي عيونا كانت ف الارض وحتى ايدها وحنيتها كأنها بتعتذر لي ع السنين الفاتت وقسوتها لي زمان وتبكي باعلى حسها😭 حضنتها علي زيادة وكاني بطمنها انو ننسى الفات ونبدا صفحه جديده و مسكت ايدها ومسحت دموعا بيها وقلت ليها انا عارف ح تقولي شنو انا مسامحك علي اي شي بدر منك والموضوع يتقفل ونبدا صفحه جديدة وبستها علي جبينها وايدا الاتنين كانت ف قلبي بعدو طلعنا وجرتكونا م كان ف لمه اساسا الا اسرتي واسرتها فقط وولدنا ف نصنا👨‍👩‍👦 وامها اعتذرت لي ع الحصل قلت ليها انا المفترض اعتزر ليك لاني غلطان وننسى السيرة اساسا ونفتح صفحه جديده قالت لي ربنا يكملك بعقلك ي ولدي بعدو اتحركنا ع البيت ب عربية صحبي طبعا وف الاسبوع داك بنيت غرفه لولدنا غيث حبيت اعملها ليها مفاجأة رسلت عمال شطبو البيت من جديد وزينوهو واصلا مشتري غرفة نوم عبارة عن (دولاب موسكو ودبل موسكو فاخر وتسريحه وشماعه وتوليت وكنبه) من صحبي نجار بالاقساط كنت ف السنين الفاتت بشتغل معاهو واشتريت غرفة جلوس برضو بالاقساط ولسا م كملتو صحبي جا ومعاهو كم واحد دخلو حاجات الغرفه ونسقو الوضع واختي وصحباتها وصيتهم يوضبوها قبل م يمشو العقد والحمدلله لقيت البيت جاهز بعد دخلنا امي استقبلتنا بحرارة انصدمت اول م شفت ام كلثوم مشت علي امي وحضنتها وتعتذر امي زاتها الصراحه استغربت عاد سبحان مغير الاحوال 😂قالت ليها ي بتي نحنا البنعتزر ليك البت مصيرا بيت راجلها المفترض م نخليهو يطلقك من الاساس والله قالت لا انا الاستاهل كدا المفترض اعاملك زي امي بس م عملت كدا وانا الغبيه بسمع كلامهن النساوين انا اسفه والله اسفه حضنو بعض منظرهم كان حلو وهم متفقين مع بعض واعتزرت لختي برضو قالت ليها م تعتزري انتي اختي برضو وحضنو بعض لمن دمعت من المنظر قلت ليها لو خلصتو دراما يلا ع البيت عامل ليك مفاجئه🙂

اول م وصلنا بيتنا مسك ايدي ودخلنا بيتنا قال لي خشي باليمين ي عروس قلت عروس شنو انا بولدي صحي نسيتو مع امك دقيقه اجيبو قال لي لا خليهو ينوم معاهم اصلا م ظريفة نصحي بعد نام قلت خلاص الصباح اجيبو بعد دخلت اتفاجأت بغرفه جلوس ف الهول فاخر نططت عيوني بفرح 😃 قلت ليهو مروان 😍 حبيبي م اتوقعت مفاجأتك تكون كدا بس جذب انتباهي اكتر وجود غرفه صغيرة جديدة شكلو بناها ف غيابي دخلت جو الغرفه لقيتا فيها دبدوب كبير طرف وسرير ع شكل مرجيحه وعليها العاب كتيرة مشتته وخزانه صغيرة كدا شكلها كيوت عيوني جابت الوان 😍 حضنتو قلت ليهو حبيبي ربنا يخليك لي قال لي الكلمه د من زمان حابي اسمعها منك بس انتي م بتديني مجال حاوطتو بيدي وقلت ليهو اعتبر اني ام كلثوم الحنينه زي م بتقول وانسي الفات ولصقت انفي بانفو وبستها قال لي اخ منك ي حنينه وطلعنا الهول حتى ركزت ف غرفه الجلوس كانت حلوة شديد باللون الكبدي لوني المفضل قلت ليهو م كتير علي ي مروان قال لي د المفترض يحصل من البدايه قلت ليهو القروش جبتها من وين قال لي ف الفترة الفاتت دي كنت بشتغل ليل نهار مع صحبي نجار ف سوق النجارين شغلو ممتاز شغلني معاهو ومن يومها قروشي الحمدلله بتسد حوجتي قلت ليهو الحمدلله بعدو😊 مشيت علي غرفتنا عاينت ليهو قال لي ايوا غرفة جديده زي م كنتي عاوزة حرفيا بقيت ابكي من حنيتو علي حضنتو علي قال لي ح انقضيها حضن كدا خشي استحمي وتعالي ناكل بعدا قلت حاضر حبيبي قال لي الكلمه د بتجهجهني ع فكرة وغمز لي😉 جريت م رديت ليهو بعد استحميت رجعت لقيتو رصا الاكل ف الصينيه واستحما ف حمام البيت برا قال لي تعالي اكلي جيت اكلنا مع بعض ورقدت عاوزة انوم حسيتو محاوطني بايدو قال لي م تقولي شي خلينا ننوم علي كدا عاوز اشبع من ريحتك وقربك بس بصراحه نعمة قربو دي كنت حارماها علي نفسي حضنو كان امان بالنسبه لي انا ظلمتو كتير 😔 م بستاهل حبو ابدا وبكيت ع نفسي سمع تنهيدات بكاي لفتني عليهو قال لي الببكيك شنو؟ ومسح دموعي قلت ليهو مروان انا اسفه ع الحصل من...قبل اخلص كلامي لقيتو ختا اصبعو ف خشمي قالي قلنا شنو نحنا 🙂ماف اعتزارات ف حب بس😘 انسي ويلا نومي م عاوز نكد دساني ف حضنو ياااااه من الطمأنينه والسلام♥

*طُمأنينة الكُون بأكمله بين ذراعيكِ ضمًيَنِيَ ❤ولا إحتواء إلا لديكَ ف هّيَآ عٌآنِقُيَنِيَ 🤍🦋.*
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

*#حب_الروح《10》*♥️
*#(مطلقه_ولكن)*
*#بقلم_حكيمه_ابكر*
*ــــــــ♡ــــــــ♡ــــــــــــــ♡ــــــــــــ❥ :00:00*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​‏​​
صحيت بدري زي وصية امي الماتذكرتها الا بعد طلاقي اني م انوم قبليهو وم اصحا بعديهو مهما كان اخليهو اول انوم حتى انا انوم واصحى واجهز روحي قبليهو مشيت اتحممت ورجعت لسا م صحا وكأنو عريس جديد حتى انا كأني م اتزوجت قبل كدا وكأني م ولدت ولدي منو كنت بعاين ليهو وبتفحص أي حاجه فيهو من شعر راسو ل رجليهو عاينت ليهو ولمت روحي اني لي م كنت بهتم بيهو قبل كدا ؟ بنوم وم عارفه صحا متين ومشا متين مشيت جهزت الشاي ورجعت لقيتو لسا نايم صحيتو بطرف شعري دخلتو جو انفو اتضايق وصلح رقدتو تاني عدتها حتى صحا مخلوع قال لي ف شنو ياااخ وانا ميته من الضحك قال لي تعالي هنا قلت ليهووو انننن وجريت منو قلت ليهو استحما والحقني عشان تشرب الشاي قبل الشغل قال لي اشي شنو التطورات د قلت ليهووو لازم د اصدار جديد قال بتمنى يفضل كدا قلت ليهو اكيد 😌

ع بال يستحما جبت ولدي من جو البيت بعد سلمت عليهم وصبحت ورضعتو وحممتو بعد طلع شربنا الشاي مع بعض وولدنا نصنا طبعا شعور حلو شديد احساس كلنا اتلمينا مع بعض ف بيت واحد من بعد معاناة انا كنت السبب فيها واتجاوزها مافي نعمه افضل من كدا فالحمد لله ع كل حال♥♥♥ قعدت جنبو وبطقطق اصابعي وكنت مقلقه وبتلفت مروان قال لي عيونو انا قلت ليهو عندي ليك سؤال او اعتبرها مشورة حسا كلامي جدي صلح قعدتو وختا كباية الشاي قال لي خيييير قلت ليهو اطمن كللو خير قال لي طيب احكي قلت ليهو انا ف فترة طلاقي منك كنت محتاجه اني اشتغل عشان انسى الفترة ديك ف ابوي لقا لي شغل ف صيدليه صحبو وقبل ارجع ليك شلت منهم اجازة مفتوحة يعني متى م حابه ارجع ممكن ارجع وهسي عاوزة استشيرك و بس قولي اذا انت موافق او لا قال لي د كلو الموضوع الباين انو مقلقك كدا؟؟ قلت ليهو اممم بس م اكتر مسك ايدي وقال لي طيب ي ستي انا م ح احرمك من حاجة انتي عاوزاها ولو علي القروش م ح اخليك تحتاجي حاجه اي حاجه عاوزاها بوفرها ليك ول ولدي م ح اقصر منكم ف اطمني من الناحية دي اما بالنسبه لانو عاوزة تنمي طموحك وتكتسبي خبرة انا ممكن اساعدك وتواصلي شغلك لو ح تقدري انا م ح امنعك ممكن تواصلي لو حسيتي انك م ح تقدري خليهو والامر متروك ليك عيوني رقرقو وحضنتو علي حضن امتنان حضن محنه حضن ريدة وشكر وحضن للنعمه اللي انا فيها حاوطني بايدو قال خير مالك حاضناني قلت ليهو هو انت كنت كدا ولا انا كنت كعبه شديد😭 قال لي هوووس م تقولي ع روحك كدا الانسان بغلط م ملاك لمن م يغلط !! ف النهاية كلنا بشر انتي م كعبه انتي ملاك ف عيوني والبغلط م بعاقبوهو بحضنوهو ي حنينه انتي 😘 حضني تاني وقال لي من بكرة لو عاوزة ممكن تنزلي شغل قلت ليهو حاضر طيب لكن م هسا بعد كم اسبوع كدا قال تمام متى م تكوني حابه انزلي م عندي مانع ومشا غير عشان امشي الشغل غير ورجع وغمرني بقبلة جبين عثل عثل ومشا

انا سالتو السؤال عشان اشوف ردة فعلو هل ح يرضى يخليني اشتغل زي الاول ولا ح يعترض لانو الفترة ديك كان الوضع مختلف بالجد كنا محتاجين للقروش بس حاليا وضعنا اتصلح الحمد لله وبرضو جناي معاي وممكن م اقدر اوفق بين الاتنين بس فاجئني لمن م رفض فجأة اتذكرت الليله عيد ميلادو شكلو هو زاتو ناسي🤦‍♀️ المفترض اهنيهو من

امس بس حتى انا نسيت قلت افاجأو ب هدية قلت اسال ام الكرام فتحت الشبكه وراسلتها واتس قلت ليها
،،، صباحو ي صباحو
.... العرووووس♥
،،،،، عروس ف عينك
...... ان شاءالله عقلتي بعد قرصه الاضان دي لا هو صراحه قصوها ليك عديل 🤣
،،،،،، لي ياااخ عقلت وتب😌 لا دقيقه انا بتكلم مع اختي الصغيرة ولا الكبيرة 🌚😂
...... صغير ة عمرا وكبيرة عقلا😌 انت لو عقلك د بختوهو ف كفه بيقولو عقل شافع
،،،،،،،، وه تقيله وعامله خفيفه دمك بقري ع فكره 🙂
....... م زي ي ام لسان😜 خليك من د انتي بتراسلي مالك من صباح الرحمن وانتي عروس🙂
،،،،،،،،، عاوزة افاجأ مروان الليله عيد ميلادو وم عارفه اعمل شنو او اشتري شنو 🥺
........ جيبي ليهو مصحف صغير وخاتم فضة رجالي وطقم لبسه ومعاها جزمه وغلفيهم وواكتبي رساله من راسك الفاضي دا لكن بعرفك ف الافكار الزي د شاطرة ورسليها ليهو عن طريق الgift وتعالي اشكريني 😌

قفلت منها الشبكه حتى م شكرتها ولا رديت خليتا بتلعن فيني وتقول السجمانه م تستاهل حاجة بعد ساعدتها قفلت مني الشبكه اصبري لي بس بصراحه فكرتها عحبتني شديد وفورا مشيت السوق اشتريت بنطلون بيج وT شيرت كبدي وجزمة سوداء ومعاها ساعه وخاتم فضة وكتبت رساله فيها (مًنِذِ آنِ تٌلَآقُتٌ آعٌيَنِنِآ👀 ثًمً تٌبًآدٍلَنِا آلَنِظُرآتٌ وٌقُعٌتٌ فُ آنِسِجّةّ غُرآمًکْ آلَﮯ آنِ تٌوجّنِآ حًبًنِآ بًآلَحًلَآلَ♥ وٌتٌلَآمًسِتٌ آيَدٍيَنِآ وٌتٌبًآدٍلَنِآ آلَقُبًلَ♥ آدٍرکْتٌ حًيَنِهّآ آنِکْ نِصّفُيَ آلَآخِر وٌشُريَکْيَ آلَمًفُقُوٌدٍ فُ هّنِيَئآ لَيَ بًقُلَبًکْ😌 فُکْلَ عٌآمً وٌآنِتٌ حًبًيَبًيَ وٌزٍوٌجّيَ وٌروٌحً روٌحًيَ يَ روٌحًيَ )
وكتبت ليهو عنوان يجيني فيهو ودخلت الفيس وبحثت ف قروب قفة فرح لفتني واحد مميز اسمو قفة فرح gift goffa راسلتهم واتفقت معاهم انو يسلمو الهدية ومعاها تورته بالشوكلت لانو بحبها ويسلمو الهدية بعد اغلفوها واتصلت عليهو وقلت ليهو ماشا البيت انا قال لي خير

ـــــــــــــــــــــــــــــــــــــــــــــــــــــــــــــــ

بعد كلامها القالتو عن شغلها جاتني فكرة اني اوفر القروش المعاي بعد اخلص الاقساط الشلتها هي اساسا م كتيرة كل شهر صحبي بخصم ربع المرتب بتاعي النص بكفينا والربع ممكن ادخرو للمشروع الفي بالي وابني صيدليه خاصه بينا احنا الاتنين ونشغل فيها صيادلة برضو بس المشروع عاوز قروش ف ربنا يسهل علينا يارب بعد الم شوية قروش واختار المكان حتى اوريها

قضيت النهار كلو ف الشغل جاني اتصال من رقم غريب رديت قالو لي احنا من قفة فرح وف شخص مقدم ليك gift ورينا موقعك عشان نجيبها ليك بصراحه استغربت انا وهدية كمان
!! قلت خير وريتو المحل جاني لحد عندي اداني صندوق كبير قلت ليهو من منو قال لي م مسموح لي ف شكرتو ورجعت جوا

فتحتو لقيت فيهو تورتة بالشوكلت اللي بحبها ومعاها Gift مغلفة مكتوب م تفتحها لمن ترجع البيت اول واحدة جات ف بالي ام كلثوم لكن هي اساسا م ف البيت والحركات د بتعملها ايام الجامعه م اظن تكون هي المهم بعد رجعت البيت فتحتها بلهفه لقيتو طقم لبسه ومعاها جزمه ومكتوب فيها رساله محتواها حلو شديد عرفت انو د ام كلثوم وفيها عنوان امشي عليهو كان كافي قريب من البيت استحميت لبست نفس الغيار واتعطرت بعطرها ومشيت لقيتا كانت لابسة فستان كبدي ومطقماهو بالبيج وولدي كذلك اتصلت عليها وانا مراقبها من بعيد صراحه لهفتا لمن شافت انو انا متصل كانت ظاهرة وحركاتها الفي عيونها وبسمتا كانت حلوة شديد قلت ليها شنو المفاجأة د قالتلي عجبتك قلتليهاشديد قالت لي وين انت قلت ليها ع يمينك ساعتها التفتت شافتني انبسطت كان نفسي اخدها ف حضني لولا المكان عام مشيت عليها بست ولدي وقعدت قالت لي كل سنه وانت حبيبي قلت ليها كل عام وانا بقربك حبيبتي اتغزلنا ف بعض حتى قطعت الكيك واكلنا بعض بعدو اتصورنا ورجعنا البيت كنت تعبان شديد غيرنا ونمنا

*جانب حليمه*

كانت نايمه عشه صحتها قالت ليها م حكيتي لي الحصل شنو ف بيت نسابتك من يوم جيتي بحنس فيك م عاوزة تحكي بعد صحت قالت ليها ماف شي يمه عليك الله قالت ليها اصلا د العاوزاهو ح ترجعي بيت السكرجي ع كيفك زي م عاوزة لكن انا من البدايه وريتك راجل متزوج م تخشي بيتو لكن انتي عاندتي واحتمال لو عرف سببك من البدايه ح يعلقك وم ح يطلقك والترابه ف خشمك لا هو انتي اساسا عاوزة كدا المزعلك شنو ارجعي للي م بتسما الغالي المابشبه اسمو قالت ليها يمه عليك الله خلي الكلام وخليني اقوم اصلي بس اوف ياخ لبست نعالها واتوضت وصلت بعد خلصت الباب دقا كان صحبو لمروان اداها كيس خدار ومشا وقعدت تفكر يعني بعد حبيتو واتغاضيت عن الغالي تجيني مرتو العارض د فعلا كلام امي صاح البدخلني بيت راجل مرة شنو اوووف ياااارب عاوزة تتصل ل صحبتها اتذكرت نست تلفونها ف هناك ف بيت مروان قالت الليله واااي 😭🙆‍♀️ كر علي

يمه التلفون خليتو هناك وسجلي م مسحتو😭 لو كشفني ح يغطس حجري وع قولك يمكن يعلقني قالت ليها وريتك براك دخلتي نفسك شيلي شيلتك قالت ليها كدي تلفونك اتصل لصفا اتصلت قالت ليها تجيها البيت بعد جات حكت ليها الحصل قالت د العاوزاهو زعلانه مالك خطتك نجحت اصلا راجلك مكرهني بالاتصالات قالت ليها صفويه انا م عاوزة الغالي عاوزة راجلي وح اتمسك بزواجي قالت ليها نعم نعم بعد التخطيط د كلللو تجي تقولي لي عاوزة ارجع راجلي !!!! م حزرتي الغالي بضبحني بورا لالا ترجعي ليهو والا ح اكلمو واقفه ب جلدي وتشيلي شيلتك براك قالت ليها لا ي صفا انتي صحبتي م تعملي فيني كدا كوني معاي عليك الله😔 قالت ليها طيب انا البقيف معاي منو ؟ الغالي واطي عارفاهو عادي يغطس حجرنا الاتنين ي بت د م عندو رحمه 😲 قالت ليها هو هين بس تلفوني نسيتو واحتمال الغالي يتصل ف اي زمن قالت ليها اتصرفي جيبيهو انا ماشا غايتو وطلعت وحليمه بتنادي عليها عملت رايحه

ـــــــــــــــــــــــــــــــــــــــــــــــــــــــــــــــ

*لقد خذلني الرفاق....*
*والعائلة،......*
*والشخص الذِي أحبُه......*
*حتي الأيام لم أسلم من خُذلانها.🤎😔*
*•••••••••••••••••••••••••••••••••••••••••••••••••••••••••••*
*☆يتبــــــــــــــــــــــــــــــــــــــــــــع☆☆*
*♡بــــــــــــــيــــــــــــــــــــجــــــــــــــة♡*

يا سلام الروايه حلوووه شديد🤍🥰✨

و هل يبتلى الانسان الا في من يحب
تعلق الفاني بالفاني يفنيه
تعلق الفاني بالباقي يبقيه
تعلق بالله لا بالناس
يظن البعض ان الله يرانا من اعلى
ولكن الله يرانا من الداخل
نبكي و نبكي
والله بلطفه يأتي 🤍🦋.


#سندريلا

تيم الناس النفسها في حاجات كتيره بس مفلسه .💔

‏"فنحن من دون عونك يا الله لا نكون..🧡!

وين باقي الروايه😭😭😭😔

وسلاماً للذي بقي صامداً أمام كُل الصعاب ،
الذي لا زال يعيش بعفويته ، ويبتسمِ للعابرين بكُلِ لُطف .

انا الاستثناء والخسارة الفادحة، انا الذي أخرج مره واحدة في حياة أحداهم، وإذا فلتت من يداه لا أعود ولا اتكرر أبدًا.

مـا بيـن غمـضه عيـن وانتباهـتها يغـير الله من حـال إلى حـال 📜🤍.

من اخبرَك أن الموت أمرٌ سيء؟ هل الحياة بالمقابل أمرٌ جيد؟! هل تسمي الإختناق اليومي وتلك الايادي التي تمتد كل يومٍ كي تعبث بك حياة؟ أنا أسفّ لحالنا فعلاً.

كن مُختلف ولا تَكن ذا مُخ تَلِف
Be different and don't be a different brain

فانية يا الله.. فلا تجعل مُرها يُشقينا ولا حلوها يُلهينا..🧡!

"أن تكونَ خَطواتِنا آمنة،ألّا نسقط،
أن نسير طويلاً إلى طريقٍ نُحبه و نشعر فيه بالرضا."..🧡!