*#مَشْوَار _ إِلْتِزَام《03》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏تاني يوم بعد صليتَ و قريتْ أذكاري و الوِرد بتاعي و نضفتَ البيت و الصالون مشيتَ لي تالين؛ عشان أتطمن عليها

لقيتها صاحية مشيتْ جبتَ ليها الشاي ختيتو فِي التربيزة جنبها

تالين: تعالي يا تنزيل عايزاكِ فِي موضوع.

تنزيل"و هي بِتقعُد جنبها": أحكي حبيبتي.

تالين"بِتأسُف": معليش.

تنزيل"بِأستغراب": على شنو؟

تالين: على كُل حاجة، معليش على مُعاملتي الما حِلوة معاكِ و أسلوبي الفظ.

تنزيل: حصل خير، أنا ما زعلانة مِنك أفضل تطلُبي العفو مِنْ أمي.

تالين: صراحة خجلانة مِنها.

تنزيل: أن شاء اللَّه حتسامحك أنتِ طيبي خاطرها بِكلمتين طيبات و حاولي تصلحي مُعاملتك معاها.

تالين: لـٰكِن صراحة أنا زعلانة مِنها برضو.

تنزيل: بِالنسبة لي شنو؟

تالين: أنو دعتْ عليٌّ.

تنزيل: صح هي ما كان تدعي عليكِ
لـٰكِن برضو ما تنسي أنو إنتِ ليكِ دور كبير فِي سبب دعاءها عليكِ، لو أنتِ بارة بيها ما كان هي حتوصل لِلمرحلة دي، دائمًا هي بِتقول ليكِ حاجة بِتعملي عكسها و ما قاعدة تسمعي كلامها، صح بعد مرات يمكن تقول ليكِ حاجة أنتِ كارهة أنو تعمليها لـٰكِن أتذكري أنو كيف هي تعبتْ فيكِ و ربتك مِنْ صغيرة لمِنْ بقيتِ كبيرة يعني خلاص بعد كِبرتِ تجي تجازيها كِدا و تنكُري فضلها كُلو عليكِ و تعلي صوتك عليها؟
حتى بعد مرات صح مُمكِنْ تقول ليكِ حاجات أنتِ بِتحسي بيها ما منطقية لـٰكِن هي بِتعاين ليها بِنظرة تانية
مُتذكرة وقت هي كانت بِتشتري عِدة و أنِحنا كُنا شايفين أنو ماف داعي و كان قاعدين نقول ليها ماف داعي ليهم؟

تالين: أي، و بعدين وقت جا عِرس تبيان بت عمتي ما أضطروا يشتروا عِدة أو يطلبوا مِنْ الناس و أستخدموا حقاتنا و كفتهم.

تنزيل: و مُتذكرة وقت أبوي جاب بطاطس و هي قسمتو و قالت ده قدر حاجتنا و بِكفينا و خلتْ ليكِ جزء تعمليهو
اليوم ده أتناقشتِ معاها و عليتِ صوتك عليها و قُلتِ لي ليه تقسميهو و لازم نعملوا كُلو؟

تنزيل: أي، و كان كفانا فِعلًا و فضل مِنهُ و تاني يوم كان جونا ضيوف فجأة و ما عارفين نعمل شنو فـ عملنا البطاطس القسمتو.

تنزيل: اللَّه ينور عليكِ يلا أنا عايزة أصل لِلنُقاط دي، أنِحنا بِنظرنا شايفين أنو الحاجات دي ما منطقية لـٰكِن هي شايفة عكس كِدا و الحاجة دي ما ظهرتْ لينا الا بعد زمن فـ شنو حاولي أسمعي كلامها حتى لو أنتِ شايفة الحاجة ما منطقية طبعًا الا لو حاجة فيها معصية للَّه ما تسمعي كلامها فيهُ و أتذكري أنو الدنيا دوارة شوفي طريقتك القاعدة تتعاملي بيها معاها هل بِترضي بعدين عيالك يعاملوكِ بيها؟ و كِدا حتبريها بإذن الله.

تالين: ربنا يعيني.

تنزيل: أمين.

تنزيل: و هسه أنتِ عايني لِلحادث ده بِنظرة إيجابية.

تالين: وين الإيجابية فِي الموضوع و أنا دخلتَ المُستشفى و عملتَ عملية و جسمي قاعد يوجعني؟

تنزيل: مُمكِنْ تعايني ليها بِنظرة أنتِ عصيتِ ربنا بِأنك ما سمعتِ كلام أمي مُش ؟
يلا يمكن ربنا عايز ينبهك و يغفر ليكِ الذنب ده؛ عشان يوم القيامة بعدين أشد ف عايز يطهرك من الذنب ده مِنْ هسه
و غير ده مُش أنتِ عِندك ذنوب؟
يلا ربنا عايز يخفف عنك الذنوب دي
المسلم مأجور على وجعو، حزنو، مرضو
حتى الشوكة الصغيرة دي لو طعنتو
لـٰكِن إذا صبر و أحتسب الأجر ما أتضجر فـ أنتِ أصبري و أستشعري الحاجة دي
و برضو هسه الحادث ده كان سبب أنو تراجعي نفسك وتجي تِعتذري مني و هسه عايزة تطلبي من أمي العفو.

تالين: حرفيًا ما فكرتَ فيها.

تنزيل: يلا أنا عايزاكِ فِي أيَّ إبتلاء تفتشي لُطف ربنا، الإبتلاء دائمًا بِنزل معاهو لُطف
لـٰكِن أنِحنا بِنعاين ليهو بِنظرة سوداوية؛ عشان كِدا فِي دعاء دائمًا الناس بِتقولوا وقت الإبتلاء اللي هو " اللهُمَّ لا أسألك ردَ البلاء و لـٰكِن أسألك اللُطفَ فيه "
قال بعض أهل العلم أنو الدعاء ده فيهو سؤء أدب مع ربنا؛ لانو أصلاً الإبتلاء بِكون فيهو لُطف.

تالين: إنتِ عارفة وقت حصل لي الحادث أنا كُنتَ خايفة أنو أموت و أمي ما راضية عني، و قبل أفقد الوعي كُنتَ قاعدة أقول بِقلبي يارب ما أموت؛ عشان أشيل رضاها و أخليها تعفي لي.

تنزيل: يلا ربنا أداكِ فُرصة حاولي صلحي الفات.

تالين: أن شاء ﷲ.

تالين: مُمكِنْ تناديها لي؟

تنزيل: حاضر.

مشيتْ ناديت ليها أمي،مشتْ ليها و أنا قعدتَ فِي البرندة عشان يأخدوا راحتهم.


بعد مسافة مشيتْ ليهم لقيتُهم قاعدين يبكوا و حاضنين بعض

تنزيل: و أنا ماف لي حُضن و لاشنو؟

بقوا يضحكوا فيني و قالوا لي تعالي مشيتْ و أمي حضنتنا الأتنين

زمن الفطور لَمِنْ جا ختيتو و فطرنا طبعًا ناس خالتي لسه قاعدين، ناس عمي جونا
عمي ده اسمو "حسن" و مرتو اسمها "يُسرا" و عِندهُم ولد واحد اسمو "علي"
عمرو زِي سبع سنوات كِدا
سوينا الجبنَه و بقينا نتونس

بعد فترة سِمعتَ صوت علي قاعد يبكي
مشيتْ ليهو؛ عشان أشوف مالو؟

تنزيل"بِخوف": علي مالك قاعد تبكي؟

علي"و هو بِبكي": سنتي أتكسرتْ.

تنزيل: طيب أرح أجدعها.

علي: لالا ما داير أجدعها.

تنزيل"بِأستغراب": ليه؟

علي: عايز أخُتها بليل تحت المخدة و أنوم؛ عشان الصباح القاها قروش.

غايتو ما عرفتَ أضحك ولا أبكي بالجد الغرب ديل قاعدين يدخلوا لينا مُعتقدات خاطئة و يدمروا لينا أطفالنا عن طريق البرامج اللي ببثوها لينا دي و يمشوا يطوروا أطفالهم بِهناك، الناس للأسف ما بِتركز مع الموضوع ده تفتح لي ولدها قناة مِنْ القنوات بِتاعت الأطفال الفيها أفكار الغرب ديل و تخلي ولدها يشيل المُعتقدات و الأفكار دي، و أقرب مثال هسه علي ده عاين دخلتْ فِي راسو يأتو فِكرة؟ انو فِي جِنية أسنان بِتجي بِليل و تجيب قروش و الكلام ده غلط و اعتقاد غير صحيح؛ لانو العادة دي اعتقاد أنو في قوى خفية أو في جلب الخير من غير الله و ده يتعارض مع التوحيد والإيمان بأن الرزق بيد الله وحده
و تاني لاحظتَ مِنْ الحاجات الغلط أنو مثلًا يكون فِي واحد مِنْ شخصيات الكرتون بكون ماشي فجأة يلقى ليهو واحدة مِنْ شخصيات الكرتون يقيف و يجيبوا أنو عيونو بقت قلوب قلوب و يشاغلها، هسه دي ما تصرفات غلط بِدخلوها مِنْ هسه فِي الأطفال ديل؟
أو يجيبوا أنو الطفل عنيد و ما يسمع كلام أمو و مع الزمن فعلًا ولدك حيبقى كِدا!
عشان كِدا أفضل الناس عيالها تعلمها عن الدين و يبعدوهم مِنْ الحاجات دي و ينزلوا ليهم حاجات مُفيدة يدوهم يحضروا فيديو فيهو أنشودة بدون موسيقى و تكون مثلًا عن أركان الأسلام كِدا حيستمتع و يستفيد فِي نفس الوقت.


تنزيل: الكلام ده ما صح ما حتلقاها قروش ولا شي.

علي: لـٰكِن أنا شُفتَ فِي التلفزيون كِدا
فِي الكرتون البطل خَتَ سنتو الأتكسرتْ تِحتَ المُخدة و بعدين الجنية جاتْ بليل بدلتها بِقروش وقت هو نايم و الصباح لقاها قروش.

تنزيل: ده كذب ما تصدق، أرح أجدعها.

علي: لا.

تنزيل: طيب بَديك قروش.

علي: خلاص أرح.

مشيتْ معاهو و أثناء ما هو قاعد يرميها قال :
يا شمس أديتك سن الحمار
أديني سن الغزال.

طوالي إتذكرتَ واحد كان سال فِي موقع إسلام ويب و سؤالو كان أنو بعض الآباء عندما تسقط سن جديدة للطفل، يأمرونه بوضعها تحت الوسادة، ويقولون له: حتى تأتي جنية الأسنان، أو ما أشبه ذلك، فتأخذها وأنت نائم، وتضع مكانها حلوى -أو أي شيء آخر يحبه الطفل-، ثم يقومون هم باستبدال الحلوى بالسن.
وآخرون عندما تسقط السن، يأمرون الطفل بأن يرميها نحو الشمس وقت الظهيرة، ثم يقول: يا شمس، يا شموسة، خذي سن الحمار، وأحضري سن الغزال، أو خذي سن الجاموس، وأحضري سن العروس، فما حكم ذلك شرعا؟

جاوب ليهو الشيخ
و قال :

" فلا ريب في نكارة هذه الأفعال وشناعتها، بل وقدحها في جناب التوحيد! فالله عز وجل هو الذي خلق، ورزق، ووهب، وأعطى، وليس للجن، ولا للشمس دخل في أسنان الأطفال، ولا غيرها من النعم.

ومما لا ينتهي منه العجب أن يلقن الأطفال مثل هذه العقائد الباطلة الكاذبة، بدلا من تربيتهم على التوجه إلى الله تعالى وحده، وسؤاله، ودعائه، والتوكل عليه.

وقارن بين هذه الفعل المستنكر وبين سنة النبي صلى الله عليه وسلم وهديه، حيث قال لابن عباس وهو صبي صغير السن: يا غلام، إني معلمك كلمات: احفظ الله يحفظك، احفظ الله تجده تجاهك، وإذا سألت، فاسأل الله، وإذا استعنت، فاستعن بالله. واعلم أن الأمة لو اجتمعوا على أن ينفعوك، لم ينفعوك، إلا بشيء قد كتبه الله لك، ولو اجتمعوا على أن يضروك، لم يضروك، إلا بشيء قد كتبه الله عليك، رفعت الأقلام، وجفت الصحف. رواه أحمد، والترمذي، وقال: حسن صحيح. وصححه الألباني.

ومن جملة ما ذكره الشقيري من البدع المستنكرة في كتابه: (السنن والمبتدعات): مخاطبة الشمس عند انكسار السن: يا شمس يا شموسة يا بنت علي وموسة، خذي سنة الحمار، وهاتي سنة الغزال!. اهـ"

صحيتْ مِنْ سرحتي و قلتَ بِقلبي ياخ الجملة دي مُمكِنْ تبقى شرك عديل لـٰكِن أفهمها ليهو كيف، و هو فِي العمر ده يمكن ما يفهم لي شرك يعني شنو!

بعد أستعنتَ بالله و فكرتَ حتى
قُلتَ ليهو :
علي حبيبي لمِنْ سنك تقع قول قدر اللَّه.

علي: قدر اللَّه.

تنزيل: و ماشاء فعل.

علي: و ماشاء فعل.

تنزيل: يلا تاني ما تقول يا شمس أديتك سن الحُمار أديني سن الغزال؛ لانو ما صح
كويس؟

علي: كويس.

تنزيل: تقول شنو لمِنْ سنك تقع؟

علي: قدر اللَّه و ماشاء فعل.

تنزيل: أيوااا، عسل أنتَ.


بقى يضحك و يتبسم نظام خجلان و كِدا ضحكني ضِحك، و اللهم بارِك ضحكتو حِلوة شديد.

و طبعًا بعد جدعها أديتو قروش؛ لانو أنا وعدتو ولو ما أديتو ده كِدا حيعتبر كذب، صراحة أنا بِتحير فِي الأهل اللي بيوعدوا عيالهم بِحاجة و ما يوفوا بيها و أكتر حركة غياظة بِتاعت أجري البس سفنجتك وتعال و بِحماس تجري تجيب السفنجة تلقى غبارهم بس هم مُفتكرين أنو ده كِدا ما كذب؛ عشان هو شافع لكن أفتكارهم غلط.


سوينا الجَبنة و بقينا نتونس

أثناء الونسة جابوا سيرة واحدة و بقوا يقطعوا

« من تخلّص من الغيبة والنميمة فإنه قد تخلّص من ثلثيّ عذاب القبر، مُتخيلين معي أنو ثلثي عذاب القبر بِسبب الغيبة و النميمة؟!
لاحول ولا قوة الا بالله.

¬ الفرق بين الغيبة و النميمة و البُهتان شنو؟

↓↓

- الغيبة: ذِكرُ أَخَاك بِمَا يَكرَهُ وَهُوَ فِيهِ.
- النَّميمة: نَقلُ كَلَامِ مَن شَخصٌ لِشَخصٍ لِكَي يَحدُثُ بَينَهُمَا سُوء "إفسَاد الْعَلَاقَات".
- البُهتَان: ذَكَر أَخَاك بِمَا يَكرَهُ وَلَيسَ فِيهِ هُوَ افتَراء عَلَيهِ وَهُوَ أَعظَمُ ذَنبًا مِن الْغِيبَةِ.

هسه أنحنا موضوعنا مع "الغيبة و النميمة"

طبعًا زِي ما عارفين أنو الأتنين حرام.
و دليل على تحريم النميمة..
قال رَسولُ اللّٰـه ﷺ:
"لا يدخل الجنةَ قتَّاتٌ"
يعني: نمَّامٌ.

و دليل على تحريم الغيبة..
قال رَسولُ اللّٰـه ﷺ:
" لمَّا عُرِجَ بي مَرَرْتُ بِقومٍ لهُمْ أَظْفَارٌ من نُحاسٍ ، يَخْمُشُونَ وُجُوهَهُمْ وصُدُورَهُمْ ، فقُلْتُ: مَنْ هؤلاءِ يا جبريلُ ؟ قال : هؤلاءِ الذينَ يأكلونَ لُحُومَ الناسِ ، ويَقَعُونَ في أَعْرَاضِهِمْ"

فِي ليلة الإسراء و المعراج النبيﷺ شاف ناس اظافرهم من نحاس شغالين يخربشوا وشوشهم و صدورهم ف النبيﷺ سأل جبريل عليه السلاة قال ليهو : ديل منو؟
جبريل عليه السلامة قال ليهو :
ديل البياكلوا لحوم الناس يعني الناس اللي بِغتابوا ده عذابهم يوم القيامة و العياذ بالله، هسه الواحدة كان خربشتها كديسة أو خربشتها واحدة بِضفرها ساي تقعد تولولوا و تقول واي و ياي فما بالك بِأظفار مِنْ نحاااااااس؟
نسأل الله السلامة.

¬ طيب أخلي الغيبة و النميمة كيف؟

↓↓

_ أتذكر أنو الغيبة و النميمة تعادل ثلثي عذاب القبر.
_ أكثر مِنْ الذكر و خاصة الأستغفار و قراءة القرآن.
_ لو زول أعتاب قدامك طوالي دافعي لِلزول اللي أغتابوا أو قوم مِنْ المكان؛ عشان ما تأخد ذنوب معاهم.
_ كُل ما وقعتَ و أغتبتَ زول أتصدق، أستغفر و توب ما تخلي الشيطان يهبطك.

و فِي قصص جميلة قصيرة من تأديبِ السلفِ لأنفسهم فِي موضوع الغيبة

- قال عبدُ اللّٰـه بنُ وهبٍ - رحمهُ اللّٰـه:
نذرتُ أني كُلما اغتبتُ إنسانًا أن أصومَ يوماً ، فأجهدني ، فكنتُ أغتابُ وأصومُ.
فنويتُ أنّي كُلّما اغتبتُ إنسانًا ، أن أتصدَّقَ بدرهَمٍ ، فمِنْ حُبِّ الدراهمِ تركتُ الغيبةَ.

- قال الإمامُ الذهبيُّ - رحمهُ اللّٰـه - مُعَلِّقاً: هكذا واللّٰـه كان العلماءُ ، وهذا هو ثمرةُ العلمِ النافعِ.
_ سِير أعلام النبلاءِ للذهبيِّ (١٥/٨)

ف ﷲ ﷲ على السلف! ».


بعد أتكلمتَ معاهم و لقيتهم ما عايزين يسمعوا لي طوالي قُمتَ و مشيتَ جوا


سمعتَ أذان صلاة الظهر صليتْ و قعدتَ شوية فِي المُصلاية و سبحتَ و بعدو رفعتها


مشيتْ شلتَ تلفوني و دخلتَ الفيس

أثناء ما أنا قاعدة أتصفح لقيتَ منشور جميل جِدًا لي واحد أسمو " يُوسُف "
كان كاتب :

" السلامُ عليكُم،
تأخر زواجِ البنتِ لا يَدُلَّ على أنَّ بها مُشكلةٌ أو نقص ، لا أرىٰ لهُ سبب سُوى أنّ ما يرتضيهُ اللهُ لها  لم يأتِ بعد ، والزواجُ رِزقٌ ولكلٍّ مِنّا رزقُه، فـكُفُّوا عن أَذيةِ المشاعِر بكلامكُم وحديثكم الساذج ولو كان علىٰ سبيل الضَحكِ والمُزاح

_ وأنتِ لا تقبلي إلّا بِذي الدينِ والخُلُقِ ، مهما تأخر مجيئَهُ لا تُفرِّطي ،الزواجُ حياةٌ فلا تُضَيِّعي حياتكِ بسببِ كلمات الأقارب والصديقات فلا هُم يعيشون عيشَتكِ ولا هم عنكِ يُسئلون..
اللَّه المُستعان.. "

عملتَ فِي المنشور لوف و علقتَ ليهو بـِ "حبيتْ جِدًا" و جنبو خمستاشر قلب أحمر، المنشور عجبني شديد ياخ!

دخلتَ صفحتو شُفتَ باقي المنشورات و صراحة كانت حِلوة شديد عملتَ فيهُم كُلهم لوف و علقتَ فيهم بـِ " جزاكَ اللَّهُ خيرًا ونفع بِكَ" و جنبو قلب، عملتَ مُتابعة لي حسابو
و مشيتْ نشرتَ فِي صفحتي
كتبتَ :

" اللّباس المُحتشم، غَضّ البَصر، الصَّلاة، وعدم الخروج بِالزينه، هي فَرائض وليسَت ( تَديُّن )

و سيبقى الإرتباط مُحرّمًا ولو كان يوقظكِ لِلفجر ويحفّظكِ القرآن"

طبعًا صفحتي قاعدة أنشر فيها بوستات دينية، و دخلتَ الواتس عملتَ أستوري
كتبتَ :

" حدد العادات الأسوأ ضررًا عليك في دينك وحياتك، العادات التي تمتد آثارها الضارة إلى المساحة الأكبر من حياتك، وربما كانت أصلًا لغيرها من العادات السيئة الأخرى .. اعثر عليها وطهّر حياتك منها، واصبر، وستذوق نفسك شيئًا طيبًا مريحًا تحرص أشد الحرص ألا تفارقه أو تتهاون في الحفاظ عليه
_الشيخ عبد الله الشهري ".


دخلتْ الفيس كِدا لقيتْ بوست ذكرني موقف علي قبيل، البوست بِعنوان "أولادنا والأنمي"
كان مكتوب :

" في القديم كانت أفلام الكارتون هي المفضلة لدى كل الصغار، وكان الغرب مُتقدم في صناعتِها، فأفلامهم كانت الأكثر رواجًا ولا تَرقَى أفلام الكارتون العربي لمُنافستِها..

كانت المُخالفات في أفلام الكارتون قليلة نِسبيًا حتى أصبحت أفلام الكارتون هي المُتحدِّث الرسمي بلسان الغرب في الترويج لكل مَظاهِر الانحراف العَقائِدي والأخلاقي مِن الشذوذ والإلحاد والنَّسويَّة وغيرها..

والآن فأفلام الأنمي هي مَن تتربَّع على العرش في مُخاطبة الأطفال والمُراهقين بل والكبار.. فالأنمي هي القوة الناعمة لليابان في تصدير كل ثقافتها للعالم وفي طيَّاتِها كل مَعالمِ الانحراف الغربي العَقائِدي والسُلوكِي والأخلاقِي.. وهناك أيضًا الإنتاج الكُوري ولكن الأكثر انتشارًا هو المنتج الياباني..

الأنمي سلاسل مختلفة الطول فبعضها يَصِل 12 حلقة مثلًا ويَصِل البعض لـ 1000 حلقة.. وبغض النظر عن كِميَّـة الأوقات المُهدَرة؛ فالأخطر كَم العقائد التي تُمرَّر مِن خلال تلك الأفلام والمسلسلات مِن العَقائِـد البُوذِيَّـة وغيرها..

وتَكمُن خطورة الأنمي في تَروِيج الإلحَاد وإظهار الشياطِين بكثرة وفي بعض الأحيان في صورة حسنة، مع تَروِيج أنَّـه مِن الممكن أن يُكوِّن الشخص علاقـة صداقـة مع شيطان!!.. والتَّروِيج للشذوذ والتَّحول الجنسي وإظهارهم في صورة الأبطال الذين حَاربُوا أُسرَهم ومُجتمعهم،

وتَسوِيغ المَشاهِد الجِنسيَّـة والعلاقات العَاطفيَّـة بين الأولاد والبنات، مع إظهار البَطل أو البَطلة شخص عديم الإحساس بارد المشاعر جاف يَفعلُ كُل شَيءٍ ليُحقق أهدافَـه تحت ما يُسمَّى بالشخصيَّـة الـ (كول) وبعض مَشاهِد العُنف والقَسوة..

ويحدث لدى مُشاهِدي الأنمي هَوَس فيُطلقوا على أنفسِهم ألقاب تَدُل على انتمَائِهـم لهذا العالم لقب ( أوتاكو ) وهم مُتعصبون جدًا للأنمي فيرتدون ملابس عليها صور لشخصيات الأنمي مع قصَّات شعرهم المعروفة... إلخ، فالأوتاكو هم مُدمنِي الأنمي!!..

حرفيًا يتم غَسْل أدمغة الأطفال والمُراهقين يَوميًا بمئات المَشاهِد التي تُروج لكل ما هو مُخالف لقيمِنَـا وعقائِدنَـا وأعرافنَـا..

وهناك عالَم مُصغر مِن الأنمي مُصمِّمُوا هذا العالَم هم المُراهِقون أنفسهم فيُوجد لعبة تُسمَّى ( gacha club ) في هذه اللعبة يُمكن صُنع شخصيَّـات تُشبه الأنمي ويُصنع بها فيديوهات، وفيديوهات المُراهقين الغربيِّين كلها شذوذ وانحراف وأمَّـا فيديوهات المُراهقين العرب لَم تَصِل بعد لهذا المستوى ولكن بها مَشاهِد وأفكار غير لائقَـة وتُنذر بالخطر!!..

كنت أتاكو..

حدثتني مُراهقة: كنت أشاهد الأنمي بكثرة حتى أدمنته، ومع الوقت تَبدَّلت شخصيتي وصرت مُقتنعة أنَّ الشخصيَّـة المثاليَّـة هي الشخصيَّـة الباردة التي ليس عندها مشاعر الـ (كول)..

كنت باستمرار أُحاول تقليد شَخصيَّـة أبطال الأنمي حتى دفنت شخصيتي دون أن أشعر، صرت أرتدي ملابس أَشبَه بملابس الأنمي وهي أقرب إلى ملابس البنين وأُفضِّل اللون الأسود وكنت أتمنَّى أن أُغيِّر شكل شعري حتى أصبح أنمي يمشي على الأرض..

انتبهت ووجدت نفسي في بئر عميق حاولت استعادت شخصيتي بصعوبة وعانيت طويلًا حتى استعدتُ نفسي شيئًا فشيئًا أخيرًا والحمد لله..

وفي النهاية..

الأنمي خطر كبير على دين وعقائد المراهقين وأخلاقهم وسلوكهم. وعن تجربة، أقول لكل مراهق: ابتعد، وأقول لكل أب وأم: انتبهوا لي أولادكم ".


قُلتَ فِعلًا و ده الحاصل بالضبط!
قفلتَ التلفون ختيتو فِي الشاحن و مشيتْ أتجهز؛ عشان أمشي الكورس

أتجهزتَ و صليتَ صلاة العصر و شِلتَ تلفوني ختيتو فِي الشنطة و طلعتَ

وصلتَ الكورس لقيتْ لسه ما دخلوا الكِلاس رغم أنو ده زمن المُحاضرة!

شُفتَ هبة و وِجدان جايين على جِهتي
وصلوني سلموا علىَّ و سالوني ليه كُنتَ غايبة أمبارح؟
كلمتهم أنو اختي عملتْ حادث و ما قدرتَ أجي حمدلو لي سلامتها و سالوني كيف هي هسه و كِدا وبقينا نتونس

فجأة فِي نص الونسة إتذكرتَ الـ Topic الكان مُفترضة نقدموا أمبارح

تنزيل: صحي الـ Topic أدوكم ليهو؟

هبة: لالا المِستر كان حصل ليهو ظرف
فـ خلاهو لي الليلة.

تنزيل: الحمد للَّه.

وِجدان: قسمونا لي قروبات كُل قروب فيهو تلاتة بنات و تلاتة أولاد حيقدموا موضوع واحد و باقي القروبات تسالهم و أحسن قروب قدم حيكون هو الفائز
يلا هم خمسة قروبات مِنْ A لمِنْ E
هسه حنِتناقش مع بعض حارسين باقي القروب يجوا بس، و أنِحنا حجزنا ليكِ معانا فِي قروبنا.

تنزيل: شُكرًا ما قصرتوا.

وِجدان: ولو العفو.

تنزيل: أنتوا مُش الليلة كأنو أتاخرنا و زمن المُحاضرة جا ولا أنا جيتَ بدري؟

هبة: أي صحي ما كلمناكِ أنو الزمن غيروا لينا، قدموا بِساعة.

تنزيل: طيب و حنطلع متين؟

وِجدان: مع أذان المغرب.

تنزيل: ليه ياخ غيروا؟
يعني حـ أصل البيت العشاء عديل.

وِجدان: أنا زاتي ما عجبني الوقت ده.

هبة: بِالجد صعب لينا كبنات.

تنزيل: اللَّه المُستعان.


طبعًا ما عِرفتَ أعمل شنو؛ لانو ما بحب بعد المغرب أكون برا البيت
و غير كِدا صلاة المغرب أصليها متين؟
ياربي أخلي الكورس؟

قطع سرحتِ صوت وِجدان و هي قاعدة تِتكلم معي قالت لي الولدين الجايين علينا ديل معانا فِي القروب، وصلونا سلموا على وِجدان وهبة، فِي واحد مد لي يدو قُلتَ ليهو ما قاعدة أصافح، حسيتْ بيهو أتحرج لـٰكِن ما أشتغلتَ بِالموضوع شرع ربنا لازم أنفذو.

وِجدان قالتْ ليهم دي تنزيل معانا فِي القروب و قالتْ لي ديل وليد و ياسر
و سالتهم مِنْ واحد أسمو كمال ليه ما جا؟
قالوا أنو حصل ليهو ظرف الليلة ما حيقدر يجي، شكلو ده التالت المعانا فِي القربو المُهم بقينا نتناقش حول الموضوع و كانوا كُل شوية بِطلعوا برا الموضوع و بِتونسوا و يهظروا صراحة ما كُنتَ مُرتاحة؛ لانو ما قاعدة أتعامل مع أولاد فكان حاسة بِضيق.

زمن المُحاضرة جا دخلنا الكِلاس و كُل الناس قدموا مواضيعهم و صراحة أبدعوا و أخر حاجة كان أنِحنا قدمنا و التصويت أكتر شي كان على القروب B و فازوا

بعدو المِستر قال حيفتح لينا أغاني أنجليزية؛ عشان نتعلم مِنها
طوالي أخدتَ أذن و طلعتَ مِنْ الكِلاس
ما عايزة أتعلم بِحاجة حرام سواء مُسلسلات، أفلام، أغاني

أصلًا المُحاضرة كان فضل ليها 5 دقائق و تخلص طلعتَ طوالي و مشيتْ على المواصلات، أذان المغرب كان أذن مِنْ وقت أنا فِي المُحاضرة بس مع دخلتِ البيت أذان العشاء أذن!


#على_الهامِشْ :

إياك ثم إياك وأن تخاف شيئًا قبل حدوثه، لا تتخيل،
واصرِف فِكرك وخوفك عن الغيبيات فهي في عِلمِ الله
وتفائل بالخير دومًا، وتوكل على الله أبدًا
واعلم أن البلاء إذا نزل على العبد ينزل معه اللطف،
فإذا تصوّرت البلاء قبل أن يقع فقد استقبلت البلاء بدون لُطفٍ وأهلكت روحك.
واجبٌ عليك أن تتيقن أن لك ربٌ قيوم لا ينام
فاطمئن به، وتوكل عليه، واستبشِر، وتفاءل بالخير.

#كبروا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

زيّنوا إعجابڪم بـ ” اللهمَّ بارڪ ‟

فࢪُبَّ عينٍ أصابت شيئاً جميلاً فدمࢪته💔

=بديل لِلأنمي لي أطفالكم.

زِي ديل القصدتهم فِي الرواية

لو عايزين زيهم أكتبوا فِي تطبيق الـ Snaptube أنشودات دينية بدون موسيقى للأطفال بِتجيكم الأنشودات فيديو و صوتية.

الإنتظار هالك💔.. مدمر💔.. يجعلك تتآكل من الداخل💔.. ولكن!!💙.. عندما تترك أمرك لله💙.. وتتوكل عليه💙.. ستعم الطمأنينة قلبك💙.. وستنعم بالسلام الداخلي💙.. لذلك كن ع ثقة دائمة بأن الله لن يتركك💙.. وسيقضى حاجتك ولو بعد حين💙🌸✨

*#مَشْوَار _ إِلْتِزَام《04》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏صليتْ صلاة المغرب و العشاء مع بعض

« قال رسول الله ﷺ : "أول ما يحاسب العبد من عمله صلاته؛ فإن صلحت فقد أفلح وأنجح، وإن فسدت فقد خاب وخسر"

فاذا تعمدت تأخير الصلاة او فرض واحد فقد وقعتْ فِي كبيرة مِنْ أكبر الكبائر أشد مِنْ الزنا، و مَنْ يفعل ذلك فقد توعده ﷲ بِواد فِي جهنم اسمه ويل، قال تعالى: فَوَيْلٌ لِّلْمُصَلِّينَ ۝ الَّذِينَ هُمْ عَن صَلَاتِهِمْ سَاهُونَ.
مُجرد التاخير لِلفرض الآخر
وهذا الوادي مُرعب؛ لانهُ شديد حره بعيد قعرهُ تخشاهُ جهنم كُلها.
فعليك ان تتوب وتندم علي هذا الفعل وتصلي الصلاة فِي وقتها ومافاتك تصليهُ بِالترتيبِ "فجر، ظهر، عصر، مغرب، عشاء"
النبي ﷺ قال : " العهدُ الذي بينَنا وبينَهم الصلاةُ، فمَن تركَها فقد كفر"
وأيضًا قال ﷺ : "بينَ الرجلِ وبينَ الشركِ والكفرِ تركُ الصلاةِ"

قال الإمام أحمد بن حنبل :

فكل مُستخِفٍّ بالصلاة مُستهينٍ بها هو مُستخفٌّ بالإسلام مستهينٌ به، وإنما حظهم من الإسلام على قدر حظهم من الصلاة .. ورغبتهم فى الإسلام على قدر رغبتهم فى الصلاة».


أتغدينا أنِحنا و ناس خالتي، بعد خلصنا رفعتَ الصينية و شلتَ المُكناسة و مشيتَ البرندة؛ عشان أنضفها

أثناء ما أنا قاعدة أكنس جاتني خالتي
و قالت لي :
ما تكنسي بليل.

تنزيل: ليه؟

إلهام: عشان ما يطلع عفريت أو الصباح تحصل مُشكلة بيناتكُم.

تنزيل: دي خُرافات ساي.

إلهام: و لا خرافات، بليل أوع تستحموا و لا تقصوا أظافركم و ما تكنسوا؛ لانو بِتطلع عفاريت و بِتبقي مجنونة.

تنزيل: يا خالتي الكلام ده غلط، طيب فِي دليل مِنْ القُرآن أو السنة بِقول كِدا؟

إلهام: لالا مافي لـٰكِن اليوم داك جارتي كنستْ بليل و الصباح حصلتْ مُشكِلة بينها و بين راجلها.

تنزيل: يلا الشياطين أصلًا بِسمعوا الناس
يكون الشيطان سمع جارتك دي أنو بِتصدق الكلام ده فـ الصباح مشى وسوس لي راجلها أنو يمشي يتشاكل معاها؛ عشان هي تصدق الخُرافات دي.

إلهام: غايتو أنا كلمتك.

و مشتْ خلتني واقفة مُحتارة فِي كلامها ده و كيف خالتي مُصدقة حاجة زِي دي!

ما أشتغلتَ بِالموضوع كنستَ كنيسي
و مشيتْ أستحميتْ و قصيتْ أظافري كمان، قريتْ أذكار النوم و نُمتَ.


..

#اليوم التالي :

بعد الفطور ناس خالتي إلهام رجعوا بيتهم، بعد الظهر كِدا جاتنا رِحاب عزمتنا
قالت بُكرة ضابحين و عاملين كرامة فطور

أمي مشتْ المطبخ و بقينا نتونس أنا و هي ..

تنزيل: صحي أنتوا ضابحين ليه؟

رِحاب: أبوي أشترى عربية.

تنزيل: اللهُمَّ بارِك، بِالزيادة يارب.

رِحاب: أمين.

تنزيل: يعني ضابحين شُكر للَّه و كِدا يعني؟

رِحاب: يا بت عشان العين و الحسد.

تنزيل: بس كِدا ما يجوز.

رِحاب: كيف يعني؟

تنزيل: ده يُعتبر شرك؛ لانو أنتوا كِدا بِتعتقدوا أنو الذبح ده هو الـ حيدفع العين و كِدا ماصح؛ لانو ربنا هو الحافظ.

رِحاب: بري أول مرة أسمع الحاجة دي.

تنزيل: لو أنتوا ضابحين بِنية شُكر لله على النِعمة و كِدا فـ مُمكِن لـٰكِن أعتقادًا أنو ده يودي العين فـ ما يجوز.

رِحاب: كدي بعدين أكلم أبوي بِالكلام ده.

تنزيل: أي نبهيهُ.

« الحاجة دي مُنتشرة شديد أنو الناس بِتضبح لمِنْ تشتري حاجة جديدة أو ترحل بيت جديد و تضبح؛ عشان يودي الجِن!

أو ترُش أركان البيت بِالملح
و ده كُلو غلط طبعًا

في السنة الرسول ﷺ علمنا لمن ننزل مكان جديد نقول :
أعوذ بِكلمات اللَّه التامات من شر ما خلق ».

رِحاب طلعتْ مشتْ بيتهم و تالين جاتني بقينا نتونس ..

تالين: صحي يا تنزيل أنا عايزة أسألك مِنْ حاجة.

تنزيل: أحكي.

تالين: أصلح علاقتي مع أمي و أبوي كيف؟
صح أخدتَ عفو أمي لـٰكِن حاسة أنو لسه بعيدة منها أما أبوي بعيدة مِنهُ كُل البُعد.

تنزيل: الحاجة دي مُمكِن أنتِ تزحيها
مدام هم بعيدين أنتِ ليه ما تحاولي تزحي الحاجة دي و تقربي؟
يلا عايني عايزة تصلحي علاقتك مع أبوي
لمِنْ يجي مِنْ الشغل شيلي مِنهُ الأكياس
و جيبي ليهو موية و أساليهو الشغل كيف و كِدا يعني و مسحي ليهو رجولو أما أمي أعملي ليها الجَبنة بعد الظهر و أقعدي أشربي معاها، و سرحي ليها شعرها.

تالين:أن شاء اللَّه بحاول أعمل كِدا.

تنزيل: ربنا يعينك.

تالين: أمين، أها ماشة مع الكورس كيف؟

تنزيل: تمام الحمد للَّه.


أتونسنا شوية و مشتْ، أنا مسكتَ التلفون و دخلتَ الفيس أول منشور جاني حق يُوسُف
كان كاتب :

" ‏مِن طرائف العرب وهي مِن الردود المُسكتة التي تجعل مِن الطرفين المُتشاحنين إنهاء الخلاف بِالإبتسامة الحِلوة وما أحوجنا لِهذا النوع مِن طهارة القلوب

فِي كِتاب «الأذكياء» أن رجلا قال لآخر : اصمُت و إلا لطمتُك لطمةً تذهب بك إلى المدينة

فقال يهزأ به: زِدها بِأخرى لعل اللَّه يرزقني العمرة على يديك "

ياخ ضحكتَ ضِحك!
أتفاعلتَ بـِ أضحكني و دخلتَ علقتَ، كتبتَ ليهو " عسل" و جنبها أيموشنات كتيرة بِتاعت الوجه الضاحك

« كِلمة عسل دي أكتر كِلمة بِتصدمني وقت بت تقولها لي ولد و بِتنرفزني عديل معقولة يا نقية؟
تقولي عسل لي ولد؟!
لي بت ماف مُشكلة أن شاء اللَّه تقولي ليها عثل بالثاء و معاها عشرومية قلب ماف زول بِسألك لـٰكِن لي ولد ما حاجة عادية و ﷲ و عدم حياء ».


واصلتَ فِي تصفحي لقيتْ بت خاتة صورتها و لابسة الخمار لـٰكِن عاملة ميكب و ايلاينر فِي عيونها
و كاتبة :
" سأظل مُتمسكة بِحِجابي
و لن أسمع لذاك الذي يقول
أرمي الحِجابَ و أخرُجِ "


دخلتَ التعليقات و بقيتْ أقرأها ..

مُجاهد : الايناينر تمام ماف كلام.

قُلتَ بِقلبي :
كدي أنتَ أعرف اسمو أول.

واصلتَ قراية ..

حسن: ماشاء ﷲ العيون.

طه: قُل لِلمليحةِ في الخِمار الأسودي
ماذا فعلتِ بِقلبي؟

كامل: دي عيون و لا فُنحان كبيرة زِي دي.

قُلتَ بِقلبي :
لاحول ولا قوة الا بالله، ده بالغ عديل و لا قال ماشاء ﷲ زاتو، غايتو البت دي الليلة بِتجيها عين.

التعليقات كانت أغلبها مُشاغلات
حسيتْ نفسي ما قادرة أقرأ باقي التعليقات، عايزة أطلع كِدا بس لفتْ أنتهى ست المنشور زااااتها كاتبة ليهم :
بارك اللَّه فيكم و جزاكم خيرًا طوبى لِلغرباء

لقيتْ بِت كتبتْ ليها :
طوبة تفلق مخك ده أنستري و ألبسي الحِجاب زِي الناس بعدين تعالي قولي طوبى غرباء، عاملة فل ميكب و ناشرة صورتك كمان و تقولي طوبى لِلغُرباء؟
إتلمي باللَّه و أحذفي صورك دي؛ عشان ما تكسبي سيئات.

جات ست المنشور ردتْ
قالت ليها :
ده ما مجال أختصاصك و نصيحتك دي خليها لِنفسك، و بقوا يردحوا لي بعض

صراحة أنا زِعلتَ مِنْ البت الدخلتْ نصحتها فِي التعليقات أو بِالأصح فضحتها؛ لانو النصيحة فِي العلن فضيحة
و أسلوبها فِي النُصخ كان ما ظريف و فظ
و طريقة النصيحة هي البِتحدد لي إذا الشخص القدامي ده حيتقبل النصيحة ولا لا، و أصلًا الكلام بِتكون مِنْ مضمون و إسلوب إذا مضمون كلامك جميل ما تخربو بي إسلوب قبيح!

دخلتَ لي ست المشور خاص ..


#على_الهامِشْ :

‏الأشياءُ الجميلةُ تكون فِي السّرِّ أجمل :
فالنصيحةُ على الملأ فضيحة
والعِظة أمام الناس جارحة
والصّدقة فِي العلن قد تجرحُ كرامة
ولكن الصَّدقة فِي السّر تُرممُ حاجة النّاس
فلا تفعل على الملأ معروفًا يمكن فعله في السِّر
.
من كتاب ‎#حديث_المساء

#أستغفروا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

-أحببتُ مسائي بكِ,وأحببتُ حديثكِ الغارق بالجمال فمساء الخير لكِ,ومسائي جميلاً بكِ.❤️

ف تفاصيل بسيطة شديد، بس بنشوفها عظيمة جدا وبتفرح الواحد💙.. مثلا لما حد يرسل ليك فيديو اياََ كان محتوى الفيديو والغرض منو شنو!!💙.. بيبسط شديد💙.. لما حد يرسل ليك صورة وفيها إسمك، أو فيها حرفك💙.. لما حد يشاركك إنو ياخد رأيك ف حاجة💙.. لما حد يرسل ليك ريكورد💙.. أو يشاركك بأغنيتو المفضلة💙.. لما حد يرسل ليك نكتة💙.. أو أي نص لاقاهو وجابو ليك💙.. وف تفاصيل كتيرة بسيطة وأبسط من بسيطة بس ثمنها غالي والله العظيم💙.. وأنا عن نفسي بشوف إنو طالما الواحد اداني من زمنو وشاركني بأي حاجة بغض النظر عن هي شنو!!.. فهو عظيم💙🌸✨

*#مَشْوَار _ إِلْتِزَام《05》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏دخلتَ لي ست المنشور خاص
اسمها "وعد"
رسلتَ ليها :
السلام عليكم.

وعد: وعليكم السلام.

تنزيل: طيب يا جميلة أنا ما بحب أنصح فِي العام؛ عشان كِدا دخلتَ ليكِ فِي الخاص بِتمنى ما أكون أزعجتك
بس حابة أنبهك على صورتك الناشراها
ما يجوز لِلمراة أنو تنشر صورها فِي السوشيال ميديا و فيها سيئات و غير أنو الحاجة دي فيها خطر عليكِ مُمكِنْ عادي واحد ياخد الصورة دي و يستخدمها فِي أمور لا تليق و مُمكِن واحد فِي قلبو مرض يقعد يكبر الصورة و يدقق فِي الملامح
حتى لو مُحجبة أو مُنتقبة صورتك ما ينفع تنشريها
و النصيحة دي لِنفسي قبل ليكِ
و هدانا اللَّه جميعًا و بارك اللَّه فيكِ.

رسلتَ الرسالة و ظهر لي قاعدة تكتب
قُلتَ بِقلبي :
يا حليلك يا تنزيل، الليلة حيردحوا ليكِ ردح!
بعد مسافة و وصلتني رسالتها ..

وعد: جزاك اللَّه خيرًا
و صراحة ما كُنتَ عارفة أنو ما صح أنشر صورتي؛ لانو أنا لابسة الخمار و كِدا فـ قُلتَ عادي.

تنزيل: و جزاكِ يارب
مُمكِن أنبهك على حاجة تانية؟

وعد: طوالي أتفضلي.

تنزيل: الميكب مع الخمار لو قاعدة تطلعي بيهو الشارع كِدا ما يجوز ؛لانو كِدا أبديتِ الزينة فـ أعملي فِي البيت أو مُجتمع كُلو نساء، كويس يا ست البنات؟

وعد: حاضر.

تنزيل: ربي يسعدك.

وعد: أمين و ياكِ يارب.

تنزيل: أمين.

وعد: مُمكِن أسألك سؤال؟

تنزيل: أتفضلي.

وعد: طيب لو الحِساب بِتاعي بنات بس مُمكِن أنشر صوري؟

تنزيل: الأفضل ما تنشري، يمكن واحدة تأخد الصورة و تعملها بروفايل عِندها أو تعمل مِنْ الصورة مُلصق و تداولها بين جهات أتصالها يعني صورتك ما حتكون محصورة فِي ملفك بس.

وعد: صح.

تنزيل: و بعدين يمكن فِي ولد داخل بِي سوسن.

رسلتْ لي إيموشنات ضِحك.

وعد: حرفيًا، وأنا حصل لي موقف شخصيًا
مرة فِي بت أسمها أمنية رسلتْ لي طلب صداقة و أنا طلبات البنات طوالي بقبلها
المُهم بقت تشوف منشوراتي و تعلق لي و بقينا نتونس فِي التعليقات و بعدين دخلتْ لي الماسنجر و بقينا صحبات شديد و رسلتْ لي صورتها و قالت لي أرسل ليها صورتي فـ رسلتها ليها بعد فِترة أمنية دي قلبتْ لي عوض.

تنزيل"و هي بِتضحك": بالغ عوض لـٰكِن!.

وعد: بالغ بوووليغ.

تنزيل: الحاجة دي بِتودي هيبة الراجل و رجولتو و لو مشتْ الهيبة يكون فضل ليهو شنو؟.

وعد: ولا شي!.

تنزيل: ما عارفة أوصف كيف لمِنْ الواحد يدخل بِأسم بت لـٰكِن أقل حاجة مِمكِنْ أقولها أنو حاجة فِي قِمة الأشمئزاز.

وعد: حرفيًا.

تنزيل: خلي ده يبقى ليكِ درس و تاني ما ترسلي لي أيَّ بت صورك خاصة ناس السوشيال ميديا ديل الما شفتيهم فِي الواقع.

وعد: بري تووووبة.

أتفاعلتَ على رسالتها بِوجه ضاحك.

وعد: صراحة أنا حبيتك شديد.

تنزيل: ياقلبي، تحبك الجنة و خالقها
وعباد خالقها يارب.

وعد: جمعًا، و صحي أمشي شوفي الحِساب بِتاعي.

تنزيل: طيب.

مشيتْ شفتو لقيتها حاذفة كُل صورها
فِرحتَ شديد و رجعتَ ليها فِي الماسنجر ..

تنزيل: ماشاء اللَّه تبارك اللَّه
ربنا يثبتك يا حِلوة.

وعد: ولا يمسك ضرًا، أمين.


قفلتَ التلفون و مشيتْ فتحتَ الدولاب؛ عشان أختار عباية، أخترتَ واحدة واسعة كِدا و مُريحة، و طلعتَ طرحة كبيرة عاينتَ ليها كِدا قُلتَ ماف داعي البس الطرحة الكبيرة دي؛ لانو العباية واسعة
شِلتَ طرحة تانية و شلتَ الباندانة
بعد لبستَ طلعتَ على المواصلات.



وِصلتَ الكورس ..

مشيتْ الكلاس لقيتْ ناس وِجدان سلمتَ عليهم و بقينا نتونس و شالوا رقمي؛ عشان يضيفوني فِي القروب على الواتساب
المِستر جا أدانا المُحاضرة بعدين كلمنا أنو بعد بُكرة عِندنا Topic و كلم كُل قروب بِاسم موضوعهم و بعدو طلعنا

وِصلتَ البيت صليتْ العشاء و المغرب و نُمتَ.

..

الصباح بعد صليتْ القيام و صلاة الفجر و عملتَ روتيني طبعًا ما مشيتْ الفطور بِتاع ناس رِحاب؛ لانو هم ضابحين عشان بنيتهم أنو الضبيحة دي بِتودي العين و الحسد و ده ما ذبح لله معناتو ما ينفع الزول ياكل مِنهُ معليش لو كان عاملنوا شكر لله كان مُمكِنْ أمشي

الظهر كِدا كُنا قاعدين أنا و أمي نِتونس
و قاعدة أمشط ليها شعرها الباب ضرب مشيتْ فتحتو لـٰكِن ما عِرفتها دي منو!
فضلتها و مشيتْ المطبخ؛ عشان أجيب ليها موية

بعد جبتها ليها عِرفتَ أنو وصفتْ ليها جارتنا بيتنا؛ عشان هي بِتبيع ملابس لو عايزين نشتري و كِدا.

بقينا نشوف فِي البضاعة و أنا عجبتني طرحة و شبشب فاتح كِدا عِندي فستان ما حصل لبستو مشيتْ جِبتو؛ عشان أشوف جاي مع الشبشب و الطرحة ولا لا
لقيتهُم حِلوين شديد طوالي أشتريتهُم أمي ماف حاجة لفتتْ نظرها فما أشترتْ

مشيتْ الغرفة؛ عشان أوديهم الدولاب وديتهم و رجعتَ البرندة لفيتْ المرة أدتْ أمي كراس و قلم و قالت ليها أكتبي لي أسمك و رقمك


فِي اللحظة دي شُفتَ نظرة الأنكسار فِي عيون أمي قاعدة تعاين لِلقلم و الكراس الـ فِي يدها و ما قدرتْ تقول ليها أنو هي ما مُتعلمة!

الحمد للَّه أنقذتَ الوضع و مشيتْ سريع شِلتَ مِنها الكراس و قُلتَ ليها خلي أنا بكتب كتبتَ رقمي؛ لانو أمي ما عِندها تلفون لـٰكِن كتبتَ أسمها و رجعتَ لِلمرأة الكراس و طلعتْ


مشيتْ الغرفة قعدتَ أفكر ..

ياربي ليه أنِحنا ما فكرنا أنو نعلم أمي الكتابة والقراءة؟
ما حصل خطر فِي بالنا يوم الموضوع ده، صح أمي دي واعية جِدًا و أفضل مِنْ نساوين كُتار مُتعلمات لـٰكِن برضو التعليم لِلمرأة مُهم شديد؛ عشان تقدر تقرأ و تِتعلم عِلم شرعي و تِتفقه فِي الدين، و تقدر تربي عيالها على الدين و تقدر تقريهم

« الحاجة دي يمكن يكون ما فكرتوا فيها؛ عشان كِدا حبيت أذكرها ليكم، الأجيال الزمان ما كانتْ زِي هسه، هسه التكنولوجيا و التعليم مُتوفر و مُمكِنْ فِي محلك لـٰكِن زمان ماف زِي ده و ما كان قاعدين يركزوا مع التعليم كتير و الحاجة دي يمكن تلاحظوها فِي حبوباتنا أو الأمهات و الأباء أنو مِنهم ما قروا و كِدا
التعليم مُهم جِدًا، فـ حاولوا علموا أهلكم
يا ست البنات، أقعدي علمي أمك أبدي ليها مِنْ الحروف و خصصي ليكِ وقت قريها فيهو، جيبي كراس و أبدي ليها مِنْ " أَ فتحة، إِ كسرة، أُ ضمة"
و نزلي تطبيقات و شوفي فِيديوهات مُمكِنْ تساعدك و ما تِتزهجي أو تتنرفزي
أو تبيني ليها أنك مُضايقة لو كررتِ ليها الحاجة كتير و ما عِرفتها طولي بالك معاها؛ لانو مُمكِن ما تستوعب ليكِ سريع
أو ما تحفظ سريع و راجعي معاها الصباح القديم و ما تديها حروف كتيرة
حِصتين فِي الأسبوع مُناسبة و تديها فيهم أربعة حروف و الكلام ده برضو لِلشباب أقعد علم أمك و أبوك برضو أو مُمكِنْ تجيب لي أمك أستاذة، ما حِلوة عديل كونو تكونوا مُتعلمين و أهلكم لا، فـ فكروا فِي الموضوع بِجدية و يا بختكُم بِالأجر ».

مشيتْ لي تالين كلمتها بِالموضوع ده و أتفقنا أنو حنبدأ نعلم أمي و نبدأ معاها مِنْ الصفر و مشينا ليها الأتنين قعدنا جنبها
و بقينا نتونس ..

تنزيل: أمي، أنتِ ما مُفكرة فِي التعليم؟

ليلى: يا بتي بعد الكُبر ده؟

تالين: بري ولا كبيرة ولا شي، اللهُمَّ بارِك تتشافي أختنا عديل.

بقتْ تضحك ..

ليلى: المُخ تاني ما بِشتغل زاتو.

تنزيل: لالا بِأذن الله حيستقبل و تِتعلمي.

بعد تحنيس حتى قِدرنا نقنعها و صراحة هي شكلها بالجد واضح أنو عِندها الرغبة خاصة وقت بقتْ تحكي لينا وقت كانت فًي المدرسة و طلعوها أهلها و كانت بقتْ تبكي؛ لانو كانت بِتحب القراية ..


لمِنْ زمن الكورس جا قُمتَ أتجهزتَ لِبستَ الفُستان و الطرحة و الشبشب اللي أشتريتهُم قبيل، اللبسة كانت رهيبة شديد لـٰكِن ما كُنتَ مُرتاحة؛ لانو الشبشب فاتح و المرأة فرض تغطي رجلها، فما بحب أظهر رجلي ؛ عشان كِدا بحب البس أسبورتات
قُلتَ ياربي ألبس شراب معاهو؟
لـٰكِن المُشكلة منظرو ما حيكون حِلو!

الفُستان كان شوية ضيق و فيهو حِزام و الطرحة صغيرة، عايزة أمشي أغير اللبسة
نفسي قالت لي لا أنتِ عشان أتعودتِ تلبسي عبايات و طرح كبيرة لـٰكِن ديل واسعين برضو و بودوكِ

طلعتَ بعد الحِوار ده و نفسي أقنعتني و طلعتَ كِدا

مشيتْ أول شي المكتبة أشتريت أقلام و دفترين لي أمي، بعدين مشيتْ الكورس

مِنْ وصلتَ مشيتْ الكِلاس طوالي
لقيتْ ناس هبة سلمتَ عليهم و بقينا نتونس ..

هبة: أنتِ أمبارح يا تنزيل ما دخلتِ الواتس و لا شنو؟

تنزيل: أي.

هبة: أيوا؛ عشان ضفناكِ فِي القروب
و كُنا قاعدين نِتناقش بليل.

تنزيل: أن شاء اللَّه بعدين بشوف الرسائل.


المِستر جا أدنا المُحاضرة و بعد خلص قال داير يفتح لينا أغنية أنجليزية كُنتَ عايزة أطلع لـٰكِن فِي حاجة جواي قالت لي عادي ياخ، أنتِ عايزة تِتعلمي ما عشان تِنطربي أقعدي ساي الأنجليزي ده الا تِتعلمي بِالأغاني فِي النهاية قعدتَ و سمعتها لمِنْ خلصتْ وصراحة الأغنية عجبتني شديد.

طلعنا وِصلتَ البيت صليتْ المغرب و العشاء و أتذكرتَ الغنية الفتحوها لينا قبيل فِي الكلاس مشيتْ بحثتَ عنها فِي اليوتيوب و نزلتها كاملة


كِسلتَ أقرأ سورة الملك و أذكار النوم ف نُمتَ طوالي ..
"مسكينة، حُرِمتْ مِنْ أذكارها بِسبب ذنوبها"


#على_الهامِشْ :

‏"وتظُنُّ أنك لا تُعاقَبُ بِذنبكَ
وأنتَ حُرمتَ قيام الليل
ووردَكَ من القرآن
حُرمتَ السُّننَ الرواتب
وانعقدَ لسانُكَ عن ذكرِ الله
طُبعَ على قلبِكَ شيئاً فشيئاً وأنتَ لا تشعر!
وتظنُّ أنكَ لا تُعاقَبُ؛ لأنكَ لست مُبتلى فِي دنياك!

وأي ابتلاءٍ أشدُّ من أن يُحرمَ الإنسانُ الوصلَ مع الله؟"

#أستغفروا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

•
عافاني اللهُ وإيَّاكُم من سوءِ المُنقَلَب، من أنْ نغدو أشخاصاً آخرين غيرَ الذينَ كُنَّا، أنْ تُهَانَ المبادئُ فينا، أنْ نَكونَ في موضعِ التَنازُلِ دائماً غيرَ مُعارِضين، عافانا اللهُ من موتِ الضَّمير؛ أنْ نُخطِئَ ونحنُ مُطمَئنينَ بلا خَوف، من أنْ نكونَ بشراً بلا حُدود، من أنْ نَنَامَ ونَصحو ونحنُ مُلَطَّخينَ بالذنب، عافاني اللهُ وعافاكم من أنْ نَتَغيرَ للحدِّ الذي يَجعَلُنا غُرَباءَ عن أَنفُسِنا، تائِهينَ بدُنيانا لا شيءَ يَردَعُنا، لا قِيَماً تَسنِدُنا ولا أَخلاقاً من قذارةِ القاعِ ترفَعُنا، فاللَّهُمَّ ربَّ القلوبِ والأحوال، ثبِّتْ أَفئِدَتَنا على أفضلِ حال♥️🌸

*#مَشْوَار _ إِلْتِزَام《06》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏الصباح بعد شِربنا الشاي بديتْ أقري أمي أديتها حرف الألف و الباء
مرة بِالفتحة
مرة بِالكسرة
و مرة بِالضمة

سمعتهم ليها و أديتها تسمع فيديو فيهو النطق الصحيح لِلحرفين ديل و شكلهم عامل كيف؟، و قُلتَ ليها كِدا كفاية اليوم.


تلفوني ضرب لقيتْ المُتصلة أرم
أتونسنا شوية و قفلتَ.

إتذكرتَ القروب القالتو لي هبة مشيتْ أشوفو،دخلتَ الواتس فتشتَ قروب اسمو غريب لما لقيتْ واحد أسمو " المجموعة E "
ده رقم مجموعتنا طوالي عِرفتو أنو ده هو، دخلتَ لقيتهم قاعدين يتونسوا
بقيتَ أقرأ فِي الرسائل

فجأة !..

فِي واحد عمل لي تاق!
و قال لي :
شنو لـٰكِن عاملة صامت و تقري فِي الرسائل ساي.

عِرفتو ده كمال الكان ما جا اليوم داك؛ لانو داخل بِاسمو

ما رديتْ على رِسالتو، شوية بدوا يتناقشوا عن الـ Topic، وِجدان أقترحتْ فِكرة و سالتنا مِنْ رأينا كُلهم عجبتهم
وِجدان عملتْ لي تاق
و قالتْ لي :
أها يا تنزيل أنتِ رايك شنو؟
قُلتَ ليها :
حِلوة الفِكرة.

كمال رد فِي رسالتي دي
و قال لي:
و أخيرًا أتكلمتِ، أنا قايلك بكماء.

وليد قال ليهو :
كيف يعني بكماء هي قاعدة تِتكلم و لا تكتب؟

ياسر قال ليهو :
خليهو بِحب الخارجيات خلاص.

ضحكوني ضِحك!
طوالي دخلتَ معاهم فِي الونسة.

نِتناقش شوية و تاني نتونس لَمِن جهزنا موضوعنا، وِصلتني رسالة فِي الخاص
مشيتْ أشوف مِنْ منو؟
لقيتو ده كمال
سالني مِنْ حاجة فِي الـ Topic جاوبتَ ليهو، تاني بقى يسالني مِنْ اسمي و كِدا أتونستَ معاهو شوية و قفلتَ

بقيتْ أسمع فِي الأغنية الأنجليزية
النزلتها أمبارح، بعد خلصتْ مشيتْ نزلتَ تاني قريب العشرة، عجبوني شديد ياخ!
ساعتين قاعدة أسمع فيهم


الظهر أذن صليتو لـٰكِن حسيتْ نفسي ما خاشعة و ما صليتْ سُنة الظهر القبلية " قبل الظهر 4 ركعات، ركعتين ركعتين"، و لا سُنة الظهر البعدية "بعد الظهر ركعتين"
بعد خلصتَ مشيتْ دخلتَ الواتساب؛ عشان أرفع أستوري ..
كتبت :

" مع أو ضد: وراء كُل شخص سيء تربية سيئة "

أستنيتَ شوية بقتْ تصلني ردود ..

سيلين: مع؛ لانو علاقة الانسان الاولى بِتبدأ مِنْ عائلتهُ.

روان: ضِد؛ لانو مُمكِن يكون الأهل مُربينهُ أحسن تربية بس فِي أشخاص غيروهُ و أفسدوهُ سواء أصحاب أو زملاء.

جُمانة: ضِد؛ لانو البيئية الخارجية ليها دور ويمكن يكون مِنْ أصحاب النفوس الضعيفة و أتآثر.

أرم: مع؛ لانو لو أهلو كانوا صالحين أو مركزين معاهو ما كان حصلتْ الشخصية السيئة.

بقيتْ أعمل أسكرين لِلردود و بنزلها أستوري و برد ليهم، وصلتني ردود كتيرة جزء مع و التاني ضِد

أخر حاجة كتبتَ بوست عن الموضوع ده
كتبتَ :

" أنا ضِد المقولة دي؛ لانو بعد مرات الأهل
بِربوا تربية كويسة جِدًا لـٰكِن العيال براهم بِتخربوا مُمكن بِسبب أصحابو و كُلنا عارفين أنو" الصاحب ساحب"
أو زِي مرة في واحدة
قالت :
" أنا أهلي ربوني أحسن تربية بس
قلة الأدب دي أجتهاد شخصي مِني"
يعني أهلها ما عِندهُم ذنب لـٰكِن الناس دائمًا بِتلوم الأهل، و مُمكِن عادي الأهل ما بِكونوا عارفين بِعمائل عيالهم يعني هم قدام أهلهم بِكونوا شكل و بِوراهم شكل تاني، ياما ناس كُتار أهلهم شيوخ و مُحترمين و هُم عكس كِدا خالص!

فِي واحد بِيحكي
قال :
ركبوا معي بنتين فِي الركشة قالوا عايزين أوصلهم مُشوار و لابسين عبايات و مُحتشمات أول ما وصلتهم المشوار بِتاعهم "شكلو بيت صحبتهم؛ لانو طلعوا تلاتة"
البنتين قالوا لي أنتظر بِنطلع بعد شوية بعد مسافة طلعوا و كانو أخر تبرج و لابسين بناطلين و عكس الهيئة الوصلتهم بيها تمامِا!

و فِي النهاية ..
نوح عليه السلام نبي لـٰكِن أبنه كافر!
فـ التربية مِنْ الأهل و الصلاح مِنْ اللَّه
والسلام عليكُم".

كُتار مِنْ الكان قالوا مع المقولة دي غيروا رايهم و قالوا لي أقنعتينا

سمعتَ أمي قاعدة تناديني صراحة أتضايقتَ؛ لانو أنا قبل شوية كُنتَ معاها و هسه بس مِنْ جيت أمسك التلقون و قاعدة أدردش تناديني!
مشيتْ ليها
قالت لي :
سوي لي الجَبنة
صريتْ وشي، و مشيتْ عملتها سريع سريع و جبتها ليها
قالتْ لي :
أجيب ليها المطبقة مِنْ جوا الغُرفة
أتاففتَ و مشيتْ جبتها أديتها ليها و مشيتْ سريع قبل ترسلني تاني، حسيتْ بيها مصدومة فيني؛ لانو ماف حصل عملتَ كِدا!


شلتَ التلفون و فتحتَ الشبكة ..
جاني أشعار فِي الفيس
دخلتَ؛ عشان أشوف محتواهو
و كانت المُفاجأة !

لقيتْ ده طلب صداقة مِنْ يُوسُف!
كان عايزة أرفضو
لـٰكِن تاني قُلتَ :
أحسن أقبلو و أستفيد مِنْ منشوراتو؛ لانو حِلوة شديد و مُفيدة و غير أنو هو زول مُلتزم و نحسبهُ على خير و ما حيكون عِندو حركات بعض الشباب ديك بِتاعت نتعرف و كِدا فماف حاجة تخليني ما أقبل الطلب
فقبلتو

بعد مسافة رسل لي فِي الماسنجر ..
يُوسُف: السلام عليكُم.

رديتْ السلام قُلتَ يمكن يكون عِندو موضوع ضروري
قال لي :
كيفك؟
قُلتَ ليهو :
تمام الحمد للَّه.
سالني ليه ما دخلتَ الليلة؟

أتحيرتَ طبعًا؛ لانو فعلاً أنا الليلة ما دخلتَ
لـٰكِن هو عِرف كيف؟ المُهم رديتْ ليهو

فجأة !..

ظهر لي أنو هو حذف الرسائل
ما أشتغلتَ بِالموضوع ..


مشيتْ أتجهز لِلكورس فتحتَ الدولاب و بقيتْ مُحتارة البس شنو؟
عيني وقعتْ فِي بنطلون، طلعتو عاينتَ ليهو قُلتَ ياربي البسو؟
لـٰكِن أنا ما حصل لبستَ بنطلون و طلعتَ بيهو، رجعتو و تاني طلعتو قُلتَ البنطلون ده واسع أمشي بيهو يا تنزيل و أحسن تشوفي ليهو طونكة طويلة معاهو فتشتَ لمِنْ لقيتْ واحدة طويلة لبستهم و شلتَ شنطتي،قبل أطلع عاينتَ لي نفسي فِي المراية و قُلتَ :
أحسن أرجع أغير اللبسة دي
عايزة الف و أفتح الدولاب
تاني نفسي قالت لي :
الزمن حيتأخر ليكِ أطلعي ساي و بعدين البنطلون ده واسع و الطونكة طويلة ياهو زِي العباية، طوالي طلعتَ كِدا.


وِصلتَ الكورس ..

مشيتْ لي ناس هبة و بقينا نتناقش فِي ال Topic بعدو وليد و ياسر جوا و كان معاهم واحد أول مرة أشوفو!

وِجدان قالتْ لي ده كمال
أول حاجة كمال جا سلم ليهم لما وِصلني قال ليهم :
دي تنزيل؟
قالوا ليهو :
ياها زاتها.

قال لي :
أووو البكماء
و مد لي يدو ما قِدرتَ أحرجو فسلمتَ ليهو، وليد و ياسر عاينوا لي نظام ما قُلتِ ما قاعدة تصافحي؟
ما أشتغلتْ بِالموضوع وبقينا نِتناقش و مرة مرة نتونس لَمِنْ زمن المُحاضرة جا.

مشينا الكِلاس ..
أنِحنا أخر قروب حيقدم، باقي القروبات قدمتْ كُلها ولما جا دورنا قُمنا قدمنا موضوعنا و رجعنا و المِستر أختارنا أنِحنا الفائزين، ياخ فِرحنا فرح!
ناس كمال مدوا لينا يدهم؛ عشان نسلم عليهم نظام مُباركة و كِدا فسلمتَ عليهم

طلعتَ على المواصلات و بعد صعوبة لقيتْ؛ لانو بعد المغرب المواصلات بِتكون شوية صعبة، رِكبتَ و على يميني كان فِي خالة كبيرة قاعدة و الكرسي الـ على الشمال فاضي، أتحركنا شوية فِي راجل أشر؛ عشان يركب سيد العربية وقف ليهو و الراجل ركب جنبي ما عملتَ الشنطة بيناتنا قُلتَ أصلًا ده راجل كبير و قدر جدي فماف داعي.

بعد مشينا حسيتْ أنو الراجل ضربني بِيدو قُلتَ يا تنزيل ما تسيء الظن يمكن يدو جاتْ بالغلط.
بعد مشينا شوية أتعادتْ تاني و لما العربية تلف يترتح معاها و يجي على جهتي نظام ما مُثبت كويس و العربية حركتو طوالي قُلتَ ليهو :
زِح كِدا

الخالة الجنبي حستْ بي مُتضايقة
قالتْ لي :
قاعد يضايقك؟
السواق سمعنا و عاين بِالمرايا
قال ليهو :
فِي شنو يا عم؟
قال ليهو :
و لاشي.

وقف و قال ليهو يحول مقعدو، قام و جابوا بت قعدتْ جنبي

« بِتتعرضي لِلتحرش مِن أقارب أو فِي الشارع أو فِي المواصلات وغيرو؟

ظاهرة إنتشرت فِي مجتمعنا بسبب نقص الوازع الديني وبسبب الأفلام الهابطة و بِسبب حالة إنحدار الأخلاق اللي بِعيشها مجتمعنا،بس إنتِ كبنت إتعرضتِ لِلتحرش
خايفة مِنْ شنو؟ بِتسكتِ ليه؟

حقك تدافعي عن نفسك وعن جسمك بِكُل الطرق، ده حقك شرعًا وقانونًا وكُل حاجة حتى لو كان المُتحرش ده قريبك!
أي بيحصل بعد مرات ناس تنعدم عندها المروءة و تنتكس فطرتها و طبعًا قبل كُل ده بينسى دينهُ و يحاول التحرش بِشخص مِنْ قرايبه بس السؤال هنا ..

إنتِ بتسكتِ ليه ؟! ضعيفة ليه ؟

أيا كان منو المُتحرش وأيًا كان درجة قرابتهُ "أب ، أخ ،عم ،خال ، راجل أخت.. الخ" لازم تتكلمي لازم تدافعي عن نفسك وعن جسمك بِكُل الطرق و يحصل اللي يحصل،ماتفكري في العواقب حتحصل قطيعة فِي القرايب، أختك حتطلق و حتبقى فضيحة ماتفكررررررري!

حقك تدافعي عن نفسك و المُتحرش هو المفروض يخاف مِنْ المصيبة البيعملها ويخاف مِنْ وقفتهُ قِدام ربنا و يشوف حيقول شنو فِي المصيبة دي؟

لـٰكِن إنتِ ماتخافي مِنْ حاجة لو إتعرضتِ لِلتحرش ..