"أسألكَ بنورِ وجهك الذي أشرقت له الظُلُمات، أن تُنزل على قلبي السَّكينة، وتذيقهُ بردَ اليقين والرِضا والطمأنينة."🤍🌺❤️

كُن شيئًا جميلًا فالجميلُ لا يُنسى 💛🌺❤️

ثق بأن الأيام الجميلة قريبة جداً ولا يفصلك عنها إلا طريق واحد عنوانه الصبر💙🌸..

يبهرني الأدب في زمنٍ قلّ فيه الأدب ،،،،
يعجبني اللطف في زمن الصراحة الجارحة ،،،،،
ويأسرني الاحترام في زمن الجرأة ،،،،،
ويبڪيني الشوق لـ حسـن الخلق ،،،،
نتباهى بشهاداتنا وجامعاتنا وندرة تخصصاتنا ،،،،،
وننسى أن العلم لا يڪمل بلا أخلاق وبلا أدب ،،،،،
نتباهى بما اشترينا وبما لبسنا وإلى أي وجهة سافرنا ،،،،،،
حتى دخلنا في سباق على المرڪز الأول من لبس قبل من ومن سافر قبل من ،،،،،
ليتنا نتسابق على الجوهر،،،،،
مثلما نتسابق على المظاهر 🤞
❤️🌺

*#مَشْوَار _ إِلْتِزَام《02》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏الِدكتور طلع
و قال :
العملية نجحتْ.

حمدتَ ربنا

و قال :
الليلة حتبيتْ فِي المُستشفى؛ عشان لو حصل أيَّ مُضاعفات.

سالناهو إذا صحتْ ولا لا؟
قال لسه.

تنزيل: متين نقدر ندخل ليها؟.

الدِكتور: لَمِنْ تصحى و بعد البنج يفك.

طارق: شُكرًا ليك يا أبني.

الدِكتور: ولو الواجب.


الدِكتور مشى و أنِحنا بقينا مُنتظرين

توفيق مشى جاب لينا ساندويتشات و جا
أمي أبتْ تأكل الا حنستها و لسه قاعدة تلوم فِي نفسها.


خالتي و بتها جوا، شكلها أمي كلمتهم.

¬ خالتي اسمها " إلهام"
و عِندها بِت واحدة أسمها "أسيل"
بِتقرأ مختبرات طبية و قربتْ تِتخرج.

فِي مُصلى نساء جنب المُستشفى مشيتْ صليتَ صلاة العشاء و رجعتَ.

لمِنْ الساعة 9 كِدا أبوي قال لينا بعد ده أنحنا نرجع و هو حيبيتْ فِي المُستشفى

تنزيل: أبوي خلي أنا أبيت معاها؛ لانو يمكن تحتاجني أنا أكتر.

طارق: أصلًا هو مسموح لي مُرافقين بس
مُمكِن تقعدي.

ليلى: لالا إنتِ أمشي يا تنزيل أنا حـ أبيت، بُكرة أعملي الفطور و تعالي.

تنزيل: طيب.

إلهام: أنا برضو بمشي بعد ده
خلي أسيل تمشي تبيتْ مع تنزيل؛ عشان ما تبيتْ براها.

ليلى: أي مُمكِن.

طلعنا أنا و توفيق و خالتي و أسيل أول حاجة وصلنا خالتي و مشينا أنِحنا بيتنا.

وصلنا أول حاجة مشيتْ المطبخ؛ عشان أشرب موية و سالتَ أسيل إذا عايزة و لا لا؟
قالت ما عطشانة.
شربتَ و مشيتَ دولابي أديتها غيار
قريتْ أذكار النوم و نُمتَ.

..

صحيتْ بِصوت المُنبه..

قُمتَ صليتَ القيام و أذان الفجر أذن
صليتَ و صحيتْ أسيل، قامتْ لي بعد تعب، صلتْ و رجعتْ نامتْ.

أنا قريتَ وِردي و بعد أنتهيتَ بديتْ نضافة

نضفتَ البيت و عملتَ الشاي خلصتَ كِدا لقيتْ توفيق صحى كبيتْ ليهو الشاي و بديتْ أعمل فِي الفطور، عملتَ لي ناس أمي محشي و تقلية بِمُلاح روب و شعيرية و شوربة لي تالين.

زِي الساعة تمنية و نُص كِدا خلصتَ
و ياداب أسيل قامتْ

« ما حركة ظريفة أنك تمشي بيت ناس و تكوني قاعدة معاهم فِترة يعني قاعدة تبيبتِ معاهم و تقعدي بس فِي مكانك و مُنتظرة يجيبوا ليكِ أيَّ حاجة جنبك أو تقومي مِنْ النوم مُتأخرة و على راحتك، أتحركي شوية و ساعديهم ولو ما رضوا يخلوكِ تشتغلي المُهم أنك حاولتِ لكن ما تقعدي ساي و تِتفرجي».

أسيل"بِأستغراب": قُمتِ متين أنتِ لمن خلصتِ؟!

تنزيل: ما نُمتَ بعد الصلاة.

أسيل: أيوا؛ عشان كِدا خلصتِ بدري.

تنزيل: أي، الحمد للّٰه.

عملتْ شاي و بِقتْ تشرب

تنزيل: صحي تخريجك متين يا أسيل؟.

أسيل: قرب، بعد أسبوع المُناقشة.

تنزيل: أيوا بِالتوفيق.

أسيل: أمين.

قُمتَ جهزتَ عبايتي و كبيتْ الفطور لي توفيق و وديتْ ليهو الصينية و بِجاي أنا و أسيل فطرنا

كبيتْ الأكل فِي العمود وشلتَ ملاعق لِلشوربة مشينا أتجهزنا و طلعنا، فِي الطريق قُلتَ لي توفيق يقيف لينا فِي أقرب فُرن؛ عشان نشيل عيش.

مشينا شوية شُفتَ فُرن فاتح و ما كان فيهو صف

تنزيل: توفيق عاين داك ليهو فُرن .

توفيق أتلفتْ شافو وقف العربية جنب الفرن، نزل جاب العيش و جا و أتحركنا

وِصلنا المُستشفى نِزلنا مِنْ العربية و شِلنا الحاجات مشينا على المكان الكُنا قاعدين فيهو أمبارح لـٰكِن ما لقيناهُم!

توفيق ضرب لي أبوي قال ليهو أنو نقلوها غرفة تانية عادية و وصف ليهو
أتحركنا و مشينا بِلفتين بس مِنْ مكان واقفين و لقينا الغرفة، ضربنا الباب و دخلنا و لقينا الغرفة دي ملانة مُبالغة!

« زيارة المريض تُعتبر من آداب الإسلام، و فيها أجر عظيم لو أحتسبنا الأجر و مشينا بِنية زيارة المريض و دعمو ما بِنية لازم أمشي ليهم؛ عشان ما يلوموني
و ليها تأثيرات إيجابية على الحالة النفسية لِلمريض لـٰكِن لو كانت بِأدابها

¬ و مِنْ آداب زيارة المريض :-

↓↓

_ التوقيت المُناسب :
تختار وقت مناسب مِنْ اليوم لِلزيارة؛ عشان ماتعمل إزعاج لِلمريض أو أسرتو يعني ما مُمكِن تجيهم مِنْ الساعة 5 قبل الديك!، و أتجنب أنو تزور المريض فِي أوقات النوم أو الأوقات البكون فيها مشغول.
_ اجتناب الازدحام :
الزيارة أفضل تكون بِرفقة عدد بسيط مِنْ الناس، ما لازم البيت كُلو يمشي بِالشفع!
ليه ماشين مُنتزه أنحنا؟
و نحاول ما نعمل ليهو زحمة؛ عشان ما يحس المريض بِالضغوط أو التعب بِسبب الزوار الكتار.
_ تقديم التحية :
مِنْ تدخل لي غرفة المريض أستقبلهُ بِأبتسامة و بشاشة.
_ السؤال عن الحال :
عبّر عن اهتمامك بِحالتو و أسالو عن صحتو وشعورو لـٰكِن بِدون إحراجو أو التدخل فِي خصوصياتو.
_ اجتناب الحديث عن الموت :
و ده أكتر شي حاصل، زول يمشي يزور واحد جاتو جلطة مثلًا يقول ليهو كان عِندي ود عمي نفس حالتك دي و مات و يدخل الزول العيان فِي قلق و خوف.
_ توفير الدعم النفسي :
شجعو و أرفع معنوياتو وذكّرو بأنو حيُشفى بِإذن الله.
_ عدم الإفراط في الحديث :
ما تِتكلموا كتير و تعملوا ليهو إزعاج و ما تِنتظروا أهل المريض لمِنْ يجيبوا ليكم الأكل، فِي الحالة دي الحق منو اللي يأكل التاني؟!
هم قاعدين فِي المُستشفى و طلع لي ولدهم المرض ده فجأة يمكن ما عِندهم قروش أو غيرو فالناس تراعي.
_ تقديم أشياء بسيطة :
مُمكِنْ تدي الأهل قروش لو حالتهم صعبة و أحتسب الأجر أو شيل معاك زِي فواكه
لـٰكِن أنتبه أنو تعرف الحاجة البِتناسبو و ما يتعارض مع حالتو الصحية يعني ما ينفع يكون عِندو سُكري تجيب ليهو باسطة!.
_ عدم إطالة الزيارة :
ما تجي مِنْ الظهر و تقعد لي بعد صلاة العشاء، أحسن تكون الزيارة قصيرة ولطيفة؛ عشان ما تسبب تعب لِلمريض
و الأسرة زاتهُم.
_ الدعاء لِلمريض :
أدعي ليهو بِالشفاء
قال النبي ﷺ: { أطعموا الجائع، و اسقوا العطشى، و عودوا المريض}.

و خلي هدفك مِنْ زيارة المريض هو تقديم الدعم و المساندة ليهو و تخفيف مُعاناتو و تكون زيارتك مصدر لِلاطمئنان و الراحة ليهو ».


مِنْ دخلنا الغرفة أول حاجة مشيتْ لي تالين و الحمدُ للّٰه لقيناها صاحية

تنزيل: تالين، حمد ﷲ على السلامة.

تالين: اللَّه يسلمك.

تنزيل: كيف أنتِ هسه؟

تالين: تمام.

تنزيل: ما حاسة بِوجع؟

تالين :لالا.

تنزيل: الحمد للَّه.

زحيتَ شوية؛ لانو أسيل قالتْ دايرة تسلم عليها، سلمتَ على الباقين و مالقينا حِتة زاتو ؛ عشان نقعُد فيها!

طلعنا قعدنا برا الغرفة و أمي جاتني برا أديتها الفطور و كبيتْ لي تالين الشوربة بِتاعتها و وديتها ليها

نادوني؛ عشان أفطر
قُلتَ ليهم أنو أنِحنا فطرنا و جينا

بعد المغرب كِدا خرجونا و الحمد للَّه تالين بقتْ أحسن بِكتير

خالتي إلهام و أسيل رجعوا معانا البيت؛ عشان حيبيتوا معانا.

وِصلنا مع أذان العشاء
صليتْ و مشيتْ لي تالين سالتها إذا عايزة حاجة؟
قالتْ عايزة موية.

مسافة أمشي و أجي لقيتها نامتْ!
ختيتْ جك الموية و الكُباية جنبها فِي التربيزة بعد غطيتهم؛ عشان كان صحتْ بليل تلقاها جنبتها، و أنا مشيتْ نُمتَ طوالي.


..

#اليوم التالي :


صحيتْ و صليتْ، و قريتْ وِردي و عملتَ روتيني اليومي بِتاع كُل يوم مِنْ ترتيب و نضافة... الخ

ناس أمي صِحوا كبيتْ ليهم الشاي
بعد فطرنا جاتنا جارتنا أسمها "أمنة"و معاها بِتها أسمها "رِحاب" صحبتي شديد.


رِحاب: حمد اللَّه على سلامة تالين.

تنزيل: اللَّه يسلمك.

أمنة: كفارة لي أختك.

تنزيل: كفر ﷲ سيئاتك يا خالتو أمنة.

مشيتَ جِبتَ ليهُم موية و شِربوا

رِحاب: هسه هي بقتْ كيف؟

تنزيل: الحمد للَّه أحسن بِكتير قاعدة فِي الغرفة لو حابين أوديكُم ليها.

أمنة: أي يا بتي خلي نسلم عليها.

وديتهم لي تالين فِي الغرفة و أنا أمي نادتني مشيتْ ليها قالت لي أعمل الجَبنة، مشيتْ المطبخ بقيتْ أعمل فيهها، و رِحاب جاتْ بقتْ تعمل لي فِي الفشار و قاعدين نتونس

بعد خلصنا جهزتَ التربيزة برا، و ختينا فيها الحاجات كبيتْ ليهم الجبنَة
و أديتَ كُل زول فُنجانو، و بقينا نِتونس

تاني جارتنا أسمها " سوسن" جاتْ حمدلتْ لينا سلامة تالين مشيتْ جِبتَ ليها موية و جيتْ و كبيتْ ليها الجَبنة

جارتنا سوسن دي قالتْ لي جيبي فنجانك ده كدي أقرأ ليكِ و مدي لي كف يدك أقراهو

صراحة أنا أتخلعتَ!
و بعد مسافة حتى قِدرتَ أتكلم

تَنزيل: الكلام ده ما صح يا خالتو سوسن و شرك بِاللَّه و أصلاً ما يعلم الغيب إلا ﷲ.

« خرافات وشركيات منتشرة بين الناس

[ قراءة الكف ]

قراءة الكف لِمعرفة المستقبل مِنْ عمل العرافين والكهان ، وقد حذرنا رسول اللهﷺ منهم بِقوله: { من أتى عرافا فسأله عن شيء لم تقبل له صلاة أربعين ليلة} رواه مسلم.
وقوله: مَن أتى كاهنا فصدقه بما يقول فقد كفر بما أنزل على محمد ﷺ، رواه أبو داود.

س: ما حكم قراءة الكف ، سواء كان ذلك جدًا أو هزلاً ؟

ج : هذه باطلة ومن الكهانة ولا يجوز ، الكف والفنجان وأشباه ذلك وضرب الحصى والودع ، كل هذا ضلال ومن دعوى علم الغيب ، فإذا زعم أنه يعلم الغيب بهذه الأمور صار كافرًا كفرًا أكبر ، نعوذ بالله ؛ لأن الغيب لا يعلمه إلا الله ، ولا يُعْلَم بضرب الحصى ولا بقراءة الكف ولا الفنجان ، ولا بغير ذلك مما يتعاطاه المشعوذون ، علم الغيب إلى ﷲ سبحانه وتعالى ، فمن زعم أنه بقراءة الكف أو ضرب الحصى أو الحساب بالأصابع أو بأي شيء من الأشياء أنه يعلم الغيب كل هذا من الكفر بالله عز وجل ، والله يقول سبحانه : "قُلْ لاَ يَعْلَمُ مَنْ فِي السَّمَاوَاتِ وَالأَرْضِ الْغَيْبَ إِلا اللَّهُ" ، ويقول جل وعلا في كتابه العظيم لنبيهﷺ : "قُلْ لاَ أَقُولُ لَكُمْ عِنْدِي خَزَائِنُ اللَّهِ وَلاَ أَعْلَمُ الْغَيْبَ". فمن ادعى علم الغيب بعمل الكف أو الحصى أو الودع ، أو غير هذا من الحسابات فكله باطل وكله كفر وضلال ، نسأل الله العافية .

الشيخ عبد العزيز بن عبد الله بن باز رحمه الله
فتاوى نور على الدرب (363/3)».


ياخ أنا حاسة نفسي لسه مصدومة؛ لانو خالتو سوسن دي بِالحالة مُتعلمة و شغالة دكتورة كمان! ، فعلاً الزول لو عارف علوم الدنيا دي كُلها و ما عارف عنْ الدين جاهل و فِي قمة الجهل كمان.


باقي الأهل جونا و اليوم كان عبارة عن ضيافة و ترحيب.



#على_الهامِشْ :

فِي بلاط العلم سارتْ خُطاهُ
تحت سطوع النجوم ورنت ألحاه

كتبٌ في الهندسة، علوم في الطب
لـٰكِن جهله بِالدين كان هو العجب!

أفكارٌ رائقة فِي الدنيا تجول
لـٰكِن علامات السجود لم تمسخ المقل

يحكي عن الكون وما فيهُ مِنْ أسرار
لـٰكِن قلبه يبحث عن نورٍ واستبصار

يحسب أن العلم علمٌ بلا حدود،
تاه فِي الجهل، عن دروب السجود

فالعلم نورٌ فِي ظلمة الطريق،
مِنهُ تجد الحكمة، وتُسكت الضيق

يا قافلًا فِي بساتين المعرفة،
أين ضياء الايمان فِي سطورك العطرة؟

فالحق فِي الدينٍ هو زاد العقولٍ،
يجعلها أرقى فِي زمن الأفول.

فلتخرج مِنْ زحام الدنيا وظلمتها،
إلى نورٍ الفِطرةٍ وعدله ورحمتها.

# سبحوا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

شمس الخميس إذا تغيب..
=زِد فِي الصلاة على الحبيبﷺ💛.

يلا أي واحد ينزل لي ف البوست دا بعنوان بيتو.. ويخلي لي تلفونو فاتح بالله عليكم وف قناتنا دي.. لأنو م أظن تكونوا صاحين!! ف م عايزة أقطع نومكم حرام🙂.. ح ازوركم واحد واحد وأتفاعل أنا بدلكم ف البوستات🙂💙

أشرس معركةٍ
يخوضها الإنسان، هي معركة الحفاظ على نقاء قلبه!

هذه الحياة مُتلفةٌ للقلوب!
فمهما خسرتَ إياكَ أن تخسرَ قلبكَ،
من يخسر قلبه مهزوم، ولو ربح الدنيا كلها!🥀🩶

*#مَشْوَار _ إِلْتِزَام《03》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏تاني يوم بعد صليتَ و قريتْ أذكاري و الوِرد بتاعي و نضفتَ البيت و الصالون مشيتَ لي تالين؛ عشان أتطمن عليها

لقيتها صاحية مشيتْ جبتَ ليها الشاي ختيتو فِي التربيزة جنبها

تالين: تعالي يا تنزيل عايزاكِ فِي موضوع.

تنزيل"و هي بِتقعُد جنبها": أحكي حبيبتي.

تالين"بِتأسُف": معليش.

تنزيل"بِأستغراب": على شنو؟

تالين: على كُل حاجة، معليش على مُعاملتي الما حِلوة معاكِ و أسلوبي الفظ.

تنزيل: حصل خير، أنا ما زعلانة مِنك أفضل تطلُبي العفو مِنْ أمي.

تالين: صراحة خجلانة مِنها.

تنزيل: أن شاء اللَّه حتسامحك أنتِ طيبي خاطرها بِكلمتين طيبات و حاولي تصلحي مُعاملتك معاها.

تالين: لـٰكِن صراحة أنا زعلانة مِنها برضو.

تنزيل: بِالنسبة لي شنو؟

تالين: أنو دعتْ عليٌّ.

تنزيل: صح هي ما كان تدعي عليكِ
لـٰكِن برضو ما تنسي أنو إنتِ ليكِ دور كبير فِي سبب دعاءها عليكِ، لو أنتِ بارة بيها ما كان هي حتوصل لِلمرحلة دي، دائمًا هي بِتقول ليكِ حاجة بِتعملي عكسها و ما قاعدة تسمعي كلامها، صح بعد مرات يمكن تقول ليكِ حاجة أنتِ كارهة أنو تعمليها لـٰكِن أتذكري أنو كيف هي تعبتْ فيكِ و ربتك مِنْ صغيرة لمِنْ بقيتِ كبيرة يعني خلاص بعد كِبرتِ تجي تجازيها كِدا و تنكُري فضلها كُلو عليكِ و تعلي صوتك عليها؟
حتى بعد مرات صح مُمكِنْ تقول ليكِ حاجات أنتِ بِتحسي بيها ما منطقية لـٰكِن هي بِتعاين ليها بِنظرة تانية
مُتذكرة وقت هي كانت بِتشتري عِدة و أنِحنا كُنا شايفين أنو ماف داعي و كان قاعدين نقول ليها ماف داعي ليهم؟

تالين: أي، و بعدين وقت جا عِرس تبيان بت عمتي ما أضطروا يشتروا عِدة أو يطلبوا مِنْ الناس و أستخدموا حقاتنا و كفتهم.

تنزيل: و مُتذكرة وقت أبوي جاب بطاطس و هي قسمتو و قالت ده قدر حاجتنا و بِكفينا و خلتْ ليكِ جزء تعمليهو
اليوم ده أتناقشتِ معاها و عليتِ صوتك عليها و قُلتِ لي ليه تقسميهو و لازم نعملوا كُلو؟

تنزيل: أي، و كان كفانا فِعلًا و فضل مِنهُ و تاني يوم كان جونا ضيوف فجأة و ما عارفين نعمل شنو فـ عملنا البطاطس القسمتو.

تنزيل: اللَّه ينور عليكِ يلا أنا عايزة أصل لِلنُقاط دي، أنِحنا بِنظرنا شايفين أنو الحاجات دي ما منطقية لـٰكِن هي شايفة عكس كِدا و الحاجة دي ما ظهرتْ لينا الا بعد زمن فـ شنو حاولي أسمعي كلامها حتى لو أنتِ شايفة الحاجة ما منطقية طبعًا الا لو حاجة فيها معصية للَّه ما تسمعي كلامها فيهُ و أتذكري أنو الدنيا دوارة شوفي طريقتك القاعدة تتعاملي بيها معاها هل بِترضي بعدين عيالك يعاملوكِ بيها؟ و كِدا حتبريها بإذن الله.

تالين: ربنا يعيني.

تنزيل: أمين.

تنزيل: و هسه أنتِ عايني لِلحادث ده بِنظرة إيجابية.

تالين: وين الإيجابية فِي الموضوع و أنا دخلتَ المُستشفى و عملتَ عملية و جسمي قاعد يوجعني؟

تنزيل: مُمكِنْ تعايني ليها بِنظرة أنتِ عصيتِ ربنا بِأنك ما سمعتِ كلام أمي مُش ؟
يلا يمكن ربنا عايز ينبهك و يغفر ليكِ الذنب ده؛ عشان يوم القيامة بعدين أشد ف عايز يطهرك من الذنب ده مِنْ هسه
و غير ده مُش أنتِ عِندك ذنوب؟
يلا ربنا عايز يخفف عنك الذنوب دي
المسلم مأجور على وجعو، حزنو، مرضو
حتى الشوكة الصغيرة دي لو طعنتو
لـٰكِن إذا صبر و أحتسب الأجر ما أتضجر فـ أنتِ أصبري و أستشعري الحاجة دي
و برضو هسه الحادث ده كان سبب أنو تراجعي نفسك وتجي تِعتذري مني و هسه عايزة تطلبي من أمي العفو.

تالين: حرفيًا ما فكرتَ فيها.

تنزيل: يلا أنا عايزاكِ فِي أيَّ إبتلاء تفتشي لُطف ربنا، الإبتلاء دائمًا بِنزل معاهو لُطف
لـٰكِن أنِحنا بِنعاين ليهو بِنظرة سوداوية؛ عشان كِدا فِي دعاء دائمًا الناس بِتقولوا وقت الإبتلاء اللي هو " اللهُمَّ لا أسألك ردَ البلاء و لـٰكِن أسألك اللُطفَ فيه "
قال بعض أهل العلم أنو الدعاء ده فيهو سؤء أدب مع ربنا؛ لانو أصلاً الإبتلاء بِكون فيهو لُطف.

تالين: إنتِ عارفة وقت حصل لي الحادث أنا كُنتَ خايفة أنو أموت و أمي ما راضية عني، و قبل أفقد الوعي كُنتَ قاعدة أقول بِقلبي يارب ما أموت؛ عشان أشيل رضاها و أخليها تعفي لي.

تنزيل: يلا ربنا أداكِ فُرصة حاولي صلحي الفات.

تالين: أن شاء ﷲ.

تالين: مُمكِنْ تناديها لي؟

تنزيل: حاضر.

مشيتْ ناديت ليها أمي،مشتْ ليها و أنا قعدتَ فِي البرندة عشان يأخدوا راحتهم.


بعد مسافة مشيتْ ليهم لقيتُهم قاعدين يبكوا و حاضنين بعض

تنزيل: و أنا ماف لي حُضن و لاشنو؟

بقوا يضحكوا فيني و قالوا لي تعالي مشيتْ و أمي حضنتنا الأتنين

زمن الفطور لَمِنْ جا ختيتو و فطرنا طبعًا ناس خالتي لسه قاعدين، ناس عمي جونا
عمي ده اسمو "حسن" و مرتو اسمها "يُسرا" و عِندهُم ولد واحد اسمو "علي"
عمرو زِي سبع سنوات كِدا
سوينا الجبنَه و بقينا نتونس

بعد فترة سِمعتَ صوت علي قاعد يبكي
مشيتْ ليهو؛ عشان أشوف مالو؟

تنزيل"بِخوف": علي مالك قاعد تبكي؟

علي"و هو بِبكي": سنتي أتكسرتْ.

تنزيل: طيب أرح أجدعها.

علي: لالا ما داير أجدعها.

تنزيل"بِأستغراب": ليه؟

علي: عايز أخُتها بليل تحت المخدة و أنوم؛ عشان الصباح القاها قروش.

غايتو ما عرفتَ أضحك ولا أبكي بالجد الغرب ديل قاعدين يدخلوا لينا مُعتقدات خاطئة و يدمروا لينا أطفالنا عن طريق البرامج اللي ببثوها لينا دي و يمشوا يطوروا أطفالهم بِهناك، الناس للأسف ما بِتركز مع الموضوع ده تفتح لي ولدها قناة مِنْ القنوات بِتاعت الأطفال الفيها أفكار الغرب ديل و تخلي ولدها يشيل المُعتقدات و الأفكار دي، و أقرب مثال هسه علي ده عاين دخلتْ فِي راسو يأتو فِكرة؟ انو فِي جِنية أسنان بِتجي بِليل و تجيب قروش و الكلام ده غلط و اعتقاد غير صحيح؛ لانو العادة دي اعتقاد أنو في قوى خفية أو في جلب الخير من غير الله و ده يتعارض مع التوحيد والإيمان بأن الرزق بيد الله وحده
و تاني لاحظتَ مِنْ الحاجات الغلط أنو مثلًا يكون فِي واحد مِنْ شخصيات الكرتون بكون ماشي فجأة يلقى ليهو واحدة مِنْ شخصيات الكرتون يقيف و يجيبوا أنو عيونو بقت قلوب قلوب و يشاغلها، هسه دي ما تصرفات غلط بِدخلوها مِنْ هسه فِي الأطفال ديل؟
أو يجيبوا أنو الطفل عنيد و ما يسمع كلام أمو و مع الزمن فعلًا ولدك حيبقى كِدا!
عشان كِدا أفضل الناس عيالها تعلمها عن الدين و يبعدوهم مِنْ الحاجات دي و ينزلوا ليهم حاجات مُفيدة يدوهم يحضروا فيديو فيهو أنشودة بدون موسيقى و تكون مثلًا عن أركان الأسلام كِدا حيستمتع و يستفيد فِي نفس الوقت.


تنزيل: الكلام ده ما صح ما حتلقاها قروش ولا شي.

علي: لـٰكِن أنا شُفتَ فِي التلفزيون كِدا
فِي الكرتون البطل خَتَ سنتو الأتكسرتْ تِحتَ المُخدة و بعدين الجنية جاتْ بليل بدلتها بِقروش وقت هو نايم و الصباح لقاها قروش.

تنزيل: ده كذب ما تصدق، أرح أجدعها.

علي: لا.

تنزيل: طيب بَديك قروش.

علي: خلاص أرح.

مشيتْ معاهو و أثناء ما هو قاعد يرميها قال :
يا شمس أديتك سن الحمار
أديني سن الغزال.

طوالي إتذكرتَ واحد كان سال فِي موقع إسلام ويب و سؤالو كان أنو بعض الآباء عندما تسقط سن جديدة للطفل، يأمرونه بوضعها تحت الوسادة، ويقولون له: حتى تأتي جنية الأسنان، أو ما أشبه ذلك، فتأخذها وأنت نائم، وتضع مكانها حلوى -أو أي شيء آخر يحبه الطفل-، ثم يقومون هم باستبدال الحلوى بالسن.
وآخرون عندما تسقط السن، يأمرون الطفل بأن يرميها نحو الشمس وقت الظهيرة، ثم يقول: يا شمس، يا شموسة، خذي سن الحمار، وأحضري سن الغزال، أو خذي سن الجاموس، وأحضري سن العروس، فما حكم ذلك شرعا؟

جاوب ليهو الشيخ
و قال :

" فلا ريب في نكارة هذه الأفعال وشناعتها، بل وقدحها في جناب التوحيد! فالله عز وجل هو الذي خلق، ورزق، ووهب، وأعطى، وليس للجن، ولا للشمس دخل في أسنان الأطفال، ولا غيرها من النعم.

ومما لا ينتهي منه العجب أن يلقن الأطفال مثل هذه العقائد الباطلة الكاذبة، بدلا من تربيتهم على التوجه إلى الله تعالى وحده، وسؤاله، ودعائه، والتوكل عليه.

وقارن بين هذه الفعل المستنكر وبين سنة النبي صلى الله عليه وسلم وهديه، حيث قال لابن عباس وهو صبي صغير السن: يا غلام، إني معلمك كلمات: احفظ الله يحفظك، احفظ الله تجده تجاهك، وإذا سألت، فاسأل الله، وإذا استعنت، فاستعن بالله. واعلم أن الأمة لو اجتمعوا على أن ينفعوك، لم ينفعوك، إلا بشيء قد كتبه الله لك، ولو اجتمعوا على أن يضروك، لم يضروك، إلا بشيء قد كتبه الله عليك، رفعت الأقلام، وجفت الصحف. رواه أحمد، والترمذي، وقال: حسن صحيح. وصححه الألباني.

ومن جملة ما ذكره الشقيري من البدع المستنكرة في كتابه: (السنن والمبتدعات): مخاطبة الشمس عند انكسار السن: يا شمس يا شموسة يا بنت علي وموسة، خذي سنة الحمار، وهاتي سنة الغزال!. اهـ"

صحيتْ مِنْ سرحتي و قلتَ بِقلبي ياخ الجملة دي مُمكِنْ تبقى شرك عديل لـٰكِن أفهمها ليهو كيف، و هو فِي العمر ده يمكن ما يفهم لي شرك يعني شنو!

بعد أستعنتَ بالله و فكرتَ حتى
قُلتَ ليهو :
علي حبيبي لمِنْ سنك تقع قول قدر اللَّه.

علي: قدر اللَّه.

تنزيل: و ماشاء فعل.

علي: و ماشاء فعل.

تنزيل: يلا تاني ما تقول يا شمس أديتك سن الحُمار أديني سن الغزال؛ لانو ما صح
كويس؟

علي: كويس.

تنزيل: تقول شنو لمِنْ سنك تقع؟

علي: قدر اللَّه و ماشاء فعل.

تنزيل: أيوااا، عسل أنتَ.


بقى يضحك و يتبسم نظام خجلان و كِدا ضحكني ضِحك، و اللهم بارِك ضحكتو حِلوة شديد.

و طبعًا بعد جدعها أديتو قروش؛ لانو أنا وعدتو ولو ما أديتو ده كِدا حيعتبر كذب، صراحة أنا بِتحير فِي الأهل اللي بيوعدوا عيالهم بِحاجة و ما يوفوا بيها و أكتر حركة غياظة بِتاعت أجري البس سفنجتك وتعال و بِحماس تجري تجيب السفنجة تلقى غبارهم بس هم مُفتكرين أنو ده كِدا ما كذب؛ عشان هو شافع لكن أفتكارهم غلط.


سوينا الجَبنة و بقينا نتونس

أثناء الونسة جابوا سيرة واحدة و بقوا يقطعوا

« من تخلّص من الغيبة والنميمة فإنه قد تخلّص من ثلثيّ عذاب القبر، مُتخيلين معي أنو ثلثي عذاب القبر بِسبب الغيبة و النميمة؟!
لاحول ولا قوة الا بالله.

¬ الفرق بين الغيبة و النميمة و البُهتان شنو؟

↓↓

- الغيبة: ذِكرُ أَخَاك بِمَا يَكرَهُ وَهُوَ فِيهِ.
- النَّميمة: نَقلُ كَلَامِ مَن شَخصٌ لِشَخصٍ لِكَي يَحدُثُ بَينَهُمَا سُوء "إفسَاد الْعَلَاقَات".
- البُهتَان: ذَكَر أَخَاك بِمَا يَكرَهُ وَلَيسَ فِيهِ هُوَ افتَراء عَلَيهِ وَهُوَ أَعظَمُ ذَنبًا مِن الْغِيبَةِ.

هسه أنحنا موضوعنا مع "الغيبة و النميمة"

طبعًا زِي ما عارفين أنو الأتنين حرام.
و دليل على تحريم النميمة..
قال رَسولُ اللّٰـه ﷺ:
"لا يدخل الجنةَ قتَّاتٌ"
يعني: نمَّامٌ.

و دليل على تحريم الغيبة..
قال رَسولُ اللّٰـه ﷺ:
" لمَّا عُرِجَ بي مَرَرْتُ بِقومٍ لهُمْ أَظْفَارٌ من نُحاسٍ ، يَخْمُشُونَ وُجُوهَهُمْ وصُدُورَهُمْ ، فقُلْتُ: مَنْ هؤلاءِ يا جبريلُ ؟ قال : هؤلاءِ الذينَ يأكلونَ لُحُومَ الناسِ ، ويَقَعُونَ في أَعْرَاضِهِمْ"

فِي ليلة الإسراء و المعراج النبيﷺ شاف ناس اظافرهم من نحاس شغالين يخربشوا وشوشهم و صدورهم ف النبيﷺ سأل جبريل عليه السلاة قال ليهو : ديل منو؟
جبريل عليه السلامة قال ليهو :
ديل البياكلوا لحوم الناس يعني الناس اللي بِغتابوا ده عذابهم يوم القيامة و العياذ بالله، هسه الواحدة كان خربشتها كديسة أو خربشتها واحدة بِضفرها ساي تقعد تولولوا و تقول واي و ياي فما بالك بِأظفار مِنْ نحاااااااس؟
نسأل الله السلامة.

¬ طيب أخلي الغيبة و النميمة كيف؟

↓↓

_ أتذكر أنو الغيبة و النميمة تعادل ثلثي عذاب القبر.
_ أكثر مِنْ الذكر و خاصة الأستغفار و قراءة القرآن.
_ لو زول أعتاب قدامك طوالي دافعي لِلزول اللي أغتابوا أو قوم مِنْ المكان؛ عشان ما تأخد ذنوب معاهم.
_ كُل ما وقعتَ و أغتبتَ زول أتصدق، أستغفر و توب ما تخلي الشيطان يهبطك.

و فِي قصص جميلة قصيرة من تأديبِ السلفِ لأنفسهم فِي موضوع الغيبة

- قال عبدُ اللّٰـه بنُ وهبٍ - رحمهُ اللّٰـه:
نذرتُ أني كُلما اغتبتُ إنسانًا أن أصومَ يوماً ، فأجهدني ، فكنتُ أغتابُ وأصومُ.
فنويتُ أنّي كُلّما اغتبتُ إنسانًا ، أن أتصدَّقَ بدرهَمٍ ، فمِنْ حُبِّ الدراهمِ تركتُ الغيبةَ.

- قال الإمامُ الذهبيُّ - رحمهُ اللّٰـه - مُعَلِّقاً: هكذا واللّٰـه كان العلماءُ ، وهذا هو ثمرةُ العلمِ النافعِ.
_ سِير أعلام النبلاءِ للذهبيِّ (١٥/٨)

ف ﷲ ﷲ على السلف! ».


بعد أتكلمتَ معاهم و لقيتهم ما عايزين يسمعوا لي طوالي قُمتَ و مشيتَ جوا


سمعتَ أذان صلاة الظهر صليتْ و قعدتَ شوية فِي المُصلاية و سبحتَ و بعدو رفعتها


مشيتْ شلتَ تلفوني و دخلتَ الفيس

أثناء ما أنا قاعدة أتصفح لقيتَ منشور جميل جِدًا لي واحد أسمو " يُوسُف "
كان كاتب :

" السلامُ عليكُم،
تأخر زواجِ البنتِ لا يَدُلَّ على أنَّ بها مُشكلةٌ أو نقص ، لا أرىٰ لهُ سبب سُوى أنّ ما يرتضيهُ اللهُ لها  لم يأتِ بعد ، والزواجُ رِزقٌ ولكلٍّ مِنّا رزقُه، فـكُفُّوا عن أَذيةِ المشاعِر بكلامكُم وحديثكم الساذج ولو كان علىٰ سبيل الضَحكِ والمُزاح

_ وأنتِ لا تقبلي إلّا بِذي الدينِ والخُلُقِ ، مهما تأخر مجيئَهُ لا تُفرِّطي ،الزواجُ حياةٌ فلا تُضَيِّعي حياتكِ بسببِ كلمات الأقارب والصديقات فلا هُم يعيشون عيشَتكِ ولا هم عنكِ يُسئلون..
اللَّه المُستعان.. "

عملتَ فِي المنشور لوف و علقتَ ليهو بـِ "حبيتْ جِدًا" و جنبو خمستاشر قلب أحمر، المنشور عجبني شديد ياخ!

دخلتَ صفحتو شُفتَ باقي المنشورات و صراحة كانت حِلوة شديد عملتَ فيهُم كُلهم لوف و علقتَ فيهم بـِ " جزاكَ اللَّهُ خيرًا ونفع بِكَ" و جنبو قلب، عملتَ مُتابعة لي حسابو
و مشيتْ نشرتَ فِي صفحتي
كتبتَ :

" اللّباس المُحتشم، غَضّ البَصر، الصَّلاة، وعدم الخروج بِالزينه، هي فَرائض وليسَت ( تَديُّن )

و سيبقى الإرتباط مُحرّمًا ولو كان يوقظكِ لِلفجر ويحفّظكِ القرآن"

طبعًا صفحتي قاعدة أنشر فيها بوستات دينية، و دخلتَ الواتس عملتَ أستوري
كتبتَ :

" حدد العادات الأسوأ ضررًا عليك في دينك وحياتك، العادات التي تمتد آثارها الضارة إلى المساحة الأكبر من حياتك، وربما كانت أصلًا لغيرها من العادات السيئة الأخرى .. اعثر عليها وطهّر حياتك منها، واصبر، وستذوق نفسك شيئًا طيبًا مريحًا تحرص أشد الحرص ألا تفارقه أو تتهاون في الحفاظ عليه
_الشيخ عبد الله الشهري ".


دخلتْ الفيس كِدا لقيتْ بوست ذكرني موقف علي قبيل، البوست بِعنوان "أولادنا والأنمي"
كان مكتوب :

" في القديم كانت أفلام الكارتون هي المفضلة لدى كل الصغار، وكان الغرب مُتقدم في صناعتِها، فأفلامهم كانت الأكثر رواجًا ولا تَرقَى أفلام الكارتون العربي لمُنافستِها..

كانت المُخالفات في أفلام الكارتون قليلة نِسبيًا حتى أصبحت أفلام الكارتون هي المُتحدِّث الرسمي بلسان الغرب في الترويج لكل مَظاهِر الانحراف العَقائِدي والأخلاقي مِن الشذوذ والإلحاد والنَّسويَّة وغيرها..

والآن فأفلام الأنمي هي مَن تتربَّع على العرش في مُخاطبة الأطفال والمُراهقين بل والكبار.. فالأنمي هي القوة الناعمة لليابان في تصدير كل ثقافتها للعالم وفي طيَّاتِها كل مَعالمِ الانحراف الغربي العَقائِدي والسُلوكِي والأخلاقِي.. وهناك أيضًا الإنتاج الكُوري ولكن الأكثر انتشارًا هو المنتج الياباني..

الأنمي سلاسل مختلفة الطول فبعضها يَصِل 12 حلقة مثلًا ويَصِل البعض لـ 1000 حلقة.. وبغض النظر عن كِميَّـة الأوقات المُهدَرة؛ فالأخطر كَم العقائد التي تُمرَّر مِن خلال تلك الأفلام والمسلسلات مِن العَقائِـد البُوذِيَّـة وغيرها..

وتَكمُن خطورة الأنمي في تَروِيج الإلحَاد وإظهار الشياطِين بكثرة وفي بعض الأحيان في صورة حسنة، مع تَروِيج أنَّـه مِن الممكن أن يُكوِّن الشخص علاقـة صداقـة مع شيطان!!.. والتَّروِيج للشذوذ والتَّحول الجنسي وإظهارهم في صورة الأبطال الذين حَاربُوا أُسرَهم ومُجتمعهم،

وتَسوِيغ المَشاهِد الجِنسيَّـة والعلاقات العَاطفيَّـة بين الأولاد والبنات، مع إظهار البَطل أو البَطلة شخص عديم الإحساس بارد المشاعر جاف يَفعلُ كُل شَيءٍ ليُحقق أهدافَـه تحت ما يُسمَّى بالشخصيَّـة الـ (كول) وبعض مَشاهِد العُنف والقَسوة..

ويحدث لدى مُشاهِدي الأنمي هَوَس فيُطلقوا على أنفسِهم ألقاب تَدُل على انتمَائِهـم لهذا العالم لقب ( أوتاكو ) وهم مُتعصبون جدًا للأنمي فيرتدون ملابس عليها صور لشخصيات الأنمي مع قصَّات شعرهم المعروفة... إلخ، فالأوتاكو هم مُدمنِي الأنمي!!..

حرفيًا يتم غَسْل أدمغة الأطفال والمُراهقين يَوميًا بمئات المَشاهِد التي تُروج لكل ما هو مُخالف لقيمِنَـا وعقائِدنَـا وأعرافنَـا..

وهناك عالَم مُصغر مِن الأنمي مُصمِّمُوا هذا العالَم هم المُراهِقون أنفسهم فيُوجد لعبة تُسمَّى ( gacha club ) في هذه اللعبة يُمكن صُنع شخصيَّـات تُشبه الأنمي ويُصنع بها فيديوهات، وفيديوهات المُراهقين الغربيِّين كلها شذوذ وانحراف وأمَّـا فيديوهات المُراهقين العرب لَم تَصِل بعد لهذا المستوى ولكن بها مَشاهِد وأفكار غير لائقَـة وتُنذر بالخطر!!..

كنت أتاكو..

حدثتني مُراهقة: كنت أشاهد الأنمي بكثرة حتى أدمنته، ومع الوقت تَبدَّلت شخصيتي وصرت مُقتنعة أنَّ الشخصيَّـة المثاليَّـة هي الشخصيَّـة الباردة التي ليس عندها مشاعر الـ (كول)..

كنت باستمرار أُحاول تقليد شَخصيَّـة أبطال الأنمي حتى دفنت شخصيتي دون أن أشعر، صرت أرتدي ملابس أَشبَه بملابس الأنمي وهي أقرب إلى ملابس البنين وأُفضِّل اللون الأسود وكنت أتمنَّى أن أُغيِّر شكل شعري حتى أصبح أنمي يمشي على الأرض..

انتبهت ووجدت نفسي في بئر عميق حاولت استعادت شخصيتي بصعوبة وعانيت طويلًا حتى استعدتُ نفسي شيئًا فشيئًا أخيرًا والحمد لله..

وفي النهاية..

الأنمي خطر كبير على دين وعقائد المراهقين وأخلاقهم وسلوكهم. وعن تجربة، أقول لكل مراهق: ابتعد، وأقول لكل أب وأم: انتبهوا لي أولادكم ".


قُلتَ فِعلًا و ده الحاصل بالضبط!
قفلتَ التلفون ختيتو فِي الشاحن و مشيتْ أتجهز؛ عشان أمشي الكورس

أتجهزتَ و صليتَ صلاة العصر و شِلتَ تلفوني ختيتو فِي الشنطة و طلعتَ

وصلتَ الكورس لقيتْ لسه ما دخلوا الكِلاس رغم أنو ده زمن المُحاضرة!

شُفتَ هبة و وِجدان جايين على جِهتي
وصلوني سلموا علىَّ و سالوني ليه كُنتَ غايبة أمبارح؟
كلمتهم أنو اختي عملتْ حادث و ما قدرتَ أجي حمدلو لي سلامتها و سالوني كيف هي هسه و كِدا وبقينا نتونس

فجأة فِي نص الونسة إتذكرتَ الـ Topic الكان مُفترضة نقدموا أمبارح

تنزيل: صحي الـ Topic أدوكم ليهو؟

هبة: لالا المِستر كان حصل ليهو ظرف
فـ خلاهو لي الليلة.

تنزيل: الحمد للَّه.

وِجدان: قسمونا لي قروبات كُل قروب فيهو تلاتة بنات و تلاتة أولاد حيقدموا موضوع واحد و باقي القروبات تسالهم و أحسن قروب قدم حيكون هو الفائز
يلا هم خمسة قروبات مِنْ A لمِنْ E
هسه حنِتناقش مع بعض حارسين باقي القروب يجوا بس، و أنِحنا حجزنا ليكِ معانا فِي قروبنا.

تنزيل: شُكرًا ما قصرتوا.

وِجدان: ولو العفو.

تنزيل: أنتوا مُش الليلة كأنو أتاخرنا و زمن المُحاضرة جا ولا أنا جيتَ بدري؟

هبة: أي صحي ما كلمناكِ أنو الزمن غيروا لينا، قدموا بِساعة.

تنزيل: طيب و حنطلع متين؟

وِجدان: مع أذان المغرب.

تنزيل: ليه ياخ غيروا؟
يعني حـ أصل البيت العشاء عديل.

وِجدان: أنا زاتي ما عجبني الوقت ده.

هبة: بِالجد صعب لينا كبنات.

تنزيل: اللَّه المُستعان.


طبعًا ما عِرفتَ أعمل شنو؛ لانو ما بحب بعد المغرب أكون برا البيت
و غير كِدا صلاة المغرب أصليها متين؟
ياربي أخلي الكورس؟

قطع سرحتِ صوت وِجدان و هي قاعدة تِتكلم معي قالت لي الولدين الجايين علينا ديل معانا فِي القروب، وصلونا سلموا على وِجدان وهبة، فِي واحد مد لي يدو قُلتَ ليهو ما قاعدة أصافح، حسيتْ بيهو أتحرج لـٰكِن ما أشتغلتَ بِالموضوع شرع ربنا لازم أنفذو.

وِجدان قالتْ ليهم دي تنزيل معانا فِي القروب و قالتْ لي ديل وليد و ياسر
و سالتهم مِنْ واحد أسمو كمال ليه ما جا؟
قالوا أنو حصل ليهو ظرف الليلة ما حيقدر يجي، شكلو ده التالت المعانا فِي القربو المُهم بقينا نتناقش حول الموضوع و كانوا كُل شوية بِطلعوا برا الموضوع و بِتونسوا و يهظروا صراحة ما كُنتَ مُرتاحة؛ لانو ما قاعدة أتعامل مع أولاد فكان حاسة بِضيق.

زمن المُحاضرة جا دخلنا الكِلاس و كُل الناس قدموا مواضيعهم و صراحة أبدعوا و أخر حاجة كان أنِحنا قدمنا و التصويت أكتر شي كان على القروب B و فازوا

بعدو المِستر قال حيفتح لينا أغاني أنجليزية؛ عشان نتعلم مِنها
طوالي أخدتَ أذن و طلعتَ مِنْ الكِلاس
ما عايزة أتعلم بِحاجة حرام سواء مُسلسلات، أفلام، أغاني

أصلًا المُحاضرة كان فضل ليها 5 دقائق و تخلص طلعتَ طوالي و مشيتْ على المواصلات، أذان المغرب كان أذن مِنْ وقت أنا فِي المُحاضرة بس مع دخلتِ البيت أذان العشاء أذن!


#على_الهامِشْ :

إياك ثم إياك وأن تخاف شيئًا قبل حدوثه، لا تتخيل،
واصرِف فِكرك وخوفك عن الغيبيات فهي في عِلمِ الله
وتفائل بالخير دومًا، وتوكل على الله أبدًا
واعلم أن البلاء إذا نزل على العبد ينزل معه اللطف،
فإذا تصوّرت البلاء قبل أن يقع فقد استقبلت البلاء بدون لُطفٍ وأهلكت روحك.
واجبٌ عليك أن تتيقن أن لك ربٌ قيوم لا ينام
فاطمئن به، وتوكل عليه، واستبشِر، وتفاءل بالخير.

#كبروا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

زيّنوا إعجابڪم بـ ” اللهمَّ بارڪ ‟

فࢪُبَّ عينٍ أصابت شيئاً جميلاً فدمࢪته💔

=بديل لِلأنمي لي أطفالكم.

زِي ديل القصدتهم فِي الرواية

لو عايزين زيهم أكتبوا فِي تطبيق الـ Snaptube أنشودات دينية بدون موسيقى للأطفال بِتجيكم الأنشودات فيديو و صوتية.

الإنتظار هالك💔.. مدمر💔.. يجعلك تتآكل من الداخل💔.. ولكن!!💙.. عندما تترك أمرك لله💙.. وتتوكل عليه💙.. ستعم الطمأنينة قلبك💙.. وستنعم بالسلام الداخلي💙.. لذلك كن ع ثقة دائمة بأن الله لن يتركك💙.. وسيقضى حاجتك ولو بعد حين💙🌸✨