‏بغض النظر عن طريقة مرور يومك ،حتىٰ لو لم يكُن اليوم كما تتمنىٰ ، وكما خططت له ،لا تنسىٰ أبداً أنك فعلت كُل ما تستطيع ،وأن الأمور أحياناً تخرُج عن السيطرة ، وهذا ليس بيدك البتة، وتذكر أن كُل خطوة صغيرة فعلتها اليوم هو إنجازٌ رائع ،وكُن ممتناً لكُل لحظةٍ شعرت فيها بالراحة والسلام🌸♥

الضحكة من غيرك تزول
والبسمة من دونك حزن
اللحظة في غيابك تطول
الوحشة في بعدك سجن
اللهفة لي شوقك حنون
والجلسة بي قربك سكون

أسأل الله أن يطرأ على حياتنا التغيُّر الذي يطرأ على أرضٍ جافة غشاها المطر 🤍❤️🌺

نحن لا‌ ﻧﻮﺯع مشاﻋﺮ ﺍﻟﺤﺐ كما نرﻳﺪ
ﺑﻞ ﻳﻨﺘﺰعها ﻣﻨﺎ ﻣﻦ ﻳﺴﺘﺤﻘﻮنها ﺭغم عنا❤️
فهناك من يرافقنا وهناك من يفارقنا.
نفس الحروف للعبارتين لكن وقعهما على الروح مختلف
بقدر ما تزرع الأولى ربيع دافئ يؤنس وحدتنا.
بقدر ما تجعل منه الثانية خريف بارد ترتجف معه أغصاننا.
فسلاما على من يستحق ان يرافقنا.❤️🌺🌺

‏لا تتوقع من أحد ان يكون على مقاس عقلك و مشاعرك وأفكارك .. لكل واحد منا نافذته الخاصة التي يرى من خلالها العالم .. والحياة و الناس، لكل واحد منا تجاربه التي صنعته و صنعت قناعاته .. لكل منا مكانه الخاص الذي يقبع داخله ..🌺

"مَشْوَار إِلْتِزَام"

سابع رواية لي

رواية دينية، توعوية، ثقافية
و فيها شوية أكشن
"زِي مشاكل النسابة و هيك يعني😁".

بِتتحدث عن كثير مِنْ الأحداث مِنها :
¹. التوحيد.
². بر الوالدين.
³. الأنتكاسة.
⁴. السرقة.
⁵. غلاء المهور.

و تصحيح لِبعض المفاهيم الخاطئة
و توضيح بعض البدع المُنتشرة، مِثل :
أعياد الميلاد،عيد المولد...الخ
و توضيح لِلتصرفات الخاطئة التي تفعلها بعض البنات المُتزوجات و غيرها مِنْ الأشياء..

تم الأنتهاء يوم: 5 ديسمبر 2024م.
بدأ النشر يوم الأربعاء: 11 ديسمبر 2024م.


بِتمنى أنو تعجبكم و تستفيدوا مِنها.
#قراءة مُمتعة 💛.

*#مَشْوَار _ إِلْتِزَام《01》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏تنزيل: حـ أشتاق ليكُم كتيررر يا بنات.

رميساء: حتى أنا.

أرم"بِتعجُب": السمستر ده أنتهى سريع!.

لارين: أي، سبحان اللَّه.

ودعنا بعض و كُل واحدة رِكبتْ المواصلات بِتاعتها.


..

¬ أنا تَنزيل بقرأ حاسوب
فِي تالتة جامعة
أمي اسمها "ليلى" و أبوي "طارق".

عِندي اخ واحد أسمو "توفيق"
أتخرج و حاليًا شغال
و اخت أسمها " تالين "
فِي رابعة جامعة
و الفوق ديل صحباتي
و الليلة أجزنا مِنْ الجامعة.

..

وِصلتَ البيت..

لقيتْ أمي مافِي
شكلها مَشتْ لِجارتنا.

أكلتَ و بعدين نُمتَ
صحيتْ مع أذان العَصُر
صليتْ و قريتْ أذكاري

دخلتَ الفيس بقيتْ أتصفح
لفتْ إنتباهي إعلان
بِتاع كورس حق لُغة إنجليزية
عملتَ ليهو إسكرين.

قفلتَ التلفون؛ عشان أمشي أشوف أمي رجعتْ ولا لا.

لقيتها جاتْ، بقيتْ أتونس معاها.

بعد مسافة تالين جاتْ مِنْ الجامعة
و بعدهُ ناس أبوي جوا
ختينا الغدا و أكلنا.


إتذكرتَ الإعلان
كلمتَ أبوي بِالموضوع
و وريتو أنو عايزة أنزل مِنْ بُكرة
قال ما عِندو مُشكِلة.


..

#اليوم التالي :

صحيتْ القيام صليتْ و قعدتَ فِي المُصلاية و بقيتْ أستغفر، سمعتَ الأذان التاني صليتْ الرغيبة و حتى صلاة الفجر، بعدهُ قريتْ الأذكار و سورة البقرة.

قُمتَ نضفتَ البيت و عملتَ الشاي
ناس أمي ياداب صِحوا!
طبعًا حاولتَ معاهُم كتير و نصحتهم أنو لازم يصحوا لِصلاة الفجر، و يصلوها فِي وقتها لـٰكِن ما شغالين بي، ربنا يهديهُم.


شربنا الشاي و ناس أبوي طلعوا الشغل
بعد أداني قُروش التسجيل.

مشيتْ كويتَ عِبايتي و الطرحة
لمِنْ قريب لِلعصر كِدا زِي الساعة أتنين
قُمتَ أتجهزتَ و طلعتَ.

رِِكبتَ المواصلات و شغالة أسبح فِي الطريق لمِنْ وِصلتَ.

دخلتَ الأستقبال و كلمتهُم أنو أنا جديدة
قالوا لي أول حاجة لازم أعمل تحديد مُستوى.

وصفوا لي المكان، لقيتو زِي مكتب كِدا و فِي ولد شاب قاعد

لفيتَ طوالي؛ عشان أشوف بِت تمشي معي.

لقيتْ واحدة قاعدة براها
مشيتْ عليها..

تنزيل: السلام عليكُم.

= وعليكُم السلام و رحمة اللَّه و بركاته.

تنزيل: معليش بس أنا جديدة فِي المكان ده، عايزاكِ تمشي معي عايزة أعمل تحديد مستوى، لو مافيها تعب.

= جِدًا.

مَشتْ معي و عملتَ الأختبار، نزلوني فِي المستوى الخامس.
أصلاً الأنجليزي بِتاعي كويس بس أنا عايزة الشهادة بِتاعتهم؛ لانو سِمعتَ أنو شهادتهم قوية.
كلمني بِزمن المُحاضرة و وصف لي الكِلاس بِتاعي.


تنزيل: معليش تعبتك معي.

= لالا ماف تعب.

تنزيل: جَزاكِ اللَّهُ خيرًا.

= و جَزاكِ يارب.

تنزيل: صحي اسمك منو يا جميلة؟.

= مَلاذ، و أنتِ؟.

تنزيل: تَنزيل.

ملاذ: اللهُمَّ بارِك، اسمك حِلو.

تنزيل: تَحلى ليكِ العافية
أنتِ فِي المُستوى الكم؟.

ملاذ: السادس.

تنزيل: و هم كَم مُستوى كُلهُم؟.

ملاذ: سبعة.

تنزيل: ماشاء اللَّه قربتِ.

ملاذ: أي.

زمن المُحاضرة جا..

تنزيل: معليش بس مُمكِن توصفي لي مكان الكِلاس تاني؛ لانو حاسة راسي لف مع وصف الأستاذ ده.

مَلاذ "و هي بِتضحك": نفس مُشكلتي كانتْ مع الأتجاهات.

تنزيل: و هسه بقيتِ تعرفيها؟.

ملاذ: أي الحمدُ للَّه.

تنزيل: بَختِك
أنا لي هسه وقت يقولوا لي يمينك
بعمل نفسي عايزة أكل؛ عشان أعرف اليمين بِوين! .

بَقتْ تضحك فيني و ما قصرتْ معي نهائي وصلتني لَمِنْ الكِلاس بِتاعي.


دخلتَ لقيتْ الناس ما كتيرة شديد، قعدتَ قِدام.

المِستر جا و أدانا المُحاضرة

و أتعرفتَ على بتين اخوات اسماءهم
"هبة" و "وِجدان".


بعد أنتهتْ المحاضرة طلعتَ طوالي على البيت؛ عشان الحق أصل البيت قبل أذان المغرب يأذن؛ لانو ما بَحب المغرب يأذن وأنا أكون برا البيت.


الحمدُ للَّه وِصلتَ قبل أذان المغرب.

غيرتَ كِدا سمعتَ الأذان!
صليتْ و بعدهُ أتغدينا.
ابوي سالني مِنْ الكورس
و كيف كان أول يوم؟
قُلتْ ليهو :
حِلو.

صليتْ صلاة العِشاء ونُمتَ.

..

#اليوم التالي :

صِحيت بِصوت أمي و تالين قاعدين يتناقشوا بِصوت عالي!
قُمتَ سريع مشيتْ عليهم

ليلى"بِتهديد": أوع يا تالين تَعلي صوتك ده علىَّ.

تالين"بِتحدي": و كان عليتْ حتعملي لي شنو؟ .

تنزيل"بِصدمة": تالين!
ده كلام شنو؟.

تالين: أختيني يا زولة.

تنزيل: كيف يعني تِتكلمي معاها كِدا؟!
دي أمك على فِكرة.

تالين: ما دخلك.

ليلى: يا بت، صَلِحي أسلوبك ده أحسن ليكِ.

تالين: ما دايرة أصلِحو.

تنزيل: أحترمي نفسك يا تالين.

تالين"وهي طالعة": ماشة الجامعة زاتو كرهتونا البيت ده.

ليلى: مشية بِلا رجعة يارب.

« دعاء الأم على أولادها الحاجة دي خطيرة، ويُعتبر دعاء الأم مِنْ الأدعية التي تُستجاب؛ لِمكانتها و دورها العظيم فِي حياة أبنائها؛ عشان كِدا كونوا حذيرين مِنْ أنو تعملوا حاجة تغضب أمهاتكُم؛ لانو دعاءهم سواء كان عن غضب أو حزن يُمكن أنو ينعكس سلبًا على حياة الأبناء، و برضو إياك تدعي على صحبك أو على نفسك حتى لو هظار؛ لأنو مُمكِنْ فِي اللحظة الـ أنتَ دعيتْ فيها دي تصادف ساعة إستجابة
فتحصل ليكِ الحاجة دي فِعلًا!
قَالَ رَسُولُ اللَّهِ ﷺ :
{لَا تَدْعُوا عَلَى أَنْفُسِكُمْ، وَلَا تَدْعُوا عَلَى أَوْلَادِكُمْ، وَلَا تَدْعُوا عَلَى خَدَمِكُمْ، وَلَا تَدْعُوا عَلَى أَمْوَالِكُمْ، لَا تُوَافِقُوا مِنَ اللَّهِ تَبَارَكَ وَتَعَالَى سَاعَةَ نَيْلٍ فِيهَا عَطَاءٌ، فَيَسْتَجِيبَ لَكُمْ} رواه مسلم».

تالين طلعتْ و أنا بقيتْ أهدي أمي و مشيتْ جِبتَ ليها موية؛ عشان تهدى شوية؛ لانو فِعلًا كانت غضبانة شَديد.

ليلى: ياخ البت دي حتجيب لي الضَغط
يوم حتكتلني و تِرتاح، فضل ليها تديني كف بس!.

تنزيل:بعد عُمر طويل يارب، ربنا يهديها.

ليلى: اللَّه يلعنها ياخ.

تنزيل: أمي ما تدعي عليها يمكن تكون دي لحظة إستجابة.

ليلى: أي خلي تكون لحظة إستجابة، تمشي مشية بِلا رجعة يارب، البت العاقة دي.

« عقوق الوالدين هو مصطلح لِوصف التصرفات السلبية اللي بِعملوها الأبناء أتجاه والدينهم، و ما بكون فيها إحترام و لا السمع والطاعة،عقوق الوالدين مِنْ الآثام الكبيرة فِي الإسلام و هو مِنْ كبائر الذنوب،و يُعتبر الإحسان لِلوالدين و البر بهما واجبًا على كُل فرد، العقوق يمكن أن يُسبب الألم النفسي والجسدي لِلوالدين و يفقد الشخص بركة ورحمة اللَّه.


¬ أنواع عقوق الوالدين :-

↓↓

_ الإساءة اللفظية :
أنو الشخص يستعمل كلمات جارحة أو مُهينة تجاه الوالدين.
_ الإهمال :
عدم الاهتمام بِرعاية الوالدين
خاصة لما يكونوا مُحتاجين لِلمُساعدة أو الدعم.
_ عدم الاحترام :
أنو الشخص يتكلم معلهم بِطريقة غير لائقة أو الاستهزاء أو التحقير.
_ العصيان :
عدم طاعتهم فِي الأمور التي لا تتعارض مع القيم والأخلاق.
_ التخلي عنهم :
عدم التواصل أو الزيارة خاصة فِي أوقات الحاجة.

¬ آثار عقوق الوالدين :-

↓↓

_ الخسارة الروحية :
عقوق الوالدين مِنْ الحاجات المُمكِنْ تجيب سخط اللَّه.
_ تدمير الروابط الأسرية :
مُمكِنْ يسبب تباعد و فجوة فِي العلاقات الأسرية.
_ المشاعر السلبية :
مُمكِنْ يسبب مشاعر الذنب والندم فِي المستقبل يعني لو ماتوا الزول يندم أنو ما سمع كلامهم.

¬ و بر الوالدين مِنْ الأعمال الصالحة الفيها سعادة فِي الدنيا والآخرة.

¬ طيب كيف أنا أبر بِوالديني؟

↓↓

_ حاول دائمًا أتواصل معاهم بِلُطف.
_ قدم ليهم المساعدة والرعاية قدر المُستطاع.
_ أتذكر دائمًا أنو البر بِالوالدين يفتح ليك أبواب الرحمة و البركة فِي حياتك ».


بقيتْ خايفة؛ لانو أنا عارفة كيف دعوة الأم مُستجابة.


العصر أتجهزتَ
و طلعتَ على الكورس.

نهاية المُحاضرة المِستر
قال لينا :
بعد بُكرة حيكون عِندنا Topic عن :
Water pollution "تلوث المياه"


طلعتَ؛ عشان أركب المواصلات و أرجع البيت.. تلفوني ضَرب

طلعتو مِنْ الشنطة لقيتْ المُتصل توفيق
رديتْ..

توفيق: تنزيل، وين أنتِ؟.

تنزيل: طلعتَ مِنْ الكورس
و هسه حارسة المواصلات.

توفيق: طيب تعالي البيت سريع.

تنزيل: ليه فِي حاجة؟.

توفيق: كدي لَمِنْ توصلي.

تنزيل: طيب.


قفلتَ الخط، وقفتَ المواصلات و ركبتَ
و شغالة أصلي على النبي ﷺ
مشينا مسافة كِدا فِي راجل ركب و ماف مقعد فاضي غير جنبي، طوالي ختيتْ الشنطة بِتاعتي فاصل.

وِصلتَ البيت..
لقيتْ ناس البيت كُلهم ماف الا توفيق!

تنزيل: أها يا توفيق قبيل ضربتَ لي
كان داير تقول شنو؟.

توفيق: تالين دي عملتْ حادث.

تنزيل"بِصدمة": شنو؟!

توفيق: قالوا فِي عربية ضربتها.

تنزيل"و هي بِتبكي":هسه هي وين؟.

توفيق: فِي المُستشفى.

تنزيل: وديني ليها.

توفيق:أصلًا أنا كُنتَ حارسك تجي؛ عشان نمشي سوا.


طلعنا و أتحركنا على المُستشفى..

تنزيل: متين حصل الحادث؟.

توفيق: الساعة أربعة كِدا.

تنزيل: أمي و أبوي مشوا هِناك؟

توفيق: أي.

بقيتْ أدعي ليها لمِنْ وِصلنا
نِزلنا و توفيق ضرب لي أبوي وصف ليهو الغُرفة.

ياخ مِنْ التوتر و الخوف
حسيتْ المسافة بعيدة شديد!

وِصلنا شُفتَ أمي و أبوي مِنْ بعيد
و أمي قاعدة تبكي

مشيتْ حضنتها و بقينا نبكي سوا
و هي شغالة تلوم نفسها
و تقول :
كُلو بِسببي أنا دعيتْ عليها.

سالتهُم مِنْ حالتها كيف هسه؟
قالوا لي :
هسه قاعدين يعملوا ليها عملية.


و بعد مسافة مِنْ الأنتظار و التوتر و حرب الأعصاب الدِكتور طلع!




#على _ الهامِش :


يا من تعقُّ والديك في غفلةٍ
تذكر كم قدَّما لك كلَّ غالٍ
ففي ضوء عيونهم كان أمانٌ
وفي قلوبهم حبٌ لا يُضاهى.

ما أجمل الدعوات التي سُطِّرت
في سجودهم، مع الأمل الهائل
تُقصِرُ بينكم الجسور بلا سبب
وحبُّهم في القلب عذبه باقٍ.

القطيعة تعكر صفو البركة
وتجلب الأسى، وتُفَتِّت الشمل
فاحذر عقوقًا، وارجع إلى الخُلُق
فلولاهم لم تكن، ومن أين جئتَ؟

فليس هناك أغلى من حب الأبوين
فكن بارًّا، واكتفِ بالودِّ العظيم
فالدنيا فانية، لـٰكِن حبهم باقٍ
فاجعل البرّ زادك في رحلتك الطويلة.

#أستغفروا💛🌻.
*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

‏صباح الخيّر للناس المُبتسمة وأصحاب الروح الحُلوة..•ولكل الأشياء التي تصنع صباحات جميلة ..✨💕

🌹💐🌹🌹💐🌹

🌸هنيئـًا لـِ من جلس علىٰ شرفة الحياةِ مع الصّباح
متناسيـًا ماا قد مضىٰ متفــائلاً فيـماا أتىٰ
ينشد السّـَلااام في قلبه ..

وَ يلــّقي الـتحـيّة عـلىٰ الــعــَالم بـِ حب
🌸💜

"أسألكَ بنورِ وجهك الذي أشرقت له الظُلُمات، أن تُنزل على قلبي السَّكينة، وتذيقهُ بردَ اليقين والرِضا والطمأنينة."🤍🌺❤️

كُن شيئًا جميلًا فالجميلُ لا يُنسى 💛🌺❤️

ثق بأن الأيام الجميلة قريبة جداً ولا يفصلك عنها إلا طريق واحد عنوانه الصبر💙🌸..

يبهرني الأدب في زمنٍ قلّ فيه الأدب ،،،،
يعجبني اللطف في زمن الصراحة الجارحة ،،،،،
ويأسرني الاحترام في زمن الجرأة ،،،،،
ويبڪيني الشوق لـ حسـن الخلق ،،،،
نتباهى بشهاداتنا وجامعاتنا وندرة تخصصاتنا ،،،،،
وننسى أن العلم لا يڪمل بلا أخلاق وبلا أدب ،،،،،
نتباهى بما اشترينا وبما لبسنا وإلى أي وجهة سافرنا ،،،،،،
حتى دخلنا في سباق على المرڪز الأول من لبس قبل من ومن سافر قبل من ،،،،،
ليتنا نتسابق على الجوهر،،،،،
مثلما نتسابق على المظاهر 🤞
❤️🌺

*#مَشْوَار _ إِلْتِزَام《02》*
*#بِقلم: أسرار جُمعة 💛.*
*ـہہہـ٨ــــہہہــــــہہہـ٨ــــہہہـ*

‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏الِدكتور طلع
و قال :
العملية نجحتْ.

حمدتَ ربنا

و قال :
الليلة حتبيتْ فِي المُستشفى؛ عشان لو حصل أيَّ مُضاعفات.

سالناهو إذا صحتْ ولا لا؟
قال لسه.

تنزيل: متين نقدر ندخل ليها؟.

الدِكتور: لَمِنْ تصحى و بعد البنج يفك.

طارق: شُكرًا ليك يا أبني.

الدِكتور: ولو الواجب.


الدِكتور مشى و أنِحنا بقينا مُنتظرين

توفيق مشى جاب لينا ساندويتشات و جا
أمي أبتْ تأكل الا حنستها و لسه قاعدة تلوم فِي نفسها.


خالتي و بتها جوا، شكلها أمي كلمتهم.

¬ خالتي اسمها " إلهام"
و عِندها بِت واحدة أسمها "أسيل"
بِتقرأ مختبرات طبية و قربتْ تِتخرج.

فِي مُصلى نساء جنب المُستشفى مشيتْ صليتَ صلاة العشاء و رجعتَ.

لمِنْ الساعة 9 كِدا أبوي قال لينا بعد ده أنحنا نرجع و هو حيبيتْ فِي المُستشفى

تنزيل: أبوي خلي أنا أبيت معاها؛ لانو يمكن تحتاجني أنا أكتر.

طارق: أصلًا هو مسموح لي مُرافقين بس
مُمكِن تقعدي.

ليلى: لالا إنتِ أمشي يا تنزيل أنا حـ أبيت، بُكرة أعملي الفطور و تعالي.

تنزيل: طيب.

إلهام: أنا برضو بمشي بعد ده
خلي أسيل تمشي تبيتْ مع تنزيل؛ عشان ما تبيتْ براها.

ليلى: أي مُمكِن.

طلعنا أنا و توفيق و خالتي و أسيل أول حاجة وصلنا خالتي و مشينا أنِحنا بيتنا.

وصلنا أول حاجة مشيتْ المطبخ؛ عشان أشرب موية و سالتَ أسيل إذا عايزة و لا لا؟
قالت ما عطشانة.
شربتَ و مشيتَ دولابي أديتها غيار
قريتْ أذكار النوم و نُمتَ.

..

صحيتْ بِصوت المُنبه..

قُمتَ صليتَ القيام و أذان الفجر أذن
صليتَ و صحيتْ أسيل، قامتْ لي بعد تعب، صلتْ و رجعتْ نامتْ.

أنا قريتَ وِردي و بعد أنتهيتَ بديتْ نضافة

نضفتَ البيت و عملتَ الشاي خلصتَ كِدا لقيتْ توفيق صحى كبيتْ ليهو الشاي و بديتْ أعمل فِي الفطور، عملتَ لي ناس أمي محشي و تقلية بِمُلاح روب و شعيرية و شوربة لي تالين.

زِي الساعة تمنية و نُص كِدا خلصتَ
و ياداب أسيل قامتْ

« ما حركة ظريفة أنك تمشي بيت ناس و تكوني قاعدة معاهم فِترة يعني قاعدة تبيبتِ معاهم و تقعدي بس فِي مكانك و مُنتظرة يجيبوا ليكِ أيَّ حاجة جنبك أو تقومي مِنْ النوم مُتأخرة و على راحتك، أتحركي شوية و ساعديهم ولو ما رضوا يخلوكِ تشتغلي المُهم أنك حاولتِ لكن ما تقعدي ساي و تِتفرجي».

أسيل"بِأستغراب": قُمتِ متين أنتِ لمن خلصتِ؟!

تنزيل: ما نُمتَ بعد الصلاة.

أسيل: أيوا؛ عشان كِدا خلصتِ بدري.

تنزيل: أي، الحمد للّٰه.

عملتْ شاي و بِقتْ تشرب

تنزيل: صحي تخريجك متين يا أسيل؟.

أسيل: قرب، بعد أسبوع المُناقشة.

تنزيل: أيوا بِالتوفيق.

أسيل: أمين.

قُمتَ جهزتَ عبايتي و كبيتْ الفطور لي توفيق و وديتْ ليهو الصينية و بِجاي أنا و أسيل فطرنا

كبيتْ الأكل فِي العمود وشلتَ ملاعق لِلشوربة مشينا أتجهزنا و طلعنا، فِي الطريق قُلتَ لي توفيق يقيف لينا فِي أقرب فُرن؛ عشان نشيل عيش.

مشينا شوية شُفتَ فُرن فاتح و ما كان فيهو صف

تنزيل: توفيق عاين داك ليهو فُرن .

توفيق أتلفتْ شافو وقف العربية جنب الفرن، نزل جاب العيش و جا و أتحركنا

وِصلنا المُستشفى نِزلنا مِنْ العربية و شِلنا الحاجات مشينا على المكان الكُنا قاعدين فيهو أمبارح لـٰكِن ما لقيناهُم!

توفيق ضرب لي أبوي قال ليهو أنو نقلوها غرفة تانية عادية و وصف ليهو
أتحركنا و مشينا بِلفتين بس مِنْ مكان واقفين و لقينا الغرفة، ضربنا الباب و دخلنا و لقينا الغرفة دي ملانة مُبالغة!

« زيارة المريض تُعتبر من آداب الإسلام، و فيها أجر عظيم لو أحتسبنا الأجر و مشينا بِنية زيارة المريض و دعمو ما بِنية لازم أمشي ليهم؛ عشان ما يلوموني
و ليها تأثيرات إيجابية على الحالة النفسية لِلمريض لـٰكِن لو كانت بِأدابها

¬ و مِنْ آداب زيارة المريض :-

↓↓

_ التوقيت المُناسب :
تختار وقت مناسب مِنْ اليوم لِلزيارة؛ عشان ماتعمل إزعاج لِلمريض أو أسرتو يعني ما مُمكِن تجيهم مِنْ الساعة 5 قبل الديك!، و أتجنب أنو تزور المريض فِي أوقات النوم أو الأوقات البكون فيها مشغول.
_ اجتناب الازدحام :
الزيارة أفضل تكون بِرفقة عدد بسيط مِنْ الناس، ما لازم البيت كُلو يمشي بِالشفع!
ليه ماشين مُنتزه أنحنا؟
و نحاول ما نعمل ليهو زحمة؛ عشان ما يحس المريض بِالضغوط أو التعب بِسبب الزوار الكتار.
_ تقديم التحية :
مِنْ تدخل لي غرفة المريض أستقبلهُ بِأبتسامة و بشاشة.
_ السؤال عن الحال :
عبّر عن اهتمامك بِحالتو و أسالو عن صحتو وشعورو لـٰكِن بِدون إحراجو أو التدخل فِي خصوصياتو.
_ اجتناب الحديث عن الموت :
و ده أكتر شي حاصل، زول يمشي يزور واحد جاتو جلطة مثلًا يقول ليهو كان عِندي ود عمي نفس حالتك دي و مات و يدخل الزول العيان فِي قلق و خوف.
_ توفير الدعم النفسي :
شجعو و أرفع معنوياتو وذكّرو بأنو حيُشفى بِإذن الله.
_ عدم الإفراط في الحديث :
ما تِتكلموا كتير و تعملوا ليهو إزعاج و ما تِنتظروا أهل المريض لمِنْ يجيبوا ليكم الأكل، فِي الحالة دي الحق منو اللي يأكل التاني؟!
هم قاعدين فِي المُستشفى و طلع لي ولدهم المرض ده فجأة يمكن ما عِندهم قروش أو غيرو فالناس تراعي.
_ تقديم أشياء بسيطة :
مُمكِنْ تدي الأهل قروش لو حالتهم صعبة و أحتسب الأجر أو شيل معاك زِي فواكه
لـٰكِن أنتبه أنو تعرف الحاجة البِتناسبو و ما يتعارض مع حالتو الصحية يعني ما ينفع يكون عِندو سُكري تجيب ليهو باسطة!.
_ عدم إطالة الزيارة :
ما تجي مِنْ الظهر و تقعد لي بعد صلاة العشاء، أحسن تكون الزيارة قصيرة ولطيفة؛ عشان ما تسبب تعب لِلمريض
و الأسرة زاتهُم.
_ الدعاء لِلمريض :
أدعي ليهو بِالشفاء
قال النبي ﷺ: { أطعموا الجائع، و اسقوا العطشى، و عودوا المريض}.

و خلي هدفك مِنْ زيارة المريض هو تقديم الدعم و المساندة ليهو و تخفيف مُعاناتو و تكون زيارتك مصدر لِلاطمئنان و الراحة ليهو ».


مِنْ دخلنا الغرفة أول حاجة مشيتْ لي تالين و الحمدُ للّٰه لقيناها صاحية

تنزيل: تالين، حمد ﷲ على السلامة.

تالين: اللَّه يسلمك.

تنزيل: كيف أنتِ هسه؟

تالين: تمام.

تنزيل: ما حاسة بِوجع؟

تالين :لالا.

تنزيل: الحمد للَّه.

زحيتَ شوية؛ لانو أسيل قالتْ دايرة تسلم عليها، سلمتَ على الباقين و مالقينا حِتة زاتو ؛ عشان نقعُد فيها!

طلعنا قعدنا برا الغرفة و أمي جاتني برا أديتها الفطور و كبيتْ لي تالين الشوربة بِتاعتها و وديتها ليها

نادوني؛ عشان أفطر
قُلتَ ليهم أنو أنِحنا فطرنا و جينا

بعد المغرب كِدا خرجونا و الحمد للَّه تالين بقتْ أحسن بِكتير

خالتي إلهام و أسيل رجعوا معانا البيت؛ عشان حيبيتوا معانا.

وِصلنا مع أذان العشاء
صليتْ و مشيتْ لي تالين سالتها إذا عايزة حاجة؟
قالتْ عايزة موية.

مسافة أمشي و أجي لقيتها نامتْ!
ختيتْ جك الموية و الكُباية جنبها فِي التربيزة بعد غطيتهم؛ عشان كان صحتْ بليل تلقاها جنبتها، و أنا مشيتْ نُمتَ طوالي.


..

#اليوم التالي :


صحيتْ و صليتْ، و قريتْ وِردي و عملتَ روتيني اليومي بِتاع كُل يوم مِنْ ترتيب و نضافة... الخ

ناس أمي صِحوا كبيتْ ليهم الشاي
بعد فطرنا جاتنا جارتنا أسمها "أمنة"و معاها بِتها أسمها "رِحاب" صحبتي شديد.


رِحاب: حمد اللَّه على سلامة تالين.

تنزيل: اللَّه يسلمك.

أمنة: كفارة لي أختك.

تنزيل: كفر ﷲ سيئاتك يا خالتو أمنة.

مشيتَ جِبتَ ليهُم موية و شِربوا

رِحاب: هسه هي بقتْ كيف؟

تنزيل: الحمد للَّه أحسن بِكتير قاعدة فِي الغرفة لو حابين أوديكُم ليها.

أمنة: أي يا بتي خلي نسلم عليها.

وديتهم لي تالين فِي الغرفة و أنا أمي نادتني مشيتْ ليها قالت لي أعمل الجَبنة، مشيتْ المطبخ بقيتْ أعمل فيهها، و رِحاب جاتْ بقتْ تعمل لي فِي الفشار و قاعدين نتونس

بعد خلصنا جهزتَ التربيزة برا، و ختينا فيها الحاجات كبيتْ ليهم الجبنَة
و أديتَ كُل زول فُنجانو، و بقينا نِتونس

تاني جارتنا أسمها " سوسن" جاتْ حمدلتْ لينا سلامة تالين مشيتْ جِبتَ ليها موية و جيتْ و كبيتْ ليها الجَبنة

جارتنا سوسن دي قالتْ لي جيبي فنجانك ده كدي أقرأ ليكِ و مدي لي كف يدك أقراهو

صراحة أنا أتخلعتَ!
و بعد مسافة حتى قِدرتَ أتكلم

تَنزيل: الكلام ده ما صح يا خالتو سوسن و شرك بِاللَّه و أصلاً ما يعلم الغيب إلا ﷲ.

« خرافات وشركيات منتشرة بين الناس

[ قراءة الكف ]

قراءة الكف لِمعرفة المستقبل مِنْ عمل العرافين والكهان ، وقد حذرنا رسول اللهﷺ منهم بِقوله: { من أتى عرافا فسأله عن شيء لم تقبل له صلاة أربعين ليلة} رواه مسلم.
وقوله: مَن أتى كاهنا فصدقه بما يقول فقد كفر بما أنزل على محمد ﷺ، رواه أبو داود.

س: ما حكم قراءة الكف ، سواء كان ذلك جدًا أو هزلاً ؟

ج : هذه باطلة ومن الكهانة ولا يجوز ، الكف والفنجان وأشباه ذلك وضرب الحصى والودع ، كل هذا ضلال ومن دعوى علم الغيب ، فإذا زعم أنه يعلم الغيب بهذه الأمور صار كافرًا كفرًا أكبر ، نعوذ بالله ؛ لأن الغيب لا يعلمه إلا الله ، ولا يُعْلَم بضرب الحصى ولا بقراءة الكف ولا الفنجان ، ولا بغير ذلك مما يتعاطاه المشعوذون ، علم الغيب إلى ﷲ سبحانه وتعالى ، فمن زعم أنه بقراءة الكف أو ضرب الحصى أو الحساب بالأصابع أو بأي شيء من الأشياء أنه يعلم الغيب كل هذا من الكفر بالله عز وجل ، والله يقول سبحانه : "قُلْ لاَ يَعْلَمُ مَنْ فِي السَّمَاوَاتِ وَالأَرْضِ الْغَيْبَ إِلا اللَّهُ" ، ويقول جل وعلا في كتابه العظيم لنبيهﷺ : "قُلْ لاَ أَقُولُ لَكُمْ عِنْدِي خَزَائِنُ اللَّهِ وَلاَ أَعْلَمُ الْغَيْبَ". فمن ادعى علم الغيب بعمل الكف أو الحصى أو الودع ، أو غير هذا من الحسابات فكله باطل وكله كفر وضلال ، نسأل الله العافية .

الشيخ عبد العزيز بن عبد الله بن باز رحمه الله
فتاوى نور على الدرب (363/3)».


ياخ أنا حاسة نفسي لسه مصدومة؛ لانو خالتو سوسن دي بِالحالة مُتعلمة و شغالة دكتورة كمان! ، فعلاً الزول لو عارف علوم الدنيا دي كُلها و ما عارف عنْ الدين جاهل و فِي قمة الجهل كمان.


باقي الأهل جونا و اليوم كان عبارة عن ضيافة و ترحيب.



#على_الهامِشْ :

فِي بلاط العلم سارتْ خُطاهُ
تحت سطوع النجوم ورنت ألحاه

كتبٌ في الهندسة، علوم في الطب
لـٰكِن جهله بِالدين كان هو العجب!

أفكارٌ رائقة فِي الدنيا تجول
لـٰكِن علامات السجود لم تمسخ المقل

يحكي عن الكون وما فيهُ مِنْ أسرار
لـٰكِن قلبه يبحث عن نورٍ واستبصار

يحسب أن العلم علمٌ بلا حدود،
تاه فِي الجهل، عن دروب السجود

فالعلم نورٌ فِي ظلمة الطريق،
مِنهُ تجد الحكمة، وتُسكت الضيق

يا قافلًا فِي بساتين المعرفة،
أين ضياء الايمان فِي سطورك العطرة؟

فالحق فِي الدينٍ هو زاد العقولٍ،
يجعلها أرقى فِي زمن الأفول.

فلتخرج مِنْ زحام الدنيا وظلمتها،
إلى نورٍ الفِطرةٍ وعدله ورحمتها.

# سبحوا💛🌻.
.*يتبــــــــــــــــــــــــــــــــــــــــــــع*‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‌‏

شمس الخميس إذا تغيب..
=زِد فِي الصلاة على الحبيبﷺ💛.

يلا أي واحد ينزل لي ف البوست دا بعنوان بيتو.. ويخلي لي تلفونو فاتح بالله عليكم وف قناتنا دي.. لأنو م أظن تكونوا صاحين!! ف م عايزة أقطع نومكم حرام🙂.. ح ازوركم واحد واحد وأتفاعل أنا بدلكم ف البوستات🙂💙

أشرس معركةٍ
يخوضها الإنسان، هي معركة الحفاظ على نقاء قلبه!

هذه الحياة مُتلفةٌ للقلوب!
فمهما خسرتَ إياكَ أن تخسرَ قلبكَ،
من يخسر قلبه مهزوم، ولو ربح الدنيا كلها!🥀🩶