"بالأمس كان حفل زفاف موسي ناداي، اللاعب السنغالي صاحب ال 21 عاماً، بعدها بساعات قليلة تلقي إتصال أنه سيذهب إلي قطر ل يحل محل ماني المُصاب"
ليلة مميزة ل ناداي بكُل تأكيد 🖤

الحمد لله ياسر الشهراني بخير 🙏

لاعب المنتخب السعودي ياسر الشهراني يطمئن الجمهور السعودي و الجمهور في الوطني العربي في مكالمة فيديو مع زميله محمد كنو
بعد الإصابة التي تعرض لها الأمس أمام الأرجنتين
عاش يا بطل 🇸🇦💚🔥

‏"يتعافي المرء بالإنفصال عما يرهقه والإقتراب مما يُهوِّن عليه ويُضيء عتمته، لذا نحن نتعافي بالله، بالله فقط..🧡!

*🕸️ الحــب الاســـير 《06》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
عبودي صحى متأخر اخد دش واتسوك ونزل تحت لقى ايلاف واية في المطبخ بشربو الشاي .. قال : صباح الخير وقعد جنب ايلاف.
ايلاف واية : صباح النور.
_وين اريج وخالتي؟
ايلاف : اريج مشت الجامعه ومعاها امي لانو في اجراءات تسجيل م تمت لسه.
_ايوا.
_الليله عندك مدرسه؟
عبودي عاين ل ايلاف السألتو وقال : عندي لكن م ماش عايزك تراجعي لي دروس .. لو فاضيه.
_م عندي شي بس حمشي الشغل واجي بعد ساعه جهز حاجاتك وبجي اشرح ليك تمام...الفطور في التلاجه .. وافطرو م تنتظروني.
عبودي : ظابط.
ايلاف ودعتهم وطلعت .. عبودي زحى كبايه الشاي من قدامو وعاين لي اية القاعده قصادو وب صوت حاد قال : امبارح كلمتي بيان اني طلعته لي؟!
اية عاينت ليو ونزلت عيونها وم ردت.
ضرب السفره ب يدو وقال : بتكلم معاك انا كلمتيها لي؟
اية وهي بتعاين ف الكبايه : عشان انت م صح تطلع وقت مت.....
قاطعها ووقف على حيلو ومشى عليها مسكها من يدها وجراها زي الريشه وقفها قدامو وب صوت عالي قال : ان شاء الله اطلع عشرين بليل مالك دخل.
اية حاولت تفك يدها لكن هو كان ماسكها قوي.. اية سكتت مسافه وقالت : وانت مشيت تلاقي منو؟
عبودي رفع حاجبو وقال : ان شاء الله اطير السما الاحمر م شغلتك م تتحشري يشافعه انتي.
عبودي زح منها لمن شاف الدموع ف عيونها طلع الهول سمع نغمة تلفونو علت طلع فوق دخل الاوضه وشال التلفون.
_الو.
_اي عبودي .. صباح الخير.
_صباح النور ي دنيا كيف اصبحتي؟!
_الحمد لله تمام.. امبارح عملته شنو؟
_ولا شي رجعته وعملته رايح .. انا اصلا قاعد عند ناس خالتي.
_ايواا.
_بحبك.
دنيا بخجل : وانا كمان.

يلا بدت العواره خلونا نمشي.

__

في جهة علي بتصل على عبودي بلقاو مشغول رمى التلفون ب زهج وغطى وشو ب المخده عشان يتفادى صوت امو وابوهو الدايماً في خلافات بينهم ... اول م سمع صوت اخوهو الصغير عمر ببكي فتح الباب ونزل وقف جنب السلم وهو بعاين ل ابوهو الماسك كبايه الشاي وبكورك وامو الشايله عمر .. اخد نفس ومشى شال اخوهو من امو ودخل بيو غرفتو طلعو البلكونه عشان يسكت💔.
علت نغمه التلفون علي عاين ل اخوهو لقاو نايم قام دخلو ورقدو ف السرير وشال التلفون رده.
_ساعه عشان ترد؟
_انت م تتكلم بدق ليك وحضرتك مشغول مع حبيبتك .. اهم انا ولا هي؟
_اكيد انت د كلامك!
_طيب م بترد لي؟
_انا بعلم ب الغيب انك بتدق م تقدني .. اسمع انا لقيت زول يشرح لي الفيزياء .. تعال لي ف بيت خالتي هند.
_كويس البيت الجنب (..) داك زاتو صح؟
_اي م تتأخر ... د شنو الكواريك د؟
علي اخد نفس وقال : يعني حيكون شنو ف رأيك؟
_اها ....نتكلم لمن تجي .. يلا م تتأخر.
_ظابط.
علي لبس وشال شنطة المدرسه وقفل باب اوضتو بهدوء ونزل سريع وطلع ركب المواصلات ووصل البيت اتصل على عبودي .. ثواني وعبودي فتح الباب صافحو وطلعو الاتنين فوق .. عبودي اتصل على اية وقال : جهزي عصير جوافه والفطور معاي زول.
_طيب.
اية قفلت من عبودي ونزلت تجهز الفطور.

علي : عملته شنو امبارح ؟
عبودي حكى ليو الحصل بالتفصيل... علي ضحك وقال : نجوت من الموت بشعره😂.
_كلو من اية د.

"عبد الرحمن"

عبودي : اااي.
اية دخلت وعلي شافها عبودي طلع ليها ب سرعه وقفل الباب وقال : انتي هبله م شايفه ف ولد هنا بتخشي ساي.
_انا استأذنته وانت قلته لي ااي.
عبودي ب صوت عالي : اي د م معناها خشي لكن... طيري البسي طرحه ولا اي شي.
اية م ردت وادتو الصينيه ومشت.. عبودي دخل وخته الصينيه ف الارض وقال : م محتاج عزومه صح؟
علي وهو بنزل : طبعاً.... انا اكتشفته حاجه ي عبدو.
_شنو؟
_انت ما بتحب دنيا.
عبودي وهو بشرب العصير : طبعاً.
علي ضحك وقال : م كنت قايلك حتقولها ببرود كد😂.
_عايزني ابكي واقولها ليك يعني؟!
_طيب السبب شنو البخليك م تحبها وتلعب بيها؟
_م عارف ممكن اكون معجب بيها لانها سمحه .. الحب د م هسي بعدين لمن اكون عايز اتزوج هسي خليني استمتع شويه.
_بنات الناس م لعبه لكن.
عبودي ب صوت عالي : م لعبه؟؟ طيب بسم الله ..فاطمه .. ريل .. زهور .. توته .. تبيان .. تودد .. علياء .. تنزيل .. وفي وحده تاني م متذكر اسمها .. وهسي حالياً عايز تحنك لمياء.
_صح كلامك لكن حصل اتلصقه في وحده منهم زي م انت بتعمل ل دنيا؟
عبودي ابتسم ب خبث وم قال شي.
_م صح البتسوي فيو د.. انت م عايزها ل قدام احفظها وخليك قدر الثقه الادتها ليك.
_والله الكلام د لو كان قالو لي زول غيرك كان دفنتو حي .. هي راضيه انت مالك؟
_مف شي اسمو راضيه ي عبدو .. هي شافعه م فاهمه شي انت عمرك 18 وهي 16 خليك واعي شويه وم تقعد تتصور معاها ب الطريقه د ..الصور د كان وصلت لي زول اها؟؟ فكر قبل تعمل حاجه.
عبدو وهو بقيف : الصور ف تلفوني وتلفونها تصل ل منو يعني؟ ... أُكل وخليك من الكلام الفارغ د.
علي اخد نفس لانو عارف عبد الرحمن راسو قوي.
عبد الرحمن وهو بنظم الكتب الفي المكتبه : وانت كيف عرفته اني م بحبها؟ احتمال اكون بحبها.
_اولاً انا بعرفك لي عشره سنين .. تاني شي انت لي شاكلته اية لمن جات داخله من غير طرحه في حين انو انت بتخلي دنيا تطلع نص الليل وتمشي حفلات؟
_اي لاني م عندي ليها شي.
_راجع نفسك وتصرفاتك.
_فكني بالله من كلام بيان د.
_خلاص خلينا نراجع شويه قبل بت خالتك تجي تلقانا م ناقشين شي🌚.
_زوولي😂😂😂😂.
نغمة تلفون علي علت شالو ورده : الوو ..... طلعته اقرا مع صحبي .... طيب كويس .. يلا.
عبودي : امك صح؟
_بتكورك من غير اي سبب.. استغفر الله العظيم.
_م منها هي ي علي .. الام لمن تكون دايماً في حاله ضيق وشايله همكم وهم المشاكل بتتنرفز من اقل شي .. خليك ريلاكس معاها بس.
_كيف بس وانا بنوم ب صوت كواريك وبصحى ب كواريك.
_انا شايل هم اخوك الصغير اكتر من همك... الود صغير وم كويس تكون طفولتو كلها شايف امو وابوهو ب الطريقه د .. د بأثر على مستقبلو مرحله الطفوله د اهم مرحله في تكوين شخصيه الزول .. م ممكن نقارن طفوله انسان م شاف ف حياتو غير المشاكل والضرب والكواريك والشتايم .. وبين طفل اتربى في بيت مسنود بعطف الاب وحنان الام .. انت ممكن اقول عليك كبرته وخلاص م محتاح رعايه زي اخوك الصغير الود م تمى خمسه سنين .. انت ي علي بقيت كبير وواعي حاول حل الخلافات د بدل قاعد كد ساي.
علي سكت مسافه بعدها قال : ي عبدو المشاكل البيناتهم تافه .. مشاكل م عندها معنى اساساً .. هسي قبيل الصباح متشاكلين عشان امي عملت سكر خفيف ف كبايه الشاي .. وامبارح عشان كانت تعبانه وم عملت العشاء قرب يكسر البيت فوق راسنا الا عملته ليو العشاء انا... م عارف ي عبدو .. ابوي د م كان كد والله كان بحب امي د وكل اسبوع بجيب ليها هديه وكل يومين بطلعنا مكان ..ابوي وامي اتزوجو عن حب د شكل زول كان بحب وحده وعافر عشان تكون من نصيبو؟ .. ابوي اتغير معارف لي.
_حاول اعرف من شنو طيب .. اتكلم مع ابوك واتفاهم معاو.
_بحاول .. الجرس بضرب شكلها د بت خالتك.
عبودي وهو بطلع : اي شكلها...
‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‏
*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《07》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​

بعد تلاته ساعات..

_يلا كد م عندكم حاجه م فاهمنها .. بس الباقي عليكم تحلو تمارين الكتاب واحفظو القوانين وتطبقو بس وان شاء الله م عندكم مشكله.
عبودي وهو بقيف : اخخخ ي ظهري الاتكسر.
علي : الفيزياء سهله والله بس عايزه تركيز شديد.
ايلاف : صح كلامك بس لو اشتغلته تمارين كتير بتقدر تحلها بسهوله.. بليل كد بجي اصحح ليكم التمارين تمام؟
علي وعبودي : بليييل؟؟؟؟
_اي ..مالكم؟
عبودي : ي زوله انتي م جاده طبعاً .. انتي اديتينا قريب ميه مسأله وعايزانا نحلها ليك باقي اليوم.. انا قايم العب بلايستيشن .. ارح ي علي.
علي وهو بقوم : اي صح ارح.
ايلاف وهي بتخت يدها ف راسها : لا حول ولا قوه الا بالله .. انتو مفترض تستغلو كل دقيقه من وقتكم وتعوضو الم قريتوهو .. محسسني انكم بتقرو درس اليوم باليوم .. لا تُأجل عمل اليوم للغد.
عبودي وهو بطلع الكوره من تحت السرير : صح مفترض م نأجل الكوره ل بكره.
علي : اي بكره بلايستيشن.
عبودي وهو بفتح الباب : ارح ي علي.
وتنقش تنقش الاتنين طلعو .. ايلاف بقت تعاين ليهم كد😳😳.

_____

ف المكتب...

_سلمى كيفك .. وكيف ناس امي كلكم كويسين؟
_تمام الحمد لله .. طبعاً امبارح اتصلت عليك المغرب كد عشان توديني عرس صحبتي.
عزوز عاين للتلفون ثواني وقال : والله م شفتها .. احتمال بيان كانت ماسكه التلفون.
_اااي كانت ماسكاو وحلفت م تصحيك عشان اتكلم معاك .. وبقت تقل في ادبها وتقول لي خلي راجلك الطلقك د يوديك.
_د بيان؟؟؟
_اااااي بيان.
_بيان م بتقول كد.
_يعني انا بكذب؟؟؟ .. عايز تصدق مرتك وتكذبني؟؟
_م كد لكن انا بعرف بيان.
_خلاص كويس اسألها ونشوف حتقول شنو .. يلا.
تيت تيت.
عزوز هز راسو بعدم رضى وشال الاوراق القدامو .... نهايه الدوام قفل باب المكتب وطلع من المصنع ركب العربيه ورجع البيت .. في الاثناء د بيان كانت بتعمل ف الفطور وبتدندن براها.

صررخه " بيااااااان"
بيان ختت يدها فقلبها وقالت : ي اذى م ممكن خلعتني ياخ.
عزوز ضحك وهو جاي عليها : اصلا عايز اخلعك😂.
عزوز وهو بشم ريحه الاكل : ي سلاااام انا بحب طبخك د جداً.💕
_اسمو طبخ بيان كيف م يبقى حلو؟😌
_بيان د لكن😉.. خلاص انا حمشي اخد دش واجي.
_م تتأخر.
عزوز وهو بطلع : طييييب.

_____

قعد ف الارض بتعب وقال : جيب باغه المويه ي علي.
علب مده ليو الباغه شالها ورشاها في راسو وقال : اسمع بكره عيد ميلاد دنيا وعايز اعملو ليها ..ارح بكره الكورس بتاع استاذ مجاهد الكورس مختلط ودنيا ولمياء جايين .. ونعملو هناك ظابط؟
_فيو بنات سمحين؟؟
_صاروخ بس .. بعد المغرب هو لكن لانو الصباح شغالين ناس احياء وبالمساء شغالين ناس هندسه
_خلاص حرجع البيت انا بعد د وبكره بعد العصر نتلاقه هناك.
_قدام ي صحبي.
____

بعد العشاء ..
عزوز بعد صلى العشاء شال المصحف وقال : يلا نقرا سوره الملك بعداك ننوم💕.
_انت اقرا وانا بقرا ب وراك.
_طيب .. بسم الله الرحمن الرحيم .......

بعد خلصو بيان رقدت ف السرير وعزوز قفل النور وعايز يرقد اتذكر حاجه وفتح النور وقال : انتي امبارح سلمى ضربت ف تلفوني؟
بيان قلبت عيونها بملل وقالت : اااي.
_انتي قلتي ليها شنو .. لانها قالت لي كلام كد انا م صدقتها.
_لو قالت ليك اني قلته ليها شوفي راجلك الطلقك د ب وين فااا صح اي انا قلته ليها كد.
عزوز عقد حواجبو بأستغراب وقال : لي هي قالت ليك حاجه زعلتك او كد؟
_لا .. انا قلته ليها عزوز عيان وهي م بتفهم عايزاني اصحيك عشان توصلها عرس صحبتها.
_عادي كان تكلميني كان اتصرفته.
_تتصرف كيف وانت اصلا م قادر تقوم من السرير؟
_لكن م صح منك تقولي ليها كد ف النهايه هي بتحس وكلمتك د حتكوم زعلتها.
بيان رفعت حاجبها وهي بتقول : بالله .. وهي كلامها كلو نكت يعني؟
_خلاص تاني م تقولي كلام زي د تمام.. ولو لقيتيها اعتزري ليها.
_انا؟؟ اعتزر؟؟
_الحاجه الوحيده الم بحبها في انك م بتعتزري لي زول ولا حتى انا .. دايماً انا المبادر في الاعتزار سواء غلطان او لا.
بيان وهي بترقد : م بحب اعتزر ل زول.
_كد غلط لكن.
بيان قبلت على الجهه التانيه وقالت : تمام اطفي النور معاك.
عزوز اخد نفس وهز راسو بعدم رضى وقفل النور وقبل على الجهه التانيه ونام .. بيان حست ب تأنيب الضمير لكن م بتقدر تعتزر ل زول .. ممكن تكون عارفه روحها غلطانه وضميرها مأنبها لكن م بتصرح ب كد بتشوف انو د ضعف منها ود اكبر غلط💔

____

اليوم التاني .. بعد اذان العصر ف بيت لمياء ..

_مالك صاره وشك د كد ي بت وحالتو الليله عيد ميلادك.
_من الصباح بتصل على عبد الرحمن م برد شكلو نسى عيد ميلادي💔.
_اولاً م تربطي سعادتك ب زول تانياً م بنسى حاجه زي د وبعدين حنمشي الكورس وهو وعلي حيجو اتكلمي معاو احتمال عندو ظرف او كد.
_مف سبب واحد بخليو ينسى عيد ميلادي ي لمياء.
_ي الله .. ياخ ف شي اسمو ظروف.
_نشوف ظروفو د شنو .. هسي ارح نتحرك على الكورس لانو بعيد.
_تمام.

_____
كان لابس قميص اسود وبنطلون اوف وايد وطاقيه بالقلبه واسبورت ابيض وساعه يد فضيه والعطر يوديك الدرب .. علي كان لابس تيشيرت ابيض وشورت رمادي واسبورت ابيض ب رمادي ومع لونو الاسمر كان جميل جداً .. الاتنين اول م دخلو الكورس النظرات كلها اتوجهت ناحيتهم ..
عبودي : ارح ندخل اي فصل ونجهز قبل الحصه تبدأ.
علي : قدام هم زاتهم بعد د بجو.
كانو عباره عن سبعه اولاد وسته بنات ب الاضافه ل علي وعبد الرحمن طلعو الطابق الفوق ودخلو فصل من الفصول وبدو يجهزو خططهم.. واثناء قعدتهم جا ولد داخل وقال : استاذ مجاهد جا ارح الحصه.
علي : ظابط ارح ننزل الحصه.

الحصه بدت والاستاذ بدا يشرح وف الاثناء د جات دنيا ولمياء داخلين.. دنيا كانت لابسه اسكيرت اسود وبلوزه زهريه وشنطه ابيض وخاته الطرحه ف كتفها ولمياء بنطلون اسود وبلوزه سماويه وشعرها قصير وناعم💕 ..قعدو ف الكنبه الاولى علي قبل على عبد الرحمن وغمز ليو عبد الرحمن عمل كد👍..
بعد الحصه كلهم طلعو الطابق التاني الا دنيا ولمياء فضلو قاعدين ف الفصل.
لمياء بنفاذ صبر : ي دنيا للمره الالف م تربطي سعادتك ب زول لانك حتتعبي .. ارحمي نفسك وارح الكافتريا اشتري فطور انتي م اكلتي حاجه من الصباح.
دنيا وهي بترجع شعرها ل ورا : م عايزه قلته ليك .. شوفي هسي ولا عاين لي زاتو .. هو مالو عايزه اعرف عملته شنو انا.

"لمياء دقيقه عايزك"

دنيا ولمياء عاينو لي علي الواقف جنب الباب وعاينو لي بعض.
دنيا : شوفيو عايز شنو.
لمياء :م بتأخر.

لمياء بعد خمسه دقايق جات داخله بأبتسامه وقالت : تعالي عبد الرحمن عايز يتكلم معاك.
_م عندي نفس اتكلم خليني ارجع البيت اذاكر الهندسيه د والدنيا ضلمت احسن ارجع.
_انتي عارفه عبد الرحمن عصبي كيف احسن تمشي.
دنيا وهي بتقيف : اوووف ياخ.

دنيا طلعت مع لمياء وطلعو الطابق الفوق ... اول م دخلو الفصل اشتغلت موسيقى تا تا رارارا المهم والاولاد واقفين بجهه والبنات بجهه وعبودي واقف جنب السبوره ماسك بوكيه ورد كبيييره وملصق فيها اوراق كتيره وشوكلاتات اشكال والوان❤..
عبد الرحمن وهو جاي عليها ومع الموسيقى : كل كلمه حب تفضل يعني كل حساس.. صعب توصف حبي ليكي ي اغلى الناس 💕..... اي كلمه قلتها او لسه م قلتهاش اقل من حبك ي دنيا لسه م قلتهاش💕
الفصل كلو : تعال تعال انا قلبي مال واياك دنيا جنى.. عمري لاتغيب حبك غريب شوقي ليك بروحي غنى الخ...
‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏

‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏

*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《08》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
دنيا م قدرت تعبر وغطت وشها ب الطرحه وبكت من الفرح💕.
الغنيه وقفت وعبد الرحمن قعد على ركبتو ومدا ليها بوكيه الورد وبأبتسامه قال : خلاص كبرتي وليك سبعتاشر سنه.. عمر الزهور عمر الغرام عمر المنى.. اتمنى يوم تجمعنا جنات حبنا تبقي الاميرة والبطيع قلبي انا❤.
دنيا مسحت دموعها وشالت البوكيه وقالت : م معارفه اق اقول ليك شنو والله.
علي صففففررر والاولاد كلهم صفرو وهنا دنيا وعبد الرحمن ضحكو💕.

___

_الو خالتي.
_بيان حببتي كيفك كويسه؟؟
_الحمد لله ف نعمه والله كيف انتي صحتك وامورك؟
_والله كلوووو تمام الحمد لله.. تسلمي يارب.
_خالتي عبد الرحمن لو جنبك اديني ليو لانو بتصل عليو م برد.
_اي هسسي جا داخل كان عندهم كورس.
_لحدي الوقت د الساعه ماشه على تسعه ونص.
_والله ي بتي القرايه يسوي شنو عاد ربنا يوفقو بس.
_اميييين دعواتك ي خالتي بس.
_والله دايماً داساهو ف دعواتي ربنا ينجحو... هاك ليو هدا جا... هاك بيان بتسأل منك ي عبدو.
عبودي : الووو.
_اي عبودي كيفك؟
_تمام الحمد لله كيف انتي؟
_تمام والله .. قريت كويس؟
_اي كويس اسي جيت راجع من الكورس.
_ادوكم شنو؟
_يعني حيكون شكلاته وحفله ب بيانو ومعاها بوكيه ورد مثلاً ؟ .. اكيد دروس.
_اي عارفه قصدي هندسيه ولا كيمياء ولا رياضيات ولا شنو بالضبط.
_امممممم قصدك كد يعني .. هندسية .. انتي مش عارفاني عايز ابقى باشمهندس زي شهاب اخو عزوز؟
_بدل تخش كورس وتتعب تمشي وتجي خلي شهاب يشرح ليك.
_ف بيتهم الكبير داك قصدك؟
_ااي.
_شكراً جزيلاً م عايز الاقي وش الشؤم ديك.
_منو وش الشؤم؟
_اخت عزوز الشينه ديك ب بنتها الفرحانه بيها د.
_سلمى.
_اي ياها زاااتها.
_م تقول كد هي اكبر منك.
_بتعمل لي حركات زي الم عايزاني اجي.
_م تشتغل بيها كتير بس.
_حاضر .. انا ماشي انوم تصبحي على خير.
_وانت من اهلو .. م تنسى تتصل على ابوي تسلم عليهو قبيل اتصلته عليهو بسلم عليك.
_حاضر .. ادي عزوز بوسه قولي ليهو د من عبد الرحمن.
_امشي ي قليل الادب.
عبودي ضحك ب صوت عالي وقال :كررر البتخجل وقفل الخط عشان م تسمعو كلام كتير😂.
بعد قفل من بيان طلع فوق وطفى النور رقد ف السرير وشال تلفونو واتصل على دنيا.
_دنيتي .. اشتقته ليك.
_حتى انا والله .. م حتتخيل قدر شنو فرحتني ربنا يخليك لي.
_العفو د اقل حاجه اعملها ليك ي مزه.
_بس انت كيف قدرته تفهم الفصل كلو يعمل شنو بجد جات حلوه شديد💕.
_البنات صحباتي وهم العملوها معاي والاولاد علي حنكهم.
_السته بنات صحباتك؟
_اي ويعني؟
_كيف ويعني؟
_عااادي ياخ م عندي ليهم شي.. م واثقه فيني انتي؟
_اكيد واثقه.
_اي انا اصلا م عايز غيرك وم شايف غيرك عشان كد م تشيلي هم.
دنيا سكتت مسافه بعدها قالت : اوك .. طيب تصبح على خير لاني نعسته شديد وبكره ماشه المدرسه.
_ظابط ي حبي وانتي من اهلي.
_بحبك شديد.
_وانا اكتر واكتر.
_يلا.
عبودي قفل الخط وعاين جهة الباب البخبط وقال : ادخلي.

اية دخلت وقالت : اريج قالت ليك تعال اشرب الشاي.
عبودي عاين للساعه الفي تلفونو وقال : ممكن تجيبيو لي هنا؟
_طيب.
عبودي قعد ف السرير لحدي م جابت الشاي ختتو قدامو وعايزه تمشي وقفها : اية.
التفتت عليهو.
عبودي وقف قدامها وبأبتسامه قال : اسف عشان امبارح كوركته فيك.
اية ضحكت بتوتر وقالت : لا .. عادي.
عبودي مده ليها يدو وقال : اصحاب اصحاب؟
اية صافحتو بأبتسامه : طيب💕.
_يعني عامليني زي اخوك عادي .. م تختي حدود بيناتنا فهمتي خليك زي اريج وايلاف.
اية هزت راسها بأبتسامه.
عبودي فكه يدو وقال : تصبحي على خير.
_وانت من اهلو.
طلعت وعبودي اتصل على ابوهو اتكلم معاهو شويه بعدها قفل ورقد نام.

____

مره اسبوع من غير جديد .. عبودي ايلاف قاعده قصادو هو وعلي تقريهم .. طلعاتهم خففوها لانو امتحاناتهم قربت شديد .. بيان وعزوز علاقتهم كويسه شديد وماف جديد.
___

ومع اول اشراقة شمس تلبدت السماء بالغيوم والجو بقى باارد وريحه المطر ترد الروح💕..
طلعت راسها من البطانيه وهي بتعاين ناحيه الشباك بأبتسامه .. تابعت عزوز بنظراتها اول م جا داخل لابس ملابس الشغل .. ابتسم ليها وهو ببعد الستاره عن الشباك : صباح الخير ي حلوه.
_صباح النور .. صحيت متين؟
_قبل شويه لبسته وجيت عشان البس الجزمه لقيتك صحيتي.
بيان وهي بتقيف : انتظرني اعمل ليك عصير ف الجو السمح د طيب؟
_خلاص تمام الوقت بدري زاتو.

بيان دخلت الحمام اتسوكت ودخلت المطبخ جهزت كبايتين عصير جوافه باللبن💕 وفتحت شباك المطبخ وقعدت هي وعزوز ..
عزوز وهو بشيل الكبايه : انتي هسي م بتزهجي.. يعني بتكوني قاعده براك ساعات طويله لحدي م انا اجي.
_بتجي امنيه تقعد معاي امها بتجيبها دايماً
_ايواا .. خلاص الليله لو رجعته بدري بفسحك😉.
بيان بفرح : بجد؟؟ وين؟؟
_امممم اختاري انتي عايزه وين؟
_منتزه؟
_اوك ان شاء الله بجي بدري ونمشي.
_خلاص تمام.

___
" ي ود ... هي... ي عبدوو ... عبدووووو "
اتغطى بالبطانيه وهو بقول : امممممممم.
_ياخ قوم شوف الجو الظابط د كيف .. ارح نطلع .. اسمع قبل شويه عادل دقه لي قال لي هو ومعاو جكس نضييييف ماشين شارع النيل م عايز افوت الطلعه د.
عبودي من تحت البطانيه : احلف بس.
_ي زول والله .. بفوتك قوم البس سريع.
عبودي زحا البطانيه وهو بقول : وانت الجابك هنا شنو ولا انا نايم ف بيتكم ولا الحاصل شنو؟
_لالا انا جيتك ف بيت خالتك فتحت لي ايلاف .. انا حمشي اشرب الشاي وانت البس سريع.
عبودي عاين ليهو من فوق ل تحت وقال : انت لابس التيشيرت بتاعي؟؟؟؟
_اي.
_وكمان التيشيرت البحبو .. اقلعو قبل اقلع ليك جلدك.
_انت شايل الاسبورت بتاعي الاشتريتو ب دم قلبي وحلفته يمين بالله م ترجعو لي .. ماف ليك تيشيرت قوم البس اي شي.
علي طلع يشرب الشاي وعبودي مسح وشو ب يدو وقام دخل الحمام ادوش ولبس قميص اصفر وبنطلون ابيض واتعطر ولبس الاسبورت بتاع علي لونو اصصصصفررر يوديك الدرب💛.. وشال مشط اولاد ونزل تحت لقى علي وايلاف اخر ونسه قعد معاهم وهو بسرح شعرو وبعاين ليهم.
ايلاف : ماشين وين انتو قاشرين كد😉.
علي : ماشين ل واحد دفعتنا امو اتوفت.
ايلاف بحزن : واي مسكين وحالتو ممتحن .. وبعدين انتو لابسين كد وماشين عزاء؟!
عبودي : لالا ماااا بعداك حنمشي عرس .. عرس اخو صاحبنا.
_من العزاء ماشين عرس وكمان امتحاناتكم التجريبيه الموحده قربت.
علي وهو بضغط رجل عبودي من تحت السفره : مااا عرس ياخ  .. ماشين الكورس كيف يعني نمشي عرس؟
_ااا اي اي صح الكورس.
ايلاف : 😒.
عبودي وهو بقوم : م تدخلينا ف فتيل ماشين نقرا وخلاص .. ارح ي علي.
وتنقش تنقش الاتنين طلعو وخلو ايلاف بتعاين بأستغراب.
عبودي جا راجع وقال : اريج نايمه صح؟!
_اي .. الليله عندها اجازه.
_اممم د الزيت زاتو ... اسمعيني اديني مفتاح العربيه امشي واجي راجع لانو المطره د احتمال تصُب شديد وم اقدر ارجع.
_استأذن منها اول.. والمشط الفوق شعرك د طلعو بكره الحركه د😑.
عبودي وهو بطلع المشط وبجدعو ف اقرب كرسي : كويس كويس.
طلع اوضة اريج لقاها نايمه مع خالتو هند .. براحه وقف جنبها وعاين لقى المفتاح ف الكوميدينا ابتسم ب انتصار وشالو ونزل سريع لقى علي قاعد ف المسطبه.
عبودي : الليله ي اصلي حوديك شارع النيل ب لاندكروزر برادو😎.
علي وقف بفرح وقال : اشششش حقت منو؟
عبودي وهو بقرب ناحيه العربيه وبفتح الباب : بتاعت اريج وهي نايمه خلينا نمشي سريع.
علي وهو بركب قدام : ظابط.

____

كلهم قعدو جنب ست شاي ف شارع النيل اولاد على بنات وعلي وعبودي قاعدين جنب بعض .. عبودي همس ل علي : متعمل فيها تقيل وماسك التلفون شوف البنات ديل سمحات كيف.
علي التفت عليو وقال : انا عايز الابسه فستان اصفر د.
_الابس اصفر يحنك الابسه اصفر.
_اذكرك انو د الجزمه بتاعتي😑💔.
_مشكلتك.

" الود د حلاتو اسمك منو؟! "

عبودي وعلي عاينو ناحيه البت البتعاين ل علي بأبتسامه.
علي بأبتسامه : انتي الاحلى ياخ اسمي علي.
_التيشيرت بتاعك حلو شديد .. بحب النوع د من التيشيرتات.
_من ذوقك.
عبودي : 😒😒😒.
البت اللابسه اصفر : حتى الولد د الاسبورت بتاعو حلوووو جداً .. اشتريتو من وين؟!
عبودي وهو برفع رجل فوق رجل : من لندن😌.
علي عاين ليو : لندن؟؟؟؟؟؟؟؟
_اي من لندن عندك اي اعتراض؟!
علي وهو بهز راسو بعدم استيعاب كلمه لندن : ابداً
علي وهو بقيف : بعد د نمشي اتأخرنا.
عبودي : نمشي ؟؟
علي بصوت واطي : اتقل ي شاي البكى.
البنات : لي اقعدو شويه.
عادل وصحبو : ي شباب انتو جيتو متين اقعدو ياخ.
عبودي : نمشي والله عندنا مشوار عشان م نتأخر.
الابسه اصفر : اوكي .. خلاص ادونا ارقامكم عشان نعمل قروب لانو م اتعرفنا لسه.
عبودي : ي عادل اديهم ارقامنا كويس.
عادل : من عيوني.

عبودي وعلي ركبو العربيه واتحركو.
علي وهو برجع ل ورا ف الكرسي : من لندن قلته لي.
عبودي : 😏.
_تلفونك بدق م سامعو؟!
_د دنيا خليها.
_معايز ترد؟ .. خلاص لقيت ام اصفر؟!
_علي.
_سكته.
‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‏
‌‌‌‌‌‌‌‌‌‌‌‌‌‌‌‌‏ ‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‏ ‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏
*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《09》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
قلعت الطاقيه المعموله من السعف وعاينت ليهو بأبتسامه وقالت : الجو مبالغه رهيب عديل💕.
عزوز بغمزه : جو بشبهك😉.
ضحكت بخجل وقالت : عارف .. امبارح فكرته ف اول ولد لينا حسميهو منو.
_اها؟!
_لؤي.
_اسم جميل بجد💕.
_ولو بت حنسميها روح عشان ينادوها روح عبد العزيز🙈.
عزوز ضحك وقال : حتى لو م سميناها روح حفضل روحك😌💕.
ابتسمت ب خجل وقالت : انت م حصل غنيت لي .. عايزه اسمع صوتك.
عزوز وهو بوجه نظرو ناحيه السماء : اغني شنو لكن امممم .. اتذكرته غنيه معبره .. احمم..
عزوز اخد نفس وب صوت جميل : مش قلت ليك انا بشبهك .. جبت الشبه من ريدتي ليك .. وملامحي شلتها من هواك .. شوف العيون ياهم عينيك .. نفس الطباع .. شكل القعاد .. هز الرجل .. خطوات مشيك .. والشي الغريب.. قلبي المعاي.. قاعد جواي ويدق بيك💕💕.

___

جات جاريه من الشارع دخلت ل ايلاف ف اوضتها وقالت : ايلاف .. وين .. وين العربيه؟؟ .. وين المفتاح؟؟؟ واي م يكونو سرقوها😭.
ايلاف بأستغراب : كيف ؟ عبد الرحمن م استأذن منك؟؟
_استأذن ف شنو؟
_هو قال عايز عربتك عشان يمشي الكورس وانا قلته ليو يستأذن منك.
اريج اخدت نفس وقالت : عبد الرحمااااااااااااااان.

__

" عبد الرحمااااااااااااااان "
داس فرامل وقال : والله اكفتك ي علي ف شنو بتكورك ف اضاني.
_من قبيل بتكلم معاك وانت سارح ف هواها.
_هوا يخمك.
_هدا بيتنا .. نسيتو ولا شنو؟
_اي اتلخبطه .. خلاص انزل يوم الاحد نتلاقه ف امتحان الفيزياء .. اول امتحان كمان.
علي وهو بنزل : قدام ي اصلي.
عبودي ضرب بوري وعلي التفت عليهو قام اشر على التيشيرت.
علي اشر ليهو على الجزمه ودخل... وعبودي رجع بيت خالتو هند ورقد نام بعد الشكله الطوييله مع اريج ...
صحى المغرب وقام غسل وشو وشال التلفون لقى مكالمات من دنيا رجع ليها ومن اول جرس ردت..
_دنيا.
_عبد الرحمن .. وين انت؟! من الصباح بضرب ليك م بترد.
_كنت ف حصه وجيت نمته.
_طيب كان ترسل لي على الاقل عشان اعرف انت وين.
_م حصل شي خلااص .. انا حمشي اتغدا لاني جعان شديد.
_اوكي .. يلا.
عبودي قفل منها ودخل الواتس لقى عادل عمل القروب قام دخل لي رنا خاص(البت الكانت لابسه اصفر).. وبقى بتونس معاها كتير بعدها قفل الداتا ونزل لقاهم بعملو ف الغدا قعد ف السفره منتظرهم.
اية ل امها : ماما بعد الغدا ممكن امشي ل صحبتي؟؟
عبد الرحمن : ماف بنات بطلعو بعد المغرب.
هند وهي بترص الغدا : لالا ي عبد الرحمن صحبتها ملاذ د انا بعرفها وهم عايزين يتونسو مع بعض لانو الليله كان اخر امتحان.
ايلاف وهي بترص الغدا مع امها : وانا بكره قاب وبعدو فاينلي💃.
اريج : الاكل انا جعانه خلو الكلام.

اثناء الاكل عبودي عاين ل اية لقاها بتاكل براحه وبتمضغ الطعام بهدوء.
عبودي : انتي ضعيفه كد عشان م بتاكلي د شنو اكل الشفع د اكلي زي الناس ي بت.
هند : اكلها ضعيف والله.
_خليك زي انا وعلي بناكل خمستاشر وجبه ف اليوم.. خمسه مرات بنفطر وخمسه مرات بنتغدا وخمسه مرات بنتعشا ود غير الجوعه البتجي نص الليل.

اية ضحكت وقالت : لكن بعد د كلو ضعيفين شديد.
_اي لاننا بنلعب كوره وبنتمشى كتير.
اريج تلفونها ضرب قامت شالتو وطلعت بره ... بعد خمسه دقايق جات زهجانه وقعدت تنقنق براها.
عبودي عاين ليها وبلع اللقمه وقال : خلوك؟ .. شلبوك؟ .. م تزعلي بمشي وبجي غيرو الاولاد راقديييين.
اية وايلاف وهند واريج : 😂😂😂😂😂.
اريج : م كد والله .. د مدير الفرع بتاع الشركه الانا شغاله فيها قعد يكورك فيني عشان ف ملفات م سلمتها للسكرتيره امبارح.
عبودي قرب منها وقال : اسمعي .. حنكو قدييييييم .. د بحبك وعشان انتي عامله تقيله هو زعلان وبعمل ليك مشاكل من اقل شي عشان يتكلم معاك بس.
اريج بأستغراب : انت جادي؟؟؟؟😳
_كيف م جادي!
اية وهي بتقيف : انا حمشي البس عشان م اتأخر.
عبودي : خلي اريج توصلك م تمشي براك.
اريج : البسي سريع.
_حاضر.

_____

بعد رجعت من المنتزه وقضت وقت جميل معاهو اخدت دش وقعدت ف التلفزيون..  كانت ماسكه الريموت وبتقلب القنوات ب ملل فجأه سمعت صوتو وهو جاي من الاوضة : جيبي القناة القبل شويه.
عاينت ليهو : ياتو وحده انا من قبيل بقلب ف القنوات.
_القبل د الشغال فيها فلم.
_لااااا شكراً شغاله فيها فلم الرعب * الدميه تشاكي*.
_د الجزء التاني م مخيف زي الاول.
_بتذكر الجزء الاول لمن حضرتو م قدرته انوم.
_لالا والله د م مخيف شديد وظابط زاتو.
بيان بعد تفكير جابت الفلم وعزوز قعد جنبها وهم مندمجين مع الفلم شديد.

_____

طلع اوضتو شال التلفون واتصل عليها بعد مسافه ردت : الوو؟؟
_رنا؟
_ايوا منو؟
_م سجلتي رقمي معقوله؟؟
_عبد الرحمن؟ .. اسفه والله نسيت.
_لالا عادي م مشكله.. اخبارك شنو؟
بعد ساعه ونص الباب خبط وجات ايلاف داخله وعبودي قفل من رنا وعاين ليها : اي ي ايلاف.
ايلاف وهي بتجدع ليهو المفتاح : امشي جيب اية من عند صحبتها لانو اريج نامت ولو صحيناها بتكسر البيت فوق راسنا.
عبودي وهو بقوم من السرير : ظابط ظابط.

نزل وركب العربيه واتحرك على البيت بعد م وصفتو ليهو ايلاف ب التلفون .. نزل وضرب الجرس فتحت ليهو البت الشغاله : ايوا.
عبد الرحمن : د بيت ملاذ.
_اي دايره ملاذ؟
_اول شي انا ولد م بت تاني شي اية جات عندكم هنا صح.
_اية؟!
عبودي بنفاذ صبر : اااااي ياخ خلصينا امشي ناديها لي.
_انا م يفهم كلام انتي.
عبودي اخد نفس وقال : اسمعي هنا جات بت؟
_اي جات.
_وينها يلا؟؟
_مشت.
_مشت وين؟
_م عارف قالت ماشه اسكريم مع ملاذ.
_وين محل الاسكريم د.
_أخر شارع هناك.
عبودي كور يدو ب غضب واتوجه ناحيه العربيه وساق ب سرعه.. وصل محل الاسكريم الفي اخر الشارع ... واول م دخل لقى اية ومعاها ولد لابس شورت قصير وتيشيرت وشعرو عامل زي ابو القنفد🙊 .. عبودي جرا الولد بقوه رقدو ف الارض ونزل فيو ضرب ب كلو عصبيه .. والناس بعاينو ليهم ب خلعه.. فجأه صحبو جا داخل المحل وضرب عبد الرحمن بنيه ولزاهو من صحبو .. الاولاد الباقين طلعو عبد الرحمن وحجزوهم منو .. عبد الرحمن عيونو كانت بتطلع شرار وم اتكلم غير م قال ل اية: اركبي.
اية بخوف شديد عاينت ل صحبتها الواقفه مع الولد الضربو عبودي وركبت ورا وهو اتحرك ب سرعه وهو بضرب الدركسون واية شابكه يدينها مع بعض وبتعاين ليهو بخوف .. طول الطريق ماف زول اتكلم لحدي م وصلو عبد الرحمن طلع المفتاح من جيبو وفتح الباب وجرا اية من يدها طلعها فوق اوضتها وفتح الباب ولزاها جوه وبغضب شديد قال : وقسماً بالله ي اية تطلعي من هنا اكسر ليك رجلينك .. فاهمه؟؟
وطاااخ قفل الباب ب قوه وعايز يمشي سمع صوت ايلاف طالعه من اوضتها : عبد الرحمن ف شنو بتقفل الباب د كد😳.
عبد الرحمن م رده ودخل اوضتو وطاااخ قفل الباب .. ايلاف بأستغراب اتجهت ناحيه اوضة اية لقتها قاعده ف السرير بتبكي لمن بتشهق.
ايلاف قعدت جنبها وبأستغراب قالت : اية .. ف شنو مالو عبد الرحمن؟
اية : ........
ايلاف : احكي لي عارفاو حيكون فهم غلط لانو واثقه فيك م حتكوني عملتي حاجه.
اية سكتت مسافه بعدها قالت : ان.... انا ك ...كنت مع ملاذ صحبتي ف بيتهم و ....وهي قالت لي نمشي محل الاسكريم القريب من .... منهم ومشينا ... وهي كلمت ود خالتها يوصلنا .. و .... وود خالتها جاب معاو صحبو .. والولد كان بتكلم معاي لانها طلعت مع ود خالتها محل قريب ع ... عشان تشتري هديه ل وحده صحبتنا عيد ميلادها قرب... و .. وعبد الرحمن شافني معاو .. وقام ضر... ضربو.
وبقت تبكي شديد ..ايلاف حضنتها وقالت : اية عادي عبد الرحمن د اخوك وخايف عليك ولو اي ولد كان محل عبد الرحمن كان حيخاف على اختو.
_ل لكن عبد الرحمن فاهمني ... فاهمني غلط... انا م عملته حاجه والله.
_بتكلم معاهو انا م تخافي وبفهمو اي شي .. يلا هسي نومي وم تفكري ف اي شي .. ولا تنومي معاي ف اوضتي؟

اية اخدت نفس وقالت : لا .. بنوم هنا.
ايلاف باستها ف خدها وقالت : تصبحي على خير وانا بتكلم مع عبد الرحمن.
_لالا م تتكلمي معاهو هسي خليهو بكره لانو هسي م حيرضى.
_طيب حاضر بكره بتكلم معاهو يلا نومي.
ايلاف غطت اية وطلعت دخلت اوضتها نامت .. اية كل م تتذكر الموقف دموعها لا ارادياً بتنزل .... وعبد الرحمن بعد وقت طويييل نام.
___

الساعه 3 صباحاً ..
نغمة تلفون عبودي علت رفع راسو وشال التلفون وعاين للرقم مسافه ورده : الووو.
_ياا***
عبودي عقد حواجبو وقال : انت منو ي زول؟!
_عامل لي فيها راجل وبتضربني؟؟ انا بعلمك الرجوله يا ***.
عبودي ابتسم ب سخريه بعد م عرف المتصل الولد الضربو ف المحل وقال : م تقعد تتجنن فيني شغل التلفون د شغل بنات .. بلاقيك عدييل ي اصلي.
_قداااام بعد العصر تعال الميدان الكبير.
_خلاص ظابط .. بس عليك الله تعال جد جد م تعمل فيها عنتر ف التلفون بس.
_عليك الله ي شافع لسانك د بقطعو ليك.
_افصل نفسك.
تيت تيت.
بعد قفل الخط جدع التلفون ف الكوميدينا ورقد نام...
‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‌‌‌‌‌‌‌‌‏ ‌‌‌‌‌‌‌‌‏

*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

*🕸️ الحــب الاســـير 《10》💜*
*🕸️ بقلم : .. Doaa ♥️*
​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​ ​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​ ​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏ ​​‏​​‏​​‏​​‏​​‏​​‏​​‏​​‏​​‏​​‏​‏​​‏​​‏​​‏​​
*🕸️ تنسيق:Ќαɳ Żɱαɳ*​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​ ‏​​‏​​‏​​‏​​‏​​‏​​‏​​‏​​‏​​‏​
​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏​​‏
" لاااااااااااا "
قام من النوم مخلوع بصوت صراخها وحضنها ب سرعه وهو قلبو بدق بقوه لانو اتخلع شديد .. مسكتو من قميصو وهي بتقول : الد..ميه .. الدميه جات.. شفتها بتعاين لي.
عزوز اخد نفس وقال : بسم الله الرحمن الرحيم ي بيان ماف شي م تخافي انا معاك.
وبقى بقرا ليها قران لحدي م نامت وهي ماسكاهو من قميصو قوي .. رقد مسافه بعدها نام.

" الله اكبر الله اكبر "

صحى بصوت الاذان وعايز يقوم مسكتو قوي وكأنها بتحتمي بيهو من الكوابيس الشافتها .. مسح على شعرها وهو بقول : بيان حببتي قومي الصبح أذن.
بيان : امممممم.
_بلا اممم معاك قومي صلي.
بيان وهي بتحاول تستوعب : ف شنو؟
_الصلاة .
_طيب قايمه.
_اتوضى واجي القاك قمتي.
عزوز دخل الحمام اتوضى وطلع لقاها راقده قام شالها وقفها قدام باب الحمام وقال : والله بدقك بعد د.
_اوف منك.
قالت جملتها وهي بتدخل الحمام .. قعد ف المصلايه منتظرها لحدي م طلعت وصلوا سوا💕.. بعد الصلاة قامت رقدت بتعب.
عزوز وهو برقد جنبها : د السهر .. تاني من بعد العشاء تنومي.
_انت قلته لي اتفرجي معاي فلم.
_ي زوله؟؟ .. قومتك من النوم قلته ليك اتفرجي .. لقيتك مرزوعه ف التلفزيون.
_هشش خليني انوم.
عزوز صرخ وهو بنط فيها : وااااععع الدميه جات.
بيان قامت ب سرعه وشالت الشبشب من تحت السرير وطاخ طاخ ف عزوز القعد يضحك ب هستيريا😂😂😂.
بعد تعبت من الدق قامت منو وقالت : حيوان اهبل طيرته لي النوم زاتو.
عزوز وهو بضحك : والله منظرك يقتل😂😂😂.
بيان عاينت ليهو ب غيظ وطلعت الهول رقدت ف الكنبه وهي بتصلح شعرها.
لوت خشمها اول م جا طالع من الاوضه بضحك .. عاينت ليهو وقالت : ياخ اسكت ماف شي بضحك.
عزوز قعد جنبها بعد م سكت شويه وقال : والله كان اصورك منظرك رهيب عديل ومع شعرك المنكش د انتي هسي فرقك شنو من افلام الرعب؟
_اضحك ليك يعني؟!
_لالا ياخ م تزعلي بهظر معاك.
_الليله مش عندك شغل؟
_الليله الجمعه .. ماشي انوم م تصحيني الا الظهر يأذن ظابط؟
بيان وهي بتتسائب : انا زاتي عايزه انوم.

___

قاعد ف الاوضه بدخل هدومو ف الشنطه راجع البيت .. جات داخله عليهو بأبتسامه وهي شايله كبايه عصير : والله حنفقدك ي عبودي.
التفت عليها عبد الرحمن بأبتسامه وهو بشيل الكبايه : انا كمان والله .. حرجع للبيت وللزهج كنتو مونسني.
ايلاف : مع انو م اتونسنا معاك كتير لانك م فاضي من التلفونات😉.
ضحك بخفه بعدها شرب من العصير شويه واداها الكبايه : باقي شويه هدوم عايز ادخلها الشنطه وخلاص.
_عايزه اتكلم معاك بخصوص ... اية.
عبودي قبل على الجهه التانيه وهو بدخل الهدوم متجاهل كلامها.
_اسمع ي عبد الرحمن انا عارفه انك خايف على اية وهي زي اختك لكن والله انت فهمتها غلط اية بريئه جداً ومسكينه بطبعها .. مرات يعني بتكون مسكينه م دايماً😂.
عبد الرحمن ببرود : ايلاف قفلي السيره د عليك الله.
_اسمع الحصل هي مشت مع صحبتها و... حكت ليهو الحصل ، وانت ي عبد الرحمن بجد كبرته الموضوع.

عبودي بعد سمع القصه من ايلاف جدع الشنطه وهو بقول : هي وين اسي؟
_ف اوضتها .. ابت تشرب معانا الشاي.
عبودي اتنهد وهو بطلع متجه ناحيه اوضتها خبط الباب لمن م لقى رد قام دخل لقاها واقفه ف البلكونه .. اخد نفس واتجه ناحيتها وقف متكل ف باب البلكونه ومدخل يدينو ف جيبو .. كانت شارده وم حست بيهو دخل .. لابسه عباية الصلاة وشعرها عاملاهو جمايكتين والهوا بلعب بشعرها ..

" من قبيل بخبط م سامعه؟! "

التفتت ب سرعه وعاينت ليهو مسافه : اسفه م سمعته الباب.
عبد الرحمن وقف جنبها وقال : صحبتك الطلعتي معاها امبارح د تقطعي علاقتك معاها وم عايز اسمع انك طلعتي بعد المغرب فاهمه؟
سكتت م ردت.
عبد الرحمن بحده : سامعه؟
اية هزت راسها بضيق.
عبد الرحمن : اسي ارح اوضتي تلملمي معاي هدومي لانو راجع البيت .. يلا.
طلع من الاوضه ودخل اوضتو وهي بعد مسافه مشت وراهو .. لمت باقي الهدوم ودخلتها الشنطه .. عبد الرحمن وقف ف المرايه وبسرح ف شعرو وهي بتعاين ليهو بأبتسامه💕 .. لمن انتبه ليها نزلت عيونها ف الارض.
عبد الرحمن وهو بشيل الشنطه : ارح.
نزل لقاهم قاعدين ف الهول سلم عليهم وودعهم كلهم وطلع.

______

بعد العصر.

_انت جادي ي عبدو؟!
_اي جادي ي زول واسي ود ميكي د قلته ليو تلاقيني عديل.
_قداام انا بجي معاك .. اسي نتحرك طوالي؟
_انت اتحرك اسي على الميدان لانو بيتكم بعيد.
_خلاص ظابط .. اسمع اكلم عادل يجي معانا هو والاولاد لانو م اظن يجي براهو.
_عادل شنو ياخ .. ان شاء الله يجيب معاو ميه نفر م عندي شغله انا مشكلتي معاو هو.
_ظابط ي صحبي .. اسمعني .. كيف مع رنا؟
_ارتبطنا خلاص قول لي مبروك.
_قادر قلته لي😂.
_د كلامك.
_خلاص يلا بنتكلم بعدين.
_كويس.
____
جا داخل المطبخ لقاها بتعمل ف قهوه قعد ف السفره وقال : يالسمحه💕.
بيان : آي.
_الليله ف البيت الكبير عاملين لمه كد .. نشرب القهوه د ونطلع طيب!
بيان : اي خلاص تمام وعبودي عايزاهو يمشي معانا عشان شهاب يشرح ليهو هندسه.
_اوك تمام.
بيان ختت فنجانين قهوه ف السفره وطلعت الهول شالت التلفون واتصلت على عبودي..

_عبودي كيفك؟
_تمام.
_رجعته من ناس خالتو؟
_اي قبيل الصباح.
_ايوا كويس .. طيب اسمعني .. بعد شويه كد تعال البيت الكبير طيب.
عبودي بزهج : ي الله .. لي ياخ ف شنو.
_عشان شهاب يشرح ليك .. جيب معاك دفتر وكتاب.
_م بقدر اجي عندي امتحانات بعد بكره.
_لا لازم تجي المدير قال لي تاني امتحان هندسيه.. وشهاب شاطر فيها.
_بقرا براي ي بيان.
_كلام واضح تجي يعني تجي.
_ي بيان عليك الله ا....
قاطعتو : عاين هنا يشرح ليك وترجع البيت ف شنو؟
عبودي اخد نفس : خلاص كويس.
تيت تيت.
بيان ختت التلفون بعد م عبودي قفل الخط ودخلت المطبخ..
عزوز وهو شايل الفنجان : معايز يجي ولا شنو؟!
_طبيعي وهو م عايز يطلع من البيت بس بحب الحوامه مع اصحابو.
_عادي اي ولد ف سنو بعمل تصرفاتو د.
_عزبني عزاب.
_ولا يهمك بكره يكبر ويعقل.
_ان شاء الله.

_____

نزل من المواصلات واتحرك على الميدان الكبير .. كان لابس ترينينق وتيشيرت .. شاف ولدين واقفين جنب عربيه توسان .. ابتسم ب سخريه واتوجه ناحيتهم بخطواط واثقه .. الولدين اول م شافوهو وقفو وعاينو ل بعض وضحكو.
عبودي دخل يدينو ف جيوبو وقال : البضحك شنو؟
واحد من الولدين : شافع و*
عبودي ضربو بقوه ف وشو وبصوت عالي : اوعك تسب.
الولد التاني بسرعه مسك عبودي من يدينو ل ورا قوي وقال لصحبو : ي اصلي .. انتهي من الشافع د.
عبودي وهو بحاول يفك يدينو حسى ب بنيه ف وشو خلت خشمو ينزف .. الولد بقوه تاني ضربو بنيه ف بطنو.
عبودي نزل راسو وغمض عيونو شديد من الألم وتاني رفع راسو بقوه ضرب الولد الماسكو ف وشو ود الخلا الولد يفكو ويرجع ل ورا .. نط ف الولد القدامو نزل فيهو ضرب عنيف.
الولد زحى منو وقال : بت خالتك *** زيك ي شافع.
عبودي عيونو بقت شرار ومسك الولد تاني دقاهو وبصوت عالي قال : اوعك تجيب سيرتها ي حيوان.
الولد التاني طلع سكين ومسك عبودي من رقبتو وقال : هه لو اتحركته حتموت.
عبودي كور قبضتو ب غضب وقال : احسن تبعد.
فجأه عاين لقى الولد الكان ماسكو واقع ف الارض قبل ب سرعه لقى علي.
علي وهو بقلع التيشيرت : م اكون اتأخرته.
عبودي بأبتسامه : ف وقتك.💕
عبودي وقف جنب علي و الاتنين عاينو للولدين الواقفين قصادهم..
علي بغمزه : نبدأ؟
عبودي بأبتسامه سخريه : ارح.
وهجووووم🙆.

___

ف البيت الكبير.
بيان قاعده جنب عزوز وكل شويه تعاين للتلفون عزوز انتبه ليها : مالك؟
_ياخ عبودي بضرب ليهو من قبيل م برد .. والمغرب قرب يأذن.
عزوز وهو بطلع التلفون من جيبو : كدي بدق ليهو انا..

" تووووت .. تووووت .. تووووت .. الو عزوز "

عزوز عاين ل بيان وقال : ي عبدو وين انت؟!
عبودي : قربته خلاص.
_م تتأخر.
_طيب.

____

_عايني هنا قومي غسلي وشك د عليك الله م تقعدي تتبكي زي الهبله كد ماف زول بستاهل تبكي عشانو.
بتبكي لمن بتشهق : بس .. هو .. هو ات .. اتغير معاي.
_شوووووفي هناا د اووعك تتبكي وتتعولقي كد ولا تتصلي عليهو تاني عشان م اجي اقتلك .. خلي عندك كرامه شويه م ممكن ياخ كرامتك د كان ختوها ف كيس دهب ماف زول بشيلها .. هو م بستاهلك اصلاً انتي حلوه شديد وطيبه وقلبك ابيض وبجد ماف زيك .. وهو واحد بتاع بنات وتافه وحيوان وكلو عليهو واصلا هو م راجل.
_عارفه .. لكن .... لكن انا بحبو شديد💔.
_عادي انتي م اول بت ولا اخر بت يخلوها تمام .. فتره وحتعدي .. وحتنسيهو كأنهُ لم يكن.
_انساهو؟! .. مستحيل م بقدر والله م بقدر انا اتعودته عليهو .. صوتو وشكلو وزعلو وضحكتو و اي شي💔.
_بتقدري والله بتقدري وانا حكون معاك لحدي م تنسيهو .. كلها فتره وحتعدي وحتلقي الاحسن منو .. الدنيا م وقفت عليهو ولا على غيرو .. لمن تكوني عايزه تنسيهو وتتخذي القرار حتقدري والله حتقدري .. انا عارفه الفتره د حتكون صعبه شديد لكن حتعدي والله.
انفجرت بكى وهي بتقول : انا ع...عملته شنو .. ط..طيب؟؟؟؟
_هو ف ولد بخلي بت عشان عملت حاجه ؟؟ ..هو لو بجد بحبك م حيخليك لو عملتي اي شي .. لكن هو م بحبك اصلاً .. هو كذاب وخاين وزفت وكلو عليهو .. الله يحرقو ياخ .. ربنا يوريهو على قدر م زعلك وكل دمعه نزلت منك.
مسحت دموعها وهي بتقول : لالا م تدعي عليهو .. حتى لو انا بعدته منو عايزاهو يكون مبسوط وم يشوف شر.
_شنوو مبسوط! .. اقسم بالله انتي وحده هبله بس م اكتر .. اصلاً مستحيل اخليهو ينوم ويمشي ويجي زي الناس لازم انتقم منو والله الا اوريهو النجوم عز الظهر.
_عشاني عشاني بس انسي اي شي .. هو حيندم على اي شي بس انا م عايزه اكون سبب ف زعلو .. عايني باب الاوضه بخبط برجع ليك.
_طيب يلا.
شهاب جا داخل : دنيا ممكن تجهزي عصير لانو بيان وعزوز وعبد الرحمن جو! ...


*☆و نواصل 🦋💙☆☆*

*الحمدلله*
*والصلاة و السلام*
*عــلـي من لا نبي بعده*
*اللهم صلي وسلم وبارك علي سيدنا محمد وعلي آله وصحبه وسلم*

*Ќαɳ Żɱαɳ*💙🤍

اسفه ع التأخير ي جماعه 😔🤍

‏لذالك يجب عليك تجاهل مايجب عليك إدراك وجوده ، ولكن لابد من عواقب وخيمة.

القلب المنكسر هو ما يغير الناس
A broken heart is what changes people

• ‏تعلمت أيضاً بأن الحُب علم ، وليستْ مشاعر كما يظن أغلبية الناسْ