What every cross-section of the brainstem looks like:

Nuclei... Nuclei everywhere :")

Midbrain is made of 2 parts:

- Tectum

- Cerebral peduncles, which are divided to:
• Crus cerebri
• Tegmentum

احب لما المواضيع تترابط، تنطي نفس الشعور لما تحط آخر قطعة بل puzzle

Cerebrospinal, cerebronuclear, and cerebropontine tracts within the crus cerebri

التشجّرات الموجودة بداخل المخيخ Cerebellum يسموها باللاتيني Arbor Vitae اللي معناها "شجرة الحياة"

المخيخ (وهاي التشجرات) رغم صغر حجمه بس يحتوي على 80% من الخلايا العصبية بالجهاز العصبي المركزي، وهو مسؤول عن الحركات الدقيقة والمعقدة والتخطيط للحركة وحتى عن بعض الوظائف الواعية واللغة

علماء الأعصاب جانوا يحاولون يكتشفون منطقة بالدماغ ممكن تشتغل دائمًا وبكل الحالات والمواقف. بس ورة محاولات هواي، فشلوا بإيجاد هيج منطقة.

لكن بالمقابل لاحظوا أنّ المُشاركين لما جانوا يحلمون أحلام يقظة daydreaming أو يصفنون، تشتغل عدهم منطقة سمّوها Default network (DN) لأن هالمنطقة هي مثل النظام الأساسي للدماغ؛ ببساطة لما الدماغ معنده شي يسويه، هالمنطقة رح تشتغل. يعني هي مثل الطيار الآلي auto-pilot.

وظيفة ال DN هي أنّ يخليك تفكر بالماضي reminiscense وتخطط للمستقبل وتفكر بسيناريوهات خيالية وتقيّم علاقاتك الاجتماعية وية باقي البشر... ببساطة، وظيفته هي أنّ يخليك تفكر بحياتك الاجتماعية، ويعيشك بمحاكاة اجتماعية.
بالإضافة لهذا، فهو يخلق الشعور بالذات self-identity ويخليك تلصق صفات معينة لذاتك بناءً على تجاربك السابقة، وهو المسؤول عن تكوين ال theory of mind المهمة كلش بطيف التوحّد. وكذلك مسؤول عن الذكريات (بالتحديد episodic memories)


ال DN يبيّن أنّ البشر اجتماعيين بطبيعتهم لدرجة أنّ النظام الأساسي بأدمغتهم هو نظام اجتماعي يخليهم يقيّمون ويفكرون بعلاقاتهم وية باقي البشر. وحتى الرضّع اللي ما زالوا بدون حياة اجتماعية، تكدر تشوف أنّ ال DN عدهم يشتغل.

Anatomically, it's in the medial fronto-parietal region + the angular gyrus

حاسة التوازن
هالحاسة مسؤولة عن أنّك تعرف مكانك بالنسبة للي حولك، وتعرف إذا إنت دتتحرك أو المكان ديتحرك من حولك.
الحاسة تتكون من جزئين:

1- الأُذن الداخلية: تتذكر من جنت طفل وتفتر حول نفسك لحد متدوخ، وتبقى تحس الدنيا تفتر بيك حتى وانت كاعد؟ هذا بسبب الأذن الداخلية.

2- حاسة البصر: الدماغ يحلّل المعلومات اللي توصله من العيون ومن الأُذن الداخلية حتى يكدر يعرف إذا هو متوازن لو لا.
بالفيديو هذا، الأُذن الداخلية دترسل معلومات تكول "أنت متوازن"، بس العيون دترسل إشارة متضاربة تكول أنّ المكان ديفتر بيك... بالنتيجة، دماغك ياخذ بكلام حاسة البصر ويغلس عالأذن الداخلية ويخليك تمشي مثل the walking dead

لهذا إذا غمضت عيونك، رح تمشي طبيعي

الجهاز العصبي يتكون من نوعين* من الخلايا:

1- خلايا عصبية Neurons: يقومن بوظائف الجهاز العصبي اللي نعرفها، مثل معالجة المعلومات والتحكم بالعضلات والذاكرة وغيرها. هاي الخلايا غير قابلة للانقسام. تنولد ب 86 مليار خلية عصبية بدماغك، ولازم تدبر حالك لباقي حياتك بيهن.

2- خلايا دبقية (مُساعِدة) Glial cells: وظيفتهن يساعدن بالحفاظ على البيئة الملائمة للخلايا العصبية حتى تشتغل. وتؤدي وظائف مناعية، أيضية وغيرها. ذني قابلات للانقسام والتمايز. يعني إذا فقدت جزء منهن لأي سبب، رح ينقسمن ويرجعن لنفس العدد. ولهذا السبب بالذات، سرطانات الدماغ تنشأ منهن مو من الخلايا العصبية (لأن الخلايا العصبية غير قابلة للانقسام، على عكس الخلايا الدبقية).

*أكو نوع ثالث هو الخلايا مال الأوعية الدموية اللي بالدماغ endothelial cells. بس هاي الخلايا موجودة بكل الاوعية الدموية بالجسم، مو بس بالجهاز العصبي

Finally, let's talk about Brain Tumors