أشهد الله أنني نويت التوبة عن كل ذنوبي وزلاتي وكل معصية تغضبه . اللهم اغفر لي خطاياي وطهرني من ذنوبي كما ولدتني أمي واخرجني من الدنيا بلا ذنب ولا عيب . رب، إن كان هذا آخر أيامي في الدنيا ، فاجعلني من التائبين، وارزقني لقاءك وأنا خال من الذنوب، واجعل الجنة لي مستقرا ومأوى . اللهم اغفر لي خطاياي ولا تقبض روحي إلا وقد غفرت لي جميع ذنوبي.

أجواء جامعية من جديد

الي قاعد طالب جامعي يستمتع بيها لان والله فيها جو مايتعوض، مش عارف علاش مستعجلين على التخرج

طبعا حتى اني كنت مستعجل على التخرج وتخرجت بكري من غير ان كاسب سنة من الاساس لان هذا شعور كل طالب او بالاحرى كل إنسان يبدا مركز على الوجهة اكثر من الرحلة

يبدا يحرق في روحه غر المهم باش يوصل

في النهاية اول ماتوصل حتكون فرحة لحظية وبعدها حتمر بفترة فراغ

ايه نعم التخرج بحد ذاته إنجاز لكن في النهاية الذكريات هي الي بتقعد، شن الفائدة انك وصلت لكن مدمر؟

فا اي طالب قاعد يقرأ توا نصيحة اعرف كيف توازن بين دراستك وحياتك واستمتع بالرحلة بكل لحظاتها، لان صدقني اول مابتوصل حتقول لروحك now what؟ مش تقليل لإنجاز الي انت درته لكن طعم الهدف مش في تحقيقه، طعمه في رحلة تحقيقه البروسس متاعه

الموضوع مش مقتصر على التخرج على اي انجاز في الحياة، ماتخليش تركيزك على الهدف ينسيك كيف تستمتع بالرحلة

الانجازات ماتحددش بتحقيق الاهداف، تحدد بمحاولاتك لتحقيقها

في النهاية الانسان مسيّر مش مخيّر

في النهاية ادعولي الامور تمشي على خير ونستمتع بالرحلة الجاية لو صار منها

خواطر صباحية، لان الجامعة ردتلي ذكريات،

سبحان الله لما نخش الجامعة نتفكر في ذكريات القراية والصحاب، ممكن آخر حاجة يخطر عليا التخرج، فا خلو حاجة تتفكروها لما تولو لنفس المكان من جديد...

I lost في حوايز ورشفانة لكن المنظر جميل

حتى من النت هرب