حطني ادمن

ولازلت اجاهد نفسي كل يوم
يعني باش مايقولش حد مدايرللنا جو الكمال 😂

⁣💌 وصلتك رسالة جديدة
⏱ وقت الرسالة: 2025/04/02 - 02:22:33 AM
----
https://t.me/TheUnseenPath/2119
مع كامل احترامي لكل الآراء و اكيد كل شخص ليه وجهة نظر لكن انى نشوف انه الطفل اللى بيربوه أهله بدون تليفون مش ناقصه حاجة ولا فايته ولا اي حاجة حرفيا ودخلت فى نقاش مع أشخاص برضوا عندهم فكرة المراقبة وانه دير ايميل مربوط بتليفونك قصدى ليش من الاول لما هو بتقعد خايف وأقل فيديو تقعد تراجع فيه لو شاف شي غلط ابسط مثال احنى توا اغلبنا بل معظمنا مكانش عنده لا تليفون ولا شي أكبر شي كان ايباد لأطفال الحوش كله و بمعاد و وقت ما ينقال قيموا الايباد حرفيا يختفي لكن توا تعالا قول لطفل هات تليفونك والله لما يدير العار وينقز و يضرب ، الطفل اللى أهله ف وقت توا بيربوه بدون هاتف نبشرهم بأذن الله قبل كل شي طفل سوى عنده صبر و تركيزه ممتاز بدون اي تشتت عنده متسع من الوقت وهادا كنزه ف الحياة يعبيه بكل ما أمر بيه ربي ورسوله الكريم من رياضة و حفظ قرآن و والله لو استغلوا وقته صح يوصل للابتدائي يقدر يكون جُمل كاملة ، والناس اللى تطلع تقول لا انت هكى تحرم فيه من مواكبة العصر نحب نقوللكم لما يوصل لسن يكون راشد فيه ف اقل من 6 شهور يقدر يختم اللابتوبات كلها وهادا صارلنا كلنا ف مش عذر و مش حرمان هادا اسمه استسهال و سوء معاملة لنعمة ربي أنعم بيها عليك بش تعمر بيها الأرض
----

- تبرع لإستمرار عمل بوت صارحني 🎁

والله شوف اني هادي من اكثر حاجات الي خايف منها لو ربي قدرني وجبت الصغار
حاليا حني في وقت التليفون موجود في كل مكان بتحرمه منه حيلقا صحابه كله عندهم وحيحس روحه ناقص على عكس وقتنا

فا الحرمان عمره ماكان حل ، الحل ربيهم تربية إسلامية صحيحة ووعيه ديما وخليك قريب ممكن هذا انسب حل والله اعلم

⁣💌 وصلتك رسالة جديدة
⏱ وقت الرسالة: 2025/04/02 - 02:30:30 AM
----
https://t.me/TheUnseenPath/2137

في مشاكل ثانية تطلعلك لما مايكونش عنده تليفون ، خاصة في العمر الي يقرا اعدادي مثلا، معيشته في الوسط الي معاه بتكون صعبة
+ موضوع انك تحرمه من الحاجة وخلاص ماهوش حل
يجي حتى لما عمره 18 ولا 20 وهداكا وين حصل تليفون يدير الهم متاع "المراهقة" كله
الموضوع في الفٍكر والعقلية
وان هو يكون فعلا مقتنع، في الي تربو تحت سقف واحد وكل واحد يطلع شكل
الموضوع مش ساهل ولا ان لا خلاص مانعطيشي تليفون تو تمشي اموره تمام
----

- تبرع لإستمرار عمل بوت صارحني 🎁

نفس الكلام الي كنت نكتب فيه 😂

بالزبط ان يعلم الناس،

"وَمَا كَانَ رَبُّكَ لِيُهْلِكَ القُرَى بِظُلْمٍ وَأَهْلُهَا مُصْلِحُونَ"

ربي ما قالش الصالح قال المصلح،

ياريت يحاول كل حد يكون مصلح يبدا بعيلته صحابه زملاءه من اي منبر ، لو كلنا نصلحو الي حوالينا وننصحوهم حيكون حالنا احسن من هكي

⁣💌 وصلتك رسالة جديدة
⏱ وقت الرسالة: 2025/04/02 - 02:37:34 AM
----
https://t.me/TheUnseenPath/2138
تصدق وتؤمن بالله لا اله الا الله والله الا نفس الكلام اللى انقالى😂
لكن هنقولك كله يرجع للفكر و للبيئة و قالولى المدرسة وبيشوف صحابه ويحس بالنقص و انه منبوذ باهى تمام معاكم باهى الشخص اللى يحس بالنقص هادا مش فى حاجة من داخله ناقصة ولا باهى عليش من البداية مانعبيهاش بالقناعة ونفهمه ونجعمز معاه ونحكيله ماقوتلكش بنعزله لا كل حاجة هيكون ليها سبب و عمرك ماتقوله هو هكى وخلاص لا لازم تفهمه وعلاش منعته وقت ما تجاوب على كل اسألته و تشبع فضوله و تخلي مسار تفكيره ماشي لمنطقة انه بوى خايف عليا و مهما كان اللى حواليا معاهم أغلى حاجة انى معاي نفس اللى عندهم ويمكن احسن الا وهو اب خايف عليا ف وقت كترت فيه الهرج و المرج و هنوصل لسن معين وهيكون عندى هاتف خاص بيا و انت مع مرور الوقت بتعلمه ف التليفون شن يفيده و كيف يستخدمه وما إلى ذلك لكن مش تخلي اسألته لنفسه وهو يدور على اجوبتها بكيفه و يعبوله دماغه ف المدارس
----

- تبرع لإستمرار عمل بوت صارحني 🎁

والله مانعرف
الشي هذا اكبر مخاوفي وماعنديش تعليق عليه

⁣💌 وصلتك رسالة جديدة
⏱ وقت الرسالة: 2025/04/02 - 02:46:51 AM
----
https://t.me/TheUnseenPath/2145
ولا يهمك يا خوى كلنا خايفين نقولوا ونحكوا اكيد وكل شي بيد الله وماحد يعرف بيشوف صغاره ولا لا العمر الطويل ليك اكيد ولكل من ف القناة يارب لكن حلو فعلا انه الواحد يكون خايف على جزء منه و يكون حاب انه يكون احسن حتى منه ف كل مراحل عمره و مفيش حد معصوم من الخطأ كلنا بشر و كل واحد فينا ربي ساتره عن هلبا حاجات دارها ونسأل الله أن يغفرها لنا جميعا و شكرا على سعة صدرك و ذوقك ف الرد واسأل الله ان يوفقك لما يحب ويرضى و يكتبلك ذرية صالحة ف الدين والدنيا والسلام عليكم ورحمة الله
جديد ف القناة واول ما خشيت لقيت موضوع مشوق حسيت كترت عليكم ان شاء الله ماحد يكون اتضايق من الكلام وكل التقدير والاحترام لكل وجهات النظر والله وان شاء ربي يصلحنا أجمعين 🤍
----

- تبرع لإستمرار عمل بوت صارحني 🎁

بالعكس صديقي كلامك كان اكثر من ممتاز وجميل جدا لما تلقا حد في الجيل هذا بالعقلية هذا ، بارك الله فيك على اضافتك ودعواتك واسأل الله ان يرزقك بالمثل وأكثر
وعليكم السلام ورحمة الله وبركاته

الرسائل بنخليهم لعلى وعسى حد يستفيد
الملخص

زي ما قال سيد الخلق كلكم راع وكلكم مسؤول عن رعيته وكما قال سبحانه وتعالى وَمَا كَانَ رَبُّكَ لِيُهْلِكَ القُرَى بِظُلْمٍ وَأَهْلُهَا مُصْلِحُونَ

ياريت نبدو بتغيير انفسنا من اللحظة ونحاولو نصلحو الي حوالينا، كلنا عندنا مشاكل وكلنا نغلطو لكن مايعنيش ان ماننصحوش الناس ونحاولو نديرو تغيير

وختاما اسأل الله ان يهدينا ويثبتنا وان ينفعنا وينفع بنا
اللهم اهدي قلوب الشباب وحبب اليهم الإيمان
اللهم اجعلهم هداة مهتدين لا ضالين ولا مضلين

سبحانك اللهم و بحمدك اشهد ان لا اله الا انت استغفرك و اتوب اليك

دعاء التوبة

اللهم إني أستغفرك لكل ذنب يعقب الحسرة، ويورث الندامة ويحبس الرزق ويرد الدعاء، اللهم إني أستغفرك من كل ذنب تبت منه ثم عدت إليه، وأستغفرك من النعم التي أنعمت بها علي فاستعنت بها على معاصيك، وأستغفرك من الذنوب التي لا يطلع عليها.. أحد سواك ولا ينجيني منها أحد غيرك، ولا يسعها إلا حلمك وكرمك ولا ينجيني منها إلا عفوك ، وارزقنا الجنة من دون حساب