لسة في فرصة للانضمام في رحلتنا للوعي (رخصة وعي)
النهاردة الساعة ٩ بتوقيت القاهرة.
احنا اخدنا محاضرة واحدة .ممكن نلحق و نبقى ضمن الفريق

https://www.facebook.com/share/p/19EYFZn89M/

https://www.instagram.com/p/DcMNLIJidAp/?igsh=a3Yxanl0aWdlbDJh

https://vt.tiktok.com/ZSVkFgvnR/
في لحظة ما في حياتك هتكتشف إن المشكلة ما كانتش إنك ما عندكش إجابات
المشكلة إنك كنت بتسأل أسئلة صغيرة على حاجات كبيرة كنت بتسأل :
ليه ده حصل لي
ليه الشخص ده عمل معايا كده
ليه الدنيا واقفة
ليه كل مرة بتتكرر نفس القصة
ليه أنا مش مرتاح والأسئلة دي مفهومة
بس أوقات بتخليك واقف مكانك
لأنك بتبص بره طول الوقت على الناس
على الظروف على اللي حصل على اللي ما حصلش
لكن الوعي يبدأ لما اتجاه السؤال نفسه يتغير لما بدل ما تسأل :
مين السبب : تسأل
أنا محتاج أفهم إيه بدل
ليه الناس مش شايفاني
تسأل أنا شايف نفسي بوضوح ولا لأ
بدل ليه كل علاقة بتوجعني
تسأل إيه النمط اللي بدخله معايا في كل علاقة
بدل إمتى حياتي هتتظبط
تسأل إيه اللي في إيدي أظبطه دلوقتي
هنا السؤال ما يبقاش مجرد سؤال
يبقى باب يخليك تشوف نفسك من مكان مختلف وتبدأ تلاحظ إن في فرق بين إنك تدور على إجابة وبين إنك تدور على حقيقة الإجابة ممكن تريحك شوية
لكن الحقيقة ممكن تغيرك ويمكن ده أصعب وأجمل جزء في الرحلة
إنك تبدأ تسأل نفسك أسئلة ما كنتش مستعد تسألها قبل كده أنا فعلا عايز إيه
وليه عايزه مين فيا خايف ومين فيا بيتعلق ومين فيا بيهرب ومين فيا محتاج يثبت نفسه
هل أنا باختار ولا أنا رده فعل
هل أنا عايش اللي أنا مؤمن بيه ولا عارفه بس
هل أنا مرتاح ولا متعود
هل أنا بسامح نفسي ولا مجرد ساكت عن وجعي
هل أنا بحب ولا خايف أخسر
هل أنا بسعى ولا بطارد
هل أنا بقبل ولا بستسلم
هل أنا حر ولا في حاجات جوايا بتسوقني وأنا فاكر إني اللي باختار
الأسئلة دي مش سهلة
بس يمكن هي اللي تفتح لك مساحة جديدة جواك
مساحة فيها فهم أكتر ولوم أقل
ووضوح أكتر وخوف أقل وحركة أصدق
لأنك كل ما تسأل بشكل أعمق
تشوف نفسك بشكل أصدق
وكل ما تشوف نفسك بصدق
خياراتك تتغير
وده واحد من أهم معاني رخصة وعي
إنك ما تبقاش عايش بس تبحث عن إجابات جاهزة لكن تتعلم تسأل السؤال اللي يحررك والسؤال اللي يفتح لك باب كنت واقف قدامه من زمان
السؤال اللي يخليك تشوف إن في حاجات ما كانتش محتاجة قوة
كانت محتاجة وضوح
ومشاكل ما كانتش محتاجة حل سريع
كانت محتاجة فهم أعمق
ومواقف ما كانتش محتاجة رد فعل
كانت محتاجة وعي
يمكن بداية التغيير مش لما تعرف كل الإجابات
يمكن البداية لما تلاقي الشجاعة إنك تسأل نفسك السؤال الصح وتستحمل الإجابة لما تظهر
وده اللي بنشتغل عليه في رخصة وعي
مش علشان نقول لك تعيش إزاي
لكن علشان تعرف إنت عايش منين
وتبدأ تختار بوعي أكبر
#الأربعاء الساعة 9 مساء بتوقيت مصر
اونلاين عبر Zoom للانضمام أكتب رخصه وعي وفريقنا هيتواصل معاك بكل التفاصيل :
https://t.me/Awareness_license
#رخصة_وعي
#دفعة_اغسطس
#عماد_الحكيم

الخوف مش دايما بيقول لك انا خايف فاوقات بيغير شكله ويدخل حياتك من باب تاني بيبقى تعلق بشخص او احتياج مبالغ فيه للقبول او سيطرة على التفاصيل او تردد مستمر او غضب سريع او تأجيل او هروب او مبالغة في التفكير او علاقة تعرف من جواك انها بتوجعك ومع ذلك مش قادر تخرج منها وساعتها ممكن تقضي وقت طويل بتحاول تصلح السلوك الظاهر
تقول لنفسك لازم ابطل اتعلق
لازم ابقى اقوى
لازم ما افكرش كتير
لازم ما اخافش من الفشل
لازم ما اتأثرش بكلام الناس
لكن يمكن المشكلة مش في السلوك نفسه يمكن السلوك مجرد رسالة
يمكن في حاجة اقدم منه جواك محتاجة تتشاف
لان الخوف اللي ما بتفهموش غالبا بيختار لك
يختار الشخص اللي تتعلق بيه
يختار الموقف اللي تسكت فيه وانت محتاج تتكلم
يختار المرة اللي تقول فيها نعم وانت من جواك عايز تقول لا
يختار حجم احلامك ويحدد قد ايه تقرب من الحياة اللي نفسك تعيشها
ويمكن اخطر حاجة في الخوف مش انه يوجعك لكن انه يلبس صوت العقل ويخليك تصدق انك بتتصرف بمنطق
وانت في الحقيقة بتحاول تتجنب وجع قديم
الخوف يقول لك خليك مكانك علشان ما تفشلش
متقربش قوي علشان ما تتوجعش
امسك في الشخص علشان ما يسيبكش
ارضى الناس علشان ما يرفضوكش
سيطر على كل حاجة علشان تطمن
وبعد فترة تكتشف انك فعلا تجنبت بعض الوجع
لكن يمكن تجنبت معاه جزء كبير من الحياة
وعشان كده عملت سلسلة كاملة على اليوتيوب اسمها سلسلة المخاوف مش علشان اقول لك ما تخافش لان الخوف جزء من التجربة الانسانية لكن علشان تبدأ تعرفه تشوفه وهو بيتكون
وتفهم ازاي بيتحول من احساس جواك لقرار ومن قرار لسلوك ومن سلوك لنمط ومن نمط لحياة ممكن تعيشها سنين وانت فاكر ان دي شخصيتك يمكن لما تفهم خوفك الخوف ما يختفيش في نفس اللحظة لكن حاجة مهمة جدا بتتغير انت بتظهر في الصورة
ويبقى في مسافة بينك وبين الخوف مسافة تخليك تقول
انا شايفك
فاهم انت جاي منين
بس مش لازم انت اللي تختار مكاني وده هو الفرق بين انك تعرف نفسك وبين انك تبقى واعي بيها لو حابب تبدأ من سلسلة المخاوف دي الحلقات كاملة على اليوتيوب
https://youtube.com/playlist?list=PLMeExDvB1HJ4G0y4szGs3kssNOheBOL4X&si=4_bYSdOfBfx6AmxX
ولو وانت بتسمع لقيت نفسك بتقول انا بعمل كده فعلا او فهمت ليه موقف معين بيتكرر او شفت خوف كنت بتسميه حب او تعلق كنت بتسميه اهتمام او هروب كنت بتسميه راحة فيمكن هنا يبدأ سؤال اهم طيب وبعد ما شفت
اعمل ايه باللي شفته وده جزء من الرحلة اللي بنشتغل عليها في رخصة وعي لان رخصة وعي مش هدفها تجمع معلومات اكتر عن نفسك لكن تساعدك تشوف العلاقة بين افكارك ومشاعرك واحتياجاتك وحدودك وعلاقاتك واختياراتك
تشوف مين فيك بيتكلم
ومين فيك خايف
ومين فيك متعلق
ومين فيك بيحاول يحمي نفسه
وبعدها تبدأ تسترد مساحة الاختيار
مش علشان تبقى انسان ما بيخافش
لكن علشان ما يبقاش خوفك هو اللي عايش حياتك مكانك
كل ما الوعي يزيد مش كل المشاكل بتختفي لكن الخيارات بتتسع وتبدأ تتحرك من مكان اهدى
اوضح واصدق واكثر حرية
لو سلسلة المخاوف لمست حاجة حقيقية جواك يمكن ما تحتاجش تسمع حلقة تانية وخلاص يمكن تحتاج تدخل رحلة تشوف فيها الصورة كلها
رخصة وعي لقاءنا كل #اربعاء
#الساعة 9 مساء بتوقيت مصر
اونلاين عبر Zoom
للتفاصيل والانضمام اكتب رخصه وعي وفريقنا هيرد عليك
https://t.me/Awareness_license
اسمع السلسلة الاول وخلي السؤال معاك انا خايف من ايه فعلا والخوف ده بيخليني اختار ايه كل يوم يمكن اجابة السؤال ده تكون بداية باب جديد
#رخصة_وعي
#سلسلة_المخاوف
#عماد_الحكيم

العلاقات من اكتر الاماكن اللي بتكشفك لنفسك مش لانها دايما صعبة لكن لانها بتطلع اللي جواك على السطح
الخوف
الاحتياج
الغيرة
التعلق
الرغبة في السيطرة
الخوف من الرفض
الخوف من الفقد
والاحتياج ان حد يطمنك طول الوقت انك محبوب وانك مهم
وساعات تفتكر ان المشكلة كلها في الشخص اللي قدامك لكن لما تهدى وتبص بصدق تكتشف ان العلاقة ما خلقتش كل ده هي بس كشفته
العلاقة بتوريك انت بتقرب منين
من حب ولا من فراغ
من اختيار ولا من احتياج
من وضوح ولا من خوف
بتحب الشخص ولا بتحاول تستخدم وجوده علشان تعوض حاجة ناقصة جواك وده فرق كبير
لان الحب الحقيقي مش محتاج يلغي وجودك ولا يخليك تعيش طول الوقت مرعوب من الفقد
ولا يخليك تراقب وتختبر وتشك
وتضغط وتطلب طمأنة كل شوية
الحب لما يبقى اوعى يبقى فيه قرب بس فيه مساحة
يبقى فيه احتياج انساني بس مش استعباد
يبقى فيه اهتمام بس مش سيطرة
يبقى فيه خلاف بس من غير اهانة
ويبقى فيه حدود بس من غير قسوة
العلاقة المنسجمة مش علاقة مفيهاش مشاكل دي علاقة الطرفين فيها يعرفوا يرجعوا لبعض بعد المشكلة
يعرفوا يسمعوا قبل ما يدافعوا
يعرفوا يقولوا اللي جواهم من غير ما يحولوا مشاعرهم لسلاح
ويعرفوا ان الاختلاف مش معناه ان الحب انتهى
يمكن واحدة من اكتر الحاجات اللي بتوجع في العلاقات
انك تدخلها وانت مستني الطرف التاني يعمل لك حاجة انت نفسك مش عارف تعملها لنفسك
يخليك تحس بقيمتك
يطمنك طول الوقت
يشيل خوفك
يملى وحدتك
يثبت لك انك تستحق الحب
وساعتها العلاقة تتحمل حمل اكبر منها لان الشخص اللي قدامك بقى مش شريك بقى مسؤول عن سلامك ومن هنا يبدأ التعلق وتبدأ الحساسية ويبدأ الخوف من كل مسافة ويبدأ الصراع على مين مهتم اكتر ومين ضحى اكتر ومين بيحب اكتر لكن يمكن السؤال الاوعى مش هو بيحبني قد ايه
يمكن السؤال انا بعرف احب ازاي
بعرف اقرب من غير ما اختنق
وابعد من غير ما اعاقب وابين احتياجي من غير ما اتوسل
واحط حدودي من غير ما اجرح
واشوف اللي قدامي زي ما هو
مش زي ما انا محتاجه يكون وعشان كده عملت سلسلة كاملة على اليوتيوب اسمها
#سلسلة علاقات منسجمة
مش علشان نقدم وصفة للعلاقة المثالية لكن علشان نفهم نفسنا جوه العلاقة
نفهم ليه بنكرر نفس الانماط
ليه بننجذب اوقات للي بيتعبنا
ليه بنسكت وبعدها ننفجر
ليه بنخلط بين الحب والتعلق
وبين الاهتمام والسيطرة
وبين التضحية والغاء النفس
لان العلاقة الصحية مش بتبدأ لما تلاقي الشخص الصح بس
بتبدأ كمان لما تبقى انت حاضر بوعي اكتر
فاهم احتياجاتك
عارف حدودك
شايف خوفك
ومش مستني الطرف التاني يصلح كل اللي اتكسر جواك تقدر تشوف سلسلة #علاقات منسجمة كاملة هنا
https://youtube.com/playlist?list=PLMeExDvB1HJ4k9yUORBhwO0zlf1hktt2v&si=N-A97SkYk75hErb1⁠�
وانت بتسمع ما تسمعش بس علشان تعرف مين الصح ومين الغلط اسمع وانت بتسأل نفسك
انا فين من الكلام ده انا بعمل ايه لما بخاف
لما بحس اني مش متشاف
لما حد يبعد
لما حد يرفضني
لما احتياجي ما يتفهمش
لان الوعي الحقيقي مش انك تعرف تحلل الشخص اللي قدامك
الوعي انك تبدأ تشوف نفسك وانت جوه العلاقة وده جزء مهم من رحلة #رخصة_وعي
مش علشان تبقى خبير علاقات
لكن علشان تبقى انسان اوعى
تحب من غير ما تضيع
تقرب من غير ما تمتلك
تعطي من غير ما تستنزف
وتحافظ على نفسك من غير ما تقفل قلبك فكل ما وعيك يزيد
العلاقة ما بتبقاش ساحة تثبت فيها قيمتك بتبقى مساحة مشاركة
نضج
صدق
رحمة
وتعلم
ولو السلسلة خلتك تشوف نفسك بشكل مختلف يمكن الخطوة اللي بعدها مش انك تعرف اكتر
يمكن انك تعيش اللي فهمته
وده اللي بنشتغل عليه في #رخصة وعي
#كل اربعاء الساعة 9 مساء بتوقيت مصر اونلاين عبر Zoom
للانضمام اكتب رخصة وعي وفريقنا هيرد عليك :
https://t.me/Awareness_license⁠�
وخلي السؤال ده معاك
هل انت داخل العلاقة علشان تشارك الحب ولا علشان حد ينقذك من حاجة انت لسه ما قابلتهاش جواك
#رخصة_وعي
#علاقات_منسجمة
#عماد_الحكيم

ممكن تقضي سنين كاملة بتجري ورا حاجات… ولما توصل لها تكتشف إنك ما كنتش محتاجها بالشكل اللي كنت فاكره
ممكن تنجح وتفضل قلقان
ممكن تكسب أكتر وتفضل حاسس إنك ناقص
ممكن تدخل علاقة وتفضل مستني حد يطمنك إنك تستحق الحب
ممكن تطلب حرية وانت لسه مربوط برأي الناس
ممكن تقول إن التوازن مهم وانت مستنزف نفسك كل يوم
وممكن تتكلم عن قيم عظيمة لكن حياتك الفعلية تكون ماشية بقيم تانية خالص
وده هو السؤال اللي قليل أوي مننا بيقف قدامه بصدق
إنت عايش فعلا على قيمك ولا على خوفك ولا على احتياجك ولا على اللي الناس قالت لك إنه مهم
لأن القيم مش كلام حلو بيتقال
القيم هي اللي بتظهر لما تضطر تختار
لما الحب يدخل في صدام مع التعلق
لما النجاح يدخل في صدام مع سلامك
لما الحب يدخل في صدام مع خوفك
لما الفلوس تدخل في صدام مع ضميرك
لما رأي الناس يدخل في صدام مع حقيقتك هنا بتبان قيمك الحقيقية
مش في الكلام
في الاختيار
وعشان كده عملت سلسلة كاملة على اليوتيوب اسمها #سلسلة_القيم
سلسلة بتفتح أسئلة مش صغيرة
يعني إيه نجاح حقيقي
يعني إيه حرية
يعني إيه وفرة
يعني إيه توازن
يعني إيه محبة
يعني إيه عبادة
وإزاي تعرف إن الحاجة اللي بتجري وراها دي فعلا ليها قيمة عندك ولا مجرد شيء اتزرع جواك من زمان وفضلت تطارده من غير ما تسأل نفسك ليه يمكن وإنت بتسمع السلسلة تكتشف إن في حاجات كنت بتسميها أهداف وهي في الحقيقة محاولات لإثبات نفسك وإن في علاقات كنت بتسميها حب وهي في الحقيقة خوف من الوحدة وإن في سعي كنت بتسميه طموح وهو في الحقيقة هروب من إحساس إنك مش كفاية وإن في حرية كنت بتطلبها وانت لسه مستني حد يسمح لك تكون نفسك
هنا يبدأ الوعي الحقيقي
مش لما تعرف تعريفات أكتر
لكن لما تشوف إنت فعلا بتحركك إيه لأن أخطر حاجة مش إنك تضيع الطريق
أخطر حاجة إنك تمشي عمر كامل في طريق مش بتاعك وتفتكر إنك متأخر وانت أصلا ما سألتش نفسك رايح فين
تقدر تسمع #سلسلة_القيم كاملة هنا :

https://youtube.com/playlist?list=PLMeExDvB1HJ730jr47LDaRCmNMfHuKPRS&si=rk-iXJ8Ok7oNybdd

بس ما تسمعهاش كفيديوهات وخلاص اسمعها وإنت بتراجع حياتك اختياراتك وقتك علاقاتك
الحاجات اللي بتستنزفك
الحاجات اللي بتخوفك
والحاجات اللي مستعد تضحي عشانها واسأل نفسك السؤال اللي ممكن يغير حاجات كتير
لو شلنا كل الكلام اللي بقوله عن نفسي وبصينا بس على قراراتي
إيه القيمة اللي حياتي فعلا بتقول إنها رقم واحد عندي ولو السلسلة فتحت جواك أسئلة أكتر من الإجابات فيمكن ده بالضبط اللي محتاج يحصل لأن #رخصة_وعي مش رحلة عشان تسمع معلومات جديدة هي رحلة عشان تشوف نفسك بشكل أوضح وتفهم ليه بتختار اللي بتختاره وليه بتتعلق
وليه بتخاف
وليه بتكرر نفس الأنماط
وليه أوقات تعرف الصح وماتعملوش
ولما الوعي يزيد الاختيارات بتتسع والصورة بتوضح وتعيش الحياة بمعني ومتعه في رخصة وعي
كل اربعاء الساعة 9 مساء بتوقيت مصر اونلاين عبر Zoom
للانضمام اكتب رخصة وعي وفريقنا هيرد عليك :

https://t.me/Awareness_license

يمكن مشكلتك مش إنك مش عارف تعمل إيه يمكن مشكلتك إنك لسه ما عرفت إيه اللي يستحق فعلا إنك تعيش عشانه
#رخصة_وعي
#سلسلة_القيم
#عماد_الحكيم

يمكن انت مش محتاج تلاقي شريك الحياة دلوقتي يمكن انت محتاج الاول تلاقي نفسك وانت داخل العلاقة
لان في ناس كتير جدا بتدور على الشخص الصح من غير ما تسأل نفسها انا داخل العلاقة منين
من حب ولا من خوف من الوحدة
من اختيار ولا من احتياج شديد للقبول
من هدوء ولا من جرح قديم
من امتلاء ولا من احساس ان حد لازم ييجي يكملني
ودي من اخطر الحاجات في العلاقات
انك تفتكر انك اخترت الشخص بينما اللي اختار فعلا كان خوفك
خوفك من الرفض
خوفك من التأخير
خوفك من انك تفضل لوحدك
خوفك من ان الفرصة ما تتكررش
خوفك من ان حد تاني يبقى احسن منك او يسبقك
وساعتها تبدأ تتنازل
تبرر
تعدي حاجات انت من جواك شايفها
تسكت عن حدودك وتقول لنفسك
يمكن يتغير يمكن انا اللي حساس زيادة يمكن دي طبيعة العلاقات
لحد ما تكتشف انك ما كنتش داخل علاقة علشان تشارك الحب
انت كنت داخلها علشان تهرب من خوف وده فرق ضخم
لان العلاقة اللي تبدأ من خوف غالبا تطلب من الطرف التاني حاجات اكبر من طاقته
يطمنك طول الوقت
يثبت لك انك مهم
يعالج جرحك
يشيل قلقك
يملا وحدتك
ويأكد لك كل يوم انك محبوب
وساعتها الشخص اللي قدامك ما يبقاش شريك
يبقى مسؤول عن سلامك
ومن هنا يبدأ التعلق
ويبدأ الشك
ويبدأ الاختبار
ويبدأ الصراع
ويبدأ السؤال اللي بنسمعه كتير
هو لسه بيحبني ولا لا
لكن يمكن السؤال الاوعى مش هو بيحبني قد ايه يمكن السؤال
انا بعرف احب ازاي
بعرف اقرب من غير ما امتلك
وابعد من غير ما اعاقب
اعبر عن احتياجي من غير ما اتوسل
احط حدودي من غير ما اجرح
اشوف الشخص زي ما هو مش زي ما انا محتاجه يكون
واسأل نفسي بصدق
انا عايز شريك حياة ولا عايز حد ينقذني من حاجة انا لسه ما قابلتهاش جوايا
وهنا اختيار شريك الحياة يبقى اعمق بكتير من قائمة مواصفات
مش بس شكله او شغله او سنه او مستواه او طريقة كلامه لكن
هل وجوده بيخليني اقرب من نفسي ولا ابعد عنها
هل اقدر اكون معاه على طبيعتي
هل في امان يسمح بالصدق
هل في احترام وقت الاختلاف
هل في مساحة للنمو
هل في حدود
هل في قدرة على الاعتذار
هل في نضج يكفي اننا نختلف من غير ما نهدم بعض لان الانسجام مش انكم تبقوا شبه بعض
الانسجام انكم تقدروا تختلفوا من غير ما تفقدوا الاحترام
وانكم تقربوا من غير ما تذوبوا في بعض وان كل واحد فيكم يبقى له وجود كامل مش نصف بيدور على نصف وعشان كده عملت سلسلة كاملة على اليوتيوب اسمها
#سلسلة_شريك_الحياة
مش علشان اقول لك اختار مين
لكن علشان تبدأ تشوف انت مين وانت بتختار ليه شخص معين بيشدك ليه بتتجاهل علامة واضحة
ليه بتكرر نفس النوع من العلاقات
ليه ممكن ترتاح للمألوف حتى لو المألوف مؤلم وليه اوقات الشخص الهادئ والواضح ما يشدكش بينما الشخص المتعب يحرك جواك مشاعر قوية جدا لان مش كل انجذاب حب ومش كل شوق دليل توافق ومش كل راحة دليل صحة
واوقات اكتر حاجة محتاجة وعي هي الحاجة اللي بتحسها تلقائية جدا تقدر تسمع السلسلة كاملة هنا :

https://youtube.com/playlist?list=PLMeExDvB1HJ6mxImSkvjk-gBkMSF6V6UA&si=18Qa9ixwYvW21XLn

وانت بتسمعها ما تسمعش وانت بتحاول تكتشف مواصفات الطرف المناسب اسمع وانت بتراقب نفسك انا بختار منين
ايه اللي بيشدني
ايه اللي بخاف منه
ايه اللي بتنازل عنه علشان ما اخسرش
وايه اللي محتاج اصلحه في علاقتي بنفسي قبل ما اطلب من حد يعملهولي
وده بالظبط جزء مهم من #رخصة_وعي لان السلسلة ممكن تساعدك تفهم شريك الحياة لكن رخصة وعي تساعدك تفهم الشخص اللي جواك واللي هيختار الشريك
تفهم خوفك
احتياجاتك
حدودك
تعلقك
صورتك عن نفسك
وطريقتك في الحب
علشان تدخل العلاقة من مكان اهدى اوضح اكثر صدق واقل خوف مش محتاج حد يكملك
لكن مستعد تشارك حد وانت حاضر بنفسك وده يمكن اجمل شكل للحب انك ما تدخلش العلاقة علشان تختفي فيها لكن علشان يظهر افضل ما فيك وانت جواها
رخصة وعي
كل اربعاء الساعة 9 مساء بتوقيت مصر اونلاين عبر Zoom للانضمام اكتب رخصة وعي وفريقنا هيرد عليك :

https://t.me/Awareness_license
وخلي السؤال ده معاك قبل ما تسأل مين الشخص المناسب ليا
اسأل الاول مين انا لما بحب
ومين فيا هو اللي بيختار
#رخصة_وعي #سلسلة_شريك_الحياة #عماد_الحكيم

قبل الجواز السؤال بيكون غالبا بتحبني قد ايه فبعد الجواز الحياة بتغير السؤال تماما هنعرف نعيش مع بعض ازاي لان الجواز مش نهاية قصة الحب.الجواز هو اول يوم في الحياة اللي الحب لازم يعرف يعيش جواها وسط الشغل والفلوس والتعب والاهل والوقت والقرارات والاختلاف والضغط والايام اللي مفيهاش كلام حلو ولا خروجة ولا طاقة كفاية وهنا بيظهر فرق كبير جدا بين اتنين بيحبوا بعض واتنين يعرفوا يبنوا حياة مع بعض
ممكن تحب شخص جدا لكن تختلفوا تماما في معنى المسؤولية
انت شايف ان البيت مشاركة وهو شايف ان كل واحد له دور ثابت .انت شايف ان الفلوس امان للمستقبل وهي شايفاها مساحة للاستمتاع بالحياة
انت شايف ان الاهل جزء يومي من البيت وهي شايفة ان البيت الجديد محتاج خصوصيته
واحد طموحه ان حياته تكبر والتاني نفسه يعيش بهدوء
واحد لما تحصل مشكلة يحب يتكلم فورا والتاني محتاج وقت
واحد شايف الاعتذار قوة والتاني شايفه هزيمة وهنا المشكلة مش دايما ان حد فيكم وحش.المشكلة ان كل واحد داخل الجواز ومعاه تعريف مختلف لكلمة حياة وقليل جدا من الناس قبل الجواز بيسألوا احنا متخيلين الحياة دي ازاي مش الفرح ولا الشقة ولا السفر ولا الصور.........

الحياة الزوجية مشاركه : لما نرجع احنا الاتنين تعبانين مين هيعمل ايه ولما الفلوس تضيق هنتصرف ازاي ولما الاهل يختلفوا معانا مين له القرار ولما واحد فينا يتغير فهل التاني هيسمح له يكبر ولا هيفضل عايزه زي ما عرفه اول مرة ولما يحصل خلاف كبير هل هدفنا نكسب ولا نوصل لحل يعيش

الجواز بيبدأ فعلا بعد ما الصور تخلص بعد ما اللبس يرجع الدولاب والناس ترجع بيوتها وتفضل انت وانسان تاني قدام سؤال بسيط جدا وصعب جدا هنبني الحياة دي ازاي وعشان كده الجواز محتاج اكتر من مشاعر جميلة ومحتاج قدرة على التفاوض وعلى اتخاذ القرار وعلى تحمل المسؤولية وعلى ادارة الاختلاف
وعلى انك تفهم ان الحياة مش هتمشي كل يوم حسب الصورة اللي في دماغك ومحتاج كمان تعرف امتى تتمسك وامتى تتنازل
وامتى تقبل ان الطرف التاني مختلف عنك ومش مطلوب يبقى نسخة منك لان احيانا الجواز ما بيتعبش من قلة الحب بيتعب من كثرة التوقعات اللي محدش اتكلم عنها
توقع انك هتفهمني من غير ما اتكلم وتوقع انك هتعمل زي بيتنا أو عكسه وتوقع انك هتحب اللي انا بحبه وتوقع اننا مش هنختلف وتوقع انك بعد الجواز هتتغير بالطريقة اللي انا عايزها وتوقعات صغيرة كتير تدخل البيت قبل اصحاب البيت وبعد فترة يبدأ كل واحد يقول انت مش الشخص اللي انا اتجوزته مع ان يمكن الحقيقة انك بدأت تشوف الشخص اللي اتجوزته فعلا مش النسخة اللي رسمتها في خيالك وده واحد من اسباب اني عملت #سلسلة_الجواز
مش علشان اقول لك الجواز حلو ولا صعب ومش علشان اديك وصفة جاهزة لبيت ناجح لكن علشان نفتح الاسئلة اللي المفروض تتفتح قبل ما الحياة تفتحها بالقوة :
ازاي بيتبني الاتفاق
ازاي نفهم المسؤوليات
ازاي نتعامل مع الاختلاف
ازاي تتحول النية الطيبة لنظام حياة
وازاي نحافظ على العلاقة وهي بتتحرك من مرحلة لمرحلة
اسمع السلسلة كاملة هنا :

https://youtube.com/playlist?list=PLMeExDvB1HJ5Yjto7b_FDimZj3Bpq41T5&si=7_9oSeA4czP3KSV2

وانت بتسمعها ما تسألش بس هل الكلام ده ينطبق على شريكي اسأل احنا كزوجين او كاتنين داخلين على جواز عندنا تصور مشترك للحياة ولا كل واحد شايل سيناريو في دماغه ومستني التاني ينفذهوده المكان اللي بتتقاطع فيه سلسلة الجواز مع #رخصة_وعي لان الجواز في النهاية مش جزيرة منفصلة عن الحياة هو مكان هتقابل فيه تقريبا كل شيء
المسؤولية
الاختيار
التوازن
القبول
التغيير
المرونة
الواقع لما يختلف عن توقعاتك وقدرتك تفرق بين الحاجة اللي تقدر تغيرها والحاجة اللي محتاجة تتعامل معاها بوعي رخصة وعي مش هتعلمك تبقى زوج مثالي او زوجة مثالية لكنها تساعدك تبني طريقة اهدى واوضح في التعامل مع الحياة نفسها ولما طريقة تعاملك مع الحياة تتغير الجواز كمان بيتغير لان البيت مش بيتبني بالحب وحده البيت بيتبني كل يوم
في قرار صغير وفي كلمة وقت الخلاف وفي فلوس اتصرفت وفي وقت اتقسم وفي مسؤولية اتشالت
وفي مساحة اتفهمت وفي مرة حد فيكم اختار يحافظ على العلاقة بدل ما يحافظ على انتصاره
الجواز مش انك تلاقي حد يكمل الصورة الجواز ان اتنين يعرفوا يبنوا صورة جديدة مش موجودة قبلهم رخصة وعي
كل اربعاء الساعة 9 مساء بتوقيت مصر اونلاين عبر Zoom
للانضمام اكتب رخصه وعي وفريقنا هيرد عليك :

https://t.me/Awareness_license

وخلي السؤال ده معاك قبل ما تسأل هل احنا بنحب بعض اسأل كمان : هل احنا نعرف نبني حياة مع بعض ؟
#سلسلة_الجواز
#رخصة_وعي
#عماد_الحكيم

https://www.facebook.com/share/p/1LjrzR1sVG/

https://www.instagram.com/p/DcrZlW3q1DN/?igsi=MW41ZGptc254eHRudw==

https://vt.tiktok.com/ZSVvp6h2A/
التعافي يحتاج إلى بيئة آمنة ومعالج مؤهل وأشخاص داعمين يساعدون الناجي على إعادة بناء الثقة بنفسه وبالآخرين، لأن الشفاء لا يتحقق في العزلة
#رخصة_وعي
#دفعة_اغسطس
#عماد_الحكيم