ئاژانسی هەواڵی فارس کە لە سوپای پاسدارانی ئێرانەوە نزیکە، لە راپۆرتێکدا وەڵامی لێدوانەکانی دۆناڵد ترەمپ، سەرۆکی ئەمریکای دایەوە و قسەکانی لەبارەی نێوەڕۆکی رێککەوتنی چاوەڕوانکراوی نێوان تاران و واشنتنی بە "شێواندنی راستییەکان" و "نیشاندانی وێنەیەکی پێچەوانە" ناوبرد.

بەپێی راپۆرتەکەی ئاژانسی فارس نیووز، ئەو مەرجانەی ترەمپ لە پۆستەکەیدا باسی کردوون، تەنیا "بانگەشەی یەکلایەنەن" و لەگەڵ دۆخی راستەقینەی دانوستاندنەکاندا ناگونجێن.

ئاژانسەکە ئاماژە بەوە دەکات کە ترەمپ دەیەوێ لە رێگەی "شەڕی دەروونییەوە" وا نیشان بدات ئێران لەژێر گوشاردا هەموو مەرجەکانی ئەمریکای قبووڵ کردووە.

لەبارەی باسی یۆرانیۆمی بەرز پیتێندراو کە ترەمپ بە "تۆزی ئەتۆمی" ناوی دەبات، سەرچاوە ئێرانییەکە ئەو گێڕانەوەیەیان رەتکردەوە و بە "خەیاڵپڵاوی" ناویان بردووە. ئاژانسەکە دەڵێت، ئێران "هەرگیز رێگە نادات" هیچ لایەنێکی بیانی بەو شێوەیەی ترەمپ باسی دەکات دەستکاریی دامەزراوە ستراتیجییەکانی بکات.

سەبارەت بە پرسی دارایی و تەنگەی هورمز، میدیاکەی ئێران باس لەوە دەکات کە تاران بێ هەڵگرتنی گەمارۆ و قەرەبووکردنەوەی زیانەکانی جەنگ، هیچ رێککەوتنێک واژۆ ناکات.

ئاژانسی فارس دەڵێ، قسەکەی ترەمپ کە دەڵێت، "هیچ پارەیەک ناگۆڕدرێتەوە"، تەنیا بۆ رازیکردنی جەماوەری ئەمریکایە و ئێران لەسەر مافە داراییەکانی خۆی سوورە.

کامیان ڕاست دەکەن؟!

بەپێی ڕۆژنامە ئەمریکیەکە ، هێرشەکان شوێنە سەربازیەکان و ئەو شوێنانەی پەیوەندیدارن بە وزە کردوەتە ئامانج و تا دوای ڕاگەیاندنی ئاگربەست بەردەوام بوون!

ئیمارات ڕێبازێکی زۆر شەڕانگێزتری لە سعودیە گرتەبەر دژی ئێران و گرژی لەنێوان محەمەد بن زاید و محەمەد بن سەلمانی شازادەی سعودیە دروستکرد ، نێوانی هەردوو سەرکردەکە لەسەر چۆنیەتی وەڵامدانەوەی ئێران و ململانێی ناوچەکە زیاتر تێکچوو!

سەرچاوە: WSJ