مورتەزەقە دڵی بەمانە خۆشە!! هەمویان بەم شێوەیەن و بەتەواوی نامۆن بە ناوچەکەمان

ئاکسیۆس میدیایەکی بەناو ئەمریکی تەواو پرۆ ئیسرائیلیە و ئیسرائیلیەکان دەستی باڵایان لە بەڕێوەبردنی هەیە

له‌سه‌ر ده‌ستپێشخه‌ری ئه‌مینداری یه‌كگرتوو؛ بافڵ تاڵه‌بانی له‌ ئه‌مڕۆوه‌ هه‌ڵمه‌تی میدیای یه‌كێتیی دژ به‌ پارتی راده‌گرێت
:

سه‌ڵاحه‌دین محەممەد به‌هائه‌دین، ئەمیندارى گشتیی یه‌كگرتووى ئیسلامى سه‌ردانی بافڵ تاڵه‌بانی سه‌رۆكی یه‌كێتیی كردو ده‌ستپێشخه‌رییه‌كی بۆ دەربازبوون لەو چەقبەستووییە سیاسییەی کوردستان پێشکەشی سەرۆکی یەکێتیی کرد.
"هەردوولا هاوڕابوون کە درێژەکێشانی دۆخی چەقبەستووی سیاسیی هەرێمی کوردستان خزمەت بە بەرژەوەندییە گشتییەکان ناکات و بۆ نەهێشتنی بەربەستەکان پێویستە هەنگاوی جدی بنرێت، ئەوەش بە دیدگایەکی نیشتمانی و بەرپرسیارانە دەکرێت کە ئامانجی خزمەتکردنی هاونیشتمانییان بێت" سایتی فه‌رمی یه‌كێتیی وا ده‌ڵێ.
له‌م دیداره‌دا بافڵ تاڵه‌بانی وتویه‌تی: ئێمە وەکو یەکێتی لە ڕابردوودا، هەروەها بۆ ئێستا و داهاتووش بەرەو ڕووی هەر دەستپێشخەرییەک دەچین کە لە سۆنگەی دڵسۆزییەوە بێت و لە سوود و بەرژەوەندیی گەلی کوردستان بێت.
"لە سۆنگەی ئەوەی کە ئەمینداری گشتیی یەکگرتووی ئیسلامی سەرەتا دەستپێشخەرییەکەی ئاراستەی بافڵ جەلال تاڵەبانی کرد، سەرۆکی یەکێتیش بڕیاری دا لە ئەمڕۆوە و لەپێناو زەمینەسازیی بۆ هێورکردنەوەی دۆخەکە، میدیاکانی یەکێتیی نیشتمانیی کوردستان هاوکاری ئەو دۆخە بن و نەبنە بەشێک لە تووندکردنەوەی ناکۆکییەکان".