Lens - لێنز

لایەنگرانی شای ئێران: من فارسم ، من موسڵمان نیم

I'm Persian, I'm not Muslim

💩143🤮66😡21🤬5❤3😁3

1.83K viewsedited 02:52

ئەفسەرە زایۆ-نییەکانی کورد!

.

لە ناو عێراقیی و کوردەکانی عێراق و ( ئێراندا)، لەگەڵ پەهلەوییەکان و وڵاتانی کەنداودا، زایۆ-نیزم زۆرتریین جەماوەری هەیە بەراورد بەهەر شوێنێکی سەر ئەم زەمیینە. قسەمان لەسەر گەلی کوردە، هەر کوردێک بە بیانووی ئەوەی دژایەتیی تۆتالیتاریانیزم و ویلایەتی فەقیهی شیعەکان ئەکات، لایەنگریی لە زایۆ-نییە منداڵکوژەکانی ئیسرائیل بکات، هیچ بەهایەکی ئینسانیی و پرەنسیپێکی ویژدانیی نییە و دەهۆڵ بۆ شەڕ و کاولکاریی و هەژاریی و برسییەتی زیاتر ئەکوتێ. زایۆ-نیزم، حەرەکەیەکی فاشییانەیە و تەنانەت لە لایەن زۆربەی جووەکانی دونیاشەوە، رەتکراوەتەوە.

یوڤال هەراری، یەکێک لە وردەکارتریین سکۆلارەکانی بواری زانستیی و مێژوونووسی شەڕەکان و لێکەوتەکانی زیرەکیی دەستکرد ....تاد، لە شەڕی ئۆکتۆبەری ٢٠٢٣ ی نێوان حەماس و ئیسرائیلدا، ناماقوڵییەکی نائینسانیی ئەوەندە گەورەی کرد کە کاری کردە سەر تەواوی مێژوو و کرێدتی ئینسانیی ئەو زانایە و تا ئەم ساتەش ئەیەوێ قەرەبووی ئەو جەریمە ئینسانییە بکاتەوە، بەڵام بۆی نەکراوەتەوە و تەنانەت جورئەتی نەکردووە تا ئەم ساتەیش بە باش و خراپ، قسەیەکی جدیی لەسەر ئەم شەڕانگێزییەی ئیسرائیل و ئەمێریکا دژ بە ئێران، بکات. ناماقوڵییەکەی ئەوە بوو نەعرەتەی زایۆنیزم ئەوەندە خراپ رەتاندنی گوتی" ئیسرائیل بۆ دیفاعکردن لە خۆی( مەبەستی حەماس بوو) مافی هەیە تا رادەی بەکارهێنانی چەکی ئەتۆمییش بڕوات"

لە بەرامبەردا، صەدان و بگرە هەزاران جووی عەقڵانیی، سکۆلاری ئینسانیی، نوخبەی شەریف، ئەکادیمیستی بە ویژدان و لێکۆڵیار و زانای جۆراوجۆری جوومان هەن، نەک هەر ئیدانەی جەرائیمەکانی نەتەن-یاهۆ و لۆبیی زایۆ=نیی لە ئیسرائیل و لە ئەمێریکا و جیهاندا ئەکەن، بگرە بە تاوانباری جەنگ ئەژماری ئەکەن و تاوانی جینۆساید ئەدەن بەسەریدا. وەڵاش شۆون Shawn ، ئیلانا گلازەر Glazer و جێفری ساکس Sachs، عومەر بارتۆڤBartov ، ژنە فەیلەسوف جودیث باتلەرButler، نۆرمان فینکلشتاینFinkelstein کە دایک و باوکی رزگاربووی هۆلۆکۆستن، دۆریت نەعمانNaaman هیام یەعقوبییYaqubi ، رۆماننووس داود گرۆسمان Grossman، راز سیغاڵSegal ، هێنری سیغمان Siegman کە دەوڵەتی ئیسرائیل بە دەوڵەتێکی ئاپارتاید( رەگەزپەرست و هەڵاوێرد) ئەناسێنێت، لیستەکە-لیستەکان دوور و درێژن .

لە بەرامبەردا، ئێمەی کورد، حەشیمەت و حەشاماتی وامان هەیە ئەگەر بەهۆی لۆگاریثمی سۆشیاڵ مێدیاوە نەیاتە بەرچاومان یان دۆستێک، بەهۆی قێزەونی بۆچوونەکانیانەوە بۆمان نەنێرێت، مرۆڤ یەک تۆز کەرامەتی ئینسانیی هەبێت هەر حەز ناکات لە دووریشەوە بیان ناسێت. من نامەوێ ناوی کەس بهێنم و بڵێن لێدان و طەعن بەکار ئەهێنم، بەڵام بۆ ئەوەی لای هەندێ گەنج بناسرێن، ناوەکانیان بە حەرفی یەکەم ئەنووسم... ( ح ن-- هە م م-- ی ا -- -- ف ر-- ئا ر-- ش ک-- ک ن-- بەشێکی بەرچاو لەوانەی لە درەو مێدیا و ئاوێنە نیوز و مێدیا سێبەرەکانی قوباد و مێدیا سێبەرەکانی پارتیی ئەنووسن.

هۆکاری ئەم زەلیلبوونە ئینسانییە، ئەم پرۆ زایۆ-نییبوونە و ئەم حیقد و کەراهییەت رشتنە بەرامبەر ئێران، بۆ بەرژەوەندیی گیرفانیان کە لە رێگەی رێکخراوە ناحکومییەکانەوە تێیانئەڕژێنێت لەگەڵ نەخۆشیی ناسیۆنالیزمی ئەم کوردە ئاکار قاچاغچییانە، ئەگەڕێتەوە کە لە بێئومێدیی و نائینسانییبوون و عاشق بە هۆڤییەکی وەکو نەتە-نیاهۆ، پەنای بۆ ئەبەن و بە خەیاڵ و ئەندێشەی ئەم کوردایەتییە ، ئەیانەوێ، دەوڵەتی کوردیی لە کوردستانی ئێران دابمەزرێ و مەرجەعەکەی ئەمانیش لە هەرێمەوە قیادەی بکات و هەژموونی خەلانۆچکە رەیعییەکەی بارزانیی بدەن بەسەر پرۆژەی کوردبوونەکەی ئۆجەلاندا. رێک وەکو رێساکانی کوانتەم، یەک نەفەریان نییە حەنینی بۆ میلیاردێرە دزەکانی کوردایەتیی نەبێت و غەڵیظیشی لە کوردبوونەکەی ئەولا نەبێت!

ماویەتی

❤49👏20💯10🔥9🏆1

1.92K views03:10