Internetda "Top G" nomi bilan tanilgan, yirik ijtimoiy tarmoqlarda blokka uchragan Endryu Teyt (Andrew Tate) Islom dinini qabul qilibdi. Ismini endi "Abu Andrew"ga o'zgartirishi mumkin ekan.

@TheAliBlog

Toshkent metrosida bir qiz hazillashib "sumkamda bomba bor" deganiga nisbatan ko'rilgan chorani (5 sutka ma'muriy qamoq) ko'plab bloggerlar tanqid qilib, jazolanmasligi kerak edi, unaqa edi, bunaqa edi, deb chiqishdi. "Ashaddiy jinoyatchi ushlandi" deb mazax qilganlar ham bo'ldi, ko'rilgan choraga nisbatan.

Aslida esa, men o'sha qizga 5 emas, 15 sutka berilishini ham yoqlab chiqqan bo'lardim. Uyerda bunaqa gapirishiga nima turtki bo'lishidan qat'iy nazar bunaqa mavzuda hazillashmaslik kerak edi.

@TheAliBlog

Telegram userneymlar oldi-sottisi uchun Fragment.com platformasini ishga tushirdi. Hozirda tarmoqdagi chiroyli userneymlarni sotib olish imkoni bor, tez orada foydalanuvchilar o'zlariga qarashli userneymlarni sotish imkoniyati ham qo'shilarmish.

@TheAliBlog

Kommentda telegramdagi pullik postlar funksiyasi bilan uznetflixni qayta yurgazishni taklif qilishgan ekan.

@Donate boti orqali endi kanalingizdagi media postlarni ko'rishga narx belgilab qo'yishingiz mumkin ekan. Lekin chatoq tomoni shundaki, postga qo'yiladigan eng minimal narx 1 yevro ekan. Serialni 1ta seriyasiga 11K to'laydigan odamlarni tasavvur qilish qiyin lekin))

1ta mavsumni to'liq tarjima qilib, kolleksiya post yoki arxiv qilib joylashni ham iloji yo'q ekan. Pullik post faqatgina 1ta rasm yoki 1ta videodan iborat bo'lishi kerak ekan.

@TheAliBlog

"Top G"ning Islomga kirganiga fikr bildirayotib, mashxur youtuber Sneako ham Islom diniga o'tish haqida o'ylayotganini aytib o'tdi.

@TheAliBlog

Tiktokda qiziqarli videoga duch kelib qoldim. (Ha, ishonaveringlar, foydali kontent tiqilib yotibdi. Shunchaki o'zbeklarni kamroq kuzatinglar)))

Videoda bir kishi irqchilik 15-asrgacha mavjud bo'lmaganini tushuntirib berdi. Ya'ni, u vaqtda ham odamlarni terisi turli ranglarda bo'lgan, albatta, lekin odamlarni bu narsa umuman qiziqtirmagan. Misol tariqasida Rim Imperiyasini boshqargan qora tanli imperatorni misol qilib keltiradi (ismi esimda qolmadi).

Irqchilikka ko'ra ajratishni 15-asrda Portugallar boshlab bergan. Xullas, afrikaliklarni qul qilishni boshlamoqchi bo'lishib, aholi bunga salbiy qaramasligi uchun bir yozuvchi qora tanlilarni qul bo'lishga loyiq ekani, ular odak hisoblanmasligi haqida kitob yozadi. Va sekin-sekin bunday qarash ommalashib, qora tanlilarni qul qilish butun yevropaga tarqaladi. Va Amerikaga ham qullarni eksport qilib, amerika shaharsozligida qora mehnat uchun qora tanlilar mehnatidan foydalanishadi.

Hozirda ham qora tanlilarga nisbatan noto'g'ri qarash bor. Ya'ni, ularga alohida yaxshi gapirish kerak, deb hisoblashadi. Ularni ko'nglini olish uchun hatto mashxur kino/mult-qahramonlarni qaytadan qora tanli qilib ishlashmoqda, qora tanlilarga alohida imkoniyatlar va hokazo (huddi feministlarga imtiyozlar berilishidek).

Aslida esa, shunchaki shu irqchilik haqida gapirilmasa bo'ldi, qora tanlilar ham o'zini "moralniy" jarohatlangan hisoblashmaydi, oq tanlilar ham alohida tavoze qilishlariga hojat bo'lmaydi. Bu haqida mashxur qora tanli aktyorlardan bo'lgan Morgan Friman ham gapirib chiqqan ekan. Keyinchalik uni gaplarini Endryu Teyt ham takrorlagan.

Lekin hozir oldimizda irqchilikdan ko'ra kattaroq muammo turibdi: gender ko'pligi🙂.

Bu haqida esa, boshqa safar, asabiylashib ketmaydigan vaqtda yozaman)

@TheAliBlog

O'zimizni eskicha bozor sumkalarni ming dollarlik versiyasini chiqargani bilan sizlarga tanish bo'lishi mumkin bo'lgan Balenciaga kompaniyasi salkam 2 ming dollarlik musor paket sotuvini yo'lga qo'yibdi. Oldiniga bu musor paket ko'rinishidagi kundalik sumkadir balki, ayollar sumkachasiga o'xshash, deb o'ylagandim. Lekin, yo'q, rostdan musor uchun chiqarilgan musor paket ekan😐.

Endi "oyliging musor paketga ham yetmas ekanu" deb kulsak ham bo'laveradi))

@TheAliBlog

Paxta yog'i olishda ehtiyot bo'ling, emas, umuman paxta yog'i olmanglar!

Paxta yog'i ming marta filtrdan o'tkazilsayam, hidsizlantirilsayam, zaxarli ekanicha qolaveradi. Davlatimiz paxtaga boy bo'lgani va shuncha paxtani chigitidan o'zi yog' ishlab chiqarishini hisobga olib, paxta yog'ini davlat himoyasida, desak ham bo'laveradi. Lekin inson uchun zaxarli, shuni yodda tutinglar!

Avvallari bu fikrimga qarshi ko'pchilik "hammaniyam sharoiti pista yog'ini ko'tarmaydi" degan argument keltirishardi. Lekin hozir shunday zamonlarga keldikki, orada paxta yog'ini narxi pista yog'idan ko'ra qimmatlab ketgan edi. Hozirgi narxini aniq bilmayman.

Xullas, sizlarga maslahat va tavsiyam oilangizda iste'mol uchun paxta yog'i olmanglar.

@TheAliBlog

Qizimni sharofati bilan bugun mana shu naushnigimniyam 1 tarafi ishlamay qoldi😬. Qulog'imdan tortib talashayotganida ko'nglim bo'shlik qilib qo'liga tutqazib qo'ygandim, simlarini cho'zib, devorga urib yurgandi))

@TheAliBlog

Kelasi yilga chiqadigan mashinaga bor-budini oborib berayotgan podani ko'rdinglarmi? Biz shu zavodga loyiq xalqmiz o'zi😉

2 qizni o'pishgani sabab ichimlikka boykot e'lon qiladigan xalqni hayoliga xalqqa zug'um o'tkazayotgan zavodga boykot e'lon qilish kelmaydi 😉

Avatar-2ning treyleri chiqibdi:
https://www.youtube.com/watch?v=d9MyW72ELq0

Kinoni 1-qismini umuman to'liq ko'rmaganman, menga qiziq ham tuyulmagan. Overreyted deb hisoblayman. Kino tarixidagi birinchi to'liq metrajli 3D kino bo'lmaganida, bunchalik shov-shuv bo'lmasdi, deb hisoblayman. Bu qarorim hali beri o'zgarmasa kerak.

@TheAliBlog

Telegram bugungi yangilanishda katta guruhlar uchun mavzular yaratish funksiyasini taqdim etti. Oldinlari forumlarda bo'lganidek, endi guruh ichida ham mavzular yaratib, o'sha mavzularda izoh yozish mumkin. Guruh ichida guruh desa ham bo'ladi.

Afsuski, bu funksiya hozircha kanalga ulangan guruhlarga ishlamas ekan, shunga ishlatib ko'ra olmadim. Sinash uchun @TheForum guruhiga kirsanglar ham bo'laveradi.

@TheAliBlog

t.me/TheForum orqali kirganda ishkarkan, username bilan kirsa oddiy guruh bo'lib ochilyapti.

Yaqindagina chiqqan "Call of Duty: Modern Warfare II" video-o'yini butun tarmoqni portlatdi, desam mubolag'a bo'lmasa kerak. Deyarli barcha ijtimoiy tarmoqlarda bu o'yinning parchalari ko'zga tashlana boshladi. O'yinni grafikasi, boshqaruvlariga gap yo'q.

O'zim bu o'yinni o'ynab ko'rmaganmanu, lekin 10 yillar oldin o'yinning 1-qismini 5-6 martalab tugatib chiqqanim yodimda. O'zi otishma o'yinlarga uncha xushim yo'qligini bilasizlar, "Call of Duty 4: Modern Warfare" o'yini esa, men o'ynagan sanoqli FPS (first person shooter) o'yinlardan biri.

Shuni o'ylab, o'yinning 2-qismini ham o'ynashga qiziqib qoldim va onlayn magazinga kirdim. O'yin narxi 70 dollar ekan😑. Balki onlayn multiplayer varianti borligi uchun ham qimmatdir, bilmadim. Xullas, sotib olish fikridan qaytdim))

Ba'zi o'yin forumlarida shovvozlar o'z akkauntini kunlik ijaraga berishayotganiga ko'zim tushdi. Ya'ni, o'yinni sotib olingan variantini 1 kunlik ijaraga olib o'ynaysiz, ertasiga akkauntni login-parolini almashtirib qo'yishadi. Kuniga 10$dan ekan🙂.

Xullas, bu o'yinni hozircha o'ynamaydigan bo'ldim. 17-kuni Miles Morales chiqishini kuta qolaman))

@TheAliBlog

Aytishingiz mumkin, o'yinni bepul versiyalari ham borku, deb. Bor yoki yo'qligini bilmadimu, lekin men ancha oldin video-o'yinlarni va dasturlarni krek holatini ishlatmaslikka qat'iy qaror qilganman. Ishlatsam litsenziyali holatida (masalan, agar pullik bo'lsa, sotib olib, yoki tekin dastur bo'lsa, shundayligicha) ishlataman, yoki umuman ishlatmay qo'ya qolaman. Bu dastur/o'yin mualliflariga hurmat va o'z kompyuterimni asrash demakdir.

Tan olishim kerakki, hozircha 50 foizdan ko'proq ko'radigan kino-seriallarimni "piratskiy" saytlardan yuklab olaman. Buni ham qachondir tugatib, pulini to'lab ko'rishni boshlash niyatim bor. Lekin afsuski, hozirda ba'zi platformalarga (masalan Disney+) O'zbekistonliklar a'zo bo'la olmas ekan negadir.

Sizlarga ham tavsiyam shu. Piratskiy dastur-o'yinlardan voz kechinglar.

@TheAliBlog

Ertaga "Wakanda Forever"ning premyerasi ekan. Qani ko'ramiz, 4-fazaning yakuniy filmi qanday ekan. Hozircha 2022-yildagi MCUning eng yaxshi proyekti bu "Moon Knight" seriali bo'ldi deb hisoblayman.

@TheAliBlog

Bugun "Wakanda Forever" premyerasiga tushdik, oshnalar bilan. Chedvik Bozmenning o'limi film saviyasiga qattiq ta'sir qilibdi shekilli, yoki o'zi Marvel oxirgi vaqtda tuzukroq mavzu topolmayaptimi, bilmadim, syujetni rasvo desa ham bo'ladi. Kecha yozilgan postda aytgan fikrim o'zgarmaydigan bo'ldi, Marvel 2022-yilda "Moon Knight"dan boshqa arzirli loyiha taqdim qilmadi. Ayniqsa Doktor Strenj ham arzirli bo'lmadi.

Aytgancha, film boshidagi Marvel introsida Chedvikning xotirasiga bag'ishlangan suratlar aylandi va fonda musiqasiz, jimlik bo'ldi. Chedvikni xotirasiga 1 daqiqa sukut saqlagandek bo'ldik))

Filmga juda vaqt sarflab tushishinglar shart emas, arzimaydi baribir. Endigi umid Chumoli Odamdan. 5-fazaning boshlang'ich filmi bizni xursand qilishiga umid qilib qolamiz)

Yaxshi xabarlardan aytadigan bo'lsam, John Uikning 4-qismi treyleri taqdim etildi: https://www.youtube.com/watch?v=qEVUtrk8_B4

Oldin aytganimdek, filmda Donni Yen ham ishtirok etarkan va aftidan, u ko'r odamning rolini o'ynaydi.

@TheAliBlog