Telefonim 3-4 kundan beri rosa qotyapti ba'zida. Sotib olganimga roppa-rosa 3 yil bo'pti shu oy. Videokartadan keyingi rejalarga birorta S21 S22 degan telefonlardan birini kirgazib qo'yaman endi))

Videokartaga yetishishim ham rosa qiyin bo'lyaptida lekin😐

@TheAliBlog

Yaqin 1 oydan beri openbudgetda ovoz berish evaziga pepsi, yog'a va hokazo tarmoqlaeda rosa gapirildi. Adashmasam openbudgetda ovoz yig'ish ishlari o'tgan yili shunaqa vaqtlarda boshlangandi. U paytda asosan o'qituvchilar xalqdan iltimos qilib, ovoz to'plab yurishardi. O'qituvchilarga hozirgacha qanchadir ovoz yig'ishga planlar qo'yilmoqda, lekin buyoqda shovvozlar ovozingiz evaziga ma'lum haq taklif qilishyapti. Ko'chada pepsidan tortib, yog'gacha berilayotganini ko'rdik, endi telegram kanallarda ham reklamalar aylanib, bir ovozga qanchadir paynet, bir nechta ovozni to'plab, plastikka tushirib olish imkoniyatini taklif qilishyapti.

Men buyerda ovoz to'plashga urinayotganlarni tanqid qilmoqchi emasman, hamma ham o'z hududi remont qilinishiga davlat pul ajratishi uchun harakat qilyapti, pul sarflab bo'lsa ham.

Men mana shunaqa kulgili holat paydo bo'lishiga sabab bo'lgan ho'kumat tepasida o'tirgan xaromxo'rlarni ayblayman. Agar to'laydigan soliqlarimiz hammasi o'z-o'rnida ishlatilganida edi, ta'mirlash uchun millionlab variantlar orasidan 1tasini tanlashga emas, 1ta bo'lsayam ta'mirtalab joy qidirish bilan band bo'lardik.

@TheAliBlog

O'yinlar bo'yicha yangilikni bo'lishadigan bo'lsam, PS Exclusive o'yinlardan yana biri "Uncharted: Legacy of Thieves collection" o'yini oldindan sotib olish uchun ochiq deb e'lon qilindi. O'yin 2ta remastered o'yinlarni: "Uncharted: A Thief's End" va "Uncharted: The Lost Legacy"ni o'z ichiga oladi. Ya'ni, bu 1ta emas, 2ta o'yin kolleksiya qilib sotuvga chiqarilgan. Narxi ham yomon emas, $40 ekan. O'yinni Epic Games va Steam magazinlaridan oldindan sotib olish mumkin.

Bu o'yinlarga qiziqishim bo'lmagani sababli hozircha ko'zimni qisib turadigan bo'lyapman. Last of Us yoki Spiderman: Miles Moralesni kutaman men))

@TheAliBlog

Telegram 9.0 versiya chiqibdi. Endi premium foydalanuvchilar premium belgisi o'rniga boshqa emojini yoki bunaqa galochkano qo'yvolishlari mumkin ekan)

​Video-o'yinlar mavzusida bugun ertalabdan beri juda olamshumul yangilik(lar) ro'y berdi!

Shunday qilib, bir haker Rockstar serveriga buzib kirib, hali ishlab-chiqarish jarayonida bo'lgan GTA 6 ma'lumotlari, "source-code"lari va hokazolarni yuklab olgan va bir qancha "leaking" videolar tarqatgan!

Umuman olganda, Rockstar kompaniyasi hali e'lon qilinmagan mahsulotlarini sir tutish bobida Marveldan qolishmaydi. Oldingi o'yinlari ham to'liq e'lon qilinmagunicha hech qanday ortiqcha ma'lumot ommaga chiqarilmagan va balki o'yinlarning xaridorgirligi sababi ham shundadir.

Shunday qilib, 16 yoshli ekani iddao qilinayotgan haker Rockstarning serveriga buzib kirgan va uyerdan ishlab chiqarish jarayonida bo'lgan ma'lumotlarni yuklab olib, Twitter sahifasida, GTA forumlarida va yana bir qancha tarmoq sahifalarida bo'lishgan.

Bu xabardan ko'p o'tmasdan Rockstar xabar topgan va darhol nazoratni qo'lga olib, tarmoqlardagi videolarni o'chirilishiga erishgan. Haker esa, tarmoqlardagi profillarini o'chirib tashlagan. Bu haker yil boshida Uberning serveriga buzib kirgani va uni "source-code"larini yuklab olib, sotuvga qo'ygan haker bo'lishi mumkinligi tahmin qilinmoqda.

4 soat avval Rockstar o'zining rasmiy Twitter sahifasida bo'lgan ishlardan juda xafa ekanliklari, keyingi o'yinni vaqti kelganida tuzukroq tanishtirishlarini aytib o'tgan.

Tarqalgan va o'chirtirilgan videolarni ushbu link orqali yuklab olishinglar mumkin. Ichida virus bor-yo'qligiga kafolat bermayman, shunga videolarni yuklab olmay, onlayn ko'raqolinglar))

@TheAliBlog

Bugun kechga Nvidianing taqdimoti bor, xushyor bo'linglar

@TheAliBlog

Davomi


https://www.instagram.com/tv/Ci5dsSToBhv/?igshid=NDRkN2NkYzU=

Simbiot haqidagi videoni 1-qismi tiktokda 500 ming marta ko'rildi. 2-qismi 1 sutka ichida 200 ming marta ko'rildi.

Ushbu videolarni ataylab shunaqa uslubda ishlayapman. Tasavvur qiling, bu serial. Lekin juda qisqa, 10-15 soniyalik seriyalardan iborat. Uslub birovdan o'g'irlanmagan, g'irt o'zim o'ylab topdim))

Videoda, izohlarda videoni kompyuter grafikasi mahsuli ekani haqida hech nima deyilmaydi, kommentlarda ham "rostdan bor narsa" deyilmaydi. Odamlar o'z-o'zidan qiziqib, voqealar rivojini kutadi. Zo'r, a?))

Rosa kuchayib ketganimdan keyin bunaqa loyihalar davomiyligini 10-15 soniyadan 1-2 daqiqaga uzaytirish niyatim bor. Lekin hozircha texnik imkoniyatim va tirikchilik qilishim kerakligi bunga halal beradi. Masalan, shu 1ta 10-15 soniyalik videoni ustida 2-3 kun ishladim. Oshnam bilan kamida 30-40ta video oldik))

@TheAliBlog

Ryan Reynolds kuni kecha Dedpulning 3-qismi 2024-yil sentyabrda premyera qilinishini aytib o'tdi. Shuningdek, gap orasida bu film Dedpulning MCUdagi debyuti ekaniga ishora qilgan. Bundan tashqari filmda Hyu Jekman ham Wolverine (o'zbekchasiga qanaqa shu?) sifatida qatnashishini aytib o'tdi.

@TheAliBlog

Meni anovi damas va ferrari haqida ishlagan videoimni orqasidan ko'tarilib ketgan Coolio degan repper anovi kuni o'tib qopti

Xullas deng, bir muddat oldin bitta loyihaga intro video tayyorlab bergandim. Ilmiy loyiha ekani haqida aytgandi buyurtmachi. Uje tayyorlab, pulini olib, yeb ham bo'lganman.

Hozir ko'zim tushib qoldi, xbet stavkalarini analiz qiladigan "ilmiy" loyiha ekan😑😕

@TheAliBlog

Youtubega Need For Speed: Unbound video-o'yinining treyleri chiqibdi. NFS Heatdan ko'ra aytarli farqi yo'q, menimcha: o'yin uchun 15-20ta personajlardan birini tanlab olish imkoniyati, kunduzi pul ishlash va kechasi reputatsiya ishlash uchun poyga o'ynash. Shunchaki voqealar syujetini yangilab qo'yishgan xolos, menimcha. Zerikarli.

https://www.youtube.com/watch?v=dAnyYKHbETQ

@TheAliBlog

Deyarli 1 oydan beri Marvel multseriallarini ko'rib kelyapman. Eng avval 90-yillarda chiqqan O'rgimchak-Odam multserialini ko'rib tugattim (13 qismdan 5ta mavsum). Undan keyin "Avengers: Earth's Mightiest Heroes" multserialini ko'rib tugattim (26 qismdan 2ta mavsum).

Va hozirda Ultimate Spider-Man va Avengers Assemble multseriallarini parallel ravishda ko'rib boryapman (26 qismdan 5ta mavsum, har ikkalasi ham).

90-yillardagi O'rgimchak odam multseriali jiddiy tusdagi, og'irroq multserial. Unda o'smir yoshdagi qahramonlar ham 30-40 yoshli odamdek tasvirlangan tashqi ko'rinishi))

Avengers: EMH multseriali syujet jihatidan eng qizig'i, desa ham bo'ladi. Unda Kang imperiyasi, Kree va Skrullar haqida to'laroq tasvirlangan. Lekin qasoskorlar tarkibi biroz farq qiladi.

Ultimate Spider-Man va Avengers Assemble multseriallari esa, huddi MCUda bo'lganidek, 1 olamda ro'y beradigan voqealardan tashkil topgan. Ya'ni, qahramonlar bir-birini multserialiga mehmonga borib-kelib turishadi)) Va Syujet va qahramonlar tarkibi jihatidan ham MCUga yaqinroq.

Agar Marvel filmlariga qiziquvchilar bo'lsa, sizlargayam tavsiya qilaman xullas))

@TheAliBlog

Dizaynni konserti haqida.

Bu postda konsert zo'r chiqibdi, bachkana chiqibdi, deb yozmoqchi emasman. Konsertni hali ko'rmadim.

Xullas, kecha kunduzi telegram kanallarda Dizaynni konserti tarqaldi. Buni eshitib, kechqurin youtube orqali ko'rarman, degan edim. Lekin kechqurun uyga kelib youtubedan konsertni topa olmadim. Dizaynni o'zini kanalida joylanmagan konsert telegram kanallarda aylanib yuribdi, qiziq🤔

Keyin 1 oycha oldin Elmurod Haqnazarov va Dizayndagilar ijrosidagi "Haydarlar Oilasi" reklamasida Dizayn TV mobil dasturi reklama qilinganini esladim. Balki, shu dastur orqali ko'rsa bo'lar, deb dasturni yuklab oldim. Ha, shu dastur orqali ko'rsa bo'larlan, faqat yangi konsert pullik, eskilari bepul ekan. Ha bo'ptida, nari borsa 5-10 ming bo'lar, dedimda, ro'yhatdan o'tish oynasiga kirdim. Uyerda anketa to'ldirib ro'yhatdan o'tishni iloji bo'lmadi, negadir. Google akkaunt orqali kirish ham ishlamadi. Telegram akkaunt orqali kirish tugmasiga bosganimda esa, "bu funksiya kelajakda qo'shiladi" degan xato chiqdi. (Dastur mutlaqo ruscha).

Shunday qilib, pulini to'layman, desang ham ko'rishni iloji bo'lmadi o'zini dasturidan. Aytmoqchi bo'lganim, buyerda Dizayndagilar umuman noto'g'ri yurish qilishgan. Konsertni 5-10 ming so'mdan pullab, yana pul ishlaymiz, deb reja qilishganu, oqibatda konsert telegramda tekinga tarqalib ketishiga sababchi bo'lishgan. Menimcha yil boshidan beri konsert chiqarilmaganini sababi ham shu dasturni yaratilayotganida bo'lgan bo'lsa kerak. Chunki, Millionni bahorda bergan konserti chiqqaniga ham 1 oy bo'ldi.

Endi, menimcha telegramdan ko'rib qo'yaversam kerak. Shunchaki, yaxshiroq sifatda ko'rmoqchi bo'lgandim.

@TheAliBlog

Ishlarni tugatib, endi uxlagani yotaman deb turgandim, TVda hindcha "Pikey" kinosi boshlanib qoldi. Uyqiniyam tashkab ko'rib yotibman 1 yarim soattan beri. Zo'r kino.

@TheAliBlog

Davlat tili qabul qilingan kunni xalqimiz, aniqrog'i faollar bayram qilib, birnimalar qilishyapti, lekin hukumatdan darak yo'q, yoki men eshitmadim.

Xullas, shu mavzuda fikrimni aytmoqchiman. Rostdan ham, bu kunni hukumat umuman nishonlamasa ham bo'laveradi, faqat avom xalq nishonlab yuraversin. Chunki hukumatimiz o'zi davlat tili deb e'lon qilgan tilni rivojlantirishga tupurib qo'ygan. Qanday deysizmi?

Juda ko'plab hukumat qarorlari faqat rus tilida chiqarilgan. Amaldor bo'lish uchun o'zbek tilini bilish talab qilinmaydi ham. Hujjatlar ham aksariyat holatda rus tilida. Shunday bo'lganidan keyin, kim ham o'zbek tilini o'rganishga harakat qiladi?

O'zbek tilini hammayoqda majburiy talab qilinadigan qilib qo'ysa edi, qancha muxojirlar o'zbek tilini o'rganishni boshlagan bo'lardi.

Yana bir tomondan, o'zbek tilini grammatikasini olimlar (yoki filologlar deyish kerakmi?) rosayam murakkablashtirib yuborishgan. Birinchi marta OTMda tayyorlanib yurganimda repetitorga borganman. Ochig'i, umuman o'rgangim kelmay qolgan. Boshqa millatlar o'z tilini shu darajada murakkablashtirib, maydalashtirib o'rganisharmikin? Tiloldi, tilorqa lablanmagan birnima tovushlar deydimiyey, nima keragi bularni? Bunaqa narsalarni o'rganish kerak bo'lsa doktoranturada o'qiyotganlarga o'rgatish kerak faqat. Oddiy xalqqa kerak emasku, to'g'rimi?

@TheAliBlog

Marvelning men kutayotgan navbatdagi filmi: "Ant-Man and the Wasp: Quantumania"ning treyleri chiqibdi. Film kelayotgan fevral oyida premyera qilinarkan. Nixoyat, kinoteatrga tushib ko'rishga arziydigan film))

Treyler haqida ortiqcha gapirmoqchi emasmanu, ushbu filmda yana Bosqinchi Kang (Kang the Conqueror)ni ko'ramiz ekan.

https://youtu.be/ZlNFpri-Y40

@TheAliBlog

Internetda "Top G" nomi bilan tanilgan, yirik ijtimoiy tarmoqlarda blokka uchragan Endryu Teyt (Andrew Tate) Islom dinini qabul qilibdi. Ismini endi "Abu Andrew"ga o'zgartirishi mumkin ekan.

@TheAliBlog