Demak, bugun "Spider Man" o'yini reliz qilinadi. Va uni sotvolib, tayyorlab qo'ydim)) O'yin Epic Gamesdan yuklaganlar uchun 20:00da, Steamdan yuklaganlar uchun 22:00 aktivlashar ekan.

Bugun bir oshnamni to'yida bo'lishimni hisobga olsak, o'yinni ertaga kunduzi o'ynashni boshlasam kerak. Aytganimdek, o'yin jarayonini youtubega joylab borishga harakat qilaman😎

@TheAliBlog

Telegramda yangi funksiya paydo bo'libdi. Premium foydalanuvchilar endi begona odamlar ularga ovozli yoki videoxabar yubora olmaydigan qilib qo'yishlari mumkin!

G'irt begona odamlar ovozli xabar yuborsa ensam qotardi doim. Endi qotmaydigan bo'ldi, uje ovozli xabar kelishini ta'qiqlab qo'ydim))

Shunungdek bir qancha stikerlarni endi emoji shaklida ham ishlatish mumkin ekan. Aniqrog'i, yangi emojipaklar paydo bo'lgan. Yangi "telemoji" deb nomlangan ushbu mitti rasmlar matnlar ichida ishlatilganida ham harakatlanib turar ekan. Zo'r, a? Namunani pastdagi postga kiritaman. Uni o'qish uchun telegramingizni yangilashingiz kerak bo'ladi


@TheAliBlog

Ko'rinishi zo'r, standart emojilarning deyarli barcha emotsiyalariga alternativ ishlangan.

@TheAliBlog

39GB yuklabdi soat 9gacha. Qolgani ertaga endi)

Dolbayob qo'shni haqida.

Katta hovlimizni mahallasi sheben bilan qoplangan. Kanalizatsiya va hokazo rejalar borligi uchun hali asfalt qilinmagan. Shu mahallani oxirrog'ida bitta sal boyroq odam turadi. Uyini 2 chetiga mashinalar sekinlashib o'tishi uchun betondan do'mpalik quyib qo'ygan. Go'yoki kichkina nabiralarini xavfsizligi uchun (mashina mingga qo'yib kelib urvormasligi uchun) qilganini aytgandi. Haydovchilar har o'tganda onasini eslab, qarg'ab o'tishadi. Mana shunaqa qilib yo'lni egallab olishlik g'irt dolbayoblik aslida, chunki ko'cha senga tegishli emas, bolalaringni xavfsizligi o'ylasang ko'chaga chiqarma umuman.

Lekin voqea shuyerda tugamagan. Yaqin 1 oy ichida katta yo'lni o'rtasiga huddi perevaldagidek temir to'siqlar qo'yib chiqilgan. Nimaligini tushundinglar-a, qarama-qarshi harakatlanayotgan mashinalarni ajratib turadigan temir to'siqni aytyapman. Endi shunaqa narsa qo'yilganidan keyin haydovchilar xohlagan yeridan ortga qayrila olmaydigan bo'pqolishdi. Chunki oradagi ochiq joylar har 1-2 kilometr joylarga qo'yilgan. Xo'sh, endi anovi mahallaga qaytsak. Shu mahallani bir tomonidan katta yo'l bo'yiga chiqish joyida shunaqa, "razvorot" uchun qoldirilgan joy qoldirib ketilgan. Shu bo'yi bunaqa joy 2 kilometrcha naryoqda. Anovi qo'shni mahallani shu razvorotga chiqish tomonida, ya'ni o'sha mahallani oxirrog'ida yashaydi.

Haydovchilar berigi ko'chadan chiqib olib, 2km naridan aylanib kelmaslik uchun o'sha mahalladan o'tib, anovi razvorotdan yo'lni narigi tomoniga o'tib olishayotgandi, ya'ni, mahallada mashinalar harakati ancha ko'paydi.


Anovi dolbayob qo'shni esa, kecha uyini bu tarafidagi yo'lni beton to'siq bilan berkitib qo'yibdi. Ya'ni, narigi tomondan keladigan haydovchilar endi razvorotga chiqa olishmaydi bu mahalladan. Hatto shu mahallada yashaydiganlar ham🙂 O'zi esa mahallani shu burchagidan kirib chiqib yuraveradi, mezza, to'g'rimi?

Kecha shuni ko'rganimdan keyin darrovda mfy raisiga telefon qilib, "terpila"lik qilib berdim. Ertaga borib gaplashib kelaman, dedi.

O'zi bu mahallaga beton do'mpalik ham ortiqcha edi, chunki har qanaqa dolbayob haydovchi ham sheben to'kilgan yo'lda tez yurmaydi, yurolmaydiyam. Lekin mahallani yo'lini talon-taroj qilib, xo'jayinchilik qilish bu dolbayoblikning oliy darajasidan ham o'tib ketadi lekin. Qissadan hissa shuki, mahallani yo'lini to'sib qo'yadigan, mahallani boshiga shlagbaum qo'yib oladigan dolbayob bo'lmanglar. Yo'l sizlarni dunyo tog'alaringdan qolganmas)

@TheAliBlog

O'yinni yuklash uchun yana 34GB qismi qolgan edi. 1 soat oldin boshladim, 1 soatda 5GB yukladi. Menimcha bugun yuklab tugatamiz)

Nihoyat yuklab bo'ldim, endi o'rnatilish jarayoni ketyapti)

O'rgimchak-Odam o'yinini o'ynab ko'rdim, gap yo'q. Ja uncha ko'p o'ynamadim. Har kuni 1-1,5 soatdan o'ynab, o'yin jarayonini yozvolib, youtubega joylamoqchiman chunki. Aniqrog'i birdaniga ko'p o'ynavormay deyapman.

Xo'sh, bugungi bo'lgan o'yinni zapisini montaj qilib, render qilishga ko'p vaqt ketdi. Endi o'sha videoni hajmini kichraytirishga yanayam ko'proq vaqt ketyapti. Aytganimdek, menda kabelniy internet yo'q, simkartani modemga solib ishlataman, shu sabab bitta video 5-6GB bo'pketsa sal og'irlik qiladi. (Har kuni youtubeni o'ziga shunchadan sarflashni ayting)

Menimcha video saharga yaqin chiqadi. O'yin haqidagi fikrlarim batafsil o'sha videoda aytilgan.

@TheAliBlog

Demak, yangi chiqqan "Marvel's Spider-Man" nomli o'rgimchak-odam haqidagi o'yinni birgalikda tugatib chiqamiz! Har kuni 1-1,5 soatlik o'yin jarayonini yozib olib, youtubega joylab boraman. Zerikib qolmaslik uchun videoni 1,5 tezlikda ko'rishingiz mumkin)) O'yin haqidagi batafsil fikrlarim videoda.

https://youtu.be/rYhAi9yup5E

Kung Fu Pandaning 4-qismi qachon chiqishi e'lon qilinibdi. Lekin hozircha treylerdan ham, tizerdan ham darak yo'q. Menimcha bularni kelasi yilga taqdim qilishsa kerak.

@TheAliBlog

Telegramni norasmiy klientlari (plus, birnimagram, arabgram va hokazo)dan foydalanadiganlar bor, a? Ayta olasizlarmi, aynan qaysi sababga ko'ra telegramni o'zini rasmiy dasturidan boshqa dasturlarni afzal ko'rasizlar?

Masalan, avvallari Plus dasturini ustun tomonlari bor deb hisoblash mumkin edi: unda chatlarni papkalarga ajratish, chatlarni pin qilish, xabarlarni forward qilishda "forwarded from" chiqarmay forward qilish kabi ustun tomonlari bor edi. Lekin hozir bunaqa funksiyalar Telegramni o'zida ham bor. Yangi versiya chiqqanida yangi funksiyalar qo'shilishini 2-3 haftalab kutishingizga to'g'ri kelishiga arziydigan qanday ustun tomonlari qolgan?

O'rgimchak-Odamni 2-qismi chiqdi, agar bexabarlar bo'lsa)) Bu qismda MJ ham voqealar syujetiga qo'shilib, Stan Leening kameosiga guvoh bo'lamiz)

https://youtu.be/y2U8EJKfHIo

Klaviaturani shiqirlashi ko'pchilikni asabiga tekkan ekan, maksimal darajada o'chirib chiqishga harakat qildim montajda)

https://www.youtube.com/watch?v=eVV-nIJVd9Q

mashi videoni kommentiga kirib, meni kommentimni topib layk bosib o'tib ketselar duo qilib eslab yurardim lekin) Yangi videokartalik bo'pqolishim mumkinakan, shunaqa umid berishdi))

Har doim turli so'rovnomalar manzilini tashlab, "menga ovoz bervoring", "falonchi tanishimga ovoz bervoring" deydiganlarga qarshi chiqaman. Chunki bu o'sha musobaqa natijalariga sun'iy ta'sir o'tkazish hisoblanadi. Masalan, ovoz berayotgan odam ishtirokchilarni hammasini solishtirib ko'rib, munosibiga ovoz bermaydida, tanishi aytgan odamga ovoz beradi. Bu esa, adolatdan emas.

Lekin tepada o'zim yozgan postga qarab, "sal g'alatimasmi?" deyishinglar mumkin)) Youtube manzildagi "konkurs" bu eng ko'p layk to'plagan nomzod g'olib bo'ladigan musobaqa emas. G'olibni tashkilotchilar o'zlari kommentlarni o'qib chiqib tanlab olishadi. Shunchaki, meni kommentim eng pastda o'qilmay qolib ketmasligi uchun layklar bilan sal yuqoriroqqa ko'tarib qo'ymoqchi edim, shu xolos))

@TheAliBlog

Wargaming kompaniyasi Belorusiyadan chiqib ketmoqda!

4-aprel kuni Wargaming kompaniyasi Belorusiyani tark etishini e'lon qilgandi. MDH davlatlari hududidagi o'yinchilar hozirgacha "RU" serverlarida o'ynab kelishmoqda edi. Wargaming Belorusiyani tark etishi munosabati bilan Belorusiya va Rossiya hududida ushbu o'yinga endilikda Lesta Games kompaniyasi egalik qiladi. Shuningdek, kompaniya RU regionidagi o'yinchilarda o'z akkauntlarini RU serverida saqlab qolish yoki EU (yevropa) serveriga ko'chirish imkoniyati mavjudligini e'lon qildi. Aniqroq aytganda, endilikda RU serverlariga Lesta Games egalik qiladi va bu serverlardagi to'lovlarni faqat Belorusiya va Rossiya hududidagilar amalga oshirishlari mumkin. Boshqa davlatdagilar akkauntlarini RU regionda saqlab qolganlarida premium xizmatlardan foydalanish uchun to'lov qila olishmaydi. Shu sabab Belorusiya va Rossiyalik bo'lmagan o'yinchilarga kompaniya EU serveriga o'tishni tavsiya qilmoqda.

Hozirda EU serveriga ko'chirish imkoni ochilganicha yo'q, lekin kompaniya aytishicha bu jarayon Oktyabr oyi boshigacha tugallanib bo'ladi.

@TheAliBlog

Spider-Man o'yini kompyuterlarga chiqqanidan keyin bu o'yin uchun modlar paydo bo'la boshladi. Boshqacha kostyumlar, yaxshilangan grafika va hokazo. Bularni orasida O'rgimchak-Odamni Stan Lee bilan almashtirilgan varianti ham bor. Nyu-York ko'chalarida "swing" qilib yurgan Stan Leeni tasavvur qilib ko'ring))

Shunday modlardan birida o'yindagi Nyu-York shahridagi LGBTQ+ ga oid bayroqlar, fresko va grafittilar olib tashlangan, yoki boshqachasiga almashtirilgan mod ham paydo bo'lib, ancha ommalashgandi.

Lekin modlar "kutubxonasi" sanalgan nexusmods sayti ushbu modni o'z kutubxonasidan o'chirib tashlab, bu siyosatidan norozi foydalanuvchilar saytdagi akkauntini o'chirib tashlashlari mumkinligini ta'kidlagan.

Shaxsan men bu modda birorta qoida buzilishi holatini ko'rmadim. Shunchaki kimdir o'z o'yinida kamalakrang bayroqlarni olib tashlashni xohlasa, nima qilibdi? 🤔 Masalan, Piter Parkerni ham Stan Lee bilan almashtirilishi qoidabuzarlik hisoblanmayaptiku, to'g'rimi?

@TheAliBlog

Bank sizga kredit berishga majbur emas. Bank ham foyda qilishni o'ylashga haqli. Agar foyda qilishiga ishonmay sizga kredit bermasa, bundan norozilikni ifodalash uchun og'izni tikib olish bu yoshbolani ishi. 😑

@TheAliBlog