Referendum arafasida rosa jonbozlik ko'rsatiladi shekilli hali) Tonirovka arzonlabdimi, tekin bo'libdimi, xullas nimadir bo'libdi shu masala) Mashinam yo'qligi uchun bu mavzu qiziq emas menga.

Lekin gazni lukoyldan tortib olib, o'zimizni gazni o'zimizni xalqqa beriladigan qilsa, gaz Karimovni davridagidek serobgarchilik bo'lib ketsa, ovoz bervoraman lekin))

@TheAliBlog

1-2 oycha oldin yangicha uslubdagi blogger paydo bo'lgandi, "Aktivist Uz" degan. Ko'rmagan odam qolmadi shekilli. Do'konlardagi muddati o'tgan mahsulotlarga qarshi kurashadigan blogger, qisqacha aytganda. Videolari tiktoklarda ham rosa aylanganida ko'rib turardim, har xolda janjalni tomosha qilishga qiziqish o'zbekchilikda bor narsa))

Xullas, kecha tiktokda andijonga kelgan videosidan parcha ko'rib qolib, youtube kanaliga o'tib to'liq ko'rib chiqdim. Keyin ish qilayotib quloq band bo'lib turishi uchun boshqa videolariniyam ko'rib chiqdim. Ko'p magazinlardagi "reyd"lar janjal-tortishuv bilan tugagan. Lekin Andijonga kelganida katta supermarketlardan birida rosayam koooo'pgina muddati o'tgan mahsulot topilganidayam, supermarket ishchilari tortishmasdan, janjallashmasdan, yaxshi muomala bilan tugatishgan.

A lekin farg'onadagi videoni ko'rib mazza qildim lekin, rosa tortishuvlarga boy bo'libdi)) O'zidan aqlli yasab olgan klientlar, shallaqi ishchi qizlar, "ko'chinskiy" bollar, podstavalar, xullas rosa qiziq voqealarga boy bo'libdi) Rosa bekor qolib ketgan bo'lsanglar, ko'rishni maslahat beraman. Youtubega "Aktivist Uz" deb yozsanglar chiqib keladi.

Endi blogger haqidagi umumiy fikrimni aytsam, qilayotgan ishi umumiy jihatdan to'g'ri, yaxshi ish. Chunki o'zim qachon olayotgan narsamni muddatini tekshirib olganimni eslolmayman. Shu sababli ham mahsulotlar muddatiga do'kon o'zi e'tibor berishi kerak, deb hisoblayman) A faqat bitta chatoq tomoni bloggerni qo'rs muomalasi ekan. Balki janjal kelib chiqishini asosiy sabablaridan biri ham shudir balki. Lekin ming yaxshi muomala qilganida ham kelvolib janjal qiladiganlar topilarkan baribir, buniyam videolarida ko'rdim))

@TheAliBlog

Yaqin orada yana "katta qadam" tashlanishi haqida gaplar yuribdi. Ba'zilar buni UzImei haqida bo'lishini taxmin qilishyapti.

Yaxshilab mulohaza qilib ko'rilsa, bu yaratilayotgan "katta o'zgarish"larga sababchi muammolar ham aynan shu odamni davrida paydo qilingan edi))

G'alati ishlar ham bo'lyapti. Aytishlaricha konstitutsiyadan "Qoraqalpog'iston istalgan vaqtda referendum o'tkazib, mustaqil bo'lishi mumkin"ligi haqidagi moddani olib tashlashmoqchi ekan. Endi davomini eshiting. Shundan keyin Qoraqalpog'istonda internet avvaliga sekinlashtirib, hozirda eshitishimga ko'ra butunlay o'chirilgan. Saroy jurnalist va bloggerlariga bu mavzuni yoritish ta'qiqlangan va hokazo. Qisqacha aytganda, qoraqalpoq do'stlarimiz mabodo qonun o'zgarishidan norozi bo'lsa, bu norozilikni bildira olishmaydigan sharoit qilishyapti, tahminimcha.

@TheAliBlog

Qoraqalpog'istonda kecha ancha to'polon bo'lgan, minglab odamlar miting uyushtirgan, bir nechtasini olib ketishgan, balo-battar ishlar bo'lgan. Bugun esa muxtaram yurtboshimiz tashabbusni qo'llariga olib, zudlik bilan Qoraqalog'iston Respublikasiga uchib borib, uyerdagi Jo'qorg'i Kenges bilan uchrashuv tashkil qilib, Konstitutsiyani Qoraqalpog'istonga oid moddalarini o'zgartirishsiz qoldirish kerakligini ta'kidlabdilar. Yashasin muxtaram yurtboshimiz! 🙂 Xalq qahramoni unvoni berilsin!

@TheAliBlog

Zelenskiy o'ynagan "Sluga Naroda" serialini 1-mavsumini ko'rib tugattim. Serialni ko'rib kayf qilib o'tirish kerak ekan xullas) Siyosiy o'yinlardan uzoq bo'lgan oddiy tarix o'qituvchisi prezidentlik saylovida yutib chiqib, hukumatda juda katta o'zgarishlar qiladi. Serial shunday ishlanganki, qilingan o'zgarishlar huddi o'zimizni davlatda yuzberayotgandek xursand bo'lib ketasiz, a serial tugaganidan keyin esa, real hayot sizga og'irlik qilib ketadi)

Aytishlaricha, Zelenskiyni prezidentlik saylovida g'olib bo'lishida shu serialni ham anchagina hissasi bormish. Qiziq, a? Oldiniga serialda Ukraina prezidenti bo'ladi, 1-2 yil o'tib haqiqiy hayotda shunaqa bo'ladi) Lekin haqiqiy hayotda ham serialdagidek o'zgarishlar qildimi-yo'qmi, aniq bilmayman, jaa izlanib ko'rganim yo'q.

Qisqasi, serialni ko'rishni tavsiya qilaman. O'zbekcha dublyajda 10 qism chiqqan ekan xolos. Aslida esa, 1-mavsum 23 qismdan iborat va umumiy 3ta mavsum bor ekan.

@TheAliBlog

"Jalkaya parodiya"

@TheAliBlog

Barchamizga Qurbon Hayiti muborak bo'lsin!

"Din ishlari bo'yicha qo'mita"ga raisiga o'rinbosarlik qilgan, lekin aslida dinga qarshilik qilib yurgan "Narimon Abulxasan" degan kimsa oxirgi vaqtda o'zini dindor ko'rsatib propaganda bilan shug'ullanmoqda ekan. Advokat Abduvohid Yakubov shu haqida maqola yozibdi:

https://t.me/abduvohidyakubov/584

"Thor: Love and Thunder" hamma joyda tanqidlarga sabab bo'lmoqda. O'zim ham o'tgan kuni kinoga tushib, ko'rib chiqdim va barcha tanqidlar o'rinli degan xulosaga keldim. Diqqat, oldinda SPOYLERLAR!

Eng yoqmagan joylaridan biri bu Thorni 2-qismidan beri ko'rinish bermagan Jeyn Fosterning qaytishi bo'ldi. Yo'q, agar qaytib, "She-Thor" bo'lib oxirigacha qolganida boshqa gap edi. Xuddiki rejissorlarga qurbonlik uchun biror qahramon kerak bo'lganu, hozirgi qahramonlardan voz kecholmay Jeyn Fosterni qaytarib, yana o'ldirishvorgandek.

Undan keyin Thor MCU franshizasining asosiy qahramonlaridan. Qasoskorlarning fundamental qahramonlaridan biri. Ya'ni, bu kino muhim rol o'ynashi kutiladi doim. Lekin tanishtirilgan yangi yovuz qahramon "Gorr the God Butcher"ni juda kam ko'ramiz, jang sahnalari deyarli yo'q va oxirida birgina gap bilan fikri o'zgarib qoladi🤦‍♂ Kinoga umumiy holatda 6/10 ball berish mumkin, undan tepasi bizga qoplamay qoladi)

Marvel fandomdagilar 4-faza boshlanganidan beri haligacha asosiy maqsad qo'yilmaganidan nolishmoqda. Ko'plab film-seriallarida multiverse haqida hikoya qilinmoqda, lekin buni oxirida asosiy maqsad bormi-yo'qmi haligacha qorong'i. Masalan, MCUning boshidagi 3ta fazasida ham asosiy dushman Thanos bo'lgan. 4-faza boshlanganidan beri esa, haligacha qahramonlar birlashin jang qilishi mumkin bo'lgan katta va xavfli dushman tanishtirilmadi. Haligacha barcha qahramonlar o'z hayoti bilan, o'z hayotidagi dushmanlar bilan band😐

Xullas, shu bilan keyingi yirik premyeralar Noyabr oyida "Wakanda Forever", kelasi yil Mart oyida Chumoli-Odam, May oyida Galaktika Qo'riqchilari, va Iyul oyida " The Marvels" kinolarini ko'ramiz. Bular orasida meni ko'proq qiziqtirayotgani hozircha faqat Chumoli-Odam.

Nimayam derdik, kuzatishda davom etamiz.

@TheAliBlog

Kecha "Ms Marvel"ning oxirgi qismi chiqdi. Serialga 7 ball qo'ysa bo'ladi. Serial haqida umumiy gapiradigan bo'lsam, komikslardagi voqealarni MCUga opkirishga yaxshi urinishgan. Vizual tomonlama, demoqchiman. Chunki Kamala Xan komikslarda huddi "Incredibles" multfilmidagi Elastik Qizga o'xshash edi. Ya'ni, tanasi huddi rezinadek kattalashardi. Serialda esa, bu narsa huddi gologrammaga o'xshash ko'rinishga keltirilgan. Syujet biroz cho'zilib ketgan lekin. Serialning oxirgi sahnasi esa, Ms Marvel keyingi ko'rinish beradigan kinoga bir qadam tashlab qo'yilgan. Keyingi MCU seriali kelasi oyda boshlanadigan "She-Hulk" bo'ladi.

@TheAliBlog

Bazz Yorqin Yulduz haqidagi "Light Year" multfilmi internetga chiqibdi. Sizlarga uyga vazifa bu. Ertaga shu haqida gaplashamiz))

@TheAliBlog

Light Yearni ko'rib chiqdim. Syujet zo'r o'ylangan, grafikaga ham gap yo'q. "Toy Story"dagi Zurg obrazi haqida ham yaxshiroq ma'lumot berishgan bu safar.

LGBT sahnasiga kelsak, shu kapitan Houtorn (ayol kishi) boshqa bir ayol kishi bilan turmush quradi. Endi meni tushunmagan joyim, Bazz safardan qaytib kelgunicha ular turmush qurishgani va asosiysi kapitan Houtorn homilador bo'lgani bo'ldi)))

O'zbekcha dublyajida ham nari borsa 2 soniyalik kadrni o'chirib tashlab, 1-2 ta gaplarni boshqacha tarjima qilishsa kerak, menimcha.

Xullas, multfilm zo'r chiqqan, ko'rish kerak. Lekin nega IMDb reytingi 5.3 ekaniga hayronman 👀


@TheAliBlog

Tarmoqlarda Afzal Rafiqov ko'plab muhokamalarga sabab bo'lmoqda. O'zining bergan intervyusida u Rossiya-Ukraina urushida Putin haq ekani, urush yomon bo'lgani bilan, Ukraina shunga majbur qilgani, Ukraina Yevropa kabi fashistlashib ketgani va urushda Putin g'alaba qilishiga umid qilishini bildirgan.🙂

@TheAliBlog

Tiktokda "ibratli videolar" ishlaydigan blogger bo'lish moda bo'lganmi, nima balo? Kamiga 99 foizidagi syujet odamga rosa erish tuyuladi. Eng qizig'i rosa ko'pchiligi o'sha 3-4 minutlik videodagi "qissadan hissa"ni oxirida 10-15 sekundlik qaysidir domlaning qaysidir ma'ruzasidagi parcha bilan tushuntirgan ham bo'lishadi.

Vey, baribir uni mazmunini tushunish uchun o'sha domlani ma'ruzasidan parchani eshitishimiz kerak bo'lsa, ibratli videoga bir necha minut vaqt sarflamay, o'sha 10-15 sekundlik ma'ruzani tinglab qo'yavergan afzal emasmi? 🤦‍♂😑

@TheAliBlog

​Kutayotgan o'yinlarimdan bo'lgan "Spider Man" kechadan boshlab oldindan sotib olish uchun chiqarildi. Ya'ni, hozirdan pul to'lab qo'yaverasiz, reliz bo'lganidan keyin o'ynaysiz baribir))

Narxiga to'xtalsak, odatdagi yuqori grafikali kompyuter o'yinlarinikidan baland: 60 dollar. Kompyuter uchun yuqori grafikadagi o'yinlar odatda 30-40 oralig'ida bo'lardi (masalan: Need for Speed Heat, Read Dead Redemption, Assassins Creed Valhalla, Watch Dogs Legion va hokazo). Spider Man narxi esa, PS5 o'yinlari narxiga yaqin, PS5 o'yinlari o'rtacha 70 dollar turadi.

Lekin kecha e'lon qilingan o'yin uchun talablar ro'yhatiga qarasak, bu narxga arzirli bo'lishi ham mumkin. Meni kompyuterim "recommended"ga javob berarkan xolos 😢 Maksimum grafika uchun RTX3080 videokartasi talab qilinishi belgilangan.

O'yin relizi 12-avgustga belgilangan. U vaqtgacha videokarta ololmasam kerak (aniq desayam bo'ladi). Lekin o'yinni sotib olib, strim qilishga harakat qilaman, baribir😉 Chunki bu o'yinni o'ynashni bir necha yildan beri niyat qilib kelardim, bu haqida oldin ham yozganman))

@TheAliBlog

Yagona maktab formasi bizga milliy iftixor, vatanparvarlik ruhi, fidoyilik hissini berarkan.😑

@TheAliBlog

Soat 00:00dan o'tib, Juma kuni boshlanishi bilanoq Juma bilan tabriklashnk boshlaydiganlarni tushunmaymanda. Uxlasangchi, vey!

Yo'q, mana, eng birinchisi 00:08da kelgan, hozirgacha 13ta odamdan keldi. Shu odamlar bilan yozishmalar tarixini qaraydigan bo'lsam, kamida oxirgi 10ta xabari Juma bilan tabriklash bo'lgan. Tushunyapsizmi, bu 10 haftadan beri faqat Juma kundagina, Juma bilan tabrik jo'natib chiqasi degani. Bunaqa ketma-ketlikni rekordi adashmasam 30 haftadan oshgan. 10-15 kuncha oldin qiziqib sanab chiqqandim))

Tabriklamanglar emas, mayli tabriklanglar, kunduzi tabriklanglar. Hammadan birinchi bo'lishinglar shart emas. Men telegramda shaxsiy yozishmalardan faqat muhim masalalar uchun foydalanaman. Ishdan/shaxsiy hayotdan chalg'itmasligi uchun barcha guruh/kanallarni ovozsiz rejimga o'tkazganman. Shunday ekan, yarim kechasi tingir-tingir qilib sms kelsa, ish qilayotgan bo'lsam ishimni to'xtatib, uxlayotgan bo'lsam uyqimni buzib ochib qarayman, tinchlikmikan deb.

Undan keyin, shaxsiy xabarda hol-ahvol so'ramaydigan, salom-alik qilib turmaydigan bo'lganingizdan keyin, nega kerak shu tabriklarni jo'natish? Haqiqiy yaqin odamlaringizga jo'natib tabriklasanglarchi undan ko'ra😐 Shunchaki, bunday insonlar birorta kanalga joylangan tabrikni hamma kontaktiga pereslat qilib chiqadi. Shunaqa odamlarni juda ko'pini ovozsiz rejimga qo'yganman va ming muhim xabar yozgan bo'lsayam, g'irt bekorchi bo'lib, telegramdagi o'qilmagan xabarlarni o'qib chiqay, deb vaqt ajratmagunimcha bir necha kunlab xabar ochilmay turaveradi.

Mana, sizlarga tabriklash odobini o'zim va eng yaqin do'stlarim misolida ko'rsatsam. Har Juma kuni Juma namozidan chiqqandan keyingina "uzkiy krug"imizni guruhiga kirib bir-birimizni tabriklab qo'yamiz. Shundayam qisqagina qilib "ayyomilar bilan baldar" deb yozamiz ko'pincha, yoki shunaqa qisqa gapdan iborat ovozli xabad yuboriladi. Bo'ldi! Mana shu qisqa, o'z tili bilan yozilgan xabarda samimiylik bo'ladi, kanaldagi shablon xabarlarni yuborishda samimiylik yo'q! (Bu haqida boshqa bayram tabrigi bo'yicha gapirganda ham aytgamdim). Bundaylarga javob yozib ham o'tirmayman, ketma-ket har Juma tabriklar kelaveradi.

Qissadan hissa shuki, bolajonlar, chindan yaqin bo'lmagan, haddingiz bo'lmagan odamingizni bo'lar-bo'lmas bezovta qilmaslikni o'rganinglar. Tabriklaringizni barcha kontaktlaringizga emas, faqat yaqinlaringizga yuboringlar, shablon emas, o'z tilingizdagi gapni yuboringlar. Yoki umuman yubormanglar. Sizlar tabrigini "pereslat" qiladigan kanallarda biz ham bordirmiz balki, o'sha kanaldan o'sha tabrikni o'qib bo'lgandirmiz ham balki.

Xullas, bu postni nasihat sifatida qabul qilinglar, negativ sifatida emas))

@TheAliBlog

John Wick 4ning treyleri chiqibdi. Kino kelasi yil May oyida chiqarkan. Treylerga ko'ra, Donni Yen franshizaga qo'shilgan (bu haqida ancha oldin ham aytuvdim adashmasam) va u shunchaki oddiy obraz emas, John Wick uchun juda kuchli raqib bo'lib gavdalangan.

https://www.youtube.com/watch?v=27EF723ZDmI

Bir qancha masalalarni jiddiy tanqid ostiga olib kelayotgan blogger Olimjon Haydarovni 15 sutkaga opkirib qo'yishibdi. Kecha IIBga suhbat uchun chaqirishgan, borishsa uje sud vaqtiyam belgilangan ekan ularga, sud ularga 15 sutka bervoribdi o'sha borganidayoq.

IIBni bayonotiga ko'ra, blogger qaysidir cherkovni noqonuniy ekani haqida ommaga gap tarqatgan, bu gap o'sha cherkov ruhoniylariga yetib borib, ruhoniylar bloggerni ustidan yozib bergan va natijada 15 sutka bilan jazolangan.

Aslida esa, bloggerning o'sha postida "bu cherkov faoliyati ishqilib qonuniymi?" ma'nosida so'z yuritilgan. Tahminlarga ko'ra blogger bundan oldin ro'molga va soqolga qarshi chiqayotgan muassasalarni ochiqchasiga olib chiqib, shu mavzuni ko'tarib yurgani uchun yuqoridagilarga yoqmay qolgan bo'lishi mumkin.

Boshqa bloggerlar misolida aytish mumkinki, 15 sutkalik qamoqdan keyin srazi yana boshqa ish bo'yicha sud qilinib, yanayam ko'proq muddatga ulanib ketishi ham mumkin. O'zbekistonga xush kelibsizlar. Battar bo'laylik. E, yo'g'ey, bardam bo'laylik🙂

@TheAliBlog