Kecha zaryadim oz qolganida telefonimni titkilab, o'zim tarjima qilgan Garri Potterni pdf variantini topib olgandim, haliyam turibdi ekan. Bekorchilikdan shuni o'qishni boshlab, 2-bo'limini o'qiyotganimda zaryadim tashlavorgandi. Hozir zaryadimni to'ldirvolganman, haliyam svet yo'q.

Endi shuni o'qib yotishga zo'r bahona topildi)) Muzdekkina xonada o'ranib yotvolib telefoningda Garri Potterni o'qishga nima yetsin))

Qiziqqanlar bo'lsa @PotterlandUz kanalida bor kitob.

@TheAliBlog

O'zini bolasini ayiqni qafasiga uloqtirish uchun qay darajada dolbayob bo'lishi kerak maxluqot degani? Nega faqat bolani ahvoli haqida yozishyapti? Nega onasiga chora ko'rish haqida yozishmayapti?

@TheAliBlog

Endryu Garfilddan O'rgimchak-Odam qo'shig'ining kaveri. Yodingizda bo'lsa, bir necha oy avval Endryu aynan mana shu Jimmy Fallon shousida onlayn muloqot qilib, tarqalgan videolardagi u emasligi, uni kinoga chaqirishmaganini aytgandi)) Va bularni hammasi kinoni haqiqiy zavq bilan tomosha qilishimizga sabab bo'lgandi.

Endryu ijrosidagi o'rgimchak odam filmlarini oldin ko'rmaganimni, No Way Home premyerasidan 1 oycha oldin ko'rib chiqqanimni yozgandim. Umuman, endilikda Endryuning aktyorlik mahoratiga va insoniy hislatlari uchun unga ancha hurmatim oshdi. Muxlislarini xurmat qiladigan, burni ko'tarilib ketmagan odamlardan ekan, Kianu Rivzga o'xshab))

@TheAliBlog

Kecha ozgina qor yog'ib qo'yganiga svetni o'chirib, haliyam yoqishmadi, xoramilar😒

@TheAliBlog

Blenderda modellashtirgan yangi tank modelimni turli tarmoqlar, telegramdagi turli guruhlarga yuborgandim. Rosa ko'pchilik buni 3D model ekaniga ishonmay, o'yinchoq deb o'yladi boshlanishiga)) Rosa xursand bo'ldim lekin bu fikrdan)

@TheAliBlog

Youtubedagi amerika xit qo'shiqlar reytingida "We don't talk about Bruno" turibdi ekan. Rostdanam zo'r qo'shiq chiqqan shu. Multigini ko'ringlar, Encantoni. Multik zo'r, undagi qo'shiqlar yanayam zo'r)

@TheAliBlog

Oxirgi kunlarda hamma Ukraina voqealarini kuzatib borayotgan bo'lsa kerak. Prezident Zelenski haqiqiy erkakni ishini qilyapti, masalan. Tan berish kerak. Hech qayerga qochmadi. Poytaxtda qolib, "bugun o'lib ketsam kerak" deb ham o'z yurtini himoyasida yuribdi.


Ba'zi bir davlatlarning yaloqxo'r rahbarlari esa, uyoqda urush bo'layotgan vaqtda Putlerga telefon qilib, o'zini davlati va Rossiya o'rtasidagi kelgusi do'stona aloqalarni muhokama qilib yuribdi🤦‍♂ Hattoki Ukrainaga hamdard ekaniniyam bildirishga qo'rqyapti😒

Bu urush tezroq tugashi va nima sababdan bo'lsa ham Putlerning tezroq o'lib ketishini tilab qolaman.

@TheAliBlog

Dunyodagi eng katta hakerlik guruhlaridan bo'lgan "Anonymous" guruhi Rossiyaga turli tomonlardan zarbalar bermoqda.

Masalan, 1-2 kun oldin barcha davlat xodimlarining email akkauntlari va parollari ommaga taqdim qilingandi. Undan tashqari bir nechta hukumat saytlarini ishdan chiqarishdi.

Kecha esa, rus xarbiylarining radioaloqasini kuzatuvga olishganini e'lon qilishdi. Bundan parcha ham joylashgan hatto.

Shuningdek, 2-3 soat oldin barcha rus kanallariga buzib kirishgani va endi Rus kanallari haqiqatni ko'rsatayotganini e'lon qilishdi. Ko'rsatilgan videoda bir nechta telekanallar urush daxshatlari haqida tayyorlangan xujjatli filmga o'xshash narsa ko'rsatayotganini anglash mumkin.

@TheAliBlog

Ba'zilar Putinni juda ilohiylashtirib yuborishgan. Putin hech qanaqasiga yaxshi odam emas. Urush boshlashidan oldin ham diktatordan farqi yo'q edi.

Sizlarga aytsam, dunyoda tinchlik bo'pturishiga eng ko'p harakat qilgan prezidentlardan biri bu Tramp ekan. Rostdan, behazil. Uni qadriga yetmaganimiz mana shunaqa vaqtlarda bilinyapti.

Masalan, tasavvur qiling, siz tiriklik vaqtingizda amerikaga prezidentlik qilganlarni hammasi qayergadir urush qilgan. Qanchadan qancha odamlar qirilishiga sabab bo'lgan. Lekin tagi biznesmen bo'lgan Tramp hech qayerga urush qilmadi. Qon to'kmadi. Naoborot eng xavfli rahbarlar bilan do'stona aloqalarni mustahkamlab turdi. Masalan, Shimoliy Koreya rahnamosi Kim Chen In bilan ham, Putin bilan ham, Isroil rahbari bilan ham uchrashib, ular bilan do'stlik aloqalarini o'rnatgan. Xavfli davlatlarni nafaqat amerika bilan, balki boshqa davlatlar bilan ham nizoga borishini oldini olgan.

Lekin dunyo uni impichmentlar bilan taqdirlab, muddatidan oldin kursisini olib qo'ydi)

@TheAliBlog

Xitoyning Rossiyadagi elchixonasi tvitterda dunyoga xavf solayotgan davlat aslida Amerika ekanligi haqida tvit yozibdi. Va amerika bomba tashlagan davlatlar va yillari ko'rsatilgan rasmni biriktirib qo'ygan. Demak, Xitoy ham Rossiya tomonida.

Ko'pchilik Shimoliy Koreya ham Rossiya tarafida ekanini aytishyapti

@TheAliBlog

Tvitterda Medvedev Fransiyaga tahdid qilib yotibdi)) Fransuz vazirlaridan biri Rossiyaga iqtisodiy urush ochilgani haqida gapirgan ekan, Medvedev esa, "ehtiyot bo'linglar, tarixdagi ko'plab iqtisodiy urushlar haqiqiy urushga aylanib ketgan" deb yozibdi))

@TheAliBlog

Tvitterda Oqiljon Oxunjonovich nomi bilan tanilgan ushbu shaxs ko'pchilikni ishonchiga kirib, ko'pchilikdan qarz olib kiydirib ketibdi)) Militsiyaga xabar berishganida bu shaxsni ustidan bunaqa arizalar ko'p tushganini aytishibdi)

Internetda 1-2 yozishib yurgan odaminglarga qarz bervoradigan darajada sodda bo'lmanglar, do'stlar. Kimdir pulga muhtoj bo'lsa, ehson sifatida bering, lekin tanimagan odamingizga qarz sifatida pul bermang, rostdan.

@TheAliBlog

Bundan 2 yil oldin, bitiruvchi kurs ekanimda Artel kompaniyasining kadrlar bo'limidan kelib, talabalardan test olishgandi, feysbuk eslatib qoldi.

Testni yaxshi topshirganlarni ishga olishlarini aytishgan. Undan oldin ham, keyin ham boshqa kompaniyalardan ishga oluvchilar ko'p kelgan, lekin suhbat yoki test savollari asosan mutaxasislik fanlariga (fizika, oliy matematika, kimyo) asoslangan qiyin savollar bo'lardi. Artelniki esa faqat mantiqqa asoslangan, bazaviy fizika-matematika bilimlari yetarli bo'lgan savollar edi.

Monopol bo'lsa ham, shu ishga olish jarayoniga qoyil qolgandim lekin))

Oradan bir necha oy o'tib, karantin sal yumshaganida men bilan bog'lanib, ishga taklif qilishgan, lekin men toshkentga borib, Maya dasturini o'rganaman deb yurgan vaqtlarim bo'lgani uchun rad qilgandim. Jaa unaqa jirniy ish taklif qilishmagan, oddiy ishchilikdan boshlanardikan baribir))

@TheAliBlog

"Spider No Way Home"ning HD versiyasi internetga chiqibdi. Balki bu postni yozgunimcha shovvozlar uje o'zbekcha dublyajni HD versiyaga ulab chiqarib ham bo'lishgandir)) Hali ko'rmagan bo'lsangiz, bu rostdan ko'rishga arziydigan kino. Grafika, senariy, ijro har tomonlama)

@TheAliBlog

Kecha Pixar kompaniyasining navbatdagi multfilmi "Turning Red" internetga chiqdi. O'zi umuman olganda premyerasi ham kecha bo'lgan edi buni.

Avvalroq aytganimdek, endi Pixarni shedevrlari kinoteatrlarda emas, Disney+da qo'yiladigan bo'lyapti. O'ylashimcha bu daromadga ham jiddiy ta'sir qilsa kerak. To'g'ri, Pixar endi Disneyni tarkibida, unga byudjetni ham Disney ajratadi, lekin baribir agar bu premyeralar kinoteatrlarda bo'lganida edi, ko'proq foyda keltirgan bo'lardi.

Xullas, Turning Redni ko'ringlar. Ko'rishga arzirli multik. Menimcha TVda o'zbekcha dublyaj qilinmasa kerak, "ma'naviyatga zid" kadrlari juda ko'p)))

Yodingizda bo'lsa, Netflix 1-martdan boshlab servisdan Marvel seriallarini o'chirayotgani haqida ham aytgandim va bular ham Disney+ga qo'yilsa kerak deb taxmin qilgandim. Shunaqa ham bo'ldi, 4-5 kun oldin Youtubedagi Marvel va Disney kanallari Marvel seriallari 15-martdan boshlab Disney+ga joylanishini e'lon qildi. Shunaqa gaplar) Disney Media bozoridagi monopiliyaga aylanib bormoqda)

@TheAliBlog

Agar biz yo Amerikani, yo Rossiyani tanlashimiz kerak bo'lsa, shunda Amerikani tanlaganlar k...t bo'larkan🤗.

Buni xalqimiz ardog'idagi domlalardan biri bo'lgan, o'ta kuchli siyosatshunos olim Abror Muxtor Aliy aytib o'tdi.

Ochig'ini aytaman, endi chichib qo'ydi shu odam. Hamma narsani lgbt targ'ibotiga, masonlar fitnasiga bog'layverib, o'z muridlarini allaqachon zombiga aylantirib bo'lgandi. Endi shunaqa yo'llar bilan chamasi Rossiya ishini oqlab beryapti.

"Rossiya lgbtni kirgazmayman degan" emish. Bir gap aytaman, rossiyada yurgan tanishlaringizdan so'rab ko'ring ham, Rossiya allaqachon lgbt bilan to'lib toshgan. Qarshilik qilayotgani haqidagi gaplar dolbayoblar uchun propaganda xolos.

Rossiya Ukraina keyinchalik xavf tug'dirmasligi uchun yurish qildi deb oqlab berayotganlar shuncha yillardan beri musulmonlarga qilingan zulmni ham oqlab berayotgan bo'ladi.

Chunki, o'tgan yili Isroil go'yoki potensial xavfni oldini olish uchun Falastinga xujum qildi. Amerika go'yoki potensial terrorchilikni oldini olish uchun Iroq va Afg'onistonga yurish qilgan. Myanmada go'yoki potensial xavfni oldini olish uchun rohingya musulmonlarini tiriklayin ko'mib tashlashdi.

Xo'sh, hali mavjud bo'lmagan, lekin mabodo sodir bo'lishi mumkin bo'lgan xavf uchun hujum qilsa bo'laveradimi endi ham? Ukrainlar hech kimga hali ziyon yetkazgani yo'q edi. Huddi falastin, iroq, myanmadagi musulmonlarga o'xshab.

Buyerda siyosiy o'yindan boshqa narsa ketmayapti. Propaganda qurboniga aylanmanglar, hushingizni yig'inglar. Aslida mana shu gaplarga ergashayotganlar qo'yga o'xshab qayoqqa yetaklasa ketaveradi. Lekin ularni o'zi Rossiyani yomonlayotganlarga qarshi shu gaplarni ishlatishlari kulgili.

Rossiyaga qarshi chiqdi degani, amerikaparast, lgbt tarafdori, masonlarni birnimasi degani emas. Rossiyani pozitsiyasiga qarshi degani.

@TheAliBlog

Bir necha kun oldin Elon Mask twitter orqali Putinni yakkama-yakka jangga chaqirgandi, o'rtaga Ukrainani tikamiz, degandi)

Bunga javoban Ramzan Kadirov telegram kanalida Maskka "Qo'y, senga emas" degan ma'noda post yozibdi.

Bunga javoban Mask twitterda "Agar yakkama-yakka jangdan qo'rqayotgan bo'lsa, faqat chap qo'limni ishlataman, chapaqay bo'lmasam ham" deb yozibdi))

@TheAliBlog

Aytgancha, Ramzan Kadirov postida Elon Maskni chechenistonga kelib, jang qilishni o'rganishni, o'qishni tugatib, "Elona"dan "Elon"ga o'zgarishini aytgandi.

Elon Mask bunga ham javoban twitterdagi nikini Elona Maskga o'zgartirib olgandi.

Suhbatga Pavel Durov ham qo'shilib, "telegramdagi @Elona userneymini zaynit qipturibmiz senga" deb yozibdi))

@TheAliBlog

Aytishlaricha Twitter va Tiktok VPNsiz ham ishlayapti ekan👀

@TheAliBlog

Bloklandi. Uchib yurmasdan yerga tushinglar endi)

Uill Smit Kris Rokga tarsaki tushirdi.

Oskar sovrindorlarini taqdirlash marosimida eng yaxshi aktyor nominatsiyasi g'olibi bo'lgan Uill Smit tadbirni olib borayotgan qiziqchi Kris Rokga tarsaki tushirishi butun internetda tarqalib, allaqachon memlarga ham aylanib bo'ldi.

Xo'sh, bunga sabab nima bo'ldi? Kris Rok Uillning xotinini qo'pol tarzda kalaka qilgani bo'ldi. Lekin, buni ko'pchilik tushunmagan bo'lsa ham kerak.

Xullas, Uill Smitning xotini Jada Smit opa qandaydir kasallik sababli soch to'kilishidan a'ziyat chekadi. Sochi umuman yo'q, desayam bo'laveradi. Kris Rok esa, Uill Smitni tabriklash davomida "Jada, G.I. Jeynning 2-qismi qachon endi?" deydi. Bu hazilga javoban avvaliga kulib qo'ygan Uill Smit sal o'tib sahnaga chiqib, Krisning basharasiga qarab tortvoradi))

Demak, hazilni tushuntirsam, "GI Jeyn" kinosi 1997-yilda ishlangan bo'lib, unda xarbiy flotga kirish uchun turli imtixonlardan o'tadigan ayol haqida hikoya qilinadi. Bu imtixonlardan birida qahramon sochini qirib tashlashiga to'g'ri keladi. Shu xolos. "Ji Ay Jeyn 2" hazili shundan beri kalbosh ayollarni masxaralash uchun qo'llab kelinadi. Va shuning uchun ham Uill Smit tarsaki tushirgan.

@TheAliBlog