3-Dekabr kuni 3ta ish bo'ldi. Birinchisi, avval aytganimdek, yangi uchastkaga ko'chib o'tdim. Ikkinchisi, Qog'oz Bino (Money Heist) serialining yakuniy qismlari chiqdi. Nihoyat, uchinchisi Blender v3.0 versiyasi e'lon qilindi.

Bu uch ishni oqibatida ishlarim yanada ko'payib ketti. Qog'oz Bino serialining oxirgi qismlarini @UzNetflix kanalim uchun tarjima qilishni boshladim. Blender bo'yicha tayyorlanayotgan ikkinchi darsligimni qayta tayyorlab chiqishga to'g'ri keladigan bo'ldi. Chunki men darslikni Blender V2.93.5 versiyada tayyorlayotgan edim.

Tushunmagan odamlar uchun biroz tushuntiraman. Blender dasturi deyarli har oy yangilanib, kichik o'zgartirishlar kiritiladi va versiya raqami 2.93.5 2.93.6 2.93.7 kabi o'zgaradi. Sal ko'proq o'zgarish kiritilsa 2.94 2.95 versiyalar chiqishi mumkin. Juds yirik o'zgartirishlar bo'lganida esa, 3-4-5 versiyalar chiqadi.
Masalan, Blender V2 versiyasi chiqqaniga salkam 20 yil bo'ldi. 20 yil davomida 2.3 2.4 2.90 2.93 2.93.6 bo'lib yangilanib kelib, o'tgan kuni birato'la v3 versiya e'lon qilindi. Demak, darslikni o'zgartirib chiqishga to'g'ri keladi endi))

Shuningdek, bir necha kundan beri juda kam uxlayotganim sababli shu kunlarda juda asabiyman😕

@TheAliBlog

Iyul oyi o'rtalaridan Oktyabr oyi boshlarigacha har kuni 6-8 soat vaqtimni "Egrilik Sari" serialining tarjimasiga ajratdim. Serialni avval pullik kanalga, 2 hafta farqi bilan asosiy kanalga joylab bordim.

Har doim mendan pullik xizmat sotib oladiganlar uchun (pullik serial kanali, videokurs, frilans xizmati va hokazo) oldindan ogohlantiruvchi uzun matn yuboraman unda. Matnda shunga o'xshash dolbayoblar keyin boshni og'ritmasliklari uchun barcha shartlar, kelishuvlar va boshqa holatlardan ogohlantirilishadi.

Lekin 2 oy sarflagan mehnatimni 30-40 ming so'mga sotib olib ko'rgani yetmagandek, oradan shuncha vaqt o'tib "bergan pulimga rozi emasman" deyishi ochig'i juda oshib tushdi.

Pulniku, qaytarib berdim, lekin shundoq ham 10-15 kundan beri buzilib yurgan asab yanada buzildi.

Shunaqa dolbayob bo'lmanglar xullas.

@TheAliBlog

Bugun 2-bosqich darslikning shu kungacha yozilgan videolarini montajini tugatdim. Jami 32ta video, 10 soatdan sal ko'proq davomiylikda. Lekin bu umumiy rejadagi darslarning 40-50 foizi chiqadi xolos))

Nasib qilsa, to'liq darslik kelasi hafta oxirlarigacha tayyor bo'ladi va sotuvga chiqariladi)

Aytgancha, Blender v3.0 versiya chiqqani eski yozilgan darslarga muammo bo'lishi mumkin, deb havotirlangandim. Lekin qarasam, avvalgi versiyalardan uncha katta farqi yo'q ekan, asosiy funksiyalarda.

@TheAliBlog

Nihoyat, uzoq kutganim, O'rgimchak Odamning premyerasi bo'lib o'tdi bugun. Oshnalarim bilan eng birinchi qo'yiladigan seansga shoshildik.

Filmdan olgan taassurotlarim juda zo'r. 1 yildan ortiq kutganimga yarasha kino bo'lgan. Film davomida kinozalda qarsaklar va qiy-chuvlar deyarli tinmadi. Aniqrog'i, biz tindirmadik)) Ko'rish yoki ko'rmaslikka o'ylanib yurganlar bo'lsa, ko'ringlar. Ko'rmaslik jinoyat deb baholash mumkin bo'lgan darajada zo'r ishlangan xullas))

Yeslicho, instagram va tiktokda kichik spoyler bor. Lekin agar Marvelni muxlisi bo'lsangiz, spoylerlardan qochib yurib, tezroq kinoteatrlarga boringlar. Chunki bugundan butun internet olamida spoylerlar mavsumi boshlandi. Ulardan ko'p qochib yurishni imkoni yo'q))

@TheAliBlog

​Sababini bilmaymanu, lekin negadir doim yangi yil atrofida Garri Potter kinolarini ko'rish modaga aylanadi. Agar bu franshizaga haliyam qiziqmagan bo'lsangiz, ko'rib chiqishni tavsiya qilaman. Garri Potter ham huddi Marvel Kinematik Olami (MCU)ga o'xshab alohida dunyo yarata olgan asarlardan biri hisoblanadi.

Agar kinolarini avval ko'rgan bo'lsangiz, demak, kitoblarni ham o'qib chiqishingiz kerak)) Masalan, mana kanal(im)da 1 yarimta kitobni o'zim o'zbekchaga tarjima qilib chiqqanman. Tarjimon sifatidagi eng birinchi yirik ishim shu bo'lgan) Lekin afsuski keyin hafsala bo'lmay, tarjimani to'xtatib qo'ygandim. Lekin shu borini o'qib chiqsangizlar ham bo'laveradi.

2 yil avval tayyor tarjimalarimni o'qishga qulay holatga keltirib, pdf formatiga aylantirib qo'ygandim. Namuna quyidagi rasmda. Rasmlar bilan bezatilgan)) Xullas, xohlasangiz telegram kanal orqali, xohlasangiz pdf versiyasini yuklab olib o'qishingiz mumkin. Men kitob o'qimay qo'yganimga yarasha, sizlar o'qib turinglar))

@PotterLandUz - shu kanalda)

Yangi videokursdagi darslar soni nechta bo'ladi?

Boshlang'ich videokurs 22ta videodarsdan iborat edi. Yangi kursni esa, hozirgina 53-videoning montajini tamomladim)) Umumiy uzunlik haqida hozircha biror nima deyolmayman, hozir hisoblashni imkoni yo'q. Lekin yana o'rtacha hisobda 10-15ta video qo'shiladi.

Va nasib qilsa yangi kursni shu 1-2 kun ichida taqdim qilaman))

@TheAliBlog

Demak, Blender bo'yicha 2-videokursni e'lon qilaman! Kursning narxi 40$ va u haqidagi batafsil ma'lumotni quyidagi maqoladan olishingiz mumkin:

https://telegra.ph/Blender-Boyicha-2-Videkurs-12-24

Telegramga yana yangilanish qo'shilib, postlarga reaksiya bildirish va spoyler funksiyalari qo'shilibdi.

Spoyler matn bu birov behosdan o'qib yubormasligi uchun yashirib qo'yilgan matn. Masalan, ushbu matnda falon kino haqida spoyler bor, deb ogohlantirib, keyingi matnlarni yashirib qo'ysa, o'quvchi agar spoylerni o'qiyvermoqchi bo'lsa, "bijir-bijir" matnni ustiga bosadi va matn o'qisa bo'ladigan holatga keladi.

Reaksiya bildirish uchun shunchaki postni ustiha bir marta bosib, reaksiyalardan birini tanlash kifoya)

@TheAliBlog

Mana sizlar bilan yana bir yilni oxirlatib, yana bir yangi yilga qadam qo'yyapmiz. Doimgidek ushbu yildan falon odatlarni tashlayman, falon ishlarga odatlanaman, deb o'zimizga va'da berib, 1 haftacha o'sha va'damizga sodiq qolib yashaymiz)

Yangi yilni yangicha boshlash uchun o'z hayotimda ham ijobiy o'zgarishlar bo'ldi. CGTrader saytining frilanserlik saytiga qabul qilindim, imtixon orqali) Ushbu saytni boshqa frilans saytlardan farqi buyurtmani kutib o'tirmasligingizda ekan, yuzlab buyurtmalar ichidan o'zingizga ma'qulini tanlab ishlayverasiz, darrov tugatib qo'ysangiz, yana buyurtmalar bisyor ekan) Faqat bir tomoni bor, saytda qoidalar qat'iy. Yaxshi to'laganiga yarasha shunga yarasha sifatni ham talab qilib oladi. Rosa injiq)

Shu kungacha Blender dasturida boshqa saytlarda frilanser sifatida ishlab yurgandim, bo'sh vaqtimda xolos. Shu sabab bundan topgan pulimni ham jaa maqtanib bo'lmasdi. Lekin endi yangi yildan boshlab to'liq frilanserlikka o'taman, boshqa ishlarni yig'ishtiraman. Bu dasturni o'rganishni maqsad qilganimdayoq asosiy niyatlarimdan biri bu tirikchilikni o'z sevimli ishim bilan o'tkazish edi. Xudo xohlasa, shu niyatimni amalga oshiradigan vaqt keldi))

Shuningdek, o'quvchilarimga ham frilanserlik qilishda kerak bo'ladigan yo'l-yo'riqlarni ko'rsatib, ularni ham pul topishni boshlashlariga ko'maklashaman😎

Yangi yilingiz bilan!

@TheAliBlog

​Blender bo'yicha alohida kanal ochdim. Bu kanalda Blender dasturi bo'yicha tavsiyalar, motivatsiyalar va hokazolar yozib boraman))

Shunday qilib, bu kanalimga faqatgina blender uchun qo'shilganlar bo'lsa va blenderdan tashqari mavzudagi fikrlarim zeriktirib yuborgan bo'lsa, endi shu kanalga ko'chib olishinglar mumkin:

@BlenderUstasi

Pixar kompaniyasining deyarli barcha ishlari shedevr bo'lib chiqadi, desam hech kim e'tiroz bildirmasa kerak. 3D animatsion filmlar sanoatining eng boshidan boshlab hozirgi kungacha bu sohadagi eng kuchli kompaniya hisoblanadi.

Faqat bitta narsa chatoq bo'lgan, bu kompaniyani ham boshqa ko'plab media kompaniyalar qatorida Disney yutib yuborgan. Ya'ni, sotib olgan)

Pixarning shu yil boshida chiqishi rejalashtirilgan "Turning Red" multfilmi ham endi kinoteatrlarda namoyish etilmay, to'g'ri Disney+ stiriming xizmatiga joylanishi haqida gap-so'zlar yuribdi. Bu degani, multfilm o'sha kunni o'zidayoq yuqori sifatli holatda butun internetga tarqab bo'ladi. Tuzukroq pul ishlashigayam qo'yib bermaydi endi😒

@TheAliBlog

Yangi yildan sal oldin "Daredevil" serialini ko'rishni boshlagandim. Marvel komikslari asosida Netflix uchun ishlangan serial. Lucifer serialidan keyin bunaqa uslubdagi detektiv filmlarga ancha qiziqib qolgandim. Sizlarga ham tavsiya qilaman.

Ko'rishni boshlashimga turtki bo'lgan narsa serialning bosh qahramini Met Murdok (Matt Murdock)ning yangi o'rgimchak-odam filmi orqali MCUga qadam bosishi bo'ldi. Marvel ishqibozlari bu qahramonning ham tarixini bilib chiqishlari kerak, menimcha))

Shunday qilib, Netflix uchun ishlangan Marvel seriallari ham bir-birini davom ettirib, undagi qahramonlar huddi Qasoskorlar singari bir jamoaga birlashisharkan ekan. Demak, ro'yhatingizga qo'shishingiz mumkin bo'lgan seriallar ro'yhati:

- Daredevil
- Jessica Jones
- Luke Cage
- Iron Fist
- The Punisher
-The Defenders

@TheAliBlog

2021-yilni Marvel muxlislari uchun ajoyib yil bo'ldi, desak bo'laveradi. Shu yilni o'zidayoq MCU tarkibiga kiruvchi bir qancha seriallar, filmlar taqdim etildi. Yilni esa, haqiqiy shedevr bilan yakunladik))

2022-yilni esa, Pottermanlar uchun kutilgan yil bo'ladi, desak bo'laveradi. Yilni boshidayoq Garri Potter filmi premyerasining 20 yilligiga atab "reunion" hujjatli film ko'rgan bo'lsak, yil davomida "Dambldor Sirlari" filmi (Fantastic Beasts: Secrets of Dumbledore) va video-o'yin ishqibozladi uchun juda uzoq kutilgan RPG janridagi "Hogwarts Legacy" o'yini chiqariladi.

Bular orasida eng ko'p kutayotganim bu shubxasiz video-o'yin bo'ladi. Rouling xonim yaratgan afsungarlar olami shunday tuzilganki, unda istalgan odam o'zi qahramon yaratib, o'sha qahramoni haqida hikoyalar tuzishi mumkin. Bu o'yin ham huddi shu ko'rinishda bo'ladi, deb taxmin qilmoqdaman. Demak, 2022-yilda ham zerikib qolmaymiz))

@TheAliBlog

Agar "Eternals" filmini ko'rmaganlar bo'lsa, kecha kechqurun internetga chiqibdi. O'zbekchasidan xabarim yo'q. Inglizchasini yuklab olgandim, ko'rishga arziydimi-yo'qmi, kechroq yozib yuboraman))

@TheAliBlog

Unutmanglar, 14-yanvar barcha yigitlarni emas, vatan himoyachilarining bayrami. Bu degani xarbiylar, ichki ishlar va hokazo xodimlarining kuni. Bularni orasida hatto ayollar ham bor. Shunday ekan, dolbayobga o'xshab qizlardan sovg'a kutadiganlardan bo'lmanglar.


Aytgancha, Eternalsni ko'rib chiqdim, juda zo'r emasu, lekin ko'rishga bo'ladi. Marvel Kinematik Olamining chegarasi yanada kengayib ketadi bu kinodan keyin. O'zi parallel olamlar ham yetib turgandi, bunga endi celestiallarni ham qo'shib tashlashgan😑

@TheAliBlog

Yaqin kunlarda pulim ko'payib, bosar-tusarimni bilmay qolamanku, shu vaqtda to'polonda videokartamni yangilab olaymikan, degandim. Olganga yarasha RTX seriyasidan olishim kerakda, bu seriyadagi eng quyi modellar 3060 modellari bo'ladi. (Notbuklar uchun 3050 ham bor)

Lekin bir narsani ko'rib hayron qoldim. Nvidia videokartalarida 60 raqami 6GBlik videokarta modellarida ishkatilardi o'zi: 1060, 1660, 2060. Lekin 3060 modeli 12GB ekan, zo'r a?

Agar 3060 12GB bo'lsa va narxi 750 dollar bo'lsa, menimcha bu modelga zo'r narx ekan, deb turgandim. Chunki o'zim ham videokartalar hali qimmalamagan vaqtda 1660ni 330 dollarga olgandim. 6GB - 330, 12GB - 750. Yomon emasda, to'g'rimi?

Lekin qarasam, bu videokartanig kuchliroq, titanium versiyasi, ya'ni RTX3060Ti modeli 8GB grafik xotiraga ega ekan. Tovba, nega endi oddiy versiyada 12GB, pro versiyasida 8GB? Kamiga o'sha 8GB versiyasi kamida 100 dollar qimmatroq?

Shu narsa tinchlik bermay, ikkalasini ham o'rganib chiqdim. 3060da asosan Radeon videokartalariga raqobat qilish uchun ko'proq grafik xotira qo'shilgan ekan. Lekin, CUDA, Tensor, RTX va boshqa bir qancha yadrolari 3060Tinikidan sezilarli darajada oz ekan. Demak, grafik xotirasi kam bo'lsa ham, 3060Ti modeli gaming uchun ham, 3D grafika bilan shug'ullanish uchun ham munosibroq nomzod ekan.

Shunday qilib, qaysi modelni olishimni tanlab oldim. Endi pulim ko'payib ketishini kutish qoldi xolos))

@TheAliBlog

Ma'naviyatim rosayam buzilib ketibdi shekilli, yaxshi yangilikniyam neto tushunyapman)

@TheAliBlog

Junior dasturchi bo`lib ishga kirishni istaysizmi?

1. Kuniga minimum 6 soat har bir daqiqangizni hisoblab o`zingiz ustingizda ishlang.
2. Kamida 1ta masala ishlashni odat qiling.
3. Va har bir o`rgangan narsangiz haqida yozib boring. Instagram yoki telegram farqi yo`q.

Siz o`zingiz mustaqil o`rganmoqchimisiz? Sizga mentor kerakmi? Biz sizga yordam beramiz.
Hozircha react, react native, javascript, python va php bo`yicha yordam berishga tayyor bo`lgan dasturchilarimiz bor.
Guruhlarimizga qo`shilish uchun sizdan bir oy mobaynida har kun nimalar bilan shug`ullanganingiz va nimalar o`rganganingizni yoritib borishingiz kerak bo`ladi. Va buni biz ko`rib borishimiz uchun, quyida sizga havola qoldiraman va siz bilan o`zim bo`g`lanaman. Sizga yordam bera olishim uchun esa sizdan yagona talab, quyidagi linkga so`ralgan ma`lumotlarni kiriting va keyingi postda qanday qilib kunlik tajriba bilan bo`lishishni o`rganing.

https://forms.gle/iTjKzmybrucGAS368

PS: Tarqatganlar senior bo`lib bosar tusarini bilmay qolsin.

PSPS: dasturchi bo`lishni istasangiz, uyqusiz tunlarga tayyor turing.

$100K lik ishga kirguncha 😉

PSPSPS: oxirgisi! Imloviy xatolarga rozi bo'linglar )

#tarqatgangatoleyor #shareingiscaring #ichizqorabolsatarqatmang #dostilaoboduyingagarupostlaringnitarqatsa

@macsad_academy
@ilyosme

Kompyuter kresloyimni bitta qo'l qo'yadigan tomoni sinib ketti😑 Tirsagim havoda muallaq turishiga to'g'ri kelyapti. Qo'lim bunchalik og'ir deb o'ylamagandim)

Menimcha kechagi videokarta kutib turadi endi, oldin kreslo ovolaman shekilli)

@TheAliBlog