Pullik videodarslar.

Shunday qilib, uzoq o'ylab, ushbu oy vaqtimni Blender bo'yicha pullik videodarslik chiqarishga bag'ishlamoqchiman. O'ylab ko'rsam, shu yo'l bilan ham mundayroq pul ishlab olaman, ham ko'pchilikka foydasi tegar ekan))

Hozirda 3D modellashtirish bo'yicha videokurslar juda qimmat, 100-150 dollar atrofida. (Balki arzonlari ham bordir, xabarim yo'q) Men esa, 20 dollardan taklif qilib, ko'proq auditoriyani qurshab olmoqchiman. Albatta, bu 20 dollar bilan professional modelyer bo'lib ketmaysiz, birinchi videokursni boshlang'ich daraja (beginner)ga olib chiqishga bag'ishlasam, ikkinchisini o'rta daraja (intermediate)ga bag'ishlayman. Shunday qilib, 20 doldirdan 40 doldir bo'ladi🤓.

Profi darajasini va'da qilolmayman, bunisi uchun kechirasizlar, lekin nasib qilsa, shu ikkala kursdan keyin o'z parvozingizni boshlab, bilmaganlaringizni oson o'rgana olish darajasiga chiqib olasizlar.

Demak, bu ikki kursda biz 3D modellashtirish haqida tushuncha, obyektlar yaratish va tahrirlash, modellashtirish, teksturalar, animatsiya, moshn-grafika kabi bir qancha bilimlarni egallaymiz.

Shuningdek, videokurs sotib olganlar uchun alohida guruh ochilib, u guruhda o'rganuvchilar bir-birlari bilan fikr almashishlari, o'z ishlarini bir-biriga maqtanishlari mumkin bo'ladi. Shuningdek, u guruhda a'zolar so'ragan biror funksiyani o'sha guruhdagilarni ba'ri uchun tushuntirib berib boraman, ya'ni, "life-time support" bo'ladi))

Albatta, bu videokursni olmasdan, youtubedagi turli kanallardagi bepul darsliklardan yoki pullik kurslarni sotib olsangiz ham bo'ladi. Men ham o'sha pullik kurslardan o'rganganman, har xolda) Lekin men o'sha 10dan ortiq pullik kurslarni o'rganib chiqqan odam sifatida, ularni umumiylashtirib tushuntirib borishim mumkin bo'ladi))

Xullas, shunaqa gaplar. Agar oldindan sotib olmoqchilar bo'lsa, oldindan sotib olganlarga 20 foiz chegirma qilib beraman, keyingi kurs uchun esa 35 foiz chegirma olishadi)) Kurs tayyor bo'lishi bilan chegirma qilib berish to'xtaydi. Shunday ekan, shoshilinoradi))

Videokurs nasib qilsa, shu oy o'rtalariga tayyor bo'ladi. Qo'shimcha savollarni izohda yoki shaxsiy xabarda yozishingiz mumkin.

@TheAliBlog

Tiktokda kuzatib boradiganlar Damas haqida video va'da qilganimni bilishsa kerak) Hozir shuni ustida ish olib boryapman.

Ushbu ko'prik modeli sizlarga juda murakkab model bo'lib ko'rinayotgandir, lekin aslida juda oson. Youtubedagi 5ta videodarsni o'rganib chiqqanlar bemalol modellashtira oladi. Faqat biroz fantaziya kerak. Buyerda hamma narsa shunchaki kub va silindrlardan ishlangan, hech qanday ortiqcha modifikatsiyalar yo'q.

@TheAliBlog

Tiktok va instagramga animatsiyani joyladim. Unchalik zo'r chiqmadi, sababi animatsiyani ishlash juda qiyin kechdi)

https://vm.tiktok.com/ZSJw22nJb/


https://www.instagram.com/p/CTgumyGK7Ox/?utm_medium=copy_link

https://t.me/andijon_bugun/20855

Shu kanalga men ishlagan videoni joylashibdi. Ko'ramiz, yana katta kanallar ham joylasharmikan)

Saylov oldidan kimdir o'z siyosatini o'zi tanqid qilib qoptimi?)) 5 yildan beri amalga oshirish haqida o'ylanmagan ishlarni agar keyingi 5 yillikda saylansa qilar emish))

ITni o'rganinglar, til o'rganinglar, oilanglarni olib chetga suringlar. Men ham shuni harakatidaman)

@TheAliBlog

Shunaqa dolbayob bo'lmanglar))

@TheAliBlog

Videokurs tayyorlash qiyin ekan. Bugun 12 soatdan ortiq kompyuterda ishlashimni yozib, mikrofonga to'xtovsiz tushuntirib gapirib o'tirdim. Shuncha ishlaganimni yarmidan ko'pi montajda o'chirib tashlanadigan yo tezlashtirib yuboriladigan qismlar))

Kursni sotib olgan odam ketgan puliga achinmasligiga, qo'lidan ko'p narsalar kelishiga ishonishiga harakat qilyapman. Masalan, "bunaqa narsa qilish menga emas, buni qilish uchun ohooo bo'lish kerak" degan fikrni miyadan chiqarib tashlab, hammasi aslida oddiy narsa ekanini tushuntirishga harakat qilyapman.

Agar ma'lumot berib o'tsam, hozirda videokursning 4ta bo'limi rejalashtirilgan:

1-bo'limda shunchaki dastur bilan tanishuv;
2-bo'limda modellashtirish, rang berish, animatsiya, renderga boshlang'ich qadamlar
3-bosqichda detalli modellashtirish, yani realistik xona modelini tayyorlash,
4-bosqichda realistil tekstura berish. 3-bosqichda yaratilgan xona modeliga tekstura berish

Hozircha mana shu bosqichlarni tuzib bo'ldim va bu bo'limdagi videodarslarni yozish tugay deb qoldi. 5-bo'limga yana qandaydir ma'lumotlar qo'shib, umumiy 5ta bo'limdan iborat qilmoqchiman. Va bu faqatgina boshlang'ich, "Beginner" darajasidagi videokurs bo'ladi xolos!😎

@TheAliBlog

"Shunaqa dolbayob bo'lmanglar" turkumidan))

Shunday qilib, Telegramda blender haqida kimgadir bir narsa yozganimni qidirmoqchi bo'lib, "Blender" deb qidiruv bergandim, bir user chiqib keldi. Negadir bloklagan ekanman. Biosida o'z kanaliga link berilgan ekan. Kanaliga qarasam, sal teparoqda "mahsulot tayyor" deb joylagan videosi negadir tanish ko'rinib ketti:
https://t.me/Jamshidbek_shaxsiy_blog/98


Bu negadir men 24-may kuni instagran va tiktok platformasiga joylagan proyektimga sal o'xshayapti. Atiga 100.00 foizga!
https://www.instagram.com/p/CPPvKI_BnHc/?utm_medium=copy_link

Aynan nega blok qilganman, eslolmadimu, lekin tushungandek bo'ldim. Xullas, sarlavhadagi gap)

@TheAliBlog

Kecha kechqurun (yoki bugun ertalab?🤔) Videodarslik yozishni tugatdim. Endi videolarni tahrirlab, montaj qilib, keraksiz qismlarini o'chirib tashlab, ba'zi qismlarini tezlashtirib chiqishim kerak.

Demak, shu 2-3 kun ichida videodarslik tayyor bo'ladi, nasib qilsa)

@TheAliBlog

Bu yil Marvel o'z muxlislari uchun juda katta sovg'alar bermoqda desak bo'laveradi. Yil davomida bir nechta film va seriallar premyeralaridan bahramand bo'ldik. Undan tashqari, O'rgimchak Odam muxlislari uchun juda katta shov-shuv bo'ldi: parallel olamlar haqidagi navbatdagi O'rgimchak Odam filmi.

Hozircha Marvel film treylerida eski aktyorlar qaytishi haqida hech bir ishora bermagan, lekin uchala aktyorlarning muxlislari buni intiqlik bilan kutishmoqda.

1-2 kun avval internetni Endryu Grafild o'rgimchak odam kiyimida, suratga olish maydonida turib kimgadir gapirayotgan 3-4 soniyalik video portlatdi.

Mashxur shoumen Tim Fallon o'zining navbatdagi ko'rsatuvida Endryu bilan videoaloqa bog'lab, undan bu video haqida so'raganida aktyorning avvalgi reaksiyasi tomoshabinlarni xursand qilib yubordi. Lekin keyinroq o'zini tutib olib, Endryu bu videoni montaj ekanini aytdi.

Lekin Marvel muxlislari kompaniyaning maxfiylik saqlashini yaxshi bilishadi)

Shuningdek, bugun youtubeda Endryu ishtirokidagi qisqa video qanday qilib dipfeyk texnologiyasi orqali montaj qilinganligi haqida bir akkaunt tomonidan video yuklandi. Ya'ni, buni o'zi qilgani haqida e'lon berdi.

Va bu videodan keyin juda ko'pchilik ana shu dipfeykning o'zi feykligi haqida raddiya videolar bermoqda. Xullas, mavzu juda qizg'in))

@TheAliBlog

Blender Pullik Videodarsligi!

Nihoyat, videodarslik tayyor bo'ldi😎 Gapni uzoq aylantirmay, darslik haqidagi ma'lumotlarni aytsam:

Darslik umumiy salkam 9 soat keladigan 22ta videodarsdan iborat. Darslar 5ta bo'limga ajratilgan:

1-Bo'limda dasturni yuklab olish, interfeys va navigatsiya;

2-Bo'limda boshlang'ich modellashtirish, rang berish, animatsiya va renderlash. Raketa modeli yasash va uning havoga ko'tarilish animatsiyasi misolida.

3-Bo'limda detalli modellashtirish. Xona va undagi jihozlar modelini yasash.

4-Bo'limda detalli tekstura, 3-bo'limda modellashtirilgan xona va undagi jihozlarga realistik tekstura berish, realistik yorug'lik berish, onlayn assetlar bilan ishlash

5-Bo'limda rigging haqida tushuncha va fizik simulyatsiyalar.

Batafsil youtubedagi videoda tomosha qilishingiz mumkin:
https://youtu.be/a8apXoYxgtE

Videodarslik narxi: $20 (Bankning sotuv kursi bo'yicha hisoblanadi). Chegirma yo'q. To'lov uzcard/humo/visa kartaga o'tkazma orqali.

Kursni sotib olganlar uchun alohida yopiq telegram guruhi ochilib, unda yana ko'rsatmalar berib boriladi)

Sotib olish uchun:
@HarryAli ga murojaat qiling.

Imtixonsiz talaba bo'lishga qiziqishdan oldin o'zi nima uchun talaba bo'lmoqchi ekaningizni o'ylang. Ko'pchilik bir yil qo'shni davlat OTMlarida o'qib, ikkinchi kursdan o'zimizdagi OTMlarga perevod qilib olishni ko'zlaydi. Shunday bo'lsa, o'ylang: o'zimizdagi OTMni tugatish sizga nima beradi?

Diplomli kirakashlar, diplomli quruvchilar haqida eshitganmisiz? Diplomingiz bor degani, sizga ish beruvchilar qarab turibdi, degani emas. Hozir diplomga emas, bilimga qaralmoqda. "O'qishga kirib olsam, o'qib ketardim" deb o'ylashdan oldin o'ylang, o'qishga qiziqishingiz bo'lganida o'zimizdagi OTMlarga ham imtixon bilan talaba bo'la olgan bo'lardingiz.


Qissadan hissa shuki, minglab dollar pulni 1 yillik kontrakt puliga sovurib, o'zingizni qiynamay, o'sha pullarni kurslarga borishga sarflab, bilimingizni haqiqiy ma'noda oshiring. Chet tilini o'rganing, qiziqsangiz kompyuter sohasini o'rganing, qiziqsangiz tikuvchilikni o'rganing. Xullas, pulingizni o'z qiziqishingizni chuqurroq o'rganishga sarflang. Qiziqishingizni kasbga aylantirish uchun harakat qiling hozirdan. 4 yilda 4 ming dollarni kontraktni sarflab, quruq bosh bilan chiqqandan, 1 yilda nari borsa 2 ming dollarni o'quv kurslariga ishlatib, juda katta bilimga ega bo'lishingiz mumkin.

Ko'zingizni ochinglar, sizlarni diplom emas, bilim boqadi.

@TheAliBlog

Blender dasturi bo'yicha boshlang'ich daraja pullik kursini onlinedars.uz onlayn platformasiga joyladim. Huddi Udemyga o'xshash o'zbekcha platforma ekan.

To'lovni oldindan qilishga negadir menga ishonqiramayotganlar uchun (shunaqa odamlar uchradida rostdan))) ishonchli tizim bo'ladi. U platformada darsliklarni yuklab olmasdan, onlayn ko'rishingiz mumkin. Android dasturlar uchun ham ilovasi bor ekan, yeslichcho)))

Juda meni kursimni sotib olmasangiz ham, bir kirib ko'ringlar saytga, balki sizga yoqadigani chiqib qolar))

@TheAliBlog

Anchadan beri Netflixga tegishli koreyslarning "Squid Game" (Kalmar O'yini) shov-shuv bo'lmoqda. Serial haqiqatdan ham juda zo'r chiqqan. Birinchi qismdanoq o'zida ushlab tura oladi. Intrigani oxirigacha saqlay oladi. Buni kinotanqidchilar Netflix tarixidagi eng ommabop serial bo'ladi, deb kutishmoqda. Chindan bunga umid qilsa bo'ladigan darajada zo'r serial

Voqealar serial oxirida yakunlansada, 2-mavsum uchun tirqish qoldirib ketishgan.

Meni o'ylantirayotgan narsa shuki, bizdagi kinosanoat nega bunaqa rivojlana olmaydi? Avvaliga bizdagi kinosanoat bozori katta emasligi, olinadigan daromad katta pul sarflashga arzimasligi mumkinligini sabab deb o'ylardim. Lekin Navoi viloyatidan sal kichik bo'lgan, aholisi O'zbekistondan sal ko'proq bo'lgan Koreyaning bu seriali butun dunyoni egallab bo'ldi. Uni turli tillarga dublyaj qilib, yanada ko'proq hududlarga yetkazishyapti. Demak, bozor kichikligi sabab bo'la olmaydi. Kichkina davlat ham dunyo bozoriga bemalol chiqa olarkan.

Masalan, o'sha koreyslarning Parazitlar filmi Oskar mukofotini ham olgandi. Xo'sh, o'zimiznikilar shunaqa katta ishga qo'l urishlariga nima to'sqinlik qilyapti? Badiiy kengashmi? Qachongacha TV kanallari yoki Youtube uchun kino ishlab yurmoqchisizlar?

@TheAliBlog