Blender haqidagi 2-videodarslikni ham chiqardim. Bu videoda mana shunaqa uyni yasashni o'rganamiz. Agar videoni tugatib, amalda qo'llab, o'zingiz modellashtira olgan bo'lsangiz, shu postning izohiga yozib qoldiringlar.

Ko'rmagan bo'lsangiz, mana link:
https://youtu.be/dzgxGbVEJXM


@TheAliBlog

Tiktokdagi trendlarning animatsion versiyasini chiqarishga harakat qilmoqchimam. Eng avval mana bu videodan boshlamoqchiman. Buning uchun personaj modeli bor, va sketchfab degan saytdan lamborginining bepul modelini yuklab olib, biroz o'zgartirish kiritdim. Endi qolganini yaqin kunlarda ko'ramiz, nasib qilsa))

@TheAliBlog

Ish jarayonidan lavha))

@TheAliBlog

Blender bo'yicha tayyorlagan 3-videodarsligim orqali avvalgi darsda boshlangan uychani takomillashtirib, quyidagicha ko'rinishga keltiramiz. Agar haliyam boshlamagan bo'lsangiz, unda tezroq shoshiling))

Tayyorlagan ishlaringizni rasmga olib, shu postga izoh qilib yuborishingiz mumkin.

Video linki:
https://youtu.be/GcpEZWDmyuw

@TheAliBlog

Nimadir qilmoqchiman, lekin hali o'ylab topolmadim nimaligini))

Xullas, tanishinglar, Vinsent (odam) va Oti. Personajlar Blender jamoasiga tegishli bo'lgani uchun qayta nomlash noo'rin bo'ladi deb o'yladim)

Xullas, ikkovlon ishtirokida qiziqarli animatsiyalar yaratmoqchiman) Kimda fikr bo'lsa, izohlarda yozib qoldiringlar)

@TheAliBlog

3D grafikada tayyorlagan ishlarimni ko'rib bu sohaga boshqalarning ham qiziqishi ortyapti. Lekin ular avvalo bu soha qiziqligi uchun emas, balki rosa pul keltiradigan soha, deb o'ylashgani uchun qiziqish bildirishmoqda. Albatta, hammasi ham emas, lekin menga yozadiganlarning aksariyati qancha daromadga kirganimni so'rashadi))

Bu sohani o'rganmoqchi bo'layotganlarga maslahatim, pulni hali beri o'ylamang. Men o'rganishni boshlaganimga endi 1,5 oy bo'ldi va hozirgacha 1 tiyin pul topmayapman va yaqin orada pul topishni kutmayapman ham, chunki hali ustimda juda uzoq ishlashim kerak, buni bilaman.

Shuningdek, o'rganishni boshlashdan oldin bu soha juda mashaqqatli ekanini ham inobatga olinglar, juda katta sabr va matonat kerak.

@TheAliBlog

Blenderdagi navbatdagi darsda uychamizga rang berish va uni render qilish haqida gaplashamiz. Bu safar qilgan ishingizni telefonda rasmga olmasdan, render qilingan rasmni kommentda jo'natinglar)

https://youtu.be/uMkR3yoHVv8

@TheAliBlog

Avvaliga, kecha Mubashshir Ahmad domlaga nisbatan ma'muriy javobgarlik belgilanganini o'qib hayron qolgandim. Ya'ni, domlaning ijtimoiy tarmoqdagi maqolalari din ishlari bo'yicha qo'mitaning ekspertizasidan o'tkazilmasdan, ular bilan maslahatlashmay joylangan va o'sha maqolalarda ekstremistik ruh bo'lgan emish. Shu sababli domlaga nisbatan 200 minimalka jarima yoki 3 yildan 5 yilgacha ozodlikdan mahrum etish jazosi belgilanganmish. Kecha sud majlisi bo'lishi kerak edi, sud qanday qaror chiqardi, hozircha bexabarman.

Lekin, bugun yana bir yangilikla ko'zim tushib qoldi. KunUz sayti ham shunday ayblov bilan javobgarlikka tortilibdi. Sabab qilib ko'rsatilgan materiallardan ayb qidirishni o'zi ahmoqlik, aksariyati ramazonda bo'lgan diniy mazmundagi suhbatlar ekan.

Nima sababdan dinga ta'qiq qo'yishga, dinni cheklashga urinishmoqda? Diniy erkinlik degan tushuncha qayerda qoldi? Hukumat dolbayoblar qo'lidan qachon xalos bo'ladi?

@TheAliBlog

Telegramda videostrim funksiyasi qo'shilibdi.

Ko'pchilik uje xabar topib bo'lgan bo'lsa kerak, kecha chiqqan yangilanishda Telegram orqali endi videostrim qilish imkoniyati paydo bo'ldi. Bu orqali endi telegramda ham jonli efirlar o'tkazish, guruh bo'lib videokonferensiya uyushtirish, hatto o'ynayotgan o'yiningizni strim qilish imkoniyati paydo bo'ldi.

Buning uchun shunchaki o'zingiz admin bo'lgan guruh yoki kanalda ovozli chat yaratasiz. Chatga qo'shilgan birinchi 30 kishida kamerani ham qo'shish funksiyasi mavjud bo'ladi. Durovning aytishicha, bu limit sekin-sekin o'zgarib, yanada ko'proq odamlar videokonferensiyada ishtirok etishlariga sharoit yaratiladi.

Mana shu funksiya tez orada Zoomni siqib chiqarishiga aminman. Chunki Telegram - foydalanuvchilar ma'lumotini to'plab, 3-tomonga sotmaydigan yagona dastur. Va xavfsizlikni ustun biladiganlar tez orada Zoomni tark etib, telegramga o'tishni boshlaydi.

Kamiga, huddi facebook, instagram, tiktokdagi kabi kanal adminlari o'z a'zolari bilan jonli efirga chiqishlari mumkin. Kuzatuvchilar xohlasa videokonferensiyaga qo'shilishlari, xohlasa ovozli xabar yuborishlari, xohlasa shunchaki komment yozishlari mumkin. Zo'r a?

@TheAliBlog

Shunday qilib, uzoq o'ylanishlardan keyin Blender haqidagi navbatdagi dars nima haqida bo'lishini topdim)) Yana teksturalar mavzusida davom etamiz. Lekin bu safar obyektlarga faqatgina rang bermasdan, aksincha haqiqiy materiallar berishni o'rganamiz. Videodarslikni ertaga chiqarishga harakat qilaman.

Rasmda oshxona modeli. O'zim modellashtirdim, o'zim tekstura berdim. Xullas, boshdan-oyoq o'zimni ishim. Eplay olamanmi, yo'qmi deb qilgandim. Epladim shekilli, a?) O'xshabdimi ishqilib?))

@TheAliBlog

Nafaqat televizor, telegram kanallar orqali, balki sim-kartalarga ham smslar jo'natish orqali reklama qilingan Koronavirus Info kanali nomini o'zgartirib, endi xabarlar kanaliga aylanib olibdi))

Adashmasam, oxirgi marta qaraganimda 1.3 million obunachisi bor edi. Byudjet hisobidan, aniqrog'i bizning cho'ntagimizdan reklama qilib ko'tarilgan kanal edi. Endi imi-jimida nomini "Times Uz"ga o'zgartirib, yangilik kanallar yo'nalishiga o'tib olibdi. Balki kanal admini uni bekor yotmasin deb boshqa yo'nalishda yuritishni boshlagandir, balki boshqa birovga sotgandir, bunisi menga qorong'i. Lekin nima bo'lganida ham, byudjet hisobidan ko'tarilgan kanalni boshqa yo'nalishga o'zgartirib olish to'g'ri ish emas.

Ha aytgancha, obunachilari 1 millionga kamayibdi, 300 mingta ekan hozir))

@TheAliBlog

Realistik teksturalar berish haqidagi Blender darsi ham tayyor bo'ldi. Ushbu darsda oldindan modellashtirilgan tayyor oshxona modeliga teksturalar berish jarayonida kerakli funksiyalarni o'rganib olamiz.

Shuningdek, derazaning chetki "ramkasi"ni modellashtirish esimdan chiqibdi, bu sizlarga qo'shimcha vazifa bo'laqolsin, tugatganingizdan keyin albatta renderingizni shu postning kommentiga yuklab qo'yishni unutmanglar.

Ushbu arxivda oshxona modeli va unda ishlatiladigan teksturalar to'plami mavjud.

Videodars manzili:
https://youtu.be/BZYUr-baTlI

@TheAliBlog

Toshkent hokimiyati tepasidagilarning mantig'ini qarang: Toshkentda koronavirusga chalinganlar ko'payib ketgani sababli Toshkentga kirish-chiqish yo'llari yopilib, karantin qoidalari kuchaytirilarkanda, 29-30-iyun kunlarida botanika bog'ida Yoshlar Forumi festivali bo'lib o'tarkan🤦‍♂


@TheAliBlog

"Markaziy Komissiya" degan nom ostidagi dolbayoblar jamoasini tarqatvorish kerak. O'zi karantin boshlanganidan beri birorta mantiqqa to'g'ri keladigan qaror chiqarishganini ko'rmadim.

1-2 kundan beri 20:15da oshxona ishlayotgan bo'lgani uchun egasiga 12,5 million jarima solingani shov-shuv bo'lmoqda. Yo'q, hech tushunmaymanda, nega ovqatlanish joylari 20.00dan keyin berkilishi kerak? Koronavirus soat 20da bo'lishi bilan ovqatlanish joylarini kezib yuradimi? Shunchaki mantiqqa to'g'ri keladigan qilib, "kasallik avj olgani uchun ovqatlanish maskanlaridagi o'rinlar sonini qisqartirish, stollar oralig'idagi masofani kengaytirish kerak" degan qaror chiqarishsa, boshqa gap edi. Soat 20gacha odam tiqilib kirsa bo'laverarkanda, undan keyin kirsa bo'lmasakan, kasal yuqarkan🤦‍♂

Eng qizig'i qanaqadir davlat tadbiri, festivallar (qisqacha aytganda pul yuvish marosimlari) o'tkazilayotganda negadir ovozi chiqmaydi o'sha markaziy dolbayoblarni😒

@TheAliBlog

Aytgancha, bilaman, kanalga yangi qo'shilganlarni ko'pchiligi Blenderni o'rganishga qiziqib qo'shilgan. Keyingi darsda nimalarni bajarishni o'rganmoqchisizlar? Izohda yozib qoldiringlar.