Bugun kichik sastapimizda tug'ilgan kun bo'ldi. O'zimdan 2 yosh katta yaqin oshnam yana 1 yoshga ulg'aydi) Kafe-restoran-choyxonalar berk bo'lgani uchun suv bo'yida KFCga o'xshagan narsa yeb o'tirib nishonladik))

@TheAliBlog

Bu videoda esa, sevimli mashinam Nissan GT-R R35ni yangi yuklab olgan o'yinim "The Crew 2"da o'ynab ko'ryapman. Grafikasini solishtirib ko'ringlar, sizningcha qaysi biri kuchliroq? The Crew 2018-yil bahorda, NFS Heat 2019-yil kuzda chiqqan.

Menimcha ranglar yorqinligi bilan baribir The Crew boshqacha o'ziga tortadi odamni))

Video sifatsiz yuklanishi mumkin, chunki asli 170MB bo'lgan videoni kichraytirib joylayapman)

@TheAliBlog

Hyper Scape o'yinini sheriklar bilan o'ynayapman:

https://youtu.be/xVZYVLGD2EY

Shunday qilib desangiz, hali qiziq ish bo'ldi, onlayn o'yin vaqtida. Translatsiyani o'chirib, o'yinda malaka oshirib olay deb yana sheriklar bilan o'ynashda davom etgandim. Bir ispan bola bilan sherik bo'pqopman. "Inglizcha bilmayman, Ispancha bilasanmi?" deb ispanchalab gapiruvdi, "yo'q, ispancha bilmayman" deb ispanchalab gapiribmanda😁 "Ana bilarkansanu" degandi, bor bilimlarimni ishga solib, 1-2 yodlavolgan savollarimni berdim) Xullas, parot bo'pqomadimda😎

Aytgancha, 4-5 o'yindan keyin nihoyat 1tasini o'ldira oldim🥳

@TheAliBlog

Kelajakda shunday kadr bo'lishga intilingki, ish joyingizni yo'qotishdan qo'rqadigan bo'lmang. Shunaqangi mutaxasis bo'lingki, sizni ishdan ketib qolishingizdan boshliqlar xavfsirab tursin, "shunday mutaxasisni yo'qotyapman" deb.

Ana shunda hozir tibbiyot xodimlaridan "ixtiyoriy-majburiy" call-markazda ishlashga ariza yozdirib olishayotganiga o'xshash holatlarda hecham qo'rqmasdan, "bekorlarni yebsan, shu gapingga" deya olasiz.

Buning uchun korrupsiyaga botib yotgan ta'lim tizimidan umid qilmagan holda, mustaqil o'rganish, o'quv kurslariga qatnab qiziqqan sohangizni hozirdan chuqurroq o'rganavering. Agar yo'lingizni tanlab ulgurmagan bo'lsangiz, o'zingiz chinakamiga qiziqadigan fanlarni chuqurroq o'rganavering, shunda yo'lni o'zi sizni topib oladi))

Faqat bir narsani unutmang, qaysi soha bo'lishidan qat'iy nazar, chet tili va kompyuter savodxonligini chuqurroq o'rganing.

Men yo'limni litseyni bitirmasdanoq tanlab bo'lgandim. Dasturchi yoki 3D loyihalovchi bo'lmoqchi edim. Dasturlashdan sal-pal xabarim bor, kompyuterni yaxshi tushunadigan, inglizchani yaxshi biladigan vaqtim edi. Lekin uydagilar bunga rozi bo'lmagan😒 kompyuterchi odamni kelajagi yo'q, deb hisoblashgan. Shu sabab nomi baland OTMlardan bir necha bor yiqilib, oxiri nega o'qiganimu, nega bitirganimni bilmaydigan institutni bitirib chiqdim.

Endi o'sha vaqtdagi rejamni quvyapman, yana. 3D loyihalashni mukammal o'rganmoqchiman. Dasturlashni ham kerakli darajada o'rganib olishim kerak. Lekin siz menga o'xshab vaqtdan yutkazmang. Hozirdan harakat qiling.

@TheAliBlog

Nihoyat, telefonimda tozalov ishlarini amalga oshiryapman. Aslida tozalov emas, ko'chiruv desa ham bo'ladi. Telefondagi rasm-videolarni kompyuterga ko'chiryapman.

Bo'rttirish emas, lekin telefonimda 30 mingdan ortiq rasmlar bor ekan. Shu sabab telegramdan rasm jo'natmoqchi bo'lsam, doim rasmlarni ochilishi qiyin bo'ladi. Undan tashqari, bular 10GBdan ko'p joyni egallab turibdi. Rasmni o'zi.

Yodingizda bo'lsa, 10 kuncha avval Samsung Flow dasturini kompyuterimga o'rnatganimni aytgandim. USB bilan ulaganda, kompyuter buncha faylni hazm qilolmay qoladimi, yoki telefonim chiqarib berolmaydimi, xullas oddiy holatda o'tkazishni imkoni bo'lmagam. Bu dastur bilan esa, mana, bir chiroyli o'tib turibdi. Shunchaki kompyuterga ham, telefonga ham Samsung Flow dasturi o'rnatladi, USB yoki Wifi orqali ulanadi, qolgani ShareItdek ishlayveradi.

O'ziyam nima ko'rsam galereyaga soxranit qilavergan ekanman) Vaa, dam olishga chiqqanda ham ko'p rasmga tushvoramiz)) Videolarniku, aytmasa ham bo'ladi)

@TheAliBlog

Yana agar odamlarni fikrini bilish uchun izohlarni ochib qo'ysamu, o'zini fikrini favqulodda muhim hisoblab, lichkamga yozadiganlarni ham yoqtirmayman. Siz ham hamma bilan tengsiz. Hamma fikr bildirayotgan joyda fikr bildiring.

@TheAliBlog

Nihoyat, edu-uz saytida nagruzka kamayibdi shekilli, diplomimni yuklab oldim. Qulluq bo'sinmi endi? 😉

@TheAliBlog

Diplomni elektronniy olgandan keyin yuvib berish ham elektronniy bo'ladida axir. Olinglar shashlikdan, davrimda to'yib qolinglar 😎

@TheAliBlog

Hozir Anjanda shunaqa vahimali havo bo'lyapti))

@TheAliBlog

Youtube "bloggerlari"dagi asosiy kamchilik.

Youtubeda o'zbek segmentida ham bir qancha kanallar bor. Judaa ko'p emasu, harqalay shuni orqasidan non topib yeyotganlar topiladi. Kimdir rasm va videolarni ustiga o'z ovozini yozsa, kimdir o'zi kamera qarshisida o'tirib gapiradi. Lekin menga yoqmaydigan va afsuski, ko'p kuzatadigan bitta odati borki, shuni yo'qotishsa ishlari besh bo'pketishini o'zlari ham bilishmaydi😕

Vaqt. Youtubeda bitta video o'rtacha 6-7 daqiqa ko'riladi, statistika bo'yicha. Ya'ni, shu 6-7 daqiqadan keyin tomoshabin videodagi mavzudan beziydi. Har qancha dolzarb bo'lmasin, har qancha qiziqarli bo'lmasin, uje buyog'iga videoni tomosha qilishga xohish bo'lmaydi. Faqat ayrim hollarda g'irt bekorchi bo'lsangiz yoki o'zingizni majburlab ko'rmayotgan bo'lsangiz.

Youtubeda asosan ingliz segmentidagi videolarni ko'raman, ingliz bloggerlari (blogger deganda faqat xalq muammolarini yoritadiganlarni tushunmanglar, texno bloggerlar, geym-bloggerlar va hokazolarni aytyapman), inglizcha videoroliklar va hokazo. Lekin ba'zida o'zbek kanallarida nimadir qiziq tuyulib kiramanu, hafsalam pir bo'ladi😕

O'zi aniq bir fikrlarini mundoq qog'ozga to'liq yozib, tasratib o'qib bersa 2 daqiqaga bormaydigan gaplarni "immmm, haaa, eeee" deb cho'zilib, bitta gapni 8 martalab qaytaraverib, xullas xitrlik yo'llari bilan 25 daqiqa qilib tashlashadi.😒

Qaysidir mavzuda gapirmoqchi bo'lsa (hammasi ham emas, lekin ko'pchiligi) shundoq kamerani yoqadida, gapirishni boshlayveradi. Oldindan reja tuzib olmaydi, gaplarini yozib, yodlab olmaydi. Xullas, professional yondoshmaydi.

Chet el bloggerlarini ko'rsangiz, anavilar gapirayotganidan kattaroq mavzu haqida gapirsa ham, video 5 daqiqadan ko'pga cho'zilmaydi, videoda tomoshabinni vaqtini oladigan kadrlar kesib tashlanadi, grafik ishlov beriladi, xullas professional yondoshadi. Chunki ular nonini shundan topib yeyapti, auditoriyasiga qancha sifatli narsa bersa, u yanada ko'payaveradi.

Aytmoqchimanki, "pryamoy efir" qilish boshqa narsa, unda bitta kadrda ketaveradi hammasi, cho'zilishlar, ikkilanishlar vaqtni olishi aniq. Lekin videoni montaj qilib yuklasang, ortiqcha joylarini kesib tashlasang bo'ladiku, nomard😕 Jillaqursa gapingni to'g'ri yodlab olgin😔

@TheAliBlog

O'zi siyosat masalasida ko'pam yozavermayman, unaqa tanqid qilishniyam eplolmayman, chunki qonunni yaxshi bilmayman. Lekin shuni bilamanki, hukumatga umuman ishonch yo'q. Hech nimani ishonib bo'lmaydi. Xalqni pulini o'zlashtirib, xalqqa hech narsa bermaslikdan boshqa narsani bilishmaydi. Hukumat tepasiga yoshlar kelmasa, qariyalar joyida qolaversa, tizimda o'zgarish bo'lmaydi baribir. Shu sabab qachonlardir buyerlardan survorish rejasi rejalarim orasida yuqori o'rinlarda turadi.

@TheAliBlog

Youtube kanalimga syupriz joylab qo'ydim 🤫

@TheAliBlog

@theTechnoAli bilan @sharofsoliyev chiqinglar, biz sizni tanidik)

@twituz

Aytgancha, manovi narsa hazil qilib yozilgan, yana jiddiy tushunvomanglar😁

@TheAliBlog

Duolingo dasturi bilan Ispan tilini o'rganishni boshlaganimga ham mana 3 oy bo'libdi. Oxirgi kunlarda dangasa tomirim tortishib, yangi darslarga kirishga erinib qolganman. Menimcha issiqdan quvvatsizlanib, hech bir ish qilgim kelmayotganidan bo'lsa kerak.😕

Seriallarni tarjimalarini ana boshlayman-mana boshlayman, deb yuribman bir haftadan beri😔.

Lekin serial ko'rishni kanda qilmayapman, kompyuter o'yinlari bilan😁😔.

@TheAliBlog

O'zimni o'zim maqtamasam, kanallarimni hech kim eslamabdiyam 😒

@TheAliBlog

Qariyb 6 yildan beri meni timsolimga aylanib ulgurgan rasmni o'g'irlab olishlari hecham yoqmaydi 😒

@TheAliBlog