Buyerda biroz g'alizlik bor. Chunki pan-demic => hamma xalq degan ma'noni bildiryapti.

AC Odyssey o'yini sharofati bilan bilib olgan ma'lumotim: "panic" so'zi Yunon ma'budi Pan nomidan kelib chiqqan bo'lib, u yovvoyi tabiat ilohi bo'lgan va negadir odamlarga qo'rquv bag'ishlagan.

Agar shu ma'budning ismini demos bilan qo'shsak: pan-demos => "xalq qo'rquvda" ma'nosi kelib chiqadi. Menimcha shunisi haqiqatga yaqinroq.

Tag'in bilmadim))

@TheAliBlog

Ko'pchilik "Platforma" kinosini maqtagan ekan, bir ko'raychi deb boshlab, qiziqib ketib qolibman. Endi uyqu kelmayapti. Chunki kino qo'rqinchli, uxlashga qo'rqyapman😁

Kinoni barchaga tavsiya qilaman, lekin 21 yoshdan kattalar ko'rishi maqsadga muvofiq. Bu film bizga 15-mart kuni barcha qoplab un-kartoshka g'amlagani boshqalarga jabr bo'lishi mumkinligini ko'rsatib beradi, desa ham bo'ladi.

Kino kanallar yoki saytlardan qidirib ko'ringlar albatta.

@TheAliBlog

Kara Sevda.

Bu butun o'zbekistonni og'ziga tushgan serial. Kimdir yoqtiradi, kimdir yo'q. Xullas, Zo'rTV yana shu serialni qo'yilishini e'lon qilgan ekan, feysbukda miting boshlanib ketibdi) Bu ma'naviyatimizga va mentalitetimizga tahdid soladigan serial ekan.

Ho'p, shunaqa ham deylik, to'g'ri, undagi voqealar balki o'zbekchilikka to'g'ri kelmas, lekin o'zi hozir qaysi serial o'zbekchilikka to'g'ri keladi?

Sizlarga aytsam, hatto O'zbek seriallari ham o'zbekchilikka to'g'ri kelmaydi. Undayam mavzu shu: er-xotin xiyonati, qaynona-kelin mojarolari, umuman shu muammolardan chiqa olgan serial ko'rmaganman, o'zbek seriallarida (kamdan-kam hollarda TV ko'raman o'zi).

Chet el seriallarini olsak, deyarli barchasida shu, romantika, intim holatlar, qayg'u, balo-battarlar.

Buni yechimi juda oddiy. Siz bu serial farzandlaringiz ongini zaharlashidan cho'chiyapsizmi? Unda bu serialni ularga ko'rsatmang, tamom! Farzandlaringiz bo'lmagan xonada ko'ring, ko'rgingiz kelsa.

Undan keyin hozir telekanallarda moda bo'lgan yosh chegarasi belgisiga ham qat'iy qarash kerak. Kattalar uchun kino bo'lyaptimi, yoki boshqa xonaga chiqib ko'ring, yoki yoshlarni chiqarib yuboring.

Undan tashqari, shundoq ham hozirgi yoshlarni jaa unchalik madaniyatli deb bo'lmaydi. Hammasini ham emas, ayrimlarini aytyapman. Yoki qaysidir yigit kimnidir pichoqlab qo'ygani, qaysidir qiz kim bilandir yotib qo'ygani haqida umuman eshitmaganmisiz? Demak, seriallar bundan ortig'ini qilib berolmaydi.

Netflixda ko'p serillar ko'ryapman. Hech biri mentalitetga to'g'ri kelmaydi. Hech biri. Sevgi-muhabbat haqidagisi ham, detektiv mavzudagisi, fantastik, jangari, xullas hech biri.

Shunday ekan, bitta serialni deb to'polon qilishni bas qiling. Lekin serialni 21:00dan keyin qo'yilishi tarafdoriman.

@TheAliBlog

Seriallar mavzusini davom ettirsak, 2-3 kundan beri tuzukroq serial topolmayotgandim, hozir topdim. Nomi "Caliphate" (Xalifalik). Adashib Suriyaga borib qolgan va ortga qaytishni istayotgan ayol haqida hikoya qiladi. Hozircha faqat 1ta qismini ko'rdim, qolgani ertaga (well, bugun). To'liq ko'rib bo'lsam balki sizlarni qiziqtira oladigan taqriz yozarman) Hozircha esa, Youtubega kirib, serial treylerini tomosha qilinglar:

https://youtu.be/77A1RlMckVY

@TheAliBlog

Mana nima uchun o'rgimchaklardan qo'rqaman. Hali uxlamaganlar bo'lsa, sizlarniyam tushingizga kirib chiqsin😈

(To'g'rizi, ko'zimni klaviaturaga yopishtirib, iloji boricha rasmga qaramaslikka harakat qilib yozyapman)

​Caliphate (Xalifalik)

Ushbu serial dinni yaxshi anglamaslik qanday oqibatlarga olib kelishi mumkinligidan hikoya qiladi.

Hikoyaning asosiy qahramonlari yolg'onlarga uchib Suriyaga borib qolgan va Vataniga qaytishni istayotgan yosh kelinchak Pervin va musulmon oilasi vakillari bo'la turib, otasining islomofob ekanligi sabab diniy tarbiyani begonalardan, noto'g'ri talqinda o'zlashtirgan va Suriyaga borishni xohlayotgan Suleyka ismli qizlar.

Serialdan juda ko'p xulosalar chiqarish mumkin. Barchangizga ko'rishni tavsiya qilaman. Serialning original versiyasi Shved tilida bo'lib, Netflixda Inglizcha va Turkcha dublyajlari ham bor ekan. Ruschasi bormi bilmadim. Shunday ekan, Inglizcha yoki Turkchasini qidirib ko'rishingiz mumkin.

@TheAliBlog

Avvallari AOKA (Axborot va Ommaviy Kommunikatsiyalar Agentligi)ning aynan nima ish qilishini tushunmasdim. Hozir @Massmediauz nima maqsadda tashkil topganiga hayronman.

Nega desangiz, shu vaqtgacha birorta bloggerni himoya qilib chiqilgani post qilinmagan, aksincha, Saida opa yoki Komil Allamjanov o'zini kanalida nimadir yozib chiqsa, shuni ulashish bilan shug'ullanyapti xolos.

Menga yoqmaydigan tomoni, aynan shular nimadir yozsa aksariyat bloggerlar huddi bu narsa ularni burchidek o'sha postlarni o'z kanaliga ulashishadi. Nega yoqmaydi desangiz, "bir mazza qilib post o'qiylik" deb u kanalga kirsangiz ham opani yoki akani posti, bu kanalga kirsangiz ham shu ahvol.

Balki yetar, blogger akalar?

Paynetda turganingizda sizdan oldingi navbatdagi odam raqamini aytayotyanida nomeridagi ikkita bir xil raqamga alohida urg'u berishiga duch kelganmisiz?

Masalan, raqamini o'rtasida 00 qatnashgan deylik, raqamini aytishda "to'qqiz yuz sakson bir, ikkita nol, qirq sakkiz" deydimiyey. Aslida "ikkita nol" demasdan "nol-nol" desayam tezroq aytgan bo'lardi, yo'q, u aynan o'sha ikkita nolga urg'u berishi kerak.

Yuqoridagi raqam shunchaki o'ylab topilgan, lekin rostdan asabga tegadida negadir, oxirida kelsa ham shu: "to'qqiz yuz sakson bir, qirq sakkiz, ikkita nol".

Anjanchasiga aytganda "dutar nomer" o'zi. Iltimos, agar sizni nomeringizda shunaqa 2ta-3ta-4ta bir xil raqam kelgan bo'lsayam unaqa urg'u bermasdan oddiy aytaveringlar.

@TheAliBlog

​The Spy (Josus)

Bugun yana bir yangi serialni ko'rishni boshladim. Nomi "Josus". Serialdagi voqealar 60-yillarda bo'lib o'tadi.

Bosh qahramon Eli Cohen, Isroillik josus. Savdo markazida ishlaydigan Eli josus bo'lish istagida bir necha marta maxfiy xizmatlarga hujjat topshiradi. Nihoyat, uni qabul qilishadi va tayyorlashadi.

Eli Cohen butunlay boshqa obraz sifatida arab olamiga kirib boradi, u boy tadbirkor Kamil obrazida arablar bilan yaqin bo'lib, davlat sirlarini aniqlash bilan shug'ullanishi kerak edi.

Lekin unga ikki xil obrazda yashash vaqti kelib qiyinchiliklar tug'dira boshlaydi, eski hayotini sog'inadi, lekin endi ortga yo'l yo'q edi.

Titrlarda keltirilishicha, serial bo'lib o'tgan real voqea-hodisalarga asoslangan.

Bosh rolda Sacha Baron Cohen (Madagaskardagi King Julian yoki Admiral-General Aladdin obrazi bilan mashxur bo'lgan aktyor) o'ynagan. Komik aktyorni bunaqa jiddiy rolda ko'rishga ko'nikish qiyin bo'larkan lekin)

Youtubeda treylerini tomosha qiling: youtu.be/5UijUOy0MmE

Rostdanam, 12 oyga 12 million to'lab tonirovka qildirgan akaxonlar 1 oydan ortiq vaqt davomida mashina minolmaganiga yarasha, tonirovkaning amal qilish muddatiga biror oy qo'shib berilarmikin? 🤔

@TheAliBlog

Koronavirus kanalini yodlab bo'lganman

UzMobile nomerimga har kuni Minzdravdan 4tadan (2ta o'zbekcha, 2ta ruscha) koronavirusning telegramdagi kanali haqida sms keladi. Ishonasizmi, shu vaqtgacha Prezidentning ijtimoiy tarmoqlardagi sahifalari haqida ham buncha kelmagan.

Xullas, bezor bo'ldim bu smslardan, birnima qilib shu minzdravni nomerimdan bloklab qo'ysam bo'larmikin?

Adashmasam o'tgan yili edi shekilli, Bilayn operatorlariga telefon qilib, allaqanday smslar bezor qilganidan shikoyat qilgandim, akaxonlar o'sha vaqtdayoq bunaqa smslarni o'chirib berib, uzr so'rashgan. Shu-shu bilayn nomerimga Prezidentning sahifalari tugul, koronavirus kanali haqida eslatmalar ham kelmaydi, hatto MChS ham! Faqat balans haqidagi eslatmalar, boshqalar yuborgan smslar va shu kabi o'zimga kerakli xabarlar keladi xolos!

2 haftacha oldin UzMobile operatoriga telefon qilib, shikoyat qildim, shu kanal jonga tegdi, o'chirib qo'yinglar, degan ma'noda. Ularni qo'lida emasmish bu! Bu xabarni ular yubormasmish! (O'zbekiston bo'yicha har qanaqa xabar, jumladan MChS ham aynan Uztelecom orqali yuboriladi!). Bo'ralab so'kib berdim, bosh direktoringni ulab ber, deb to'polon qildim telefonda. Keyin opaxon kim 1-2 minut muzdek suv ichib, kim bilandir maslahat qilib keldida, ularda smsni o'chirish imkoni borligini hozir aniqlaganini aytdi. Qarang-a?!

Lekin nima emish, buni o'chirish uchun bosh ofisga pasportim bilan borishim kerak emish! "Nega???" deb so'rasam, shaxsimni tasdiqlash uchun kerak ekan! Telefondagi operatorlar xizmat ko'rsatishi uchun telefondan turib tasdiqlab berishim yetardiku, desam, meni o'rnimga boshqa birov shikoyat qilib smsni o'chirtirib qo'yishi mumkin ekan, bu meni xavfsizligim uchun ekan! Farosatinga senlarni!

Xullas, kelasi safar ko'chaga chiqsam (u vaqtdayam karantin edi, lekin hamma ko'chada edi) ofisingni yana boshga ko'taraman, deb niyat qilib (avval ham borgandim) aloqani uzdim. O'shandan beri chiqqanim yo'q. Lekin kuniga 4talab smslar haliyam to'xtamadi.

Kecha bekorchilikdan "kimni yuragini siqsam ekan" deb o'ylab, Minzdrav (Sog'liqni saqlash vazirligi)ga telefon qildim (71 239 47 95) hech kim olmadi. Bir necha marta qildim, hech kim olmadi. Keyin koronavirus uchun o'rnatilgan qisqa raqamga (1003) telefon qildim. Bitta akaxon olib, bu smsni o'chirish ularni qo'lida emasligini, bu uchu Davlat Xizmatlari Agentligiga murojaat qilishim kerakligini aytdi. (Unda nega smsni Minzdrav nomidan emas, Davlat Xizmatlari Agentligi nomidan yubormaysan, nomard?)

Keyin DXAga telefon qildim (1148). Chaqiryapti-chaqiryapti, hech kim javob bermayapti. Bir necha marta qildim. Eng qizig'i, bu nomerga telefon qilganingizda gudok ketishi ham daqiqa hisobida hisoblanib borilarkan. Undan ham qiziqrog'i, bu qisqa raqamga telefon qilish ham tarifikatsiya qilinar ekan, ya'ni o'sha javob berilmagan gudoklarimning har bir daqiqasi uchun 3 sentdan pul to'labman!

Gapim cho'zilib ketdi, men hali buni tagiga yetaman. Shu postimni ulashvoringlar, akaxonlar, boshqalarga ham yetib borsin, o'sha vazirlikda ishlaydigan, yoki o'sha kanalni yuritadigan adminlarga yetib borsin: men sizni kanalingizni yoddan bilaman! Rostdan yaxshi ish qilgansizlar, shunaqa kanal ochib, lekin bu yaxshi ishingizni kuniga 4 martalab eslataverishingiz shart emas! Agar sms yuborish tekinga tushayotgan bo'lsa sizlarga (agar pullik bo'lsa, demak men to'layotgan soliqlardan jo'natilyapti bu smslar, pulimni qaytaringlar!) bunaqa eslatmalar o'rniga o'sha kanaldagi postlarni jo'natib tursangizlar ham roziman, lekin aynan bitta smsni hadeb yuboraversangizlar, oilangizdagilarni har kuni eslashda davom etaman men ham!

@TheAliBlog

Institutmiz rektorini telegramda kanali bor. Bot orqali berilgan savollarga javob berib boradi. Ba'zida berilgan savollarni o'qib rektorimizni sabriga qoyil qolaman.

Hozirgi kunda berilyotgan savollarni 90 foizi "stipendiyam qachon tushadi? Nega stipendiyam tushmadi? Stipendiyaaa 😩" degan mazmunda.

Rektorimiz erinmasdan har bittasiga yozib chiqadiyu, lekin bularni o'qib meni asabim buziladi. Ha nomard, kanalga kirib hech bo'lmasa oxirgi 10ga savol-javoblarni o'qib chiqqin! Yozilganku hammasi!

Yana ayrimlari bor, "biz falon fakultet, falon guruh o'quvchilari o'qituvchimiz falonchiga bizga berayotgan bilimlari uchun minnatdorchilik bildiramiz"... Parosat, agar aynan bitta odamga minnatdorchilik bildirmoqchi bo'lsang, telefon qilib o'ziga ayt! Kanalni kuzatib boradigan 2 mingta odamda nima ayb?

Ayrimlarniku yozgan savolini o'qib "shular qanday qilib o'qishga kirib yuribdiyu, men 3 yil o'qishga kirolmaganman" deb qolaman. Umuman savod degan narsa yo'q.

Tan olaman, jizzakiman, ko'p narsa yoqmaydi.

@TheAliBlog

Hozirgina "The Spy"ni ko'rib bo'ldim. Ko'rishga arziydigan serial. Bo'lgan voqealar asosida ekan.

Isroillik Mossadlar josusi bo'lga Eli Cohen boshqa qiyofada Suriyaga kirib borib, uyerdagi zodagonlar, biznesmenlar, xarbiy amaldorlar, vazirlar va hatto prezidentning ham ishonchiga kirib, bir necha yillar davomida josuslik qiladi. U faoliyati davomida Suriyaning bir qancha xujumlarini oldini olgan, ularning nozik nuqtalarini aniqlagan.

1965-yilda Eli Cohen dorga osilgan. Suratda haqiqiy Eli Cohen tasvirlangan.

@TheAliBlog

Odamlar nega artistlarni ehson qilishiga yopishib olgan, hech tushunmadim? Bittasi feysbukda shunaqa vaqtda o'zini ko'rsatmaydimi, ehson qilishsin endi, degan mazmunda post qoldirgan ekan.

"O'zingiz shu vaqtgacha nochorlarga ehson qilganmisiz?" deb so'radim kommentariyda.

"Ehson qilganimni sizga aytishim shart emas" dedi, o'zicha cho'rtkesarlik qilib

"Ular (artistlar) sizga aytishi shartmi unda?" degandim, bloklab qo'yibdi))

Bitta qaysidir jurnalistmi, bloggermi, maqola yozibdi xullas. Taxminan bunaqa gap bor: "Shu vaqtgacha uyini g'ishtini qayerdan nechpulga opkeltirganigacha og'iz ko'pirtirib gapirgan san'atkorlar endi ehson qilishga kelganda pinxona ish qilishni eslab qolishdimi?".

Kechirasizlaru, qaysi san'atkor shunaqa g'ishtlarini maqtanib gapirgan o'zi? Undan keyin nega san'atkorga yopishyapsizlar? U ehson qilsa sizni hayotizda nima o'zgaradiyu, ehson qilmasa nima o'zgaradi? Agar ehson nimanidir o'zgartirsa, nega o'sha ehsonni o'zingiz qilmayapsiz?

Bu gap yuqoridagiga o'xshab birovni pulini sarhisob qilishni yoqtiradiganlarga. Tuzukroq serial topilmayotganimdan asabiylashib birnimalar deyapmanda men ham)

@TheAliBlog

Xushnud akani kanali reklama uchun aksiya e'lon qilibdi: narxlar keskin arzonlashtirilgan va barcha pullar hayriyaga yo'naltirilarkan. Shoshilib yozdim, bunaqa imkoniyat doim ham bo'lavermaydiku. Narigi kanalimni ko'tarib olarmidim, deymanda.

Javob keldi: kanal reklama qilishmas ekan😐 Lekin vodiybozorni reklamasi chiqdiku? Yoki ular kanal hisonlanmaydimi uje? 🥺

@TheAliBlog

Xafa bo'lish yo'qni mono seriyasini ko'rib mazza qilgan jayim rejissor akaxon anjanli shekilli, shevada gapirishi zo'rakan😁 Toshkentga borganimda ko'rganman, toshkentliklar ruscha gapiradi, viloyatdan kelganlarni ko'pchiligi toshkent shevasida. Rejissor akaxonga qoyil lekin!👏

https://youtu.be/mrdw7e_XAHE

Bizdagi seriallar bilan chet el seriallarini solishtirsak, bizdagi serialchilarda syujetni yetkazish emas, aynan serial ishlash asosiy maqsadga aylangan.

Kengroq tushuntiraman: netflixda ko'rayotgan seriallarimning 1 mavsumi 8-10 qismdan iborat, har bir qism 40-55 daqiqa oralig'ida. Har bir qismda voqealar rivoji juda yaxshi tezlikda borib, tomoshabinni zeriktirmaydi ham, shoshirib ham qo'ymaydi. Ya'ni, ularda voqelik juda ko'p, lekin bularni tomoshabinga tezroq yetkazishni istashadi, voqealar rivoji sekinlashmaydi.

Biznikilarchi? O'zi 1ta 90 minutlik kinoda yetkazish mumkin bo'lgan qisqa voqelik bor xolosda, shuniyam 50-60, ba'zida hatto 100 qism qilib suratga olishadi. Voqealar rivoji shu qadar sekinki, tomoshabin zerikib bo'ladi. O'zi qisqa hikoyani iloji boricha cho'zib, ko'proq qism ishlashga harakat qilishadi.

O'zim asli televizor ko'rmay qo'yganman. Shu ovqatlanayotgan vaqtimda yoqib qo'yaman faqat. O'tgan kuni qaysidir o'zbek seriali bo'layotgan ekan, nomini bilmayman, lekin Alisher Uzoqov ham o'ynagan. Xullas bitta sahnasini ko'rib qoldim. Bir barzangi bitta opani kvartirasiga keladida, "buyerlar endi menga qarashli, qizlaringni to'plab fohishaxona ochasan yana" deydi. Qiziq tomoni shuki, bu sahnaning asosiy joyi shu holos, lekin bu sahna boshlanib, tugagunicha men ovqatimni isitib, yeb ham bo'ldim. Aktyorlar umuman shoshilmasdan, sekin gapiradi, har bir gapini orasida 5-10 sekunddan tanaffus qilib oladi, haligi opa ham gapirishida sekinlashtirilgan kadrga o'xshaydi. Aktyorlarni mahoratiku, bir tiyinga qimmat, lekin gap bunda emas, tomoshabin vaqti o'g'irlanishida.

Shunchalik zo'r senariying bo'lsa, tezda-tezda "tasratib" olmaysanmi serialingni, nima qilasan cho'zib?

Deymanda endi o'zimcha)

@TheAliBlog

Assassins Creed Odyssey'ni yakunladim nihoyat. Voqealar juda ko'pligi vaqti kelib odamni bezdirib yuborarkan)


O'yin grafikasiga gap yo'q, lekin kamchiliklari juda ko'p, masalan asosiy qahramondan boshqa qahramonlarning harakatlari uncha kelishmagan, yugurishida ham ko'proq sirpanib yurganga o'xshaydi. Shunaqa gaplarda xullas. Bu o'yin uchun yangi dvijok (engine) yararishmagan, shunchaki "AC Origins"ni dvijogida tayyorlab qo'yishgan xolos. Balki shu sababli ham 1 yildayoq tayyor bo'lgandir o'yin.

Endi "Assassins Creed III Remastered"ni o'ynab ko'rmoqchiman, haqiqiy assassinlar o'sha Altair va undan keyingilari bo'ladi men uchun. AC3 ilk bor yangi dvijokda ishga tushirilgan o'yin bo'lib, unda hayvonlarni ovlash, ob-havo o'zgarishi kabi detallar birinchi marta uchragan edi. "Remastered" versiyasida esa grafikasini qayta yaxshilashgan. Demak, qadrdon o'yinni kuchliroq grafikada o'ynab ko'ramiz. Bundan tashqari, Desmond Mayls va "Radunhageydu Konnor"ning sarguzashtlari ancha qiziqroq ham

@TheAliBlog