Hazil-hazil bilan Duolingoni boshlaganimgayam treinta dias bo'libdi))

@TheAliBlog

Nixoyat, o'yin strimini 1-martdan boshlayman, nasib qilsa. 3 kun mobaynida nihoyat o'yinni yuklab bo'ldim))

@TheAliBlog

Hogwarts Legacy strimi bo'yicha yangilik:

Strim texnik sabablarga ko'ra yuklanmaydigan bo'ldi. Kompyuterim o'yinni ko'tarishga qiynalyapti rosa) O'yinni ochib, boshlaguncha 10 daqiqacha zagruzkada kutishga to'g'ri kelyapti. Bundan tashqari o'yin ichida ham juda ko'p qotmoqda va grafikasi o'zi mediumda turibdi😐

Balki videozapisni yoqib o'ynayotganim uchun shunaqa qotgandir, qaydam) Xullas, hozircha bu o'yinni strimini chiqarmay turaman. O'zim o'ynab bo'lib, qisqacha taqriz yozib qo'yaman)

@TheAliBlog

Telefonidan nashida chiqqani uchun 5 yilga qamalgan yigitni qayta sudi bo'lib, ozodlikka chiqarilibdi.

@TheAliBlog

Hogwarts Legacy o'yinida nihoyat supurgi sotib oldim)) Hogwarts qasridan Hogsmid qishlog'iga parvoz jarayonini yozib oldim) O'yin haqida batafsil keyinroq.

@TheAliBlog

Bugun hamma tarmoqlarda, hamma davralarda Mittivine'ni, ya'ni, marhum Farhodning muhokamalari bo'ldi, desam mubolag'a bo'lmasa kerak.

Tan olish kerak, Farhod kam sonli saviyali vaynerlardan biri edi. Bunday vaynerlar barmoq bilan sanasa bo'ladigan darajada oz.

Mittivaynni tahminan karantin davridan beri, o'sha Van Damm raqsidan keyin tanib, shundan beri kuzatib kelardim. Subyektivning "Littllar oilasi" haqida tayyorlangan sonini ko'rib, Farhod va Ulug'bekning do'stligiga havas qilgandim.

Bugungi voqeadan (aniqrog'i kechagi) ko'pchilik qatori mening ham ko'nglim hijil bo'ldi. U bilan shaxsan tanish bo'lmasak ham, internetda doim kuzatib kelgan odaming to'satdan jon bersa, g'alati ekan, rostdanam. Bugun juda ko'p joylarda buning ta'sirini sezdim.

Farhodning o'limiga Doktor Ischanovning munosabatini o'qidim. Agar uning gaplari rost bo'lsa, uni operatsiyasida qatnashgan barcha doktorlarga jiddiy chora ko'rilishi, shuningdek bu tizim qattiq nazoratga olinishi kerak.

Agar oddiy, mashxur bo'lmagan bir yigit narkozning peredozidan o'lganida, balki buni jiddiy tekshiruv qilishmasligi mumkin edi. Lekin hozirgi holatda bu tizim jiddiy islohotlarga muhtoj ekaniga uning millionlab kuzatuvchilari amin bo'lishdi, deb o'ylayman.

Farhodni oxirati obod bo'lsin, oilasiga esa, chuqur sabr tilayman.

@TheAliBlog

"Epic Games Store"ga ko'ra, Hogwarts Legacy o'yiniga hozirgacha (ya'ni 1 haftada) 25 soat vaqt sarflabman. O'yinni ichki statistikasiga ko'ra esa, umumiy progressning 15 foizini tugatganman xolos😐 Buni ichida mayda-chuyda missiyalar, lokatsiyalar ham kiradi.

Solishtirish uchun, O'rgimchak-Odam o'yiniga umumiy 39 soat, O'rgimchak-Odam: Mayls Morales o'yiniga umumiy 22 soat vaqt sarflagan ekanman))

@TheAliBlog

Hogwarts Legacy o'yinida gippogrif minadigan kunlarga yetib keldim)

Internet uchun Uzmobayl ishlatardim odatda. Chunki bunga o'rgangan vaqtimda uzmobaylda trafik narxi eng arzoni edi. Lekin mana oradan 4 yil o'tdi hamki, internet paketlar narxi 1 tiyinga ham arzonlamadi. Sifatni ham yaxshilangani sezilmaydi.

Shu sabab internet uchun ham bilayndan foydalanishni o'ylab turibman. Hech bo'lmaganda uyga simli internet o'rnatilgunicha. Uyam 1-2 oyda bo'pqoladiganga o'xshab turibdi))

Bilaynda Juma aksiyalari bilan haftaning har Juma kunlarida katta chegirmalar bilan internet trafik olish mumkin ekan. Undan tashqari oddiy internet paketlarga ham 50% chegirma bo'layotganini ko'rib qoldim hozir. Chegirma qachongacha ekanini aniq bilmayman. Har xolda Uzmobaylda sarflayotgan pulimga kamida 50 foiz ko'proq trafik ishlatishim mumkin ekan)

@TheAliBlog

Kuni kecha youtubedagi yirik kanallardan biri bo'lgan "Chotki TV" kanalida marhum vayner Farhodning do'sti Ulug'bek bilan intervyu chiqardi. Ish vaqtimda 2-monitorimda biror nima ko'rib ish qilganim uchun kecha shu intervyuni ko'rib chiqqandim. Va bu intervyu tarmoqda sezilarli e'tirozlarga sabab bo'lmoqda.

Mehmon bilan yaqin do'stining o'limi haqidagi suhbatga son-sanoqsiz reklamalar tiqib tashlangani ko'pchilik tomonidan jiddiy e'tirozga uchramoqda. Hozirda hayp bo'lgan mavzu orqali soqqani maksimal bosish uchun 1-2 emas, 10ga yaqin reklama tiqib tashlangan. Videoreklamalardan tashqari intervyu davomida ekranga chiqib keladigan rasmli reklamalar ham bor.

Ming afsuski, bunaqa dolbayoblik o'zbek xalqiga yangilik emas. Chunki Farhodning o'limidan keyin juda ko'plab youtube/instagram/tiktokdagi sahifalar bu mavzu haqida bo'lar-bo'lmas ma'lumotlar berish orqali ham yaxshigina auditoriya yig'ib oldi, ham prosmotrlarni zo'r qilib oldi.

Old-skullar bo'lsa, balki eslar, 2013-2014-yillarda odnoklassnikida "Munisa Rizayeva" degan guruhlar juda ko'paygan va bunday guruhlar 1-2 kundayoq bir necha o'ng minglab odam yig'ib ulgurar edi. Bu o'sha vaqtlarda tarqagan Munisaning videosi bilan bog'liq bo'lgan.

Chindan ham, Chotki TVning bu ishini oqlab bo'lmaydi, lekin bu kanal har doim mana shu yo'nalishda faoliyat yuritgani sabab, bunga hayron qolmasa ham bo'ladi. Shuningdek, Chotki TVda intervyu oladigan odam instagram akkauntida 8 soatda 1 million prosmotr yig'ilganini maqtanib post ham qo'ygan emish))

Aslida esa, odamlar Farhod bilan bo'lgan voqealar haqida aynan Ulug'bekdan eshitish uchungina videoni ko'rishgan, bu Chotki TV ishlagan video bo'lgani uchun emas.

@TheAliBlog

"Last of Us" serialining 1-mavsumi tugadi, o'yinning 1-qismi kompyuterlar uchun reliz qilinishiga 11 kun qoldi.

Serialni ko'rib chiqdim. Oldin o'yinni o'ynamagan bo'lsamda, serial uncha zo'r chiqqandek tuyulmadi, o'yin yaxshiroq bo'lsa kerak, degan hayol kelaverdi. Lekin serialdagi personaj bir-biriga oiladek bog'lanib qolishlari oxirida yaxshi ochib berilgan. Serialning menga yoqmagan tomonlaridan biri bu voqealar 1 qismlik qilib ishlangan, huddi multseriallardagidek. Qanaqadir muammo, qanaqadir sarguzasht 1 qism davom etadi, keyingi qismda boshqa narsa sodir bo'ladi. KinoPub kanali bu narsani serialni yaxshi tomonlaridan biri sifatida sanagan bo'lsa, menga bu yoqmagan tomonlaridan biri bo'ldi.

Shuningdek, haliyam eski fikrimda sodiq qolaman: serial davomida ko'z o'rganib qolgan bo'lsayam, Elli roliga Bella Ramsey umuman nomunosib tanlangan.

Endi xotirjam bo'lib, o'yinni o'ynab ko'rib, voqealarni chuqurroq his qilib ko'rsak bo'ladi. O'yin narxi $49,99 ekan. O'zimga ramazon sovg'asi qilmoqchiman)) Hogwarts Legacyni tug'ilgan kunimga sovg'a qilgandim o'zimga))

Aytgancha, Hogwarts Legacyni syujetini haligacha tugatib ulgurmadim) O'yinga hozirgacha 36 soat sarflabman. Bu o'yinni o'ynash davomida "loot"ga chuqur yondoshgan o'yinlarga qiziqishim ortdi: ko'chadan har xil narsalar terib, ulardan biror nimalar yasab, shunaqa qilinadiku, shu narsa. Bu narsa RDR2 o'yinida juda zo'r chiqqan edi (batafsil alohida yozarman). Hogwartsdan keyin shu o'yinni qayta o'rnatib o'ynayman, degan edim, menimcha tugatgunimcha Last of Us reliz qilinadi yoki reliz qilinganida ham tugatib bo'lmayman)) Last of Us o'yini ham mana shunaqa lootlarga chuqur kirishgan o'yinlardan biri ekan. Shu tomonlama ham qiziqishim baland bo'lib turibdi))

@TheAliBlog

30-Aprel kuni referendum ekan. Hammayoqda referendumda qatnashish propagandasi ketmoqda.

Referendum bu yangi konstitutsiyani qabul qilish uchun xalq roziligini olish. Saylov. Asosiy maqsadi esa, ko'pchilik bilganidek "nollashtirish" uchun.

Yangi konstitutsiyada 1-2 yaxshi moddalar ham bor ekan, albatta va aynan mana shu moddalar orqali xalqni konstitutsiyani qabul qilishga chorlashmoqda.

Lekin aytingchi, amaldagi konstitutsiyamizdagi shuncha moddalar shundoq ham ishlamaydigan hozirgi holatimizda o'sha gullar bilan bezalgan yangi moddalar hayotimizni yaxshilay oladimi?😬

@TheAliBlog

Masalan, mana shu ham propagandaning bir ko'rinishi. Yangi konstitutsiyaga ovoz beringlar, rastamojkani ochamiz, deb odamlarni miyasiga quyishmoqda. Dardi mashina, gaz-svet kabi juda oddiy narsalar bo'lgan xalqimiz esa, afsuski, bunaqa va'dalarga uchishiga ishonmaslikni iloji yo'q.

Xo'sh, hozirgi konstitutsiyada monopoliyaga ruxsat berilganmi unda? Jinoyat-pinoyat kodekslaridayam monopoliyaga oid qonunlar bo'lsa kerak, axir? (Aniq bilmayman o'zim).

Xalqni monopoliyadan qutqarish uchun endi albatta konstitutsiyani yangilash shartmi?

Bir postga ko'zim tushib qoldi: "Referendumda yangi konstitutsiyani yoqlash orqali 'nollashtirish'ni amalga oshirib beradigan aholining ertaga nimadandir nolishga haqqi yo'q, bu narsani o'zinglar yaratyapsizlar"

@TheAliBlog

O'yinga 46 soat sarflanganidan so'ng nihoyat asosiy "story"ni tugatdim)) Hali qanchadan qancha 2-darajali missiyalar bor. Aniqroq aytsam, o'yin progressini 38 foiz tugatdim)) O'yin haqida batafsil taqriz keyinroq.

@TheAliBlog

Yangi yilni joizmas deb yurgan odamlar Navro'zni nishonlamasligi kerak. Chunki Yangi yil diniy bayram emas, Navro'z esa, diniy bayram. Zardo'shtiylik dinining bayrami)

@TheAliBlog

The Last of Us video-o'yinining PC versiyasi roppa-rosa 1 haftadan keyin reliz qilinadi. Lekin hozircha o'yinni sotib olish fikridan voz kechdim. O'yin uchun tavsiya etilgan xarakteristikani ko'rib shunga amin bo'ldimki, kompyuterim bu o'yinni ham eng past grafikada ochib berishdan boshqasiga yaramas ekan) Hogwarts Legacyda qanaqa qotganini ko'raverganimdan keyin, hozircha o'yinlar sotib olishni to'xtatib, kompyuterni upgrade qilishni asosiy masala qilib belgilab oldim.

O'tgan yili RTX3070ga pulim yetib turgan joyida "olsam birato'la RTX3080 Ti olaman" deb o'zimcha oliftalik qilib, pul to'plashda davom etib, oxiri hammasini ishlatib qo'ygandim) Hozirgi sarf-harajatlarimdan kelib chiqqan holda esa, 3070 bo'lsa ham olaverishga qaror qildim. O'zimga hayitlikka sovg'a qilaman) Nasib qilsa, albatta))

Undan keyin narxlar o'tgan yilgidan anchagina pastlab kettiku, harqalay, a? Mayningdagi muammolar, RTX40 seriyasini bozorga kirib kelishi, degandek.

@TheAliBlog