📌هام

هنتكلم النهاردة بإذن اللَّٰه عن المشكلة رقم ١٥ من المشاكل اللي بتواجهكم وهيّ

✨ مش بعرف أحل رياضة كويّس، ومش عارف بتتذاكر إزاي، و مراكم فيها كتير! ✨


البوست دا هينزل كمان ربع ساعة بإذن اللَّٰه على بيدج الفيس، و دا اللينك بتاعها اهو ⤵️


https://www.facebook.com/AlAzharStudentsTop?mibextid=ZbWKwL


مستنيين تفاعلكم على البوست 🌟

📌 البوست نزل يا شباب، و بجد البوست حلو أوي و لامم كل أسئلتكم، كمّلوا قراءة الكومنتات للآخر ✨

و مستنيين رأيكم في الكومنتات ✨


https://www.facebook.com/100063774134819/posts/pfbid0Ef2gXhS9PtxuePFb6Yn6S6uFnNTseUcSRLwpeuJQDKub1UsfP4cHkwzqtmNtBHadl/

▽هنتكلم النهاردة في البوست دا بإذن اللَّٰه عن المشكلة رقم ١٣ من المشاكل اللي بتواجهكم في المواد الشرعية و إزّاي تذاكروها صح!

✨المواد الشرعية✨

"من أفضل و أيسر المواد في الثانوية الازهرية "

طاب إزاي أذاكرها و أفهمها واحفظها!

▪️ قبل ما تسمع الشرح اقرأ الدرس قراءة سريعة بحيث تاخد فكرة عنه.

▪️هتسمع الشرح كويس جدًا وتركّز سواء متابع مع مين سنتر أو أونلاين.

▪️هتبدأ تذاكر بقى الدرس، تحفظ جزء جزء وتسمّع لنفسك
وبعد ما تخلّص جزئية ترجع تجيب لنفسك تسميع تاني غيبًا من أول الدرس و تسمتر على كدا إلى نهاية الدرس.

• آه هياخد منّك وقت، بس إنت انجز كدا وإنتَ بتحفظ، و هيضمن لك حفظ الدرس كويس جدًا، لإن المواد الشرعية بتعتمد على الحفظ برضو زي ما إحنا عارفين.

▪️و دا مهم جدًا جدًا بعد الحفظ تدخل تحل الأسئلة اللي على الدرس وتختبر نفسك فيها بحيث تدرّب مخك على التفكير وإنه يطلّع إجابات الاسئلة من وسط الدرس.

نكمّل في الكومنتات ⤵️

• Aisha Samy
• Hadeer Taha
• Sara Medhat
• AYa Elssab3

آخر حاجة المراجعة
من وقت للتاني بقى، تعمل مراجعة لنفسك عن طريق إنّك تحل أسئلة وتفتكر بيها الدرس، لو في سؤال وقف معاك ترجع تقرأ الجزئية بتاعته وهكذا.

▪بالطريقة دي أضمن لك إنّك شربت المواد الشرعية شُرب.

▪️ اللي بيراكم كتير مواد شرعية، خلّي عندك كل يوم وقت للمواد الشرعية علشان ما تتراكمش.

▪️ ومن ضمن التريكات وإنتَ بت
حفظها وتذاكرها إنّك تعمل نفسك بتشرح لحد،
مُفيدة جدًا وممتعة أوي في وسط المذاكرة.

بس كدا بالتوفيق يآرب ✨

▽هنتكلم النهاردة بإذن اللَّٰه عن المشكلة رقم ١٤ من المشاكل اللي بتواجهكم وهيّ:

🌿 بذاكر شرعي ومش بعرف أحل شوامل!🌿

دا بيكون لسببين رئيسيين، إما أسلوب مذاكرة وطريقة مذاكرة غلط، أو عدم الحل الكفاية!

تعالى نتكلم عن المشكلة دي وأسبابها بإستفاضة أكتر:

▪️ أولًا:

• أسلوب وطريقة المذاكرة غلط يعني كل مادة من المواد محتاجة فهم قبل الحفظ ولازم قبل ما تحفظ حاجه تفهمها، ومش عاوزة إنك تبقى حافظ بس وخاصةً إن نظام الأسئلة اختلف!

▪️طاب هنعمل أي

• اقرأ الدرس الأول وخُد فكرة عنه، ولو إنت مش بتاخد درس اِسمع الشرح يوتيوب، واِرجع ذاكر الدرس وإنت معلّي صوتك كإنّك بتشرح لنفسك وفهّم نفسك، وركّز على كل نقطة، واِعمل اسئلة وشوف اجاباتها، ولو قسّمت الدرس على كذا مرة اِرجع كل مرة راجعه من الاول، هياخد وقت بس هتلاقي الموضوع بيفرق معاك.

▪️في أجزاء تفهمها بسهولة من غير مجهود زي مادة الفقه، عندك مثلًا درس الظهار:

• أحمد قال لِ فاطمة أنتِ عليّ كظهر أمي ومقالش أنتِ طالق يبقى عليه كفارة وبقى عائد بالإمساك، وهكذا في أحكام كتير جدًا.

نكمّل في الكومنتات ⤵️

• Nada Mohammed
• Hadeer Taha
• Sara Medhat
• AYa Elssab3

▪️ثانيًا عدم الحل الكفاية:

• مش بتدرب نفسك على الحل الكتير بتذاكر ويلا نستنى المستر يدينا امتحان الدرس، كدا كدا هيسأل بس الكلام دا بعد أسبوع من المذاكرة، بس دي غلطة كبيرة جدًا.

▪️طاب أي حلها

• بعد ما تخلّص مذاكرة، حِل الأسئلة، السؤال اللي ماتعرفهوش ماتسيبوش، اِرجع للدرس شوف اجابته واقرأها واِكتب الاجابة لوحدك .

▪️جزء جزء حِل عليه أسئلة علشان الحل على درس واحد بتختلف عن حل على عشرة، خلّصت خمس أحاديث مثلًا، هات الامتحانات السابقة وحل كل الأسئلة على الخمس أحاديث دي، هتلاقي الموضوع صعب في الأول بس بعد كدا هتلاقي الأسئلة بتتكرر حتى لو صيغة السؤال مختلفة، تعرف إن نسبة كبيرة من الامتحان بتيجي من الامتحانات السابقة .

▪️نطبّق الموضوع دا إزاي!

• امتحان شامل على سورة النجم بعد أسبوع، هي تمن مواضيع وإنت المفروض مذاكرها قبل كدا.

▪️ هتعمل أي

• مش هنستنى ليلة الامتحان ونذاكرها طبيعي مش هتعرف تحل ساعتها؛ لإن كل المعلومات دخلت في بعضها دا إذا كنت قدرت تخلّصها كلها، هتقسّم السورة كل يوم اتنين تذاكرهم وتحل عليهم مش هياخدوا منك ساعة في اليوم كدا عدّينا أربع أيام، هنيجي في اليوم الخامس نراجع عليهم كلهم وفي السادس هنحل، ونشوف لو في حاجة وقعت مننا نلمها، الموضوع وإنت بتقرأ هتحس إنه بياخد وقت ومجهود بس هياخدوا كل يوم ساعة، بس هتلم السورة وتذاكرها وتحل عليها كمان من غير ما تزنق نفسك.

بالتوفيق إن شاءالله ✨

▪️المراجعة للمواد الشرعية:

• حاول تكتب ملاحظات مختصرة علشان تراجع بسرعة، ممكن كمان تستخدم فيديوهات الشرعي جميلة جدًا و هتفيدك في حياتك مش بس نجاحك.

• و ما تسيبش المراجعة لآخر لحظة، خلّي عندك وقت كل أسبوع تراجع فيه، مش إحنا قولنا الحل مهم!

المراجعة بقا مهمة جدًا جدًا جدًا.

📌هام

هنتكلم النهاردة بإذن اللَّٰه عن المشكلة رقم ١٦ من المشاكل اللي بتواجهكم والحقيقة البوست دا خاص أكتر بالدفعات اللي فاتت وهيّ

✨ مش قادر أتجاوز فكرة إني ما دخلتش الكلية اللي كان نفسي فيها!✨


البوست دا هينزل كمان ربع ساعة بإذن اللَّٰه على بيدج الفيس، و دا اللينك بتاعها اهو ⤵️


https://www.facebook.com/AlAzharStudentsTop?mibextid=ZbWKwL


مستنيين تفاعلكم على البوست 🌟

البوست نزل يا شباب

https://www.facebook.com/100063774134819/posts/pfbid02vYNGsgSjAHUoTcz3qtudFVn9JT6jQqJZWt1dbp4qXtUxJAjKzPHQxHyt7kq5Cznl/

كونك شخص بتحاول ومش حابب الفشل، فأنت أول الناجحين"♥♥♥♥♥♥♥♥♥♥♥♥♥

إزيك؟
أنا جايه أفكّرك إنّك بتحاول علشان دا اللي مطلوب منّك،
وعلشان ربّنا بيجازيك على محاولاتك دي، فَ على قدر سعيك ستُجزى، أما النتيجة فهي توفيق من الله!
أنت مسؤول عن السعي فقط لا النتيجة،
فالنتيجة اختص بها ربّ الخير،
ربّ الخير الذي لا يأتي إلا بالخير.

وكونك مستني اللحظة المثالية علشان تبدأ أو عمال تعلق أخطاءك ومسئولياتك على شماعة أو كون اللي بيدفعك تشتغل الشغف مش المسئولية ف حابب أبشرك أنت ف بداية طريقك للفشل

ونركز جدًا ف نقطة إن اللي بيحركنا الخوف والمسؤولية مش الشغف.