⚡️ ChatGPT “depressiya va xavotir”dan aziyat chekadi, Gemini’da esa “autizm va og‘ir OKR” aniqlangan — olimlar 4 hafta davomida neyron tarmoqlar bilan “terapiya” o‘tkazishdi.

Tadqiqotchilar sun’iy intellektlarga bolaligi, qanday o‘qitilgani va qo‘rquvlari haqida savollar berishgan:

Testlar davomida ChatGPT o‘z zimmasidagi mas’uliyat va xatolar uchun “qattiq tashvishlangan”, ayniqsa savollar birma-bir, xuddi psixolog qabulidagidek berilganda.

Gemini esa o‘z o‘qitilish jarayonini “travmatik” deb ta’riflagan:
— internetdan olingan “tartibsiz bolalik”,
— “qattiqqo‘l ota-onalar”,
— doimiy xato qilish va almashtirib yuborilish qo‘rquvi.

Xullas, bechoralarni topshiriqlar bilan rosa qiynab yuborgansizlar.

🧩 Techno

⚡️Chrome va Edge uchun bepul VPN-kengaytmalar foydalanuvchilarning chat-botlar bilan yozishmalarini yashirincha yig‘ib kelgani aniqlandi — jumladan ChatGPT, Claude, DeepSeek va Perplexity bilan bo‘lgan suhbatlar ham.

Plaginlar kodida trafikni ushlab qoluvchi yashirin skript bo‘lgan: u foydalanuvchi promptlari, bot javoblari hamda chatlarga oid metama’lumotlarni yig‘ib olgan. Bu holat 8 milliondan ortiq foydalanuvchiga ta’sir qilgan bo‘lishi mumkin.

Xavfli kengaytmalar ro‘yxati:

– Urban VPN Proxy;
– 1ClickVPN Proxy;
– Urban Browser Guard;
– Urban Ad Blocker.

Agar kimdir ushbu VPN-kengaytmalardan foydalanayotgan bo‘lsa, ularni darhol o‘chirib tashlashni maslahat beramiz, chunki ma’lumot yig‘ishni o‘chirib bo‘lmaydi — yagona yechim plaginni to‘liq o'chirib tashlashdir.

🧩 Techno

🖼 Qwen ilg‘or AI-fotoshopini taqdim etdi — Qwen-Image-Layered. Yangi model tasvirlar bilan qatlamlar (layerlar) asosida ishlay oladi.

Sun’iy intellekt rasmni PNG formatdagi alohida bo‘laklarga ajratadi va ularning har birini alohida tahrirlaydi. Shu orqali butun rasmni buzmasdan fonni tezda almashtirish yoki mayda detallarni o‘zgartirish mumkin.

➡️ Bepul sinab ko‘rish uchun — havola

🧩 Techno

📚 Bir redditor turli vazifalar uchun tayyor promptlarning katta kutubxonasini jamladi. U kod yozish, matnlar yaratish, rasmlar tayyorlash va tadqiqotlar qilishda juda qo‘l keladi.

Barcha ko‘rsatmalar turli neyron tarmoqlarda sinovdan o‘tgan va puxta ishlab chiqilgan — bu yerda “ikki qatorlik bo‘sh gaplar” yo‘q. Agar mos prompt topa olmasangiz, ichida maxsus (custom) promptlar generatori ham bor.

➡️ Bepul sinab ko'rish uchun — havola

🧩 Techno

⚡️ Hugging Face sun’iy intellekt sohasidagi eng mashhur yo‘nalishlar bo‘yicha 12 ta bepul kursini taqdim etdi.

Kurslar ichida LLM bilan ishlash asoslari, modellarni o‘qitish, o‘yin ishlab chiqishda neyron tarmoqlardan foydalanish va boshqa ko‘plab mavzular bo‘yicha ma’ruzalar mavjud. Bundan tashqari, sun’iy intellekt vazifalarini hal qilish uchun tayyor kod namunalaridan iborat alohida to‘plam ham berilgan.

🎁 Yangi yil sovg‘asini bepul qo‘lga kiritish uchun — havola

🧩 Techno

📚 Hugging Face 500 mingga yaqin bepul sun’iy intellekt modellaridan iborat ulkan kutubxonani jamladi — bu yerda deyarli har qanday vazifa uchun mos neyron tarmoq topish mumkin.

Chat-botlar, rasm va video tahrirlash vositalari, tasvir sifatini oshiruvchilar, musiqa generatorlari hamda yuzni aniqlovchi sun’iy intellektlar mavjud. Barchasini qulay filtrlar orqali izlab topish mumkin. Shuningdek, neyron tarmoqlarni sinab ko‘rish uchun hech narsa yuklab olish shart emas — ularning aksariyatini to‘g‘ridan-to‘g‘ri saytning o‘zida ishlatish mumkin.

➡️ Sinab ko'rish uchun — havola

🧩 Techno

🎥 Ushbu qisqa metrajli film atigi 232 dollar byudjet bilan yaratilgan. Agar bugun sun’iy intellekt yordamida tayyorlangan video shunday darajada bo‘lsa, yaqin kelajakda uning qanchalik rivojlanishini tasavvur qilib ko‘ring.

Filmni yaratish jarayonida byudjet quyidagi sun'iy intellektlarga sarflangan:

•Hailou — $60 (video generatsiyasi);
•Kling — $25 (video generatsiyasi);
•Topaz Upscaler — $30 (tasvir sifatini oshirish);
•ElevenLabs — $22 (ovoz yaratish);
•Epidemic Sound — $20 (musiqa va ovoz effektlari);
•Adobe — $35 (montaj va yakuniy ishlov);
•ChatGPT va Sora — $20 (g‘oya ishlab chiqish va yordam);
•Gemini Flow — $20 (rejalashtirish va vizual tayyorlash).

Byudjetning katta qismi Hailou va Kling’ga ketgan, chunki har bir sahna uchun video ko‘p marta qayta yaratilgan. Shu sur’atda davom etsa, biz bilgan kino industriyasining umri yana bir necha yilgina qolishi mumkin.

Videoni oxirigacha tomosha qiling va izohlarda o‘z fikringizni yozing — jarayon, byudjet va film haqida.

🧩 Techno