🖼 Rasmdagi yoritilishni bir necha soniyada o‘zgartiring!

Light Migration — Qwen-Edit uchun yaratilgan LoRa modeli bo‘lib, u suratdagi yoritilishni mukammal tarzda o‘zgartiradi, tabiiy soyalar qo‘shadi va umumiy atmosferani butunlay yangilaydi.

Qanday ishlaydi:

— O‘zgartirmoqchi bo‘lgan rasmni yuklang;
— Kerakli yoritishga ega bo‘lgan namunaviy rasmni ham yuklang;
— Sun’iy intellekt yoritilishni aynan shu uslubga moslab qayta yaratadi.

➡️ Sinab ko‘rish uchun — havola

🧩 Techno

⚡️ OpenAI kutilmaganda o‘zining yangi flagman modeli — GPT-5.2 ni taqdim etdi. Test natijalari bo‘yicha o‘sish juda katta — bu Altman’ning Gemini 3 ga javobi.

— Model ofis ishlarida kuchaytirildi — endi u sifatli taqdimotlar, jadvallar va boshqa kundalik ishlarni bemalol bajaradi;
— GPT-5.2 ayniqsa kod yozish va matematika bo‘yicha kuchaygan: ChatGPT ichida to‘g‘ridan-to‘g‘ri murakkab ilovalar yaratish mumkin;
— Model vazifalarni bajarish sifati bo‘yicha 44 ta sohada mutaxassislarni ortda qoldirdi;
— Suhbat xotirasi kengaytirildi — endi model uzoqroq muloqotlarni aniqroq eslay oladi;
— Bilimlar bazasi 2025-yilning avgustigacha yangilangan;
— Xatoliklar kamaygan — GPT-5.1 bilan solishtirganda noto‘g‘ri javoblar (gallyutsinatsiyalar) taxminan 30% ga kamaygan.

📊 ARC AGI 2 testida — 52,9%,
SWE-Bench Verified’da — 80% natija.

Model bugundan boshlab barcha pullik obunachilar uchun ochildi. Tez orada barcha foydalanuvchilar uchun ham taqdim etilishi kutilmoqda.

🧩 Techno

🔍 Google Chrome’ning davomchisi bo‘lgan yangi — Disco brauzerini chiqardi. U oddiy veb-sahifalar va qidiruv so‘rovlarini interaktiv ilovalarga aylantiradi.

Brauzerdagi asosiy qidiruv tizimi AI Mode nomli sun’iy intellekt agenti bilan almashtirilgan. Ochiq turgan sahifalar orasidan birgina bosish bilan to‘g‘ridan-to‘g‘ri veb-ilovani ishga tushirish mumkin. Masalan, til o‘rganish bo‘yicha qidiruv natijalaridan foydalanib, Duolingo’ga o‘xshash shaxsiy o‘quv ilovasini yaratish mumkin.

➡️ Hozircha Disco brauzeri yopiq test rejimida. Ro‘yxatdan o‘tib qo'yish uchun esa havola.

🧩 Techno

💡Bilishingiz kerak bo‘lgan foydali va qiziqarli saytlar!

1. CarCareKiosk.com — Bu sayt avtomobil egalari uchun ajoyib topilma! Mashinangizning rusumi, modeli va ishlab chiqarilgan yilini tanlaganingizdan so‘ng, sayt har bir qismi haqida batafsil ma'lumot beradi va buzilgan qismlarni qanday ta’mirlashni video orqali o‘rgatadi.

2. LightPDF.com — Bu sayt orqali har qanday PDF hujjatni osongina tahrirlash mumkin. Matn, rasm va formatni o‘zgartirib, asl uslub va shriftni saqlagan holda qayta yuklab olishingiz mumkin. PDF bilan ishlashni tez va oson qiladigan interaktiv vositalarni ham taqdim etadi.

3. Sketch.MetaDemoLab.com — Ushbu sayt yordamida siz oddiy rasm yoki chizilgan figuralarni tezda animatsiyaga aylantirishingiz mumkin. Rasmni yuklab, harakat nuqtalarini belgilash kifoya va bir necha soniya ichida video tayyor bo‘ladi. Turli harakat uslublarini tanlash mumkin: masalan, yugurish, sakrash yoki raqs.

🧩 Techno