مساء الخير هذا الكروب الخاص بالقناة
منا راح يوجهوكم الادمنية بخصوص الهاشتاك

اللّهٌم جُمعة تفيضُ بالراحَة لعِبادك

جمعة مباركة 🤍🤍.

#عاجل |

- لجنة التربية النيابية تطالب وزارة التربية بالسماح لطلبة الصف الثالث المتوسط الراسبين بثلاثة دروس باداء امتحانات الدور الثاني


- لجنة التربية النيابية تطالب وزارة التربية ايضاً بإعادة النظر في المكملين من الطلبة في الصفوف غير المنتهية ومنحهم فرصة أخرى للنجاح لضمان عدم ضياع سنة دراسية كاملة

• شبكة تسلا للتعليم | Tesla
https://t.me/TeslaAws

اذا انت شخص ينسى اللي يقراه فلازم تعرف ان انت شخص طبيعي، عقل الانسان بيومه يتعامل مع معلومات هواي فيقسمها مهمة او غير مهمة واحيانا بسبب ضغط الدراسة، الدماغ يصير يخطأ بتقسيم المعلومات سواء كانت مهمة أو لا، وحتى المعلومات المهمة مايگدر يحفظها بشكل كامل لان دائما اكو معلومات جديدة.

العالم بتطور مستمر، البشرية تطورت بكل شي حتى طرق الدراسة، حرفيا الدراسة صارت "فن" تگدر تتعلمه حتى تحسن قدرات الحفظ عندك وذاكرتك بالتالي تحسن من نتائجك.

طريقة الدراسة التقليدية طريقة مملة وغير فعالة واثبتت ضعفها لان العقل البشري بطبيعته ينسى تقريبا نصف المعلومات التي درسها أو حفظها بعد ساعة وحدة وبعد أسبوع ينسى تقريبا اكثر من 80% من المعلومات اللي درسها. حتى من تصير جامعة راح تتعبك اكثر خصوصا لو رحت قسم طبي ودراستك كلها باللغة الانكليزية.

يتبع..

اللي گدامك هذا مخطط منحنى النسيان، توصل اله العالم هيرمان إبنغهاوس سنة 1885 هيرمان من خلال ابحاثه اكتشف بالتجارب اللي سواها، مفهوم منحنى النسيان، والي هي انو نسبة 40% من الي تتعلمه لأول مرة، يتم فقدانه بعد مرور 20 دقيقة فقط، وبعد مرور ساعة تفقد تقريبا 60%، و بعد مرور يوم كامل تفقد تقريبا 70% من اللي تعلمته، وبهل طريقة يستمر منحنى النسيان بالنزول، وبعد مرور اسبوع أو شهر مارح تتذكر من الي تعلمته غير 15 الى 20% فقط


طبعا المخطط معادلة رياضية صيغتها
R = e ^ (- t / s)
يعني مو مجرد تسفيط حچي ونظريات.

المخطط يوضحلك نسبة الاحتفاظ بالمعلومة خلال الايام، الانسان يگدر يحفظ بنسبة 100٪ بوقت التعلم نفسه.

شنو علاج منحى النسيان ؟
ج/ التكرار المتباعد

و زين شلون اظل اعيد بالمادة نفسها والمواد تتكدس؟

طبعا اول تكرار راح يكون بعد عملية الحفظ

مباشرة، ثاني تكرار بعد اربع ساعات ، ثالث تكرار يكون بعد يوم، رابع تكرار 2-3 اسابيع، خامس تكرار راح يكون بعد شهرين أو ثلاث أشهر.

يتبع..

زين شنو احسن طريقة ممكن اتبعها بالدراسة؟

عن تجربة من قبل اكثر من شخص ، طريقة التكرار المتباعد احسن طريقة من تجربها راح تشوف نتيجة. بشكل أو بآخر، كلنا مجربين هالطريقة بدون ما نحس بجدول الضرب، ليش كلنا نتذكره بسهولة باول مراجعة عكس بقية المعلومات؟ لان خلال السنة انت دائما تستخدمه بالحل فصار تكرار متباعد.

شنو التفسير العلمي للتكرار المتباعد؟ ليش الطالب ذاكرته تتحسن بهالطريقة؟ ببساطة لان عملية التكرار المتباعد تزيد من مادة الميالين، الميالين مادة تربط تغلف الخلايا العصبية وتربطها بالدماغ وكلما تزود هاي المادة زادت سرعة عمل الخلايا العصبية، وبالتالي يصبح التعلم أسرع والذاكرة أكثر حفظا للمعلومات.



بشكل حرفي، الاف الدراسات تدعم طريقة التكرار المتباعد منها دراسة بعام 2011 قسموا الطلاب لاربع مجموعات وكل مجموعة تدرس بطريقة مختلفة، المجموعة الرابعة اللي استخدمت طريقة التكرار المتباعد كانت احسن من أقرب مجموعة الها ب45% ! ودراسة ثانية نتيجتها كانت ان طلاب الطب بدون طريقة التكرار المتباعد ينسون 33% من المعلومات اللي درسوها خلال أقل من سنة وبعد أقل من سنتين ينسون اكثر من 50% ، أما الطلبة اللي استخدموا طريقة التكرار المتباعد كانت نتائجهم أحسن بنسبة 40%.

يتبع..