اعيد واكرر أكلوا وناموا لتروحون بدون اكل ونوم
عقل الانسان خلال يومه العادي يصرف حوالي 20% من طاقة الجسم، هذا الرقم يرتفع لما الشخص يستخدم عقله بفترة ما اكثر من المعدل الطبيعي.

لاعبين الشطرنج -مثلا- خلال البطولات يخسرون 0.9 كيلوغرام باليوم الواحد، والرقم حقيقي. لاعب الشطرنج فابيو كاروانا مؤخرا خسر 6.8 كيلوغرام خلال بطولة وحده لعبها.

انت كطالب سادس يومك اغلبه يخلص بالدراسة والتفكير وهالشي يخلي عقلك يستهلك اكثر من الطبيعي، لذلك، لازم وواجب عليك تاكل زين طيلة فترة الامتحانات، لازم لازم لازم تاكل قبل الامتحان وما تروح تمتحن وانت جوعان لان هالشي يأثر على قدراتك باسترجاع المعلومات ويجهدك جهد اضافي انت بغنى عنه.

لا تخلي هاي التفاصيل الصغيرة تضيع تعبك.