"Texno Park" va oliygoh o‘quv binosi qurilish ishlari o‘rganildi

Surxondaryo viloyatida amalga oshirilayotgan yirik loyihalardan biri — Termiz tumanidagi "Yangi O‘zbekiston" massivida barpo etilayotgan ijtimoiy, iqtisodiy va sanoat obyektlaridir. Massivda turar-joylar, ijtimoiy infratuzilma bilan bir qatorda sanoat zonasi va "Texno Park" loyihalari qurilishi jadal davom etmoqda.

Bugun viloyat hokimi Ulug‘bek Qosimov Termiz tumaniga tashrif buyurib, "Yangi O‘zbekiston" massiviga tutash hududda barpo etilayotgan "Texno Park" hamda Termiz davlat pedagogika institutining 1 500 o‘rinli o‘quv binosi qurilish jarayonlarini o‘rgandi. Loyihalar bo‘yicha mas’ullarning hisobotlari tinglandi.

Shuningdek, mas’ullar ishtirokida davlat dasturlari va boshqa loyihalar doirasidagi qurilish ishlari, sohada belgilangan vazifalar ijrosi muhokama qilindi. Tarmoq va hududlar bo‘yicha mas’ullar amalga oshirilgan ishlar haqida axborot berdi.

Loyihalarda ishlarni jadallashtirish, sifatni ta’minlash, reja-grafiklar ijrosi ustidan qat’iy nazorat o‘rnatish, shuningdek har bir obyektda shaharsozlik, ekologik va boshqa belgilangan talablarga qat’iy rioya qilish vazifalari topshirildi.

Surxondaryo.uz | Telegram | Facebook | Instagram | YouTube | X