❓ግራፊክ ዲዛይነር እና ሰዓሊ ልዩነታቸው ምን ይመስላችኋል?

📸 @TelwinCreative

🔖ስለ ሰዓሊ እና ግራፊክ ዲዛይነር ልዩነት ብዙ ማለት ይቻላል በአጭሩ ግን:

✅የግራፊክ ዲዛይነር ዋነኛ ትኩረት አንድን መልዕክት ምስላዊ በሆነ መንገድ ማስተላለፍ ላይ ሲሆን ፤ ሰዓሊ ግን በተለየ መልኩ የራሱን የግል አስተሳሰብ ፣ስሜት እና ዝንባሌ ማንፀባረቅ ላይ ያተኩራል።

✅ግራፊክ ዲዛይነር ለዲዛይን ስራው የግራፊክ ዲዛይን ሶፍትዌሮችን ሲጠቀም ፤ ሰዓሊ ግን ብሩሽ እና ቀለምን ወይም ለዲጂታል የስዕል ስራዎች የተዘጋጁ አፖችን ይጠቀማል።

✅የግራፊክ ዲዛይነር ስራዎች ቢዝነሶችን እና ተቋሞችን በምስላዊ መልዕክት ንድፍ ስራ ለማገልገል የሚሰሩ ሲሆን ፤ በተቃራኒው የ ሰዓሊ ስራዎች አብዛሃኛውን ጊዜ የራሱን "የጥበብ ስሜት" ለማንፀባረቅ የሚሳሉ ናቸው።

📸 @TelwinCreative

🖥 የግራፊክ ዲዛይን ሶፍትዌሮች Popular Graphic Design Software)

📚 Adobe InDesign

🟢 ከላይቭ የተወሰደ !

📸 @TelwinCreative

🖥 ስለ 3ቱ መሰረታዊ እና ወሳኝ የግራፊክ ዲዛይን ሶፍትዌሮች በአጭሩ ለመገንዘብ ከታች ያሉትን ሊንኮች በመጫን ቪድዮዎቹን ተመልከቱ

✔Adobe photoshop

✔Adobe Illustrator

✔Adobe Indesign


📸 @TelwinCreative

ዕለተ ቅዳሜ  July 2/2022 ከዒሻ በኋላ እንደወትሮው ከፒሲዬ ጋር መፋጠጥ ጀመርን።ያን ሰሞን በ ግራፊክ ዲዛይነርነት ተቀጥሬ ከምሰራበት የማተሚያ ቤት ስራ በዘለለ በግሌ የ Freelance ደንበኞችን ለማፍራት ጥረት የጀመርኩበት ጊዜ ነበር። 4:40 አከባቢ እራቴን መብላት ልጀመር ስል እንደልማዴ ፒሲውን ከጎኔ አደረግኩት ፤ ጥሎብኝ እየበላሁ የሆነ ነገር ከፍቶ ማየት ወይም ማዳመጥ እወዳለው። ሁሉም ነገር እንደተለመደው እየሄደ ነው።እራቱም ጣፍጦኝ እየበላሁ ነው።4:52 ላይ ድንገት  ፒሲው የNotification ምልክት ሰጠኝ ወደ ስክሪኑ አትኩሬ ተመለከትኩ የቴሌግራም መልዕክት ነበር።

መልዕክቱን ማን እንደላከው እና ምን እንደሆነ ለማወቅ ጠጋ ብዬ አስተዋልኩት ፤ ማመን አቃተኝ ጉንጬ ለጥርሴ ፈገግታ መንገድ እየለቀቀ ሲሸበሸብ ተሰማኝ ፣ ምንም እንዳልተፈጠረ ነገሩን Normally ለማሳለፍ ዳዳኝ ፤ ማይሆነውን።

አዎ ስራዬን የሆነ ቻናል ላይ ካስተዋወቅኩት በኋላ በጉጉት ስጠብቅ የነበረው የመጀመሪያው Client ነበር።መልዕክቱን ስከፍተው "Aswrwb, i would like to get a logo made for my bakery business." የሚል ሆኖ አገኘሁት።ከ3 ጉርሻ የማይተርፍ ምግብ የቀረውን እራት እንዴት ልጨርሰው ፤ አንድ ጉርሻ ማንሳት ቋጥኝ  የማንሳት ያህል ከበደኝ።ጎርሼ እስክጨርስ የፃፈውን የሚያጠፋው ይመስል እጄን ታጥቤ እስክመልስለት ጨነቀኝ።

ለቀሩት ጉራሻዎች እጅ ሰጥቼ እጄን ለመታጠብ ተነሳው። እጄ ላይ ውኃን ከማፍሰሴ በዘለለ ጣቴ ላይ ያለው የምግብ ቅሪት በደንብ ይልቀቅ አይለቀቅ አላስታውስም።የፈጠነ ሄጄ ጣቶቼን ከፒሲው Keyboard ጋር አነካካው።ቀድሜ ለሰላምታው  ፈጥኜ ምላሽ ሰጠሁ። ኡፍፍፍ ትንሽ ተንፈስ አልኩ።አሁን የትም አይሄድም አይነት ስሜት ተሰማኝ። ከዚያም ሰለ ስራው አንድ ሁለት እያልን ማውራት እና መረጃ መለዋወጥ ጀመርን።ተስማምተን ስራውን ተቀበልኩ ፤ በተባባልነው ቀጠሮ መሰረት ሰርቼ አስረከብኩ።

ይህ የመጀመርያው Client ሲያናግረኝ የተሰማኝ ደስታ ከምንም በላይ የመነጨው የእችላለው ስሜት የምር እንዲሰማኝ ስላደረገ እንደሆነ ይሰማኛል።በአላህ እገዛ ከዚህኛው Client በኋላ ብዙ Clientoችን አግኝቻለው። አልሐምዱሊላህ!

ለዚህ Client ከዚህኛው ስራ በኋላ ደንበኝነታችን ጠንክሮ
ተጨማሪ 4 የተለያዩ ፕሮጀክቶችን በተለያዩ ጊዜዎች ሰርቼለታለው።

ይድረስ! ግራፊክ ዲዛይንን መንገዴ ብለው መማር ለጀመሩ ፣ ይድረስ! ግራፊክ ዲዛይንን በአግባቡ ተምረው የመጀመርያ Client ለማግኘት እየጣሩ ላሉ።

Esmael Kemal

📸 @TelwinCreative

ትዝብት!

በየትኛውም ዘርፍ ላይ ጥልቅ ዕውቀት ያላቸውን ሰዎች አስተውላችሁ ከሆነ ብዙ ጊዜ ስለ ዕውቀታቸው እና አዋቂነታቸው ሲያወሩ አይስተዋልም ፤ በተለይ ጉዳዩ ምንም ለማይመለከታቸው እና የሚወራውንም በቅጡ ለማይረዱ ሰዎች።በተቃራኒው ስለሆነች ነገር ትንሽ ያወቀ እና ገና ማወቅ የጀመረ ሰው ባገኘው አጋጣሚ ስለዚያ ነገር ጣል ካላደረገ ፣ ስለዚያ ነገር ዕውቀት እንዳለው ለሰዎች ካላሳየ እረፍት አይሰጠውም።

ስለ ሚያወራው ነገር ምንም መገንዘብ የማይችሉ ሰዎች ፊት ስላወቅኳት ነገር ተንትኜ ካልሞትኩ ይላል።የፈረደባቸው አጠገቡ ያሉ አድማጮች ወይ አላዋቂ እንዳይባሉ ወይ እሱን እንዳይከፋው ብለው ጭንቅላታቸውን እየነቀነቁ ያዳምጡታል።ምናልባት ስለ ሚያወራው ነገር አንድ አዋቂ መጥቶ አንድ ሁለት ጥያቄ ጣል ቢያደርግበት ለመመለስ የማትበቃ ዕውቀት ትሆናለች ይሁን ሁሉ መከራ የምታሳየን።

እኔ እንደማስበው አዋቂዎች ብዙውን ጊዜ ይህ አይነቱ ባህሪ የማይታይባቸው አንዱ ምክንያት፤ ካወቁት ይልቅ የማያውቀት ብዙ ነገር እንዳለ ስለሚያውቁ ነው።የኔ ቢጤው ሚስኪንን እንደዚያ የሚያንቀለቅለው ደግሞ ጫፍ ጫፏን ይዞ ሁሉን ያወቀ ስለሚመስለው ነው።

አላህ ጠቃሚ ዕውቀትን ከነ አደቡ ይጠን!

📸 @TelwinCreative