سلام عليكم👋
معانا النهاردة مراجعة لطريقة عمل فيزا افتراضية بالدولار أو باليورو بسهولة وبدون حاجة لتقديم وثائق، وهيكون فيه توزيع لـ 6 بطاقات فيزا هدية، كل بطاقة قيمتها 50 يورو.

مميزات البطاقة:
▪️ تقدر تختار النوع فيزا | ماستركارد.
▪️ تقدر تشحن رصيد لغاية 1000 دولار.
▪️ تقدر تستخرج عدد غير محدود من البطاقات.
▪️ مش هتحتاج تفعل حساب أو تقدم أي وثائق هوية.
▪️ تقدر تدفع تكلفة البطاقة بالكريبتو بعملات مختلفة.

البطاقة جربتها بشكل شخصي ودفعت بيها على مواقع مختلفة، منها يوديمي - جوجل باي وإعلانات فيسبوك 💳

بالنسبة للمسابقة:
- معانا 3 بطاقات هنوزعهم على 3 أشخاص هنختارهم من فيديو اليوتيوب، اعمل لايك وشير وتعليق على الفيديو على يوتيوب عشان تكون مؤهل 👇
https://youtu.be/-YbkE3v8bcg

فيه 3 بطاقات تانية هنوزعهم على 3 أشخاص هنختارهم من فيسبوك، اعمل لايك وشير وتعليق على بوست الفيسبوك عشان تكون مؤهل ✅
https://www.facebook.com/Netaawy/posts/951423173015246

المسابقة هتستمر لمدة 48 ساعة إن شاء الله ⏳
لو عندك استفسار عن البطاقة اكتبه في تعليق وهجاوبك إن شاء الله 👇

بطاقة الفيزا الافتراضية اللي اتكلمت عليها امبارح دلوقتي بقت متاحة بتكلفة أقل، بداية من 25 يورو ✅

البطاقة تقدر تستخدمها للدفع على أي مواقع بتقبل فيزا، وبتشتغل مع إعلانات فيسبوك، وعلى الموبايل تقدر تربطها بجوجل باي وتدفع بيها في أي مكان.

البطاقة تقدر تشحنها بقيمة حتى 1000 دولار، وتقدر تستخرج أي عدد من البطاقات بدون حد، وكل ده بدون حاجة لتوثيق الهوية أو تقديم أي وثائق 🥷

تقدر تشحن البطاقة بعملات رقمية، بما في ذلك عملة Monero المشفرة تماما، ولأمان أكبر الموقع بيوفر نسخة على Tor.. بحيث تخفي وسيلة الدفع وتخفي معلوماتك الشخصية.

بذكر إن مسابقة توزيع 6 بطاقات بقيمة 300 يورو هتنتهي بكرة إن شاء الله، ولسه عندك فرصة تفوز بمشاركة بسيطة والتفاعل مع منشور الفيسبوك وفيديو اليوتيوب ♥️

الإعلان عن الفائزين في مسابقة البطاقات 🎉

الناس اللي فازت في مسابقة اليوتيوب تكتبلي كومنت على الفيديو فيه الإيميل الخاص بيها.

الناس اللي فازت في مسابقة فيسبوك تبعتلي رسالة على الصفحة فيها الإيميل الخاص بيها.

نشوفكم إن شاء الله في مسابقات قادمة ♥️

بعد 10 سنين من بداية المشروع..

شركة آبل قررت إنهاء مشروع السيارة الكهربائية ذاتية القيادة 🚗

الشركة واجهت مشاكل ضخمة من بداية المشروع لتطوير السوفتوير والخوارزميات الخاصة بالقيادة الذاتية للسيارة.. بالإضافة للمنافسة الشديدة في السوق، وسعر السيارة المرتفع اللي كان متوقع يوصل إلى 100 ألف دولار!

آبل استمرت في المشروع 10 سنوات.. اشتغل عليه 2000 شخص.. صرفت عليه 10 مليار دولار وفي الآخر فشل.

بعد 8 شهور من احتجازها.. الهند أفرجت عن حمامة متهمة بالتجسس لصالح الصين 🕵️

الحمامة اتمسكت بالقرب من ميناء مومباي، وكان فيه حلقتين معدن في رجلها عليهم كتابة صينية.

المخابرات الهندية أفرجت عن الحمامة بعد 8 شهور من احتجازها والتحقيق معاها، بعد ما تم التأكد إنها مش عنصر تجسس صيني، ولكن حمامة سباق تايوانية وصلت الهند بالخطأ.

شركة SpaceX نجحت في تحقيق اتصال إنترنت فضائي مباشر مع موبايل سامسونج بسرعة وصلت 17 ميجابت في الثانية 🛰

الرقم ممتاز خصوصا إن الموبايل لم يتم عمل أي تعديلات عليه للتوافق، وكمان معدل التأخير كان 1.2 ملي ثانية فقط، ومعدل فقدان حزم البيانات 15% وده رقم مقبول.

الهواتف الذكية قد تكون على بعد سنوات قليلة من امتلاك اتصال إنترنت فضائي مباشر بدون حاجة لأي أدوات خاصة للاتصال.

الاتحاد الأوروبي وقع غرامة تاريخية على شركة آبل بقيمة 1.9 مليار دولار بسبب انتهاك الشركة لقوانين مكافحة الاحتكار 💲💲

الشركة كانت بتمنع التطبيقات من السماح للمستخدمين بدفع الاشتراكات مباشرة من داخل التطبيق، وكانت بتجبرهم على الدفع من باستخدام اشتركات الآب ستور عشان آبل تاخد حصتها (30%) من قيمة الاشتراك.

آبل كمان يبدو إنها كانت بتمنع التطبيقات من إعلام المستخدمين بوجود طرق أرخص لدفع الاشتراك زي الاشتراك من موقع الخدمة بعيدا عن المتجر نفسه 😑

البريكس اشتغل..

يوم الاتنين اللي فاتت كان فيه مؤتمر لجوجل "فرع الكيان الصهيوني" في مدينة نيويورك، وأثناء المؤتمر أحد مهندسي جوجل قاطع المؤتمر بصوت عالي وقال إنه بيرفض تطوير تقنيات بتمكن عمليات الإبادة والفصل العنصري اللي بتحصل في غزة، وكلامه كان تحديدا عن مشروع Nimbus اللي جوجل بتطوره مع أمازون لتوفير تقنيات رقابة متطورة للكيان الصهيوني.

المهم شركة جوجل فصلت الموظف ده النهاردة.

من كام يوم أكبر موقع لبيع المخــدرات على الدارك ويب نصب على المستخدمين وعلى التجار وسرق كل الفلوس اللي كانت موجودة في حساباتهم على الموقع على هيئة بتكوين & مونيرو واللي تقدر بملايين الدولارت.

النهاردة إدارة الموقع قررت تنصب على المستخدمين مرة تانية، ونشرت رسالة ابتزاز على الموقع بتهدد فيها بنشر كل المراسلات اللي تمت على الموقع بين المستخدمين، بالإضافة لمعلومات 862 ألف معاملة مالية تمت بين مستخدمي الموقع.

إدارة الموقع طلبت فدية من أي مستخدم مش عايز بياناته يتم نشرها، وحاليا كل أسماء المستخدمين معروضة على الموقع باللون الأحمر لو المستخدم مدفعش الفدية، وبالأخضر لو دفع 🙂

عندك مشكلة إن المتصفح تقيل معاك أو بيخلي الجهاز بطيء؟
المتصفح الرايق ده مش واخد حقه، ويقدر يحل المشكلة دي 👌


▪️ مانع للإعلانات وأدوات التعقب + VPN مدمج.
▪️ تقدر تعرف المواقع اللي استهلاكها عالي وتقفلها.
▪️ مدمج معاه مساعد ذكاء اصطناعي ممتاز (Aria).
▪️ تقدر تحدد أقصى حد من موارد الجهاز (المعالج & الرم) للاستهلاك.
▪️ تقدر توصل للشات بتاعك (ديسكورد - تليجرام) من الشريط الجانبي.
▪️ تقدر تخصص كل حاجة في المتصفح حرفيا مع ثيمات وخلفيات وأنيميشن وأصوات الكيبورد والأزرار بموارد متاحة مجانا.
▪️ قسم خاص للجيمرز لمعرفة أحدث الأخبار عن المجال وأهم العروض المتاحة.
▪️ تقدر تحسن جودة الصور والفيديو أثناء التصفح بفضل ميزة RGX Mode.
▪️ بيدعم المزامنة بين الأجهزة ونقل البيانات والروابط بسهولة من جهاز لآخر.

مراجعة كاملة للمتصفح تقدر تشوفها من هنا 👇
https://bit.ly/3ICTECt

مساء الخير

الأسبوع ده هيئة الاتصالات الفيدرالية في أمريكا رفعت تعريف الحد الأدنى لسرعة الإنترنت من 25 ميجابت إلى 100 ميجابت في الثانية تحميل، و25 ميجابت لسرعة الرفع.

تغيير الهيئة للتعريف هيجبر شركات الإنترنت في أمريكا إن السرعة الأدنى اللي بتوصل لجميع المستخدمين لازم لا تقل عن السرعات الجديدة، وده يجب تطبيقه بحلول نوفمبر 2025.

تغيير التعريف كذلك يعني إن الأماكن اللي مش بيوصلها إنترنت بالسرعات دي هتاخد دعم فيدرالي للبنية التحتية عشان يوصلهم الحد الأدنى اللي هو 100 ميجابت.

الهيئة كمان قالت إنها بتهدف للوصول بتعريف الحد الأدنى لسرعة الإنترنت إلى 1000 ميجابت تحميل، 500 ميجا بت رفع 🙂

شركة X 🥴 النهاردة حولت نموذج الذكاء الاصطناعي الخاص بيها Grok لنموذج مفتوح المصدر، ووفرت لينك تورنت لأي حد يقدر يحمل الـ Weights الخاصة بالنموذج ويشغلها أوفلاين على جهازه 👌

تقدر تحمل ملفات النموذج من اللينك في التعليقات. حجم الملفات 318 جيجابايت بس 🐥

السعودية بتخطط لإطلاق صندوق استثماري للاستثمار في مشاريع الذكاء الاصطناعي بقيمة 40 مليار دولار 😯

الصندوق هيكون غرضه الاستثمار في الشركات الناشئة وأكبر شركات في المجال، وتحديدا شركات تصميم الشرائح ومراكز البيانات.

المبلغ ده هيخلي السعودية أكبر دولة في العالم تضخ استثمارات في المجال.

الجدير بالذكر إن الحكومة الأمريكية سبق وحظرت شركة نفيديا، أكبر مصنّع للبطاقات المستخدمة في المجال من تصديرها لدول في الشرق الأوسط، وكانت السعودية من ضمن الدول دي.

الجدير بالذكر أيضا إن استثمارات السعودية في مجال التقنية كانت نتائجها سيئة.. وآخرها كان منح مجموعة سوفت بنك اليابانية 45 مليار دولار لاستثمارهم، وحققت المجموعة خسائر ضخمة بسبب ضخ استثمارات ضخمة في مجموعة شركات أعلنت إفلاسها لاحقا زي WeWork - Zume.

مكتب التحقيقات الفيدرالي FBI كان مشتبهين في شخص إنه بيغسل أموال من خلال بيع البتكوين مقابل كاش..

عشان يعرفوا هويته بعتولوه لينكات لفيديوهات يوتيوب معينة، وبعدين استخرجوا أمر قضائي وراحوا لجوجل يطلبوا منها بيانات كل الناس اللي اتفرجت على الفيديوهات دي (الاسم - العنوان - رقم الموبايل - نشاط الحساب - الآي بي).

من غير المعلوم إذا كانت جوجل منحت بيانات المستخدمين ولا رفضت.

الفيديوهات اللي تم استخدامها عليها 30 ألف مشاهدة 🙂

المحكمة العليا في إسبانيا أصدرت قرار بحظر تليجرام بسبب شكوى أكبر 3 شركات إعلامية في إسبانيا من التطبيق وسماحه للمستخدمين بنشر محتوى مقرصن لمباريات كرة القدم 😡

مساء الخير

في سنة 2016 تطبيق سناب شات كان من أسرع تطبيقات التواصل نموا.. وكان أشهر تطبيق تواصل بين فئة المراهقين، وده شيء كان عامل إزعاج كبير لمارك زوكربيرج اللي منصاته كانت نصيبها من الفئة دي هي الأقل بين تطبيقات التواصل.

مارك كالعادة حاول إنه يتجسس على تفاعل المستخدمين مع سناب شات عشان يعرف إيه هي أكتر الحاجات اللي المستخدمين بيعتمدوا عليها وبيقضوا وقت كبير في استخدامها.. لكن الترافيك الخاص بسناب شات كان مشفر، وده معناه إنه من المستحيل يتم تحليل الترافيك ده أو استخلاص أي شيء مفيد منه.

مارك لجأ لحيلة قذرة كالعادة وهي إنه يخدع المستخدمين ويخليهم يحملوا مالوير على أجهزتهم تقدر تسمح له باعتراض الترافيك ده وفك تشفيره وتحليله.

الشركة اعتمدت على تطبيق في بي إن خاص بشركة صهيونية كان سبق واستحوذت عليها اسمه OnavoVPN.
التطبيق ده كان بينزل معاه حزم برمجية وشهادات توقيع مزورة لتطبيق سناب شات، واللي قدر من خلالها إنه يتجسس على تفاعل المستخدمين مع سناب شات.

اللي مش فاهم أكتر النقطة دي.. اللي مارك عمله ده اسمه هجوم الوسيط MITM (Man in the Middle).. وده حرفيا نوع من هجمات الاختراق الخبيثة اللي بيستخدمها الهاكرز لاعتراض الاتصالات بين طرفين والتجسس عليهم.

بعد شهرين من بداية القصة دي تم إطلاق ميزة القصص على انستجرام واللي هي حرفيا مسروقة من سناب شات.. واستمرت الشركة في سرقة مميزات مشابهة واستخدامها في تطبيقاتها.
فيسبوك استخدمت نفس الطريقة دي للتجسس على تطبيقات تانية زي يوتيوب وأمازون.

القصة دي كنا عرفنا جزء منها في 2019 لما تم اكتشاف تجسس تطبيق OnavoVPN على المستخدمين وتم طرده من متجر جوجل وآبل، لكن باقي القصة عرفناه بسبب قضية حالية بين بعض مستخدمي المنصة وشركة ميتا بسبب اللي حصل.

الموضوع اتحول من مجرد أساليب ملتوية للتجسس على المنافسين لمعرفة أسرار نجاحهم وتقليدها إلى اللجوء لطرق مجرمة قانونا زي تزوير شهادات توقيع تطبيقات معروفة للتجسس على تفاعل المستخدمين معاها!

كالعادة زوكربط ده كل فترة بيبهرنا بمستوى جديد من الحقارة 😑

باحثين في جامعة أستون الإنجليزية قدروا يحققوا نظام لنقل البيانات عبر الإنترنت بسرعة 31 تيرابت في الثانية 😯

الإنجاز تم باستخدام نطاقات أطوال موجية جديدة غير مستخدمة في أنظمة الألياف الضوئية حاليا، بالإضافة لتطوير أجهزة مضخمات ضوئية ومعادلات كسب بصري خاصة للتجربة.

السرعة دي تعادل 4.5 مليون مرة متوسط سرعة الإنترنت في بريطانيا (69.4 ميجابت)، وتعادل 452453654765786574596825252 مرة متوسط سرعة الإنترنت في مصر.

من كام يوم مهندس في مايكروسوفت اسمه Andres Freund كان بيجرب نسخة قادمة توزيعة لينكس الشهيرة Debian، ولاحظ إن بروتوكول تأمين الاتصال بالخوادم OpenSSH بيستغرق (500 ملي ثانية) زيادة عن المعدل الطبيعي.

أخونا أندريس الموضوع ده قلقه وبدأ يعمل تحليل للاتصال وحزم البيانات عشان يعرف سبب التأخير الفظيع ده، والنص ثانية دي بتضيع فين بالظبط.

التحليل وصله لأن المشكلة مش في OpenSSH ولكن في حزمة برمجيات مفتوحة المصدر اسمها xz Utils، ودي حاجة زي مكتبة بتستخدم في ضغط وفك ضغط البيانات، ومستخدمة بشكل واسع جدا في بيئة لينكس.

بعد تحليل أعمق للمكتبة دي اكتشف إن في باب خلفي موجود في ملف اختبار باينري، ومعمول عليه كمية تشويش رهيبة عشان مفيش حد يقدر يفهم الكود ده بيعمل إيه.

الباب الخلفي ده كان بيسمح للمخترق إنه يسيطر على الأجهزة اللي بتستخدم النسخة المصابة من المكتبة.
1/2