في سنة 2013 شركة آبل اتواصلت مع مهندس ورجل أعمال إيراني اسمه جو كياني مؤسس شركة Masimo ودي شركة متخصصة في تطوير تقنيات ومستشعرات قياس نشاط الجسم وعرض بياناته للمستخدم..

شركة آبل كانت مهتمة تحديدا بتقنية قياس الأكسجين في الدم اللي تعتبر شركة Masimo من الشركات الرائدة فيها.. وآبل اقترحت تعاون بين الشركتين لدمج التقنية في ساعتها الذكية..

لكن الحقيقة إن آبل كانت مش بتدور على تعاون ولا حاجة.. هي كانت عايزة تسرق التقنية من الشركة..

آبل بعد ما اطلعت على التقنية سرقت 20 من أهم موظفي Masimo من خلال إغرائهم بمضاعفة الراتب، ده غير إنهم كمان سرقوا الـCTO بتاع الشركة من خلال منحه مكافأة 4 مليون دولار.

بعدها بفترة قليلة آبل نشرت براءات اختراع للتقنية تحت اسم الموظفين اللي سرقتهم من الشركة.. وطبعا كانت نسخة طبق الأصل من براءات الاختراع المسجلة باسم Masimo..

في 2020 شركة آبل أطلقت ساعاتها الذكية بتقنيات قياس الأكسجين في الدم.. طبعا التقنيات اللي سرقتها من Masimo..

في نفس السنة شركة Masimo رفعت قضية على آبل بتهمة سرقة أسرار الشركة وملكيتها الفكرية من خلال موظفيها.. وفي السنة اللي بعدها رفعت قضية تانية عليها بخصوص انتهاك براءات الاختراع الخاصة بيها..

في شهر أكتوبر الماضي لجنة التجارة الدولية حكمت لصالح شركة Masimo وفرضت حظر على بيع ساعات آبل اللي بتستخدم التقنية داخل أمريكا.. وامبارح تم تأييد القرار..

شركة آبل أعلنت عن وقف بيع ساعاتها Apple Watch Series 9 & Apple Watch Ultra 2 بداية من 21 ديسمبر.

في شهر أبريل الماضي مؤسس Masimo قال إن مقاضاة آبل كلفت الشركة 55 مليون دولار.. ويتوقع تكاليف إضافية بقيمة 100 مليون دولار.

في 2022 فقط آبل باعت 53 مليون ساعة بعوائد تقدر بـ 18 مليار دولار.

للناس اللي طلبت..
بديل وايز لأصحاب الشركات البريطانية.
التسجيل مجاني بدون أي رسوم + حسابات بنكية بـ 10 عملات مختلفة 👇
https://youtu.be/IkPZ9BrpVHU

روسيا فرضت غرامة 4.6 مليار روبل (50.8 مليون دولار) على شركة جوجل بسبب فشلها في حذف محتوى "مضلل" عن الحرب في أوكرانيا.

في 2021 روسيا غرمت جوجل 7.2 مليار روبل.
في 2022 روسيا غرمت جوجل 21.1 مليار روبل.

ابعد عن التعامل بالكريدت عشان حرام..
وعشان مينزلكش ناس 😰☠️

بالرغم من الحظر والعقوبات الأمريكية.. شركة هواوي تتجه لتحقيق أرباح ما يقرب من 100 مليار دولار في 2023 📈
الشركة اللي عانت بشكل كبير في السنوات الأخيرة من عقوبات الحكومة الأمريكية ومنعها من الحصول على التقنيات اللازمة لإنتاج شرائح متطورة لهواتفها نجحت في تحقيق مفاجأة كبرى بإطلاق هاتفها Mate 60 Pro بشرائح بدقة 7 نانومتر.. وده شيء كان مستبعد جدا وصول الشركة ليه خلال الفترة القصيرة دي بسبب الحظر الأمريكي.
هاتف Mate 60 Pro ساعد هواوي على زيادة حصتها من السوق الصيني من 10% في الربع الأول إلى 14% في الربع الثالث للعام الحالي، واقتناص حصة من مبيعات آبل اللي انخفضت نسبتها من السوق من 20% إلى 15% في نفس الفترة.

مستخدمي الواتساب على الأندرويد بدأ يوصلهم إشعار بالتحديث الجديد عن نظام النسخ الاحتياطي السحابي على جوجل درايف ☁️☁️
النظام القديم إن كل بيانات الواتساب زي الشات والصور اللي بيتم عمل نسخة احتياطية منها على جوجل درايف كانت مش بتتحسب من باقة التخزين المجانية (15 جيجابايت)..
التحديث الجديد إن أي بيانات بتعملها نسخ احتياطي من الواتساب بتستهلك من الباقة المجانية.
فلازم دلوقتي تبدأ تخلي بالك من الشات والملفات اللي بتتعامل معاها.. خصوصا ملفات الميديا اللي بتستهلك الجزء الأكبر من مساحة التخزين عشان ميكونش في حاجة لدفع اشتراك لمساحة أكبر.
التحديث ده بدأ من الشهر اللي فات.. وتدريجيا هيوصل لكل المستخدمين قبل نهاية منتصف العام الحالي.

هابي نيو يير..

الشرطة البريطانية فتحت تحقيق في حادثة اغتـصـاب لفتاة قاصر في الميتافيرس 🥽
الحادثة حصلت في عالم الميتافيرس الخاص بشركة ميتا Horizon Worlds.. لما مجموعة من البالغين هاجموا الأفاتار بتاع البنت واعتدوا عليها بشكل جماعي.

الشرطة بتحاول تلاقي ثغرة قانونية لمحاكمة المعتدين.. بالرغم من إن الجريمة حصلت بشكل افتراضي، والقانون بيشترط إن يكون الضرر فيزيائي، لكن الأحداث دي بتسبب صدمة وأذى نفسي كبير بسبب مدى تطور العوالم الافتراضية وتقنيات نظارات الواقع الافتراضي اللي بتنقل التجربة بشكل أقرب ما يكون للواقعية.

دي مش أول مرة تحصل فيها حوادث اغتـصـاب داخل عالم Horizon Worlds الافتراضي.. اللي هو بالمناسبة متاح فقط في 5 دول أوروبية وأمريكا وكندا 🙃

الإنترنت هو حق إنساني، وشريان حياة. يجب أن يمتلك كل شخص القدرة على الوصول إليه بجودة عالية وبتكلفة منخفضة.

صباح الخير من موزمبيق 🇲🇿

حصريًا 🚨🚨🚨

طريقة حل مشكلة ارتفاع الدولار والسوق السوداء بدون روت 2024.

البريكس اشتغل 👌

أكتر من 2200 شركة مختلفة بيبعتوا معلوماتك الشخصية لشركة Meta 🙂

تقرير مهم نشرته منظمة Consumer Reports عملوا فيه تحليل لحسابات 709 متطوع لمعرفة البيانات اللي بيتم إرسالها عنهم لشركة ميتا من خلال أطراف ثالثة.

نتيجة البحث كانت قيام 186 ألف شركة بإرسال بيانات عن العينة البحثية لشركة ميتا.. بمتوسط 2230 شركة لكل شخص، وفي بعض الحالات كان العدد بيوصل إلى 7000 شركة للفرد الواحد.

أبرز الجهات اللي كانت بترسل للشركة بيانات المستخدمين كانت شركات سمسرة بشتغل في مجال البيانات، بالإضافة لأداة فيسبوك بيكسل، وده كود برمجي من تطوير شركة ميتا موجود في معظم مواقع وتطبيقات الإنترنت بيستخدم في أمور زي تحليل الأنشطة على الموقع أو التطبيق وبيساعد في الحملات الإعلانية على فيسبوك وانستجرام.

كل موقع وتطبيق بيستخدم الكود ده بيبعت تقريبا كل حاجة انت بتعملها لشركة ميتا.. بالرغم إنك بتكون مش بتستخدم أي منتج من منتجاتها.

الحل؟
استخدم متصفح بيحجب برمجيات التعقب زي متصفح Brave.. أو تقدر تستخدم إضافة متصفح تقوم بنفس المهمة زي إضافة Privacy Badger.

قصة طريفة من دول "العالم الأول"..
في آواخر التسعينات هيئة البريد البريطاني استعانت بشركة فوجيتسو اليابانية لبناء نظام محاسبي تقني خاص بيها..
الشركة طورت نظام اسمه Horizon وبدأت الهيئة تستخدمه من سنة 1999..

النظام كان معيب وفيه عدد كبير من الأخطاء البرمجية وصلت لـ 29 Bug.. وده رقم كبير ومؤثر جدا خصوصا في التقنيات المالية..

شركة فوجيتسو كانت بلغت الهيئة بوجود مشاكل في النظام.. لكن حاجة كدة على استحياء يعني عشان متعيبش في الشغل اللي عملوه..

بسبب الأخطاء دي كان بيحصل أخطاء محاسبية زي وجود مبالغ ناقصة عن المبالغ المفروض وجودها.. وده معناه إن في موظف/موظفين بيسرقوا.. طبعا مفيش سرقة ولا حاجة دي أخطاء من البرنامج..

هيئة البريد كانت بترفع قضايا سرقة واختلاس ضد الموظفين ومديري الفروع بالرغم من علمها بوجود أخطاء في نظامها المحاسبي.. وكانت بتعدل شهادات موظفين فوجيتسو لو فيه أي تلميح لأخطاء النظام.. وأخفت حقيقة وجود أخطاء برمجية عن محامين الموظفين وعن المحكمة..

من سنة 1999 لسنة 2015 هيئة البريد البريطاني نجحت في إدانة +900 موظف بالسرقة والاختلاس.. منهم اللي اتسجن، ومنهم اللي اتسجن وأجبر يدفع غرامة.. ومنهم اللي اتسجن والغرامة كانت كبيرة لدرجة إعلان الإفلاس وخسارة كل الممتلكات لدفع الغرامات..

الموضوع ده كان فضيحة في بريطانيا الأسبوع ده بعد ما اعترف رئيس فوجيتسو في أوروبا بول باترسون بالقصة في تحقيق برلماني.. وإنهم كانوا عارفين بالأخطاء من أول يوم وبلغوا الهيئة اللي عملت من بنها وكملت اتهام موظفيها وتدمير حياتهم وتشويه سمعتهم على مدار 15 سنة.

الحكومة اليابانية أعلنت عن إيقاف اعتمادها على الأقراص المرنة كمتطلب لتقديم وثائق رسمية 🙂

امبارح اليابان قررت تنهي الاعتماد على واحدة من أقدم وسائل نقل البيانات وهي الأقراص المرنة Floppy disks والأقراص المضغوطة CD-ROMs كشرط لتقديم وثائق حكومية. الشركات كانت بتحتاج لتقديم المعلومات المطلوبة مخزنة على أقراص مرنة أو مضغوطة.

بداية من العام الجديد الشرط ده مش هيكون مطلوب خلاص.
كالعادة كوكب اليابان بيقود مسيرة العالم نحو التقدم التكنولوجي وثورة الرقمنة للقضاء على البيروقراطية ❤️

امبارح اتحكم على جوشوا شولت عميل وكالة الاستخبارات المركزية الأمريكية CIA السابق بالسجن 40 سنة على خلفية قيامه بأكبر تسريب أمني في تاريخ الوكالة.

جوشوا كان استقال من الوكالة في 2016.. وقبل المغاردة سرق كمية ضخمة من المعلومات والوثائق وأدوات الاختراق اللي كانت بتستخدمها الوكالة.

في 2017 بدأ يسرب البيانات دي لموقع ويكيليكس، اللي عُرف بتسريب Vault 7.. وكان بيتضمن أدوات اختراق متطورة، وفيروسات وبرمجيات اختراق خبيثة، وثغرات Zero-Day.

التسريب ده تحديدا كان أحد أهم الأسباب اللي تخلي أمريكا وحلفائها يطاردوا مؤسس ويكيليكس جوليان أسانج، لدرجة محاولة CIA اغتياله.

أسانج حاليا مسجون في بريطانيا وبيواجه خطر الترحيل لأمريكا لمواجه اتهامات مرتبطة بالتجسس وإفشاء أسرار عسكرية.

الأيام اللي فاتت شركة AnyDesk اتعرضت لاختراق كبير واتسرق منها أكواد مصدرية لمنتجاتها وبعض شهادات التوقيع الرقمية.

حتى الآن مفيش أي إشارة على تأثر المستخدمين بالاختراق، لكن لو بتستخدم البرنامج لازم تحدث حالا للإصدار الأخير 8.0.8 ولو عندك حساب بوابة الويب أو للاتصال بالأجهزة عن بعد غير الباسورد فورا.

دفع 44 مليار دولار في موقع عشان كل يوم واحد يعلم على قفاه على نفس الموقع..

مراجعة أفضل برنامج لحجب الإعلانات على الأندرويد بدون روت:
▪️ منع الإعلانات داخل التطبيقات مجانا.
▪️ لا يحتاج إلى وجود روت لهاتفك من أجل حجب الإعلانات.
▪️ متاح للأندرويد والآيفون ويمكن استخدامه أيضًا على نظام ويندوز وماك.
▪️ يساعدك على توفير استهلاك البطارية وباقة الإنترنت من خلال حظر تحميل الإعلانات.
▪️ لا يقوم بمهمة حظر الإعلانات على المتصفح فقط، ولكن على مستوى الهاتف بالكامل.
▪️ يوفر لك حماية أفضل على مستوى الخصوصية من خلال حظر أدوات التتبع ومنعها من العمل.
▪️ يمكنك تخصيص التطبيق والسماح بإعلانات المواقع والتطبيقات التي تريد دعمها.

👇👇👇👇👇👇
https://bit.ly/42Jm1IB