الخدمة تفعلت عندي طبيعي
الي صارت عندة يدزلي سكرين
@CyberSecurityStudentBot

اكو هواي ناس ماعرف شنو قصتهم عبالهم الامن السيبراني (او حتى باقي الاختصاصات اللي مالها علاقة بالحاسبات اصلا) تحتاج منك تدفع فلوس على كورسات ومدري شنو حتى على الاقل تفهمها
بس الصراحة الموضوع مو صحيح, بالعصر الحالي تكدر تصير ماستر بأي شي تقريبا بدون ما تدفع ولا فلس على المعلومات وبدون قرصنة لو مواقع كراك لو مدري شنو (عدا بعض البرامج, والادوات المادية مثل الحاسبات لو غيرها من الاداوات يعني اكيد لازم تشتريها هاي) وحرفيا كل اللي تحتاجه هو اتصال انترنت وفضول حيال الموضوع اللي تريد تتعلم عنه.
الحلو بهاي الطريقة انك ما مجبور تسوي اي شي, كل شي جاي تسويه لأنك انت تريد تسويه ومو لان دكتور فلان راح يرسبك اذا ما درست شي معين, اني شخصيا اخرب على هيج شي من تكدر انت تختار شتتعلم
(المراحل هاي هيج بس تقسيمات للكتابة بس مو معناها يحتاج تلتزم بأي شي منها)

المرحلة الاولى:
كوكل وحده يكدر يوصلك مراحل يمكن حتى الطالب الاكاديمي ميكدر يحلم يوصلها خصوصاً وية النظام التعليمي الكامز بالعراق (مع ذلك كلامي عام على كل مكان بالعالم ومو مقتصر بس على العراق)
راح انطي مثال بشي اني مجربه ومتأكد من كلامي بيه, واكدر اضمنلكم تكدرون تطبقون نفس الشي على غير اختصاصات (مع اختلافات شوية طبعا) اللي هو البرمجة
يعني اذا افترضنا اني شخص ما يعرف شنو لغة برمجة وبحياتي ما فاتح تيرمنل او محرر اكواد وكل ما ادوس f12 بـ بالمتصفح اخترع عبالي تهكرت من الموساد, وقبل كم يوم سمعت ناس يحجون على خلل برمجي بويندوز خلاه ميشتغل والناس تخبلت, اني هنا عيني وكعت على "خلل برمجي" وصار عندي فضول اعرف شنو هذا, راح اروح لأي متصفح عندي بالحاسبة واكتب "خلل برمجي" وأول نتيجة هي صفحة ويكيبيديا عن الخطأ البرمجي. الحلو بويكيبيديا شلون صفحة وحدة بيها روابط توصلك لصفحات ثانية الها علاقة بالموضوع, والصفحات هاي همين بيها روابط فـ يكون عندك مصدر ميخلص من الفضول وبنفس الوقت مصدر ميخلص من الاشباع لهذا الفضول
فـ من صفحة ويكيبيدا حتكدر تفهم ان الخطأ البرمجي هو سوء بتقدير المدخلات والمخرجات ببرنامج معين وهمين راح تشوف رابط لصفحة اسمها لغة برمجة ومنها راح تخلي نفسك كدام اول باب ببداية تعلم البرمجة لان حتفهم شنو لغات البرمجة وشلون يختلفن وامثلة عن لغات بسيطة ولغات ثانية متقدمة اكثر. وبهذا فـ انت صار عندك اساس بسيط كلش بس صرت جاهز للمرحلة الثانية

المرحلة الثانية:
انت هسة صار عندك فكرة اساسية عن الشي اللي تريد تبحث عنه, تعرف عن شنو جاي تدور بالضبط وهو هذا بالضبط اللي حتسويه هسة, راح تبحث عن شي محدد اكثر من الخطوة اللي قبلها(ولو بشوية) فـ خلي نكمل على مثال البرمجة.
حتى يبقى المثال بسيط حنعتبر انك دست على اول رابط للغة برمجة لكيته بويكيبيديا قبل شوية وجان هذا عن لغة C, قريت عنها وصار عندك اهتمام بالموضوع فـ همين راح ترجع لكوكل (او اي محرك بحث) وحتبحث عن اسم اللغة, بالنسبة الي بحثت عن "learn c programming" وحرفيا اول نتيجة بحث جانت موقع learn c اللي توفر تعليم تفاعلي لهاي اللغة, اذا ما عجبتك الطريقة تدلل اكو موقع ثاني اللي هو w3schools learn c اللي هو مثل كتاب تقريبا وبس ينطيك صفحات كل صفحة تشرح دالة او ميزة معينة بهاي اللغة وتكدر تقرة هنا وتتعلم عن اللغة.
هيج انت من شوية بحث صار عندك مصدرين تتعلم منهم لغة C, ما صرفت ولا دينار ولا طلعت من بيتك حتى تتعلم.
بعدها هنا انت المفروض تبقى تتعلم عن اللي جاي تسويه واكيد عندك يوتيوب وتكدر تبحث عن اشياء ثانية هناك والصراحة ماكو حد للمرحلة الثانية فـ هي ممكن تستمر شكد ما انت تحس نفسك بعدك تحتاج اساس احسن بالموضوع اللي جاي تتعلم عنه, واحتمال وانت تتعلم حتقرة فد كلمة تجذب انتباهك وهمين حترجع تبحث وتلكالك شي ثاني تبحث عنه وتبقى هيج تطلع من موضوع حتى تدخل بالثاني علمود تشفي الفضول اللي عندك

وراها ورة ما تحس نفسك صرت تكدر تسوي شي اله معنى, سويه!
سواء جان برنامج حاسبة بسيط او طبخة او تصميم لصورة او مونتاج لفديو او اي شي, هاي المشاريع الصغيرة هي حرفيا احسن شي ممكن تتعلم منه لان راح تجبرك تبحث على اشياء على الاكثر انت مجنت تدري بيها موجودة اصلا وبالتالي تنطيك مواضيع اكثر تبحث عنها وتستمر على هذا الوضع
ومادامك باقي على هذا المنوال, تتعلم شي وبعدين تطبقه بمشروع صغير (او تستعمله حتى تطور واحد من مشاريعك القديمة) فـ انت هنا دتتعلم باحسن طريقة عرفوها البشر: learn by doing

وكل هذا الاكشن يشتغل على وقود واحد اللي هو الفضول مالتك, ماكو عامل خارجي يجبرك تتعلم لا بالعكس انت جاي تتعلم لان اكو عامل داخلي (فضولك) جاي يجبرك تسوي هيج

فـ اذا جان عندك الفضول والاهتمام الكافي بموضوع, لا تضيعه لان هذا هو مفتاحك لابواب معرفة يمكن انت ليهسة متدري بيها موجودة

وللمعلومة اغلب المصادر والمواقع والكتب اللي انشرها بالقناة الكاها لان اني جنت داتعلم عن موضوع معين ولكيتها بهاي الطريقة بالضبط

first stage ✅
@iraqsgodfather

عربي:
بوت slave cat !!!
أكثر من 2 مليار داتا مسـ.،ربة داخل بوت واحد!
عندك موقع، ايـ..ميل أو رقـ...م تريد تجمع عليه معـ..لومات؟
ادخل الكروب وابحث!
البوت تجريبي، بعدة مكامل
اني غير مسؤل عن شنو تبحث
======================
English:
le.،aks logs searcher bot, billions of lines
You can search for URLs, E.mails, ph.one nu.mbers, user.names and more!!
try it for free

URL | رابط البوت
https://t.me/+OLO3WtrlvBsyZjdi

https://youtu.be/aaTvRDsdy0s

Adobe Photoshop can run on Linux now!

عندي نظام تكتات وحجوزات كامل و احصائيات و بيع واكثر من موظف وصلاحيات و فترات عمل و تفاصيل بيع كامل للتكتات
و لوحة ادمن و احصائيات مبيعات للموظفين

يشتغل على اللوكال نتوورك تربطة ب ايبادات العمال و يبيعون تكتات وهيج وتجرد وراهم الربح و الدخل حتى لا يبوگونك 🤓
اني مبرمجة، شنو رأيكم؟

مشروع مسوي صار هواي، كلت ليش ما اعرضة الكم و اشوف رأيكم، حتى جنت ناسيه

صار فترة اعمل على مشروع AI agent for Trading
نزلت نموذج ذكاء اصطناعي بالكاد عنده مهارات للتواصل مع المستخدم، نموذج ستوك
لقنته على مجموعة من الكتب الخاصة بالتداول، اساسيات ثابته و قواعد معينة، 30 كتاب مو هواي، و خليته يتوقع و يدخل صفقات ويحلل المعلومات ويتعلم من اخطائه، شفت الموضوع بطيء، شفت اكو معرفة عندة صارت بس مو كافية، رفعت اللفل شوية، خليته يقرة charts قديمة ويتعل منهن، مال سنوات سابقة، ماصار هواي متعلم بعدة اريد ادربه اكثر،
الان البوت خليته اذا يدخل صفقات اثناء دخوله للصفقات يتعلم ويحلل كلشي يشوفه، يحلل ليش خسر، ليش ربح، لش انعكست الشمعة، يتوقع شنو يصير اذا تطابق توقعه يسجل ملاحظ اذا لا ايضا يسجل ملاحظ وهيج،
اليوم قررت اشغة بحساب تجرريبي واشوف ادائه، (راح ارفق صورة تحت)
مثل متشوفون جيد نوعا ما لكن بعدني جاي ادربه على قرائات السوق مال السنوات السابقة، شنو رايكم؟ يستاهل التعب و التطوير لو اعوفه وانام

هذا المشروع يعتبر الاول من نوعه، و الاول على مستوى عدّة مشاريع مرسومة حسب خطة واضحة و رؤية صريحة
المشاريع القادمة هي امتداد لهذا، الخطة هي برمجة ايكو سستم كامل يدير ال cyber network cafe's و يضع فعاليات و اجواء تربط الزبون ارتباط مباشر داخل المكان المعني
راح اوافيكم بالجديد اول بأول