ኮቪድ-19ኝን ተከትሎ የበዛው ፅንስ ውስጥ ሞተው የሚወለዱ ህፃናት ምጣኔ
==============
የተለያዩ ጥናቶች እያመላከቱ እንዳሉት በዓለም ዙርያ በማህፀን ውስጥ ሞተው የሚወለዱ ህፃናት ምጣኔ በአሳሳቢ ፍጥነት እያደገ ነው፡፡ እንደ አጥኚዎች ከሆነ በአንዳንድ ሀገራት ነፍሰ ጡር ሴቶች ኮቪድ 19ኝን ተከትለው በመጡ ገደቦች ምክንያት ለወትሮው ሊያገኙት ይገባ የነበረው የጤና ባለሙያ ክትትል ተነፍጓቸዋል፡፡ በዚህ መንስኤነትም ህፃናት ሞተው እንዲወለዱ የሚያደርጉ የጤና እክሎች ተገቢውን ክትትል አላገኙም፡፡ በደቡብ አውስትራሊያ ዩኒቨርሲቲ በስነ ወሊድ ስፔሻሊስት እንደሆኑት ጄን ዋርላንድ አነጋገር “ነፍሰ ጡር ሴቶችን ከኮቪድ 19 ለመከላከል በምናደርገው ጥረት ባልታሰበ ሁኔታ በማህፀን ሞተው የሚወለዱ ህጻናትን ቁጥር አሳድገናል”፡፡
በጉዳዩ ላይ ከተሰሩት ጥናቶች በስፋት የሚልቀውና በኔፓል ውስጥ በሚገኙ ዘጠኝ ሆስፒታሎች ልጅ የወለዱ 20 ሺህ ሴቶችን አካሎ የወጣው ጥናት ከሁለት ሳምንት በፊት በላንሴት ግሎባል ኸልዝ ላይ ታትሞ ወጥቶ ነበር፡፡ ጥናቱ ይፋ ባደረገው ውጤት መሰረት በማህጸን ሞተው የሚወለዱ ህጻናት ቀድሞ ከነበረበት ከ1000 ውልጃዎች 14ቱ በማህጸን ሞቶ መወለድ ምጣኔ የወረርሺኙን ስርጭት ለመገደብ የተጫኑ የእንቅስቃሴ እገዳዎችን ተከትሎ ቁጥሩ በግማሽ በመጨመር ከሚወለዱ 1000 ህፃናት ውስጥ 21ዱ በማህጸን ሞተው እንደሚወለዱ ለማረጋገጥ ችሏል፡፡ ከዚህ የህፃናት በማህፀን ውስጥ ሞቶ የመገኘት ምጣኔ ዕድገት በስፋት የተስተዋለው የእንቅስቃሴ ዕገዳው በተጣለባቸው የመጀመሪያዎቹ አራት ሳምንታት ውስጥ ነበረ፡፡ በዚህ ወቅት ሰዎች ምግብ ለመግዛት ካልሆነና ጥብቅ የጤና ጉዳይ ካላጋጠማቸው በቀር ከቤት ለመውጣት አይፈቀድላቸውም ነበር፡፡
በስዊድን ባለሙያዎች የሚመራው ጥናት እንዳመለከተው ምንም እንኳን በማህጸን ውስጥ ሞተው የሚወለዱ ህፃናት ምጣኔ በከፍተኛ ሁኔታ ቢያሻቅብም አጠቃላይ ቁጥሩ ላይ ግን ለውጦች አልታዩም፡፡ ይህ ግን በተለይ በሆስታል የሚከናወኑ ውልጃዎች ቀድሞ በሳምንት ከነበሩበት የአማካኝ 1261 ውልጃ በግማሽ በማሽቆልቆል ወደ 651 ዝቅ ከማለቱ ጋራ የተያያዘ ነው፡፡ በወቅቱ ሆስፒታል ውስጥ ሲደረጉ ከነበሩት ውልጃዎች መካከልም ሰፊውን እጅ የያዙት ውስብስብ የሆኑ ውልጃዎች ነበሩ፡፡ በዚህም ምክንያት ከሆስፒታል ውጭ የወለዱ እናቶችም ሆነ ልጆቻቸው ምን እንዳጋጠማቸው መረዳት ባለመቻላቸው ሳብያ ከአጠቃላዩ የነፍሰጡሮች ቁጥር ውስጥ ምን በማህፀን ውስጥ የሞቱ ህፃናትን እንደወለዱም ሆነ አጠቃላይ ምጣኔው ስለመጨመሩ በእርግጠኝነት እንዳይናገሩ አድርጓቸዋል፡፡
በሆስፒታል ውስጥ ከተደረጉ ውልጃዎች መካከል በማህፀን ውስጥ የሞቱ ህፃናት ውልጃዎች የተከሰቱት ወረርሺኙ እናቶች ላይ በቀጥታ ባመጣባቸው የጤና ጉዳቶች ሳይሆን የጤና ስርአቱን ከማቃወሱ ጋራ በተገናኘ ሊሆን መቻሉን ባለሙያዎቹ ያስረዳሉ፡፡ ምናልባትም የመጓጓዣ ስርኣቱ መስተጓሉን ተከትሎ ነፍሰ ጡር እናቶች የፅንሱን ሁኔታ ለመከታተል ወደ ሆስፒታል መሄድ አለመቻላቸውን አልያም ቀጠሮአቸው መሰረዙን፤ ሌሎች ደግሞ ወረርሺኙን ሽሽት ወደ ሆስፒታሎች ከማቅናት መቆጠባቸውንና ክትትል ካደረጉምነ በይነ መረብ እና የስልክ ግንኙነትን በመጠቀም ብቻ መሆኑን ግምታቸውን ያስቀምጣሉ፡፡
ከኔፓል ባለፈ ሌሎች የአለም ሀገራትም ተመሳሳይ ሁኔታ ውስጥ እራሳቸውን አግኝተዋል፡፡ በሀገረ እንግሊዝ ለንደን ወስጥ ባለው የቅዱስ ጊዮርጊስ ሆስፒታል የተደረገ ሌላ ጥናት እንዳመላከተው በሆስፒታሉ በሚደረጉ ውልጃዎች ላይ በወርሀ ጥር የነበረው ከ1000 ውልጃዎች 2.38ቱ ሞቶ የመወለድ ምጣኔ ከየካቲት እስከ ሰኔ ባሉት ወራት ውስጥ ወደ 9.31 ማደጉን አመላክቷል፡፡ ይህም እንደ ባለሙያዎቹ ከሆነ እናቶች በወረርሺኙ አመጣሽ ምክንያቶች አማካኝነት ወደ በሆስፒታል መጥተው የህክምና ክትትል ባለማድረጋቸው ወይም የጤና እክሎች ሲባባሱ ብቻ ወደ ሆስፒታል በማቅናታቸው መነሻነት ይሆናል፡፡ በተመሳሳይ በህንድ እና ስኮትላንድም ይህ ሁኔታ ታይቷል፡፡
የአለም ጤና ድርጅት እናት እና ልጁን ከጉዳት ይጠብቅ ዘንድ ነፍሰ ጡር ሴቶች በእርግዝና ወራቶቻቸው ውስጥ ቢያንስ ለስምንት ጊዜ ክትትል እንዲያደርጉ ይመክራል፡፡ አብዛኛዎቹ በፅንስ ውስጥ ሞተው የመወለድ ችግሮችንም በእርግዝና ወቅት በጎን በመተኛት፣ ማጨስ በማቆም እንዲሁም ለጤና ባለሙያዎች ፅንሱ እንቅስቃሴውን እንደቀነሰ በማሳወቅ መከላከል ይቻላል፡፡ በተለይ በመጨረሻዎቹ ሶስት ወራት ውስጥ በአግባቡ ክትትል ማድረግ እጅግ ጠቃሚ ሲሆን በሌሎቹ ወራት ቢሆንም ግን ሰፍሰ ጡር እናቶቹ እንደ ደም ግፊት እና የልጁን ዕድገት በጤና ባለሙያዎች ይመረመራሉ፡፡
ምንጭ፡ Nature

“BASIC PRODUCT SKETCHING TECHNIQUE” ክፍል 1
===================
“BASIC PRODUCT SKETCHING TECHNIQUE” በሚል ርዕስ በዲዛይኒንግ ዙርያ ያዘጋጀነውን ስልጠኛ ከዛሬ ሰኞ መስከረም 18 ጀምሮ በዩትዩብ ቻናላችን ማስተላለፍ እንደምንጀምር ቃል በገባነው መሰረት የመጀመሪያውን ክፍል በዩትዩብ ቻናላችን ስላስቀመጥነው በዚህ ( https://www.youtube.com/watch?v=dt34qHT9jJc ) ሊንክ አማካኝነት ገብታችሁ መመልከት ትችላላችሁ፡፡
ቻናላችንን ሱብስክራይብ በማድረግ ቋሚ ወዳጃችን ይሁኑ!!!

ለስራዎ ምቹ የሆነ ላፕቶፕ እንዴት ይገዛሉ?
=======
በአሁኑ ወቅት ላፕቶፕ ለመግዛት ሲታሰብ ብዙ አማራጮች አሉ፡፡ ያሉት ላፕቶፖች በሙሉ የራሳቸው የሆነ ጥሩና መጥፎ መገለጫ ቢኖራቸውም ላፕቶፕ ሲገዙ ቢንስ ከዚህ በታች የተዘረዘሩትን መገለጫዎችመመልከት በጣም አስፈላጊ ነው፡፡
1ኛ. የስክሪን ስፋት እና
የላፕቶፕ ክብደት (Screen size and weight)
የላፕቶፕ
ስክሪን በአብዛኛው ከ9-17 ኢንች (ከ23-43 ሳንቲ ሜትር) ድረስ ይሆናል፡፡ የስክሪን ስፋቱ እየጨመረ በሄደ ቁጥር የላፕቶፑም ክብደት ይጨምራል፡፡ እዚህ ላይ ላፕቶፑን ለምን እንደሚፈልጉት ማሰብ አስፈላጊ ነው፡፡ የላፕቶፑ መጠን እየጨመረ በሔደ ቁጥር ለማንቀሳቀስ አስቸጋሪ ይሆናል፡፡ ከባድ ላፕቶፖችን አዘውትሮ መሸከም በሰውነታችን ቅርጽ ላይ ጉዳት እንደሚያደርስ ልዩ ልዩ ጥናቶች አመልክተዋል፡፡ ስለዚህ ስራችን ብዙ እንቅስቃሴ ያለበት ከሆነ ክብደታቸው አነስተኛ የሆኑና በቀላሉ ልናንቀሳቅሳቸው የምንችላቸውን መርጦ መግዛት በጣም አስፈላጊ ነው፡፡ ከዚህ በተጨማሪ ሰፊ ስክሪን ያላቸው ላፕቶፖች የባትሪ ቆይታ ጊዜያቸው አነስተኛ ነው፡፡
2ኛ. CPU (የላፕቶፑ አእምሮ)
በአለማችን
ሁለት የታወቁ የCPU አምራች ኩባንያዎች አሉ፡፡ እነዚህም Intel እና AMD ናቸው፡፡ Intel ገበያውን የተለያዩ አዳዲስ ቴክኖሎጂዎችን በጨመር ሲቆጣጠረው፤ AMD ደግሞ ተወዳዳሪ የሆኑ ሞዴሎችን በአነስተኛ ዋጋ ያቀርባል፡፡ እዚህም ላይ ኮምፒውተሩን ለምን ስራ እንደሚፈልጉት ማሰብ አስፈላጊ ነው፡፡ ለምሳሌ የግራፊክስ ባለሙያ ከሆኑ ኤዲተር ከሆኑ ጥንድ ኮር (Dual-core CPU) ቢጠቀሙ የተሸለ የመፈጸም ብቃት አለው፡፡ ከዚህ ውጭ ለመሰረታዊ የኮምፒውተር አገልግሎት የሚፈልጉት ከሆነ ነጠላ ኮር (single-core CPU) ያለውን ላፕቶፕ ቢገዙ ከዋጋም አንጻር ተጠቃሚ ይሆናሉ፡፡
3ኛ. RAM
ኮምፒውተርን
ለመደበኛ አገልግሎት ማለትም ለቤትከሆነ ውስጥ እና ለቢሮ ወይም ለጉዞ የሚጠቀሙት ከሆነ ከ 2-4 GB ያላቸውን መጦ መግዛት የተሻለ ነው፡፡ የግራፊክ አርቲስት ከሆኑ ወይም ከፍተኛ ጥራት ያላቸውን ቪዲዮዎች የሚያዘጋጁ ከ4 GB እስከ 8 GB RAM ያላቸውን ላፕቶፖች መርጦ መግዛት ውጤታማ ያደርጋል፡፡ ተማሪዎች የቤት ስራቸውን ለመስራት፣ ለኢሜይል ወይም የጠለያዩ ድረ ገፆችን መጎብኘት የመሳሰሉ ተግባራትን ለመከወን ግን 1 GB RAM ያላቸውን ላፕቶፖች መግዛትም ይቻላል፡፡
ምንጭ፡ www.howstuffworks

“BASIC PRODUCT SKETCHING TECHNIQUE” part 2
Drawing classification/ Types of sketch
In this tutorial we will be going over the four types of sketch and basic sketching technique. https://www.youtube.com/watch?v=__W0gCoOfSk For more science and technology information’s, please subscribe to our cannel.

ህጻናት በአንጻራዊነት ኮሮናን እንዴት መቋቋም ቻሉ
******************************************
የኮሮና ቫይረስ ከተከሰተ ወዲህ ከመድሀኒቱን ፍለጋ ባልተናነሰ ለቫረሱ ተጋላጭ የሆነው የእድሜ ክልል የቱ ነው የሚለውም ሀሳብ ተደጋግሞ ሲነሳ ተሰምቷል፡፡ ባለፉት አምስትና ስድስት ወራት በቫይረሱ የተጠቁ ህጻናት ቁጥር ከጎልማሶችና ከእድሜ ባለጠጎች አንጻር ሲታይ ዝቅተኛ ነው፡፡ የተያዙትም ቢሆን የማገገም እድላቸው ከፍተኛ ሆኖ ተመዝግቧል፡፡
እንደ ተመራማሪዎች ከሆነ መጀመሪያ በተደረገ ጥናት በህጻናትና በጎልማሶች መካከል ያለውን በሽታ የመከላከል ብቃት ለመፈተሸ ተሞክሯል፡፡ በዚህም ህጻናት በሰውነታቸው ውስጥ የተሸለ በሽታ የመከላከል አቅም አላቸው፡፡ ይኸውም በህጻናት ያለው በሽታ ተከላካይ ክፍል ወደ ሰውነታቸው የገባውን የኮሮና ቫይረስ ሰውነታቸውን ማጥቃት ከመጀመሩ በፊት በፍጥነት ስለሚያጠፋው ነው፡፡
ጥናቱን የመራው የAlbert Einstein College of Medicine፣ ዶክተር የሆነችው ቤስቲ ሄሮልድ እናዳለችው የህጻናት ሰውነት ለቫይረሱ የሚሰጠው ምላሽ ፈጣን መሆኑ ህጻናቱን ከከፋ አደጋ ጠብቋቸዋል፡፡ በጎልማሶች ያለው በሽታ ተከላካይ ክፍል ለቫይረሱ ምላሽ የሚሰጠው በጣም በተንቀራፈፈ መልኩ ነው፡፡ በዚህ ጊዜ ቫይረሱ ታማሚውን ለማጥቃት ምቹ ጊዜ ያገኛል፡፡
ጥናቱ እንዳመለከተው ህጻናት ተፈጥሯዊ በሽታ የመከላከል ብቃታቸው (innate immune system) ያልደከመ ሲሆን በጎልማሶች ያለው ግን የመድከም እና የማርጀት ጠባይ ያታይበታል፡፡
ምንጭ :- The New York Times

የሰሃራ በረሃን በዛፍ መሸፈን ይቻል ይሆን?
=================
ከ5 እስከ 11ሺህ ዓመታት በፊት ባለው ጊዜ ውስጥ ልክ የመጨረሻው የበረዶ ዘመን (ice age) እንደተቋጨ የሰሃራ በረሃ ፍፁም ተለወጠ፡፡ በአሸዋ ጉብታዎቹ ላይ ዕፅዋት መብቀል ጀመሩ፤ በመጠኑ እየጨመረ የመጣው ዝናብም የበረሃ ዋሻዎቹን ወደ ሀይቅነት አሻገራቸው፡፡ ከኢትዮጵያ የቆዳ ስፋት በስምንት ዕጥፍ የሚልቅ 9 ሚሊዮን ካሬ ኪ.ሜ የሰሜናዊ አፍሪካ ክፍል ወደ አረንጓዴነት ተለውጦ ሳር እና ቁጥቋጦውን የሚመገቡ እንደ ጉማሬ፣ ዝሆን እና አንድ ሌላ የዱር ቀንድ ከብት ዝርያን እስከመሳብ ደርሰ፡፡ ሆኖም ይህ ልምላሜ እንደ ጉም በኗል፤ አፍሪካም ልክ እንደራሰ በራ ሰው የሰሃራ በረሃን በጭንቅላቷ አኑራ ትገኛለች፡፡ ታድያ ዘመነ ልምላሜዋ መመለስ ይችል ይሆን?http://techin.gov.et/post/298/

5 የተሳሳቱ የኮሮናቫይረስ አመለካከቶች እና ሳይንሳዊ ማብራሪያቸው
=============================
በፈረንጆቹ 2020 ስለኮሮናቫይስ ወረርሽኝ መስማት ስንጀምር የብዙዎች ጥያቄ ያተኮረው ስለበሽታው ምንነት፣ እንዴት ሰዎችን እንደሚያጠቃ እና ራሳችንን ከበሽታው ለመከላከል ምን አይነት መንገዶች መከተል እንደሚኖርበን የሚያጠይቅ ነበር፡፡ እነዚህ ጉዳዮች ቀን በገፋ ቁጥር ይበልጥ እየታወቁና በተለያዩ ሳይንሳዊ ምርምሮች እየተረጋገጡ ቢሄዱም በሌላ መልኩ ደግሞ የሚያወዛግቡ እና ብዙ የተሳሳቱ አመለካከቶች የተነሳባቸው ጉዳዮችም ነበሩ፡፡
http://www.techin.gov.et/post/299/

“BASIC PRODUCT SKETCHING TECHNIQUE” online training፡- Part 3
Simple Drawing Exercises
===================
In this tutorial we will be going over the basic sketching technique, drawing free lines, arcs, circles and ellipses in doing so we will work on basic shape. https://www.youtube.com/watch?v=jdQFPAFOJaE
For more science and technology information’s, please subscribe to our cannel.

በማርስ የተገኙት ሐይቆች
***********************
በ2018 በፕላኔቶች ዙሪያ ምርምር የሚያደርጉ ተመራማሪዎች በማርስ ደቡባዊ ዋልታ ከበረዶ ስር ትልቅ የጨዋማ ውሃ ሀይቅ አግኝተናል ብለው ነበር፡፡ አሁን ያ አለ የተባለው ሐይቅ ማረጋገጫ ያገኘ ሲሆን ሌሎች ሶስት ሐይቆችም ተገኝተዋል፡፡
ከቀናት በፊት ከኔቸር አስትሮኖሚ 1 የወጣው ሪፖርት እንዳመለከተው በአውሮፓ የህዋ ምርምር በማርስ ዙሪያ የሚሰራው ማርስ ኤክስፕረስ የራዳር መረጃን በመጠቀም ግኝቱን አረጋግጧል፡፡ ይህም በቀይዋ ፕላኔት ህይወት ላላቸው ነገሮች መኖሪያ የሚሆን የመጀመሪያው የውሀ አካል ያደርገዋል፡፡
የውሀ አካሉን ህልውና ለማረጋገጥ ተመራማሪዎች ከ2012 እስከ 2019 ድረስ 134 ምልከታዎችን አድርገዋል፡፡ የተገኙት የውሀ ክፍሎችም ባጠቃላይ እስከ 75000 ስኩየር ኪሎ ሜትር ይሸፍናሉ፡፡
ፕላኔቷ ከፀሐይ በ4ኛ ደረጃ ርቃ የምትገኝ በመሆኗ ከመሬት እጅግ ትቀዘቅዛለች፡፡ በአማካኝም 227,936,640 km ያክል ከፀሐይ ትርቃለች፡፡ እንደ ናሳ መረጃ ከሆነ የማርስ ከባቢ አየር በ 95.32% ካረቦንዳይ ኦክሰይድ፣ 2.7% ናይትሮጅን፣ 1.6% አርገን፣ 0.13% ኦክስጅንና በ0.08% ካርቦን ሞኖ ኦክሳይድ የተሸፈነ ነው፡፡
ምንጭ Cnn international, SPACE .COM

ባለ 3200 ሜጋ ፒክስሉ መፃኢ ካሜራ የመጀመሪያውን ፎቶ ግራፍ አንስቷል
በካሊፎርኒያ መቀመጫውን ያደረገው SLAC ናሽናል አክስለሬተር ላብራቶሪ የመጀመሪያ የተባለውን ይህን ግዙፍ ካሜራ የሰራው Vera C. Rubin ለተሰኘው ኦብዘርቫቶሪ ሲሆን ይህም የወደፊቱ LSST ካሜራ በመሆን ጥልቅ ምልከታዎችን እና ሰፋፊ የምርምር ውጤቶችን ለማሳለጥ የሚረዳ ባለ 3200 ሜጋ ፒክስል ካሜራ ነው፡፡
ይህ ካሜራ የዓለማችን የመጀመሪያው ትልቁ ዲጂታል ካሜራ ሲሆን በርሱ የተነሳው ፎቶ ደግሞ በዚህ ትልቅ የዲጂታል ካሜራ የተነሳ የመጀመሪያው እና ትልቁ ታሪካዊ ፎቶ እንዲሰኝ አድርጎታል፡፡
ባለሞያዎቹ እንደተናገሩት ከሆነ ይህንን ፎቶ በሙሉ ቁመናው ለመመልከት 378 4k UHD ያህል ጥራት ያለው ቴሌቪዢን የሚያስፈልግ ሲሆን፤ ይህም ማለት የጥራቱ ጥልቀት አንዲትን የጎልፍ መጫወቻ ኳስ ከ 25 ኪሎሜትር ርቀት በጥራት ማሳየት ያስችለዋል እንደማለት ነው፡፡
ምንም እንኳ ፎቶው የጎልፍ ኳስን ባይሆንም ለመጀመሪያ ጊዜ ያነሳው፤ በቅርበት የተነሳውን የአበባ ጎመን እጅግ በሚገርም ርቀት እና በውስጡ ያለውን ክፍል ረቂቅ በሆነ መልኩ ማሳየት ችሏል፡፡
ካሜራው ወደ 9ኪሎግራም ገደማ የሚመዝን ሲሆን 3ሚሊዮን ዶላር ገደማ ወጪ አድረጓል ሲሉ የ SLAC ናሽናል አክስለሬተር ላብራቶሪ ተመራማሪዎች ተናግረዋል፡፡
ምንጭ፡- Live Science

“BASIC PRODUCT SKETCHING TECHNIQUE” online training፡- Part 4
Perspective (1, 2 & 3 Point Perspectives)
In this tutorial we will be going over linear perspective in which we will cover one point, two point and three point perspectives.
https://www.youtube.com/watch?v=YH53yFLeQ-0
For more science and technology information’s, please subscribe to our cannel.

የእጽዋት ዝርያዎች በአደጋ ውስጥ
*********************
በአለማችን ከሚገኙ እጽዋት መካከል 40% የሚሆኑት የመጥፋት አደጋ ተጋርጦባቸዋል ሲል ሪፖርት ያደረገው ሮያል ቦታኒክ ጋርደን የተባለ አለማቀፍ ድርጅት ነው፡፡ ከዚህ በፊት በ2016 በተሰራ ጥናት 20% የሚሆኑ የእጽዋት ዝርያዎች አደጋ ውስጥ ናቸው ተብሎ ነበረ፡፡
"State of the World's Plants and Fungi 2020" ከቀናት በፊት ከ42 ሀገራት በተውጣጡ 210 ተመራማሪዎች በተሻለ የመረጃ አሰባሰብና ትንተና ዘዴ የችግሩን ጥልቀት አጥንተዋል፡፡ በምእራብ ለንደን የሚገኝ አንድ RBG Kew የተባለ በእጽዋት ላይ የሚሰራ ድርጅት እንዳወጣው መረጃ የደን ጭፍጨፋ፣ የበካይ ጋዝ ልቀት፣ በእጽዋት ላይ የሚደረግ ህገወጥ ንግድና ሀገር በቀል ያልሆኑ እጽዋት መስፋፋት ለችግሩ እንደ ምክንያትነት ተጠቅሰዋል፡፡
አጥኝዎች እንደሚሉት በእጽዋት ዙሪያ ያለው እውቀት አነስተኛ መሆኑ የእጽዋት ጥበቃውን ስራ ደካማ እንዲሆን አድርጎታል፡፡ በRBG Kew የሳይንስ ዳይሬክተሩ አሌክሳንደር አንቶኔሊ ለ CNN እንደተናገረው አንዳንድ ዝርያዎችን በማይታመን ፍጥነት እያጣናቸው ነው፡፡ በመሆኑም እነዚህ 40% የሚሆኑ እጽዋት የሌሉበት ዓለም ለወደፊት አሁን የምናውቀው ዓለም ሊሆን አይችልም፡፡ ዳይሬክተሩ አክሎም ሁሉም ነገር የተያያዘ በመሆኑ የሚመጣው ጉዳት ከፍተኛ ነው ብሏል፡፡
በጥናቱ ውስጥ ከተካተቱ 5411 የመድሐኒት እጽዋት መካከል 723 የሚሆኑት አደጋ ውስጥ ናቸው፡፡ ከዚህ በተቃራኒው የእነዚህ የመድሀኒት እጽዋት ፍላጎት እየጨመረ መጥቷል፡፡ እነዚህ እጽዋት ያሉበት ደረጃ ተባብሶ extinct ከመሆናቸው በፊት ከፍተኛ በጀት ተበጅቶ ስራ መሰራት አለበት ሲል ሪፖርቱ ምክረ ሀሳብ አቅርቧል፡፡ ይህንንም ከማድረግ በተጨማሪ ይላል ሪፖርቱ በአሁኑ ወቅት 90% የሚሆነውን ምግብ የምናገኘው ከ15 እጽዋት በመሆኑ ይህን ማሻሻል ይገባል፡፡ ተመራማሪዎች ሌሎች 7039 የሚሆኑ የእጽዋት ዝርያዎች ለምግብነት ልንጠቀምባቸው እንደምንችል ጠቁመዋል፡፡ ለሐይል ምንጭነት ደግሞ 2500 የሚሆኑ እጽዋት ያሉ ቢሆንም በአሁኑ ወቅት ጥቅም ላይ የሚውሉት ከ10 ያነሱ ናቸው፡፡
ይህን ችግር ለመፍታት ከበጀት በተጨማሪ አለማቀፍ ትብብር አስፈላጊ ነው፡፡ ሪፖርቱ በተጨማሪ የእጽዋቱ ተጠቃሚዎች ሌሎች አማራጮችን መጠቀም ሲኖርባቸው መንግስታት ደግሞ በፖሊሲ የተደገፈ ስራ መስራት አለባቸው ብሏል፡፡
በመረጃ ምንጭነት CNNን ተጠቅመናል፡፡

የበረሀ አንበጦች ወረራ
=============
የበረሃ አንበጣዎች ከፍተኛ ቁጥር ባለው መንጋ የሚንቀሳቀሱና በአንድ ጊዜ ሰፊ ቦታ መሸፈን የሚችሉ ሶስት አጽቄዎች ናቸው፡፡ እነዚህ ነብሳት በሚንቀሳቀሱበት ጊዜ ከፍተኛ የሆነ ጉዳት በሰብል ላይ የሚያደርሱ ሲሆን የአፈጣጠር ባህሪያቸውም ከፌንጣ ጋር የሚመሳሰል ነው፡፡ http://www.techin.gov.et/post/309/