طلاب السادس
🚨🚨🚨🚨

أما بعد...
باجر اول امتحان الكم، جنت طالب اكاديمي او مهني.
أول شي أسئل الله أن يوفقكم جميعاً ويبلغكم ما تسعون أليه.
ثاني شي تجنب الغـــش ارسب ولا تغش يلزموك تاخذ رزاله وترسب وتضيع أمل اهلك بيك، اهلك تأملوا بيك خير تأملو بيك تصنع نفسك اخرتها تجي غاش ليش هيچ شنو سببها، لذلك لا تخلي نفسك بموقف لا تُحسد عليه.

ثاني شي ركز بأجابتك لتخاف من الأسئلة هي نفسهن الي درستهن راح يمتحنك بيهن قابل يجيبلك من الأنجيل لو التوراة هاي بالنسبة للأسلامية.

ثالث شي لا تخلي شي فارغ اكتب سؤال أيست من عنده وانت ماتريد تأجل اكتب ايشي بالسؤال الف من يمك وشوي شوي تربط جذب مسفط ولا صدك مخربط، ينطيك فد درجة درجتين ع الجذب مالتك.

رابع شي تذكر انت بهاي المرحلة جاي تصنع نفسك جاي تكمل طموحك اذا جنت تطمح تصير محلل هاي النقطة مو الك، لا جذب جذب الك المهم طموحك يبدئ حيث ينتهي يعني انت وصلت الى تحقيق حلمك الي سهرت ع موده تحملت كلام منعت نفسك من الطلعات، ما تراسلني🌚، منعت نفسك من هواي أمور لحتى تحقق حلمك لكن تذكر كلش زين وخلي ببالك شغله مهمه جداً وهي
❤️❤️❤️❤️
﴿ لَا يُكَلِّفُ ٱللَّهُ نَفۡسًا إِلَّا وُسۡعَهَاۚ لَهَا مَا كَسَبَتۡ وَعَلَيۡهَا مَا ٱكۡتَسَبَتۡۗ ﴾
هاي الآية تكررت ٤ مرات بكتاب الله مرتين بسورة البقرة ومرة بسورة الأعراف ومرة بسورة الأنعام ومرة بسورة المؤمنون، ربك الي خلق الوجود من عدم وخلقك من العدم وخلق قوتك من العدم وخلق أصرارك من عدم يگلك يا أنسان كلفتك بشيء على قدر طاقتك ما كلفتك بشي اعلى من مستوى طاقتك وأمكانية نفسيتك على التحمل، لا كلفك بشي على كد طاقتك، يعني في حال لا سامح الله ما جبت المعدل الي تريده كمل لا تأجل السنة شوف معدلك وين يخليك بأي قسم بأي تخصص وانت أبدع بالتخصص الي نحطيت بي، تذكر انت انسان تگدر تاخذ القالب الي تنحط بي لمرونتك بتعاملك معَ شتى أمور الحياة، انت مو طابوگة حتى ماتقبل الا شكل مستطيل!.
المهم باجر وببقية الأمتحانات ادخلو بقوه تغلب على خوفك اذا جنت خايف اذا ما جنت خايف لا ترتبك لا تشتت زميلك لا تحط عينك على زميلك وتگلة سجاج وهالأمور لأنها تضل بباله تجاهك وراح ياخذ موقف منك ويجوز يرسب مو لأن انت حطيت عينك علي يجوز لأن فكر بكلامك هواي وخاف ضل يفكر بينه وبين نفسه انو فلان حسدني ومراح اجاوب لذلك هالفكرة تسيطر على مخة وتدفعه لعدم الأجابه أو تدفعه انو ينسى الّي درسة.
بالقاعة التزم الهدوء، سؤال يسئله طالب لأستاذ لا تجاوب من يمك، وتفشل نفسك. أساسا لا تجاوب اذا السؤال مو ألك في حال توجه الك سؤال جاوب باللي تعرفة اذا متعرف گول ماعرف وارجع لدفترك اكتب

خامس شي يا طلاب اسهل شي انو تكتب اسمك ورقمك الأمتحاني مو تسوون سوايتي كتبت الرقم الأمتحاني بمكان اسم الأعدادية😂

اتمنى الكم من كل گلبي التوفيق ان شاء الله والنجاح بأعلى المعدلات وتفرحون أهلكم، وفي حال لا سامح الله صار عندك ضرف وما جبت الدرجة الي تريدها لا تنقهر ولا تضوج انت بأمتحانين حالياً امتحان من قبل وزارة التربيه وأمتحان من قبل ربك، في حال نجحت وجبت المعدل الي تريده وأعلى ربك يشوفك تشكره بالطريقه الي جنت تتوسل بي حتى يوفقك ومن وفقك نسيته لو لا؟!
وفي حال لا سامح الله ما دبرتها وماجبت المعدل الي تريده أو لا سامح الله رسبت هذا هم امتحان الك من ربك يشوفك تصبر على البلاء؟ اذا صبرت ورضيت ربك راح يختار ألك شي بين 2 او الشيئين سوه وهن أما نعيم الآخره أو نعيم الدنيا أو سوه هاي في حال صبرت ورضيت بقضاء الله، أما في حال ما صبرت على قضاء ربك وما رضيت بي ربك راح ينعم عليك نعم يغرگك نعم الى ان تطغى وتنسى الآخره.

خلاصة هالرساله كلها
لاتغش لاتحط عينك على صديقك لاتخلي سؤال فارغ اذا ماجنت رايد معدل، ارضى بالمكتوب
أدام الله توفيقكم وأمدكم بالصبر والتوفيق❤
سيف⭐

بِسْمِ اللهِ الرَّحْمَنِ الرَّحِيم
اللَّهُمَّ صَلِّ عَلَى مُحَمَّدٍ وَآلِ مُحَمَّد

إلهي، إني أُجدّد في هذا اليوم عهدي وميثاقي وبيعتي لوليّك أمير المؤمنين علي بن أبي طالب ﴿🌱﴾، وأشهد أنك أنت الله لا إله إلا أنت وحدك لا شريك لك، وأشهد أن محمداً عبدك ورسولك، وأشهد أن علياً وليك ووصي نبيك، والحجة على خلقك، وخليفتك في أرضك، والمخصوص بكرامتك، والمنصوص بإمامتك.

أُجدد بيعتي له، وأتمسك بولايتك وولاية أوليائك وأتبرأ من أعدائك وأعداء أوليائك.

اللهم ثبتني على ولايتهم، وأحيني على محبتهم، وأمتني على ولايتهم، واحشرني معهم يوم لا ينفع مال ولا بنون إلا من أتى الله بقلب سليم.

يا علي مدد
والسلام على أمير المؤمنين ويعسوب الدين، وقائد الغر المحجلين، ورحمة الله وبركاته.

بِسْمِ اللهِ الرَّحْمَنِ الرَّحِيم
اللَّهُمَّ صَلِّ عَلَى مُحَمَّدٍ وَآلِ مُحَمَّد

إلهي، إني أُجدّد في هذا اليوم عهدي وميثاقي وبيعتي لوليّك أمير المؤمنين علي بن أبي طالب ﴿🌱﴾، وأشهد أنك أنت الله لا إله إلا أنت وحدك لا شريك لك، وأشهد أن محمداً عبدك ورسولك، وأشهد أن علياً وليك ووصي نبيك، والحجة على خلقك، وخليفتك في أرضك، والمخصوص بكرامتك، والمنصوص بإمامتك.

أُجدد بيعتي له، وأتمسك بولايتك وولاية أوليائك وأتبرأ من أعدائك وأعداء أوليائك.

اللهم ثبتني على ولايتهم، وأحيني على محبتهم، وأمتني على ولايتهم، واحشرني معهم يوم لا ينفع مال ولا بنون إلا من أتى الله بقلب سليم.

يا علي مدد
والسلام على أمير المؤمنين ويعسوب الدين، وقائد الغر المحجلين، ورحمة الله وبركاته.
‏١٤٤٦/١٢/١٨ هـ
‏٢٠٢٥/٦/١٥ مـ

بديل كاب كات قريبا🌸