قلعة التقنيات ♜︎ تطبيقات

يمه زوجيني

خلي نسولف شويه
اول شي الأم گالت اني ربيته وتعبت علي اكثر من ابو ودللته دلال وضلت ويا لحد ما تخرج، خلي نتفق كلنا انو هاي من واجباتها شرعاً وقانونا واساساً هي هاي فطرة الأم كل دنيتها لأولادها، هسه الله اعلم البنيه الي حبها بشكد اكبر من عنده 10 سنوات 20 مانعرف الي عرفنا انو اكبر من عنده ومتناسبه، فطرة أم الولد رفضت البنت لأن شافت ماكو اي توافق لا فكري ولا غيرها البعض يكول دام تفاهموا بالجامعة يعني خلص حياتهم عسل لا علاقتهم بالجامعة مو مثل البيت احبائي، والبعض الآخر يكول العمر مجرد رقم، صح مجرد رقم لكن فكريا لا مو مجرد رقم جيب واحد عمره مثلا 25 ياخد وحده 30 (ثلاثينية) فرق 5 سنوات هذا الفرق ما يشكل عائق كـ عمر لا وانما كـ فكر ماكو تجانس او تقارب فكري الكل يعرف كل ما يكبر الانسان افعاله وتصرفاته تكون مدروسه وكل ما جان صغير يتصرف بطيش فـ البنت من تاخذ واحد اصغر منها بفارق جبير 5 سنوات وانت طالع هنا راح تشوف البنت تصرفاتها تكون مدروسه وتصرفات مو طايشة عكس المگرود بعده يتصرف بطيش، والعكس صحيح يعني ولد ياخذ وحده اصغر من عنده بفارق جبير هنا البنت راح تكون تصرفاتها طايشه والولد لربما متعجبة تصرفات البنت ويبدي ينغث وتنخلق مشاكل بيناتهم وهنا البنت تلم دعافيسها ولبيت اهلها عدل وگبل.

ثاني شي، الولد ماندري بي مسحور او لا مانعرف نغر بجمالها ماندري الي نعرفه شوفه عينكم وجه امه من نقلت الخذلان مال ابنها الها هي تشوفه خذلان لكن هي مو من حقها تعترض بهالطريقه وبنفس الوقت الولد ميوصلها ويكسر گلب امة هيج، هالكلام موجة للبنات. الي لاحظته انو البنات يكرهن الشخص الي يسمع كلمة امة، شو بنئلو المهم الي يسمع كلمة امة البنات يحجن علي بكل بساطة يكولن الك انو هذا كلمتة مو بايده بايد امة صحيح اكو امور لازم هوه يتخذ قرار بيها مو امة واكو امور يرجع بيها لامة او ابو هم اعلم ومن يرجع مرات ميرجع لأن ما يعرف وانما ميريد يحسس امة وابو انو ميحتاجهم لأن كبرو وهيج شي
خلاصة هالكلام بالنقطة الثانية البنات يحبن الي يمسع كلمتهن ويعصي كلمة امة وابو ع مودهن هالنوع يعبدنة عباده، شلون زليخة أشم ريح يوسف هيج يدورنة دواره
فـ يا بنات تذكرن يجي يوم وتتزوجن وتخلفن شواذي وهالشواذي هم يكبرو ويحبو وراح يعصو كلامج او كلام السيد الوالد الى ان ينتهي بيكم المطاف بدار العجزة.
ثالث شي، انت كـ ولد كلام امك لا تعصي وكذلك كلام ابوك، شفت عناد امك وابوك من دون سبب او يريدو يطبقو نظام الدكتاتوريه براسك حاول تناقشهم لا تأذيهم بكلمة امك وابوك قبل لا يجيبوا جناب حظرتك للدنيا جانو ميهتمو لكلام اي شخص بس من اجيت انت واخوك واختك صارو رقيقين اي كلمة من طرف ابنائهم أما تكون كلمة تترك أثر كلشش حلو أو كلمة مثل الجمرة تچويهم نارها فـ احسنوا الى والديكم وسايروهم وتحملوا عصبيتهم، لاتنسى امك الي شالتك ببطنها لاتنسى ابوك الي نهد حيله لحتى يعيشك عيشه كريمة وحياة افضل من غيرك.

نرجع لخلاصة سالفه هذا الي اخذ ثلاثينية من دون علم امة وطفرته من بيتها
من تختارون شريك حياتكم اختارو مو على اساس الشكل او المادة او مكانتة بالمجتمع، انت كـ ولد من تخطب حاول تقلل مواصفات يعني لا تبالغ تطلب أمور تعسفيه أو أمور جانبية خلي عندك أمور أساسية، اخلاقها، دينها وحشمتها، الباقي يجي بعدين، من الأمور التعسفيه الي ممكن يطلبها الشاب مثلا يريد وحده كون شكلها كذا وجها كذا عيونها كذا شعرها كذا، ادري انت منو النبي يوسف بشبابه
اما للبنت، كذلك لا تختارين على اساس المادة او اساس الشكل او مكانة المجتمع من يتقدم الج ابن حلال وعلى كد حاله واهله على فطرتهم لاترفضي افضل ما يجي واحد ملعب يتعبج ويتعب اهلج وياج وعمامج اختاري على اساس التزامة بالدين اختاري الشخص الي يكون متفهم من يحجي ميحجي بالماده يعني بالفلوس الي يحجي بالفلوس هذا معنده غير سالفه الفلوس بس تروح فلوسه يسكت يخلص رصيده. كافي لزكتو تقروها كلها صدك جذب هيج ماعدكم شغل وعمل باي يمعودين

❤21👌4🔥2👍1

8.22K views𝐒𝐚𝐢𝐟 𝐀𝐥𝐢 ⁪{"⁧;{", edited 23:28