اذا تعرضت للأبتزاز من قبل شخص معين أو جهة لا تروح تدور عن واحد مسوي حساب بأسم
مكافح الأبتزاز الألكتروني
تلگا حاط صورة جوكر وهالأمور وحاط بالبايو يعمل لدى مكافح ابتزاز
وتروح ترسل اله كلشي يخصك صور أيميلات رقمك رمز حسابك
لأن من الممكن هو ياخذ معلوماتك ويبتزك بعد😂
فريق الأمن السبراني العراقي تناول شخصيه معروفة بفيديو صراحة اني ماعرف اذا جانت هالشخصيه مثل ما ادعو هم أو لا لكن على أساس هوه مكافح أبتزاز ومن جوة الطاولة يبتز بالناس
بغض النضر عن صحة الفيديو الي نشرة فريق الأمن السبراني العراقي حول الشخص الي ذكرو
بس كلامهم صحيح اذا ترجع اله صحيح

انت ابن عمك او بنت عمك لو بنت خالك أو ولد خالك ماخذين حسابك لأن انت خليت جهازك يمهم وعبالك شخص خترقك فـ ترتبك شتسوي! أول شي تفكر بي تروح تدور عن محارب أبتزاز بدل ما تتصل على الأمن الوطني العراقي اذا جنت بالعراق واذا جنت خارج العراق اتصل على الأمن الوطني التابع للدولة الي انت بيها، وتبلغهم وهم عندهم أشخاص دارسين البرمجة دارسين الأختراق دارسين الهندسة الأجتماعية عندهم ادوات وطرق وأمكانية وصول تخويل من الدولة للجهاز المستهدف أو الحساب المستهدف سواء على تيك توك انستا فيس تويتر سناب تلجرام أو أي موقع آخر حتى يوتيوب! وراح يجيبو المُبتز ويوصلو اله
أما اذا تروح لشخص مسمي نفسة محارب أبتزاز أول ما يگلك شگد تدفع! اغلبهم يكلك اني اشتغل بفلوس
واذا صدك كلش يعني تعب نفسة يطير حسابه الأنستا😂
بينما الدولة اذا تتصل عليها راح تجيبه شخصياً وتجيب معلومات شخصيه عنه ومفصله ويوصلو اله ويتحاكم ظمن القانون
أما شلون تحمي نفسك من الأبتزاز فـ راح اكتبها بمنشور ثاني احس طولت هنا😂

بخصوص الأبتزاز ومحاربين الأبتزاز
المنشور للتوعية

أما شلون تحمي نفسك من الأبتزاز أو الأختراق لكل المواقع
نجي للأمور الضاهريه للكل

أسمك الثلاثي لا تكتبه بالحساب أكتب أسمك انت فقط
تاريخ ميلادك لا تخلي بالبايو
مكان سكنك لا تخلي بالبايو
صورتك الأفضل متخليها بالحساب ولا تنشرها ستوري لأن تنحفظ بالآرشيف

نجي للأمور الّي تكون مخفية على الناس معلومات شخصيه فقط انت تعرفها

لا تخلي يوزرك نفس أيميلك أو يتضمن حروف من أيميلك والأيميل سوي على دومين gmail يعني سوي حساب جيميل

رقمك حاول تجيب رقم شخصي بيك فقط للحسابات تربط علي حسابات مع مراعاة كل 3 اشهر تعبي الرقم رصيد حتى ما تاخذه الشركة وتبيعه لغيرك

أسمك + تاريخ ميلادك + رقم هاتفك لا تخليهن ضمن كلمة السر أبدا يعني اسمك احمد لا تخلي بكلمة السر Ahmed1989 وما الى ذلك

كلمة السر لا تنطيها لحبيبتك ولا لأي شخص هي اسمها كلمة سر تنطيها لغيرك المن

روابط شخص يدزلك رابط وتعال ادخل اله ومن تدخل تفتح نافذة تسجيل دخول أو يطلب منك الموقع أذونات الكامرة والموقع والمايك
رأسا اطلع ولا تفتح الموقع وزيله اساسا لأن رابط اختراق حي على الصلاة

جهازك لا تخلي مفتوح ومن دون رمز بمكان عام لأن اغلب المشاكل تجي من هاي الجفصات

والى هنا نكتفي بالكلام ودمتم سالمين

@TechCsl

+ أكيد اكو محاربين أبتزاز نضيفين ويعرفون شيسوون وصدك يحاربون أبتزاز وما ياخذو فلوس لكن هالناس نادرين الوجود نادراً ما تلگاهم
تحياتنا للنضاف منهم الي يشتغلوا لله❤

جوجل تبدأ بأستخدام إجابات مولّدة بالذكاء الاصطناعي في محرك البحث جوجل..

الصورة أدناة نموذج لأحد إجابات جوجل المولدة بالذكاء الاصطناعي، وهي عرض حل لمشكلة إن الجبنة لا تلتصق بالبيتزا..
الذكاء الاصطناعي لجوجل اقترح استخدام غراء كحل للمشكلة.

المضحك في الموضوع إن إجابة "الذكاء الاصطناعي" تبع جوجل مصدرها تعليق على موقع Reddit من 11 سنة من مستخدم...

شبابنا الطيبين فد ربع ساعه وانزل الكم تحديث التيك توك المهکر❤
لأن التحديث صار أجباري

يُحكىٰ أن اصنام قريش كانت تتفاعل مع قومهم لكن انتم لا💔😂

اتشاقه وياكم اعزائي تفاعلتوا أو لا شي راجع الكم اكيد لكن كـ تحفيز وهالدروب😂❤
والقناة منكم وأليكم❤

تنويه
راح تضطر لحذف النسخه القديمة لتثبيت هذهِ النسخة

سئلت الذكاء الصناعي
من هو بدر شاكر السياب؟
صمم الي هذا الفيديو ورسله😂
ومعلوماتة غلط بغلط
بدر شاكر السياب عراقي من البصرة من قضاء ابي الخصيب
مو سعودي مثل ما گال😅
من تسئل الذكاء الصناعي تأكد من المعلومة الي يوفرها الك لأن بيها اغلاط وغير دقيقة
@TechCsl

طريقة فك سكيور الأنستا الأحمر
لحقو قبل لا تنسد الثغرة


#ملاحظه الطريقة منقوله من حمزة كمال❤
@TechCsl

يجب توفر متصفحين
ننصح بأستخدام أوبرا وڨيا
ورابطهن ادناة
متصفح أوبرا
https://play.google.com/store/apps/details?id=com.opera.browser

متصفح ڨيا
https://play.google.com/store/apps/details?id=mark.via.gp



شرح الطريقة اللي ما فهم
أول مرة تنزل المتصفحين
تفتح موقع الأنستا بالمتصفحين
Instagram.com/login
بعدها من متصفح أوبرا تفتح حسابك الرسمي في انستجرام وشرط بي رقم هاتف مربوط برقم

وتبحث عن الحساب الّي تريد تفك السكيور الأحمر عنه
وتحظرة

بعدها تدخل للمتصفح الثاني ڨيا
وتدخل الحساب بشكل عادي راح يكلك محظور وتطلع الك كتابه حمرة


ترجع لمتصفح أوبرا وتضغط اضافة حساب وتخلي الحساب الي تريد تفك السكيور عنة وراح يوصل رمز التأكيد على رقمك
واذا ما فهمت ركز بالفيديو والشرح

هيك ثغرات استغلوها قبل لا تنغلق يعني اليوم لو بكرا تنغلق فـ لحقوا

لقد عاد أيمن حسين أحذرو...☠

احذروهم...
احذروا كل شخص يدعي بيع الأسئلة
أو تعديل الدرجات فهذا كذب كذب كذب
لاتضيعوا مستقبلكم بسبب هؤلاء

بالتوفيق طلاب السادس وفقكم الله❤️

قناة Utv
قناة هدفها نشر فكرة تقسيم العراق
وأن ما شفت الفيديو كامل لكن العنوان يكفي حتى لو كان الفيديو ضد تقسيم العراق

مثل هاي القنوات من تشوف الها فيديو و تحط أعجاب الها انت راح تتكون مساهم بنشر الفيديو وإيصالة للاكسبلور حتى يطلع عند الكل بشكل مقترح

الواجب عليكم كـ عراقيين مقاطعه هاي القنوات،
البعض يسئل شلون نقاطعها واحنا كلنة 5 نفرات
انت بس تشوف فيديو لأي قناة لأي حساب يُداعي بتقسيم العراق رئساً حط دسلايك وابلاغ محتوى مضلل
اذا تيك توك بلغ بلاغ عادي + حظر للحساب
اذا انستجرام بلغ بلاغ عادي + حظر للحساب

#خليك_عراقي🇮🇶✌️🏻

موقع رسم صور بالذكاء الإصطناعي
فقط سجل دخول بحساب جوجل
سريع جداً في رسم الصور
تستطيع انشاء صورة لحسابك او قناتك عن طريقة!
جرب ولا تضيع الفرصه!

رابط الموقع
ideogram.ai

@TechCsl

⏣┊تحديث لهونيستا قادم (سانيستا)
تحديث يدعم أجهزة الـ 64 بِت حيث ستكون هناك نسخة خاصة لهذه الأجهزة
arm64-v8a



⏣┊تحديث يدعم أجهزة الـ 32 بِت حيث ستكون هناك نسخة خاصة لهذه الأجهزة
armeabi-v7a




نحلت مشكلة عدم تثبيت التطبيق وأخيراً


@TechCsl

2014/6/12
في سبايكر كان الموت يركض..
واللسان عاجز.. والضمير ميت...
رحم الله شُهدائنا وأعلى منازلهم..
والخـزّي والعـارّ لِمن باعهم...