💥KİV: Zelenski Londona səfər edib, Baş nazirlə görüşəcək

💥Bitcoin $123,500-dan yuxarı qalxdı və tarixi maksimumunu yenilədi.

💥Ortaq türk dili əlifbası müzakirə olunur

💥Azərbaycan XİN Pakistan xalqını və dövlətini müstəqillik ildönümü ilə bağlı təbrik edib.

“Biz Pakistan İslam Respublikasının Müstəqilliyinin 78-ci ildönümü münasibətilə Pakistan xalqını və dövlətini səmimi qəlbdən təbrik edirik. Yaşasın Pakistan! Müstəqillik Gününüz mübarək olsun!”, - paylaşımda qeyd olunub.

💥Ermənistanın Konstitusiya İslahatları Şurası yaxın günlərdə yeni Konstitusiyanın hazırlanması üzrə fəal iclaslar keçirəcək.

bu barədə “Hraparak” nəşri məlumat yayıb.

Eyni zamanda, nəşr iddia edir ki, şura bunu cəmiyyətin tələbi kimi təqdim etməyə çalışacaq.

Xatırladaq ki, bu ilin fevralında baş nazir Nikol Paşinyan vətəndaşlara müraciətində Ermənistanın yeni Konstitusiyasının qəbul edilməsi üçün ümumxalq referendumunun keçirilməsinin zəruriliyini vurğulayıb.

💥Bu gün Pakistanın Azərbaycandakı səfirliyində qardaş ölkənin Müstəqillik Günü qeyd olunub.

💥Ermənistan və ABŞ “Tramp Marşrutu” layihəsi üçün birgə şirkət yaradacaqlar — Vaan Kostanyan

Ermənistanın xarici işlər nazirinin müavininin sözlərinə görə, şərtlər İranla razılaşdırılıb və onun təhlükəsizliklə bağlı narahatlıqları nəzərə alınıb.

💥Ərdoğan NATO Baş Katibi Rutte ilə telefon danışığı edib.

Görüşdə Rusiya-Ukrayna böhranı barədə danışan Ərdoğan qeyd edib ki, Türkiyə İstanbul danışıqlarında əldə olunan irəliləyişin daimi atəşkəsə və humanitar sahədə müsbət inkişaflara zəmin yaratmasını önəmli hesab edir.

NATO Baş Katibi Rutte isə ABŞ Prezidenti Donald Tramp ilə Rusiya Prezidenti Vladimir Putin arasında Alyaskada keçiriləcək zirvə öncəsi Ukraynadakı vəziyyət barədə qiymətləndirmələrini bölüşüb.

💥Tramp Putinlə Alyaskada gözlənilən görüşün uğursuz başa çatması ehtimalını 25% təxmin edir.

💥 Qazaxda yanğın başlayan meşəlik ərazisinin görüntüləri

💥Türkiyənin Balıkesir vilayətində yenidən zəlzələ qeydə alınıb

Bildirilib ki, 4 maqnitudalı zəlzələ yerli vaxtla 18.07-də, 8,4 km dərinlikdə baş verib.

💥Paşinyan: İlham Əliyevlə münasibətləri dəyişmək istəyirik

Ermənistanın baş naziri Nikol Paşinyan Fox News-a müsahibə verib.

o bildirib ki, bir gündə, hətta bir həftə, ay və ya ildə bütün vəziyyəti dəyişmək mümkün deyil.

“Lakin çox vacib və aydın bir fakt var, dünənki bəyanat da bunu göstərir: biz hər ikimiz – yəni Prezident İlham Əliyev və mən bu vəziyyəti dəyişmək istəyirik. Ölkələrimiz arasındakı münasibətlərin məzmununu dəyişmək niyyətindəyik”, – deyə Paşinyan vurğulayıb.

O əlavə edib ki, ilkin sülh sazişi ölkələr arasında dostluq və mehriban qonşuluq münasibətlərinin qurulmasını nəzərdə tutur: “Bu, orta və uzunmüddətli məqsəddir və biz onun reallaşmasına fokuslanacağıq”.

💥İlham Əliyev: Zəngəzur dəhlizi yeni bağlantı layihəsidir və beynəlxalq nəqliyyat marşrutlarının mühüm hissələrindən biri olacaq

💥Azərbaycanlı sürücülərdən ETİRAZ: "İranda bizi həftələrlə çöllükdə əsir kimi gözlədirlər"

💥 FHN: Qazax rayonunun Xanlıqlar kəndi istiqamətindəki yanğınla mübarizə tədbirləri davam etdirilir

💥 Tramp: "Əgər mən prezident olmasaydım, Putin bütün Ukraynanı ələ keçirərdi"

💥Naxçıvandan Bakıya yük daşıyan sürücülər günlərlə ac-susuz, çöllük ərazidə toz-torpaq içində gözlədildikdən sonra Azərbaycana buraxırlırlar.

İran rəsmiləri sürücülərə məsləhət görüblər ki, yeni qayda xoşlarına gəlmirsə, gedib, “Tramp Marşrutundan” istifadə eləsinlər.

Sürücülər bildirirlər ki, keçiddə növbə olduğunu bəhanə gətirib, onları Biləsuvar gömrüyündən xeyli aralıdakı çöllüyə göndərirlər:

Sürücülərdən biri:
“Burda nə yemək var, nə də su. Almaq üçün gərək kilometrlərlə yolu piyada gedəsən. Bir neçə gündür belə ediblər. Əvvəl gömrüyün qarşısında bir neçə saat gözlədikdən sonra buraxılırdıq. Sülh sazişi imzalandıqdan sonra bizi və türkiyəli sürücüləri gətirib, çöllüyə doldurublar, günlərlə gözləməyə məcbur edirlər. Kefləri gələndə 1-2 maşın buraxırlar. Ac-susuz, toz-torpaq içində gözləməyimiz bir tərəfə, burada tualet də yoxdur. Həm də, bizimlə heyvan kimin davranırlar.

💥 İstanbulun Bəyoğlu bələdiyyəsində əməliyyat keçirilib, sədr və 40-dan çox şəxs saxlanılıb

💥 Ukrayna Həştərxanda İrandan "Şahed" PUA-ları daşıyan gəmini vurub

💥Alyaskaya gedən Lavrovun geyimi gündəm oldu – VİDEO

Rusiyanın xarici işlər naziri Sergey Lavrov ABŞ-ın Alyaska ştatına səfəri zamanı üzərində “SSRİ” yazısı olan köynəklə görüntülənib.

Lavrov maşından düşərkən jurnalistlərə artıq Alyaskada olduqlarını bildirib və otelə daxil olub. Media nümayəndələri isə bu geyimi simvolik mesaj kimi qiymətləndiriblər.

Hadisənin görüntüləri sosial şəbəkələrdə sürətlə yayılıb və müzakirələr doğurub.

💥ABŞ prezidenti Donald Tramp və Rusiya prezidenti Vladimir Putinin görüşünün vaxtı dəyişdirildi

bu barədə Ağ Ev məlumat yayıb.