خطوة القلب ماتاهت لو الدرب واعر
‏انتي انتي .. معاذيري وصوتي وظلّي
‏َ
‏يوم كنتي تحبين الشّعر كنت شاعر
‏ويوم صرتي تحبين الجفا غبت كلّي

لا أقبل الفجر كنه يغتشيني حنين
‏أثر الاشواق دايم من ثلاث وورى

اذكر إني فتحت له صدري عن قسوة الأيام
‏واذكر إنه ضربني برمحٍ واسع الحد مضرابه

ذنبي ان احلامي كبار وايامي شحاح
‏غير وش ابغى بالاحلام والواقع ردي ؟

أنا من قبل يومين وأكثر إلين الحين
‏لا عينّت لي مخرج ولا زانت أخلاقي

منتصف بالطريق .. وحلم عمري خلافي
‏قد مضى مامضى واللي مضى كيف اعيده ؟

بكرا ترا الموت ياخذ .. واحدٍ منّا
‏احرصي على الوصل يوم ارواحنا حيّه

ما نويت اصد عنك يا حياتي في حياتي
لكن ظروف الزمن تقطع الحب ووريده
بذخرك في كل سجده دعوةٍ تلزم صلاتي
والله ان قدرك عظيم بداخلي مثل العقيده
وان خذلنا الوقت بحلف حلفٍ في وصاتي
اقسم انك يا حبيبي في العمر هذا فقيده

يوم عادك تكره السبت وتحب الربوع
‏والمواصل كان مسموح والوصل جهرا
‏جعل تسقى ذيك الأيام سجدات وركوع
‏رحمةٍ من رب طيبة ورب أم القرى
‏رحمةٍ تغفر خطا الفجر ما قبل الطلوع
‏يالزمان اللي ذكرت وعلى بالي طرى

عاقد أحلامي على دعوة سجودي
‏في رجاء ربٍ لـ عبده ماتنكر

أكابر واتظاهر بالصبر ، و اشره على التقصير
‏وأنا في كل يوم يمر أشوف النقص في حالي

حرام إني ما أخليه يتولاك الزمان الشين
‏لو إن اتلا العهد بك وجعة ٍ مانيب ناسيها

إليا جهلت أنشد ترى ما بها عيب
‏لا تنخدع للجهل وأنت السبايب
‏عيب الفتى ما فيه شك ولا ريب
‏ترك الفروض وقطع وصل القرايب

النبا الطيب نوافل للذراع الطيب
‏لاتسنن للفريضة وانت ماتركعها

يوم جينا على الدعوة ملبِّين
‏والله إنَّا على الميعاد ولهى

عيني على شوف الولايف مضرّاهْ
‏جزوعٍ لا شفت الجفا من عشيري

يا لابس الثوب الحَمَر لا تجرّه
‏اركى على كبدي لهيب الملايل

‏ما انساك لين الجدي يخلف مقرّه
‏وراع الحسا يكتال من تمر حايل

لو صبر راعي الهوى صبر المهادي
‏الجروح تبين لو انه جحدها

على أربعيني مابقى غير سته
‏أما مشيب الراس بادي أشيّب

‏ياطفلي اللى من قبل قد وعدته
‏اذا كبرت بتصير مني قريّب

موطنك يومنّي وجدته .. فقدته !
‏من وقت ماهو ضاع ماني بطيّب😞