– Հիմա, եթե երկկողմ ձևաչափով են հարցերը լուծվում, արդյունքում Հայաստանն ի՞նչ է ունենում։

– Հետևյալն է՝ ուժ, ուժի սպառնալիքի տրամաբանություն, պարտադրանք, որի միջոցով Հայաստանը գնում է միակողմանի զիջման, որից հետո Ադրբեջանը ստանում է ավելի նպաստավոր դիրքերից քեզ վրա հարձակվելու իրավունք։ Իսկ եթե ուզում ես այդ տրամաբանությունը փոխել, ապա պետք է կարողանաս միջնորդների հետ ճիշտ աշխատել, որովհետև նախկինում եղել են պայմանավորվածություններ, պետք է գնաս դրանց հետևից, պահանջես Ադրբեջանից Հայաստանի տարածքային ամբողջականության ճանաչումը ու միջազգային մեխանիզմներով գնաս գործընթացի, որով նաև ուղղակի սպառնալիքի տակ չես դնի այդ տարածքներում ապրող քաղաքացիների կյանքը։

Իսկ այս գործելաոճով ակնհայտ է, որ այդ տարածքներին հարակից գյուղերը հայտնվելու են ադրբեջանցի զինվորների ուղիղ կրակի տակ, որից հետո այդտեղ ապրելն արդեն հարցականի տակ է դրվելու: Էլ չեմ ասում, որ Ադրբեջանը բոլոր հիմքերը նախապատրաստում է այդ տարածքներում մարդկանց կյանքն անտանելի դարձնելու ու դրանք դատարկելու համար, որից հետո արդեն թիրախում կհայտնվի Լոռու մարզը։

https://medialab.am/278073/

Ադրբեջանական մամուլը արշավ է սկսել Ոսկեպարի բնակիչների հանդեպ։ Հիմա էլ հրապարակումներ են անում, թե իբր մարդիկ «ապօրինի են» այդտեղ ապրում։

Ձեր կարծիքով՝ ի՞նչ նպատակ ունի Ադրբեջանի նման քարոզը։ Կարող եք Ձեր կարծիքը գրել մեկնաբանություններում։

Շնորհակալ եմ մեկնաբանությունների համար։ Ինչու՞ եմ այդ հարցը տվել, քանի որ իրապես ուզում եմ հասկանալ, թե որքանով է հայ հանրությունը հասկանում Ադրբեջանի նպատակները։
Նույն գործելաոճը կիրառվել է Արցախի հանդեպ, Սուսի, Աղավնոյի, Բերձորի բնակիչները «ապօրինի» էին ապրում, նրանց ժամանակ տրվեց տարածքը լքելու։ Հիմա արդեն թիրախում Տավուշն է։

Ադրբեջանի համար երբեք չի եղել առանձին Արցախի ու Հայաստանի հարց, դրանք միշտ դիտվել են մի փաթեթում։ Հիմա, երբ Արցախի հարցը «փակեցին», անցել են Հայաստանին։ Ամենից վտանգավորն այն է, որ այդ ամենը ներկայացվում է որպես «խաղաղություն»։ Երբեք չի կարող կառուցվել խաղաղություն այն դեպքում, երբ արդարացնում ես ագրեսորի սանձազերծած պատերազմը, երբ պատրաստ ես պատերազմական իրողությունները ամրագրել քաղաքական դաշտում, հենց դրանով էլ փակվում է իրական ու բալանսավորված խաղաղության կառուցման ուղին։

Հատուկ այն կեղծ թեզի քարոզողների համար, ովքեր պնդում են, թե իբրև միակողմանի զիջումներից հետո Ադրբեջանը կարող է դուրս գալ ՀՀ օկուպացված տարածքներից, մեջբերում է այս տարվա հունվարի 10-ի Ալիևի ելույթի համապատասխան հատվածը․
«Հետևաբար, մենք, իհարկե, ոչ մի տեղ չենք պատրաստվում վերադառնալ։ Մենք մեկ քայլ չենք հեռանա և՛ 2021 թվականի մայիսի, և՛ 2022 թվականի սեպտեմբերի մեր դիրքերից, քանի որ այս սահմանը պետք է հաստատվի։ Սակայն մեր տեղակայումը, որն այսօր վիճարկվում է Հայաստանի կողմից, չի ներառում որևէ կարգավորում։ Ոչ ոք երբեք չի ապրել այն դիրքերում ու բարձունքներում, որտեղ մենք կանգնած ենք։ Հայաստանն այսօր շարունակում է գրավել մեր գյուղերը, և դա անտանելի է․․․»։

Ալիևը շատ պարզ ու հստակ խոսել է իր նպատակների մասին, վստահ եմ ՀՀ իշխանություններն էլ հոյակապ ծանոթ են դրան, ինչը նշանակում է, որ Փաշինյանը տեղյակ է, որ միակողմանի զիջումը ոչ միայն չի կանխելու պատերազմը, այլև նաև արագացնելու է այն, ինչպես որ եղել է նախորդ երեք տարվա ընթացքում։ Մինչդեռ կա պատերազմը կանխելու ձև ու դա քո շահերի շուրջ կոնսեսուսների ձեռքբերումն է։

Տավուշում տեղի ունեցողը կոպիտ սխալների արդյունք է: Չի կարելի ամրացնել ադրբեջանական դիրքերը սեփական ժողովրդին անվտանգությունը խաթարելու հաշվին:

Այդքան ասում եմ, որ սահմանների որոշումն առաջին հերթին կապված է մարդու հետ, մարդու անվտանգության համար է, և մարդն այն ստանում է պետության երաշխավորած իրավունքների շնորհիվ` արժանապատիվ ու ապահով կյանքից, խմելու ջրից մինչև սեփականության իրավունք ու ազատ տեղաշարժ:

Սյունիքի Կապան համայնքի Ներքին Հանդ գյուղի օրինակով եմ ցույց տալիս այն, ինչ սպասվում է Տավուշում:

Տեղի ունեցողը բացարձակ կապ չունի «դելիմիտացիայի» կամ «սահմանազատման» հետ:

Ի գիտություն ասեմ, որ Արցախի ռազմաքաղաքական ղեկավարության հետ հարցազրույցները Ադրբեջանի պետական «Az TV» հեռուստաընկերությունը այդպես չի հրապարակել։ Ես, բնական է, դրանց բովանդակությունը չէի ներկայացնելու հայ հանրությանը, բայց ցանկացա իրազեկել, որ դրանք եթեր չեն գնացել։

Ապրիլի 5-ին Նիկոլ Փաշինյանը, Եվրոպական հանձնաժողովի նախագահ Ուրսուլա Ֆոն դեր Լայենը և ԱՄՆ պետքարտուղար Էնթոնի Բլինքենն պետք է հանդիպեն Բրյուսելում։ Հանդիպմանն ընդառաջ ԱՄՆ պետդեպից եկող հայտարարությունները փաստում են, որ պետք չի այս հանդիպմանը վերաբերվել որպես բացառիկ իրադարձություն կամ փնտրել անվտանգային լուրջ երաշխիքներ։

Այսպես, օրեր առաջ, ԱՄՆ պետդեպի խոսնակ Մեթյու Միլլերը անդրադարձել է ապրիլի 5-ին սպասվող ԱՄՆ-Հայաստան-ԵՄ եռակողմ հանդիպմանն ու դրա օրակարգին։ «Այս հանդիպման հիմնական ուշադրությունը տնտեսական կայունությունն է՝ օգնելու Հայաստանին դիվերսիֆիկացնել իր առևտրային գործընկերությունները և բավարարել մարդասիրական կարիքները: Ես չեմ հասկանում, թե ինչու դա կարող է հանգեցնել էսկալացիայի կամ անհանգստություն առաջացնել աշխարհի որևէ երկրում», – նշել է Միլլերը։

Այս հանդիպումը ակտիվորեն կիրառվում է ադրբեջանական քարոզչամեքենայի կողմից՝ ոչ միայն Ռուսաստանի, այլև Իրանի կողմից հակազդեցությունների հասնելու համար։ Այս հանդիպմանն ընդառաջ շատ կարևոր է խելացի կոմունիկացնել այն նույն Թեհրանի հետ՝ ավելորդ խնդիրներից խուսափելու համար։ Առհասարակ, պետք չի գերակնկալիքներ ձևավորել որևէ պետությունից, պետք է սեփական օրակարգերն ունենալ ու քո շահերը համադրել այլոց շահերի հետ։

Ոսկեպարցիները ձեռքով ցույց էին տալիս Ադրբեջանին տրվելիք տարածքներն ու ասում, որ այդ ժամանակ Ոսկեպարն ինքն է դառնալու գրեթե անկլավ՝ Ադրբեջանի ներսում. «Չի կարող, ախր, էսպես լինել: Որ պարտվել ենք 2020-ին, պիտի պարտված էլ մնա՞նք, անընդհատ զիջե՞նք: Հասկացանք՝ պարտվել ենք, բայց դա չի նշանակում, որ թուրքը ինչ ուզենա, պիտի անի: Է՛հ, տրամադրություն էլ չունեմ խոսելու: Որ տվեցինք գյուղերը, Ոսկեպարը կոլցոյի մեջ է հայտնվում: Լավատես չեմ:
Մեր դիրքերն էստեղ վատը չեն, լավն են: Պատկերացրու, Ոսկեպարը Նոյեմբերյանի մեջ է, մեր մարզկենտրոնն Իջևանն է: Ամեն սուտի բանի համար գնում ենք Իջևան: Հիմա պիտի գնանք Կիրովական (Վանաձոր-խմբ.), նոր գանք Իջևան»:

https://evnreport.com/arm/raw-unfiltered-arm/we-know-whast-war-is-voskepar/?fbclid=IwAR2ZzW7jCymVDAZYg55QJlUOqHIqWFf-eFKHIuWH7RN2VMuuhHKeS1Rn6gk_aem_AU--nScSVjSoffVg-G7a9HxgLWn6No5X9-Oy_auLvP1al2P2eHHS745XXSLtIUj1EWhON4FTzmIqr7VFUMFWiSvr

Ադրբեջանի արտգործնախարար Բայրամովը մտահոգություն է հայտնել ապրիլի 5-ին կայանալիք ԵՄ-Հայաստան-ԱՄՆ համատեղ համաժողովի կազմակերպման կապակցությամբ։

Նրա կարծիքով, «դա կարող է նպաստել Հայաստանի կողմից նոր սադրանքների, որտեղ գերակշռում են ռևանշիստական տրամադրությունները»։

Սա ուղղակի տրամաբանության ծաղր է։ Ադրբեջանը ցույց է տալիս իր հստակ մտադրությունները հնարավոր նոր սադրանքների գնալու ու դա գցում է Արևմուտքի «գրպանը»։
Բազմաթիվ անգամներ ասել ենք, որ եթե Ադրբեջանը որոշում է կայացրել գնալ ագրեսիայի, ապա դա զսպելու ձևը Ադրբեջանին զիջումներով կերակրելը չի։ Հակառակը՝ քո բանակցային խաղաքարտերը պետք է պահես քո ձեռքին, պետք է չգնաս դիրքային այնպիսի զիջումների, որոնք քեզ դնելու են ուղիղ հարվածի տակ, առավել ևս՝ ՉԻ ԿԱՐԵԼԻ սեփական ժողովրդին առավոտից երեկո սպառնալ պատերազմով՝ դրանով իսկ մասնակից դառնալով հայ հանրության դեմ մղվող հոգեբանական ահաբեկչական պայքարին։

Այս հայտարարությունը պետք է արժանանա ՀՀ ԱԳՆ գնահատականի, եթե իհարկե, այնտեղ աշխատող մարդ դեռ մնացել է։

Նժդեհը մի խոսք ունի, ասում է եթե քեզ հարցնեն, թե ինչ պետք է անել, որ մեր ժողովուրդը հեռու մնա նոր աղետներից, պատասխանիր Դեմոսթենեսի խոսքերով` «ոչինչ այն ամենից, ինչ որ անում եք...»։

Սուրբ Զատիկի առթիվ ցանկանում եմ մեզ մաղթել խելք, կամք, համառություն ու իմաստություն այս բարդ պատմական շրջանը հաղթահարելու համար։ Թո՜ղ Աստծո կամոք իրական ու արդար խաղաղություն կառուցենք մեր պետության ու ժողովրդի համար։
Շնորհավոր Սուրբ Զատիկ ❤️

⚡️⚡️⚡️Ադրբեջանական մեդիա տիրույթում ակնհայտորեն պատրաստություններ են գնում՝ հնարավոր էսկալացիա կազմակերպելու համար։ Այսօր նիստ է արել իրենց ՊՆ նախարարը ու հրահանգներ տվել, դրան զուգահեռ ադրբեջանական տելեգրամյան ալիքներն են կեղծ տեղեկություններ հաղորդում, թե իբրև հայկական կողմը տեխնիկա է մոտեցնում սահմանին։ Սա շատ քաջածանոթ ձեռագիր է։

Ըստ իս՝ այս ամենը պետք է ՀՀ պատկան գերատեսչությունների կողմից արագորեն հաղորդակցվի որոշ մայրաքաղաքների հետ՝ Ադրբեջանի հնարավոր ագրեսիվ քայլերը կասեցնելու նպատակով։ Կարծում եմ՝ այդ հնարավորությունները մենք ունենք։ Գրառմանս իմաստը ոչ թե անհանգստություն տարածելն է, այլ հնարավոր կանխարգելիչ քայլերի ակնկալիքով տեղեկություն փոխանցելը։

⚡️⚡️Ադրբեջանի պաշտպանության նախարարությունը հայտարարություն է տարածել, որը ևս մեկ անգամ փաստում է․ Ադրբեջանը փորձելու է լարել իրավիճակը։

Հայտարարության տեքստում նշված է, թե իբր նկատել են հայկական կողմից «կենդանի ուժի, զրահատեխնիկայի, հրետանային կայանքների, ինչպես նաև այլ ծանր հրաձգային զինատեսակների կենտրոնացում և Հայաստանի զինված ուժերի զորքերի ինտենսիվ տեղաշարժ»։

«Զգուշացնում ենք, որ հայկական զինված ուժերի կողմից Ադրբեջանի դեմ ռազմական սադրանքի ցանկացած փորձ ադրբեջանական բանակի կողմից վճռականորեն կճնշվի։
Եվս մեկ անգամ հայտարարում ենք, որ իրավիճակի սրման և ցանկացած հնարավոր սադրանքի ողջ պատասխանատվությունն ամբողջությամբ ընկնելու է Հայաստանի և նրա հովանավորների վրա», ասված է հայտարարության մեջ։

Հույս ունեմ, որ ՀՀ ՊՆ-ում ու ԱԳՆ-ում վերջապես քնից կարթնանան ու համապատասխան հայտարարություններով հանդես կգան, կարևոր է այս ամենը կանխել, այլ ոչ թե սպասել, թե Ադրբեջանը երբ կգնա գործողության ու նոր զանգել մայրաքաղաքներ։ Ընդ որում, ասեմ, որ բաց աղբյուրներից պարզ չէ նաև, թե որ ուղղությունն է Բաքուն որպես թիրախ ընտրելու։

Ադրբեջանի սկսած տեղեկատվական գրոհի ու ակնհայտ սադրիչ հայտարարությունների պայմաններում, հայկական պաշտոնական կողմի լռությունը ոչ միայն անհասկանալի է, այլ նաև վտանգավոր։ Տպավորություն է, որ Փաշինյանն ու իր թիմը այնքան էլ դեմ չեն, որ Ադրբեջանը գնա գործողությունների ու հետո գան ասեն՝ «ասում էինք չէ՞, թողեիք հանձնեինք դիրքերը»։ Սա հստակ կոլաբորացիոնիզմ է հիշեցնում։

Իսկ եթե նրանք իրոք նպատակ ունեն կասեցնել հնարավոր ագրեսիան, ապա մենք ունենք դրա բոլոր հնարավորությունները։ Դրա համար պետք է ինտենսիվ աշխատանք տանել թե՛ դիվանագիտական, թե՛ տեղեկատվական տիրույթում։ Բայց ցավոք, Ադրբեջանի ՊՆ հայտարարությունից երկու ժամ անց շարունակում են լռություն պահել․․․

Почему Азербайджан решил подготовить информационную почву для возможной атаки накануне Брюссельской встречи?

Эксперт по Азербайджану, кандидат исторических наук Татев Айрапетян о последних действиях Баку.

Возникает вопрос: почему Азербайджан решил подготовить информационную почву для возможной атаки накануне встречи госсекретаря Блинкена, председателя Европейской комиссии Урсулы фон дер Ляйен и премьер-министра Пашиняна, которая должна состояться в Брюсселе 5 апреля?

29 марта министр иностранных дел Азербайджана Байрамов в ходе встречи с послом по особым поручениям Министерства иностранных дел Российской Федерации Павлом Князевым подчеркнул, что отчетливо выражены позиции Азербайджана относительно организации совместной конференции ЕС-Армения-США, запланированной на 5 апреля, в столь непрозрачной и неинклюзивной среде. Также он выразил «опасения азербайджанской стороны о возможных провокациях в Армении, где преобладают реваншистские настроения».

Из этого заявления совершенно ясно, что Баку ищет поддержку у России и сделает все возможное, чтобы нарушить ход встречи и подорвать репутацию Запада в регионе. Азербайджан создает впечатление, что Россия также может быть заинтересована в новой эскалации на Южном Кавказе, и если это не так, то Москве следует ясно это продемонстрировать.

Ирония заключается в том, что и Брюссель, и Вашингтон подтвердили, что целью встречи является "экономическая стабильность", а не безопасность. Теперь вопрос в том, насколько правильно и настойчиво Запад сможет действовать, чтобы предотвратить новые провокации на Южном Кавказе. Это может привести не только к потере жизней, но и нанести серьезный ущерб репутации Запада в будущем.

Еще одной силой, способной предотвратить опасный сценарий, является Иран. Однако сомневаюсь, что официальный Ереван правильно информировал о встрече в Брюсселе с Тегераном. Факт в том, что та сила, которая сможет предотвратить агрессию, сыграет важную роль в обеспечении баланса в регионе.

@reartsakh

ՀՀ ՊՆ-ն հերքմամբ հանդես եկավ, այս հայտարարությունից երեք ժամ անց։
Բայց կարևոր է նաև ԱԳՆ կողմից քաղաքական գնահատականներ պարունակող հայտարարության հրապարակումը։

Օրվա բոցը՝
Նիկոլ Փաշինյանի դարակազմիկ, հերթական անհեթեթ հայտարարություններից հետո, ՀՀ ԱԳՆ-ն որոշեց այդ տրամաբանության մեջ Ադրբեջանի սադրիչ հայտարարություններին պատասխանել հետևյալ տեքստով․
«Աստված տվողին ա տալիս։
ՀՀ ԱԳՆ»։

🔍Բաքվում Իրանի դեսպանի ու ԻՀՊԿ-ի մասին

📍Շուտով Թեհրանը Բաքվում նոր դեսպան է ունենալու, քանի որ գործող դեսպան Աբբաս Մուսավիի ծառայության ժամկետն ավարտվել է։ Այս մասին, ԱԳՆ սեփական աղբյուրներին հղումով, հայտնում են իրանական ԶԼՄ-ները։

🔻Հետաքրքիրն այն է, որ այս մասին հայտարարվում է անմիջապես այն բանից հետո, երբ ԻՀՊԿ-ի լրատվական ռեսուրսներից Tasnim-ը X-ի իր էջում Իրանի շահերը չպաշտպանելու համար քննադատում է դեսպանին ու կոչ անում հրաժարական տալ։

🔸Քննադատությունը կապված էր դեսպանի՝ վերջերս Baku TV-ին տված հարցազրույցի հետ, որտեղ ադրբեջանցի լրագրողուհու խնդրահարույց հարցերին (օրինակ՝ Իրանի թյուրքախոսների մասին) Մուսավին, ըստ Tasnim-ի, թույլի դիրքերից էր հանդես եկել ու Իրանի պատիվը չէր պահել։ Ըստ լրատվամիջոցի՝ հարցազրույցի հետ կապված մյուս խնդիրը լրագրողուհու «ոչ վայելուչ» հագուկապն էր Իրանի դեսպանատանը։

🔻Իրանի դեսպանի գործունեությունը փորձագիտական շրջանակների կողմից միշտ քննադատության է արժանացել Թեհրանում։ Ուղիղ մեկ տարի առաջ նորից խոսակցություններ կային, որ Իրանը փոխում է դեսպանին, ընդ որում՝ Հայաստանում ԻԻՀ դեսպանի փոփոխության մասին ևս այդ ժամանակ հայտնի դարձավ։

🔻Այդ ժամանակ շրջանառվում էր նաև հնարավոր նոր դեսպանի անունը։ Արդյունքում՝ ՀՀ-ում ԻԻՀ դեսպանը փոխվեց, բայց Ադրբեջանում՝ ոչ։ Իրանական փորձագիտական դաշտում շրջանառվում էր տեղեկություն, որ Բաքուն համաձայնություն չի տվել նոր դեսպանի նշանակմանը։ Դրանից հետո Աբբաս Մուսավիին էլ ավելի շատ սկսեցին անվանել «Ադրբեջանի դեսպան»։

🔻Չնայած այս քննադատություններին՝ ԻՀՊԿ ռեսուրսի կողմից դեսպանին ուղղված բացահայտ քննադատությունն առաջին անգամ էր, ինչից հետո «հարցը շատ արագ լուծվեց»։

🔹Ու սա խոսում է Իրանում ԻՀՊԿ-ի ունեցած դերի մասին։ Իսկ այդ դերն այնքան մեծ է, որ նույն վերևում հիշատակված ԻՀՊԿ Tasnim-ը կարող է զանգահարել Իրանի արտգործնախարարին ու ասել ՝«ուզում ենք Ձեզ հղումով գրենք, որ Այն ալ-Ասադի բազայի վրա ԻՀՊԿ հրթիռակոծության հետևանքով ավելի քան 80 ամերիկացի զինվորական են մահացել», իսկ արտգործնախարարը տեղյակ էլ չէր, որ հարվածներ են հասցվելու այդ բազային (Խոսքը 4 տարի առաջ Ղասեմ Սոլեյմանիի սպանությունից հետո Իրաքի Այն ալ-Ասադ ամերիկյան բազայի վրա ԻՀՊԿ հրթիռակոծության մասին է)։

🔹Իսկ ինչ վերաբերում է Բաքվում Իրանի դեսպանին, չի բացառվում, որ նա Թեհրանում առաջ կտանի Ադրբեջանի շահերը․ օրինաչափորեն Բաքվում Իրանի նախկին դեսպանները, որոնք այսօր որպես վերլուծաբան են հանդես գալիս, պաշտպանում են Ադրբեջանի շահերը, «միջանցքի» հարցում օրինակ, «չէ դե էդ միջանցքը մեզ վնաս չի տալու, սահման չի խախտելու, սովորական ճանապարհ է» տրամաբանությամբ։

@IRI2day

⚡️⚡️⚡️Ադրբեջանի ՊՆ-ն հերթական ապատեղեկատվությունն ու սադրիչ հայտարարությունն է տարածում։ «Պայմանական սահմանի երկայնքով հայկական զորքերի կենտրոնացումը և հարձակողական հենակետերի ստեղծումը, տարբեր ուղղություններով երկարաժամկետ կրակակետերի ստեղծումը, ամրությունների կառուցումն արձանագրվել է մեր ստորաբաժանումների տրամադրության տակ գտնվող հատուկ տեխնիկական միջոցներով և տեսողական դիտարկմամբ։

Մենք ևս մեկ անգամ հայտարարում ենք, որ Հայաստանի կողմից ցանկացած սադրանք վճռականորեն կանխվելու է ադրբեջանական բանակի կողմից, և իրավիճակի սրման ողջ պատասխանատվությունը ընկնելու է Հայաստանի ռազմաքաղաքական ղեկավարության և նրա հովանավորների վրա»,-ասված է հայտարարության մեջ։

Սա գրեթե բառացի կրկնում է երեկ տարածած հաղորդագրությունը, որը ոչ միայն հերքվեց ՀՀ ՊՆ-ի կողմից, այլև նաև արժանացավ ԵՄ դիտորդական առաքելության արձագանքին։ Ադրբեջանն ակնհայտորեն ստում է, նպատակը՝ ստուգել արձագանքները, հասկանալ ռիսկերը՝ հնարավոր ագրեսիա նախապատրաստելու նպատակով։ Լուծումը՝ ձեռնարկել քաղաքական, դիվանագիտական կանխարգելիչ քայլեր, որոնք կզսպեն Ադրբեջանին։ Հայաստանն ունի դրա համար բոլոր հնարավորությունները։

⚡️Ադրբեջանի պաշտպանության նախարարության տարածած հաղորդագրությունը, թե իբր ապրիլի 1-ին` ժամը 22։00-ից 22։10-ն ընկած ժամանակահատվածում, ՀՀ ԶՈՒ ստորաբաժանումները կրակ են բացել սահմանագոտու հարավարևմտյան հատվածում տեղակայված ադրբեջանական դիրքերի ուղղությամբ, չի համապատասխանում իրականությանը։

Միևնույն ժամանակ հայտնում ենք, որ Ադրբեջանի ԶՈՒ ստորաբաժանումները ապրիլի 1-ին՝ ժամը 22:00-ին, Կութի (Գեղարքունիքի մարզ), ապրիլի 2-ին՝ ժամը  00:40-ին, Տեղի (Սյունիքի մարզ) հատվածում կրակ են բացել հայկական դիրքերի ուղղությամբ:

Ադրբեջանի ՊՆ հաղորդագրության մեջ նշված ուղղություններում խախտումներ չեն արձանագրվել:

ՀՀ ՊՆ

Ես շարունակում եմ մնալ այն համոզման, որ ՀՀ ԱԳՆ-ն պետք է աշխատի ու քաղաքական հայտարարություններ անի, որոնք կուղղվեն նաև մայրաքաղաքներ՝ Ադրբեջանի ծրագրերը կանխելու համար։

Օրերս ՀՀ-ում ՌԴ դեսպանը հարցազրույց էր տվել 24 news-ին և ի թիվս այլ հարցերի՝ խոսել էր նաև Արցախի հայերի վերադարձի հարցի մասին։
Այս թեմայի բացումը բուռն արձագանք է առաջ բերել Ադրբեջանում։

Այսպես, իշխող ուժի պատգամավորներից մեկը ասել է․ «Կոպիրկինը քաջատեղյակ է, որ Ադրբեջանը վերականգնել է իր տարածքային ամբողջականությունը։ Ղարաբաղը երբեք հայերի պատմական հողը չի եղել և չի էլ լինի։ Ղարաբաղի բնակիչները կամաց-կամաց վերադառնում են այնտեղ։ Հայերը խաղաղության պայմանագրի ստորագրումից հետո մեր պետության թույլտվությամբ որպես զբոսաշրջիկ կարող են այցելել, այլ տարբերակ չկա»։

Նույն պատգամավորը, անդրադառնալով ռուս խաղաղապահների մնալու հարցին ասել է․
«Նրանք երկար չեն մնա Ղարաբաղում։ Մյուս տարի իրենց իրերը կհավաքեն, կգնան։ Նրանք անելիք չունեն Ղարաբաղում․․․»։

Ռուսական կողմին թվում է, թե Ադրբեջանի հետ իրենց հիասքանչ հարաբերությունները երկար են տևելու, ակնհայտ է, որ ՌԴ-ի համար Ադրբեջանը շատ կարևոր է, բայց նրանց հաճոյանալու ու մեր հաշվին Ադրբեջանին ծառայություններ մատուցելու քաղաքականությունն էլ ծանր իրադրության մեջ է դրել ռուսներին այս տարածաշրջանում։ Իսկ հայերի վերադարձի իրավունքի թեման պետք է մնա օրակարգում, չի կարելի թույլ տալ, որ Ադրբեջանը նման կերպ խոսի հայերի վերադարձի մասին։ Բոլորն էլ հոյակապ գիտեն, թե որքան խորն է հայկական արմատը Արցախի հողում։ Մեսրոպ Մաշտոցը առաջին հայկական դպրոցը բացել է Արցախում՝ Ամարասում, հենց միայն այդ փաստով ամեն ինչ ասված է։

- «Խաղաղության պայմանագրի» ստորագրման հետ որևէ կապ ունե՞ն այս միակողմանի զիջումները։
 
-Որևէ պայմանագիր էլ չի ստորագրվելու, Նիկոլ Փաշինյանն անում է ամեն ինչ, որ Ալիևը շահագրգռված չլինի պայմանագրի ստորագրման և ՀՀ տարածքային ամբողջականության ճանաչման հարցում։ Բոլոր միակողմանի զիջումները հենց դրան են ծառայեցվում։ Ալիևը մաքսիմալ օգուտ է քաղում գործընթացից։ Նիկոլ Փաշինյանի վարած քաղաքականության արդյունքում Ալիևը ոչ միայն մարսում է ագրեսիաներն ու պատերազմները, այլ դա դարձրել է օրինաչափություն։ Չկա այդպիսի դեպք, որ ագրեսիան արդարացնողը խաղաղություն կառուցի, նման բան չի լինում։ Ճիշտ հակառակը՝ ագրեսիան արդարացնողը ու պատերազմով ձևավորված իրողությունները գետնի վրա ամրագրողը շարունակական ագրեսիաների դուռ է բացում՝ հեռացնելով խաղաղության կառուցման հնարավորությունները։ Դրա համար էլ Նիկոլ Փաշինյանի քաղաքականությունը միմիայն նոր պատերազմների է հանգեցնում։  

https://newinfo.am/am/Post/47710