•YUR DOʻSTIM TOYIGA BORIB KELAMIZ😔🥀

@Taskinnn |kechinmalar

ISTAMASLAR DUNYOSI

Ular istamaydilar:
yashashni, toʻgʻrilikni, mehnatni, halollikni, samimiylikni, kamtarlikni, kimgadur yaxshilik qilishni, harakat qilishni, ilmni, mehrni, maqsadni, hayrni, saxovatni, tushunishni, halovat topishni, taskinni....

😞Ular kecha istashmagan edi, bugun ham istashmadi, ertaga ham istashmaydi.......

⭕️ Ular kim - ular dunyoning tilloga teng vaqtini yutqazayotgan, rizqidan qarzdor boʻlayotgan insonlar...!

® Ramziddin Abdikhalil

™ @Taskinnn | rizqdan bir qatra

#Taraqqiyot

Qanchalik eʼtibordan chetda qolganing va seni unutishgani sari shuncha taraqqiy etib boraverasan! Oʻzing bilan qolish seni tafakkur sari undaydi, agar boshqa yoʻl boʻlmasa!

® Ramziddin Abdikhalil

™ @Taskinnn | yoʻqolmagan boylik

#Keyinchi

🏆Maqsadni katta qoʻydingiz, butun umringizni unga bagʼishladingiz, har narsadan uni ustun koʻrdingiz, baʼzan vaqtdan, baʼzan doʻstlardan, baʼzan oiladan, baʼzan.... uni ustun qoʻydingiz va siz eng yuqori marralarni zabt etdingiz, hamma sizni eng kuchli ekanligingizni tan oldi👏

⭕️ Keyinchi, kimga foyda, nimaga erishdingiz, insonlarga qanday yaxshilik va hayr qoldi sizdan?

🔘 Qarorning toʻgʻri yoki xatoligini bilish uchun umrni tikish shart emas, shunchaki maqsad va hohishga qul boʻlib qolmang!

® Ramziddin Abdikhalil

™ @Taskinnn
™ @Tursunov_Ramziddin

SOGʻLOM INSON

👂Bizlar kar odamlarmiz, hayotning bizga aytayotgan achchiq soʻzlari va nasihatini, yaqin doʻstimizning iymonga eltuvchi shivirini eshitmaydigan darajada.

😶 Biz soqov odamlarmiz, tilimiz qodir boʻla turib salovat va hayrli soʻz oʻrniga gʻiybat-u boʻxton, fisq-u fasoddan nariga oʻtmaymiz.

👨‍🦯 Biz soʻqir odamlarmiz, koʻzimiz halolidan koʻra nafsga mayl berayotgan zinoga koʻz tikamiz.

🍻Biz boshsiz insonlarmiz, boshimiz sajdaga emas, balki mastlikdan yerga bukilgan majruhlarmiz.

😔Biz chirkin odamlarmiz, jism va qalb bir boʻlmagan, maʼnan qashshoq, tuban insonlarmiz.

👨‍⚕Biz sogʻlom insonlarmiz, shifokor aytgan.....!

(Biz - men.)

® Ramziddin Abdikhalil

™ @Taskinnn | gʻurbatli lahzalar

HIKMAT

Alloh ravo koʻrgan va senga rizq boʻlib kelgan har neda bir hikmat, bir ibrat bor, uni angalagan inson sabr va bardosh bilan halovatga yetadi.

Hatto, hikmat borligini anglamaslikda ham bir hikmat bor, vaqti keladi, oʻrni ham, har goʻzal amalning oʻz ajri keladi, kifoyasi ham!

® Ramziddin Abdikhalil

™ @Taskinnn | yozilmagan xulosa

KIBR

Kursi faqat suyanib turish uchun emas, unda qadr bor, unda hurmat bor, unda had bor!

® Ramziddin Abdikhalil

™ @Taskinnn

XULOSA

☕️ Erta tongda nonushta qilamiz (hamma emas, masalan men qilmayman), keyin tushlikni kutamiz, nimagadur chalgʻiymiz, soʻng kechki ovqatgacha yana nimadirlar...

💵 Ishlaymiz, kunlar ketidan kunlar, haftalar ketidan haftalar oʻtaveradi, oylik kutamiz, olgandan soʻng keyingi oylikni kutamiz, har chorakda qoʻshimcha ish haqqi, u ham albatta kutiladi...

⏳ Doʻstlarimiz, yaqinlarimiz bilan koʻrishamiz, rejalar tuzamiz, albatta ular ham biz aytgan vaqtda boʻlmaydi, kechikadi, kutamiz..

🕯Umrimiz kutish bilan oʻtyapti, biz kutamiz, juda koʻp kutamiz, hech oʻylab koʻrdingizmi, bugun siz necha yoshsiz, ortingizdagi arzimas kutishlar sizni bugunga qadar olib keldi va yana qancha kuta olishingiz faqat yaratganga ayon...

P/S: Post joylandi, endi keyingi postni kutamiz!

® Ramziddin Abdikhalil

™ @Taskinnn | telba taskinchi

DUO

Alloh hayrli, hikmatli va halovatlisni bersin, har doim va har yerda yuzingizni yorugʻ qilsin, toʻgʻri yoʻldan adashtirmay, ummatga xizmat qiladigan bandalari qatorida qilsin!

® Ramziddin Abdikhalil

™ @Taskinnn | niyatlar koʻzguda

BOQIY TUN

Erta tong, yana bir kun boshlandi, oddiy kun, yomgʻir, kayfiyat tushkun, sabab yoʻq, oʻylagim kelmadi, oʻylashga-da toqatim yoʻq, vujudim shu qadar ogʻirki, tura olmayman, yotishdan ham zerikkanman, oʻqishga chiqish kerak, yana oʻqish, yana oʻsha zerikarli darslar, shu kunni ham bir amallab oʻtkazay, keyin dam olaman, shu kunni tugata olsam bas, hammasidan charchadim, bir oz tin olaman, keyin hammasini boshlayman, yaxshi inson boʻlaman, katta-katta ishlarni qilaman, hali hamma men bilan faxrlanadi, ota-onam nomimni aytib hammaga maqtanishadi, katta odam boʻlaman, koʻnglim sezyapti, hammasi yaxshi boʻladi, bir oz uhlay, hali ulguraman, yoshman.......

U koʻzini yumdi va qaytib ochmadi, u ham yosh edi, hammasi oldinda edi, hali.....hali ulgurmagandi... Endi uning uchun tong otmaydi, endi boqiy tun boshlandi, boqiy tun.

Keyingisi kim, kimga umr kafolat qilingan, nega jimsiz...?

® Ramziddin Abdikhalil

™ @Taskinnn | achigan bol

#Missiya

🔒Agar siz oʻz tengdoshlaringiz bilan aynan bir xil harakat qilayotgan boʻlsangiz siz faoliyatingizga qarab umumiy nom bilan chaqirilasz (talaba, abituriyent, oʻquvchi, jiyan, uka, usta.......)

🔓Agar ozgina qoʻshimcha mehnat, izlanish, ilm va tashabbus bilan harakat qilsangiz sizni "siz" sifatida chaqirishadi!

❗️Bu shunchaki subyektiv qarash uchun, aslida har bir insonning bu hayotda oʻz buyuk kuchi, buyuk missiyasi bor! Faqat vosita kutiladi, rizq.

® Ramziddin Abdikhalil

™ @Taskinnn | rizq & missiya

QAROR

Agar kim uchundir malol kelayotgan, uning qalbida oʻrinsiz boʻlsangiz, uning soʻnggi nuqta qoʻyishini kutmang, keting, u sizsiz ham yashay oladi (olsin).

Qaror qabul qilish doim oʻz qoʻlingizda, kimningdir qarori uchun ijrochi va yoki kim uchundir gʻurbat boʻlib qolmang.

® Ramziddin Abdikhalil

™ @Taskinnn | andishasiz hayr

SOʻZ VA QADR

Ularning ilk soʻzlari ketma edi, oxirgisi esa qaytma boʻldi..

Qadringiz oʻz qoʻlingizda, hoh uni osmon qadar koʻtaring, hoh oyoq ostidan joy bering..

®Ramziddin Abdikhalil

™ @Taskinnn | qadrsiz tuygʻu

Shunchaki, kayfiyat uchun!

EY BIRODARIM, FIKR QIL!

Sen shaharda oʻqib yurib lavash, hot-dog, gamburger yeysan, bazan shu ham yoqmaydi... Uyingdagi ota-onang esa qotgan nonlarni talqon qilish bilan ovvora.

Fanta, Pepsi va Cola: tanlashga qiynalyapsanmi, ularda esa oddiygina choydan boshqa tanlov yoʻq.

Sen ikki hafta avval kiygan koʻylaging yoqmayotgani uchun bugun bozor oldida yangi libos tanlayapsan, ular esa uch yil avvalgi kiyimlaridan hech ham nolishmayapti;

Sen bu yerda kimningdir oldida past ketmaslik uchun choʻntagingda borini sochyapsan, ular esa ming bir azobda uvoqlab rizq terishyapti;

Sen qaysidir yulduzni koʻrish uchun qanchalab pulga bilet olding, ular esa yulduzlarni tanishmaydi ham.

Kimmiz, kim boʻlyapmiz, doʻstim!

® Ramziddin Abdikhalil

™ @Taskinnn | behalovat kunlar

#Qadr

Faqat ishi tushgandagina eslaydigan birodarlaringizga hech ham oson tutmang, zero sizni ishingiz tushmagani uchun ular oqibatsiz boʻlib qolmoqdalar!

® Ramziddin Abdikhalil

™ @Taskinnn | aqilsiz qarorlar

Soʻqir inson zulmatdan qoʻrqib koʻzini yumdi, moviy osmon va porlagan quyosh...!

® Ramziddin Abdikhalil

™ @Taskinnn

Achchiq va adolatli, hukmi ogʻir va munosib hayot.

Qismati qadar tanlangan insonlar va taqdiriga ergashgan soyalar maskani.

Jallodni qismatidan nolitgan, mahkumni esa qilmishidan....!

® Ramziddin Abdikhalil

™ @Taskinnn