#Doʻst

Doʻstlikni har xil vaziyat va kundan qidiramiz, baʼzan ogʻir kunda, baʼzan esa quvonchli. Baʼzan doʻstlikni beqiyos ota onaga tenglab ham qoʻymiz(?

Asli, sizga hali yomonlik qilmagan, ichida gʻarazi boʻlmagan inson sizning doʻstingiz, uning ertaga kimga aylanishi sizga bogʻliq. Qolgani bekor (.

Halol boʻling, samimiy boʻling, sadoqatli boʻling, hayr va halovat shunda!

® Ramziddin Abdikhalil

™ @Taskinnn
™ @Tursunov_Ramziddin

#___

Shirin dardlar va chirkin gʻurbatli sukunatimni buzib qalb eshigimdan qadam bosib kirib kelding, omonatga olayotganingni ehtiyot qil, ishonch, sadoqat, halollik va poklik bilan qadrla, hayri va ajri senga boʻlsin!

🗓 28.08.2022

#Kelajak_liderlari_
#Malaka_oshirish_kursi

Davlat fuqarolik xizmatchilari uchun tashkil etilgan masofaviy malaka oshirish kursini ham muvaffaqiyatli yakunlab oldik. Imkoniyat va eʼtibor uchun alohida tashakkur!!

#Haqiqiy baxt

Ular tasodifan tanishib qoldilar va umrlarini oxirigacha baxtli hayot kechirdilar...

#Tahlil

Biz qaysidir aslzoda insonlarning buyrugʻi emas, balki bir gʻaribning iltimosini hafsala bilan qiluvchi insonlarmiz!

Unda majburiyat emas, balki vijdon bizni boshqaradi, halovat uchun qadam bosiladi!

® Ramziddin Abdikhalil

™ @Taskinnn

#Taskin

Taskin deganda nimani tushunasiz?
- Halovat, xotirjamlikni, sizchi?
Men har kuni onamga qoʻngʻiroq qilganimda "Labbay oʻgʻlim" deb javob berganlarini...

©️ Jahongir Maxsutaliyev

@Taskinnn
™️ t.me/Maxsutaliyev_Jahongir

Бир масжид пештахтасидаги ёзув

"Фарзандларингизга ибодат қилишдан аввал одоб ва аxлоқли бўлишни ўргатинг. Акс холда…
• намоз ўқийдиган бир ўғри;
• рўза тутадиган бир бузуқ;
• ҳажга борадиган ёлғончи;
• қурбонлик қиладиган бир судхўр;
• шаҳодат келтирадиган бир терорчи бўлиб етишиши мумкин…"

#_

Hammada ayb, xato bor,
Faqat shu, tan olmaymiz.
Bir gapdan hech qolmaymiz,
Biz oppoqmiz, shundaymi?

Dunyoni suv bossa ham,
Qismat gʻurbat yozsa ham,
Zabon soʻzdan qolsa ham,
Biz oppoqmiz shundaymi?

Beh(x)ato ish qilamiz,
Bizda zarra nuqson yoʻq.
Shunga doim koʻngil toʻq,
Biz oppoqmiz shundaymi?

Pastkashlikka botsak jim,
Deymiz bu qismat izmi.
Barin taqdir qilga-u,
Biz oppoqmiz shundaymi?

Asli hayot shu ekan,
Nolimaylik, mayliga.
Sheʼrni yozgan men ahmoq,
Siz oppoqsiz shundaymi?

® Ramziddin Abdikhalil

™ @Taskinnn
™ @Tursunov_Ramziddin

#Kitob

Kitob tanlashda shoshilmang, lekin sustkashlik ham qilmang, asl kitoblarning hazmi ogʻir, dardi, hikmati va oʻz falsafasi bor. Oʻqib boʻlgach uni oʻz hayotingizga tadbiq eta olmasangiz, u bekor, vaqt uvol ketgan boʻladi. Hoh ilmiy, hoh badiiy boʻlsin baʼzan kitob nomining oʻzigina sizni jalb etadi... "Yaralangan qush hamon uchmoqda".........."Sivilizatsiyalar inqirozi"....."Yolgʻizlikning yuz yili"...!

Haqiqiy hafsala va qunt bilan oʻqiladigan kitob(lar) ni PR qilish shart emas, vaholanki ular unga muhtoj ham boʻlishmaydi.

Hammamizga ham nasib etsin yoqimli mutolaa tilash!

04/09/2022

® Ramziddin Abdikhalil

™ @Taskinnn

Toʻgʻri dardim bitta, mitti va kichik,
Imkon topolmayman unga bir bora.
Ogʻir dard yoʻq ekan ayriliqchalik,
Malham boʻlsa edi yoki bir chora...

Seni koʻrsam edi yana bir bora

©️ Jahongir Maxsutaliyev

Koʻrmaganing maʼqul oʻshal yuzlarni,
Usti yupun, qalbi tor, qaro koʻzlarni.
Diydor davo emas, ukam dardingga,
Malham haqdan, sindirma, qalb nurlarini!

©️ Ramziddin Abdikhalil


Haqsiz, shubha ham yoʻq soʻzlaringiz rost,
Mendan ayblar oʻtdi, yoʻqotdim oʻzim.
Faqat, istagandim qalbga surur mos,
Faqat, oʻzligimga solmabman razm.

Rahmat akam sizga, eʼtibordasiz
Haqqa yetaklaysiz men notavonni.
Nurli yoʻlim uchun ham duodasiz,
Uygʻotasiz uxlab yotgan vijdonni...

©️ Jahongir Maxsutaliyev

@Taskinnn
™️ t.me/Maxsutaliyev_Jahongir

Qadim davrlarda sud jarayoni(.

Qozi nohaq ayblangan va jazoga hukm qilingan shaxsga yuzlanib:
- soʻnggi fikringiz bormi?
- soʻkinsam boʻladimi?
- yoʻq
- unda fikrim yoʻq!

P/S: baʼzan ichingizdan hapqirib chiqqan soʻzlar oʻz oʻrnida qoladi, gʻuborlar ham!
Hukm haqdan, albatta behikmat emas!

® Ramziddin Abdikhalil
(Doʻstim Asror bilan suhbatlardan, Andijon 13.09.2022)

™ @Taskinnn

#Drabl
#Ota

2021-yil barcha uchun ogʻir keldi. Pandemiya - Covid 19. Boshqa boshqalar.

🏔 Boʻstonliq tumanida qurilish ishlaridan avgust oyida uyga qaytyapman, hamrohim Kosonsoylik bir amaki, Sadoqatgacha tashlab qoʻyadigan boʻldi.

Yoshlari oltmishlar atrofida, anchayin tetik edi, samimiy inson, yoʻl boʻyi suhbat qurdik, ota va ona oldidagi farzandlik burchi haqida soʻz ketdi, kim oldida? -ona oldida, keyinchi? ota.

👴 Amaki aytdi:
- oʻgʻlim yoshsan, hali oilali boʻlasan, katta hayotni koʻrasan, lekin unutma: "ona, ona doim seni kechiradi, har qanday aybingdan oʻtadi, shubhasiz sen ham uning duosi uchun harakat qilasan, lekin....lekin ota bir marotaba ranjiydi, uni qayta rozi qila olmaysan.

👨‍🦰Ota, umrini vaqti kelsa ming azoblar yoqasida, kerak boʻlsa jonini omonat qoʻyib farzandlari uchun, oilasi uchun kurashadi, hayotga qarshi, qismatning ogʻir sinovlariga qarshi, yoʻqchilikka qarshi...

📞 Telefonda chet elda roʻzgʻorim deb ishlab yurgan otang bilan suhbat qursang hammasi yaxshi deydi, aslida sovuq beton ustida, och, usti yupun, kimlarningdir eshigida qulay xizmatini qilayotgan boʻlsa ham, sen uchun, oila uchun zaxmat chekadi, qilgan ikki pullik mehnatingni minnat qilasan kuni kelsa, u-chi, u hech minnat qildimi, hech oʻylaganmisan, oʻzi uchun yashadimi otang? Hozir qayerda...?

- Biz kelayotgan joyda edi, ishda ):
* * *
Uzoqdan Sadoqat koʻrindi, patir bozori, men tushib qoldim, qaytib u amakini koʻrmadim, #taskinni ham......(!

✍ Ramziddin Tursunov

@Taskinnn

#Savol

Kun kelib oʻtgan umringdan rozimisan degan savolga roziman deya oladigan boʻlishga harakat qiling. Javobni qanday boʻlishi - ayni damda sizning qayerda ekanligingizga bogʻliq!

Oʻzingizga munosib boʻling, qismatdan eng goʻzalini oʻzingizga ravo koʻring!

® Ramziddin Abdikhalil

™ @Taskinnn
™ @Tursunov_Ramziddin

#VAQT_QADRI

Qadrdon doʻstim Muhammadrasulga oʻz minnatdorchiligimni bildiraman!!!

"Ramziddin Tursunov DOʻSTIMIZNI
qalamiga mansub mazmunli sheʼr qoʻldan kelgancha harakat qildim"