#shukr

Tez-tez yaqinlarimizdan hol ahvol so'rashga undab turgan manfaatning ham boriga shukur):

® Ramziddin Abdikhalil

™️ https://t.me/Taskinnn

#chaqqon

Muvaffaqiyatga erishsangiz birinchilardan boʻlib tabriklovchi va quvonchingizga sherik boʻladigan hamda xato qilsangiz tezda sizni ayblovchi va avval yuzaga chiqmagan kamchiliklaringizni ham soʻzlovchi chaqqon insonlar ham yetarlicha topiladi.

® Ramziddin Abdikhalil

™️ https://t.me/Taskinnn

#xotira

Har doim biz qilgan va bizga qilingan yaxshiliklarni unutishimiz anʼana, biz qilgan va bizga qilingan yomonliklarni esda saqlashimiz esa odat.

® Ramziddin Abdikhalil

™️ https://t.me/Taskinnn

#___

Ehson talab qilib olinmagani kabi, majburiyat uchun ham iltimos qilinmaydi.

Natijasiga esa har ikki holatda ham kafolat berilmaydi.

® Ramziddin Abdikhalil

™️ https://t.me/Taskinnn

Agar eʼtibor ehson boʻlsa barchamiz tilanchimiz!

® Ramziddin Abdikhalil

™ @Taskinnn

#oʻyin

Qismat oʻyinida qanchayin insonlarga hiyla qilganing sari, qurbonlar safida qolib ketaverasan):

® Ramziddin Abdikhalil

™️ https://t.me/Taskinnn

#sirt

Har kulguning ham ortida baxt, har koʻz yoshining ortida dard va har soʻqirning qalbida zulmat boʻlavermaydi.

® Ramziddin Abdikhalil

™️ https://t.me/Taskinnn

#inson

Har doim ham uygʻunlikka erisha olmaymiz, ihlossiz ilmimiz bir tomon, sovuq va soxta munosabatlardagi axloqimiz bir tomon va pok qalbimizdagi iflos tuygʻular bir tomon.

® Ramziddin Abdikhalil

™️ https://t.me/Taskinnn

#tenglik

Eshak bilan teng bo'lmoq uchun hangrashni o'zi kifoya qilmaydi, eshakday fikrlash ham lozim.

® Ramziddin Abdikhalil

™️ https://t.me/Taskinnn

#shukr

Hayot sinovlari va mashaqqatlaridan charchagan vaqtingizda nogironlik aravachasiga oʻtirib, yurishga urinib koʻring, koʻzingizni yumib harakatlaning, yiqiling, qalbingiz hayqirib toʻlib ketsangiz ham gapirmang va hech narsani eshitmaslik uchun qulogʻingizni mahkam berkiting, shamol tovushi, maysalar shiviri...

Ularda shukr bor...

® Ramziddin Abdikhalil

™️ https://t.me/Taskinnn

#ibrat

Фоҳишалар ва шароб...

Усмонли империяси султони Султон Мурод 1623-1640 йилларда баъзан хеч кимга айтмай туриб, одамлар орасига кирар, уларнинг хаётини кузатар эди. Кунлардан бир кун, кечки вақт кузатиш учун шаҳарга чиқди. У хавфсизлик хизмати бошлиғини чақириб, биргаликда шаҳарга чиқишди. Улар гавжум жойга келишда ва ерда ётган одамга кўзлари тушди. Султон унга бармоғи билан тегди ва уни ўлганлигини сезди. Одамлар эса ўз ишлари билан шуғулланишарди. Ҳеч ким ерда ётган ўлик одамга аҳамият бермаётган эди.

Султон оммага мурожаат қилди. Улар уни танимадилар ва ундан нима хохлаётганини сўрашганда у савол берди.
- Нега бу одам ерда ўлик ҳолда ётибди, нега унга ҳеч қайсингиз эътибор бермаяпсизлар? Унинг оиласи қаерда?
Одамлар эса шундай жавоб беришди:
-Чунки у ичкиликбоз ва зинокордир!
Султон:
- Бу одам Мухаммад соллаллоҳу алайҳи ва саллам умматидан эмасми? Келинглар уни уйига олиб боришга ёрдам беринглар!
Одамлар ўлик одамни Султон билан бирга уйига олиб боришди ва у ерга етиб боришлари билан барча одамлар кетишди. Султон ва унинг ёрдамчиси уйда қолишди.

Еркакнинг хотини унинг жасадини кўргач, йиғлай бошлади. У эрининг жасадини олдига бориб шундай деди:
-Аллоҳ сизга раҳм қилсин! Эй Аллоҳнинг дўсти! Мен сизни иймонли инсон эканлигингизга гувохлик бераман!

Султон аёлнинг сўзларига хайратга тушди ва сўради:
-Одамлар мархум хақида ёмон сўзлар гапиришяпти, қандай қилиб эрингизни халол инсон деб айтишингиз мумкин. Шунинг учун хам эрингизни жасадига эътибор беришмаяпти?"
Аёл шундай жавоб берди:
- Мен шундай бўлишини кутган эдим. Эрим ҳар кеча Тавернага бориб, иложи борича кўпроқ шароб сотиб олар эди. Кейин у уйга олиб келиб, ҳаммасини ўрага қуярди. Кейин у: "мен бугун бир нечта мусулмонларни қутқардим. Кейин у фоҳишанинг олдига бориб, унга пул берар ва эрталабгача эшикни ёпиб ўтириш ва хеч кимни қабул қилмаслигини сўрар эди. Кейин у уйга келар ва шундай деб айтар эди: "Бугун мен кўпчиликни гунох қилишдан ва иллатдан қутқардим."

Одамлар эсa уни шароб сотиб олиб, фоҳиша билан гаплашаётганини кўриб, уни ичкиликбоз ва зинокор деб аташар эди. Бир куни мен унга айтдим:
- Сизнинг бундай юришингиз сабабли, сизни жасадингизни ювадиган, жаноза ўқиб, кўмадиган ҳеч ким бўлмайди!
Эрим эса кулиб, сўзларимга жавоб берди:
- Мутлақо қўрқма, менинг майитим устида, содиқларнинг султони бошчилигида яхши инсонлар билан бирга танам устида фотиха қилишади."

Султон аёлнинг сўзларини эшитиб йиғлай бошлади.
- "Аллоҳга қасамки! У ҳақиқатни айтган, чунки мен Султон Муродман. Ертага биз уни ювиб, жаноза ўқиб дафн қиламиз.
Ва шундай бўлди хам, Султон, олимлар, иймонли одамлар ва омма унинг жанозасини ўқишди..
Биз одамларни бошқалардан кўрган ва эшитганларимиздан келиб чиқиб хулоса қиламиз, у хақда ҳукм қиламиз, лекин инсонларнинг қалбларида яширинган ижобийлик ва қадриятларни кўрмаймиз. Тахминлардан қочинг, чунки баъзи тахминлар гуноҳдир. Бир-бирингизни томоша қилманг ва бир-бирингизнинг орқангиздан туҳмат қилманг...

Донолик олами

™️ https://t.me/Taskinnn

#ibrat

Hech bir inson shunchaki koʻra olmaydigan video.

Bola koʻzidagi umid, ishonch, ishonchsizlik, begunoh qaygʻu.

™️ https://t.me/Taskinnn

#orzu

Hayotning toʻxtovsiz sinovlari va ogʻir mashaqqati oldida yiqilib, bir lahza tin olgan vaqtingizda, eng katta orzuyingiz dunyolar emas balki birgina halovat boʻlib qoladi, oddiy halovat.

Qarang, ayni paytda qanday baxt sizga tekinga berilgan, kim uchundir eng buyuk orzu!

® Ramziddin Abdikhalil

™️ https://t.me/Taskinnn | dangasa taskinchi

#Qalb

Boshqalar tomonidan faqatgina jism bandi qilinishi mumkin, lekin qalbni hech bir kimsa va devorlar bandi qila olmaydi. U hur. Agarki, nafsingiz uni majruh qilmagan bo'lsa.

Havodan yumshoq, tig'dan o'tkir - ozor berish oson va qayta-qayta kuch topguchi ham u.

® Ramziddin Abdikhalil

™️ https://t.me/Taskinnn

#yo'l

Agarki, qalb yo'lboshchi bo'lsa - uyga eltuvchi barcha yo'llar hayrli bo'ladi. (mahallangni loy ko'chasini o'rnini hech qanday yo'llar egallay olmaydi, hali uyga yetmadik)

® Ramziddin Abdikhalil

™️ https://t.me/Taskinnn

#sabr

Loylangan suvni astalik bilan tinishini kutishga yetgan aqlimiz va sabrimiz, boshimizga kelgan sinovli kunlarning ham vaqti bilan oʻtib ketishiga kelganda noshukurroq boʻlib qoladi-da.

Ogʻir kunlarni boshidan oʻtkazayotgan birodarlarimizga yaratganning oʻzi mustahkam sabr va munosib ajr bersin!

® Ramziddin Abdikhalil

™️ https://t.me/Taskinnn

#axloq

Gʻulomning yoshligidan kitob oʻqishga mehri boʻlakcha, qarashi boshqacha edi, koʻp oʻqidi, maktabda odobnoma, litseyda maʼnaviyat, universitetda axloqshunoslikka, akademiyada estetikaga chuqur kirishdi, kuchli axloqshunos olim boʻlib yetishdi, koʻp insonlarga namuna edi, adolat desa shu inson gavdalanar, davralarda nasihat qilardi......oʻgʻirlik va sutxoʻrlik tufayli qamaldi. Qamoqdan chiqdi, ozgina tin oldi, yana nasihat qila boshladi.

® Ramziddin Abdikhalil

™️ https://t.me/Taskinnn

#imkon

Qabristonda Gʻulomga berilgan savol:
- ayni damda nimaga shukur qilishimiz kerak?
- yer ustida turganing uchun! (tiriklar safida ekaning va hali imkon borligi uchun).

® Ramziddin Abdikhalil

™️ https://t.me/Taskinnn

#ovchi

Suzishdan toliqqan baliq va yugurishdan charchagan quyonning qismati omadsiz ovchining oʻljasi boʻlish.

Kuchsiz raqib ustidan gʻalaba qozonilmaydi, u gʻalaba ham boʻlmaydi aslida.

® Ramziddin Abdikhalil

™️ https://t.me/Taskinnn | kun taassurotlari

Beg'uborlik

Peshin mahali ko'chaga keladigan amakidan otasi ichgan aroq shishalarini muzqaymoqqa alishgan bolakay hursand, amakini yana kutadi. Kelgunicha yangi shishalar bo'lishiga ishonch bor...

® Ramziddin Abdikhalil

™️ https://t.me/Taskinnn | baxt