Qismat

Har bir jonni dardi boʻlak, gʻami boshqa,
Har goʻshaning gashti boʻlak, siri oʻzga,
Malham izlab umr bilan yoʻlga chiqqan,
Fikri boʻlak, koʻngli nozik, yoʻli boshqa.

Topgan baxtni koʻrmagan biz beqarorlar,
Qadrini hech qadr qilmas, beparvolar,
Yigʻlab qoʻlda qurbon qilgan orzularni,
Yoʻlda davom etayapmiz, bedavolar.

Maqsad mavhum, niyat soʻqir, bu zaminda,
Nafsi bilan oshno boʻlgan koʻp zamonlar,
Adashganni koʻrib oʻsha qora yoʻlda,
Yurib borib choʻkayotgan, bemaʼnolar.

Vaqtini suv kabi sochgan, sahrolarga,
Boshin urib olgan turfa balolarga,
Taskin istab ochib koʻnglin, har insonlar,
Battar kirib qolgan oʻshal savdolarga.

® Ramziddin Abdikhalil

™️ https://t.me/Taskinnn

Bu sening hayoting!

Har doim qaror qabul qilishda ikkilangan payting tasalli va maslahat beruvchi kimsalar topiladi va ularning maslahati quyidagicha: "bu seni hayoting", "unga aralashishga hech kimning haqqi yoʻq", "qarorni sen qabul qilasan", "yashaydigan sen-ku"...

Shu payt oʻzingni mustaqil his qilasan, sen ozodsan(huddi avval qaram boʻlgan kabi) va lekin hech ham hayolingga kelmaydi, seni dunyoga keltirgan, betob boʻlgan har kuning uchun yuz yillik azobni boshidan oʻtkazgan, jonini hatarga qoʻyib seni halol rizq bilan ulgʻaytirgan qalbi tubsiz mehr egalarining haqqidan mustaqillikka chiqganing.

Qismating masalasida qaror qabul qilganda, kalta oʻylab qoʻyma, olgan har nafasini qumsaydigan insonlaring bor!

® Ramziddin Abdikhalil

™️ https://t.me/Taskinnn

#___

Maynavozchilik paytida soʻzlash va haqiqat oyoq osti boʻlganda sukut saqlashdan saqlaning.

® Ramziddin Abdikhalil

™️ https://t.me/Taskinnn

****

Ko'klarda ko'k kaptar qushdaymiz, jonim,
Qayg'urma kel ko'ngil "xushlaymiz" jonim,
Mening tanishim yo'q narigi dunyoda,
Baribir "Jannatga tushmaymiz jonim"...

Yorugʻ dunyoda kim yashaydi toʻyib,
Umr oʻtib ketgay kiprik qoqquncha,
Onang koʻksiga bir boshingni qoʻyib
Bolang koʻziga bir kulib boqquncha...

© Muhammad Yusuf

™️ https://t.me/Taskinnn

#___

Ihlos tajriba va mahoratdan koʻra kattaroq kuchga ega, agar hayrli yoʻlda boʻlsa!

® Ramziddin Abdikhalil

™️ https://t.me/Taskinnn

Xalqdan xalqqacha.

Xalqning koʻp qismi piyoda harakatlanadi, qoida buzish natijasida yoʻlovchi yoki piyodani urib yuborgan kishi qotil va huquqbuzar, qoidabuzarlik holatini oldini olish va kamaytirish, qoidalarga amal qilish koʻnikmasini shakllantirish maqsadida haydovchilardan haqqini talab qilgan inson yozuvchi, yozuvchi esa boyagi xalqning dushmani.

Natija: qoidabuzar qahramon va u magʻrur, xalqini va haqqini tanigan inson esa ertakning yomon personaji.

® Ramziddin Abdikhalil

™️ https://t.me/Taskinnn

Har so'zning o'z o'rni bor, har nuqtaning makoni.

Har bir yuksak cho'qqini ko'zlagan burgutning manzili cheksiz osmon, og'ir va vazmin, savlatini sukut berkitgan ulkan kitlarning manzili tubsiz ummon, bebaho olmosning makoni haybatli harsanglar qarida, yaxshilik va hayrning o'rni qalbning kalit bilan ochilmas qulflarida, kalamushning manzili zah va badbo'y chuqurlar, cho'chqalarning makoni esa iflos balchiqlar.

Manzil tanlashda adashmang, badali umr, uvoli qadr bo'ladi.

® Ramziddin Abdikhalil

™️ https://t.me/Taskinnn

Vazifa

Hech bir inson oʻz ishini qilmas bu qishloqda goʻrkov chayqovchilik bilan shugʻullanar edi. Bir oʻtkinchi undan dafn marosimi boʻlsa sizni qidirib, oʻz ishingizni qilishingizni talab qilishmaydimi degan savoliga u javob qildi:

- mengacha hali hech kim yetib kelgan emas, chunki gʻassol ham oʻz ishini qilmaydi, farzandlar ham.

® Ramziddin Abdikhalil

™️ https://t.me/Taskinnn

Qaytar kun

Bugun tepib kirgan eshigingni ochishga, balkida oʻsha eshikka yetib borishga ham kuching va madoring yetmas kunlarga yetib borasan hali.

Tafakkur qil, bugun poyingda boʻlgan narsaning poyiga borarsan bir kun. (Bu bir eshik halos)

® Ramziddin Abdikhalil

™️ https://t.me/Taskinnn

Hayitlik

Yoshlik davrida ko'p kutiladigan kunlardan biri bu hayit. Hayitlik oladigan kun. Quvonch. Bu kunni hayot tashvishidan bexabar farzand va uyga kirishga jur'at topmagan ota timsolida his qilish esa juda og'ir.

Hayitlik kutadigan va oladigan davrdan beradigan kunlarga ham yetib keldik, hursandchilik ulashing, qodir qilgan bo'lsa baxt shu, bolalik kunlar uchun ham.

® Ramziddin Abdikhalil

™️ https://t.me/Taskinnn

#______

Yigitlikda qo'llar uzun, tillar qisqa,
Keksalikda tillar uzun, qo'llar qisqa.
Yigitlikda yillar uzun, kunlar qisqa,
Keksalikda kunlar uzun, yillar qisqa…

©️ A'zam O'ktam

™️ https://t.me/Taskinnn

#Qismat

Moziy, 10 xonali uy, har birining oʻz sohibi va oʻz qulfi bor. Uydan chiqar ekan har qaysisi xonasini berkitib ketadi. Yillar oʻtdi, faqat bir kishi qoldi, qolgani bu yorugʻ olamni tark etishdi, adashib boshqa xonaga kalit soldi, xona ochildi, oʻz xonasi bilan bir xil, zarrasiga qadar, qolgan xonalarga qarab shoshildi, hammasini ochib koʻrdi, bir xil, ikki tomchi suvdek, hammasi.....

Nahot shuncha yil bir oʻzi yashagan boʻlsa, nahot aks.

® Ramziddin Abdikhalil

™️ @Taskinnn

Ish

Gʻayrat va shijoat bilan boshlamoqchi boʻlgan ishimiz uchun 10 dan ortiq rahbarlarni ishga oldik, endi bitta ishlaydigan oddiy xodim olishimiz qoldi.

® Ramziddin Abdikhalil

™️ https://t.me/Taskinnn

#___

Umr yoʻl, ilm nur, nafs tuman. Agar qalbda nafs ustunlik qilsa ilmimiz soʻqir, yoʻlimiz jarlikka aylanadi.

® Ramziddin Abdikhalil

™️ https://t.me/Taskinnn

Ona

Sud zalida uch insonning qotili va bir badbaxt kimsaning hukmi oldidan so'nggi so'z berilganida, farzandining ko'ngli o'ksik va qalbi pokligini iddao qilgan inson ham ona edi.

® Ramziddin Abdikhalil

™️ https://t.me/Taskinnn

#Qadr

Qadr topish uchun birgina hislat kamlik qiladi, ilmingiz, xulqingiz, mehnatingiz, hech biri kam bo'lishi mumkin emas. Yo'qotish uchun esa birgina illat ham ko'plik qiladi.

® Ramziddin Abdikhalil

™️ https://t.me/Taskinnn

YAXSHILIKNI OʻZIMIZDAN BOSHLAYLIK

"Siz aziz kanalimiz aʼzolari kuzatib borayotgan har bir lavha hayotimizning qaysidir jabhasida yuz bergan, berishi mumkin boʻlgan va boʻlayotgan voqealarni, kuni kecha bizga tanish boʻlgan, vaholanki bugungi kunda bizdan tobora uzoqlashib borayotgan insoniy fazilatlarni, mehr-oqibatni, milliy ruhimizni gavdalantirayotganligini koʻrishimiz mumkin. Ushbu lavhalarimiz orqali hech boʻlmaganda bir insonni koʻnglida shu tuygʻularni, fazilatlarni uygʻota olgan, uning hayotini yaxshi tomonga oʻzgartira olgan boʻlsak biz oʻz maqsadimizga yetdik deya olamiz.
Yaxshilik zanjirimizni siz ham davom ettiring, siz ham kimgadur yaxshilik qiling, yaxshi ishni oʻzingizdan boshlang!!!

RAMZIDDIN TURSUNOV
Ahrorbek Akbarov jamoasi kanali aʼzosi

KANALGA ULANISH 👇
https://t.me/joinchat/AAAAAFCTItdv1xecmN_6yA

#qismat

Baʼzi insonlar kishilar hayotiga sinov boʻlib kirib keladi, baʼzilar esa quvonch, yana baʼzilar ibrat va hikmat uchun.

® Ramziddin Abdikhalil

™️ https://t.me/Taskinnn