ISHONCH

Bir kishi tuyasini sotdi. Sotib olganlar tuyani qushxonaga so‘ygani olib borishdi. Tuya qushxonaga kirmadi. Qaysarlik qilib oyoq tirab oldi. Barcha urinishlar bekor ketdi.

Tajribali bir kishi kelib qolib tuyaning egasini chaqirib kelishlarini, faqat u tuyani qushxonaga olib kira olishi mumkinligini aytdi.

Tabiiyki, tuyaning egasi keldi. Arqondan ushlab sekin qushxona sari tortdi. Tuya sekin yurishni boshladi va qushxonaga kirdi. Qassoblar darrov pichoqlarini hozirlab tuyani so‘ymoqchi bo‘lishdi. Ammo tuyaning egasi ularga dedi:
- Do‘stlar! Menga ishonib mening izimdan yurgan hayvonga men qanday qilib xiyonat qilaman?! Axir bu tuya menga ishondi-ku!

Tuyaning egasi ularning roziligi bilan pulni qaytarib berdi va tuyani olib ketdi. So‘ngra o‘ziga jonini ishonib topshirganlarga umuman xiyonat qilmaslikka qasam ichdi!

Sizga ishonganlarga xiyonat qilmang. Aldamang ularni. Xiyonat bu nomussizlik, razolat va pastkashlikdir!

© Facebookdan olindi

™️ https://t.me/Taskinnn

#dard

Muhabbatini dardga qoʻygan qalb uchun sogʻlik jarohat bilan barobar.

Baxt bu - siz qoʻygan muhabbat, albatta hayrli boʻlsa!

® Ramziddin Abdikhalil

™️ https://t.me/Taskinnn

Ikki yuz

Illati ogʻir kimsa bilan birga boʻlsangiz undan yiroq boʻling, yoki yaxshi tomonga oʻzgartiring. Har holda ikki qadam ortda turib hammaga uning qilmishini bayon etishdan afzalroq tanlov ham bor sizda.

® Ramziddin Abdikhalil

™️ https://t.me/Taskinnn

#____

Bir qalbni obod qilish qo'lingdan kelmas ekan, unga zarra ozor berishga ham haqli emassan!

Jamiyat uchun keltirgan foydang qilgan zararingdan ko'proq bo'lishi shart!

® Ramziddin Abdikhalil

™️ https://t.me/Taskinnn

O'zligingga qayt o'zbek!

Ushbu videoni ko'rganimdan keyin Toshkentdan Namanganga qarab ketgim keldi. Xullas, bugun tarovehdan keyin uyga qaytaman. Siz-chi?

Borib, bobom va buvim, dadam va barcha yaqinlarimning qabrini men obod qilmasam, kim obod qiladi?!

Xulosa o'rnida shuni aytaman-ki, yeng shimarib o'zlikka qaytish vaqti keldi do'stim. Musofirda bo'lsang, tur va borib uyingni, mahallangni obod qil. Stresslardan, muammolardan, hayot tashvishlaridan bir kunga ozod bo'l.

©️ Shaxboz Ubaydullayev

Obuna uchun: 🐝
➥ https://t.me/+v8XjzpcP9UxhMGMy

#sabab

Muborak oy, nafs yo'lida insonni har ko'yga solishga tayyor shaytonlar ham bandi qilingan qutlug' kunlar.

Illat qilmang, aslingiz namoyon bo'lganda bahona topolmay qolasiz!

® Ramziddin Abdikhalil

™️ https://t.me/Taskinnn

#Nutq

Insonni hayvondan ajratib turuvchi xususiyatlardan biri bu nutq, agarki undan hazrati insonga xos boʻlgan soʻzlar chiqsagina, aks holda qolgan belgilar ahamiyatsiz - hayvonga aylanamiz):

Nutq kalom uchun, yana shirin soʻz va mehr ulashish uchun berilgan neʼmat. Tahqir va haqorat uchun emas!

® Ramziddin Abdikhalil

™️ https://t.me/Taskinnn

Fikr

Skunatni buzgan birinchi fikr hammaning munosabatini aniqlashtiradi:

- u haq, to'g'ri aytayapti, fikriga qo'shilaman, men ham shu fikrdaman;
- nima deyapsan, mutlaqo xato, biz qarshimiz, qayoqdan kelib qolding.

Lekin keyin munosabat bildirganlarning hech biri birinchi bo'lib fikr bildirmaydi, xato qilishdan qo'rqadi, subtsiz, beor):

® Ramziddin Abdikhalil

™️ https://t.me/Taskinnn

Taqdir

Gʻulom yosh vaqtida kelgan azim va navqiron maskanda birinchi kun oyoqlari issiqda kuygan, dovdirab qay yerga boshini urishni bilmas, har qadamda dakki eshitgan va kelganiga ming pushaymonlar boʻlgan kunlar, koʻplab chirkin illatlarga duch keldi, yaxshi insonlar va nafs qullari davrasida guvoh boʻldi, ulgʻaydi, nihol asta daraxtga aylana boshladi.

Tush paytida bir bolakayga koʻzi tushdi, oyoqlari kuygan, kishilar turtkisidan toqati tugab borayotgan, hali uni koʻp qismat kutmoqda.

Tarix qaytalanadi, turli qismatlarda.

® Ramziddin Abdikhalil

™️ https://t.me/Taskinnn

#Inson

🔘 Har qaysi inson qalbining tub tubida bir orzu bor, eng bemaʼni va ahmoqona orzu, vaqt va imkon bor, lekin toʻsiq bor, subut;

🔘 Har qaysi inson bagʻrida bir buyuk armoni bor, achchiq va ogʻriqli, hatto eslashni yurak koʻtarmaydi, unga vaqtning ahamiyati yoʻq, vaqt davolay olmaydi;

🔘 Har qaysi bandaning bir ogʻir gunohi bor, bari baridan katta va ogʻirroq, har yodiga olganida tavbadan boshi koʻtarilmaydi;

🔘 Har qaysi halol moʻminning bir yoʻldan adashgan birodari bor, ikkisining shu holatda qarishi halokat;

🔘 Har qaysi badnafs badavlatning million million pullari bor, ehsondan yashirib qimorga atalgan;

🔘 Har qaysi qiyomatli qalin doʻstlarning bir birlariga ayta olmagan ikki ogʻiz gapi bor, qilgan hiyonati va yolgʻoni haqida;

🔘 Har qaysi insonning oʻz yoʻli, oʻz manzili, oʻz dunyosi, oʻz halovati va taskini bor, huddi Gʻulom kabi!

® Ramziddin Abdikhalil

™ @Taskinnn

#___

Tanasiga birinchi bor shikast yetgan murgʻak qalblar olamga jar solib aytadi: hech kim bu azobni his qila olmaydi.

® Ramziddin Abdikhalil

™️ https://t.me/Taskinnn

Qismat

Har bir jonni dardi boʻlak, gʻami boshqa,
Har goʻshaning gashti boʻlak, siri oʻzga,
Malham izlab umr bilan yoʻlga chiqqan,
Fikri boʻlak, koʻngli nozik, yoʻli boshqa.

Topgan baxtni koʻrmagan biz beqarorlar,
Qadrini hech qadr qilmas, beparvolar,
Yigʻlab qoʻlda qurbon qilgan orzularni,
Yoʻlda davom etayapmiz, bedavolar.

Maqsad mavhum, niyat soʻqir, bu zaminda,
Nafsi bilan oshno boʻlgan koʻp zamonlar,
Adashganni koʻrib oʻsha qora yoʻlda,
Yurib borib choʻkayotgan, bemaʼnolar.

Vaqtini suv kabi sochgan, sahrolarga,
Boshin urib olgan turfa balolarga,
Taskin istab ochib koʻnglin, har insonlar,
Battar kirib qolgan oʻshal savdolarga.

® Ramziddin Abdikhalil

™️ https://t.me/Taskinnn

Bu sening hayoting!

Har doim qaror qabul qilishda ikkilangan payting tasalli va maslahat beruvchi kimsalar topiladi va ularning maslahati quyidagicha: "bu seni hayoting", "unga aralashishga hech kimning haqqi yoʻq", "qarorni sen qabul qilasan", "yashaydigan sen-ku"...

Shu payt oʻzingni mustaqil his qilasan, sen ozodsan(huddi avval qaram boʻlgan kabi) va lekin hech ham hayolingga kelmaydi, seni dunyoga keltirgan, betob boʻlgan har kuning uchun yuz yillik azobni boshidan oʻtkazgan, jonini hatarga qoʻyib seni halol rizq bilan ulgʻaytirgan qalbi tubsiz mehr egalarining haqqidan mustaqillikka chiqganing.

Qismating masalasida qaror qabul qilganda, kalta oʻylab qoʻyma, olgan har nafasini qumsaydigan insonlaring bor!

® Ramziddin Abdikhalil

™️ https://t.me/Taskinnn

#___

Maynavozchilik paytida soʻzlash va haqiqat oyoq osti boʻlganda sukut saqlashdan saqlaning.

® Ramziddin Abdikhalil

™️ https://t.me/Taskinnn

****

Ko'klarda ko'k kaptar qushdaymiz, jonim,
Qayg'urma kel ko'ngil "xushlaymiz" jonim,
Mening tanishim yo'q narigi dunyoda,
Baribir "Jannatga tushmaymiz jonim"...

Yorugʻ dunyoda kim yashaydi toʻyib,
Umr oʻtib ketgay kiprik qoqquncha,
Onang koʻksiga bir boshingni qoʻyib
Bolang koʻziga bir kulib boqquncha...

© Muhammad Yusuf

™️ https://t.me/Taskinnn

#___

Ihlos tajriba va mahoratdan koʻra kattaroq kuchga ega, agar hayrli yoʻlda boʻlsa!

® Ramziddin Abdikhalil

™️ https://t.me/Taskinnn

Xalqdan xalqqacha.

Xalqning koʻp qismi piyoda harakatlanadi, qoida buzish natijasida yoʻlovchi yoki piyodani urib yuborgan kishi qotil va huquqbuzar, qoidabuzarlik holatini oldini olish va kamaytirish, qoidalarga amal qilish koʻnikmasini shakllantirish maqsadida haydovchilardan haqqini talab qilgan inson yozuvchi, yozuvchi esa boyagi xalqning dushmani.

Natija: qoidabuzar qahramon va u magʻrur, xalqini va haqqini tanigan inson esa ertakning yomon personaji.

® Ramziddin Abdikhalil

™️ https://t.me/Taskinnn

Har so'zning o'z o'rni bor, har nuqtaning makoni.

Har bir yuksak cho'qqini ko'zlagan burgutning manzili cheksiz osmon, og'ir va vazmin, savlatini sukut berkitgan ulkan kitlarning manzili tubsiz ummon, bebaho olmosning makoni haybatli harsanglar qarida, yaxshilik va hayrning o'rni qalbning kalit bilan ochilmas qulflarida, kalamushning manzili zah va badbo'y chuqurlar, cho'chqalarning makoni esa iflos balchiqlar.

Manzil tanlashda adashmang, badali umr, uvoli qadr bo'ladi.

® Ramziddin Abdikhalil

™️ https://t.me/Taskinnn

Vazifa

Hech bir inson oʻz ishini qilmas bu qishloqda goʻrkov chayqovchilik bilan shugʻullanar edi. Bir oʻtkinchi undan dafn marosimi boʻlsa sizni qidirib, oʻz ishingizni qilishingizni talab qilishmaydimi degan savoliga u javob qildi:

- mengacha hali hech kim yetib kelgan emas, chunki gʻassol ham oʻz ishini qilmaydi, farzandlar ham.

® Ramziddin Abdikhalil

™️ https://t.me/Taskinnn