Do‘stlar, yaxshilarni avaylab saqlang!
«Salom» degan so‘zning salmog‘in oqlang!
O’lganda yuz soat yig‘lab turgandan
Uni tirigida bir soat yo‘qlang!

✍ Maqsud Shayxzoda

™️ https://t.me/Taskinnn

#hayot

➖Ishi yurishib ketishi hohlamaydigan insonlardan biri go'rkov, aksiga olib ketmoni mehnatda yarqiraydi;

➖O'qituvchi ming mashaqqat bilan bolaga ta'lim beradi va tarbiyasiz ota-onaning kasriga qoladi;

➖Shafyor qizildan katta tezlik bilan o'tib ketganidan faxrda, radar esa tabassum bilan qarab qo'ydi halos;

➖Qimorda yutgan pulimizga uyga bozorlik qildik, yutqazgan insonnikida esa peshindan so'ng janoza;

➖Chin do'stga muhtojligimiz katta, lekin vafo va sadoqatda oxirgi o'rindamiz;

® Ramziddin Abdikhalil

™️ https://t.me/Taskinnn

Umr

➖ Kishini mehnat qaritmaydi, arzimas sabab uchun siqilish qaritadi;
➖ Ishdan hech ham odam o'lmaydi, lekin g'urbatda unsiz jon chiqadi;
➖Baxt pulda emas, lekin u yo'qchilikda ham topilmaydi.

➖Dunyoni u chetidagi inson siz bo'lmasangiz ham yashayveradi, kunning hajmi ham o'zgarmaydi, agarki unga yaxshilik qilmagan bo'lsangiz, yoki yomonlik.

P/S: borgan sari zang egallayapti):

® Ramziddin Abdikhalil

™️ https://t.me/Taskinnn

#timsol

Jamiyatimizda har qanday holat va vaziyatning oʻz timsoli bor:

🍻 Koʻp ichadigan odam - nursiz kelajak (garcha hech kimga yomonlik qilmasa ham);

👔 Erta tongda rasmiy kiyimda ishga ketadigan inson - kibrli inson (garchi doimo qoʻli koʻksida barchaga salom berib, feli keng boʻlsa ham);

💵 Badavlat inson - ziqna odam (topganidan doimo ehson qilib, minglab odamlarni ish bilan taʼminlasa ham);

👂Boshqalar haqida xabar olib keluvchi insonlar - hammaning doʻsti (basharti hamma uning naqadar orsiz ekanligini bilsa ham);

👨‍🎓Talaba - kelajagi bor, hali katta katta oylik oladigan umidli bola (garchi shaharda oʻqishni bir chetga surib, oʻyin kulgu va masxarabozlik bilan umrini oʻtkazayotgan boʻlsa ham);

P/S: Ramziddin Abdikhalil - taskin loyihasi muallifi (garchi........)

® Ramziddin Abdikhalil

™️ https://t.me/Taskinnn

#kulfat

Yaratgandan so'rang, og'ir kulfat va yoki bir ofat kelmay turisn, yo'qsa bir birini go'shtini yeyishga tayyor kimsalari bor jamiyatda yashayapmiz.

Shunday kunlardan ham foyda olguchilar talaygina.

® Ramziddin Abdikhalil

™️ https://t.me/Taskinnn

#mazmun

Hayotning mazmuni biz kutgan kunlar(tug'ilgan kun, bayram, tarixiy sana, qadrli kunlar)ning ertasiga haqqoniy ko'rinishga ega bo'ladi.

Soxtalik, sun'iy mulozamat va hayajon yo'q, sovuqqonlik hukmron.

® Ramziddin Abdikhalil

™️ https://t.me/Taskinnn

Navbatchi

Davradagi 7 insondan bir kishi har soatda navbat almashib, eshik ortiga chiqib turadi, qolganlarni tashqi xavflardan saqlash va vaziyatni o'rganish, shuningdek, qolganlar u haqida bemalol gaplashib olishlariga sharoit yaratish uchun.

Navbatchilar doimo uyga imkon qadar tezroq kirishga harakat qilishadi, tashqari sovuq, keyingi mavzu qiziq.

P/S: Barchamiz ham navbatchilikka chiqamiz, qachondir, qayerdadir, holi qolganlardan bo'lib qolmang!

® Ramziddin Abdikhalil

™️ https://t.me/Taskinnn

Baxt

Siz qay darajada baxtli inson ekanligingizni hasta boʻlib, millionlab pulni sarf qilib davolanayotgan vaqtda, sogʻlom tana sizga hech bir toʻlovsiz berilganligini anglab yetganda his etasiz.

Odat uchun, doim haqqini toʻlayotgan emas, balki toʻlamayotgan neʼmatingizga ham eʼtibor qiling!

P/S: davosi topilmagani sari oʻsha neʼmatning qiymati ham oshib boraveradi, bepul neʼmatni):

® Ramziddin Abdikhalil

™️ https://t.me/Taskinnn

Qismatlar

Har bir qishloqning hamma taniydigan bir olim-u fuzalosi (ziyoli, o'qimishli, hamma uchun ilm manbai), keksa nasihatgo'yi (qishloqning qut-barakasi va fayzi), qo'li gul usta (navbat kutib bo'lsa ham shu insonga uyini qurdiradi) va mohir oshpazi (albatta to'yda xizmat qiladi), bir go'rkov (hammaga dardkash), o'g'ri (achinish kayfiyati va nafratli qarash) va devonasi(shukr uchun) bor.

Bejiz emas, siz ham shulardan birisiz, kim uchundir o'rnak, yoki yaxshi, yoki yomon.

® Ramziddin Abdikhalil

™️ https://t.me/Taskinnn

Qaytish

Begunoh va begʻubor tugʻilib, yana shunday yakunga erishish ham oson emas.

Baʼzan qoʻlimizdan kelmaydi, katta boʻlib qolganmizda, kuchimiz ham, aqlimiz ham oʻsgan):

® Ramziddin Abdikhalil

™️ https://t.me/Taskinnn

Sodda qarash

Sodda qarashli inson uzoq umr koʻrsa kerak, chunki u jamiyatga faqat ikki rangda baho beradi: oq va qora.

Har holda u har ikki rangli va umuman rangsiz tomonlarni bilmaydi.

® Ramziddin Abdikhalil

™️ https://t.me/Taskinnn

#rost

Rost so'z xususiyati kundan-kun chigallashib, taqdiri vaziyat ixtiyoriga o'tib qolmoqda. O'rni kelsa aytiladi, o'rni kelmasa e'tiborsiz qoladi.
___________________

Sukut har doim ham neytrallik alomati emas, ba'zan uning ortida g'ayir ishga hayrihohlik ham bor.

® Ramziddin Abdikhalil

™️ https://t.me/Taskinnn

#Facebook
#Kõrdik

Yiqilgan kurashga toʻymas deydilar,
Yilqilmay kurashga toʻyganni koʻrdik.
Rizq emas, bil taqdir deya bariga,
Qismatga tavakkal qoʻyganni koʻrdik...

©️ Ramziddin Tursunov

Yiqilmay kurashga toʻyganki gʻolib,
Asli magʻlub, gʻalaba qilganin koʻrdik.
Taqdir deya, taskin deya bariga,
Koʻnikkan koʻngilning koʻnganin koʻrdik.

©️ Shaxboz Ubaydullayev

Sabrla kurashib borib mardona,
Manzilin izlabon topganni ko'rdik.
Topibla shukr deb sajdaga nogoh,
Boshini pinhona qo'yganni ko'rdik!

©️ Dostonbek Sobirov

Nagahon kichik bir murg'ak jussada ,
Dunyoni yukuni ortganni ko'rdik.
Patdek yengil g'amni ko'tarolmasdan,
Zaminla cho'kallab qolganin ko'rdik.

©️ Zoxidjon Komilxojayev

Zaminga choʻkkalab yiqilgan gʻarib,
Koʻnglida hatto gard yoʻqligin koʻrdik.
Hayrlisi uchun, hech un chiqarmay,
Eshiklarni yopib, ketganin koʻrdik...]:

® Ramziddin Tursunov

Ko'rdik yiqilganin hatto mardlarni,
Ko'tarolmay qalbi ulkan dardlarni,
Zabt etib mayuslik murg'ak qalbini,
Dardlarga shukrlar qilganni ko'rdik...

© Dostonbek Sobirov

Qodir ekanliging uchun dard bergan,
Asli dard, quvonchdir, Allohdan nazar.
Qorning uchun emas, qadring uchun oʻl,
Haybatli togʻlarning singanin koʻrdik...]:

® Ramziddin Tursunov

T.me/Taskinnn

Bugun

➖ Qish kunlari, havo sovuq, lekin munosabatlarga qaraganda ancha iliq. Har ehtimolga qarshi issiq kiyingan maʼqul!

➖ Salom bermaslik illatga aylanayotganini qayta-qayta aytdik, bolalarimiz salomni oʻrgandi, lekin alik olishga hali tayyor emas ekanmiz. Avlodimizga yana bir martta yutqazdik.

® Ramziddin Abdikhalil

™️ https://t.me/Taskinnn

#R2

G'ulom ishdan kelib vahtli uhlagan ekan, yarim kechasi 3 larda uygʻonib ketdi, qayta uhlay olmadi, shunchaki oʻy surib qoldi, hech kimga telefon ham qilmadi, (shunchaki yon daftarini qoraladi) ota-onasi va yaqinlari dam olishyapti, bezovta qilmadi, yana, kelajagini u bilan quradigan insonni hali uchratmaganini anglab yetdi, oʻrni bilindi.

G'ulom uchun endi oʻyin-kulguni tugatadigan vaqt ham keldi, lekin rost kundan avval ortga qadam tashlay olmaydi, sabr, yana 20 kun.

Kun: 19.02.2024.
Soat: 04:36

® Ramziddin Abdikhalil

™️ https://t.me/Taskinnn

#Aks

Barchaga oʻzi kabi munosabatda boʻlsangiz siz ular uchun eng badfeʼl va betgachopar odamsiz.

Barchaga yaxshi muomalada boʻlsangiz esa laganbardor va ojiz, yomon boʻlsa madaniyatsiz va qoʻpolsiz.

Hayrli yoʻlda albatta sinov bor, baʼzan oʻzingiz, baʼzan oʻzgalar bilan sinalasiz!

® Ramziddin Abdikhalil

™️ https://t.me/Taskinnn

#Qor

Ikki kun davomida yoqqan qor havoni ancha tozaladi, g'ubor, chang va hovurlar bosildi, shukr.

Qalblarni ham anchayin tozalovchi, ahillik va poklik uchun osmondan yog'ilishi kutilayotgan kunlar ham yaqin, ming bor shukr.

® Ramziddin Abdikhalil

™️ https://t.me/Taskinnn

#aks

Bugun kim uchundir to'qigan nayranggingiz va yoki ko'rsatgan tomoshalaringizni ham, qilgan shirin so'z va hayrli ibratlaringizni ham tomoshabini, ertaga albatta o'zingiz bo'lasiz.

® Ramziddin Abdikhalil

™️ https://t.me/Taskinnn

#Raqobat

Qishning sovuq kunlarida koʻchada yurar ekansiz, turli taqdir egalariga duch kelasiz. Yoʻl chetida yonma-yon uch nafar ehson umidida turgan inson: birining ikki qoʻli yoʻq, ikkinchisi qoʻlida chaqaloq bilan, uchinchisi esa soppa sogʼ.

Birining nuqsoni, ikkinchisi kelajagiga umidsiz chaqalogʻi borligi uchun va soʻnggisi gʻurursizlikni yelkalariga olib kelishgan. Asli, uchinchida turgani koʻp narsaga muhtoj, lekin bu yerda raqobat yoʻq.

® Ramziddin Abdikhalil

™️ https://t.me/Taskinnn

Tuygʻu

Hissiz inson ortingda soʻnggi soʻzingdan keyin bir nuqtada qotib qolmaydi, koʻngillarni kamroq ogʻriting, qoʻlingizdan kelsa butkul ogʻritmang!

Qolgani, aytilmagan rahmat, soʻralmagani uzr!

Ayblarni unutadigan va chin inson boʻlib yashaydigan kunlar yaqin, shukr!

® Ramziddin Abdikhalil

™️ https://t.me/Taskinnn