Doʻst

Gʻulom haftaning yetti kunidan faqat bir kuni may ichmas edi, sababini soʻrashganida - oʻsha kunda bir doʻsti xabar olgani kelishi, mast holatda koʻrsa qattiq ranjishi va nasihat qilib, shu kuni ichganiga pushaymon qilishini aytdi. 

Yillar oʻtdi, haftada bir keladigan doʻst ham bu yorugʻ olamni tark etdi, rizq. Endi esa Gʻulom har haftaning bir kunida qoʻshni qishloqqa oʻtib turadigan boʻldi. Aks):

® Ramziddin Abdikhalil

™️ https://t.me/Taskinnn

Haqiqiy do‘stlar yilda bir marta ko‘rishishadi va ularning birga tushgan suratlari bo‘lmaydi.

Vaziyat

Vaziyat tug'ilishi bilan agar muvaffaqiyatga erishsangiz sizning o'zingiz bilmagan g'ayratingiz, ilmingiz, halolligingiz va shijoatingiz haqidagi iliq fikrlarni eshitasiz va yoki yiqilgan vaqtingizda uzoq vaqtlar mobaynida yashirib yurgan qilmish va xatolaringiz, bilgan va bilmagan ayblaringiz yuzaga chiqadi.

Vaziyatdan hushyor bo'lish, u ikkiyuzlamachiroq):

® Ramziddin Abdikhalil

™️ https://t.me/Taskinnn |
®️https://t.me/Ramziddin_Abdikhalil

Imkon

➖ Balki hayr qilishga qodir emasdursiz, lekin zugʻm qilmaslik ixtiyoringizda;

➖ Kimgadur shirin soʻz, umid va ishonch ber olmassiz, lekin orzusini oʻldirmaslik imkoni bor;

➖ Oʻz baxtingizga erisha olmasangiz, kimnidir hayotini oʻyin, qismatini barbod qilishingiz ham insofdan emas;

➖ Biror kimsaning ogʻirini yengil qilishga kuchingiz yetmasligi mumkin, lekin uning yengilini ogʻir qilish uchun harakat qilish shart emas.

Agar qaysidir ishni boshlash kerak boʻlsa, yaxshilik zanjirini boshlang!

® Ramziddin Abdikhalil

™️ https://t.me/Taskinnn

Garchi

Shu qora yer tushgan chekimga,
Uzolmadim ko'ngilni oydan.
Hasratidan toʻydim yupunning ,
Hafsalam koʻp pir bo'ldi boydan.

Yurtlar kezdim yov quvib borib,
Doʻst topmadim bironta joydan.
Arshdan tushgan boʻlsa-da odam
Yaralgani rost ekan loydan...

✍ A'zam O'ktam
🎙 Xayrulla Hamidov

™️ https://t.me/Taskinnn

Yomg'ir

Uzoq kutgan, kutilgan yomg'ir yog'di, yog'moqda, piyoda sayr qilsang, yo'l tugamasa, ushbu ajib mo'jizaning zaminni poklashini kuzatsang, hazrati insonning sharofati bilan vayron bo'lgan zamin ona tabiatning vositasi va yaratganning rahmati bilan obod bo'lishida ham bir hayr bor.

Oyog' kiyimi, uyining shiftidan suv o'tgan, tirikchilik vajida suv kechib yurgan va sabrli kunlarni boshidan kechirayotgan birodalarimdan uzur.

® Ramziddin Abdikhalil

™️ https://t.me/Taskinnn

Maishiy illatlar

Bora-bora hayotimiz mazmuni buyuk maqsadlar sari intilish o'rnini mayda muammolarga qarshi kurashishga almashtirmoqda.

Birlashish, kim uchundir foydali ishlarni amalga oshirish, yaxshilik qilish va halovat topish kabi ishlarga qo'l urish, bahamjihat holda ishlarni hamfikrlar bilan rejalashtirib, boshlaydigan paytda telefon qilgan do'sting hech ham telefonni ko'tarmaydi.

Shu paytdan uyg'onasan, mana o'sha hammasiga to'siq, kichik lekin daxshatli to'siq):

Shu muammo, maishiy illatga qarshi kurash taraqqiyot uchun ilk qadam bo'lsa ajab emas.

® Ramziddin Abdikhalil

™️ https://t.me/Taskinnn

Sinov

G'ulomning umri qaygʻudan va pushaymondan iborat boʻldi, ming laʼnatlar aytdi oʻsha kunga. Yoshlik qilib, bir zamonda otasini sinamoqchi bo'ldi, kuzatdi, oʻzicha nimadurlar qilishini kutdi, afsus, ota uning sinovidan o'ta olmadi.

Ikkita kitob o'qib jamiyatni tahlil qilish, baholash va kimnidir sinash uchun emas, balki sinalish, hayr qilish, hazrati inson boʻlib yashash uchun kelgandik, Gʻulom.

® Ramziddin Abdikhalil

™️ https://t.me/Taskinnn

#Kun_qayg'usi

Har kunimiz va bosgan har bir qadamimiz hikmat va ibratga to'la. Har kun bir imkoniyat, bir ilinj, bir sinov va bir rizq - eng oliy ne'mat.

Shuni anglab yetish, munosib bo'lish, behuda o'tkazmaslik va qadriga yetish shu kunning hikmati, anglamaslik esa qayg'usi):

® Ramziddin Abdikhalil

™️ https://t.me/Taskinnn

Masʼuliyat

Boʻyniga "yaxshi" degan nomni olgan va hayrli insonlar safiga qoʻshilgan har qaysi kishi yelkasidagi masʼuliyat ikki karra ortadi, bir shu yoʻldan adashmasligi boʻlsa, ikkinchisi shunday insonlar nomiga dogʻ tushirmaslik va unga munosib boʻlish.

Sizsiz taraqqiy etgan jamiyat, siz bilan barbod boʻlishiga yoʻl qoʻymang):

® Ramziddin Abdikhalil

™️ https://t.me/Taskinnn

Mukofot

Yaxshi kishi uchun eng katta mukofot bu uning hayrli yoʻlda ekanligi, haromdan hazar qilishi, yolgʻon va firb ishlatmasligi, halovati borligi.

Yomon insonni jazosi esa tanlagan yoʻli, hazar qilishlariga loyiqligi, shu qismatning egasi ekanligining oʻzi.

Har nafasdan natija kutmang, shu nafasning oʻzi sizga mukofot yoki jazo (yaxshi inson sifatida nafas olish ham bir baxt(dir)):

® Ramziddin Abdikhalil

™️ https://t.me/Taskinnn

#dars

Koʻzi ojiz insonlar uchun quyosh botishi va dunyoning yetti moʻjizasi, kar-soqov insonlar uchun musiqa jilosi nomli maʼruza tugallandi, maʼruzachilar hursand, qoʻl oyogʻi yoʻq insonga koʻrsatilgan barmoq mashqi esa yigʻilganlar kayfiyatini koʻtardi.

Natija kutilyapti, ancha mehnat qilindi, trenerlar uchun qoʻshimcha oylik toʻlash qoldi.

® Ramziddin Abdikhalil

™️ https://t.me/Taskinnn | ®️https://t.me/Ramziddin_Abdikhalil

Ikkinchi jahon urushi tugaganidan so‘ng, ushbu xat fashistlarning konslagerida topilgan bo‘lib, unda o‘qituvchilarga murojaat qilingan quyidagi xabar mavjud:

"Hurmatli ustoz, men konslagerdan omon qolganman. Ko‘zlarim hech kim guvoh bo‘lmasligi kerak bo‘lgan narsalarni ko‘rdi:
Bilimli muhandislar tomonidan qurilgan gaz kameralarini.
O‘qimishli shifokorlar tomonidan zaharlangan bolalarni.
O‘qitilgan hamshiralar tomonidan o‘ldirilgan chaqaloqlarni.
Maktab va kollej bolalari tomonidan o‘ldirilgan ayollar va bolalarni.

Bundan keyin men ta’limga shubha bilan qarayman.

Mening iltimosim: O‘quvchilaringizga inson bo‘lishiga yordam bering. Sizning sa’y-harakatlaringiz hech qachon bilimdon yirtqich hayvonlarni, malakali psixopatlarni, o‘qimishli savodsizlarni keltirib chiqarmasligi kerak.

O‘qish, yozish, hisob-kitob qilish farzandlarimizni yanada insonparvar bo‘lishiga xizmat qilsagina muhim bir ahamiyatga ega bo‘ladi."

© Facebookdan olindi

™️ https://t.me/Taskinnn

#Fikr

Odatda yomon insonlardan aqilli fikr, yaxshi insonlardan esa hayrli fikr chiqadi.

® Ramziddin Abdikhalil

™️ https://t.me/Taskinnn

Formula

Halol(33%) + mehnatkash(33%) + sodda(33%) + xato(1%) = yomon odam

Kibrli(25%) + badnafs(25%) + nomard(25%) + ikkiyuzlamachi(25%) = yomon odam

Beparvo(25%) + loqayd(25%) + neytral(25%) + sirli(25%) = yomon odam emas):

Baʼzan muhit aldab qoʻyishi mumkin, baʼzan qarash. Lekin birinchisi qolgan ikkisiga qaraganda xavfliroq.

® Ramziddin Abdikhalil

™️ https://t.me/Taskinnn

Dars

Bir para dars, 40 ta talaba, 80 daqiqalik dars uchun oʻqituvchi keldi, talablar ham, kimdir shu vaqt mobaynida gapirishi, ikkinchi tomon esa jimgina eshitishi kerak.

Dars tugadi, missiya yaxshi yakunlandi, ikki tomon ham shunga majburligi va tartib shundayligi uchun vaqtni oʻtkazdi, sovuqqonlik bilan.

Shakl bexato, mazmun va mohiyat aks. Ertasi kuni 3 para, qolgan kunlari ham):

® Ramziddin Abdikhalil

™️ https://t.me/Taskinnn

#tavsiya

◼️ Botir Qodirov - Dunyo

™️ https://t.me/Taskinnn

#dargoh

Gʻulomga ustozi bir zamonlar aytgan edi, qilayotgan ishlaring yaxshi lekin unutma, bu dargoh sening xizmatlaringni unutmaydi, eslamaydi ham.

Hayrli va halovatli yoʻlda boʻlsak hech kim unutmasa ham, eslamasa ham mayli emasmi,

® Ramziddin Abdikhalil

™️ https://t.me/Taskinnn

Targ'ibot

Targ'ibot uchun eng yaxshi va qulay joy bu oshxona, chunki insonlar qorni to'q bo'lsagina kimningdir gapiga quloq solishadi. Oshpazga esa halal berasiz):

® Ramziddin Abdikhalil

™️ https://t.me/Taskinnn

Suhbat:

- biz erta tongda 3000 metr masofaga yugurib kelamiz, sog'lik va tetiklik uchun;
- biz ham minglab metr masofani bosib o'tamiz, tirikchilik uchun;
_____________________________________
- biz tushlikka oqsilli mahsulotlarni iste'mol qilamiz, taomlardan zavq olamiz;
- biz esa kechadan qolgan ovqatni yeymiz, yashash uchun;
_____________________________________
- biz hayotdan zavq olish uchun chet ellarga sayohat qilamiz, hayotga bir martta kelamiz ahir;
- sizning chet elga qilgan bir marttalik sayohatingiz bizga bir umirga yetsa ajab emas.

® Ramziddin Abdikhalil

™️ https://t.me/Taskinnn